رد: فوق هام السحب ( الشعر الشعبي) على متن القوافي
 

كثر من الطيب ياللي تقدر الطيب
حتى منه عقلك وروحك تشرب

كم واحد هقوته في نفسه تخيب
يقيس الابعاد بالزوم المقرب

يقدر يودي لكن مايقدر يجيب
يرهي على الطيب والطيب يتهرب

ترى الحظوظ الكبار الها مناديب
حفظ المروات والراي المعرب

وان كان ما انت بلهن ضمن المعازيب
ارقد لاتنقل هموم ولا تكرب

.....

رد: فوق هام السحب ( الشعر الشعبي) على متن القوافي
 

من يحصل نعم يا صاحبي يستاهله
والعرب ترصد وما قدم الرجل محفوظ

قولٍ اقوله وخابرك مَ انت بجاهله
والكرم والبخل ف السوق للناس معَروض

وكل ورّادٍ يرد تقنعه مناهله
عانها قدّام عينك و اخذها حوض حوض

لا تقول الناس ف الواجبه متساهله
السهم هو مُرضِ الاخوين والدنيا حظوظ

ومن برك للجود والله ليثقل كاهله
ولو قلت و قلت ما فَ الكرم شيٍّ يعوض

بعد دين الله هو راس الامر وعاهله
صايرٍ في سَلم الاجواد فرض من الفروض

تدركه حُصنٍ لها في الطراد مصاهله
ويخثع دونه كديشٍ عن العليا ربوض

.....

رد: فوق هام السحب ( الشعر الشعبي) على متن القوافي
 

لو بيّنت في سكّة العمر لمعة
للمنتحين الغايبين القديمين

تهايقت من ذروة الموق دمعة
واستوطن الحزن وتسرمد بضلعين

.....

رد: فوق هام السحب ( الشعر الشعبي) على متن القوافي
 

ما طلبت الوقت لكنه خذا
فرحتي واسقاني الحزن الزلال

لين صار الحزن لي اشهى غذا
تشربه روحي على مر الليال

آآه يا نفسي تعبت ابكي لذا
جف دمع العين ما جف الوصال

صار روح الورد ما يملك شذا
وذابل ٍ صوتي وليل البعد طال

ويل حالي لا غدى صوتي كذا
مير لا صوّت نادي لي تعال

ودمعتك طالبك لا تنزل إذا
انتهى عمري وكفنّي رْجَال

ولا سئلوك الناس من يطلع هذا
قولي المسجون في ذاك الخيال

.....

رد: فوق هام السحب ( الشعر الشعبي) على متن القوافي
 

ما هقيت إنك على جروحي تحلا
يوم كنت النجم واحضاني سماك

هاك حتى النبض في طاريك علا
وشوف في بعدك اقرّب للهلاك

انتهيت وصرت ب أوطاني مجلا
وما لقيت احد ٍ ينسيني غلاك

بس شفت الحب في موتتك صلى
وجا يهل ادموع في ليلة عزاك

.....

رد: فوق هام السحب ( الشعر الشعبي) على متن القوافي
 

سفر .. والملامح من نوافذ على بحر
تبلل عشيب الطاوله والشفق دامي

دنى السقف حتى لو بغيته مطر .. مطر
وتخيلت الارض القاحله تنبت الحلامي

وعرضت انت يمشيك الطريق ومعك زهر
تنادي .. ويكسر منظرك خاطر اقلامي

انا ودي اتعب .. ودي آطا على جمر
انا ابيك قدامي ولا ابيك قدامي

ابي عاصفه تجتاحني .. تقتلع شجر
وابي لي سكون ينضح بصمته الهامي

الى جيت ما بي يسقط بسلتي ثمر
انا صح احبك وافضل ايامي .. ايامي

.....

رد: فوق هام السحب ( الشعر الشعبي) على متن القوافي
 

خابرك وأعرفك من منطق كلامك
مع هل الحق ورفيق .. ولا تعدّى

لكن الأيام مخلفتن نظامك
لا تردى وأنت ما تعرف تردى

.....

رد: فوق هام السحب ( الشعر الشعبي) على متن القوافي
 

قلت الغلا قالت هلا سم لبيه
معها خذتني للامل والاماني

وشعرت كني صايرٍ ياعرب بيه
وش بيه بل سلطان حاكم زماني

وأزريت اجد من فيض الإحساس تشبيه
حيث انّه اكبر من بلاغه بياني

صارحتها قلت أغبط اللي تحبيه
يا بخت منَ لَه وسط قلبك مكاني

قالت وهل أخفي غرامي وأ خبيه
غيرك فلا يسكن بهالقلب ثاني

قلت اصدقيني القول قالت يا ربيه
مبروك منّك يوه وش كثر أعاني

انا عطيتك عهد وش لون أخل بيه
واعلنت حبي لك لقاصي وداني

قلت آمري وش تطلبينه ألبيه
نذرت عمري في غرام الغواني

قالت طلبتك هاجس الشك مابيه
أشعر واحسْ إنِّه يزلزل كياني

أقول هذا لك ميانه وتنبيه
واللي على قلبي يقوله لساني

قلت اسلمي صبي لي الحكي صبيه
في مسمعي يصبح كلامك أغاني

من غيرك احلم به واحبه وآحابيه
وآ عامله با للطف هو والحناني

تقولين يا لبيه وآقول لبيه
وآ سكِّّنك فالقلب بين المحاني

.....

رد: فوق هام السحب ( الشعر الشعبي) على متن القوافي
 

غطي عيوني ونامي واحلمي فيني
وأنا علي ارسم أحلامي على أهدابك

وتصبحي يا بعد عيني على عيني
تلقينني واقف بقلبي على بابك

وأشوفك بكل كل الحب عشتيني
وأنا أموتك بكل الحب وأحيابك

نسوني الناس وانتي مانسيتيني
غنا لك القلب مدري القلب غنابك

وأجيك بالشوق قبل أجي لك تجيني
هو جابك الحظ ولا الشوق لي جابك

زانت حياتي معاك..أحلوت سنيني
ما عاد تطري ببالي..ساعة غيابك

وأنا أحبك وأبيك أكثر تحبيني
والعمر ما عاد يحلى "عمري" إلا بك

.....

رد: فوق هام السحب ( الشعر الشعبي) على متن القوافي
 

سبحان من هون فراقك على القلب
وأنا الذي شايف بفرقاك موتي

أخذت لك دربٍ وأنا اخذت لي درب
ويكفيك عن بعض المعاتب سكوتي

.....

رد: فوق هام السحب ( الشعر الشعبي) على متن القوافي
 

انا مثل البحر واللي يبي ينهي الحياة أنهيه
مثل من يحرق الدنيا ومن فيها وهو فيها

احبك وان تناسيتي غرامي وان تذكرتيه
عيونك موطني وارخي شراعي في موانيها

يروح العمر والا ما يروح العمر وش تاليه
حياتي لحظةٍ من عاد من عقبك بيحييها

.....

رد: فوق هام السحب ( الشعر الشعبي) على متن القوافي
 

اطلب المولى ولا تطلب سواه
وارفع الشكوى بلا حبرُ ورَق

لا وسيط وموعد يحدد لقاه
لا سفر لا هم لا جهد وأرَق

جلّ شانه ما يخيب من نصاه
ما يرد اللي على بابه طرَق

خاب حظ اللي يدور من سواه
رزق مابه رزق من يد السّرَق

ذل نفسه بين ذي جاهٍ وجاه
كن وجهه خبز تنور احترَق

لو عطّيْ مليون والله ما عطاه
ما اهتنى به يتلفه ولا انسرَق

احمد الله واشكره واطلب رضاه
تلقى عز النفس في قلبك شرَق

وانت ساجد بين ايدينه ف الصلاه
خاشع ٍمن قلب للطاعات رَق

أساله حاجتك واكثر من رجاه
واعلم ان الله على عبده أرَق

من غني متغطرسٍ جر العباه
حكمته الله خلق والله فرَق

.....

رد: فوق هام السحب ( الشعر الشعبي) على متن القوافي
 

ادري ان اللي ضحك لي مابكالي
ماتبي يا مسندي فهم وحذاقه

بيّض الله وجه صلفات الليالي
علمتني ويش مفهوم الصداقه

ايه والحر يتعلا فوق عالي
ما يعيقه شي لا هد انطلاقه

ماكره يا مسندي روس الطوالي
ولا عليه من الغراب ولا نعاقه

علّم اللي وده يزيد انفعالي
المنافق بان للعالم نفاقه

طاح من عيني بعد ما كان غالي
مثل تمثال العراقي في عراقه

.....

رد: فوق هام السحب ( الشعر الشعبي) على متن القوافي
 

والله بخيالي ضحكتك واضحة زين
يا بنت والله الزين ما هو بخافي

ضحكت ثغر والا ابتسامة شفاتين
احلى ملامح شخص لا صرت غافي

ادري تزعلني وهجرك طواعين
ليه التغلي والزعل والتجافي

زارع عنادك مثل زرع البساتين
وانا ودادي لك على طول صافي

دايم جنون الحب مسكه رياحين
الا انت زدت وزود بالطيب ظافي

لو كنت صحراء حر محدن لك يبين
انا الوحيد اللي ابى امشيك حافي

امشيك من اقصاك لا ادناك ذلحين
ممشى نمر لامن فريسته شافي

ابفترسك بناظري يا اكمل الزين
وابا اتعشى فيك والضو طافي

ما ابغى رموشي تبتعد عنك لو حين
خوفي يصير لي شي منك خرافي

خوفي يفز القلب واصير مسكين
شخصن ابليا روح والقلب مافي

روحي معك اهديتها قبل عامين
جتك الهدية من حبيبك عوافي

والحين قلبي مابه النبض لك لين
تنشد عن المجروح في علم لافي

ادري بشوفك يااريش العين بالعين
ادري الزعل مايرد شخصن يوافي

وادري علي تحن حن الشفاتين
هي للتلاقي بالكلام المصافي

ناطرك خلك ياحبيبي الى الحين
حتى الحياة اللي بدونك تعافي

.....

رد: فوق هام السحب ( الشعر الشعبي) على متن القوافي
 

أوجعني البعد لا تبكي ولا أبكي لك
فقدك ضرب بي بحوراً مالها ساحل

أيسّت من شوفك وطاري مواصيلك
أواه ليت الدروب تعود بالراحل

.....

رد: فوق هام السحب ( الشعر الشعبي) على متن القوافي
 

الله ولا الهاجس اللي ما يريحني
اسهر عيوني وعناني وعنيته

احاول اخفيه مير الحزن يفضحني
متمركز بالحشى كل الحشى بيته

ياللي تعاتب غموضي لا توضحني
ما باقي في الخفوق الا تناهيته

اصافح الهم قبل انه يصافحني
واحب خشمه واردد في الخفى ليته

ليته قبل لاتزل خطاي ينصحني
ولا يريّح خفوقي من عفاريته

والغالي اللي عليه الشوق ذابحني
اقفى به الوقت ماجاني ولاجيته

ياسيد الغيد قبل اقول لك بحني
بخبرك عن كلام عنك خفيته

تدري وش اكبر خطاي الله يسامحني
اقفايتي عنك وانت اللي تمنيته

وهذا هو اللي معذبني وجارحني
اقول ابنساه وانا ما تناسيته

.....

رد: فوق هام السحب ( الشعر الشعبي) على متن القوافي
 

رغبت القصيدة رغبة الطير للتحليق
سماي اصبعين وبينها جرح مسباقي

تعودت اموت بصدق وارحل بلا تعليق
كفاني احس بلذة الموت في اوراقي

ولا احط نفسي وثن يشرب التصفيق
على شان يدخل برزخ النور لأعماقي

مهو لازم اقطع دابر الشك بالتصديق
ولاهو ضروري تعكس اشعاري اخلاقي

.....

رد: فوق هام السحب ( الشعر الشعبي) على متن القوافي
 

صباح العيد لا مر الأماكن
تسيل الشمس من فوق الثرى ضو

صباح ثنين زعلانين لكن
صحو بدري من الشوق وتراضو

.....

رد: فوق هام السحب ( الشعر الشعبي) على متن القوافي
 

انا اللي عاهدت يمنى المحبه والوفى يمناه
متى نوفي واصافح ناس من طبعي ومن لوني

وانا اللي ترسم اقلام الاوادم ضحكته وبكاه
عسى تغريهم شفاهي ولايدرون بعيوني

قصيدي اكتبه واخفيه وعيون الصقر تقراه
ويقرون العصافير التعب والجوع وجنوني

.....

رد: فوق هام السحب ( الشعر الشعبي) على متن القوافي
 

لا تسأليني متى كل ما بغيتي تجين
الحب مابه متى كل العمر موعده

حبيبتي لا يهمك وقت .. لا تستحين
انا رميت الدقايق عندك مقيده

هبي وانا بآتمايلك غرام وحنين
لحنك من اليوم للبارح وانا آردده

.....

رد: فوق هام السحب ( الشعر الشعبي) على متن القوافي
 

لا تخاوي إلا ظلالك ياخوي الظلال
في الناس مايشبهك غيره ولا لك شبيه

خلك وسيع المدى خلك بعيد المنال
والحظ لا تلتفت يمّه ولا تشتكيه

وإن ضاقت الأرض في وجهك توجه شمال
لديارك اللي بها تلقى كرام الوجيه

هذي وصايا قصيدي والقصيد احتمال
أما احتويته وفا والا التعب يحتويه

.....

رد: فوق هام السحب ( الشعر الشعبي) على متن القوافي
 

حظي معك يا صاحبي مثل اللي ناطر فرصه
عند الحبيبه كل ساعه جالس ويتفخفخ

ويوم الحبيبه غازلوها شلة من حرصه
قام يتوعّد ويتهدّدهم وهو متنفّخ

قال اتركيني بس أبعطيهم كذا كم قرصه
وخمسة دقايق ما رجع إلاّ وهو متكفّخ

.....

رد: فوق هام السحب ( الشعر الشعبي) على متن القوافي
 

الكبر لله يا قلبي وغير وجهه فاني
والله يعلم شوفتك في ذاتها عيديه

عيدك مبارك لغيرك ما نطقها لساني
كيف أبنطقها وغيرك ما يمر طاريّه

.....

رد: فوق هام السحب ( الشعر الشعبي) على متن القوافي
 

بعض العذر نبْدِيه دون استخاره
وبعض الشِعر لو نسفهه ما عتقنا

يا صاحبي شاعرْك قبل اعتذاره
تصرخ من أبياته أفا تعتنقنا

لو كل من يكتب برز عن جداره
ماكان من كثر المشاهير ضقنا

والساحه اصبح من حكمها قراره
يُحسب عليهاْ وصيدته من فشقنا

.....

رد: فوق هام السحب ( الشعر الشعبي) على متن القوافي
 

مهما تحديت الفضا بإختراعك
وأجتزت علم النسخ و أحدثت فوضه

ومهما بلغ عقلك وقوة ذراعك
والله ما تخلق جناح البعوضه

آخر مطافك ما تشافي صداعك
وتخضع لقدرة من بعث لك فروضه

.....

رد: فوق هام السحب ( الشعر الشعبي) على متن القوافي
 

من تكبر عاش بالدنيا صغير
‏ومن تواضع بين خلق الله كبر

.....

رد: فوق هام السحب ( الشعر الشعبي) على متن القوافي
 

القصيد يتسابق والمعاني تشوق
والحيا فالمشاعر والليالي دهر

والسحابه وقلبي والرعد والبروق
إزرعت في عيوني دمعتين وسهر

وانت يابعد عمري ياخوي العروق
يا هوى المزهريه ياعدو الزهر

يا ملحّن على صوت المحبّه طروق
يا مغنّي على قلب المعادي قهر

يا طبيب المواجع والشقا والفتوق
يا مجرّي على صحرا القوايل نهر

إحمد الله على قلبي وخلّ العقوق
لا تضيّع غرامي بعد جيتك مهر

مايثير الشعوب الا انتهاك الحقوق
ولا يهدّ المحبه غير طعن الظهر

ولايجيب المفارق غير طعم الحروق
لن توالت على مر الزمن والدهر

لا تجمّل عليّه وانت عندي سروق
وكل خافي دفنته فالمحاني ظهر

.....

رد: فوق هام السحب ( الشعر الشعبي) على متن القوافي
 

العشره الي كلها خوف في خوف
نارث بها دمع وذكرى وعله

اللي حرمه الله من نعمة الشوف
قلبه بعد فقدان شوفه يدله

.....

رد: فوق هام السحب ( الشعر الشعبي) على متن القوافي
 

احدٍ فعوله بالمجالس سواليف
واحدٍ سواليف المجالس فعوله

.....

رد: فوق هام السحب ( الشعر الشعبي) على متن القوافي
 

شربٍ على غير الضما يجرح الكبد
وقربٍ على غير المُوَده مهونه

.....

رد: فوق هام السحب ( الشعر الشعبي) على متن القوافي
 

قلبي معكْ مهما تخافين يحميك
حولك مثل ظلك مكانه مكانكْ

أقطف من غصون الوله شوق وأعطيك
وأظلّل الصحرا بغيمة حنانك

يا نايمة في عين نورس تراعيك
كل النوارس حالمة باحتضانك

يكفيني انكْ لي يا ليت يكفيكْ
شاعر كتب شعره عذوبة لسانكْ

كل القلوب الخالية لو تناديك
ما همني ما دمت فارس زمانك

.....

رد: فوق هام السحب ( الشعر الشعبي) على متن القوافي
 

يقطعك يا حبٍّ توقف على ماش
ومن حب حلوين المظاهر بلاشي

اللي يبيعون المحبين ببلاش
حلوين الالسن و القلوب الغشاشِ

العرق لو يقصر عن المي ما عاش
والشمس لو تغرب على الكون عاشِ

تفخر بزينك يوم تجفل و تنحاش
ما تدري اني منك قانع و ماشي

من اولٍ عيني ترفرف بالارماش
جفن غطا و الجفن الاخر فراشي

مطوعٍ لك قلبٍ ابيض من الشاش
و مستدخلك بين الضلوع الهشاشِ

و اليوم اب أنقش سر حبك بمنقاش
الله و لا حبٍّ سعى فيه واشي

خلف بن هذال

رد: فوق هام السحب ( الشعر الشعبي) على متن القوافي
 

حزن السما الشتوي وهجر القصيده
وخوفي وبعد فريح ومعاند الغد

ونسيان ابو سامي وجرح العنيده
وعمرٍ على كف المواعد مهدد

وشقا الهوى واشعار ذيك البعيده
والصعلكه والفقر والهجر والصد

ماعدلن عندي دموع الوحيده
امي مرضها بالخبر هدني هد

ليت المرض يجرح بقا العمر بـ ايده
ولا يزاور بالألم منبع الود

سليمان المانع

رد: فوق هام السحب ( الشعر الشعبي) على متن القوافي
 

حبيبتي لا لمحتي الانس يغمرني
لا ينخدع قلبك بزيف إبتساماتي

لو يولد الحزن من صدرٍ بلا ضيقه
ما يولد الضحك من رحم المعاناتي

جيتك وانا ذكرياتي كنها الاسماء
يشيلها الحي لو انها للامواتي

ماجيت اراجع علاقاتي من اولها
جيتك على شان اكفر عن علاقاتي

.....

رد: فوق هام السحب ( الشعر الشعبي) على متن القوافي
 

يا ديرتي وان جيتك بوجه مفقود
والاّ نظرتي حيّ باكفان مذبوح

في ذمّتي ما يذبح الرجل يا كود
غربة وطن لا صادفت غربة الروح

.....

رد: فوق هام السحب ( الشعر الشعبي) على متن القوافي
 

ودي أحيا بس يا قلب لا تحيا ردي
من يموت يموت ويعيش بعده ماحضا

طيب افرض مت..ماصارت الأرض الجدي
ولا غدت هالناس بعدي حزانى ومرضا

يمكن امي تبكي ايام وتقول ولدي
لكن اكثر هالخلايق تقل شاعر مضا

.....

رد: فوق هام السحب ( الشعر الشعبي) على متن القوافي
 

‏تحريّت منك الوصل يا قبلة الغالين
‏لو ان الظروف تحول من بينك وبيني

‏تماديت في حبك وقربك و وصلك لين
‏عطيتك رغم كثر العنا ضحكة سنيني

‏تقولين لي ليه العتب كل ما تقفين
‏اذا اسهبت في بعض التفاصيل خليني

‏انا خايف ادورك في يوم وتضيعين
‏مثل ضيعة احلام الطفولة من يديني

.....

رد: فوق هام السحب ( الشعر الشعبي) على متن القوافي
 

يا قصة الأمس مـاني منك حزنانه
‏اســاير ظروف وقتي واتحـداها

‏ما عـاد باقي بصدري للحزن خانه
‏والعـزه اللي براسي ما تعداهــا

.....

رد: فوق هام السحب ( الشعر الشعبي) على متن القوافي
 

يا جلالة سيدي مولاي يادمث الجنابي
يازعيم العرب يارجل المهات الكبيره

يا فهد يا برفسور الفقه والرشد الصحابي
يا فهد يانصرة الوحي السماوي وتعميره

يافهد راسي عمادالدين فالصف العرابي
يافهدنا يا حبيب العود و البنت الصغيره

اكلب الهيلا تعانقك المحبه واللبابي
وبأسم نواب الفخوذ وباسم شيخان العشيره

تعلن العرفان و الطاعه جهر ماهوب غابي
والمعاهد والولا بأسم الجنوب وبإسم اميره

كلنا فهد و عبدالله على الخط الإيجابي
تحت أوامر قادة الأسلام روادالمسيره

كلنا نستنكر الأرهاب شيبان وشبابي
وضد عميان العقول و ضد عميان البصيره

سعد بن جدلان رحمه الله

رد: فوق هام السحب ( الشعر الشعبي) على متن القوافي
 

هل الهلال وهامل الدمع مدرار
لا هل واهمل ماطره كالهلل هل

صور وصار الملح والدل والكار
له والمها ما له ولا رسم ما كل

لو صاح صالح طالعه ساع ما دار
اسود على صدره على المسك عمل

سامح محمد لا رأى روس الاسطار
وحسامه الصارم لراع الهوى سل

ولا رد كود اهلا وسهلا له كرار
والحلم هو والعلم دله ولا دل

اساله وما درى الود ما صار
ولا ولاله كم دور لهم عل

اول صدور مواصله والهوى صار
لما الدهر رده على حاله اول

ما صح عله والرعد ما وسم دار
والحال حال الحول والحمل ما حل

ولولا حلاها حلها روس الاكوار
ما حل له دل ولو هو حل ما دل

عسا عسى ما كمل الدار للدار
عاد الرحا دوره على روس الاوحال

وصلوا على طه عدد رمل الاوعار
او ما كسا سهل الوطا للسما طل

محمد العونـي