رد: اخترنا لكم
 

‏اشوف حاجات واجد خاطري فيها
‏والنفس تبغى لها عزم يروضها

‏كم خلت النفس شيٍ من مشاهيها
‏لله وانا واثق ان الله يعوضها

سبحانه

رد: اخترنا لكم
 

‏يا ذكرياته وانا وشلون ابنساه
‏وانا طيوفه علي تامر وتنهى

‏اصد عن كل ذكرى لكن القاه
‏تقول مافيه دارٍ ما سكنها

‏حتى هداياه ياقسوة هداياه
‏لليوم من حزني ادفع له ثمنها

.....

رد: اخترنا لكم
 

‏والله ماني حزين ولاقصيدي حزين
‏لو اني اشعر بشي فيه ماتشعرون

‏اقروا مابين السطور وناظروا كل عين
‏الصدق بالشعر ولا في كلام العيون؟

‏التاليه علمتني كل علم يقين
‏والاوله للظنون اللي وراها ظنون

‏الشوق للراحلين اللي ماْهم راجعين
‏اقسى من الشوق للي يمكن يعودون

.....

رد: اخترنا لكم
 

الفرق فرق العقول وفرق الافعال
‏ماهوب فرق الدقون ولا الشوارب

‏ماشفت بين العلوم انواع واشكال
‏علمٍ نفعني مثل علم التجارب

‏لو انخدع في مكايد بعض الازوال
‏ما عكّروا شي من صفو المشارب

‏ما للخرافات في مخباي مدخال
‏الفار ما له دخل في سد مارب

‏مانيب عقرب ثرا تلدغ وتحتال
‏عشان آميّز حركات العقارب

‏علّمني ابوي كيف آصير رجال
‏وآشوم لا اعتادت الوطي الغوارب

‏الاستراحة ماهيب لروس الابطال
‏المستريحين ما فيهم محارب

.....

رد: اخترنا لكم
 

‏كل الالوان غير الاحمر الفاقع
‏ذكرياته معي ماهي بمنسيه

‏خانك الحلم والا خانك الواقع
‏الاجابة هنا من دون اهمية

.....

رد: اخترنا لكم
 

ايا قلبي اللي فيك غصه متى بتتوب
‏وتستوعب ان اغلى النعم منك زواله

‏مصيرك مصير الورد تظلّم بدون ذنوب
‏مع انه مهو باياة مخلوق يهدى له

‏تعجل بموته من ترده مع المندوب
‏وهو كان عقب ايام بيموت من حاله

.....

رد: اخترنا لكم
 

‏كنت اظن وكنت دايم فوق ظني
‏معك ما قد صار شيٍ كنت أخافه

‏يا بعد من خاطري معه مْتعنّي
‏فيك عنّيت الشعر وزنه وقافه

‏وألمحوك بصوتي الولهان أغني
‏يا ربيع العمر يا محيي جفافه

‏وهبّوا بزينك ولا عفتك مع أني
‏أي شي تهب فيه الناس أعافه

.....

رد: اخترنا لكم
 

ملح وجهك لا طرا فبالي وحلو اسلوبك
‏اشرب القهوه على سكر حديثك ساده
‏
‏لا غمرك الشوق لا تسأل بشوقي صوبك
‏دون لا تسأل انا مشتاق لك كالعاده

.....

رد: اخترنا لكم
 

‏خبني بين الضلوع إن كان ما فيها كلافة
‏ ما دخلت إلا على شيٍ أبيه وفيه شفّي

‏جيت هارون الرشيد اللي بنى قصر الخلافة
‏والله إن الشوق فاضح لو أكابر به وأخفّي

‏معك ما استصعب محال وما توقفني خرافة
‏للصبر آخر وأنا دايم معك صبري مكفّي

.....

رد: اخترنا لكم
 

‏ودي أكمّل معك حتى الحياة البرزخية
‏وين تلقى عاشقٍ يبغاك حتى في مماته

‏من يشوفك يدري إن الموت حاجة عايديه
‏كل ليلة في طوارف مبسمك يعلن وفاته

‏هات فنجال الهوى بإيدك وحطه في يديّه
‏لو تصبّ الموت في فنجال حبّك قلت هاته

.....