رد: فوق هام السحب ( الشعر الشعبي) على متن القوافي
 

حتى ولو الخشم فيه انعواجه
ان كان ابن عمك عوج لاتسبه

خلك لبيب وخل عنك اللجاجه
ارفع ولد عمك ولو ماتحبه


فايز المنصوري
‎

رد: فوق هام السحب ( الشعر الشعبي) على متن القوافي
 

ياما اعترضنا واحدٍ ما اعترضناه
قصير شبرٍ للهزيلات هاوي

ونحشم لحانا والردي ما حشمناه
ونصد عن وجه الوضيع النساوي

نساوي به من طبوع الخونداه
صوته لطيف وبالشدايد رخاوي

ربوة هنوفٍ فيه منها سجاياه
كثر التبلي والدعا والشكاوي


خليل بن هدلان

رد: فوق هام السحب ( الشعر الشعبي) على متن القوافي
 

اليوم فالاموات ناخذ عزانا
ومصيرهم بكره يعزون فينا

يالله تهون سكرته لا لفانا
وتكون بعد الموت راضٍ علينا

......

رد: فوق هام السحب ( الشعر الشعبي) على متن القوافي
 

الردي صعبً يجنب عن طروقه
سيرته وشلون يبعد عن نحاها

معدنه للطيب مايمكن يسوقه
والحرار الشقر مايتبع هواها


مطلق الحويقل

رد: فوق هام السحب ( الشعر الشعبي) على متن القوافي
 

يالله لك نشكي ضياع المفاهيــم
صرنا شتات وصار فينا اندلاجه

ماعاد ندري وين يرجح بنا القيم
نركض ولا نقضي لنا اي حاجــه


راع الزباره

‎

رد: فوق هام السحب ( الشعر الشعبي) على متن القوافي
 

ياصدري اللي على الكتمان متعوّد
ياكبر قدرك مادام الناس ماتدري

خلك على واقعك بـ الصبر متجوّد
لين الله يبدل الأحوال ياصدري


ذيب بن دريم

رد: فوق هام السحب ( الشعر الشعبي) على متن القوافي
 

المواقف كالمعادن محككة الرجال
بالرخاء ولا الشدايد تبين زحولها

الشدايد تظهر قروم ذربين الفعال
والرخاء ياكثر منهو يدق طبولها

الكفو هو ذخرها لانخيته فالثقال
يرتكي من دونها لو تزيد حمولها

والردي يبقى ردي لايشلّ ولايشال
عقب اللي وقفته ماتجي في حلولها
‎

حبشان بن فالح

رد: فوق هام السحب ( الشعر الشعبي) على متن القوافي
 

الرجل لولا الدين والطيب والخلق
ونطح النوايب واغتنام الغنيمه

وتواضعه للناس وحجاجه الطلق
ما صار له بين المخاليق قيمه

بعض المقابل يشرح الخاطر الغلق
وبعض المقابل مثل الارض الوخيمه

ودقنٍ يغش الناس يستاهل الحلق
لانّه على وجه المنافق ظليمه

صالح عزران

رد: فوق هام السحب ( الشعر الشعبي) على متن القوافي
 

ثباتي ثبات العز واعرفْ وش سويت
تمـرْ الهروج العوج وتذب الارواعي

ليا شفتها عرزيل عن دربها صديت
وخليتـها للي مشاريـف وجيـاعي

تشرّه عليّه بالخطيه وانا مااخطيـت
عليك الملام بشـرهةٍ مالها داعـي

تحملت من عوج المشاريه لين ازريت
اجامـل وكيـل رعيّــةٍ مالها راعـي

لاحق العضياني

رد: فوق هام السحب ( الشعر الشعبي) على متن القوافي
 

ترى الحمول الها جمال ولا ينوخ للحمول
قال المثل مال الصعاب الا ظهور جمالها

هروج مجاني لكن هروج تثبتها الفعول
والناس معروفه بساميها وطيب أفعالها

الي ليا صعبت تحصل عندهم كل الحلول
من عرفّهم كل الصعايب عارفين حلولها


حمود الجداعي