رد: فوق هام السحب ( الشعر الشعبي) على متن القوافي
 

غايتي يانفس ماهي مستحيلة
لو تطير أحلام عمري من يديني

ودي إني كل صبح وكل ليله
مرضي ربي ومرضي والديني

.....

رد: فوق هام السحب ( الشعر الشعبي) على متن القوافي
 

ان ما تعبت لغاية الحلم ما ارتحت
بيضيع عمرك بين الأفضل والأسوء

حتى مطيحك ودك إنك ليا طحت
ما تطيح لك من شي ماهوب يسوى

.....

رد: فوق هام السحب ( الشعر الشعبي) على متن القوافي
 

تمكنت من روحي وماخذ ثلاث ارباع
بقى ربع واحد وانت حاكم مرابعها

يا ليت الظروف اللي تحدك لها مِقراع
ما تاخذ دروبك عن دروبي وتمنعهـا

.....

رد: فوق هام السحب ( الشعر الشعبي) على متن القوافي
 

تشـين وتـعود وبأمـر الله تـزين
‏مافيـه نفـس بالنكايـد مـديمـه

‏يعـطي وياخذ والقسـا يعقبه ليـن
‏عـظيم واقـداره بفضـله عظيـمه

.....

رد: فوق هام السحب ( الشعر الشعبي) على متن القوافي
 

اتصل لك في خيالي كــل ساعه
والحديث يدور ما بينك وبيني

يا خشيف الريم في صوتك مناعه
وفي قبالك راحه الدنيا تجيني

انت عندي مثل ما غالي بضاععه
والبضاعه سمتها بباقي سنيني

.....

رد: فوق هام السحب ( الشعر الشعبي) على متن القوافي
 

عيش طيب ولكن كل شي له مــقام
خل قـلبك على صون الكرامه حـريص

لا تبالغ فـــي التــقـديـر والاهــتـمام
لجل ما يرخص الغالي ويُغلا الرخيص

.....

رد: فوق هام السحب ( الشعر الشعبي) على متن القوافي
 

ما كل من تحسن به الظن طيّب
احيان ظنك مـا يجي في مـحلّـه

مثل السراب اللي تشوفه قريّب
واليا قـربـته بالنظـر ضاع كـله

.....

رد: فوق هام السحب ( الشعر الشعبي) على متن القوافي
 

‏شفت الزمن وشلون يقسى علينا
صرنا انا وياك في حبنا اغراب

مدري من الدنيا او العيب فينا
صرنا نتجاهل بعضنا دون اسباب

.....

رد: فوق هام السحب ( الشعر الشعبي) على متن القوافي
 

‏مثلي مثل غيري مزاجي وحساس
ماهو ضروري مثل ما اصبحت أمسي

احيان اشعر ب ارتياحي مع الناس
واحيان مالي خلق حتى لنفسي

.....

رد: فوق هام السحب ( الشعر الشعبي) على متن القوافي
 

‏كل رغبه لو تجيني بعد طول انتظار
‏ما تعادل لـذة اللي تجي في وقتها

.....

رد: فوق هام السحب ( الشعر الشعبي) على متن القوافي
 

‏يا صاحبي لا تحبس أشواقك وعطني من غلاك
‏وأعطيك كل إللي ذخرته للسنين المقبله

‏خذ ماتبي من خبرتي فالحب والباقي فداك
‏وحافظ على أسرار المحبه وأصدق العشق أنبله

‏قلّ لي أحبك لين أشوف البرق يبرق من شفاك
‏وأقول أحبك لين ينبت لك في صدري سنبله

.....

رد: فوق هام السحب ( الشعر الشعبي) على متن القوافي
 

‏كل يوم يمر واحلامي وراه تنادي
‏والظروف السود ترسم خطّها وتسنّه

‏ما كسبت من الغياب المُر غير عنادي
‏وما طمعت الا لبابٍ من وراه الجنّه

‏من هدى نفسه لرشده مؤمنٍ متهادي
‏مايهمّه شي دامه متّبِع للسِنّه

.....

رد: فوق هام السحب ( الشعر الشعبي) على متن القوافي
 

‏تمرّ البال ياسيد الوجيه اللي تمرّ البال
‏تمرّ البال والساعة توقف لك دقايقها

‏توّقف لك دقايقها رضا نفس وقدر وأجلال
‏على لحظة لقا من بدّ هاللحظات سارقها

‏أحبك كثر ما ذعذع لك الغربي وعودك مال
‏أحبك كثر ما تكذب علي عينك وأصدقها

.....

رد: فوق هام السحب ( الشعر الشعبي) على متن القوافي
 

‏فمان الله ياحب وقف ماكمل المشوار
‏عرفنا مفرق الدربين مايحتاج تكميله

‏بقت بس المعزه بيننا ماكن شي صار
‏وصرنا اغراب عقب الود يادنيا من انتي له

‏فمان الله ياقصه غرام واصبحت تذكار
‏صنعها الحب في لحظه ولاكمل تفاصيله

.....

رد: فوق هام السحب ( الشعر الشعبي) على متن القوافي
 

الهوى دربه طويل وحرّ شمسك جايزٍ لي
‏كلما ازداد الشعور تقل لرضاك المسافة

‏لا تحاول يا بعد كل الأحبة خاطر اللي
‏ما تلدّد في ديارك غير من كثر الحسافة

‏إن رضيت أجيك كلي وإن زعلت أجيك كلي
‏أنت ذنبٍ لو يُعاد الوقت بأعيد اقترافه

.....

رد: فوق هام السحب ( الشعر الشعبي) على متن القوافي
 

‏جيتــك امسي يا منــى الروح بالنور
وأقـول يا الغالي هـلا كيـــف حـالك

يالله عساك بخـير طيـــب ومسرور
ويالله عساني مانحـرم من وصالك

وعساك طول العمر بالخير مغمور
وعسى السعاده دايـم الدوم فالك

.....

رد: فوق هام السحب ( الشعر الشعبي) على متن القوافي
 

‏أمرّ الدرب وأشوفه عتيم ومن عليه أشباح
‏وتِشرق لي دهاليز الطريق إلى ضحك سنّك
‏
‏مثل ما كنت أجيك من التعب والناس لاجل أرتاح
‏جعل ما آجي ما بين الناس أدوّر راحتي عنّك

.....

رد: فوق هام السحب ( الشعر الشعبي) على متن القوافي
 

‏رفيق الدرب تذكرك الليال الموحشه بالخير
‏وعينٍ لا تناست شافتك وسط القمر صوره

‏تمّتع واضحك بوجهي كِبر واللي يصير يصير
‏ابيك تغيض حزني لين يطلع عن مدى طوره

‏يصبرني على بعض الشعور انّك لا زلت بخير
‏انا احوالي ليا منّك غديت بخير مستوره

.....

رد: فوق هام السحب ( الشعر الشعبي) على متن القوافي
 

كيف اهمّش دور ذكراك مع مر السنين
‏والطواري مالها شغل غيرك من إلى

‏أنت مثل الدمعه اللي ورا جفن الحزين
‏ان ردعها ما سلى وان ذرفها ما سلى

.....

رد: فوق هام السحب ( الشعر الشعبي) على متن القوافي
 

‏لاتعاند شوفنـــي عايـــــش وحيد
مامعي في الكـون معشوقً سواك

انت ساكـــن يا الغـلا بيـن الوريد
مااحـد قبلك وصـل في مستواك

يا رقيــق الطبـع يا الذوق الفريد
ليت تعـرف داخلـي معنى غلاك

انت عشق وانت حب وانت عيد
وانت نـــور الكون وانـواره معاك

.....

رد: فوق هام السحب ( الشعر الشعبي) على متن القوافي
 

هلا بك كثر ما ماتت جروح وزانت أخلاقي
‏حسافة عمري اللي قد مضى لي ما عرفتك به

‏تسنّد بي أنا أصدق من ظنون الخايف الهاقي
‏وتعال وموطنك صدري إذا حسيت بالغربة

.....

رد: فوق هام السحب ( الشعر الشعبي) على متن القوافي
 

لا تحبس الدمعه عن العين بسكات
أنا لو إني قادر اجيك جيتك

قطعت لعيونك طوال المسافات
ولا انتهت فيني على باب بيتك

حتى لو أعيد النظر ف العلاقات
وانسى ثلاث ارباعها ما نسيتك

أنساك هذي ثامن المستحيلات
السابعه كانت لقاك ولقيتك

.....

رد: فوق هام السحب ( الشعر الشعبي) على متن القوافي
 

فمان الله يا قصه غرام واصبحت تذكار
صنعها الحب في لحظه ولا كمل تفاصيله

.....

رد: فوق هام السحب ( الشعر الشعبي) على متن القوافي
 

‏على ضحكاتك تساق البشاير للوزن والقاف
‏لا عديت البيوت اللي من الاعماق مقصوده

‏لقيتك فالبداية امنيّات ورحلة استكشاف
‏واثاري مقبلات الخير في غرتّك معقوده

‏انا اللي كنت احبك ضعف واليوم بثمان اضعاف
‏معاك الحب ولذات الهوى ما هيب محدوده

.....

رد: فوق هام السحب ( الشعر الشعبي) على متن القوافي
 

‏اخذت القلب كله ما حشمت معاتب الضلعين
‏ولا خليت لي عرقً اجامل به محبيني

‏أصد العين عنك كثر ما ودي ألد العين
‏اخاف عيونهم تبحث خفاي وتلمحك فيني

‏أحبك كثر ما أحب الشعر وأتملل الروتين
‏و أحبك كثر ما أكره غيابك عن نظر عيني

.....

رد: فوق هام السحب ( الشعر الشعبي) على متن القوافي
 

: حبيبي لا تخليني انا مدري وش اللي صار
وش اللي حايلٍ بيني وبينك ما تحاكيني

انا مأظن زعلتك وفكري تآيه ومحتار
افكر بالجفا اللي صايرٍ منكم معنيني

انا حبك يقويني بدون الحب انا انهار
تعالي يا بعد عمري بجنبي لا تخليني

تعالي نجتمع في قلب واحد ننهي المشوار
وابطفي شمعة الدنيا لجل نورك يكفيني

تعالي وافتحي قلبك وقولي خافي الأسرار
ولا تكتم بقلبك هم وافرح يا نظر عيني

انا لا من تبسمتي من عيوني عليك أغار
اذوب بصوتك وهمسك وبسلوبك تشديني

انا لجلك حيآتي ذقت انا في دنيتي أمرآر
وانا ما ظن يا عمري بهاللحظه تجافيني

انا لجل الوفآ أوفيت ولاني بالهوى غدآر
اصون الحب لك وحدك ولا غيرك يهنيني

ولا مره تشك اني حبيبي غيركم اختآر
انا لك وانتي لي ما نفترق يا بسمة سنيني

أعيش الحب واسعدبه واعاند لجلك الاقدار
ولوا كان الزمن ظالم لذيذ الشوق يكفيني

حمدان خلف النماصي

رد: فوق هام السحب ( الشعر الشعبي) على متن القوافي
 

الاكرام لو تنوش شيٍ ماهو يناش
حدتها عن علومٍ كثيره كرامتها

اعزاز النفوس اللي على الذل ما تعتاش
تموت بشرف ما يرخي الوقت هامتها

خليل بن هدلان

رد: فوق هام السحب ( الشعر الشعبي) على متن القوافي
 

الذكريات اللي يلاعبني هواها كل حين
‏على مرارة قسوة الدنيا ماهيب محلّيه

‏أحس بأحساس متقلب لا سعيد ولا حزين
‏وأعيش وظروف الحياة معليه ومدليه

‏تمرني لحظات أردد تالي الدنيا تزين
‏وتمرني لحظات أقول إن الأمور مولّيه

.....

رد: فوق هام السحب ( الشعر الشعبي) على متن القوافي
 

‏ما عاد باقي للدموع الصامتات الا شوَي
‏والحمد لله خافقّي ماهو ببايع سمعته

‏حبَيتها وانا الشجاع الي عطاها كل شي
‏وفارقتها وانا الكبير اللي ما طيّح دمعته

.....

رد: فوق هام السحب ( الشعر الشعبي) على متن القوافي
 

‏حبيبي والسلام ابطى علينا والعذر موجود
‏سِلمنا من سلامٍ ما وراه مواصل مبارك

‏عيوني ما تشوف إلا وصالك حلمي المنشود
‏لو إن دونه مشاريه الرحيل وظلمك ونارك

‏يعورني كلام إنك رحلت ومستحيل تعود
‏وأنا مدري عن شعورك ولا ادري عن هوى دارك

.....

رد: فوق هام السحب ( الشعر الشعبي) على متن القوافي
 

بارك الله بالهوى والليل وأنفاس المدينة
‏وقصّر الله خطوة الغالي وقلل من سفرها

‏استراح الضيق وايديني مشابك في يدينه
‏ودّي إن سنيني بذيك الثواني مختصرها

‏كيف يقدر شخص يجمع راحة الدنيا بعينه
‏لا نظر لي كنّه يجمّع ذنوبي ويغفرها

.....

رد: فوق هام السحب ( الشعر الشعبي) على متن القوافي
 

‏بغيتك وحظي بالمواصل لك الله شح
‏خذتك الليال وفيك لازلت متجود

‏توكل على الله لا تناظر وراك ورح
‏وليا صكتك الايام واحتجتني عود

.....

رد: فوق هام السحب ( الشعر الشعبي) على متن القوافي
 

وترحل ما لحقك إلا القصِيد وشرهة الطلاب
‏وقلبٍ ما يخونه في الحياة إلّا تجاريبه
‏
‏أنا ماني بعاقلك الدروب ولا رضيت أحباب
‏حزين إني أشوفك حق وأنت تشوفني ريبة
‏
‏لو إن الغيمة أقفت ما تلحقت الهبوب عتاب
‏أنا حتى الجفاف إن كان في طارفك راضِي به

.....

رد: فوق هام السحب ( الشعر الشعبي) على متن القوافي
 

يطيح الليل من عيني وأدور بالدروب احساس
‏ولا أسمع صوت بالدنيا سوى شعري وخطواتي

‏ظلام الشوق ياخذني على كف الحزن واليأس
‏ ياثقل الظلم لا قامت تعاتبني طموحاتي

‏احس بصدري المعبد واحس براسي الأجراس
‏ يـدق الحزن في راسي وتضحك لي خرافاتي

.....

رد: فوق هام السحب ( الشعر الشعبي) على متن القوافي
 

الحنين اللي على وجهك عن الخذلان خبّه
‏خلنا مابين لوعة شوق وشفاقة رسالة

‏الحطب لا طاح من عقب العتب لازم نشبّه
‏يا أصدق أجوبْة الوجود أن كان حاير في سؤاله

‏ووجهك اللي في رفوف الذاكره والله لا أحبّه
‏لو رضيت أو ما رضيت أوعدك أحبه لا محاله

.....

رد: فوق هام السحب ( الشعر الشعبي) على متن القوافي
 

‏دوروا لي عمر ثاني هالعمر ماخوذ خيره
‏بين لوعات الغياب اللي التوى خيره بشره

‏ما سكن غيره خيالي والغلا ماهو لغيره
‏واحدٍ لا من طرالي جاب طاريه المسره

‏والله اني في غرامه لين لحظاتي الاخيره
‏ما تنزح لين نجم سهيل ينزح من مقره

.....

رد: فوق هام السحب ( الشعر الشعبي) على متن القوافي
 

‏إذا بغيـت أفــرح وخانقني الشوق
أرجع و أدور راحتــي فـي الرسايل

اقراء كلامـك يبتعـد منـي العوق
واحس راحةتنعش القلب واصل

لكن فديتـك يا غلا الروح برفوق
قلبي تــرى ما عاد للشـوق شايل

ارحم متيم قلبه اليــوم محروق
من غيبتك ضاقت علية الوسايل

.....

رد: فوق هام السحب ( الشعر الشعبي) على متن القوافي
 

الخصوم اللي تصيّد من ورانا مستجنّة
‏ما لقت شيٍ يقال ولا لقت عيبٍ يذاعي

.....

رد: فوق هام السحب ( الشعر الشعبي) على متن القوافي
 

‌‎عز نفسك وارتقي وخلّك طموح
الطموح بعزم يرفعك السما

لا تهاون لا نويت تروح روح
خل عزمك مثل ما يروي الضما

.....

رد: فوق هام السحب ( الشعر الشعبي) على متن القوافي
 

‏دمح الخطا بين الرفاقه والاقراب
مثل المطر عقب الدهر والهبايب

وكثر العتب ومطاردة ويش الاسباب
مامن وراه الا الكدر والمصايب

.....