رد: فوق هام السحب ( الشعر الشعبي) على متن القوافي
 

‏الراس مملي بالعتب والعين تملاها الملام
‏والعقل ناوي والخفوق يحاول إنه يسترك

‏يا ما تحمّلتك وشلت الضيق في يدين السلام
‏وياما تزاعلنا وحتى بالخصام اقدرك

‏ما عاد عندي حيل أكثّر بالعناد و بالكلام
‏في ذمتي لا طال موضوعك معاي ابخسرك

.....

رد: فوق هام السحب ( الشعر الشعبي) على متن القوافي
 

‏يا خِل فيني شــوق ما حل بإنسان
يا خِل احس الروح ماهي بروحي

يا خِل حبي في سما حُبك ادمان
يا خِل داوينــي وداوي جروحي

يشهد عليا من خلق كل الاكوان
الواحــد اللي يعلم اسرار روحي

إني احبك حُـب ماحبــه انسان
حبً من الاعماق يا روح روحي

.....

رد: فوق هام السحب ( الشعر الشعبي) على متن القوافي
 

‏لو الغـلاء يُكتـب علـى كــف مغليك
نقشت حرف اسمك على كف يمناي

ولو العمر يهـدى على الناس لهديك
عمـــــري وكل اللـي ملكتـه بدنياي

يا سكنــن روحــــي انا ميتــن فيك
واهواك واحبك من اقصاي لقصاي

ومن زود حبـك يا غلا الروح افديك
بروحي وقلبي لك مع كامل اعضاي

.....

رد: فوق هام السحب ( الشعر الشعبي) على متن القوافي
 

‏لاتعاند شوفنـــي عايـــــش وحيد
مامعي في الكـون معشوقً سواك

انت ساكـــن يا الغـلا بيـن الوريد
مااحـد قبلك وصـل في مستواك

يا رقيــق الطبـع يا الذوق الفريد
ليت تعـرف داخلـي معنى غلاك

انت عشق وانت حب وانت عيد
وانت نـــور الكون وانـواره معاك

.....

رد: فوق هام السحب ( الشعر الشعبي) على متن القوافي
 

‏يوم خيرني الزمن فالناس سهلت إختياري
‏كنت أشوفك كل هالدنيا بعيني كل حزه

‏ما عشقتك نزوه وعذبتك بطول إنتظاري
‏جيتك أسرع من جناح الطير لا عجل مفزه

‏لا توقفني على حفة شموخي وإنكساري
‏ولا تساومني على العزه مدام إن لي معزه

.....

رد: فوق هام السحب ( الشعر الشعبي) على متن القوافي
 

‏شعوري معك يحتار يبدا معك من وين
‏تلوم السكوت ومن يشوفك معه عذره
‏
‏لا عمّ الشعور الصمت ناظر عيوني زين
‏كلام العيون اصدق من الصوت والنبره

.....

رد: فوق هام السحب ( الشعر الشعبي) على متن القوافي
 

عليه من الملامة ما يصحح غلطة المخطي
‏و أنا باسقي نوابت ضيقتي بأسوء قراراتي

‏باصد وباشعل من الهجر نار وتنطفي نارين
‏واروح الروحه اللي توجع أرضي ثقل خطواتي

‏باشبع رغبة الهجران فيني واتماد لين
‏احس اني على كثر ابتعادي مرضي ٍذاتي

.....

رد: فوق هام السحب ( الشعر الشعبي) على متن القوافي
 

ذروة الاحتياج وذروة المشتهى
‏كنت المزايا وكل الناس كانوا عيوب

‏وكانت يدينك سراب ولا تناوشتها
‏مرّيت مثل الحياه ورحت مثل الهبوب

‏حلوك و حلو الليال اللي معك عشتها
‏مع انها كانت اقصر من حبال الكذوب

.....

رد: فوق هام السحب ( الشعر الشعبي) على متن القوافي
 

ترا الوفاء بقلوبنا ما له أسباب
فطرة خلقها الله وصارت طبيعه

نسأل عن الخلان ونعز الأحباب
واللي شرانا بالغلا ما نبيعه

.....

رد: فوق هام السحب ( الشعر الشعبي) على متن القوافي
 

عليه اللوم ودموع الهقاوي والسلام الحار
‏كثر ماكان في صدري حكي قاسي ولا قلته

‏رميته بالفراق الواضح اللي ما عليه غبار
‏وغسلت ايدي وقلبي من هذاك اليوم غاسلته

‏بيفقدني وياكله الندم وبتوجعه الافكار
‏وأنا جعل الله يقطعني إذا في يوم واصلته

.....

رد: فوق هام السحب ( الشعر الشعبي) على متن القوافي
 

مشاعر العشاق دايم من صراع الى صراع
‏لو ينتهي عمر المحبه ما انتهى مفعولها

‏اللي عيونه يمكن توصّلني لحد الضياع
‏صوته يحسسني بأمان من الليال وهولها

‏عذروبه انه يطوي احلامي مثل طي الشراع
‏وعذروبي إني ما اترك الأحلام لين انولها

.....

رد: فوق هام السحب ( الشعر الشعبي) على متن القوافي
 

أنا المقتنع بإن آخر المجريات أنصاف
‏لـذا مـا تزيد جروحي إلّا أبتسامـاتي

‏ولو مهل الله ما هـمّـل قلبي الشفاف
‏ يجـي يــوم و الدنيا تـعـدّ انتصاراتـي

‏ تخافون دورات الليالي و أنا ما اخاف
‏ تبي تـرد لـي معروفي وبيض وقفاتـي

.....

رد: فوق هام السحب ( الشعر الشعبي) على متن القوافي
 

سامح الله من خذا مني هدوي وإرتياحي
‏لين حدني على بعض الأمور اللي مابيها

‏مرحلة مدري متى تعتقني وتطلق سراحي
‏ما قدرت أعيشها ولا أنتقل للي يليها

‏لو تساعدني خطاوي رجلي بحزة مراحي
‏من يساعدني على روحٍ يدب الشوق فيها

.....

رد: فوق هام السحب ( الشعر الشعبي) على متن القوافي
 

‏من يلومك شايفٍ حالك وفي بداية شبابك
‏ طاغي تجرح قلوب الناس تحسبها بطوله

‏يا كثر ما كانت ظنوني دخيل الله تهابك
‏بس اكذبها وأقول اوهام والقلب وميوله

‏وأثرك اللي تستلذ إن ذاقوا العالم عذابك
‏مشكلة والمشكلة هذي بسيطة ومحلوله

.....

رد: فوق هام السحب ( الشعر الشعبي) على متن القوافي
 

أحبك ولو عادت جميع الوجيه أغراب
‏خذيتك أمان يشرّد الخوف من طيِبه

‏أشوف الحياة اللي مع الناس ملح وذاب
‏وأشوفك يقينٍ يقطع الشك والريبة

‏أبيع السنين اللي بدونك برخص تراب
‏وأساوم على اللحظة معاك أنت باللي به

.....

رد: فوق هام السحب ( الشعر الشعبي) على متن القوافي
 

لا ياخذ الحرمان فرصه لين يكبر له مقام
‏ماينعطى الحرمان وجه أنا أعرف الحرمان زين
‏
‏والله ماطوي عن غلاك الوجد لين أطوى بخام
‏لو ما أطلع من العمر غير بطعنتين و دمعتين

.....

رد: فوق هام السحب ( الشعر الشعبي) على متن القوافي
 

‏ما دامك من بنات الغيم مدري من خوات النود
‏تمثّني للضلوع اللي تضمك .. و آتثنالك

‏أنا ميّت ضما و أنتي هواك العيلم المورود
‏يمرّ الموت بالي كل ما مرّ " الجفا " بالك

‏لا تعميك الدموع اللي ما خلقت للوساع السود
‏عسى روحي فدا واهج .. ثغرك و ليلك الحالك

.....

رد: فوق هام السحب ( الشعر الشعبي) على متن القوافي
 

على النسيان ما مرَّ الطريق ولا كساك إنصاف
‏مثل ما اواجه أقدار العمر ذكراك أواجهها

‏تبين بـ كل غيمة ما تضرّ .. وكل غصنٍ جاف
‏أشوفك فالوجيه اللي أحبّ وفاللي أكرهها

.....

رد: فوق هام السحب ( الشعر الشعبي) على متن القوافي
 

‏انا يـاريـف قلـبي لو لحقـني من زعـلك ارهـاق
‏طويت ايام عمـري في رضاك وقلت لك توبـه

‏فداك البـيد وعذوق النخـل والنـوق والاعـراق
‏وفداك اللي رحـل واللي بقى والحـزن وكروبـه

.....

رد: فوق هام السحب ( الشعر الشعبي) على متن القوافي
 

وسايل الشوق القديم وعطرك
واول لقاء على الرصيف الهادي

محفورةً بالقلب صوت وصوره
لو كان شفت الشيب فيني بادي

الحب نفحات سرى ساريها
تقول سيلٍ ضاربً له وادي

.....

رد: فوق هام السحب ( الشعر الشعبي) على متن القوافي
 

‏يا فرصة العمر الثمينه .. لا متى وانا انتظر
‏مات الشغف عندي و نفسي زادها ماتقبله

‏طال الصبر .. وانا انتظر وقول يازين الصبر
‏لكن ظروفي كل مايكبر طموحي .. تقتله

.....

رد: فوق هام السحب ( الشعر الشعبي) على متن القوافي
 

‏ياكثر الكلام اللي يدف الصدر بيديه
‏ يباا الانصراف وعوج الاضلاع مانعته

‏بلشنا فـ ابو وجهين مدري ثلاث وجيه
‏وسمحنا من الفلم الطويل ومتَابعته

‏يخيب الامل في واحدن كنت هاقي فيه
‏ويطيب ، الامل في واحدن ماتوقعته

.....

رد: فوق هام السحب ( الشعر الشعبي) على متن القوافي
 

مدامي في ذرى قلبك عن الصدمات والتقصير
‏ماعاد أخاف من طول الطريق وضيقة المسرى

‏أحبك والهوى فوق الكلام العذب والتفسير
‏ياوجهٍ فيه مستقبل شعوري ماغدا ذكرى

‏عرفت إنك فرح قلبي وضحكات الليال وخير
‏يا حلم العمر مابعدك غرام وفرصةٍ أُخرى

.....

رد: فوق هام السحب ( الشعر الشعبي) على متن القوافي
 

‏الناس نامــت مابقــي حد صاحي
ماغير انا واحساس قلبـي والافكار

نمسي نقضـي الليل بين النواحي
ونترجم اشواق المشاعر بالاشعار

هذا شعور اللي في الهجـر طاحي
واللي غدا قلبه من العشق منهار

يمسي يناجي الليل لين الصباحي
والرووح مشتاقـه وقلبـه على نار

.....

رد: فوق هام السحب ( الشعر الشعبي) على متن القوافي
 

‏مشتاق لك واحسـاس قلبي يناديك
وعينـي على شوفك تخايل بصـرها

الروح ذابــت يابعـــد روح مغليك
والنفس تعبت مـن غيابك كسرها

يا كم سهر قلبـي وشوقــه يناديك
يحاكي السما منك ويسال قمرها

وينك قسم نفسي ترى ذايبه فيك
والروح مشتاقه وبُعـــدك أسرها

.....

رد: فوق هام السحب ( الشعر الشعبي) على متن القوافي
 

‏يسعد مساء اللي على القلب غاليين
قبل اللسان القلــــب سـاق التحيه

مكانهم عنــدي على الراس والعين
وأحبهـــم في الله من طيــب نيـه

سـلام مـــن قلبي عليكــم ملايين
يا اهل النفـــوس الطيبه والوفيـه

يااللي غلاكـم في صميم الشرايين
ومكانكم وســط الضلوع الحنيـه

.....

رد: فوق هام السحب ( الشعر الشعبي) على متن القوافي
 

‏يا حبيــب الروووح لاتهـمــــل ضياعي
عاشقـــك اصبـــح في الدنيا قطيع

صرت مثل اليخـت مقطوع الشراعي
تايهـــن دربه في البحـــــر الوسيع

ليت يا المحبــوب تصغي لاستماعي
قبـــل ماعقلي مــن الفرقى يضيع

لاتعـــــذبني بهجــــــــري وانقطاعي
يكفي ان القلب من هجرك وجيع

.....

رد: فوق هام السحب ( الشعر الشعبي) على متن القوافي
 

‏القلب مغـرم في سمينات الارداف
ياجنس حوى ما احــب الرشاقه

روحي تحـب اللي بدينه بالاطراف
واللي بهــا سمنــه وخفــة لياقه

هذا انا المغــرم ولاعندي إخلاف
موافق بهـا اتزوج وادفـع سياقه

زين البدينه داخلي مالها اوصاف
والقلــب يعشقها لاخــر نطاقه

.....

رد: فوق هام السحب ( الشعر الشعبي) على متن القوافي
 

‏إن كنت لي مشتاق شوقي لك اضعاف
وشوقي ضعـف شوقـك بعشرين مره

ياليت كان الشـــوق بالعيـــن ينشاف
كانك عرفت بكبــــر شوقـــي وقدره

ياخل شوقي لك قسـم ماله اوصاف
من غيبتــك قلبـــي تعــــذب بقهره

راعي شعـــورك لو مــن الله بتخاف
وارحم معـذب عاش دونك بحسره

.....

رد: فوق هام السحب ( الشعر الشعبي) على متن القوافي
 

‏الناس مـن حـولك يشوفـــك مرتاح
ويحســدوا حظـــك اذا كنــت رايق

مايـدروا ان النفـــس مليانه اجراح
والقلـب من كثــر المواجيـع زاهق

حال البشر نظراتهم عكس ياصاح
مايشعــروا باللــي خفتـه الحقايق

يقيموا وضعك على ضحك وامزح
ولو كان قلبك داخل الصدر ضايق

.....

رد: فوق هام السحب ( الشعر الشعبي) على متن القوافي
 

‏اوقــات اتمنى مــــن النـــاس واحد
يستوعب احساسي اذا جيت احاكيه

يحس بي فــي ضيقتــي والشدايد
ويداوي اوجاعــــي برقــة حكاويه

يااهل الشعور النفس صارت بدايد
والصدر ضايــق ما لقي من يداويه

والروح محتاجــــه رفــاق وسنايد
والقلب يبغا في العمر من يواسيه

.....

رد: فوق هام السحب ( الشعر الشعبي) على متن القوافي
 

دامك سكنت بداخل القلب يرعاك
هذا خفوقي و أنشده كيف يغليك

قلبي و أعـرفه بالغـلا كـم تمناك
مدري على كثـر الغلا ويـن أوديك

.....

رد: فوق هام السحب ( الشعر الشعبي) على متن القوافي
 

يموت العذر ويموت العتب دام الغلط مرجوع
‏ويبقى الحُب مرسول السلام اللي يواسيني
‏
‏تطمّن يا حبيبي لا تقول وصالنا ممنوع
‏وأنا في كل يوم ألقاك بين دعاي ، وآميني
‏
‏تمادى فالطعون الخضر ما دام العتب مرفوع
‏ترا قلبي ملاذك لا نويت تطيح من عيني

.....

رد: فوق هام السحب ( الشعر الشعبي) على متن القوافي
 

‏خلوا الهايم يهوجس .. و يتمتع في هيامه
‏كل ماعادت به الذكرى وليل الحزن هوّد

‏و الحبيب اللي كلام عيونه أكثر من كلامه
‏ودي أمسك كل لحظه في وصاله و اتجوّد

‏في غيابك جالس أدوّر على نص ابتسامه
‏قال خايف ؟ قلت أخاف انك تروح ماتعوّد

.....

رد: فوق هام السحب ( الشعر الشعبي) على متن القوافي
 

تراقبك العيون اللي تحبّك والمحب يخاف
‏عسى ربّي يجيرك من عيون الخلق عز وجل
‏
‏على ماخصّك بـ زود الجمال ونادر الأوصاف
‏أنا ما ألوم من خافوا عليك من الحسد والغل
‏
‏مع إني . . لو تكلّمت بـ حياديّة عن الانصاف
‏من الواجب عليهم يفرشون الارض ورد وفل

.....

رد: فوق هام السحب ( الشعر الشعبي) على متن القوافي
 

‏جفت عـروق الشــــوق يا سارق الروح
وانساب فـي صــدر المواجــع غيابك

تعبــــــت اخبــــي ما اهذريه وانوح
والقلـــب يا قلبي حـــرق من عذابك

لي نبض متعـذب ولـي قلب مذبوح
ولي روح تســرح كل يومــي صوابك

ولي جفن مايغفي ولي دمع مسفوح
ولي عيـــن توله بالسهــر في عتابك

......

رد: فوق هام السحب ( الشعر الشعبي) على متن القوافي
 

‏يا نــوم صارحنـي وقـــول الحقيقه
ويـش المشاكـل بينـك انته وعيني

متفارقيــــن وكل مـــن في طريقه
ومرت على ذا الحال عدت سنيني

يانــوم!! عينـي زوجتك مو طليقه
ليش الجفا والحقـد هذا الدفيني

إتصالحو كثــر السهـــر ما اطيقه
والله حـــــرام اللي تســووه فيني

.....

رد: فوق هام السحب ( الشعر الشعبي) على متن القوافي
 

‏في داخلي شـوق ن من ايام مخفيه
وأحـــرق بناره بس اراعـي ظروفك

ومنتظــر فرصــه على شان ابديه
وانثرلك احساسي بلحظة اشوفك

يامن غرامك ساكن القلب يا هيه
وينــــك حبيبي عذبتني طيـوفك

قلبي معـذب فيـك ليتـك تداويه
واكبر علاج القلب لمسة كفوفك

.....

رد: فوق هام السحب ( الشعر الشعبي) على متن القوافي
 

‏الصبح وعيونك حكايات عشاق
لاسلهمت لي ضعت كلي من الشوق

انت صباحك يشتعل كله اشواق
وانا صباحي فيك يمنحني الذوق

.....

رد: فوق هام السحب ( الشعر الشعبي) على متن القوافي
 

‏اضحك ومن شاف الضحك قال مرتاح
وامـرح ومــن شاف المـرح قال سالي

مايدري انـي ضحكتي ضحكت اجراح
ومايدري ان المـــزح من ضيق حالي

يااهل العيـون الحاسده وضعنا طاح
ماعاد بقـــــــي للراحــه ايت مجالي

الوضع حطــم داخلــــي كل الافراح
والياس حطــــــم داخلـــي مابقالي

.....