رد: فوق هام السحب ( الشعر الشعبي) على متن القوافي
 

‏لا يفجعك الفراق الا بديت اطرّي المنكاف
‏ترى ربي خلقك لحالك وخالقني لحالي

‏ليه اكترث للشمس لاهفّت ورا المشراف
‏وهي لا هفت اول ما يقفي عني ظلالي

.....

رد: فوق هام السحب ( الشعر الشعبي) على متن القوافي
 

‏يا عيـون اللـي مـن ظلاله مذيّر
‏ما يدانـي لمحة العين البصيره

‏من قوانـيص الضبا قدهو مطيّر
‏شايفٍ شحن البنادق بالذخيره

‏فيك من عنقه ومبسمه الصغيّر
‏والعيـون الناعسات المستديره

.....

رد: فوق هام السحب ( الشعر الشعبي) على متن القوافي
 

‏على النقا نبقى ولو عاقنا عوق
‏ويبقى الوفا منا و فينا و إلينا

‏ووجيهنا بيضا و هاماتنا فوق
‏وإن ضاقت الدنيا ما ضاقت علينا

.....

رد: فوق هام السحب ( الشعر الشعبي) على متن القوافي
 

‏ما يصبر على الوقت غير رجّال
وما يسرج العنقا غير خيالها

ما كل من قال للمرجله فعّال
ولا كل من طلب المعالي نالها

.....

رد: فوق هام السحب ( الشعر الشعبي) على متن القوافي
 

اشلون تهجرني وأنا مالي على الهجر أحتمال
‏وشلون تهملني وأنا مانيب أطيق أهمالها

‏وشلون تقطعني بسيف البعد قطّاع الوصال
‏وأنا لو أقطع عرق قلبي ما قطعت وصالها

‏وشلون ما تشتاق ما ترحم ما تذكر ما تسال
‏وشلون ما تطلق يدين كبلت باغلالها

.....

رد: فوق هام السحب ( الشعر الشعبي) على متن القوافي
 

ابي سجّهٍ يسلا بها القلب لا غنيت
لعل الجروح تطيب والهم ينزالي

.....

رد: فوق هام السحب ( الشعر الشعبي) على متن القوافي
 

أنا أغليك من بد الخلايق ولا أدري ليش
‏ومن حبك أعطيتك على القلب ملكيّة

‏عطيتك وأنا عمري تعدى سنين الطيش
‏ولا خذت من عندك ضمانات بنكيّة

‏أمدك غلا من قلب صادق ومدك ويش
‏ سوى كيّة منك على الضلع مركيّة

.....

رد: فوق هام السحب ( الشعر الشعبي) على متن القوافي
 

من عرفك وما قضى عمره طروب ومسفهلي
‏من لقاك وما لقى الدنيـا مثل وجهك جميله

‏منت بالظبي الجفول ومنت بالظبي المفلي
‏الظبـا مـا تسجن العاشق ولا تخلي سبيله

.....

رد: فوق هام السحب ( الشعر الشعبي) على متن القوافي
 

‏مغتني بالله لامن عطا يغني عطاه
‏كل مده من طرف بحر جوده وافيه
‏
‏والنفوس اليا استعزت تعلمها الغناه
‏مكسب الإنسان فالوقت ستر وعافيه

.....

رد: فوق هام السحب ( الشعر الشعبي) على متن القوافي
 

‏يا غاية القلب هاك القلب دون الوصاه
‏جميلك ف جيتك وايامنا فانيه

‏يوم استوت عندي وراح الامل فالحياه
‏جيتي وشفت الحياه بنظرةٍ ثانيه

.....

رد: فوق هام السحب ( الشعر الشعبي) على متن القوافي
 

بارك الله بالهوى والليل وأنفاس المدينة
‏وقصّر الله خطوة الغالي وقلل من سفرها

‏استراح الضيق وايديني مشابك في يدينه
‏ودّي إن سنيني بذيك الثواني مختصرها

‏كيف يقدر شخص يجمع راحة الدنيا بعينه
‏لا نظر لي كنّه يجمّع ذنوبي ويغفرها

.....

رد: فوق هام السحب ( الشعر الشعبي) على متن القوافي
 

‏اعتقد والحياة بكبرها مُعتقد
‏مبتداها وصول ومُنتهاها رحيل

‏عشّ كمَا شئت لا مُنكر ولا مُضطهدّ
‏وايقن ان ما ورى غيب المنايا دليل

.....

رد: فوق هام السحب ( الشعر الشعبي) على متن القوافي
 

اشوف واسمع واميز فالعرب وأدري
واعرض عـن علوم ٍما كنّي بها داري

.....

رد: فوق هام السحب ( الشعر الشعبي) على متن القوافي
 

لا تزيد المواجع خلني قد نسيت
لا تقلب بقلبي صفحة الذكريات

.....

رد: فوق هام السحب ( الشعر الشعبي) على متن القوافي
 

‏لا تدور من ورى العالم شعور
‏اشعر بنفسك ونفسك تشعرك

‏وأي واحد قال لك هذا غرور
‏قول له بكره تجي واذكّرك

.....

رد: فوق هام السحب ( الشعر الشعبي) على متن القوافي
 

‏لا تامن العالم ولا تامن الغيب
‏دنيا تقلب بين حزن وسعاده

‏واللي مع الله ما يجي قلبه الريب
‏والله يدبر ما يشـاء في عباده

.....

رد: فوق هام السحب ( الشعر الشعبي) على متن القوافي
 

‏من حبه الله يحبّب فيه خلق الله
‏لو كان ماهو من الأسيـاد والسّاده

.....

رد: فوق هام السحب ( الشعر الشعبي) على متن القوافي
 

‏لو مالت ظروف المقادير ما ملت
‏الراس صامل والمنازل رفيعه

‏واذا تحدتني هموم الزمن قلت
‏بكرة تزين ورحمة الله وسيعه

.....

رد: فوق هام السحب ( الشعر الشعبي) على متن القوافي
 

‏العمر ماهو خطأ لا راح لجل أجودي
‏يستاهل العمر منهو بالمواقف عطى

‏أما الرفيق اللي تعرفه رخيص وردي
‏هذا هو اللي وجوده في حياتك خطأ

.....

رد: فوق هام السحب ( الشعر الشعبي) على متن القوافي
 

‏ماني بربان لكن الزمن رباني
‏سابح سبع البحور اللي محد سابحها

‏لابغيت العقل عقلي بالعرب قداني
‏وان شطحت اشطح بشطحه محدٍ شاطحها

.....

رد: فوق هام السحب ( الشعر الشعبي) على متن القوافي
 

‏الطيب ماهو سهل والا الردا هّين
‏والناس بالطيّبه تشرا وتنباعي

‏والمنطق المحترم والجانب الليّن
‏اطيب من الكلمه اللي مالها داعي

.....

رد: فوق هام السحب ( الشعر الشعبي) على متن القوافي
 

‏مرحبا من سبب ولّا بليَّا سبايب
‏يا سبب كل جرح ويا دوا كل علّة

‏يا حبيبي بدون أدنى شكوك وطلايب
‏والله وبالله اللي كوَّن الكون كلّه
‏
‏إنك الحاضر اللي كن ماهوب غايب
‏وإنك الغايب اللي ماتغير محلّه

‏وأنك أغلى من أغليته وسيد الحبايب
‏دام قلبي يحب وربي وربك الله

.....

رد: فوق هام السحب ( الشعر الشعبي) على متن القوافي
 

‏سيّد الليل وأنفاس الفجر والمغيب
‏من شرا شوف عينك ماشكى غشّها

‏لو عصافير حيّك ماتشوفك حبيب
‏ما بنت في نوافذ غرفتك عشّها

.....

رد: فوق هام السحب ( الشعر الشعبي) على متن القوافي
 

‏دموع الرجال تِعيب وتضر بالسمعه
‏وبالذات لا طاحت على سالفة زله

‏احايل عيوني كل ما طاحت الدمعه
‏على شان ما نبكي ونبلش بخلق الله

.....

رد: فوق هام السحب ( الشعر الشعبي) على متن القوافي
 

ما وعدتك وجيت الا وكلي رضا
‏والله اللي عليمٍ والله اللي شهيد

‏الغلا لك بقلبي والغلا ما انقضى
‏والدليل ان حبك منتمي للوريد

‏لو تقاضي حبيبك مثل حكم القضا
‏ما تخلا ولا فكر يروّح بعيد

.....

رد: فوق هام السحب ( الشعر الشعبي) على متن القوافي
 

‏ما ادري كسرني قلبي وظني الزين
‏والا جبل هقواتي اللي تهاوا

‏والا أنت ياللي منْك ما نامت العين
‏خلّيتني ويّا الجروح أنتخاوا

‏جيتك بجرح ورحت منّك بجرحين
‏والجرح من غالين صعب ايتداوا

.....

رد: فوق هام السحب ( الشعر الشعبي) على متن القوافي
 

‏عطيتك اللي ما عطيت اقرب الناس
‏وعلقت فيك أحلام عمري وضاعت

‏لي قلب مايقسى وصادق وحساس
‏ولي عين ماصدت وخانت وباعت

‏ولك قلب طيب بس ما عندك احساس
‏ولك عين ماشافت جروحي وراعت

‏جيتك على وضح النقى رافع الراس
‏وطوعت لك نفسٍ عزيزه وطاعت

‏ابعتبر حبك مثل غلطة إحساس
‏وانت اعتبرني مثل فرصه وضاعت

.....

رد: فوق هام السحب ( الشعر الشعبي) على متن القوافي
 

‏فنـجال قهــوه وأبتـسامه وسعة بال
‏تلقـى المســاء يروق لو كنت ضايق

‏لا تقـول مـالي خلـق وتـكـدر الحـال
‏حـــاول تـعيــش من التفـاؤل دقـايق

.....

رد: فوق هام السحب ( الشعر الشعبي) على متن القوافي
 

بعض العرب غطى على ريحة العود
‏نظيف قلــــــب وخوته ترفع الرأس

.....

رد: فوق هام السحب ( الشعر الشعبي) على متن القوافي
 

‏يا صاحبي ماني على خبرك الــعام
‏أنـا تـغـيــرت وتـغــيــر زمـــانــي
‏
‏شفني بعد صارعت قـسوات الأيام
‏مـن كــثـر ما عانيت ما عــاد أعـاني

.....

رد: فوق هام السحب ( الشعر الشعبي) على متن القوافي
 

‏زمان اول تحوّل غصب ولّا طوع
‏ابي اعرف متى وشلون يتحوّل
‏
‏يغيّر هالزمن والحلو فالموضوع
‏انا اللي ما تغيّر من زمان اول

.....

رد: فوق هام السحب ( الشعر الشعبي) على متن القوافي
 

عذرك هزيل وسالفتك أجوديه
بعض الحكي ماهوب مفروض ينقال

ان كان قصدك بالخطا طيب نيه
لا تصير طيب حاول تصير رجال

.....

رد: فوق هام السحب ( الشعر الشعبي) على متن القوافي
 

ما حسبنا للزلايب ولا هرج الرخوم
خشمٍ نقدر جنابه وخشمٍ نلطمه

ومن علينا يحمل سلاح ويحرش خصوم
والله ان نسلب سلاحه و نخلع محزمه

.....

رد: فوق هام السحب ( الشعر الشعبي) على متن القوافي
 

لا شفت من يزعل بليّا خطا منك
‏حاول عن اسباب الزعل لا تقصّى

‏أمّا لقى نمّامٍ مسولفٍ عنك
‏والّا على ما قيل خبلٍ موصّى

.....

رد: فوق هام السحب ( الشعر الشعبي) على متن القوافي
 

أمشي على طيب الفكر والنوايا
وان طابت النيه ترى سعيها طاب

لاصارت الحاجه بايدين الردايا
اقفيت أردد منة الناس بتراب

.....

رد: فوق هام السحب ( الشعر الشعبي) على متن القوافي
 

ارتح من صدوف المقادير وامن
‏واضحك وعيش المقبلات بشقاوه

‏عاد انت لو تدري مسمّى على من
‏من الفخر عطيت ابوك السماوه

.....

رد: فوق هام السحب ( الشعر الشعبي) على متن القوافي
 

حيّ الله اللي قباله عالمٍ ثاني
‏أسج به عن غثاء الدينا وما فيها

.....

رد: فوق هام السحب ( الشعر الشعبي) على متن القوافي
 

عليك الغلا مردود يا الغايب الموجود
‏سوالفك غابت مير طواريك ما غابت

‏غيابك حضورٍ له بصدر البيوت شهود
‏ويش اللي يغيّب ضحكتك والغلا ثابت

‏أحنّك مثل ما حن وجهي من المنقود
‏وأعدّك ليا عديت الأيام وش جابت

.....

رد: فوق هام السحب ( الشعر الشعبي) على متن القوافي
 

المحبة من الله والغلا له سبايب
وانت سبة غلاك اني احبك من الله

.....

رد: فوق هام السحب ( الشعر الشعبي) على متن القوافي
 

الديره اللي غلاها زاد فيني وفاض
واغليتها من غلا اهلها وسكانهـا

يجتاحه الشوق ويغازل فصول الرياض
ويكتب قصيد الغزل كله على شانهـا

.....