|
رد: فوق هام السحب ( الشعر الشعبي) على متن القوافي
يالله ياللي لغيرك ما ارتفع كفي
ياللي خلقت البشر والنار والجنه طالبك رزقٍ يسد النوب ويكفي عن حاجة الناس والحقران والمنه آمين |
رد: فوق هام السحب ( الشعر الشعبي) على متن القوافي
الحاجه اللي دونها منة الناس
خليتها وأرجي من الله عوضها الناس لو تقدر على كتم الأنفاس كان منعت حتى الهواء من بعضها ..... |
رد: فوق هام السحب ( الشعر الشعبي) على متن القوافي
الخوه الخوه الله يرحم الخوه
ويرحم قبور الرجال اللي تقدرها شيمه و فزعه وخفة نفس ومروه صعبه على الجاهل اللي ما يدبرها ..... |
رد: فوق هام السحب ( الشعر الشعبي) على متن القوافي
يا حظ من حاز فالدنيا على حاجتين
أغلى من كنوز الارض ومن جميع الدرر الاوله مجتهد في طاعة الوالدين والثانيه ما تاخر عن صلاة الفجر ..... |
رد: فوق هام السحب ( الشعر الشعبي) على متن القوافي
يضيق البال من جرح الزمان و خاطري مكسور
تقول الضيق كله لا زبن يزبن على صدري ..... |
رد: فوق هام السحب ( الشعر الشعبي) على متن القوافي
مديت لك عمري على كف يمناك
وغيرك على رجوى هلا مد عمره نزعت بيبان الثقل غايـة رضاك وشرّعت لك قلبي ويا طول صبره ميّت شعور وفز قلبي لطرياك وأعرف شعوري ما يجي غير مره ..... |
رد: فوق هام السحب ( الشعر الشعبي) على متن القوافي
يرجهنّ الثاير من الملح ما هوّد عنادي
ولا تلحقت السنين اللي مضت مني حسوفه غير وجهٍ عاد من بعد الصخب والطيش هادي راود عيون الطواري، وأستلبيت النكوفه كم مضى لي والسفر مسعاي، والغربه بلادي وكل دربٍ فيه لي جرّه موردني حتوفه يا مرابي سالف الأيام، تسقيك الغوادي من نفيض الوسم همّالٍ ترزّم لك قنوفه يا رجاء رد الجميل من الزمن، وين أنت غادي؟ كفّي المجرود في أطراف الهواء ضاع مْعروفه ما عذلت النفس يوم أغتر في بعض المبادي الضمير الحي نوب يمره الغيّ ويطوفه! بين طيّات القصور عْن الإجادة، والتمادي لجري ما طمنّت ضرب الحتوف العوج نوفه ولا على الباقي خلاف إليا دفن جمري رمادي في ليال البرد يغني عن حرير السلك صوفه وأنت يامَبلغ طموحاتي، وشفّي، وإجتهادي والله أني عاذر إحساسك على قل الكلوفه في رجاء الله تلتمس من جيّتي عذر إبتعادي جعل شيءٍ ردني عنك مساعيه مخلوفه مد كفك، سِلّ من غمد السهر بيض الهنادي كم لوجه الصفح و ردون الحيا تطوي كفوفه والله أني شفتك بعين الرضا، ولا أنت عادي مكنتّك من السنين الماضيه "لحظة مروفه" ورحت غالي، والرضا ريّض وعد وأنا مفادي والمفادي ما يملّ محايل النفس العيوفه ..... |
رد: فوق هام السحب ( الشعر الشعبي) على متن القوافي
رميت اغلا المشاعر في غياهب جُبّ
وقلت اسلم على راس الهوى السالم عسا ما هو غرور ولا كِبر يا رَبّ كثر ماهو ثقه في قلبي الحالم بعد كثر التجارب ف العطا والحُبّ انا واجد على واجد من العالم ..... |
رد: فوق هام السحب ( الشعر الشعبي) على متن القوافي
حب عمري فدوةٍ لك عمري من اول وتالي
من متى تغلا عليك سنين عمري لو تبيها ليت مالك في حياتك غير وجهي يوم مالي غير وجهك في الحياة بـكل ما فيها وفيها والله ان طول الصبر عدّا على طول الليالي سلوةْ شعوري وراحة خاطري طوّل مجيها ما يوقّف دمعي الليلة ولا يرتاح بالي لو مسرّات الحياة المترفه تبسط يديها انت منت الغالي اللي لا رحل يتلاه غالي وانت منت الغايب اللي غيبته نقدر عليها ..... |
رد: فوق هام السحب ( الشعر الشعبي) على متن القوافي
عيوني والعيون الساهره في حزنها تختال
على ظلم السهر لين الفجر شاعت قناديله على صدر الورق حبر القلم بين الأصابع سال بعد حبر المآقي والحدق باحث مناديله من اللي ما فقد غالي؟ من اللي ما شكى غربال؟ من اللي من صواديف الدهر ما لحقتْه ميله؟ يقولون أنصرم عمرك وحيد، وقلت: يا عذال مقاسيمٍ كتبها الله وأنا ما في يدي حيله جروحٍ من ظهور جروح، وآمالٍ بنات آمال لو أني ما أتململ من وجعها قلت: من هي له! يكفيني عن الدنيا وأهلها غاليٍ لا زال حبيبٍ جعلني ما أعتاض حتى في غرابيله أحبه والله أنه عندي أغلى من بنون ومال لكن الحظ ما ساعد "ويا دنيا من أنتي له" لو أني ما دريت أنه بشر من لمعة السلسال حلفت أنه ملاكٍ شافته عيني على الزيله من الشهد المصفى قد سفط رشفة الفنجال يا ليته عاود الفنجال ولا زوّد الكيله فرشت ضلوع صدري في طريقه والهوى قتّال أبيه يدوس ريضان الحشا وتفوح أكاليله عقلني بالفراق وقال لي: تحتال؟ قلت: أحتال من يطيح بغرامك لازم يوقّف على حيله وثقت أنه محال، ولا وثقت أن المحال محال أطارد نور شمسه لين غابت وأنتثر ليله كثر ما كان وسعة بال، ليه يصير ضيقة بال! وكثر ما كنت أحتاج الدعاء لكني أدعي له وأنا وشلون ألومه؟ والملامه ترخص الرجال وأنا اللي حاذفٍ قلبي على صفة مظاليله كتاب الرافعي، وحي القلم، والمسبحه، والشال هي اللي باقيه لي ياتُرى وش عاد باقي له عساه يشوفني عابر سبيل بشاشة الجوّال يكفيني لو أنه قاطعٍ عني مراسيله شعوري في فراقه شيء لا يُكتب ولا ينقال لكم عنوان جرحٍ ما قدرت أشرح تفاصيله ..... |
رد: فوق هام السحب ( الشعر الشعبي) على متن القوافي
سراء الليل وانا شاقين ماقدرت ارتاح
من الضيقه الي في ضميري لها مده سبب ضيقة ف الصدر كنها حصاة رزاح على صدري اللي جاير الوقت ماهده اعيف الاوادم كلهم واقبل المسباح عشانه خوي صابر ٍ مانكشف سده إلى شان وجه الوقت والهم برقه لاح طلبت العظيم اللي يفرج عنا الشده انا واحد يغضب للسانه على الإفصاح يغضب لسان وصدره الغلق ماوده انا مارميت النفس للمقفي اللي راح انا اعز قلبي من محبته و ارده اللي زان لي بزين له والحياه أفراح واذا راح ماني محتري لعنبو جده ..... |
رد: فوق هام السحب ( الشعر الشعبي) على متن القوافي
ما قدرت أنساك يالوجه الجميل الراضي
وأنت جرحك فالهجر مالكني بمعروفه الجفى حكمه علينا مثل حكم القاضي لين ما صارت تفاصيل الجفى مآلوفه لا تقول إني عن شعور الهوى متغاضي تدري إن نفسي على يوم الوصل ملهوفه ليت عندي قدره أرجع للزمان الماضي واتأمّل في جمال الصوره المحذوفه ..... |
رد: فوق هام السحب ( الشعر الشعبي) على متن القوافي
كثر ما الله عطاها من حنان ومن قبول وزين
كثر ما هي بتكبر في عيوني من مواقفها خذتني من مُحيط الحظ الأقشر والزمان الشين على أول شبّتي، لين أغدقتني من عواطفها على يديها عرفت أن المحبه في غرام أثنين علاقة حبهم ما فيه غير الصدق ينصفها جعل تُسقى بدايات الغلا، والحب ذاك الحين وتسقى قطعة بيوتٍ لقانا في طوارفها تفرقنا الظروف ونجتمع عقب البطا شفقين على أدنى فرصةٍ تسنح نحاول ما نطوفها ترف قلوبنا .. وأول ملاقانا عناق يْدين تحت شلّال ليلٍ ما يضمّه غير معطفها شوي شوي لين أضيع بين يدينها الثنتين وأحسّ بنشوةٍ والله مدري كيف أوصفّها على الصدر الحنون أنام من شوقٍ ضناني لين يصحيني صدى صوتٍ تدافق من شفايفها توصيني، تقول الوصل خله في رقبتك دين ترا الأيام ما تترك رداها وأنت عارفها وأنا عاهدتها ما أبور فيها دامنا حيين لها وجهي لو تبور الولايف في ولايفها ترا بنت الحصان النادره ما تقبل التهجين وخيّالٍ ما يملى عينها ماهوب عاسفها ..... |
رد: فوق هام السحب ( الشعر الشعبي) على متن القوافي
سلمّت لصدوف الزمان أمنياتي
من بذرة الشجرة لميل العناقيد تلعب بي السبله على أربع جهاتي أربع جهاتي كلها دون تحديد صدي عن العالم من أنبل صفاتي أنا أكتفيت من الصبر والمواعيد محدٍ تلقى من شتاتي شتاتي وغديت مثل البدر في ليلة العيد ضجّت معاليقي وجفّت لهاتي لا مسمعٍ يوحي ولا صمتٍ يفيد الحزن أنا من دجلتي في فُراتي من نفسي لراسي لممشاي للحيد شفني تشوف بموق عيني مماتي مع أني أحيا من رصاص البواريد ولا هقاوي خاطري من شفاتي لا صايدة شفّه ولا شافت الصيد قريب من كسري وكسرة عصاتي ومن كل ما يطري على بالي بعيد ولا مشاويري ومسرى نفاتي دربٍ تمثناه المعاليق ويحيد ولا قصيدي في هواي وغناتي لين الثلاث حروف راحت مناقيد من صرخة ذنوبي لصمت حسناتي وقّف هوى عمري على مفرق الجيد ..... |
رد: فوق هام السحب ( الشعر الشعبي) على متن القوافي
إذا فعيونك المنفى وإذا لعيونك التحنان
غريرٍ جاك وش ذنبه تشبّ النار في جوفه أنا ماني بحيّ الله وأنا ماتي قليل إحسان أنا رجلٍ إذا ضاع الزمن ما ضاعت شفوفه ذكرتك كنّ ما لي غير وجهك وجهه وعنوان وغديت بخف ما كني ثقي وداخلي شوفه هذا قلبي قفد صوتك شعور ولا فقدك إنسان إذا ما كان لي تقدير قدّر صبره وخوفه ..... |
رد: فوق هام السحب ( الشعر الشعبي) على متن القوافي
الدلو والميزان والقوس والحوت
ماغير برج العاج تغري وصوفه وبرج بقلبي برج لولو وياقوت لا يا بعد برج الحمام ورفوفه ما يسكنه غيرك من السيف للكوت لو ينتحي راس الولد عن كتوفه علم وكيد بالمواثيق مثبوت ما هو عذر اللي يفرك كفوفه والله لا سافر لك لو ارجع بتابوت وانا من اللي ما ربوا في مروفه على الشقا لاع الهوى كل شفلوت وانتي تلوعين الحشا بالطروفه والوقت للجاحظ والايام هاروت والقلب حاتم وانتي اغلى ضيوفه يا مرحبا ترحيبة عقاب يا نوت والحي يلحق لو تحده ظروفه صوتك يكفيني عن الشرب والقوت وشوفك غناتي والحياه مخلوفه يااقوى من اللوعات واسخف من التوت وابلغ من البيت الاخير وحروفه رجل تنادينه ولا يسمع الصوت خسارة سمعه وصوته وشوفه ورجل يضمك بين اياديه ويموت والله ما يلحق حياته حسوفه ..... |
رد: فوق هام السحب ( الشعر الشعبي) على متن القوافي
أضحى الضحى وأنا على رجمٍ بديته من عصير
أدرى خواطر كايد العجمان من منقودها رجمٍ جنوبي طلعة العشّار شرق أبو ظهير غربٍ من الصرار والونان أشوف حدودها ومحمد بن سعود بن حثلين غير الناس غير إمّيزه ربي خوال وقدها وقدودها حفيد من جابه معزي كنه الداب الضرير مع ابن لامي والدويش اللي يقود فهودها عمود حمران النواظر كلهم قايد مطير يوم الفغم والسور حراس البلد وجنودها ضيدان بن قضعان |
رد: فوق هام السحب ( الشعر الشعبي) على متن القوافي
يا راكب اللي مع خطاة الطواريق
ينوز نوز الجافل المستذيري من وارده مالوعوه السواويق ولا داج للعبري وشال الاجيري اخر طراز مغلق الفن تغليق اسبق من الاصوات عبر الاثيري هافٍ يهيف بمجرهد الرقاريق يطوي الفيافي طي سلك الحريري عجل ليا دنَّي وعجل ليا سيق والطير ما يمديه قدمه يطيري عليه مندوب ليا نشف الريق قرم ليا سال العرق بالنظيري داس الخطر من دون عهد ومواثيق يوم ان ولد اللاش فكره يحيري خذلي كتاب منسق القيل تنسيق مكتوم ما يقراه غير السديري محمد الاحمد مهدي الصعافيق ليا عدوا اهل الطيب قاضي واميري وان حلّق الدخان بالجو تحليق امير في قود السرايا خبيري وان صار بالجرعات كنّه وتشريق قاضي يحل العسر حلاً يسيري وان جو وبيبان المنازل مغاليق ريفاً لهشّال الخلا والقصيري وسلم عليه وشلق الهرج تشليق واشرح له الموضوع حالي خطيري يعطيك راياً ما عطوه المطافيق وانا بلشت ومن بلش يستشيري وتراي بادي لك على الرجم ومويق عطشان شفقان لشوف السديري ..... |
رد: فوق هام السحب ( الشعر الشعبي) على متن القوافي
السوالف يا جنيني طاولنّي
والعرب تالي نسو حسن الضيافة والخوارج من تدني في تدني والبلد مليان تهريج وطرافة والحياة اكبر من اللي مس ضني واوسع من احلام الانذار التوافة والقصايد صنعتي والفن فني والقوافل ما تحسب إلا المسافة ليه اعبر غاديات عارضني وصّك شحاذٍ على باب الصحافة ما خذيتك يا جنيني بالتبني ولا غذيتك غير حس له رهافة حط في بالك قبل ما تحتضني ما انت باللي ينتهقوى بإختطافة لك علي ما دمت منك وانت مني ما تمرك غير الانسام بلطافة وان دخل بك في ظلام الليل جني لا تخافه لا تخافه لا تخافه كلبوها سورتين وترجهني يطلع المعتوه ويجيك اعترافه والله اني و والله اني ووالله اني من رجال من ملاقاهم حسافة حقهم ما ياصله راع التمني وانتصافتحهم ماهيب أي انتصافه آتفيا من ظلال الغصن كني شايب رحال شاف اللي يعافه قلت خلوني على ليلاي اغني وازعجوا موالي دعاة السخافه عصبة الخناس عشاق التجني ملحقين اعمارهم ذل وكلافة وش يبون الخاربين بقلع سني آفة لا بارك الله بايّة آفة لا سلام .. وكل نذل يحل عني ما بعد ملت يدي من النظافة والسفيه اللي من العام متعني ما ترك حتى النعامة و الزارفة وان مدح وان سب والله ما شحني اعتبرته تافه وستين تافه والقصايد صنعتي والفن فني والبلد مليان تهريج وطرافة ..... |
رد: فوق هام السحب ( الشعر الشعبي) على متن القوافي
تدرين يا حلوة متى العاشق يحس بالمهزله
لاجاه شي مثل شي قام يحداني حدي ما أقسى من دموع اليتيم إذا ذكر ضحكة هله لايهد من الفراق إلا الفراق السرمدي الورده إللي في شرايين الحشا متغلغله ياروحي اللي لو تبرت مني أختل جسدي كونت لك عالم غرام مادخله البلبله إلا هدير ينتهي بين الضلوع ويبتدي حتى أقرب أصحابي من اللوعه سهيت وقلتله يا لاجودي كف العذل مافي العواذيل اجودي انا إلي استاهل عناقيد العنب يا مدلله ليتك دريتي كيف عيني تذكرك في مرقدي يا ادنى من الغيم انتغطرس وطول من السمبله يا أقرب كثير من الحكي وابعد شوي من الجدي إن جيت رحتي مقفيه وإن رحت جيتي مقبله كم مت..وليا قلتي "أحبك"تجد مولدي دنياي انا لو تجتمع لذاتها في مكحله والله ما أشهر لأي عين غير عينك مرودي ياذابحتني كل شي إلا الجفا ما تحمله ياكبركذبة عزتي لو قلت أببعد وأبعدي قلبي لو أغديتيه في الصحراء بليا بوصله ماتاخذين إلا وهو لأقصى ضلوعك مهتدي وأن خاب ظني وأخر المشوار جاء مثل أوله بغمض عيوني وأبحلم وأقهر الحظ الردي بأحلامنا حتى أخر المريخ نقدر نوصله الله..لو نطلع بساط الريح وايديك في يدي تخيلي روض من أقصاه أجمل الورد أحمله وأهديه لأيدين وظفاير شيخة الورد الندي تخيلي نهر بالأحجار نتمثنى جدوله نبقى على جاله جلوس شوي وشوي نعدي تخيلي بيت دفاه من المواجع والوله ضحك وسواليف وسهر ومزوح وبساط أحمدي تخيلي عشق عجزت أستوعبه وأتخليه كانه على هالحال ما عز الله أبشر بسعدي ياسيدة عشقي وأنا راعيه راعي الأوله ماهي كثيره لو تقولين:أنت والله سيدي ترا الله إلي حط لك ذاك الغلا والمنزله وإلا الهوى لا ورث أبوي ولا ذخرته لولدي حبيبتي مايقهر الرجال في مستقبله لا الهوى إلي مرة يقبل ومرات يغدي حتى الوفا لا زاد عن حده يعود مهزله ياليتني خنتك ولا إلي قام يحداني حدي ..... |
رد: فوق هام السحب ( الشعر الشعبي) على متن القوافي
لا تسندها على الرأس الضعيف
ما يفيدك واحدٍ ما فاد نفسه ..... |
رد: فوق هام السحب ( الشعر الشعبي) على متن القوافي
ان كان فعلك طاب من طيب ذاتك
ولا هوب شرط توافقك كل الأذواق تدري متى بتكون خاسر حياتك لا صرت معدوم المبادي والاخلاق ..... |
رد: فوق هام السحب ( الشعر الشعبي) على متن القوافي
الزله اطمرها طمر واتعدا
واتعوذ من إبليس وابليس ملعون اللي يحدوني عشان اتردّا أحدهم للطيب حتا يطيبون ..... |
رد: فوق هام السحب ( الشعر الشعبي) على متن القوافي
قالت تغزل في عيوني يا معذبها
قلت اسمعيني ياجعل الناس يفدونك عيونش اكثر قصيده مقدر اكتبها اخاف من كثر ما اوصفها يعرفونك ..... |
رد: فوق هام السحب ( الشعر الشعبي) على متن القوافي
واحلالاه يا قبر ٍ بليا شواهد
حرت بين القبور أمشي وأدوّر مكانه عقب راعيه في صدري فتوق ولواهد كيف أكمل بدونه وأنا عايش عشانه أسمع أصواتٍ تردد وأنا أركض وأجاهد ما على العمر والدنيا وأهلها ضمانه أحترفت القصايد وأحترمت المشاهد وماحدٍ خانني لكن أحس بخيانة ..... |
رد: فوق هام السحب ( الشعر الشعبي) على متن القوافي
بعض الرياجيل صدره للمحامد حصن
لو تجرحه كلمة أهل البوق ما باقها المرجلة والحيا في زود لو أنقصن في عين طرّادة الدنيا ولحّاقها يديننا في سبيل الطايلة ماحرصن بدو ٍ تفدوى ونعم بالروح ونياقها والبدو يومنها مبطي مصامخ حصن لو تخسر أرواحها ما تخسر أخلاقها ..... |
رد: فوق هام السحب ( الشعر الشعبي) على متن القوافي
رقمٍ بجوالي عجزت أتعداه
راعيه مات وشق صدري غيابه ياليت صوته باقيٍ مثل ذكراه يتردد بسمعي ليومك هلابه عجز يجيب الوقت مثله وحلياه لامن فقدته هالكثر ، لا غرابة دمعي يحجب الشوف لاشفت مركاه خالي ، بعد زول الكرم والحبَابه عذري وظني جنة الخلد تزهاه وربي كريم بساعة الأستجابة ..... |
رد: فوق هام السحب ( الشعر الشعبي) على متن القوافي
لا باس مادام الزمن بالسنين يدور
يجيك الفرج وتعيش والنفس مسروره ومهما يجور الوقت تبقى الصقور الصقور ولوهي جريحه والجناحين مكسوره ولا بد بعد الضيق ياتي الفرج منشور وتشفاء كبود من عنا الوقت مقهوره ..... |
رد: فوق هام السحب ( الشعر الشعبي) على متن القوافي
الكاظمين الغضب عبادة المحسنين
عافين لو زادت الدنيا ملاماتها نسامح اللي رجع ونسامح الراحلين ونعفو بنفسٍ كريمة بإبتساماتها ومن راح عني غضب ماني بقايل لوين ما همني ناس ماني بإهتماماتها من رفعة النفس حاجز عن طمان الحنين الناس تعكس مشاعرها مقاماتها ..... |
رد: فوق هام السحب ( الشعر الشعبي) على متن القوافي
رزق البشر لا تعلّق فيه تفكيرك
لو تقنع براس مال العافيه ترضى ان كان ربك منعك اللي عطى غيرك أكرمك بالنعمه اللي تنقص المرضى ..... |
رد: فوق هام السحب ( الشعر الشعبي) على متن القوافي
لا ضاق صدري قلت يارب رحماك
ياللي بذكرك ينجلي ضـيق صدري استغفرك واتوب لك واطلب رضاك ماغيرك احدٍ عن خفأ النفس يدري سبحانه |
رد: فوق هام السحب ( الشعر الشعبي) على متن القوافي
تجمل ترا والله مال للجميل انكـار
ولا ينكـره من كان في راسـه مـروّه عسى راعي ابشر ماتقفي به الاقدار ولا ينقطـع ذكـره ولا تنطفي ضـوّه ..... |
رد: فوق هام السحب ( الشعر الشعبي) على متن القوافي
ما بيّن بعينك على كثر ما جاك
لا واحسافة ليتني ما عطيتك تخطي وأعذرك وأتحمل خطاياك هويت غلطاتك كثر ما هويتك ضحيت بالدنيا علشان دنياك خليت كل اللي يبيني وجيتك كنت بعيوني وين ما أطالع ألقاك حتى لو غمضت عيني لقيتك من كثر ما أحبك وأقدرك واهواك ما أذكر اني في حياتي عصيتك ولا فاد كل اللي أسويه وياك أتعبت قلبي ليتك تحس ليتك والحين روح أرجوك ساعدني أنساك لا تجي حتى لو اني بغيتك وان مر في بالي بقايا لذكراك بحاول أنساها مثل ما نسيتك ..... |
رد: فوق هام السحب ( الشعر الشعبي) على متن القوافي
يا للي تطالع وكنك ما تطالعني
نظرتك هذي حبيبي لا تكررها صحيح شاطر ولكن صعب تخدعني أنا على الطاير افهمها واطيرها أنا مزاجي واطيع اللي يطاوعني ان كان لي خلق أمررها أمررها اسمع كلامي إذا ودك تولعني سعادتي خلها همك ودورها ابنصحك قوم خل عنادك وطعني وتعال نطوي الليالي ونتذكرها وسمعني اللي كتبته فيك سمعني والكلمة اللي تشكل معك غيرها بلسانك الشعر لو تكسر يمتعني كسر يا بخت البيوت اللي تكسرها ..... |
رد: فوق هام السحب ( الشعر الشعبي) على متن القوافي
يارب ترحم ضعف عبدك وبلواه
ومكابره وأخطاه واللي مخبيه انت الكريم الرازق مجيب دعواه وهو الذي يندم على ما يسويه سبحانه |
رد: فوق هام السحب ( الشعر الشعبي) على متن القوافي
ياللي تقول الجود عند العرب مات
الـجـود تحـمـيـه الوجيه الـشريـفـة اسأل عليه اهل الشرف والمروءات لا تسأل اصحاب النفوس الضعيفة ..... |
رد: فوق هام السحب ( الشعر الشعبي) على متن القوافي
الرفيق اللي فالظروف الشديده
ما يسندك وعلومه دايم شمالي النعَم ما تنحسب له في رصيده خيرتي فالبعد منه وانعزالي لو حياتي عشتها على الحديده عز نفسي منه والله راس مالي ..... |
رد: فوق هام السحب ( الشعر الشعبي) على متن القوافي
ترى الناس مثل الماء قراحٍ ومالح
به النبت نفل وغلقه وعراد ومن الناس من يبدي لك النصح ظاهر بعقل وميز وهرجة بركاد تظنه الى حاكاك راعي مودة وهو صابغٍ قلبه عليك سواد ..... |
رد: فوق هام السحب ( الشعر الشعبي) على متن القوافي
فكرت وليا ان الرجال شخوص
اكفول والهبر والعصب وعصوص الأسلاب اللي تستر ماخفى من جسومهم والأطباع مختلفه بغير خصوص ولا أحد يرى عيبه ولو كان عايب ولا احد يرى فيما يقول نقوص قد بان لي في الناس وصف موافق حبابيل حطو في الحبال شصوص مابين مصيود ومابين صايد أهل ق لاشك الكثير لصوص لقيت لك في الناس هراج مجلس كريم لسان وباليمين ملوص ولقيت لك في الناس عي معاند شجاع وعند الموجبات قموص وفي الناس حاوي علم في لبس عابد بلوع البعير وفي الغدير غصوص ..... |
رد: فوق هام السحب ( الشعر الشعبي) على متن القوافي
يازين وصل الليل من بين الأحباب
جيت الحبيب اللي وفت لي وعوده ماصار لى منبوز الارداف كذاب والى مكانه خالي من حسوده دا التحية لي على هجةالباب خليت به يوم الزواهر شهوده في ساعة عنا هل الشرغياب عنده الين الصبح بانت عموده نادى المصلي بالجماعة والاجناب خلي على راعي الهوى وش كوده عليه من هرج العرب ستر وحجاب شوفه دواي وعلتي من صدوده ودواه شوفي والمودة لها اسباب الله يديمه لي ويبقي سعوده والبيض عقبه لوصفن قلت مااناب قالوا عشيرك يا ولد وش زوده وش نفله بالزين عن تلع الارقاب من قولهم تو النظر به نعوده لقيت مابه شي من الشين ينعاب تسمعوا وصفه وهذا وجوده ياطا بحدب منهن الروح تنذاب والساق دملوج سقنه مدوده في منبته ما هزعه كل هباب وانف قسم صافي خدوده وسوده وخرس بلا كحل مضاليل واهداب جيده ونهده محفياته جعوده وغر مناظيم عذيات وعذاب لا طول لا قصر بمشيه ركوده لا دق لا عبج مثانيه ورغاب وتالي وصوفه ماحصينا عدوده للقلب نهاب وبالناس لعابا الشف يمه كل خيط يقوده ويلويه عن غيره لواليب دولاب هني من مثلي لمثله يفوده هذا الوكاد وكثرة الهرج ماجاب ما دام جسمي مالجا في لحوده ما انساه وهروجه عجاريف وعجاب وصلاة ربي عد ما رزم رعوده على النبي ما طقوا البدو مننساب ..... |
| الساعة الآن 07:33 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية