رد: فوق هام السحب ( الشعر الشعبي) على متن القوافي
 

‏محدن يمشينا على رغبته غصب
ولا نـزعل على غيرنا بليا سبايب

وثنتين في الدنيا ترى مالها طب
خيـانة الصحبه ، و ظلم القرايب

.....

رد: فوق هام السحب ( الشعر الشعبي) على متن القوافي
 

أنا الحاضر مع الذكرى وأنا الغايب عن الجلَّاس
وأنا الواضح وأنا اللي حاجته ماهيب مكشوفه.

أنا الضاحك بوجه الحظ لو حظي عليه غيوم
‏ لعل أيامي الجايـة تغيث القلب وتسـرّه

.....

رد: فوق هام السحب ( الشعر الشعبي) على متن القوافي
 

على حبك فمان الله و لا تنتظرني يا وسيع العين
‏عسى عقبي لعينك من يجي يعمي نواظرها

‏عطيتك غلا ما عطيته حد من حوالي سنين
‏و مشاعر كثيره كنت دايم أولها و اخرهـا

‏و لينت لك قلب والله ما عمره مع الدنيا يلين
‏و مديت لك نعمه منت حامدها و شاكرها

.....

رد: فوق هام السحب ( الشعر الشعبي) على متن القوافي
 

‏وإن زعلت مابقى للعمر والتاريخ قيمة
‏والأسف سكّة طويلة لين يركع بـ إتجاهك

‏اذكرني نار بدوٍ في لياليك العتيمة
‏وقبل أشد ركاب جرحي كنت أبشد إنتباهك

‏يا انتصاري في طريق الفقد ودروب الهزيمة
‏حالف إني لا ارسم البسمة على طارف شفاهك

.....

رد: فوق هام السحب ( الشعر الشعبي) على متن القوافي
 

‏كنت أدوّر عن مساء الخِير وعيوني جفوله
‏من وجيه ، ومن مشاهد ليتها ما طالعتها

‏قاتل الله .. صدق روحي وعفويْتي العجوله
‏لا متى ، بتبع خطاها وأجتهد بـ مْصارعتها؟

‏ليت مالي نيّةٍ سمحه ، ولا نفسٍ خجوله
‏كان .. كل ماجيت أبنطق كلمةٍ مارجّعتها

......

رد: فوق هام السحب ( الشعر الشعبي) على متن القوافي
 

فديت من هو لالقى الصدر ضايق
‏أقبل يغني بالصوت لا لاتضايقونه

‏وضحكت كني طول هالوقت رايق
‏مدري لصوته أو لخاطر عيونه

.....

رد: فوق هام السحب ( الشعر الشعبي) على متن القوافي
 

‏وسّع حدود السماء والارض لي يا خلّي
‏خلّها تكفي مدارات الهوى و زياده

‏والله انّي من عرفت احب مانيب اللي
‏صرت اشوف ان الفلَك ما تستقّر ابعاده

‏نوب تبسط لي جناب الارض لو هي ملّي
‏ونوب تجعلها علي اضيق من السجَاده

.....

رد: فوق هام السحب ( الشعر الشعبي) على متن القوافي
 

‏ما يهمّ العمر لا منّه وقف لـ عيون غالي!
‏كيف عاد أسوق لك عمري سحاب ولا تخيْله

‏ردّني ... لـ أيّامك الصّلفات لا زاد اِنعزالي
‏آه «يا ذلّ السؤال» إن صار ما فـ اليد حيْلة

.....

رد: فوق هام السحب ( الشعر الشعبي) على متن القوافي
 

‏اعترف إنك غايه القلب ولك الشأن الكبير
‏ و تفداك كل حاجه تأشر عليها بـ اصبعك

‏ من كثر حبك و من كبره مبدا عن الغير
‏ مستعد اسفهه الناس كلهم و اسمعك

‏ أنت والله الي في قربك ماني مستخير
‏ ملذات الحياه ما تسوا الجلسه معك

.....

رد: فوق هام السحب ( الشعر الشعبي) على متن القوافي
 

‏فداك العمَّر وأشجان الليال ولمة السمار
‏ياصوتٍ علّم عيون المعنى لوعة المسرى

‏وأنا والله ياروح القصايد ما عرفت الدار
‏أهيمك كل ماهبّ النسيم وليلتي غدرى

.....

رد: فوق هام السحب ( الشعر الشعبي) على متن القوافي
 

خلص كل الكلام ولا بقى غير القصيد عتاب
‏نشف وجه الجراح ولا بقي غير السهر راحه

‏سلامات تطولك .. لاتجيني خايف مرتاب
‏ترى لك وحشةٍ مثل الظلام ان مات مصباحه

‏رهنت لغيبتك ظلٍ نحيل .. ودمعتين وباب
‏على قلبي قفلته والوفا همه ومفتاحه

.....

رد: فوق هام السحب ( الشعر الشعبي) على متن القوافي
 

‏انا يا أجمل أحلامي عيوني ماتشوف إلاك ..
‏وانا بالحب لا قبلي ولا بعدي بيجي مخلوق ..

‏لي أصدق قلب ودروبي ربيعٍ مابها أشواك ..
‏ولي أصدق عين تفضح ماخفى المنطوق ..

‏انا ماهتمّ لعيوبك ولا ادور عن مزاياك ..
‏انا احبك لو إن مابينك وبين اي احد فروق

.....

رد: فوق هام السحب ( الشعر الشعبي) على متن القوافي
 

اعرف إن الطواري ماتمّر إلا تجيب احباب
‏يجي طاريك كن البال في جدول مواعيده

‏ادوّر لك عذر ياللي تدوّر لـ الغياب أسباب
‏يا شبه الكلمة اللي بعدها غصّة و تنهيـده

‏من آداب الفراق إنّك تصون العهد للغيّاب
‏أخاف الجرح يهدى وإنت تلقى عذر وتزيده

.....

رد: فوق هام السحب ( الشعر الشعبي) على متن القوافي
 

‏على مهل القلوب اللي تدامى والدروب طوال
‏وأنا ما لي سوى قلبٍ يخاف ويحشم ضلوعي

‏حبيبي يا مدى العمر الرحيب و مغريات البال
‏تركتك قبل ما ينقص غلاك .. و تكثر دموعي

.....

رد: فوق هام السحب ( الشعر الشعبي) على متن القوافي
 

‏على سكة متاهات المشاعر واخر المشوار
‏خذتني لهفة اشواقي على ذكرى بداياتي

‏غريب استوطن اعماقي وسبب حالة استنفار
‏وضيع كل تفاصيلي بعد ما شتت شتاتي

‏نطق حرف ونزف جرح وتحرر عقلي المنهار
‏وكتبتك لـ السكوت اللي تكلم عن متاهاتي

.....

رد: فوق هام السحب ( الشعر الشعبي) على متن القوافي
 

‏علي ربي الشاهِد مايغنيني منك حيّ
‏فلا تبعدك شكـه .. ولا قـول متقـوّل
‏
‏في عيني غديت الكِل ولا البشر ؟ لا شي
‏و حبـك منـع قلبي .. لا يـدخله متجوّل
‏
‏تغيب وتحسّب حبك عندي بيخف شوي
‏وترجعّ ، وتلقاني عليك .. أشفق مـن أول
‏
.....

رد: فوق هام السحب ( الشعر الشعبي) على متن القوافي
 

‏متاهات الحياه اللي مداها ساري المفعول
‏تغير طبع ناس .. وناس ما تقدر .. تغيرهم

‏تحك المعدن الخافي محكٍ ماهو بمعقول
‏وتخفيهم وتظهرهم .. وتنهيهم وتامرهم

‏وانا اللي لو يغيبون الاوادم عن عيوني حول
‏ليا جوني .. لقوني كني البارح مسامرهم

.....

رد: فوق هام السحب ( الشعر الشعبي) على متن القوافي
 

إذا قام الحنين يسوق قلبي قمت أسوق خطاي
‏أدوّر من دروبك درب قد جيناه . . و أضيعه

‏يا كثر صورك اللي مانساها بالي النسّاي
‏لو إن عمري معك مرّت سنينه مثل أسابيعه

‏حبيبي كيف أمر بشارعك ما تدري إني جاي
‏وأنا أعرف الصباح اللي يجيبك من ذعاذيعه

.....

رد: فوق هام السحب ( الشعر الشعبي) على متن القوافي
 

‏لا تاخذك الليالي والليالي ماهي بشرواي
‏تداري خاطرك من كل تنهيده وتلويعه

‏عفى الله عن حبيبي لو حبيبي ماهو بـ معاي
‏كثر ما أعاند الشوق بغيابه وأرجع أطيعه

‏عليه من السرور اللي ماهو في وجهي البكاي
‏وعليه من السلام اللي ماهو في ليل توديعه

.....

رد: فوق هام السحب ( الشعر الشعبي) على متن القوافي
 

‏أنا أذكر ضحكتك وأذكر حنين الشِّعر للإسهاب
‏وأنا أذكر كم قصيدة تنسلب من وارف أهدابك

‏فداك الشِّعر وشتات البعاد وطاري الأحباب
‏وحنين الليل يوم إنّه وقف بي أرتقب بابك

‏نديم البال ما جاد القصيد ولا مكثت أرتاب
‏وأنا وهذا القصِيد اللي بعد ما غبت ما غابك

.....

رد: فوق هام السحب ( الشعر الشعبي) على متن القوافي
 

‏لقيت إبتساماتي رهن ضحكة محيّاه
‏ويضيع الكلام ويعجز لساني إفصاحه

‏يصبّ السوالف صبة الكيف من يمناه
‏على مسمع ٍ خرمان حتى تنحناحه

.....

رد: فوق هام السحب ( الشعر الشعبي) على متن القوافي
 

‏صحيح إن الغياب اللي حصل بيني وبينك طال
‏لكن ما هوب أنا اللي فوق حُبه يسفي السافي

‏لحقني من غلاك ومن جفاك اللي يرقّ الحال
‏مثل ما كنّي أشوف الحزن في طرفك الغافي

‏يروح اللي يروح من العمر واللي بقى لا زال
‏ويبين اللي يبين من الغَلا و الخافي الخافي

.....

رد: فوق هام السحب ( الشعر الشعبي) على متن القوافي
 

اضحك ترا عوج الليَالي مدابير
وما للخلايق فِ قضا الرب حيله

أضحك لو هموم قلبك طوابِير
وما يقسمه ربك تروح وتجي له

لو ضاقت الدنيا تراها مقادير
وخلك جبل ما هزته كل ميله

.....

رد: فوق هام السحب ( الشعر الشعبي) على متن القوافي
 

الذكريات .. اللي يلاعبني هواها كل حين
‏على مرارة قسوة الدنيا .. ماهيب مخلّيه

‏أحس بإحساس متقلّب لا سعيد ولا حزين
‏واعيش .. وظروف الحياة معلّيه ومدلّية

‏تمرني لحظات ، آردد " تالي الدنيا تزين "
‏وتمرّني لحظات .. اقول ان الامور مولّية

.....

رد: فوق هام السحب ( الشعر الشعبي) على متن القوافي
 

‏لاتشتكـــي للنــاس مهـمـــا تألمت
خلــي كلامــــك داخـــلك لا تبيحه

الناس تشمـت فيك لامــن تكلمت
وبالذات اصحاب النفوس القبيحه

ياصاحبي من كثــر جرحـي تعلمت
ان الثقـه في الناس ماهــي مليحه

يا كم وثقــت بناس لاكــن تندمت
والروح صــارت بــ الخيانه جريحه

.....

رد: فوق هام السحب ( الشعر الشعبي) على متن القوافي
 

‏تعانقني طيّيوفك كل ليلة في كنف ذكراك
‏يا ليتك لو تجي ليله مع طيوفك تعانقني

‏احبّبك كثر ما ادورك ف اشباهك ولا القاك
‏احببك كثر ما حبك مشتتِتني ومرههقني

‏تتّتلاحقني مثل ظلي ولاني قادر اتعداك
‏انا وشللون ابترك ظلي وظلي يلاحقني

......

رد: فوق هام السحب ( الشعر الشعبي) على متن القوافي
 

على الصدر الحنون انام من شوقٍ ضناني لين
‏يصحّيني صدى صوتٍ تدافق من شفايفها

‏توصّيني تقول الوصل خله في رقبتك دين
‏ترى الأيام مَ تترك رداها و أنت عارفهااا

‏و أنا عاهدتها مَ ابور فيها دامنا حيّين
‏لها وجهي لو تبور الولايف في ولايفها

.....

رد: فوق هام السحب ( الشعر الشعبي) على متن القوافي
 

‏ليتك معـــي تسمع كلام اخر الليل
وتحس بي واشلون وضعي بدونك

حالي ترى من غيبتك هده الحيل
والعيـــن تتمنـى تناظـــر عيونك

اسهـر على ذكـراك ويجيني الويل
والنار في صــدري تــردد لحونك

وضعي صراحـه مايبي اي تأجيل
ارجوك ما تسـوى حياتي بدونك

.....

رد: فوق هام السحب ( الشعر الشعبي) على متن القوافي
 

في حطام الوقت والحسره على مرّ الليالي
‏ بين تقليب المواجع والمحطات الأليمه

‏ كنت أزيل الذكريات اللي تمرّ بدون والي
‏ لين ماوقّف حنيني في مشاهده القديمه

‏ عند صورة وجهك اللي ماتزعزع من خيالي
‏ كل مايطري فـ بالي تلحقه بسمه .. يتيمه

.....

رد: فوق هام السحب ( الشعر الشعبي) على متن القوافي
 

تبسم نعنبو من لامني في ضحكتـك ورضاك
‏تبسم واخذنـي من عالمـي إلـى عالـمٍ ثانـي

‏تبسم لي فداك اللي مضى واللي بقى يفداك
‏تـرى لـولا غلاك وضحكتـك مابعـت خلانـي

‏ولا جيـت اتدارك مابقى من فرحتـي والقاك
‏وابيـع العمـر كله لا ابتسم ثغرك على شانـي

.....

رد: فوق هام السحب ( الشعر الشعبي) على متن القوافي
 

ظنك إنـك يوم ضقتي رحت ادور لك بدايـل
‏أنتي الشي الوحيـد اللي مـاراح القـى بديلـه

‏وأنتي الشـي الوحيـد اللـي بقلبـي ما تمايـل
‏كـل فجـر وكل صبـح وكل عصـر وكـل ليلـه

‏وأنتي الشـي الكثيـر وكـل مـن حولـك قلايـل
‏و الكثير إليا حصل لي طاب نفسي من قليلـه

.....

رد: فوق هام السحب ( الشعر الشعبي) على متن القوافي
 

‏في ليلةٍ تاهت الخطوة وطال الوقوف
‏هي نفسها الليلة اللي .. شرّها خيرها

‏جيت ومعي قلب يحب، ويحن، ويروف
‏ورحت ومعي قلبٍ أقسى من معاذيرها

.....

رد: فوق هام السحب ( الشعر الشعبي) على متن القوافي
 

زمّليني من هواجيس الغياب الّا إرادي
‏إن ذبحني طاري الفرقا وش أنتي مستفيده ؟

‏لا أستوت فـ عيونك الثنتين قربي وإبتعادي
‏والظروف أقسى من الماضي على اللّي يستعيده

‏المصافح فالقلوب أصدق من مصافح الأيادي
‏إسمحي لي كل يوم أصافحك وأنتي بعيده

.....

رد: فوق هام السحب ( الشعر الشعبي) على متن القوافي
 

‏تبدَّد ريبة الفجر الطويل، ولا لحقك قصور
‏أنا أكثر من يعرفك لو جهل في ضحكتك جاهل

‏تجيني ما ورا جفنك ديار ولا لـ بيتك سور
‏مثل كل الكلام اللي يجي ويروح بالساهل

‏ورا عينك سهامٍ طايشه وإلَّا الهوى معذور
‏وأنا جرحك أحبَه “ ياحبيبي “ وأنت تستاهل

.....

رد: فوق هام السحب ( الشعر الشعبي) على متن القوافي
 

‏مع إن الذكريات وناسها ما هم بـ عتق رقاب
‏سجينة بالي اللي ما تمل يدينه جيوبه ..

‏أحسب إن السنين إن طولت تستأذن الغيّاب
‏وتبدا تمحي آثار السوالف .. نوبة .. ونوبة !

‏وعرفت إن الزمن ما يستحي وإن الأمل كذّاب
‏إذا ما هان جرح الآدمي .. ما هان محبوبه

.....

رد: فوق هام السحب ( الشعر الشعبي) على متن القوافي
 

‏ماعاد بي شده على طرد السراب
‏ومراقبه شمسٍ توارت للغروب

‏اما وجود يلوي ذراع ..الغياب
‏ولا غياب يفضح الوصل الكذوب

.....

رد: فوق هام السحب ( الشعر الشعبي) على متن القوافي
 

‏تطمني وافرحي يالجادل الترفة
من عادة أهل الغلا ماترخص الغالي

القلب ماينصرف لو حاولوا صرفه
عن حبكم كل عذالك وعذالي

.....

رد: فوق هام السحب ( الشعر الشعبي) على متن القوافي
 

‏لعيـــون حســادي تبسمــت للضـيق
مافيــه أحــد يقــــدر يعكـــر مزاجي

اضحـك مع اعدائي ولو نشفت الريق
وامرح ولو جــــوي غشـاه العجاجي

طبعي اكابـر واقلــب الضيــق ترويق
واعيـش حظـــي في فـرح وابتهاجي

واحرق قلـوب اللي بهم حقد تحريق
واغيـــض كل اللي يريــــد انزعاجي

.....

رد: فوق هام السحب ( الشعر الشعبي) على متن القوافي
 

انا الطريق الممتلي بالمحطات
لا تخدعك رحابتي وإمتدادي

مافي دروب التايه الا المتاهات
وصوله بوادي ومشيه بوادي

غيري كثير اخترتني ليه بالذات
ليه اختيارك كان غير اعتيادي

بتشوفني قدام كل المرايات
وابسمعك حتى ولو ما تنادي

.....

رد: فوق هام السحب ( الشعر الشعبي) على متن القوافي
 

ضايق صدري وفي عيني احَر الدموع
واتحرى ادناة فرصه عشان اهلّها

فاقدٍ لي ضلع واحد وفي صدري ضلوع
لو رجع لي قلت هاكم ضلوعي كلهـا

.....