رد: اخترنا لكم
 

لاقمت اتحاشا الناس واقفي شوي شوي
‏ولاعاد صرت احب اسولف على من شفت

‏تراني من الدنيا واهلها نفضت يدي
‏ومن جملة احلامٍ كثيرة قنعت وعفت

.....

رد: اخترنا لكم
 

‏بدا يعيش الخوف في قلب الشجاع
‏وبديت امل مّن الحياة الفانيه

‏والمشكله مدري متى يوم الوداع
‏ومدري متى يوم القطوف الدانيه

‏لكن على طاري ضياع وما ضياع
‏انا بديت اضيع مره ثانيه

.....

رد: اخترنا لكم
 

‏قبل يلهينا التكاثر وتاخذنا الوفاه
‏المعزّه خير والضعف مافيه بركه

‏كل ماشفت القصور الوسيعه والغناه
‏قلت سحقاً يا صعاليك ليه الصعلكه

‏لو يعاتبني رفيقي عسى الدنيا فداه
‏ما درا إن إللي ورا الصدر قتلا معركه

‏كل مستغني عن الناس مهيوبً حماه
‏يكبر الرجال لا صار محدٍ يملكه

.....

رد: اخترنا لكم
 

‏يـاهواي وشف بالي ومطلوبي
‏كل كلمة حب في خاطرك قلها

‏عطني من الود حقّي وماجوبي
‏واكشف اسرار المحبين وازهلها

‏وان قضى هرج المحبّه يامحبوبي
‏مفردات الحب عدها من أولها

.....

رد: اخترنا لكم
 

‏نشوف العوج ونشجعه في إعوجاجه
‏راحـت مبـاديـنـا مـجـامـل وتـدليس
‏
‏مـرض تـصـعـب مـالـقـيـنـا عــلاجـه
‏بـعـنـا ذمـمـنـا بالفلس للـمـفـاليس
‏
‏درب السنع واضـح وسيع إنـفـراجـه
‏إما الدروب العوج مسلك متاعيـس
‏
‏واللـي مغير يطير وسط العـجـاجـه
‏قرطاس من صنف الورق والقراطيس

.....

رد: اخترنا لكم
 

‏سقى الله ذاك الوقت الاوّل وذاك الجيل
‏يوم إن القلوب نظاف والناس مجتمعه

‏يوم إن الحياه القاسيّه بين حط وشيل
‏زمان الوفاء والطيب والجود والفزعه

.....

رد: اخترنا لكم
 

‏الحظ طيب بفضل الله وتوفيقه
‏والهقوه تسوقنا للي على الهقوه

‏يوم إن بعض الأوادم يشرق بريقه
‏أصـحابنا نقـوه وهـقواتنا نقـوه

.....

رد: اخترنا لكم
 

‏انتِ شي من الحقيقة وضرب من الخيال
‏ صفوة التالين وآخر بقايا الأولين

.....

رد: اخترنا لكم
 

قل لمن صدره يضيق بكل مأزق
‏لا تستسلم للكدر والضيق تكفـىَ

‏دامنا فـوق الارض حـيين نُرزق
‏الظـروف تزول والأوجاع تُشفـىَ

.....

رد: اخترنا لكم
 

ما عاد تغريني علوم المحبيّن
‏من عقب ما فارق خيالك خيالي

‏عرضتني صلف الهوى والعنا لين
‏تفتقت منك جويد الحبالي

‏ويش جابك من بعد خمسة سنين
‏تقعد تنشّد عن علومي وحالي

‏علومي تسرك وزين على زين
‏لو إني أشوى زولك إليّا طرالي

‏قد كنت متمسك بحبّك وذلحين
‏سمحت من طرد الهوىّ والوصالي

.....