|
رد: فوق هام السحب ( الشعر الشعبي) على متن القوافي
اول وانا ما أشري بحبك ولا ابيع
واليوم بأول سوم والله لبيعه عقب إنتشالك لي بروس الأصابع رميتني بين الرجا والقطيعه ذوقتني الحرمان سبعة أسابيع وأشقيت نفسٍ لك مطيعه مريعه ايام صفو الحب تامر وانا اطيع واليوم لأمرك والله إني ما اطيعه لاتحسب إني عقب فرقاك أبا اضيع البيض واجد وارض ربي وسيعه سبّعت قلبي من محبتك تسبيع واقفيت عنك وسو ماتستطيعه خذ راحتك يامصنّع الحب تصنيع مادام نقض العهد عندك طبيعه من لا على صهوة جواده مصاريع خطرٍ يطيح ومثل هذي هزيعه مزّعت صورة ماضي الحب تمزيع وانوي على تكوين صورة فضيعه مع من جبينه مثل نور الشعاشيع وإلا كما برقٍ تزايد لميعه الصاحب اللي لأمري مطيع وامريع من شان حبي كل غالي يبيعه احمد الناصر |
رد: فوق هام السحب ( الشعر الشعبي) على متن القوافي
أثرني من سنين أحرثْ بذور أرضٍ ماهيب أرضي
غبي ياللي نوى يجني ثمار أرضٍ ماهيب أرضه حزن كلّي يكابر لو سكن بعض الفرح بعضي دخيل الله من مثلي خنق كله فرح بعضه ياليتي ماخذيت من اصبع أمي خاتم ٍ فضي باأبدلّه بذهب والغبن : ضاع الخاتم الفضه ألا ياهشم قلبي لاازهمت: قم يا ولدي وضّي الا يابري حالي كم طفت لي جمرةٍ غضه كذوبه يابروق الصيف طول الصيف وانا امضي وراك ولا حصل لي من سنا نورك ولا ومضه بعذرك عضي الأبهام يااسنان الندم عضي ومن مثلي خلع ظفره ندم من كثر ماعضه من حراب التجارب قلت لك يانفسي أتعظي مدام اناّ بوقتٍ يكذب الوعّاظ في وعظه اعرف النافله واتحمد الله حافظٍ فرضي ولا ني ملزم ٍ باالفاسق اللي تاركٍ فرضه حسافه ماجنيت الاّ عجاج البيد ياركضي حسافه ياكحيلان الكديش يماري بركضه رحم عودٍ مربيني على ان المرجله عرضي لابوها ديرةٍ فيها السنافي هاتكٍ عرضه وجيهٍ غاضبه لاهيب لا ترضى ولا ترضي واذا فيهم توفّى العود كان أبلغ عزاء : عرضه تهجيت المكان بعين شرهة نورها الغضي وشوفي كل مااسترسل بحلمٍ توقضه غمضه أنا اللي سولف النحس بغرابه عن ردى حظي ِونسى نفسه وقال : اماّ الدحيمي لعن ابوحظه محمد الدحيمي |
رد: فوق هام السحب ( الشعر الشعبي) على متن القوافي
اعتزلت الناس واسرفت في نظم القصيد
من هجوس في ظميري تفوح دلالها بين تجار الردى مالي أسم ولا رصيد ما أعرف ارسال النميمه ولا استقبالها اعرف رقم الحواله واسم المستفيد في اعتقادي كل حسنه بعشر امثالها أثرها نار على كف شيطان مريد الله يخلي لبعض الرجال رجالها هيه ياللي غرك الوجد واغراك المزيد شرهة جمال المحامل على جمالها اضرب سمان المعاريف بيد من حديد والثقة يبس شجرها وهد جبالها واعزف أوتار المناقيد واطرب من جديد غن للشرهة ومول على موالها واذبح الحشمة من أقصى الوريد الى الوريد وقيد الشيمة وكثر عقود حبالها أنت لاقلت احفيت الأقدام واتعبت البريد أنا أقول اخوان شما خوال عيالها تحسب انك متعب الخيل والسيف الحديد وانت كاين حي في حالة يرثى لها مهرة جود رسنها العنيد ابن العنيد إتعقب منت بفحلها ولا خيالها فلاح القرقاح |
رد: فوق هام السحب ( الشعر الشعبي) على متن القوافي
البخيل بخيلْ لين إنه يموت
يطرد الدنيا ولا يشبع عفَنْ ما درى ان كنوز بيت العنكبوت ما تساوي كلها قطعة كفَنْ |
رد: فوق هام السحب ( الشعر الشعبي) على متن القوافي
أطالع لعل البرق ينساق من منشاه
يبعثر نجومٍ صبّها الليل في كاسِه على صفحة الغدرا كلامٍ عجزت أقراه أشوفه يبِينْ ويختفي داخل أقواسِه يجيني قريبْ ولفّه الليل ثم ودّاه وانا ويش أبي بالليل واسرار كرّاسِه |
رد: فوق هام السحب ( الشعر الشعبي) على متن القوافي
من شرب من خدْرتك كاس المنون
حان موته قبل لاموته يحين طعنة العينين مسّ من الجنون صرختين ودمعتين وشهقتين يسقط التفسير وتضيع الظنون من كمينٍ في كمينٍ في كمين والجنون لعاشق النظرة فنون ما يغادرها ولو يبقى سجين كل شيءٍ لأجلها عنده يهون لو غدا من زمرة بليس اللعين |
رد: فوق هام السحب ( الشعر الشعبي) على متن القوافي
دانةٍ في حبها العاشق يذوب
زَينها ظاهر وهي تلبس ثياب عن ترَفْها ما تكف ولا تتوب يشتعل في صدرها حلم الشباب طولها فارع وأشافيها دروب للرطب واللول والشَّهْدْ المذاب صفحةٍ للعين ما عنها هروب من قراها جاز له كل الكتاب |
رد: فوق هام السحب ( الشعر الشعبي) على متن القوافي
ضاري ٍ بالعطا يا عل عمرك طويل
ما تركت لعذولك فيك عيب ٍ يقال يستحيل القصيد بوصفك المستحيل يا ثقيل القدر ما شلت غير الثقال والله أني عليل وفيك طب العليل يا عزيز العمام ويا عريب الخوال في قليلك كثير ومن كثيرك قليل عاقل ٍ من وجودك لو جودك هبال كنت نار ٍ وخيل وصرت نور وخليل ومن تخيلك واقع حب وقع الخيال يا سليل الصهيل ويا معيل العويل وياحرام الحريم ويا مهاب الرجال ضاريٍ بالعطا وان شب راس الفتيل قمت منهم تفلت وأذعنت لك جبال ضاري ٍ بالعطايا مالك ابد ٍ مثيل انت حلم ٍ يشاف ومأنت علم ٍ يقال |
رد: فوق هام السحب ( الشعر الشعبي) على متن القوافي
يمكن الله يجمع اللي لك تشتت وأفترق
والمحل يمكن يكفر لك ذنوبك يالجراد ياحبيبي وأنت ظلك كل مالاح وبرق ادري ان الحب جا يسمع حكاية شهرزاد ويمكن الشعر فرحه بانت بعين الورق ويمكن ان قلتي براد أموت فعيون البراد |
رد: فوق هام السحب ( الشعر الشعبي) على متن القوافي
هي وجنتك غرب أو جبينك هو الشرق
يا مسقي ٍ من خدك الشمس حمره هو بعدك الليل أو حضورك هو البرق ياللي هداك الورد عطره وعمره وإلا الفجر بينه وضحكتك به فرق وش جاب ولد العتمه لبنت جمره لا تلتفت وتعلم أهدابك السرق يا من ظلالك له على النور زمره هو هو غطاك بطرق وإلا مية طرق لك حسن مايخضع لنهيه ولأمره |
رد: فوق هام السحب ( الشعر الشعبي) على متن القوافي
بعض المشاعر تحرق القلب والروح
وبعض المشاعر تسعدك في حياتك وبعض المشاعر من فؤادي لها فوح تســري تناجـي يا حيــاتـي غلاتـك |
رد: فوق هام السحب ( الشعر الشعبي) على متن القوافي
ما بين صمت المكابر واختناق الحنين
متوهم القلب فيهم والضحيه انا المشكله ما يصـد الا محسوب وثمين والنفس عن ما يصد اليوم فيها غنا ..... |
رد: فوق هام السحب ( الشعر الشعبي) على متن القوافي
ودك تحب اللي ليا زعل ترضيه
ولا تحب اللي على طول راضي مزيد الوسمي |
رد: فوق هام السحب ( الشعر الشعبي) على متن القوافي
ياعنّها ماجت حياتي لو أقفيت
وش ينفع المجداف عقب السفينه ياللي تتم اليوم عامك من أخطيت وأنكرت من شالك بقلبه وعينه إن كثرت البيبان لاتامن البيت وأذكر ترى بعض الأغاني حزينه ياشمع بلغ وردتي كم تمنيت إن الشوارع تفهم أهل المدينه واني غريب وكل ماقلت حنيت تعلقت في رجل الإحساس طينه |
رد: فوق هام السحب ( الشعر الشعبي) على متن القوافي
حبيبتي والله مارضى زعلها
لكن خطاها علني كثر ماصار والبارحه مأمل أنا من غزلها واليوم انا للبعد شاري ومختار ومن حب نجد يحب مع نجد ألها والا ترى ماله حشيمه ومقدار ..... |
رد: فوق هام السحب ( الشعر الشعبي) على متن القوافي
قالت إفرض طيب إن الشمس نامت من تعبها
من تظن يفك أزارير المسا ويصب نور قلت أبد لا تشغلين عيونك إلا في هدبها واعصري ظلك تسيل شموس وتجف البدور ياحياتي والمشاعر هي " الم شاعر" كتبها والغلا هو " الغلا " وأعذر حبيبك لو يجور ولو رصعت الشمس روبي وأكتسا اللولو لهبها أختفت مع لمعة ظلالك بقيعان البحور وغرتك لا هفهفت حتى الهوى لا ماقضبها ودايم تفرّك يدين اللي يصافحك العطور وماسبقك أحد ٍ تجلل بالسحايب واعتصبها ولاعرق حي ٍ دهن ورد وزفر غيرك بخور آه يا أحلى ذنوب العاشق اللي مأرتكبها الغرور يصيب غيرك وانت من صاب الغرور شفت دورة هالكواكب حول شمس ٍ تجتذبها كنها قلوب الأوادم حولك تحور وتدور نفسي ادري من سبقني للمواعيد وشربها او من اللي بس عبا دمي إحساس وشعور ياحبيبي قد سمعت بنار قد حنت حطبها أو بمن يشهد على نفسه لخصمه يوم زور طالبك لاتنشد دموعي حبيبي عن سببها واعذر القلب الحزين وانت بالحيل معذور قالت افرض طيب ان الشمس قلت يوم ادبها قلت انزلها بقذلة صبحها وأكتبك نور ..... |
رد: فوق هام السحب ( الشعر الشعبي) على متن القوافي
حبيبتي ماني حزين وشقاوي
لكن غدت ضحكاتي لفمي عقوق حبيبتي والشوق ماله عراوي ولا لطير العشق برقع ولا سبوق حبيبتي وإن شفتي الحزن خاوي فأنا خنقني البعد والبعد مخنوق حبيبتي ماعاد فيها هقاوي بيّن بياض الياس والصبر مشقوق وإلا الهبايب لو تحنّ الخطاوي ماكان أبد عاشق نسا وصل معشوق ..... |
رد: فوق هام السحب ( الشعر الشعبي) على متن القوافي
رغبت القصيدة رغبة الطير للتحليق
سماي اصبعين وبينها جرح مسباقي تعودت اموت بصدق وارحل بلا تعليق كفاني احس بلذة الموت في اوراقي ولا احط نفسي وثن يشرب التصفيق على شان يدخل برزخ النور لأعماقي ..... |
رد: فوق هام السحب ( الشعر الشعبي) على متن القوافي
الوفاء طبعك وأنا طبعي وفي
ما أخون اللي على قلبي يمون وإن طرق بالقلب هاجوسٍ خفـــــي وسط قلبـــي نبض مايرضى يخون ..... |
رد: فوق هام السحب ( الشعر الشعبي) على متن القوافي
أعـطرك مـن فيـض شعري واغنيك
وانسـى مع شوفتك باقي همومــي وامد لك فنجال عــشقـي واخليك تصرخ بعال الصوت ضاعت علومـي ..... |
رد: فوق هام السحب ( الشعر الشعبي) على متن القوافي
امــوت واحياء بشوفة العين للعيـن
سحـــرالعيون النادره فــي زمانـــي فيها مــن احساس المشاعر ملايين وفيهــا من احساس الغلا عمـــر ثاني وفيهــا غنـــاة اسنين وسنين وسنيــن بلـــوى غـــرام فــي كيــانه خذانـي ..... |
رد: فوق هام السحب ( الشعر الشعبي) على متن القوافي
صمتك ضجيج وضجتك صمت حالك
صاح السكون أبمن تكون وهتف لك من بعت شمسك واشتريت بضلالك في صفحة الماء نجمةٍ ترتجف لك هذا أنت في قاع المدينة لحالك مالك بها ممشى ولا ينوقف لك ما دو زنت وقع الخطاوي نعالك ولا مدى هذا الغموض أنكشف لك والظبية اللي في مفالي خيالك دارت وحارت دمعتك تنذرف لك حتى الوجع جمر وهجع في رمالك وأنبت ورودٌ ذابلة تنقطف لك ..... |
رد: فوق هام السحب ( الشعر الشعبي) على متن القوافي
الخاطر اللي يلحقه في تالي الايام جور
يحتاج له عزله عن العالم وصبرٍ يسعفه ..... |
رد: فوق هام السحب ( الشعر الشعبي) على متن القوافي
تعال بشوف الغلا في محياك
لا تحرم المشتاق من نظرةٍ لك اضحك وخل الهمس يختال بشفاك يطفي لهيب الشوق من ضحكةٍ لـك جاوب على زفرات قلبٍٍ تباطاك مشاعره عقب البطا عودٍ لك لا تنحرج ياناعم العود حياك اقلط مكانك خافقٍٍ ما يملك يا مرحبا بك كثر قلبٍ تمناك ولا انت بغريب ليا جلست بمحلك ..... |
رد: فوق هام السحب ( الشعر الشعبي) على متن القوافي
لدمعت عيني تراها دمعة الرجل الشجاع
ما ادمعت لجلك تراها دامع لربي خشوع كل بدايه للنهايه والنهايه للوداع وأتحدا كبريائك ما انثنيتي للرجوع دربك الموحش هجرته دربك بعيني ضياع انسي الحب الحقيقي والخضوع إنسي خضوع إنسي الامر المنفّذ إنسي الأمر المطاع من شبع لا يستهينا والشبع يقفيه جوع قد ما نقدر صبرنا وأقتحمنا المستطاع لين فضتي من عروقي وأستحليتي الضلوع والشعاع اللي جنينا إنكسف ذاك الشعاع والفؤاد اللي سكنته إنطفت منّه شموع إنتهينا من البدايه وكل شيٍ فيني ضاع ما تردين المشاعر ما تفيد بها الدموع من خضوعي لكبريائي من نزاع إليا نزاع من خضوعي لكبريائي من نزول إليا طلوع إتفقنا ع المفارق والنتيجه هي وداع اتفقنا على المفارق والرجوع إنسي رجوع ..... |
رد: فوق هام السحب ( الشعر الشعبي) على متن القوافي
سلّط الله على ناس تبيع الكلام
تشري الكذب وعلوم الردى يا ابراهيم شاعر الفجر وده لو يشق العتام بالمعاني ويحيي كل بالي رميم ودّه الشعر ينبت ف الصخر والعظام ودّه ليا رماك يصوّبك في الصميم ودّه الناس تصحى من طويل المنام تتعظ والجدايد يشبهن القديم ..... |
رد: فوق هام السحب ( الشعر الشعبي) على متن القوافي
الجود جود اللي قليل زهابه
ولا من عطا يعطيك من كل الأعماق هذاك لو تطلبه يعطي ثيابه ما خاف فقر.. ولا حبس خشية إملاق العام الأول كنت اراقب سحابه وانظر لها يا خوك بعيون مشتاق كنت اتحرى عقب ضيقي رحابة واقول هلت كل ما خلت براق واليوم أبشر صحبتي والقرابة جاني من الله خير طاق على طاق أنا أحمد اللي عزنا في كتابه و ارسل لنا خير البشر سمح الأخلاق المصطفى الهادي عظيم المهابة الذي بذكره نورت كل الآفاق ..... |
رد: فوق هام السحب ( الشعر الشعبي) على متن القوافي
لون همك كبر ابانات والنير
اكتم ولا تبدي على الناس سرك اصبر ويفرجها ولي المقادير ومن يسئلك قله علومي تسرك عساف المرشدي |
رد: فوق هام السحب ( الشعر الشعبي) على متن القوافي
ارفع مقامك من الذله لو انك فقير
وحاجتك لا تترك الانذال تدريبها اخير من ذل نفسك تحت رحمة حقير اذا عطا حاجة للناس يحكي بها مهنا الاكلبي |
رد: فوق هام السحب ( الشعر الشعبي) على متن القوافي
ما طلبت المغفرة من سوى ربٍّ غفور
والقبر مهما تطاول بنا العمر محفور لعنبو ساس الردي كان دمه ما يفور ساق دمه عند عجل صنعه السامري يا كثر ما دجت بالرجل في جرد القفار من جبل (تتوان) حوّلت في صحرا ظفار وطحت من معشر (إيادٍ) على معشر غفار من وراي ظلال عجل صنعه السامري لا بدا صوتٍ من الحرب جاوب له نفير والردي جارت عظامه عليه من الصفير اضرب الصف المناحر من الجمع الغفير ذاك انا ماهوب عجل صنعه السامري كلّ خافي يبين ولكلّ أمرٍ مستقر موعد المسلم عدن موعد الكافر سقر والفقر فقر المراجل إذا قالوا فقر يا مدوّر مال عجل صنعه السامري الصقور صقور مدهالها روس الوقور والردي في الناس لو عاش ما عاش محقور حوّلي يا ترثة البوم وارقي يا صقور عن فضالة أهل عجل صنعه السامري الوجيه اللي عليها من الطاعة وقار ذكرها يبقى مع الناس في روس الوقار والردي منسي ولو زوّد الحمرة شقار من يعلّم أهل عجل صنعه السامري ما سوى من لا حوى مجد في الدنيا فقير ولا سوى من لا رفع راس في الدنيا حقير ولا سوى من لا جنى طيب في الدنيا عقير والندامة ردّ عجل صنعه السامري احمد الله لي على الوكر سبع مية وكر سدني عن مجد تغلب وعن عزّة بكر زبدة العمر الثنا بسّ هل من مدّكر يا موطّي عند عجل صنعه السامري يا خلف والرزق مقسوم ماهوب محكور كم ليال وهن أناثٍ تمسّينا ذكور مير وين اللي لربه على ما جا شكور لا شكرك الله يعجل صنعه السامري من حسان المجد في ذمّتي سبعٍ بكار ابتكرها شايبي ماضي الوقت ابتكار لين ما صارن لنا عن جميع الناس كار غيرها ياخذه عجل صنعه السامري يا مجادل حامل المسك في نفّاخ كير يا مساوي حبّةٍ من رمل بهضاب كير من نجى من منكرٍ وين ينجو من نكير مرجعه في النار عجل صنعه السامري يا خلف وان كان عمري كذا فأمحق عمر كم سهج بيضٍ وهن بيض والفاهن سمر طبت في عمْرٍ ولا طاب لي يومٍ عَمَر والخيانة طبع عجل صنعه السامري إن تكاد الأرض من فعلة الطاغي تمور فلقد مارت لها الأرض في كل معمور يا ثعال عوّدت تالي الهجرة نمور دربكم من درب عجل صنعه السامري يا خلف إن أورق القلب من ذات الخمار أسالك هل سال من بعدنا وادي نمار أم بكت منا على الربع حلوات العمار من يحامي عن حما قبر راعٍ من نمير ظاهر الاسم العلم لا يعامل كالضمير لو يحاول فيه عجل صنعه السامري يا خلف حيٍّ على الوقت ما عنده ظهر والله إن يصبر على الضيم سبع مية شهر إن شكى ملطوم وان صدّ مات من القهر ضاحكٍ سنه لعجلٍ صنعه السامري يا خلف كم من شبابٍ بأعمار الزهور شلّحتهم حمر الاقدار لجياع الدهور كم بطونٍ في الأصل لو نفتّشها ظهور يكفي الله شرّ عجل صنعه السامري يا خلف والليل ما طال يمحوه النهار ذروة الأمجاد من دونها سرد المهار كل عمرٍ له على صاجة الموت انصهار وللتراب يعود عجل صنعه السامري ذا وصلى الله على من لها لأمّة ظهير خاتمة ما لا نظمه ابن ابي سُلمى زهير نظم من أفضى إلى النجم بالطرف السهير ناصر الفراعنه |
رد: فوق هام السحب ( الشعر الشعبي) على متن القوافي
ياطير وسّـع خاطرك فوق الاشجار
واصـدح بزينات اللحون الجميله لو بالخواطر ضيق واحزان واسرار الـصـبـر غـايـات النفوس النبيله ..... |
رد: فوق هام السحب ( الشعر الشعبي) على متن القوافي
سلام الله لمن يقرى سلامي
ويسلم من يبادلني سلامه سلامي يرتوي به كل ضامي وفي الوجدان تبقى له علامه ويشفي من بقلبه جرح دامي ويزرع في الوجوه الإبتسامه ..... |
رد: فوق هام السحب ( الشعر الشعبي) على متن القوافي
اشكروني مانكروني طويلين الذراع
وأنكروني ماشكروني خبيثين الطبوع مير توبه ثم توبه وقلعه وإنقطاع عن قريبين المضره بعيدين النفوع ..... |
رد: فوق هام السحب ( الشعر الشعبي) على متن القوافي
ما تضيّق سود الأيام من صدره رحب
مؤمـن بـأن البسيطه وأهلهـا فانيه جعل دنيا فرقتنا عن أغلا من نحب يجمع الله بيننا في الحياه الثانيه ..... |
رد: فوق هام السحب ( الشعر الشعبي) على متن القوافي
لاقست سود الليالي على مستور حال
ينعزل بهموم وقته عن الخلق اجمعين العرب ماعاد فيهم على الصبر احتمال و الليالي ما تقدّر ظروف الطيبين ..... |
رد: فوق هام السحب ( الشعر الشعبي) على متن القوافي
صبحكــــم الله بالرضى والمســرات
واجمل حروف الشعر واجمل قوافي لكل غالــــي مسكنه داخـــل الذات ومكانته وســـط الضلـــوع الخوافي مني ســلام الود واجمـــــل تحيات مخصوص توصـــل كل انسان وافي بالورد والنرجــس على شكل باقات من قلب صافــي للقلوب الصوافي ..... |
رد: فوق هام السحب ( الشعر الشعبي) على متن القوافي
لو طلبت الروح خذ روحــي هديه
وان طلبت القلب خذ قلبي فداك انت اغلا مـن معـــي بين البريه مامعــي مخلوق يتساهل غلاك قلتها لك والقسـم من طيب نيه من شعور انسان ميت في هواك ولو تحب اكتب على هذا وصيه مستعد اوصـي لهم كلي فداك ..... |
| الساعة الآن 06:02 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية