|
رد: فوق هام السحب ( الشعر الشعبي) على متن القوافي
آه رمش العين من طيف سري
عاتب جفوني وحرمها الكرى وابتدت تسهر على رمش الليالي صرت مدري عقب طيفك وش جرى ابتدى التغيير يظهر في حياتي أشعر أن الكون حولي يسهري كل مالي عنك أشعر بالغريب أن قلبي يا بعد قلبي وري وأشعر أن الليل ما هو بس ليل مع خيالك عمر ما عمره سرى وأشعر أن الوقت من غيري ضياع يا مجدد كل جرح لا برى أنت ميلاد الهوى عمر الهوى عيد ميلاد الثرياء والثرى آه طيفك كيف سوى ياحبيب الكرى لو هو الكرى عاف الكرى ..... |
رد: فوق هام السحب ( الشعر الشعبي) على متن القوافي
غفي ليلي وانا عيني سهيرة
تناجي وحدتي دمعة وحيرة ويتعلق على الشفه كلامي شنق نفسه قبل يبدي السريره وتاهت ونتي في وسط صدري ضميري عذبه ونه ضميره وانا ويا الكرى محنا ولايف رحل من مقتلي وارسل نذيره وحتى ضحكتي ماهي بضحكتي عقب ما فارقت طيف وديره فؤادي لو قدرت املك زمامه وعقلي لو قدرت اني أديره حشي ماقدر على فرقاك لحظه وطيفك وين ابلقى بس غيره وكل ياحبيب القلب لازم على طول المدى يعرف مصيره ترى الايام لو تبعد حبايب مسير الوقت يجمعنا مسيره عيون الصب تنبي عن فؤاده قليل الشئ يحكي عن كثيره وانا في غربتي بالحيل جنبك صغيره دنيه العشاق صغيره ..... |
رد: فوق هام السحب ( الشعر الشعبي) على متن القوافي
يا دار وين احبابنا اليوم يا دار
يا دار وين الحب وين المحبين يا دار كيف تحولت جنتك نار وتغيرت الاحوال حين بعد حين هنا لوقفات المها باقي اثار هنا لعبنا با السواقي وبا الطين هنا تبادلنا خفايات الاسرار تقول لي تكفى وانا اقول تكفين كانت تحاسبني على كل مشوار كانت تقول انت النظر داخل العين كانت تحذرني وتخشى من الجار وتقول سر الحب يعلم به أثنين بدا الهوى غرسه وصار الهوى اشجار اثمر وذقنا جنة الخوخ والتين ولا حسبنا ما تخفيه الاقدار واللي جرى من قبلنا للملايين اختل قصر الحب وانهد وانهار وأصبح غباره طاير كنه طحين يا دار ما عينت مثلك ولا دار اللي ربابك صاحبي كامل لزين لاجت هبوب الريح منهم بتذكار اعوي عوي سرحان والناس ممسين والا ذكرته شب في ضامري نار أنا اشهد ان اهل المحبة مساكين أسكب دموعي لأجلهم مثل الامطار أبكي واسوي ما يسوي المجانين ..... |
رد: فوق هام السحب ( الشعر الشعبي) على متن القوافي
يا عالم المكنون يا قاضي عن العبد الديون
يا مالك الدنيا وما فيها وما ضم الوجود ستار يا غفار هونها على عبدك تهون أثر على حالي وذقت المر من صافي الخدود فقلت يا مزيون صاب العاشق المغرم جنون متى متى يا كامل الآوصاف توفي بالوعود فقال أنا ممنون وارخا الشعر من فوق المتون عطف على المسكين والله ماهقيت انه يجود ..... |
رد: فوق هام السحب ( الشعر الشعبي) على متن القوافي
يا الطبيب المداوي ما نفعني دواك
والدواء عند غيرك خابره يا طبيب شفت فضلك ومعروفك على الله جزاك طالب رخصتك لو كان جرحي عطيب أه يا قلبي اللي ذاب في حب ذاك فرقتنا الليالي من ردات النصيب يا الله اني دخيلك ثم طالب رجاك يا عظيم الرجا منهو يطلبك ما يخيب تجمع الشمل يااللي مطلبنا سواك حيث روحي وفكري عند ذاك الحبيب ول ياقلب وين الله بحبك رماك واحد من سبب فرقاه شيبت شيب ..... |
رد: فوق هام السحب ( الشعر الشعبي) على متن القوافي
نهار قالوا موادع قلت انا وين اروح
عزاه يا عين تبكي بعد خلا نها كنت احسب ان الكلام اللي تقوله امزوح حتى عطتني دلايلها وعنوانها وغرقتني دموعي والضماير تفوح والروح شبت لهايبها ونيرانها جيت المداوي وقال القلب كله اجروح قلت اتركوني مريض الحب من شانها كتمت سري عن الدكتور عييت ابوح انا وحبي بذمتها ووجدانها والحب من عهد ابونا ادم ومن قبل نوح ناس كثيرة لأجله تهجر اوطانها ..... |
رد: فوق هام السحب ( الشعر الشعبي) على متن القوافي
البارحة ماامسيت متعومس الرأي
على الذي عند الضحى فارقوني معاهم اللي من العرب غاية مناي اللي عقب فرقاه هاضت شجوني أقبل يوادعني ومديت يمناي وزاد البلى بي عقب ما ودعوني والله لولا صورتة وسط مخباي ان انتحر لجله وأقول أدفنوني ابكي ولكن ما نفع كثرة ابكاي خطير كثر الدمع يضعف عيوني اش حالتي والزين ما هوب وياي مالي امل بعيش بس اعذروني من عقب ذاك العقل شمتوا بي اعداي كل يقول افلان صابه جنوني عزالله ان ما احد ابتلى مثل بلواي وش حالتي ان طال الفراق ونسوني حتى هلي جو يسئلوني وش دعواي قلت انظروا ما صابني واتركوني قالوا تعالج قلت انا عارف ادواي لوجو الاطباء كلهم ما شفوني ..... |
رد: فوق هام السحب ( الشعر الشعبي) على متن القوافي
أنا منوتي لو من تمنى يجيه امناه
أشاهد حبيبي بين الأنهار والروضي أبو مبسم يكشف ورى لثمته واغطاه لها الدر والمرجان نظم وملفوضي أمير الجمال وخاتم الملك في يمناه اشارت ستاير موتره كهرب يوضي دهشني فرح ليل تواقفت أنا وياه سرا باشة الزينات والقلب ممروضي قتيل العيون وورد خده وحمر شفاه وجيد عليه امذهب الراس منقوضي أنا كيف ابدرك راحة القلب في دنياه وذا مخطر الفرقا على الكبد معروضي المكلك فيصل رحمه الله |
رد: فوق هام السحب ( الشعر الشعبي) على متن القوافي
يا هيه جرح الهوي ثنه
يمكن مضاليلك أحلاها العام والبعد له كنه هز المعاليق واظماها هواجيس عودت سنه من لاح فالرجم غناها لك صاحب متلفه ظنه عينه معاذيرها ماها متعود طعنته لانه متعود معك ينساها والله على خمرة الجنه يا موعد الروح بمناها اعن لك مالهوى عنه فض المظاريف واقراها وأن غبت يا راعي المنه لا تنشد العين وش جاها بين ازرق الدمع والونه دور دروبي وتلقاها ..... |
رد: فوق هام السحب ( الشعر الشعبي) على متن القوافي
يا الله ياللي تخلق الانسان من لحم ودم
مدك ولا مد الضعوف اللي عوايدها الزهيد والبارحه مافيه هم إلا تركى وأحتدم بين الضلوع وكنها ما خلقت إلا من حديد والله من ركن بنيته فالمحاني وأنهدم والله من هرج بقلبي لا قريب ولا بعيد ويا ناشدن عني غلا جعل لك فالدنيا خدم من صالح اعمالك ومن مالك وبالحظ السعيد وابشرك حنا خلقنا للزمان ليا ارتدم ما نحني الهامه ولا نجزع ولا نسمع وعيد ولعل راس ما يسند للذراع وللقدم اليا ضرب يضرب قسى وليا وقف ياقف شديد ينشال من بين الكتوف اللي تزايم به عدم والعمر مره والمناوي فالمواقف ما تفي والوقت هذا لا تعذر له ولا الحقه ندم واط على صابره والخلاق يفعل ما يريد مايصدم الرجال كان انه مع الوقت انصدم لا انه يشوف الحرار امست اتصاد ولا تصيد وان كان جرحك ياطويل الباع شرع وانكدم الله وكيلك ما لطمه إلا الصحيح من القصيد تمت معك والادمي مخلوق من لحم ودم لولا المراجل ماسوى حفنة تراب من سعيد ..... |
رد: فوق هام السحب ( الشعر الشعبي) على متن القوافي
بدينا من بداية مجدنا اللي من ثلاث قرون
ثلاث قرون فالتاريخ ما مثله ولا حوله هذا مجداً من ال سعود له عمدان واله ركون هل العوجا حماة الدين وارض الدين والدوله دام عزك ياوطن |
رد: فوق هام السحب ( الشعر الشعبي) على متن القوافي
يا طير يا طير ياطير السعد يا للي ترف الجناح
لا واهنيك ليا ضاقت عليك الأرض خليتها وإن رحت وإن جيت يا طير السعد تسبق هبوب الرياح وأظن ما فيه ديره فوق وجه الأرض ما جيتها مانته بمثلي تجي وتروح ما يصعب عليك المراح لكن يا ليت جنحانك معي يا طير يا ليتها كله على شان ازور اللي رماني بالعنا واستراح اللي على شانها الاقدام عنتني وعنيتها في ماض الأيام أشوفه قدم عيني فالمسا والصباح واليوم حتى العلوم اللي تجيني عنه ما أوحيتها وليا نشدت العرب ما حدن يعلمني عنه وين راح وأتعبت نفسي وبالنشدة كثير الناس بذيتها لا ووجودي على شوفك ولو مره يا ظبي البراح ياللي على شانك العبره على الخدين هليتها يا بو عيونٍ هدبها يزرق العشاق زرق الرماح ذبحت روحي على كفك برمش العين واحييتها ..... |
رد: فوق هام السحب ( الشعر الشعبي) على متن القوافي
الا يالعالم المجهول حدثني عن المجهول
انا احس الحياه اسرار والعالم تعيش ابها انا اكتب فيك شعري واتسأل وانته المسئول عن الفكره وشاعرها وقاريها وكاتبها تعبت اطرح سوالاتي وافكر مالقيت احلول ما غير اطرح سوالاتي على نفسي واجاوبها ليا قلت الخيال احلى يامر الواقع المعقول اصدق نظرتي وارجع الي الواقع واكذبها تضاريس الحياه ارمال واجبال اووعر واسهول سرحت ابها بامان وخفت يوم اني سريت ابها مشيت امع الطريق اللى يبذ الرجل عرض وطول طريقً شاب راسي منه وامثالي مشيبها طريقً فيه عز النفس يشهر سيفه المسلول وقال النفس ترضى الذل ماتدرك مطالبها ليامنك بغيت العز قل للشامخ الغرمول انا شم الجبال اللي على متنك رقيت ابها وانا شاعر مشاعر والمشاعر ماعليها اقفول ليا فاضت تسابق ساعة الوقت وعقاربها تمر اثقل من اللحظه على اللي ينتظر مرسول لكن اسبق من العبرات يوم انك تحسبها وقلت ارجوك يكفي لاتزيد الشرح شرح ايطول انا كل الامور اللي تشير الها مجر ابها انا سباح بحرٍ فيه من هول القيامه هول سلاطين المعاني فيه مرسيةً مراكبها بحر في عمقه الاهوال والفاعل من المفعول ليا حصلت سلامه منه حض اللي يفوز ابها بحر في عمقه اللؤلؤ على كف الصدف محمول تجارة رابحه فالبحر جابتني وجيت ابها سنين اجمع من اللؤلؤ واعد الحول بعد الحول وصفيته على يمناً بدهن العود اطيبها ونظمته عقد في جيداً وراه يسبح المجدول وقدمه مزنةً غرا وبرقً في جوانبها وفوقه بادياً مبدا القمر مبداً عليه ايحول شعاع الشمس في يوم امس لحظه قبل مغربها هذا وصفً تحلابه عشيقة عاشقً مذهول يعيش ابحبها وايهيم فالارض ويهيم ابها يجاذبني هواها وايتجاذبها شرف واووصول شريفه في مذاهبها عريبه في مناسبها تسال العالم المجهول مثلي والجواب ايقول ليا جاوبتك اول شي با مكانك تجاوبها وانا اقول الله الباقي وغيره كل شي ايزول هذا سلم الحياه اللي يعيش ابها يموت ابها ..... |
رد: فوق هام السحب ( الشعر الشعبي) على متن القوافي
اقربي يا لقوافي واشربي سلسبيل
من نهورا يذوب الذوب مع ندها وذعني للحقيقه واشربي حنظليل من بحورا يساقي جزرها مدها ما يشح الكريم ولا يجود البخيل كل نفس طبيعتها على قدها ..... |
رد: فوق هام السحب ( الشعر الشعبي) على متن القوافي
خواطر ليل نكتبها تحت نور القمر ولاّ
تحت جنح الظلام اللي حجب نور القمر عنا خواطر ليل وش ها الليل لا بقّى ولا خلا يدبر ما يحب وما يريد ولا اعتذر منا ونحن معشر العشاق لونضحك ونتسلا مجاريح الغرام وعاشقين الليل ابد حنا نهلي به لكن يروح لارحب ولاهلا بعكس اللي نقابل به اذا قابل يقابلنا مشاعرنا تفيض بالسعادة والفرح كلا تعاملنا بصدق ولا لقينا من يعا ملنا وهذا طبعنا مهما حصل بالصبر نتحلا الا يا كثر ما نسمع ولكن تحملنا ولو انا تغلينا مصير العشاق يتغلا علينا ثم يحطمنا من ايسرنا الى ايمنا درينا كم غلا عشق طغى وعن سكته ضلا تذكر يا ناسينا وتعرفنا ما تجهلنا ليا منك ذكرت اللي بقى واللي بعد ولا عرفت انك بدون احساس ما تقدر توادعنا ..... |
رد: فوق هام السحب ( الشعر الشعبي) على متن القوافي
ينتابني ضيقٍ من أوجاع وآلام
وينتابني ضيقٍ على غير سبّه رجعني التفكير عامٍ ورا عام في غرفةٍ ما زارها إلا الأطبّة وعرفت وش تعني تفاهات الأيام وتصاغرت نفسي شعور المحبّة الي عليه أعلق آمال وأحلام وراعيه يجرحني ولا خاف ربه الله يجيب العافية والتبسام وتقبل علينا أوضاعنا المستتبّه ..... |
رد: فوق هام السحب ( الشعر الشعبي) على متن القوافي
لي ايام وانا معلن الصدّه عن الكل
واليا شفت لي جو ٍ خلاوي تنطحته اجامل وانا نفسي شقيه و ضغطي فل و صابر و سرّي للمخاليق ما بحته اثر صدق مجروح المعاليق ماله حل لو جامل توارت دمعة العين وفضحته لا وردت عليه هموم الايام دق وجل تروح الفجوج الواسعه وسع مسبحته ..... |
رد: فوق هام السحب ( الشعر الشعبي) على متن القوافي
اعوام مضت على رحيلك وفرقاك
جسمي مع العالم وقلبي معك ميت اشد من فرقاك تقليب ذكراك مر وندم حسرة ذهول وتشتيت اليا الحين واقف بي الزمان ما تعداك اليا لحين اتخيل نظرتك يوم قفيت وزولك وصوتك وابتسامة محياك وطهر الحياد اللي بوجهك اليا جيت ليت القدر عنك خذاني وخلاك واخطاك بي يا مبسم الحي والميت ..... |
رد: فوق هام السحب ( الشعر الشعبي) على متن القوافي
يا وسيع البال ضيّقت الصدور
رحت ماعلّمتني وين أنت ساري في غيابك ما لخلق الله حضور وفي حضورك ما لهم بالبال طاري صاحبى محتاج لك شعر وشعور وإحتياجى شي ما كان إختياري من متى والغصن يختار الطيور من متى والبال يختار الطواري ..... |
رد: فوق هام السحب ( الشعر الشعبي) على متن القوافي
على سور دارك صرت أشوف الورود أشواك
ولا عاد جيّاتي عليها تسلّيني بكى كل طيرٍ كان يضحك على الشباك يغرّد وكنّه في وداعك يواسيني أنا منصدم وأعيش يومي بدون إدراك ما باقي معي من عقلي اللي يقدّيني أسولف على طيفك وأغني على ذكراك عسى الله يضمّد جرح قلبي ويهديني ..... |
رد: فوق هام السحب ( الشعر الشعبي) على متن القوافي
تغاضي يا عيوني والسنين قصار
ما دام الوقت لا أنصفني ولا أنصفته أحب إللي مضالي وأكره التكرار وأشوف إللي يخوفني ولا خفّته غريب شعور والواقع غريب أطوار كثر ما كنت راضي كثر ما عفته ياكثر إللي تحاشيته يصير وصار ويا كثر إللي تمنيته ولا شفته ..... |
رد: فوق هام السحب ( الشعر الشعبي) على متن القوافي
يوم الأيام السعيده علي متتاليه
حيّها مزين ظماها ومزين جوعها راحت أيامٍ و مرّت علينا غاليه عاد حنا في رجاها يعود رجوعها تايهٍ في مجتمع ذا السنين التاليه عالمٍ متغيرٍ سلمها و طبوعها ..... |
رد: فوق هام السحب ( الشعر الشعبي) على متن القوافي
اذكرك يا قلبي قبل عده سنين
تعشق تفاصيل الحياة وصخبها عايش بدون قيود وبدون روتين تمشي ورا احلامك وتنسى تعبها هاذا وتوك ما وصلت الثلاثين موتت شغفك الغامضه وش سببها ..... |
رد: فوق هام السحب ( الشعر الشعبي) على متن القوافي
تطري علي واشتاق لك واتمناك
والقاك حلمٍ من بعض ذكرياتي انا ادري اني صرت ماني بوياك لكنك احلى حلم مر بحياتي من عاشرك ماظنتي بيوم ينساك مهما تغيب تكون لي مثل ذاتي واصعب مواقف دنيتي يوم فرقاك فيها عرفت انك تساوي حياتي ..... |
رد: فوق هام السحب ( الشعر الشعبي) على متن القوافي
بين الضياع وبين كثرة شتاتي
محتاج انا لي برّ يا كثر امانه يا كثر ما حاولت بـ محاولاتي ووقتي بدى يكثر عليّ اللعانه مليت من روتيني و أغنياتي و مليت من قلبٍ تزايد حنانه اطلع .. وانا والله مـ اعرفّ جهاتي وارجع، وانا مدري وش ارجع عشانه خايف يروح العمر دون امنياتي واخاف حلمي ما يجي في مكانه واخاف ما أخشع وازل بـ صلاتي واخاف قلبي لا يخل اتزانه واخاف اموت ولا احصل نجاتي واخاف اضيع بـ لحظة الاستهانه يارب وحدك عارفٍ في مماتي ووحدك تعين الي طلب استعانه تجعلني ابقى في ثباتي، ثباتي واعوذ بك من ذل وقت وهوانه وتغفر جميع ذنوبي وسيئاتي ويارب، تجعلني اصون الامانه ..... |
رد: فوق هام السحب ( الشعر الشعبي) على متن القوافي
جف صوت الحروف وشح فكر الكلام
وانعقد حبل .. فوقه عبرة جانيه كل ماقلت هانت بذكر الله .. وانام ناخ ركب الجروح اللي لفت عانيه كل ليلة بـ صدري .. مؤتمر لسلام وينقصف ما يكمل بالفرح ثانيه الطف الكذب قولة بـ أن حالي تمام والمعارك بـ صدري طحن متفانيه بين خابت ظنوني بين كثر الملام ارجي الله جزانا ثمرة دانيه كيف بقنع عزومي تستمر ل الامام وانا حكمة حياتي فانيه فانيه ..... |
رد: فوق هام السحب ( الشعر الشعبي) على متن القوافي
اتركوني من النشده وبحث الخوافي
وابعدوني من الديره لـ دارً فسيحه جعل مامر صدري مايمر السنافي عفت شوف الحضور ومطرويً القريحه ضايقً من فراق وضايقً من تجافي اتقوى وانا حالي دنى من مطيحه يكذب اللي يقول ان المفارق عوافي لا يحس بشعور ولا يعرف النصيحه ..... |
رد: فوق هام السحب ( الشعر الشعبي) على متن القوافي
يفز الحنين من آخر الصمت والفقدان
وتهيج الجروح اللي عن الشِعر حابسها فقدتك وفقدانك على وجه عمري بان وانا اخترتك بـ معشب سنيني ويابسها عيون ٍ روَت وجهك عمر ماملاها انسان يغني لها الملح .. وترفرف نوارسها ياكثرك بـ ذاكرتي تمر وتسيل أشجان وتفاصيلك بـ كل الوجيه اتلمسها تمر الحياه وليت الاقدار بالامكان واعرف الليالي وش تخفي بواهسها يا كيف اتجاوز ما مضى واقدر النسيان ولك ضحكة ٍ في تربة البال غارسها ..... |
رد: فوق هام السحب ( الشعر الشعبي) على متن القوافي
تحاذف على راسي من البارحه لليوم
همومً مع هوج المراويح تومي به انا من دموع العين والله ماحولي نوم ماغير اسكب دموعي من الفجر لـ الغيبه يا دمعي عداك اللوم والله ما حولك لوم تصبر على موته وماجت به تجيبه صديقي خذاه الموت والموعد المحتوم وحزني على كبدي تراكت مشاهيبه قبرته وصدري من خبر موته مزحوم هذي والله الغيبه ليا قالو الغيبه لو ان البكاء بيفيد ببكيه لين يقوم خذته الليالي من يدي كيف بتجيبه ياوجدي وياويلي وكبدي ومال القوم على اللي خذاه الله وانا عاد ودي به ..... |
رد: فوق هام السحب ( الشعر الشعبي) على متن القوافي
البارحة مابين ذكرى وتذكار
عيا يطب النوم سود الجفوني ياغايبي والشوق مخلوق من نار ماهنت لو غيرك عليا يهوني وشلون تتركني على عتبة الدار وانت الوحيد اللي بكت له عيوني اسألك في وجه الولي رب الابرار رازق ضعيف الطير فوق الغصوني ان كان باقي لي معزة ومقدار عوود ترا شوفتك تشفي طعوني ..... |
رد: فوق هام السحب ( الشعر الشعبي) على متن القوافي
افا يا صدري ضقت من جاير الوقت
خابرك يا صدري تشيل الثقايل وش فيك علمني لك ايام ما رقت ضايق وفيك الهم صايل وجايل خابرك ما عمرك للأحزان رافقت واليوم كنك شايل جبال حايل ..... |
رد: فوق هام السحب ( الشعر الشعبي) على متن القوافي
انا الحزين الحزين اللي عليه الكلام
وأنا الغريب الغريب المغترب بـ وطنه وأنا الي أقصى طموحاته يعيش بـ سلام فاقد شعور السلام الداخلي كم سنه بعض الليالي ما مرتني مرور الكرام احداثها مُحزنه وامراضها مُزمنه يا صاحبي صاحبك ماهو على ما يرام الحزن مثّر على نفسّيته وابدنه ..... |
رد: فوق هام السحب ( الشعر الشعبي) على متن القوافي
مشغلني التفكير في بعض الأمور
تجمعت في وقت واحد كلهّا محتاج لي مخرج ومنفذ للعبور للشجره اللي تحتويني ظلها صبرت فالدنيا وانا مّاني صبور شيّبت من كثر الهموم و حملها من كثر مااعشق ملذات الشعور اهم لذه ماعرفت اسعى لها أحلام في عقلي و في راسي تدور بس النهايه ما قدرت اوصل لها ..... |
رد: فوق هام السحب ( الشعر الشعبي) على متن القوافي
وين أتوجه والليالي ماتطاق؟
وأنت الوحيد اللي دموعي تألفه ما عاد لي عقبك صحاب ولا رفاق لا ولا لقى قلبي قلوب موالفه ملّ الجفن يذرف دموعي الرقاق خذني بـ صدرك ما بقى وجـه آلفه وعلم شعوري لانزف جرحي وفاق إن الندوب اللي بـ صدري تـالفه ..... |
رد: فوق هام السحب ( الشعر الشعبي) على متن القوافي
الرعد والبرق والغيم وانسام الهبوب
والمزون اللي تشوق العيون نصوبها ساقها الرحمن من كل حدب وكل صوب والتقت من فوق قمة عسير دروبها نطحت السحب الركامية جبال الجنوب وفي سماها ذابت جنوبها في جنوبها الشوامخ لبست الثلج والماء لبس ثوب والسهول استقبلت ضيفها باسلوبها الارض صارت تحت زخم النوامي والعشوب جادلٍ صبحية العيد تلبس ثوبها عيطموس وبنت شيخٍ معنز ومحسوب فتنةٍ من ناصيتها الى عرقوبها ..... |
رد: فوق هام السحب ( الشعر الشعبي) على متن القوافي
والله اني من غيابك غدا همي كبير
خانقتني ضيقتي والدموع اخفيتها وانعزلت بزاويه كنها سجنً عسير بس اطالع للسما والدموع هليتها كن ما حولي بشر كن ما حولي عشير وكن طاري فرحتي من جفاك الغيتها واقتنعت إنك علي حلم لا يمكن يصير ليت صدك ما حصل والهموم انهيتها ..... |
رد: فوق هام السحب ( الشعر الشعبي) على متن القوافي
نسنس الحزن واجتاح الضلوع وبكيت
لو عيون الرجال اتعيب عبراتها أدركتني وانا هليتها ما استحيت آه يا لحظة الفرقا ولوعاتها والله اني من الفرقا شبعت ورويت اعرف دروبها وابخس متاهاتها اوجعتني وانا من جورها ما حكيت في رجا الوصل والجمعه ولذاتها يا هوى البال هذا أنا لعيينك سريت كان بإيدك بقايا للوصل هاتها جيتك العام وأزريت الوصل يوم جيت ليين عيشتنا الفرقا وحسراتها فيك صغت اجمل بيوت الشعر بيت بيت وردت الفعل منك طول سكاتها علموني وانا عن حالتك ما دريت العذر يا شقى روحي ومشهاتها الوجع فيك وأنا اللي مرضت وشكيت نكبة الفال ما ينفع تنهاتها اتظاهر مع العالم وانا ما سليت القطاعه على وجهي علاماتها لين نسنس علي الحزن ليل وبكيت آه يا لحظة الفرقى ولوعاتها ..... |
رد: فوق هام السحب ( الشعر الشعبي) على متن القوافي
يابنت انا عاقل ولاني بمجنون
بس الهوا يا بنت سوى سواته منهو يلوم القلب في حب مزيون ومنهو يرد القلب عن ذكرياته ..... |
رد: فوق هام السحب ( الشعر الشعبي) على متن القوافي
يا راكب اللي لا مشى كنه الذيب
يذخر نشاطه للديار البعيدة يطوي الفيافي والجبال الشلاهيب ما يشتكي من جور وقتٍ يكيده ..... |
رد: فوق هام السحب ( الشعر الشعبي) على متن القوافي
لسانك حصانك ارفقبه وريضبه
جود لجامك وقصرها على الماضي قدام تندم على قول تلفضبه كذبك على الناس مايقضيلك اغراضي وراك في كل مجلاس تلامضبه تسلخ وتطبخ وللمقفين عضاضي يقطع كما الحد فاقرابك وتلحضبه كذاب شذاب للعرقوب لحاضي على المقفي تشيل اكبر من الهضبه مليان قلبك صدى ومن الحياء فاضي تبني من الكذب بلسانك وتنقضبه بيت بلاساس تبنيه من الانقاضي مدري زعل عن ضميرك تاتهيضبه اتقصر الوقت بهروجك فالاعراضي خلك بدربك ودربي لاتعرضبه الناس وكبودها مليانة غاضي وليا أمتلا وادي بالسيل فيضبه سيله ليا سال فيض كل ملحاضي أعطيك علم وكاد وعلمي أحمضبه قدم الضمايا ترد بكره على الحاضي ان كان لك قلب حي الدم ينبضبه لاتاكل اعراض خلق الله باللا فاضي ماعد بحد مراعي نفسك الحضبه ولاحد مجاملك ياباشا ومتغاضي اليا التفتنا نظرنا مانغمضبه واول مانبغاه منك الحق والقاضي الحق يقنع وغيره ماتفاوضبه من مصدر الحق يرضى كل مغتاضي تقبل وسيمه وترضى ويش يفرضبه والكل منا يقوم وخاطره راضي ..... |
| الساعة الآن 09:16 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية