رد: اخترنا لكم
 

من يحترم نفسه ويحفظ مباديه
‏ماحدٍ يقـلل قيـمته واحترامه

‏احـدٍ كـلامـه للـمهـالك يـوديه
‏واحدٍ يفك من المهالك كلامه

.....

رد: اخترنا لكم
 

في سبيل التضحيه والحب وش قدمتي
‏غير طيفٍ كل ما مال المساء قابلته

‏لازم ارحل يغفر الله سيّتك واكرمتي
‏مابقى لي درب ياصل لك ولا واصلته

‏يوم ايمم وجهي لدربك ولا يممتي
‏ويوم ابيع احلامي لوصلك ولا حصلته

‏لا تقولين السبايب كلها من صمتي
‏والله ان عندي كلامٍ يجرح وْلا قلته

.....

رد: اخترنا لكم
 

‏هذي دار أبوه ودار جده وذي داره
‏سقى الله ليالي عنتر العبسي وعبله

‏عيوني على ساعه مجيه ومسياره
‏تغني له العرضه وتضرب له الطبله

.....

رد: اخترنا لكم
 

يالله تجعلني من خيرهه عبادك حظيظ
واكفنيي صكات الايام وظروف الدهر

.....

رد: اخترنا لكم
 

ا‏مطري ياسحابه فوق داري وغني
ضامي الشوق فينا والاماني كثيره

.....

رد: اخترنا لكم
 

‏آسـاير ظـروفي ٍ ليتها جت على ودي
‏عسى الله يعدل ميلها لين تصفالي

‏أبصبر ولو حلم العمر واقف ٍ ضدي
‏لعل الحظوظ اتزين في عمري التالي

.....

رد: اخترنا لكم
 

‏لا تحسف وأبذل الطيب في كل أتجاه
‏من قضى للناس حاجه قضى الله حاجته

.....

رد: اخترنا لكم
 

الناس مـن حـولك يشوفــك مرتاح
‏ويحســدوا حظــك اذا كنــت رايق

‏مايـدروا ان النفـــس مليانه اجراح
‏والقلـب من كثــر المواجيـع زاهق

‏حال البشر نظراتهم عكس ياصاح
‏مايشعــروا باللـي خفتـه الحقايق

‏يقيموا وضعك على ضحك وامزح
‏ولو كان قلبك داخل الصدر ضايق

.....

رد: اخترنا لكم
 

مغير أهوجس تقول مضيعٍ حاجـة
واخذ واسند على روحي واهرجها

عبد الله بن عون

رد: اخترنا لكم
 

ماني ضعيف اشتكي من هيّن الضيقه
عـز الله انـي صبور وربــي ادرى بـي

.....

رد: اخترنا لكم
 

أشياء واجد تضايقني وانا راضي
‏على رغم قوتي اسكت ولا أتكلم

‏ترى اكثر إنسان مايحكي عن الماضي
‏هو اكثر إنسان من ماضيّه يتألم

.....

رد: اخترنا لكم
 

نسري على ضيّ القمر تالي الليل
ويازين مسرى الليل لاصار قمرا

.....

رد: اخترنا لكم
 

‏يامرحبا ياللي هنيا تمرون
في كل يوم وكل ليلة وحزه

يامرحبا مليون تردف ترليون
باهل الوفاء والطيب واهل المعزه

بقلمي

رد: اخترنا لكم
 

‏أحب اللي محبتهم تدوم سنين ما تنعاف
‏ماهو اللي محـبّته سحـابة صيف خـدّاعه

.....

رد: اخترنا لكم
 

عز الله ان الشدايد عندي اكبــر فضيله
عرفت فيها جميع الناس هــين وغـالي

عرفت فيها النشاما والنفــوس الـذليله
كسبت منها رجال الجــود وهل المعالي

ياعاشق المال كسب المال ماهو وسيله
انا الشرف والمروه والكرم راس مـــالي

.....

رد: اخترنا لكم
 

‏اثر القلـوب تـذوب مـن بعـد الاحباب
وأثـر الغيـاب غيــاب وصــلك وصوتك

وأقسى جروح الوقت صوتك اذا غاب
وأعظم عـذاب القلب لحظـة سكوتك

.....

رد: اخترنا لكم
 

مهيب مزيونه إلا متعديّة الزين
‏فيها ثقافة حضر وسنع بدوية

‌‏درة مصيونة ومعربة الجديّن
‏لانشدت عنها قالَت أنا جنوبيه

.....

رد: اخترنا لكم
 

والله ما غيبت لحظة عن البال
اصحى على ذكرك وحرفي يناديك

وانام اهوجس بك لك الشوق لازال
يا ناسيا ودي ولا اني بناسيك

ارسلت لي البارح لتسال عن الحال
حالي بدونك صعب ما اظن يرضيك

شوقي لوصلك زلزل القلب زلزال
بردان بدفى فيك ويلاه وادفيك

.....

رد: اخترنا لكم
 

زعلك ماهو ذنب ندخل به النار
ورضاك ما يفتح لنا باب جنه

دقيت في نعش المساكين مسمار
والخاطـر المرتـاح ما قال ونـه

كانك تبيني سو شي صدق ماصار
وإبذل ربيع العمر من غير منه

أنا على دربي تلاغيم وأسوار
بتطيّر أشلاء الذي زاغ بنه

وقلاع مبنيه على دم الاحرار
ومن تعداهن أنا حسب ظنه

.....

رد: اخترنا لكم
 

من جرب الحب ما يعرف طريق الجفا
ولا عرف خافقه غير النظيف النظيف

يا ظالم الحب وارباب المحبه كفا
والعمر بالحب يا مسكين كله خريف

اغنم زمانك وذا الدنيا عليها العفا
واسمح لقلبك يخذ منها الخفيف الخفيف

الحب مثل العسل طعمه وفيه الشفا
وصفه لمن كان قلبه من زمانه ضعيف

علمني الحب درس التضحيه والوفا
واصبح معي ضد غدرك يا زماني حليف

عايش بنور المحبه والظلام اختفا
ليلي سعاده وليلك يا معقد مخيف

.....

رد: اخترنا لكم
 

تسمح أحبك على كيفي وبأسلوبـــي
وإذا ســـمحت روحــك لــي تسلمها

أنــا المحبة تـــراها كـــــل مـطلوبي
لجل المحبــــة أنـا روحـــي مقدمهــا

أبيــك تـعرف حبيبي وجـهة دروبي
عندي حقايــــق أبي بصدق تفهمهـا

ترى الوفــا والصراحه أبـــرز عيوبي
والصدق والشوق هي تظهر معالمهــا

.....

رد: اخترنا لكم
 

من قلبي الولهان ماجاك تقصير
بدّاك من بد الخلايق وحياك

تحية لأجلك محبة وتقدير
على النقى حنا ترانا عشقناك

اللي تبيه بصير لعيونك يصير
المستحيل نطوّعه لين يمناك

إي بالله إنك غير و محبتك غير
مير البلا مدة يمينك و فرقاك

زودٍ على الثنتين ماشفت أنا خير
عجزان لاردك وعجزان لانساك


.....

رد: اخترنا لكم
 

يـابـحور الشعر تكفين ودينـي
يم شخص به من الزين ماريه

اشهــد انك ياجميله عجبتيني
مع جمال الصوت انثى حقيقية

عندك من الحسن شوفه يكفيني
فوق طيبك معلومــاتك ثقافيه

كــان ودك تعشقين وتحبينـي
والا ادور لي من البيض حوريه

قبل توديعــك ياليتك عرفتيني
شاعرك يابنت قلبه على النيه

.....

رد: اخترنا لكم
 

‏ودي اكتب لك قصـيدة من زمان
كل ماخطيت لك بيت اشطبه

بالسهوله ينكتب حكي اللسان
بس حكي القلب وشلون اكتبه

.....

رد: اخترنا لكم
 

‏خلوني اخذ مع دروب الخلا سجه
البر عندي طبيب القلب وعلاجه

.....

رد: اخترنا لكم
 

‏سرى اللّيل والذِّكرى ثلاثيّة الأبعاد
‏بعد ما تغيب الشمس تبدأ طواريها

‏على الساعة الثنتين في وقتها المعتاد
‏عسى الله يعين اللّي سواتي يعانيها

‏حنينٍ على الماضي وشوق وعنا وجهاد
‏وجمرة غضى لا هبّت الرّيح تحييها

‏يا كمّ ذكرياتٍ نزفها فالحنايا حاد
‏لو أتصنّع النسيان مانيب ناسيها

.....

رد: اخترنا لكم
 

ياصبر قل لي كيف أقوى
على حمل أثقال الجبال

قل لي كيف أمضي ساكناً
وقلبي تائهٌ بين الرمال

.....

رد: اخترنا لكم
 

تموت جروحنا مادرا عن نزفها مخلوق
مقابرها الصدور وعزة النفس تدفنها

.....

رد: اخترنا لكم
 

‏يقولون لاضاقت عليك الوسيعة غن
‏وانا اقول لاضاقت عليك اتجه لله

‏ليا ضاق صدرك مايداويه شعر وفن
‏يداويه ذكر اللي بيديه الفرج كله

.....

رد: اخترنا لكم
 

سولف معي يالي تحب السواليف
لأجل الحلم بالحب يصبح حقيقه

من دون ما نطلب بطاقه وتعريف
دام القلوب تختار من هو صديقه

والحب يأتي مثلما غيمة الصيف
يرمي بسهمه في البحور الغريقه

صدفه بلا ميعاد حكمه وتاليف
يملك قلوب الخلق بلا ايت وثيقه

الحب مثل الموت يأتي بتكليف
محد هرب منه وغير طريقه

يالي تحاول تبتعد مننا كيف
باتبتعد والحب محد يعيقه

وأني غريب لا تكسرو خاطر الضيف
اعطوه شربت مي يبل ريقه

.....

رد: اخترنا لكم
 

لو تنازل لي وجاني يعتذر
كان سامحته وماقد صار صار

لو تاسف لي بكلمة ما خسر
شخـص له عندة مكانه واعتبار

قلب طيب مثل قـلبي ينتظر
بس كلمة من حبيبه واعتذار

فالقـلوب الطيبة لو تنكسر
رجعت المحبوب تجُبر لانكسار

.....

رد: اخترنا لكم
 

جعلني ما اعرض جنابي على اللي مابغاه

‏وجعلني ماسوق جاهي على اللي يرخصه

.....

رد: اخترنا لكم
 

‏خابر غرامك وانت خابر مطلبي
‏لا تستحي ما دام روحي تحتريك

‏إرحب تراحيب المطر خذ ماتبي
‏القلب تحت امرك وما يغلى عليك

.....

رد: اخترنا لكم
 

‏وش حيـــله اللي خذاه الجرح واقفابــه
‏شحــت فجوج الوســاع ولالقــى طبّــه
‏
‏يشرب من الضيم دمع وتنطق اهدابــه
‏ما العن من الجرح غير اللي تسبّب به

.....

رد: اخترنا لكم
 

دونك الدنيا تشتات وظلام
‏عكس ماهي معك اشواق وفرح

‏لا تلوم القلب مع طيفك ينام
‏يوم شافك قلبي بعقلي سرح

‏ياعساني لك فدوه يا غرام
‏اسكنيني فيك إحساس ومرح

‏منك بسمه تعطي الدنيا سلام
‏عاشقك كم ذاب صدره وانشرح

.....

رد: اخترنا لكم
 

‏وشلون بس اعميت قلبي وانا اشوف
وخلـيتني مـاعدت انا اشـوف غـيـرك

ترا العمى ماهو عمى العين والشــوف
الا عـمـــــى قلـــــبً مصـيره مـصيرك

.....

رد: اخترنا لكم
 

‏الشوق جنه وقمة الشوق للذوق
الذوق وصف اللي شعوره خيالي

انا عشقت من البشر زين منطوق
غالي وكل مافيه رايق وغالي

مخلوق يعشق حالة إنسان مخلوق
مخلوق دايم ينخلق في خـيالي

شوفه يزيل هموم وآهات وحروق
ويصير طعم المر بالحيل حالي

.....

رد: اخترنا لكم
 

‏اكتب لك احلى ابيات شعري واناديك
واقول شوف اللي كتبته عشانك

انت الوفاء وانت اقرب الناس واغليك
وانت الوحيد اللي ملكني حنانك

القلب ياقلبي يحبك وشاريك
واقول ياروحي ترى القلب صانك

لا تبتعد عني وانا كلي ارجيك
تراك وسط القلب ثابت مكانك

.....

رد: اخترنا لكم
 

‏تـرا المسـاء ياكامـل الـزين لك غير
كيف يتمسى الورد يا ناس بالورد

مساي لومسى على الزين بالخير
يجتاحنـي مـن شـم عطـرك تمـرد

.....

رد: اخترنا لكم
 

نظرةٍ فيها سرحت ونظرةٍ منها ضويت
جادلٍ كل السحر والحلا بعيونها

بابتسامتها رضا وبعذوبتها غديت
همسها كله طرب تعزفه بلحونها

الملامح ملهمه والنقا قصه وبيت
والمنى لحظة لقا والحيا من دونها

ضيقتي من ضيقها ولا رضت معها رضيت
كل وقتي منشغل لين اعرف وشلونها

.....