|
رد: ديوان قصائد لشعراء المملكة العربية السعودية (متجدد)☘️☘️
قصيدة المجالس
ابتديت بذكر ربي ابتديت بذكر ربي وذكرالله غناه يشرح صدور الاوادم ويشفي غلها خير مبدانا وخير الكلام لمن بداه وخير ما يسعد قلوب البشر ودولها ذكر ربي زبدة الهرج ويل اللي نساه ويل من ينسى العبادة ولا يفطن لها والذكر للعبد طاعه وله مركب نجاه والقصايد ملحها الذكر لا من بلها مكسب الشاعر رضى الله في هاذي الحياه بالكلام الزين يرفع علومه كلها ومكسبه قولة هل الطيب صح الله نباه والقصايد مهرها قول تكفى علها والقصايد للمجالس وترويها الرواه لأحتوت طيب المعاني وريحة فلها تنتقى مثل الذهب في حلاه وفي غلاه والجزيله من سمعها لزوم يجلها كل مجلس ما حوى الطيب من كل اتجاه الفوايد ضايعه والهروج تملها والمجالس مدرسه من بغى شي لقاه كان ما حصلت شي يفيد فخلها ماجبرك الله وحدك على مجلس سفاه ابتعد عن شين دق العلوم وجلها ابتعد عن كل شيء يجي منه اشتباه عز نفسك والغنائم تجي في حلها والرجا بالله ولا خاب من بالله رجاه انه يكفينا شرار النفوس وزلها الكلام الذرب يرفع مقام اللي حكاه والهروج العوج لاهل الردى تشتلها كل بعقله وعرفه يحدد مبتغاه الدروب اثنين وأهل العقول اتدلها الكفو يسعى على الطيب لو يبعد مداه والمراجل ماقصر دونها يوصلها لو تكون ابعد من اسهيل في عالي سماه عنده اقرب من رموش العيون وظلها والمراجل سوقها الطيب حي اللي جناه والفخر للي خذى الطيبه واحتلها كل وافي يا الله انك تحقق له مناه كل ما ضاقت بوجهه يجيله حلها من بنى قصر الوفاء ما تردى من بناه القواعد طيب وأهل الوفاء ساسلها وكل مطلق بين ربعه يبين مستواه وكل من يتعب على المرجله كفو لها وكل وافي يرخص الروح من دون أخوياه الصداقه لو يشين الزمن ماملها والردي لو طول الوقت بين لك رداه الكبود يغلها والقلوب يعلها زهير بن مداوس ال حمدان الشمراني ( ابو ماجد ) |
رد: ديوان قصائد لشعراء المملكة العربية السعودية (متجدد)☘️☘️
قصيدة سوريا
سوريا ياسوريا لا ترتجي فزعة القوم رجواك بالله والنوايا السليمه ماتو ولا ماتو ومن مات مذموم وترى الضمير ان مات موته جريمه موت الضمير يولد اهات واهموم عند الذي تكويه نار الظليمه والوهن يسري في جسدنا على الدوم والوهن يبدد طموح العزيمه من ضعفنا طمعت حثالات وارخوم ولا احسبت لحسابنا اي قيمه شر الروافض بعد ماكان مكتوم بانت نوايا كل نفس سقيمه تهديدهم يزداد من يوم لايوم ولا وقفنا الوقفه المستقيمه وش ننتظر والدور واضح ومفهوم اهدافهم حقد القلوب القديمه مكه وطيبه حولها يكثر الحوم والكل منهم يعتبرها غنيمه وان ما وقفنا وقفة افراد واعموم والا كلتنا النار اكل الهشيمه بغداد بعد الصقر يدرج بها البوم وسادت ثعالبها وساد البهيمه ساد الرويبض بعد صدام ويزوم ويسكن قصور العز من بعد خيمه بغداد تنعي الشام والشام مظلوم مجوس فارس استباحت حريمه القتل زاد ولا سلم منه مفطوم عاثوبها من كل صوب وخريمه القتل فالسنه هدف كل ملطوم اللي ديانتها بلطم ولطيمه كلاب فارس ترسل اسلاح ملغوم بسمومها يصنع لناس كريمه وبشار بأمر الفرس خادم ومحكوم ظالم ويمشي بأمر ناس ظليمه سلالة الأجرام والكفر مختوم بقلوب من عاش الظلال وجحيمه وحسن وحزب اللات بالشر مدعوم كفار مافيها القلوب الرحيمه وحنا انتفرج ما فزعنا لمكلوم ولا اثرت فينا دموع اليتيمه ولا اثرت فينا الجثث كوم في كوم والوضع ينبئ عن مخاطر وخيمه فيا الله يا منزل تبارك مع الروم اهزم عدو الله وانصر خصيمه واجعل لمن عاداك له يوم مشؤم وانصف غريم ما نتصف من غريمه ويا سوريا لا ترتجي فزعة القوم مات الضمير ومات من فيه شيمه ( زهير ال حمدان ابو ماجد ) |
رد: ديوان قصائد لشعراء المملكة العربية السعودية (متجدد)☘️☘️
قصيده عند ال معيض من المسارده
ال معيض قحطان سلام تسليم يجمل موقفي بين الرجال يعم كل اللي حضر والكل يأخذ مقسمه سلام ياقحطان مني عد حبات الرمال واعداد مالاحت بروق بالسماء مترزمه سلام ياللي طيبهم من فوق هامات الطوال تاريخهم بالطيب وافي والوفاء الهم سمه مابين قحطان الوفاء والطيب عهد ولايزال مادامت الروس الكريمه بالوفاء متعممه الله خلقهم للمكارم والكرم سمح القبال رجالهم لأجل الكرم تسمع لصوته همهمه افعالهم بين القبايل واصله حد الخيال ما احد تناسى فعل شالح بالسنين المظلمه نمدح ولا نمدح سوى الوافين ذربين الفعال اللي تعلت بالوفاء وكل ضيف تكرمه والمسردي راس المراجل والمراجل راس مال بالنفس يشري المرجله والطيب يجري في دمه والمسردي عايش على العليا ولا فيها جدال الطيب علا المسردي بين الرجال وعظمه واللي خذت طيب المراجل من عمام ومن خوال وابوهم اللي عاش لاجل للطيب يالله ترحمه ذكره ينومسهم على طول الزمن في كل جال زرع بهم حب الكرم والطيب فيهم علمه مامات من خلف بعد موته وفيين الخصال اللي مواقفهم عظيمه والكريم تحشمه رجالهم لا ما ارتكى للحمل شيال الثقال يشيل حمل مايشال ولا تراخى محزمه يسعون للي يرفع الرجال والمطلق ينال بالطيب وافعال الرجال واهل الوفاء متلزمه الطيب غايه كل مطلق ما يبدل به بدال العاليات يحبها والدانيات محرمه هذاك بو راكان واخوانه جبال من جبال بالعقل والجنب المتين شر المعادي تدحمه سلالة ابن معيض عاشت للوفاء في كل حال متوارثين المرجله والرجل يعرف مقدمه ف والا الوطن نفدي ترابه ولا حسبنا للقتال نموت لأجلك ياوطن ولا تجيك المظلمه لاجل الشهاده والولى لأملوكنا بأول وتال احفاد ابو بكر وعمر شجعان مافينا ارخمه ابو فهد من طيب راسه ما رضي ضيم وضلال اما نعيش بمكرمه والا نموت بمكرمه واللي يحاول زعزعت امن الوطن من كل ضال خبث النوايا بالدمى وعقولها متسممه فياالله عسى هذا الوطن يبقى على طول الليال محفوظ بالله ثم جيش كل طاغي يهزمه اقولها وانا من اللي فعلهم بالطيب طال تاريخ دون بالذهب ولا انكتب بالمرسمه شمران ربعي واسمهم بين القبايل له مجال اللي يسالمنا سلم والا العدو نلجم فمه والتهنيه لك يامحمد قلتها والكل قال والكفو من بين الرجال يالله عساني مااعدمه |
رد: ديوان قصائد لشعراء المملكة العربية السعودية (متجدد)☘️☘️
قصيدة ياجبل
ياجبل ما انت برخيص ونظرتي لك عالي انت فوق المعتلي متعلي من فوقه هامتك حد الثريا والجبال جبالي ماتحركها العواصف والفضاء معشوقه فوق هام السحب باني للوفاء منزالي القواعد طيب وابوابه ذهب مطروقه المراجل والجمايل ورث جد وخالي وارث طيب الجدود ولاهي بمسروقه ما يشيل الكايدات ولا وقف رجالي غير رجال تعلا في وفاه وذوقه ياكريم الاصل والله والله انك غالي والغلا والطيب تبقى ثابتات عروقه وياكريم الاصل بالافعالي والاقوالي المراجل من خلقك الله معك مخلوقه انت من ذكره ينومس ياوسيع البالي وانت كل الطيب ملكك ولا يغرك سوقه حي رجال على القالات صال وجالي كل طيب وكل عليا هي غذاه وشوقه هذا له عندي مكانه فوق حد خيالي وهذا تقديره بصدري داخل صندوقه من حوى هاذي الصفات وشاربنها ازلالي والله انه تاج راس وخوته موثوقه والوفاء مني لمن فعله يسر الحالي دام راسي حي لأعطي للوفي حقوقه ماتغير في مواقيفي ولا يحلالي الا مدح الكفو بأفعاله وفي منطوقه الوفاء ساس الغلا نبنيه بالأفعالي وانتعزوى في بعض والطيب نلبس طوقه ابن عمي من يقدر جيتي واقبالي لا حضرت وشافني وجهه تبين شروقه وابن عمي من وقف جنبي ويحمي جالي ماهو اللي لا طرى طارى لوى شدوقه وابن عمي من يوفيني ولا يرضالي ولا يحاول ينتقص قدري ويخفي بوقه وابن عمي من نشد عن حالتي واحوالي فرحته من فرحتي ولا رضالي العوقه وابن عمي من سأل عن غيبتي ووصالي وابن عمي من يحس بعبرتي المخنوقه بعضنا يفدي بعض ونربي الأجيالي وانتفاخر لا وصلنا الخوه المرموقه المحبه والوفاء والطيب راس المالي ماتغيرها قلوب العالم المحروقه فلا اتسمع يابن عمي هرجة العذالي الحسود تميز اقواله ونظرة موقه انت شيخ للمراجل دقها واجلالي وانت نظراتك لك الله ماهي بملحوقه فلايهمونك ضعاف الناس والانذالي وين منزالك ووين العالم المطفوقه والهقاوي بالقريب ان صابها الزلزالي قل على الدنيا السلام وهقوتي ممحوقه فياعسى موتي قبل مااشوف من يعنالي يتغير في مواقيفه وفي منطوقه |
رد: ديوان قصائد لشعراء المملكة العربية السعودية (متجدد)☘️☘️
قصيدة زواج ولد عسير الشمراني
زواج ولد عسير الشمراني ياالله يااللي مايخيب رجامن يرتجيه عالم كل السراير ويعلم غيبها دلني ياالله على الطيب والقول الوجيه واتجمل عند الأجواد واكسب طيبها بعدها مني سلام المحبه لذالوجيه الرجال اللي انتفاخر بها ونحبها يارجال الطيب والفود والعرض النزيه الفزع تفزع وعند اللزوم ابشربها ربعنا الوافين والطيب دايم تشتريه ورثة الجدان من صلبها لا صلبها الفزع فخر لشمران في هاذي وذيه الشجاعه ملكها والجمايل كسبها مايربوا اللاش والنذل والرجل السفيه كل واحد شارة الطيب متقلد بها حدها مصيون ماواحد يقدر يجيه احتموها والمطاليق تحمي جنبها ياالله وفقهم على ماتبيه وترتضيه ولا تفرق صف شمران وتشمت بها اسمنا مثل الذهب والجواهر تكتسيه والذهب والماس تاريخنا يكتبها من تباله للتهم كل طيب نرتديه عادة الشيبان لأحفادها وصت بها وانت ياللي دعوته مالها عندي شبيه والله اني ما تعذرتها وافرح بها من تعذر دعوة اهل الوفاء تبت يديه ودعوة بو يوسف عزيزه وانا اتشرفبها الصديق اللي علوم المراجل تهتويه الجميله يحتويها ويمشي دربها كاسب للطيب من راس جدانه وابيه المراجل عاشقنها ويهنا شربها عاش لأجل الطيب والطيب له ولوالديه وفق الله من دروب المراجل حبها مصعبي والمصعبي عاش والعليا تبيه صبها الله في عروقه ودمه صبها والولد لاطاب خاله بطيبه يحتويه والعنوه طيبها طيب من يغنم بها ولأجل بو يوسف ويوسف وحفل نحتريه المواجيب انعرف دربها ونطبها بأسم صبيان ال حارث حزامي وافتديه افتديها في مواجيبها وافخربها بأسمهم قلته والأبيات مبنيه على ايه صدرها والعجز نهاية حروفه بها حشمة الداعي حضرنا وملزوم نجيه عادة لأولاد حارث وعيب نكبها والتهاني لأبو يوسف ويوسف ولذويه بأسم كل اللي حضر قلتهاواصدع بها والوطن نحمي ترابه ونردع معتديه بإذن رب البيت ارض الوطن ننعم بها في حمى الله ثم سلمان والراي النبيه مملكتنا صانها الله وشرف شعبها والروافض كلها من سفيه اليا سفيه بو فهد يعرف عللها وبيده طبها |
رد: ديوان قصائد لشعراء المملكة العربية السعودية (متجدد)☘️☘️
قصيده في ملتقى الفزع 1437
الفزع ياسلام الله على من نعتبرهم تاج راس ومال الرجال اللي انتفاخر بأسمها وافعالها معروفه الفزع فزعاتها بين القبايل ترفع اسمها ركن في شمران والنعمين بأفعاله وقالته الشجاعه والكرم والمرجله والطايله منهجها ما يربون الردي واللاش والأفعال بينه لاخلى ولاعدم يالبسنا لاحث شان شان اسمنا شمران والتاريخ يشهد وقفة الشمراني اسمنا وافعالنا مكتوبة في لوحة الشرف قسمنا بين القبايل من خيار الفود والقسوم القبيله من تباله اليا تهامه شانها يعنانا في تفرقنا الظياع ولا اتحدنا زان علمنا يا الله انك لا تفرقنا وتجمعنا على الهدى كنا في الماضي على كلمه ومن خالف وقفنا ضده ما نساوم في بعض وابلادنا نحمي حدودها انتعزوى في بعض واللي جهل نعمي دلايله كل عام نجتمع واهدافنا يا للأسف مفقوده ليش مانسعى على لم الشمل من كل ناحيه بارك الله في الرجال اللي تكافح لأجل عزها يارجال الشعر من وادي تباله للتهم وقفتنا لا تكاتفتا يهون الصعب والعليا نرومها الجمايل لأهلها واحنا لها وان نموت دونها قلتها بأسم الحضور ولا نفرق حجزها وتهمها كثر الله خيركم ياربعنا ياتاج روسنا |
رد: ديوان قصائد لشعراء المملكة العربية السعودية (متجدد)☘️☘️
قصيدة الرفيق
رفيقي تحزمت بالشيمه وحب الرفاقه في بدمي زرعها الله من يوم ميلادي عروقي على العليا وحب القروم اضمي وحب الجميله واهلها شربي وزادي واحب الوفاء وأهل الوفاء والقلوب املي قلوب النشاما ماتربت بالأحقادي ولا احب ممشى كل خاين وراعي غي اعلي مقامي عن حقودين الأكبادي ولا بعتزي باللاش واللاش طبعه سي ومن يعتزي باللاش تلحقه الانقادي ولا اترك رجال الطيب مادام راسي حي ورجلي الى صوب المطاليق تنقادي كسبت الوفاء من راس جدي وراس ابي ولا ارخص مقام الخال وابوي واجدادي علوم الرجال احرص عليها وقسمي هي عليها ربيت ولأجلها اموت وافادي ولي عزة احيابها والقناعه ضي افاخر بعز النفس مابين الأجوادي وفي شان ربعي ما تقيصر ولاني عي وعن لازم الوافين مانيب صدادي احب الرجال اللي موقيفها امدي وراعي الوفاء مايجحده كل جحادي واحب الرفيق اللي ما يحسب لذي وذي ولأجل الأخوه يعتبر كل شي عادي نبادل بعض حب الوفاء واعتبره اوخي اوقف معه وقت الشدايد والأنكادي رفيقي حزام لي ولو ما بيده شي وقوفه يكفي عن ملايين وابلادي ورفيقي بوقفات المراجل وطيبه لي اماري بطيبه وافتخر فيه وانادي ورفيقي هو اللي للكرامه يديه اندي على الطيب والناموس والعز معتادي ورفيقي هو اللي كل ما مدله بيدي يمد الكفوف اللي على الطيب ورادي عيوني بشوفه ترتوي والعروق اروي والى غاب كني عايش حزن واحدادي هذاوالله المكسب لوان الزمان ردي وجوده بجنبي فود وان غبت نشادي وهذا الي غلاه بداخل القلب ماهوب اشوي غلاه امتعدي حب نفسي مع اولادي |
رد: ديوان قصائد لشعراء المملكة العربية السعودية (متجدد)☘️☘️
قصيدة الصبر
يا قــو صبرك على الضيقه ويا صبري الصبر ينهـار لامنّه وصــل حـــــدّه صبـرت صبر الجمال وبان في عمري كـني وصلـت الميه وسنينهــا الشده اقـول يمكــن ويمكـن ينتهي قهـري والقهــر يــزداد والأيـــام ممتـــــده الى متى والعنا في مهجتي يسـري اعيـش واياه تحــت الظـلم من مـده عـايش ولاني بعايش ضايع فكـري والهـم يجتاحني وازريـت لاهـــــده الحظ مدبر وانا اعانيه من صغـري وان شان حظ الفتى فالحال منهده فياليت واني اتخـذت الحـل من بـدري قبل ان الأوضاع تصبح شبه منسده واليـوم يارب ياعــالم بما يجــــري الطـف بمن شان حظه وانقلـب ضده زهير بن مداوس ( ابو ماجد ) |
رد: ديوان قصائد لشعراء المملكة العربية السعودية (متجدد)☘️☘️
سلام ياربعي ويالبس الجنوب
سلام ياربعي ويالبس الجنوب ياعزوتي وقت الشدايد والحروب ياكاسبين المرجله من كل صوب والطيب عادات الرجال الوافيه سلام مني عد حبات الرمال يااللابه اللي طيبها في كل جال متعليه بافعالها روس الطوال والطيب عادات الرجال الوافيه سلام ماخصبه احد من دون احد ياللي غلاهم محتويني للابد عن شانهم مالي مصد ولا مرد والطيب عادات الرجال الوافيه شمران ربعي واتفاخر بأسمها بين القبايل وافيه في قسمها وانا مع ربعي وعلمي علمها والطيب عادات الرجال الوافيه انظر لربعي كلهم بالمستوى من بطن بيشه للتهم عندي سوى واللي يفرق بين ربعه في غوى والطيب عادات الرجال الوافيه نمدح ولا نمدح سوى من يستحق اللي بفعل الطيب عن غيره فرق والا الردي يبقى ردي ولا صدق والطيب عادات الرجال الوافيه مانمدح الا من تعلا واعتلا واهل الجمايل طيبها مايجهلا والكفو مابين الرفاقه يجملا والطيب عادات الرجال الوافيه المدح في ربعي يطول شاربي ولا ينقص مدحهم في جانبي وامدح وفي بين ربعه ماغبي والطيب عادات الرجال الوافيه الله يجملنا على درب الوفا ولا يجي من صاحبي كلمة افا والطيب يبقى بيننا ولا خفا والطيب عادات الرجال الوافيه شعري لمن يستاهله من كل ناس اللي علومه وافيه والطيب ساس ماهوب للي مايقيس ولا يقاس والطيب عادات الرجال الوافيه ياهيه ياللي للجمايل ماغزيت اعرف مكاني بالمجالس لا عليت والا انت ماعمرك جملت ولا وفيت والطيب عادات الرجال الوافيه اعرف مكاني بين ربعي واحشمه واللي يقدرني عساني ماعدمه واللاش لاش ولو تضيحك مبسمه والطيب عادات الرجال الوافيه ماينتقص قدر الرجال الا الردي اللي على درب الردى يعدي عدي ماحاش طيب ولا مشى ممشى اجودي والطيب عادات الرجال الوافيه هاذي الرساله للفهيم ابن الفهيم والا الغبي مهما نقول يبقى غشيم وانا وريث الطيب من شيخ عظيم والطيب عادات الرجال الوافيه تنويه والتنويه لامنه حصل عذرك يجمل لاحصل ردة فعل والحر مايرضى الطمان ولا الوحل والطيب عادات الرجال الوافيه وان كان ماكفاك تنويه الكلام ولا تدور للوفاء والأحترام ابشربها في مجلس كله زحام والطيب عادات الرجال الوافيه هاذي النصايح والنصايح تنشرى اهديتها من دون بيع ومشترى علم بها من كان جاهل مادرى والطيب عادات الرجال الوافيه واخر بيوت الشعر والمبدى سلام للابه اللي طيبها مثل الغمام وبذكر رب البيت هو مسك الختام والطيب عادات الرجال الوافيه وصلاة من نزل تبارك والزمر على محمد صاحب الوجه الأغر شفيع الامه لا بدى يوم الحشر والطيب عادات الرجال الوافيه |
رد: ديوان قصائد لشعراء المملكة العربية السعودية (متجدد)☘️☘️
قصيدة الصبر
يا قــو صبرك على الضيقه ويا صبري الصبر ينهـار لامنّه وصــل حـــــدّه صبـرت صبر الجمال وبان في عمري كـني وصلـت الميه وسنينهــا الشده اقـول يمكــن ويمكـن ينتهي قهـري والقهــر يــزداد والأيـــام ممتـــــده الى متى والعنا في مهجتي يسـري اعيـش واياه تحــت الظـلم من مـده عـايش ولاني بعايش ضايع فكـري والهـم يجتاحني وازريـت لاهـــــده الحظ مدبر وانا اعانيه من صغـري وان شان حظ الفتى فالحال منهده فياليت واني اتخـذت الحـل من بـدري قبل ان الأوضاع تصبح شبه منسده واليـوم يارب ياعــالم بما يجــــري الطـف بمن شان حظه وانقلـب ضده زهير بن مداوس ( ابو ماجد ) |
رد: ديوان قصائد لشعراء المملكة العربية السعودية (متجدد)☘️☘️
قصيده في عدنان بن مداوس
مداوس بن علي ياسسلام الله لمن قدرهم عندي كبير ال عايض منهل ما ارتويت بمشربه عزوتي وقت الشدايد وباليوم العسير مكسبي والرجل يفخر بدقنه واشنبه صلب عودٍ بين شمران يشير ويستشير يرحم اللي سجل الشور بأسمه واكتبه والصقر ما ينجب الاّ حرار وكل طير يدمي اسراب الحبارى بقوة مخلبه روس في شمران في ما قدم والاّ والأخير حي من كانوا رجال ال عايض منسبه ويامداوس فرحتك فرحة الجمع الغفير وانت تستاهل تجيك البيوت مرتبه البيوت بمدح شرواك بأمر الله تسير في رضاي ومدح الأجواد ما مثله شبه امدح المطلق بما يستحق والمدح غير في مداوس بن علي المشاعر معشبه فرحتك فرحة كما اللي تحراله بشير بالفرح من بعد ماكل شيٍ مغضبه بعد ماحقق علي غايتك واصبح جدير الفرح يتكرر وكل وافي يطلبه في فرح عدنان كل المشاعر والعبير فاح ريح العود والطيب بالشعر اسكبه عاش من حقق منا ابوه بشيٍ في الضمير والكفو يسعى على كل طيب ويكسبه جعل ماحققت لك عون ومكسب كل خير والرتب تعلا مع الكفو ويعلى منصبه والتهاني لبو علي من كبير ومن صغير بأسم شيخان ال حمدان قلته وانسبه |
رد: ديوان قصائد لشعراء المملكة العربية السعودية (متجدد)☘️☘️
قصيده في الشيخ عبلان الدوسري
الشيخ عبلان الدوسري مرحبا ترحيبة تشرح الصدر عد ما ينزل من المعصرات امطار مرحبا واعداد ما ينبت الشجر وعد مافوق البسيطه من الأحجار كلمة من داخل الصدر للنحر والنحر يصدع بها للرجال اجهار من صداها عمت الكون والبشر وفي شذاها نفحة الطيب للاحرار للضيوف اللي لهم عندنا قدر والقدر للضيف عاده لنا واشعار كل ضيف شوفته تشبه المطر والفرح بقلوبنا ينبت الازهار لأجل بو فالح شذى الشعر ما قصر ومدح راعي الطيب مالي عنه معذار كل راعي طيب بالطيب ينذكر نذكر الوافين بالقول والأشعار وانت ياعبلان بالطيب مشتهر والوفي من عادته يلفت الأنظار شيخ دين وشيخ بالفعل معتبر من رجال تكسب الطيب ولهم كار من رجال الطيب والمجد والفخر المراجل للدواسر لها معيار ماتهاب الموت والخوف والخطر عادة لعيال زايد حماة الجار روسهم يغلي بها الطيب والسطر ورثة الجدان لصغارهم واكبار مرحبا بأسم الشمارين من حضر قلتها والطيب لاهل الوفاء مدرار مرحبا ينطق بها الصلب والحجر يارجال عم تاريخها الاقطار عند من يسعى على الطيب والظفر محزمي لاشان بي الوقت والا جار ابو عبدالله كما الصقر لأنحدر مايحيد عن الجمايل ولا يحتار ابن عوضه وقفته تبهج النظر شارب طيب المراجل مع الاخيار راس من روس المشايخ وله فخر بيت بن حمدان عالي ولا ينهار في اللوازم ما تغيب ولا اعتذر والعذر عن شان ربعي شنار وعار بأسم شمران العناصي لمن حضر مرحبا ترحيبة الطيب للأخيار |
رد: ديوان قصائد لشعراء المملكة العربية السعودية (متجدد)☘️☘️
قصيدة كيف الحال
يقولون كيف الحال وأقول طاب الحال ترى الحال طيب دام الأحوال مستوره فلا يقهر الرجال او يذبح الرجال يكون اليدين اللي من المال مبتوره وانا الحمد لله عايش بخير والأحوال تسر اصدقاي وكل الأنذال مقهوره وهذا بفضل الله وفضله نعم وجزال خلقنا ورزق العبد بيده ومقدوره تدوم النعم بالشكر قول الله المتعال وناس طغت في نعمة الله معثوره فلا دامت النعمه لعاصي ولا مختال الأيام حبلى والليالي لها دوره ترى الوقت له في كل يوم انقلاب وحال ولا فيه مخلوق سلم من عنا جوره فمن يامن الدنيا وغدر الزمن قتال يعيش الندم ومن الندم يحترق زوره كما الضامي اللي مارتوى من سراب اللال يغره وفجأه ينقلب عكس للصوره مثل مايغرك بعض الأحيان كبر ازوال وهي دون هقوة من تهقوى ومغروره زمان يضم اللاش والنذل والدجال زمان يخلي الآدمي يفقد شعوره زمان كثير الشر والحسد والأهوال عقول البشر من جور ذالوقت مبهوره زمن يرفع الأنذال ويهين روس رجال وسادت ضعاف الناس في كل معموره تذكرت وقت فات يوم الرجال جمال تفاخر وبأفعال المطاليق مذكوره برغم الشقى والجوع والجهل وقل المال يموت الرجل منهم ولا بين قصوره يعيشون للعليا وتاريخهم لازال كتب بالدما والروس بالعز منصوره فيا الله ياللي بيدك الخير والأجال اسالك توفقني على الطيب واموره واسالك تقديني على طيب الأعمال وطيب العمل طاعتك والنفس ماموره زهير بن مداوس ال حمدان الشمراني ( ابو ماجد ) |
رد: ديوان قصائد لشعراء المملكة العربية السعودية (متجدد)☘️☘️
ياالله ياللي تعلم السر والغيب
الطيـــب للأجـــواد يا الله يا اللــي تعلم السـر والغيـب يا ارحم بعبـدك من حنــان الأبــوه انـك تقـدينـي الوفـاء والمــواجيـب وانــك تجـنبني الــزمـــان المشــوه والطيب تجعلي معـه حظ ونصيب امــوت لأجــلـه واتبـــــاها بجــــوه الطيــب للأجــواد حلو المشـاريـب واللاش فــعل الطيــب عنده مـموه الطيب عادي عند من يفـعل الطيب والا الـردي مالـه مع الطيـــب خـوه يسعى على فـعل الدنا والدنا عيب لابـوه لابــــو كل ضــــــايع مــــروه عـايش حيــاتــه كلبـوها عـذاريــب الخبــث من رجـلــيه لأعلــى علـوه خبثـه لـربـعه والأهل والأصـاحيـب كل يـــوم بالأحقـاد يــزداد ســـــوه يضحك وصـدره ممتلي باللواهيب لعـل صـدر اللاش تشـتــب ضـــوه ويعيـش بالـدنيا بليـا مكــاسيـــب عــايش حيـــاته للــدنا والــدنـــوه من كان مثـله يا عسى شمسـه تغيـب كــأنه على النـــمه لسـانــــه مفـوه ما كسـب بالـدنيا دروس وتجاريب كبيــر جســــم لكــــــن العـــقل بوه الـرجل دائـم للـوفـاء والتـراحيـــب واللاش لاش وفــي حياتــه متــوه فلعل من يمشـي بـدرب المـواجيـب يعيـش سامي والــوفاء من سمـوه الشاعر زهير بن حمدان الشمراني |
رد: ديوان قصائد لشعراء المملكة العربية السعودية (متجدد)☘️☘️
بو ماجد وبو سامي
بو ماجد وبن ظافر وجودي وجود اللي بالأسهم خسر ماله وبيته غدى بالسوق واصبح بليا بيت وجودي وجوداللي قضى العمر بالحاله بليا ونيــس يقـاســي الهـم والتشـتيت وجود الذي جور الزمن شتــت عياله ومما جـراله يقضـي العمر بالتنهـيت وجود اليتيم اللي شذى العطف ماناله مع العمـه اللي كلها ظـلم ظـلم مقيت وجـود العليل اللي من الضيـم يرثاله فقـد نعمـة الصـحه ورجواه ليت وليت على اللي بنى له ذكـر والـذكر ماطاله قليل المعـرفه ما يقــارن براعي الصيـت على اللي بنى في قمـة المجد منزاله بنى له مكانه ما وصلها جزا ومقـيت جعل للشعـر معنى ومعناه بأقـواله محمد ابن ظافر ولو قلـــت ما وفـيت سلامي عليه اعـداد ماهـل همــــــاله واعداد حج البيت ومن اعتمر بالبيت سـلام يغطي الكون والطيــبه فـــاله سلام اقـوله كل ما اصبـحت والا امسيت الا يا زعيم الشعر والشعر ما قــــاله مثيـلك يابو سامي من الحي والا الميـت فقدنا روائع شعرك الجـزل وامثـــاله وعشنا زمان صار فيه الشعر تنكيت اذا صـعـب قاف الشعرما طاوع الا له يسخر بيوت الشعـر بالفن بيت وبيت فكم شاعر لا قـــابلك قصــرت حباله الى من فتل تنقض والى من نقــض رديت وكم شاعر يخشى مقابـلك واشواله الى حمــي سوق الشعر هو كل ما كليت يعاف القصيد ويترك الشعر لأبطاله مثيـل ابن ظافر يابشر بالشعــــر ما ريــت عـرفناك شاعــر قيف والشعـرلرجاله لسان القبيله يامحمد الى غـنيـــت فياالله يااللي كل مخلوق يــــلجــاله ترجع عميد الشعروالمعـرفه والصيت الرد من محمد بن ظافر رد على قصيدة الأخ والصديق زهير بن مداوس الشمراني التي شرفني بها قبل زمن ،وتوافق الرد مع حفل التكريم فآثرت التأني والتأجيل ثم أجريت شيئا من التعديل وخففت من التشنج الذي طبع الرد الأول بطابعه، وهأنذاأرسل الرد والاعتذار معالأبي ماجد الذي غمرني بطيبه وأخجلني بمدحه ... قبل فتح باب الشعر ومعالك أقفاله ألا باسمك اللهم في المبتدا سميت وأعوذ بك من نفس جزوعه ومياله لوماتذكراسمك يمتطيها مية عفريت وقبل انخدع بالمدح وتغرني الهاله أسالك سداد الرأي وأسالك التثبيت بعدها هلا بزهير واهلا بمرساله وبمعلقته اللي مدحنيبها هليت عدد ماانقضى شهر وماهل بهلاله عدد ماحسبته من ليالي وماعديت وماغرد الشادي وماجر مواله وماصغت من عصم القصايد وماخطيت عدد ماتعلى صهوة الخيل خياله الامرحبا حييت الامرحبا حييت يامقدم هل الناموس والمدح والطاله بني عمي اللي لاسمعت اسمهم فزيت وفي حبهم شرعت قلبي مية صالة ولا ضاقت أحوالي على طيبهم ناديت أحيي وفي بالوفا تشهد أفعاله يدور على وصلي ولو شافني صديت ماهو بواحدن بالخير ماطري على باله ظنيته صديق ولا طلع مثل ماظنيت يابوماجدأعذر من سأل وأقبل سواله على أيش أتوجد وأنت للوجد ماانحديت بعد شاعرية صاحبك فيه شغاله ولو سار عكس البوصلة وأخلف التوقيت وخلى قصايد يالالا يالا لاله لمن يخلط الخفان بالملح والحلتيت ثلاثين عام وهومسافر ورحاله يطارد سراب لايح في صحاري هيت إلى دقوا الزير أقبل يميل عقاله يدورعلى الناموس في قرب والا فيت يخوض المواقف والخطر يركب أهواله والاقراب تزرع دربه ألغام وادناميت ولاثقل حمل الشعر يقلط ويشتاله ماهمه جرير ولا الفرزدق ولا الكوميت يدور الزمان وكل عصر له أجياله كذا أقنعت نفسي بالحقايق ولا انغشيت تكريم بن ظافر بـديت بالله ولا غـــيـــــــــــر الله ابــــــــــدابه هـــو ما لك الكـــــون كل الكـــــون بيـــديـــنه اللــي الى من دعـــــي ما خــــــاب طـــــــلابه اقـــــــــــرب لك الله لقلـــبك من شــــــــرايـيـــنه الـلـي الى ضـــــــاق صـــدري من عـنى ما به هـــو من يفـــــرج عنــــاي وكــربت سنيــــــنه من بعـــدها مـــــــــرحبا تــرحيب نحيـــــــابه تــرحيـبة الطــــيب لأهل الطـــــــيب مهــديــنه بضيـــوفنا والـغـــــــلا ينقـــــــال عشنــــــابه الحــــب بقلـــــوبنا والطــــــــيب مبـــــــــدينه وســــــــــلام تسلــــيم بن حمـــــــــــــدان للابه المحـــــــــــزم اللي تشــــــــرفنا عـــناويـــــــنه ربـــعي لهم في الحشا منــــــــزال وابـــوابـه من الـــذهب والجـــــــواهر رافـــــــعه زيــــــنه شمــران شمـــــــــران مجــد الطيب تـــــرقـابه مهـــما يكــــــلف طلــــــوع المجــــــد راقيـــــنه شمــــــــــــران شمــران تاج العـــــز تــــزهـابه كل على المــــــــــرجله اهــــــــله مــــــــربيـــنه لو تســـأل المجــد عن غـــــاليه واحبــــــــــابه يقــــول عهـــــدي مع شمـــــــران ماضــيـــــنه ورث مــــن الجــــــــــــــــــد الأول ونتغنــــــابه يـــــــــوم كل يفيـــــــــد المـــــــدح بيميـــــــــنه يـــوم فعل الفـــــتى سيـــــــــــفه ومشعـــــابه المـــــــوت سلـــــــــــــعة غلا والكل شــــاريــنه فعل الفــــــــــتى اللي يجــــــمل ونتعــــزوابه ماهــــو بفعل الــــــردي ودروبه الشــيــــــــنه يــــــوم كل القبــــــــــــائل سلـــــب ونهـــــــابه خيــــــــــال رجــــتالنا يـــــــرهب معـــاديـــــنه نســـعى على الحــــــــــرب خيــــــاله ودبـابه نشتـــــــــــاق للحــــــرب لا ثارت دخاخيــــــنه لا ثارت المعـــركه نشــــــــــــــوش ونجـــــــابه ما همـــــنا الكـــــثر لأن الحـــرب ضــــــاريـنه وبسلمناالطــيب والا الحـــــــــــرب حـــــــرابه عـــــــــدونا ننثــــــــــر البارود في عـيـــــــــنه واذا قـــدرنا نخـــــــــــــــــاف الله ونهــــــــــابه نعفــــــو ولا نظــــلم المــاســــــــور ونهيـــــــنه افعــــال فيها الــــــــــــوفاء ماهي بكــــــــذابه الطـــــــيب له وقت والـــــــديان مـــــــوفـيـــنه يشــهد على فعلنا القاصــــــــين واقــــــــرابه والطـــــيب يفخــــر بمن يـــــرفع مــــــوازيـنه والا الكــــــــــــــرم في دمانا ونتغــــــــــــذابه والبخل يخـــسى ولا شمـــــــران جــانيــــــنه المــال لأجل الكـــرم والطــــــــــــيب نصخــابه عــــار الفــــتى الـبـــخل لو كثـــرة ملاييــــنه نتـعب على الطيب والنامــــــوس نحضـــابه لأجله نعـــني الـقـــــــدم والحــال مشقيـــــنه تاريخ مثل الـــذهب منقـــــــــــوش بكتــــــابه تاريخ يبــــــقى مســـــــجل في دواويـــــــــنه هــــذاك عصــــر مضــــــــى ياكم تشقـــــــابه واليــــــوم عصـــر الــــرخاء والكل هــانيــــنه مـــرحـوم ياللي بـدى البنـيـان وارســـــــــابه ارســـــابه المــــــــلك والأســـــــلام هو ديــــنه يا مـــــــــزنة الخيـــــر هــلي بللي اتـــــــرابه هلي على قبــــــر بو تـــــــــركي لتســقيـــــنه واليــــــوم في عهـــد بو متــعب وحيـــــــــابه الخيـــــــر والعــــدل في عهـــــــده ملاقيـــــنه لعل يـــــــومه سنـــــين من عــــدة حســــــابه العـــــــــــادل اللي جعل شعــــبه محبيــــــنه له الــولاء والغـــــلا والعهـــد نحيــــــــــــــابه من حـــب شعــبه لـــــزوم الشـــعب مغليـــنه اســـوق شـعـــــــــري غلا للحفل واجنــــــابه في حفل تكــــريم بن ظـــــــــــافر مســـــويـنه الشــــــــاعـــر اللي بنى في رأس مــــــــرقابه منــــــــــزال ما يسكـــــــنه الا ســـــلاطيـــــنه الشـــــاعـــر اللي هـــوينا الشعــر بأسبــــابه يشهـــــــد له الكل حــتى من معـــاديــــــــــنه الشـــــــــاعـــر اللي تردى الشعــر بغيـــــــابه والشعـــــر من بعـــــد بو ســامي معـــــزيــنه فيــا الله يااللــي عليــنا نــــــــــزل اكتــــــــابه تـــرد غـــالي من اجل عيــــــــون غـــاليـــــــنه زواج ولد بن ظافر نبدى بذكرالله وبعده سلام سلام للحضار واهل المقام يا اللابه اللي حبهم فالضمير تقديرهم عندي كبير وصغير شمران ربعي وافتخر بأسمها الطيب عاده والوفاء وسمها من بعدها يامرحبا بالضيوف اعداد ما بالكون عيني تشوف من دون بو سامي ارحب واقول ترحيبة من طيبها طما تزول الشاعر اللي عالي مستواه اسمه ولو طال الزمن ما محاه يبقى علم ماواحد يجهله الا ضعيف العقل والمنزله ترى النسب مابين الاجواد فود وطيب النسب من طيب خال وجدود صلب ال مرزن وال مقبول روس بالطيب والقالات تعطي دروس جينا على دعوة كريم الرجال ولا حسبنا للدروب الطوال والتهنيه بأسمي وبأسم الحضور للي بشعره كاسب كل دور شاعر نماريبه بماضي وحاضر والشعر مردوده على قايله |
رد: ديوان قصائد لشعراء المملكة العربية السعودية (متجدد)☘️☘️
قصيده في علي بن مسفر بن مناع
علي بن مسفر بن مناع 

ياسلام الله لراعي الوفا والمرجله ياسلامي يا ابن مناع واهلك روس قوم
 وانت لك بالطيب والمرجله باع طويل 
منسبك ياراعي الطيب مسفر بن علي 
والخوال شيوخ شمران يانعم النسب صلب بن حمدان من روس شمران العصاه
 والنسب ما بين روس الرجال يعزها
 ذكر بو مسفر يجمل ويرفع منزله والله ان الطيب لك ورث من كابر لكابر 
والجمايل للمطاليق تتغنابها |
رد: ديوان قصائد لشعراء المملكة العربية السعودية (متجدد)☘️☘️
قصيده في الشيخ بن غرمول
بن غرمول شيخ البقوم البدايه بأسم ربي وذكر الله خير مانبدى بذكره ونبدابه الإله اللي خلقنا على المله ًملة نحيابها دوم ونجابه ماخلقنا للضلالات والذله نفتدي بأرواحنا الدين وكتابه عزة المسلم بدين الله وظله يوم غيره في لظى نار شبابه دينا مافيه تزييف او خله ولا يخلي الفكر والروح مرتابه واضح للي بغى الحق ويجله ماتربى في خرافات كذابه كل مسلم عز الاسلام عزله ومن تهاون ياعسى الموت يبلابه فيا الله يا اللي كون الكون ذاكله انصر الاسلام يارب واصحابه والوطن تحميه من زمرة الشله زمرة الطاغوت والسم بأنيابه شلة في دمها الموت والعله والمرض بقلوبها واتباهابه والمواطن والوطن دقه وجله ما انتهاون به ولا نرخص اترابه وان تعز اللي خذى الحل في حله الملك سلمان مرحوم من جابه خادم البيتين والطيب محتله الوطن والدين حبه تغذابه عشت يامن يعقد الحبل ويحله ماقصر عن هقوة اللي تهقوابه والروافض زاد بقلوبها غله والحقيقه بينت والهدف صابه بو فهد خلى الحسودين مختله كل عاصي يجهله حسب احسابه بعد قول الصدق بأثبات وادله مرحبا بالشيخ والضيف واللابه مرحبا وعداد مالاح برق له واعدد من حج بيته وصلابه يارجال الطيب والطيب توصله البقوم اللي لها الطيب تسعابه مايربو اللاش والنذل والعله والوفاء طبع الوفيين تعنابه يارجال السيف والخيل والسله قيف بن غرمول يبقى له عصابه الشياخه ورث الأجداد وتدله ماخذاها بالوساطات ونهابه فيصل بن غرمول والذكر مازله شيخ للرحمان كل تعزوابه والقبايل حقها الطيب تحتله تستحق الطيب والطيب ترقابه والحضور الها الوفاء والوفاء كله كل واحد له معزه وترحابه مرحبا بأسم الشمارين والحله ياضيوف دوم للطيب كسابه واسم بن عوضه وربعه حزام له محزمه في عسر الأيام واثيابه بو علي شيخ المشايخ مفصله الشياخه وارثنها وتزهابه رمزنا يكرم من الكبر والزله والوفاء بين الرجاجيل يحيابه والسلام ختام قلته ولا امله والصلاة على محمد مع اصحابه |
رد: ديوان قصائد لشعراء المملكة العربية السعودية (متجدد)☘️☘️
بن شافي شيخ بني هاجر
شيخ بني هاجر سلام تسليمة تغشى وجبه الرجال اللي على الطيب والناموس في كل حال خزنة ظفر واسمها من فوق روس الطوال والهاجري يعشق العليا ويسعالها ياسلامي سلام يعم كل الحضور ياسلامي على روس الهواجر عموم يارجال تفيد المدح والطايله وابو ناصر مقدم بين ربعه وقيف شيخ من راس شيخ وكاسب كل طيب قلتها بأسم ربعي واتشرف بها وابن عوضه وبن جروان لبس للجنوب ياسلامي على الحله واهلها واهلها باسم شمران والعتبان بأقولها بن شافي نبطيه البدايه بأسم ربي وذكر الله خير مانبدى بقوله ونبدابه الإله اللي خلقنا على المله ًملة نسعابها دوم ونجابه ماخلقنا للضلالات والذله نفتدي بأرواحنا الدين وكتابه عزة الأسلام للمسلم مظله يوم غيره في لظى نار شبابه دينا مافيه زيف ولا خله ولا يخلي الفكر والروح مرتابه واضح للي بغى الحق ويجله ماتربى في خرافات كذابه كل مسلم عز الاسلام عزله ومن تهاون ياعسى الموت يبلابه فياالله يامن كون الكون ذاكله انصر الاسلام يارب واصحابه والوطن تحميه من زمرة الشله زمرة الطاغوت والسم بأنيابه شلة في دمها الموت والعله والخوافي بينت واتباهابه والمواطن والوطن دقه وجله ما انتهاون به ولا نرخص اترابه وان تعز اللي خذى الحل في حله الملك سلمان مرحوم من جابه خادم البيتين والطيب محتله حب دينه والوطن ويتغذابه عشت يامن يعقد الحبل ويحله ماقصر عن هقوة اللي تهقوابه والروافض زاد بقلوبها غله والحقيقه بينت والهدف صابه بو فهد خلى الحسودين مختله كل عاصي يجهله حسب احسابه من بعد قول البراهين وادله ياسلام الله على القيف واللابه ياسلامي عد مالاح برق له وعد من حجو لبيته وصلابه يارجال الطيب والطيب توصله والهواجر كل مرقاب ترقابه مايربو اللاش والنذل والعله والوفاء طبع الهواجر وتزهابه وابو ناصر عاش والطيب يشتله شيخ والشيخان للطيب طلابه الكرم والجود عادته واجبله وارثنها ورث والطيب يحيابه وال شافي للنواميس محتله طيبها كل الهواجر تغنابه بأسم من لاترتضي الذل والزله فعلها بالطيب كل تقدابه اسمنا شمران والطيب اهل له انتفاخر به وكل تعزوابه وابن عوضه لبس جنبي ودرع له الوفاء ممشاه والطيب يسعابه وابو نايف ياعسى اللاش فدوله شاعر نفخر بشعره وما جابه والسلام ختام للقوم والحله والصلاة على محمد مع اصحابه |
رد: ديوان قصائد لشعراء المملكة العربية السعودية (متجدد)☘️☘️
القلب لو صد
ًالقلب لو صد صد وهيه الصده صده ولا كنت أنا من كان باغيها صده على غير شفي ولا على وده ولا تمنيت واقعها وطاريها جتني على حين غره وانكشف سده وخلتني اكره سنينا كنت ماشيها وصممت لا ابعد عنه لو الحشا قده ولا ارتجي خاين العشره وراعيها ما يجذبك للذي تهواه وتوده الا الغلا والمحبه لمن يراعيها وان كان لاذى ولا هاذي وش يحده يطرد سراب الصحاري في صحاريها طرد المقفي يهين القلب ويلده وعزة النفس طاحت من اعاليها واللي نوى بيعتك الله لا رده احذف وراه بحصاه وشرها فيها خله على مايبي لو عشت لك مده لا بد الاحزان تلقى من يداويها ولا بد في الناس من تلقى شذى نده يعوضك حاضر الدنيا وماضيها وتعيش واياه والايام ممتده وقسوة الوقت تبطي ما تعانيها هذا هو الوقت ما تعرف متى جده ايامنا غيبها في علم واليها فياقلب صبرك على اللوعات والشده لوعات الايام يامكثر بلاويها لابد ماتعترض للضيم والشده ولا بد ما تذوق مرتها وحاليها اصبر وصبر الفتى ما ينقلب ضده الصبر طبع الذي تاصل هقاويها |
رد: ديوان قصائد لشعراء المملكة العربية السعودية (متجدد)☘️☘️
قصيدة شبيه البدر
الا ياشبيه البدر ياللي علي اخطيت خطية محب ما يراعي لمحبوبه تغيرت ياسيد المحبين واغتريت وجرحك بعد ذالعمر لي اكبر عقوبه وش السالفه يوم اتصل بك ولا رديت وجازيت من كان الغلا كل عذروبه وخليتني لاني بحي ولاني ميت اعيش الضياع اللي تعيشه هل النوبه جرحت الفؤاد اللي هنا فيك واتهنيت ثلاثين عام وانت سيده وحبوبه ثلاثين عام عايش فيه وتربيت اخذت الغلا والحب عن كل رعبوبه الى غبت ضاقبي الفضاء واكثر التنهيت ودمع المحاجر لأجل فرقاك مسكوبه وانا والله أني كل مارحت والا جيت اراعيك مثل اللي يراعي طرف ثوبه اراعي شعورك مثل واحد من اهل البيت ملكني غلاه وسرت بيدينه العوبه ادور رضاك وكل ماقلت وتمنيت احقق لك المطلوب لو كله صعوبه ولا خفت من لوم الخلايق ولا اهتميت وكل المشاعر عاصيتني عن التوبه وبادلتني بالصد ياهيه ماوفيت وعيشتني يا مفتري عيشة اكذوبه نهاية غدر والغدر من قسوته عانيت مثل مايعاني كل تايب من ذنوبه وهاذي نهاية من نوى البعد والتشتيت ولكن تكفى خل الأسرار محجوبه زهير الشمراني ( ابو ماجد ) |
رد: ديوان قصائد لشعراء المملكة العربية السعودية (متجدد)☘️☘️
سعد بن مسفر وابو ماجد
سعد بن مسفر بن حمدان سلام تسليم للغالي ولومن بعيد .من خاطراللي يوده لويطول الغياب .زهير زبن الدخيل إليا شكى من حديد. وارتاب عقله وش الحاصل معه واستصاب. سلام تسليم من شاعريقول ويجيد. شربه من الدله اللي مرها مستطاب. ياعم في حظرتك تحلى بيوت القصيد. تدوم في خيريازيزوم نجم وشهاب. تمظي سنين السعاده وابن مسفروحيد .ماهاب جورالليالي يوم غيره يهاب. لكن ياعم للواجب دنين ورعيد.يرتاع منه الذليل ويتقي لايصاب. والله خلقني بطبعي ياحزامي عنيد. اسج في عالمي واسبح بنهرالعذاب. ياعم وش حيلتي لاصارقلبي يقيد. في بعظ الاوقات لي جزيه لزومن تجاب. واللي يحب الكلام ومن جرابه يزيد. مهتم له والله إني عنه فوق السحاب. لاثولث الليل في برالسعدوالسعيد. من لا يلاقي عشا يمسي عشا للذياب. رد زهير بن مداوس / بو ماجد يا مرحبا يا مسلم بالسلام الفريد سلام يرفع مقامك بين شيب وشباب نصيتني بالقصيد وطاب رد النشيد على بيوت الجزاله كاسينها ثياب الشعر من منبعه ما هو غريب وجديد ورث من الجد الأول كاسبينه كساب الشعر كالصيد والخيره على من يصيد اما يصيد الوحش والا يصيد الغراب والا انت من بيت شعر وفايد الشعر فيد سلالتك كلهم شعار في كل باب الله خلقنا لنا بالطيب مجد ورصيد ومن تهاون بورثه يا عساه الذهاب نسعى على المرجله من دونها ما نحيد والطيب والعز لأهله ما يعود سراب يا محزمي لا يهمك من تغذى بكيد القافله مايوقفها نباح الكلاب |
رد: ديوان قصائد لشعراء المملكة العربية السعودية (متجدد)☘️☘️
بن خشير وبو ماجد
ابن خشير وبو ماجد بو زيد راعي الفيد ودى ولا جاب لربعه يقول الصمت مثل العباده ماكل مخلاب يشابه لمخلاب معطي الجمل ما عاد همه قياده البيت الأول هو سبب مس الأطناب وراعيه عقله مثل عقل الجراده والثاني ارفع قدر هيبه ومحراب والكفو تعرف جرته من طراده راعي المعالي يعرف حقوق الأصحاب واللاش تبقى علته في فؤاده ياجاهل التاريخ وبحور الأنساب ابحث عن اهل المرجله والسياده حنا ورثنا الطيب من روس شياب شيخان قوم ومن بغى الطيب فاده حنا سلالة كل شيخ وحراب اسأل و تلقى الأجوبه بالأشاده يوم الرجال بفعلها تفتل اشناب كل بفعل ايديه حقق مراده رجالنا لو غاب غيره فلا غاب يخاف لا يلحقه هرج النقاده عند اللوازم ما تقيصر ولا ارتاب الطيب حبه مثل حب الشهاده ومعاويه حلال فكاك الأنشاب وعند اللقاء تلقاه يقدح زناده صليب شور وحصن من دون الأقراب ومن دون ربعه سور عالي عماده لأجلالوفاء عايش وللطيب كساب سلالة للطيب والطيب عاده كبير فعل وللعلا دوم طلاب نظرة صقر ما هي بنظرة بلاده صيته تعلى عند الأقراب واجناب بأفعاله اللي كل يوم ابزياده اللي الكرم بأسمه فتح له مية باب حاتم زمانه عاشق للرياده ماعاش عيشة كبر والا به اعجاب تواضعه بين البشر له شهاده هذا هو التاريخ محفوظ بأكتاب ساده و بأفعال المطاليق ساده هذا جوابي والردي والردى خاب اللي بحقده ما اهتنا في رقاده وان كان ما كفى جوابي و لا طاب نعيد لك بعد الأفاده افاده @@@@@@@@@@@@@@@ 
بن خشير وبو ماجد ياالله ياعالم خفيات الأسرار 
ياعالما خافي خفايا السريره

 تذل عدوانك عدى الدين الأشرار
وتعز دين اهل الوجيه السفيره 

يا زهير يا ابن مداوس اطوال واكبار 
يا ابن الشيوخ اللي تصد المغيره

 يا ريف ربعك مكرم الضيف والجار 
يا سيد الوافين قاله و غيره 

 متى تقوم لأهل تباله بمسيار 
لك عند نا واجب مقام وجيره 

من غير امر قل تم ما نقبل اعذار
ما ندري الدنيا طويله قصيره 

هذا وصلى الله على سيد الأبرار
نبينا المبعوث عدل و بصيره
 رد على بن خشير يا مرحبا ترحيب الأخيار لأخيار ترحيب فيه الطيب بأول واخيره با للي لهم بالقلب حشمه ومقدار الطيب للوافين في كل ديره يابو خشير يا عسى ايامك ازهار لك عند بو ماجد مكانه كبيره لك عند بو ماجد محبه و تذكار ذكرى الرجال الوافيه والقديره ذكرى الوفاء والطيب ما بيننا سار يوم المراجل والوفاء حن زيره الوقت فرقنا من اديار لأديار لأجل المعيشه لأجل كسب الستيره لكن يبقى الطيب للي لهم كار اللي تحب الشور واللي تديره عزيمتك بأمر الله انجيك مشوار لأديار قوم للمراجل سفيره من بعدها عطني تفاسير واخبار عن وقتنا وافعال بعض العشيره اللي يغطون الحقايق والأنوار والنور ساطع والفعايل تنيره حنا شيوخ وطيبنا سر واجهار ما يجحده غير الوجيه الحقيره شيخان قوم وفعلنا يبهر ابهار اسأل وتلقى لأل حمدان سيره والا ردي الناس غادر ومكار الغدر في دمهونفس شريره بعض البشر ينكر طويلين الأشبار اللي على طيب المراجل جديره اما يقوك الحق والحق بتار والا يخليها لرجال غيره هذا زمان الغدر والوقت غدار غدر الزمان يضيع اهل البصيره يا وقت يا وقت الردى والزمن جار خلى طويل اليد تصبح قصيره يا وقت شنت وصاربك شي ما صار خليتني يا وقت معمي بصيره خليتني يا وقت محتار محتار خليتني يا وقت عايش بحيره ظلمك طغى والظلم نار على نار ما تحرق الا قلب من فيه غيره نصبر و نصبر والرجل دوم صبار ونقول يمكن بأخر الامر خيره لأجل الرفاقه صبرنا والصبر حار لا صار عند الغير ضايع مصيره لأجل الرفاقه من تعذر بالأعذار وقفاتنا بالطيب تبقى شهيره فعل يجملنا مع اكبار واصغار فعل الرجال اللي لها الطيب سيره الطيب لو انه بغبات الأبحار نمشي دروبه لو دروبه عسيره حنا وردناها طويلات واقصار نأخذ طماعتنا بوقت الظهيره من طيبنا نصبر على امرار وامرار والغير شره يحترق في ضميره واليوم صبر نهايته ظلم واضرار ماله سوى النسيان شره وخيره |
رد: ديوان قصائد لشعراء المملكة العربية السعودية (متجدد)☘️☘️
زواج ولد محمد بن علي بن بريك
محمد بن بريك ياسلام الله على ربعي سلام يشرح الصدور ياسلام الله على لبس الجنوب وعزوتي وحزامي صلب حارث ساس واحنا روس حارث عزوة الجدان ما تفرقنا القلوب اللي مرضها يحترق بها ياسلام الله عليكم يال مرزن واثني التسليمه ياشيوخ طيبها بين ال حارث رافع اسمها شامله ومجمله للي حضر للحفل واللي غاب ياسلام الله لكم بأسم ال حمدان حاضر والغايب الشيوخ اللي تعلت بأسمها والطيب فالها والعنوه يامحمد صانها جدك وجدنا يابو بندر انت شيخ نفتخربك مثل بن حمداني الشياخه ورث بو بندر وورث الشيخ بن حمدان وابو عبدالله سعييد بن صويلح راس قوم وشيخ الشيوخ اللي تقود القافله والقافله بالذمه ويل من قصر مع ربعه وقصر في امانته يا الله يا مطلوب وفقنا على القاله وسوقها القبيله شانها في ذمة رجال الوفاء والشيمه لا تفرقنا ضعفنا وان ضعفنا يضحك الشمات مصلحتنا في تكاتفنا وعزتنا بربنا القبايل حولنا في ما مضى تنظرلنا في العالي يوم كنا نحتمي ساقة بعض ونموت دونها نحتمي في بعضنا واللي يضيم افلان ضامنا ال حارث مركز الشور السديد ومركز للقاله نعتبر مابين شمران العناصي من خيارها تعتزي فينا قبايلنا وحنا نعتزي بها قلتها من طيب خاطر ما معي مقصد ولا غنيه الا حبي للرفاقه والله اللي يعلم النيات ياالله انك لا تفرقنا وتجمعنا على الوفاء يامحمد بن علي جينا على شانك وشان اخوانك قدركم عندي لك الله مثل بو مسفر وبو زهير والرجال اللي تبادلنا الغلا تسكن قلوبنا ما انتسي وقفة علي ابن بريك يوم انه تجمل واصلح وقفته وقفة كريم وطول عمري مانسيتها ياالله انك ترحمه يارافع سبع بلا عمد والنسب مابين بن مرزن وبن محمود عالي شانه روس من روس ال حارث فعلها يسبق كلامها والنعم نعمين والله يارجال الطيب والنسب والمدايح لأجل مصلح بن محمد والوفاء للوافي بو محمد كاسب للطيب من جده وبوه وخال والوفاء مني لعبدالله ولا بنساك ياعلي صلب بن محمود راعي الطيب ياالله ترحمه وتبيحه ذاك بو مصلح عسى في جنة الفردوس منزله والله انا مامدحنا غير من يستاهل الأمداح والتهاني قلتها باسمي وبأسم اللي حضر واخواني للرجال اللي حضرنا في محبتها وشانها |
رد: ديوان قصائد لشعراء المملكة العربية السعودية (متجدد)☘️☘️
تكريم بن رايز
تكريم بن رايز بــديت بالــواحــد اللــي ما لــه الثـــــاني المعتـــلي فــوق خلـقـه عــالــي الشـــاني بــديـــت والله يجمـــلني بمــا اقـــــولـــه حتـــى ان كل يـــردد صحــت الســــاني الشـعر في حضرت الأجــــواد له قيــمه وقيـــمتــه في وجيــــه النــــاس تـنبـــاني من بعــدها مــرحبا تـرحيـــب عشنـــابه تــرحيــب شــــمران للافيـــن والعـــاني تـرحيـب يــرفع مقــام الـرجل ويجــــله ويخــلي اللي عــوج يمـــشي بسمحــاني يا مــرحبـــا بالضيــوف وكل من جــانا يا مــرحبا والغــــلا بقلـــــوب شــمراني يا مــرحبــــا قلتـــها وتقـــولهــا ربــعي كل يـــردد هـــــلا يا عـــز ظيــفــــانـــي لو ضـــاقــت الأرض والله ما تضــايقنا صــدورنا تاســـع القــاصي مـع الــــداني نقـــابل ظيـــوفنـــا بالخــاطـر الطيـــب عــاداتنــا والكـــرم بالطيـــب ينصــــاني حب الكــرم في دمــانا وانتفــاخــــــربه فخــر التميـــمي بحكم شيــــوخ بن ثـاني شـــمران تاريخــها بالطيـــب معــروفه قــــوم تحـب الوفــاء والطيــب عنـــواني قـــوم علـــت بالمـــراجل ما تـــدنيـــها ورث للأجيــــــال من شيب لشبــــاني من التــهـم لتبــــالـــه فعـلـــــنا وافـــي الطيــب ورث لنـــا من روس جــــــداني من دون ما ننتـــقص قــــوم ولا ديــره فعل المطـــاليق يبـــقى طـول الأزمــاني شعب الجــــزيره يشـابه نظـمة السبـحه مكمـــله بعضــــها بالحجــــم والـــــواني ما نفتــــــرق لو يحـــاول من يفـــرقنـا يبــــقى ولانا لعــز وخيـــر الأوطــــاني ويبـــقـــى ولانا لبومتـعب وبو متــعب اللي جـعل حب شعــبه وســط الأعيــاني يارب طــول حيـــاة اللي نثـــر دمــعه على اليتـــامى دمــوعـه كـلهـا احـــزاني وولي عهـد الوطــن نايـف وهو نايــف يارب تحفــــظ لنــا نايـــف وسلمـــــاني حكـــامنا ما لهــم منا ســـوى الطـــاعه مـــا دام شــرع البلــد سنــــه وقــــرآني الــدين وارض الوطــن ومحبـة الـدوله ثــلاث نحيـــابهـــا والا العــــمر فــــاني نفـدى تراب الوطـن ونمـوت من دونـه ولا انتســمع لهــرج افـــلان وافـــلانــي واللي يحـرض على الفتــنه ويسبـــرها يمـــوت والحــقد يقتــل كل مـرضـــاني واهل الوفاء تثـني التــرحيـب وتقــولـه يا مــرحبا مـرحبا تـرحيــب صفطـاني في حــــفل تكـــريم بن رايــزعنينـــاله ما حســـب البعـــد لو البعــــد عنـــــاني شيــخ عـلا بالمــراجل واعتـلى شــانه من روس شمران شيخ وروس شيخاني ذكـر ابن رايـز تعـلى من على النـايف معــــروف ما تجهــله حضر وبـــدواني سلالة الطيب ما تنجـب سـوى الطيـب والطيـب من ورث جــدك يا كحـيـلاني سـلالة من خلقــــها الله على القــــالــه شيخــان واصل الشيـــاخه بن دغيساني يا رب تجــعل حيــاتـه كــلهــا راحــه والآخره في نعيم وخضـر الأغصـــاني وراعــي الطيب تبــقى رايتـه بيضــاء اللي كسب حب كل النــــاس من دانـي هـذا ابن عوضه ومن غيره خذ الرايه رايه على الطيـب والأفعــال بــرهاني ما حسب المـال في لازم بنـــي عـمــه والحــال لأجـل الرفــاقـه ماله اثمـاني يا من تعـلى بفعل الطيــب عن غيــره يا من حمـل هـم ربعـه فـوق الأمتاني شاعر قصر عن مدايح فعل بن عوضه وش قيمة الشعر عنده يا ابن جرواني لو ما امــدحه والله ان اللـــوم لاحقــني المــدح واجب علــي دام الله احيـاني شيـــخ ولد شيـــخ فعـلـه زاد مقــــداره يا رمـز شـمران يا فخر ال حمـداني نـذر علي لا امـدح المطلق ولا اذمــه حتى ولو كان خصــملي وعـــدواني الــرجــل بالفــعل والأفعـــــــال دلالــه والطيب فعل الرجـال وكل شيهــاني واخــر كــلامي صــلاة الله وتسليـــمه على محـــمد وآلـــه نســــل عــدناني زهير بن حمدان الشمراني |
رد: ديوان قصائد لشعراء المملكة العربية السعودية (متجدد)☘️☘️
ابو راكان وابو ماجد
ابو راكان وابو ماجد سر ياقلم واكتب جزيل الفرايد واختار دراس الحكم والجدايد وانصابها شيخٍ حكيمٍ وشاعر من صلب قيفٍ يحتمون العوايد سلام تسليم الوفا والمحبة ياشاعرٍ في نظم الاشعار رايد شاعر ومتمكن وشيخٍ معرب ومطوعٍ عصم البيوت الشرايد يغوص غبات البحور الغزيرة ويحوش منها نادرات الفوايد زهير بوماجد ظهوره يجمل وتأكيد قولي مايبي له وكايد سليل شيخٍ نفتخر في فعوله زيزوم ربعه في المواقف وقايد ابطأ علينا ماسمعنا جديده ومن اولٍ يبدع جزيل القصايد عساه سالم من صدوف الليالي ولا لحقه من الشدائد شدائد اطرب لقوله واتغنى بشعره كنه على ماقيل للعرف صايد يصيد من جزل المعاني سمينه ويجنّب اهزال القوافي بعايد طوّل في اغيابه ولاهي بعادة قريب منا ماخبرناه نايد تمت وصلى الله على سيد الامه ماناحت الورقا بروس الجرايد (عبدالله بن محمد آل منجيه) أبوراكان ابو ماجد حيا الله الوافي وسيع البنايد شاعر تعلى بالقصايد وفايد عينه على عصم القوافي نظرها وسمه على قول الجزيلات سايد متعلي بالطيب من طيب راسه زايد وبأفعال المطاليق زايد هذاك بوراكان زبن الجمايل الأوسمه متقلدنها قلايد الأصل طيب ماخذى الطيب عاره ورث الجدود ولا حدى عنه حايد صلب ال منجيه من اول وتالي للطيب طيب وللضدايد ضدايد حزام جنب وللمواقف جملها لا ثارت الهيجا وشبت وقايد اهل الشيم تحرص على قول ونعم واللاش عاش ولا حصد له حصايد ياما خذى طيب المطاليق بيده كل بفعل الكفو شاهد وشايد تسلم وتبقى وانت للطيب قدوه منك انتعلم والمحبه تزايد تسأل ولا يسأل سوى من يهمه وضع الصديق ولا يحده حدايد وانا مقدر لك شعورك وطيبك ولاهي غريبه ياوسيع البنايد لوابتعدنا رالظروف اجبرتنا الطيب لك يبقى ولاهو بايد |
رد: ديوان قصائد لشعراء المملكة العربية السعودية (متجدد)☘️☘️
قصيدة سلامة الشيخ تركي العسبلي
تركي العسبلي الف لاباس يا راعي الوفاء يا الكريم ابن الكرام الف لا باس يا تركي ابن شاكر عسى ما فيه باسي نحمد اللي لطف و اللطف بيدين رب العالمين يا عسى يا عسى اللي جاك يا بو فهد يبقى طهور يوم جانا الخبر ضاقت علينا الوسيعه وانفجعنا لأن لك عندنا تقدير والقدر لك يابو فهد يا عسى ما يجيك الشر يا الشيخ تركي العسبلي حظكم يا بني شهر اعتلا يوم قام الشيخ تركي لأن مثله الى ما قدر الله خساره للجنوب شيخ تضربه الأمثال بالطيب وافعال الرجال والله ما نعترض في حكم ربي وحكم الله نافذ لكن الحزن مهما كان يبقى طبيعه للبشر وانت غالي وحزن قلوبنا للرجال الغاليه والتهاني لنا بخروج راعي المراجل بالسلامه فرحة العمر شوفة بو فهد بيننا والشر زال يا الله يارب تشفي كل مسلم وترفع منزله وانت يا بو علي نرفع لك التهنيه بخروج تركي انت مطلق وخوة بو فهد مكسبك يا بو علي والمطاليق تحفظ للمطاليق طيب افعالها |
رد: ديوان قصائد لشعراء المملكة العربية السعودية (متجدد)☘️☘️
قصيده في اللواء صالح العجمي
قصيدة العجميه بديت الكلام بذكر ربي عظيم الشان وذكر الله اعظم مانقوله ونبدابه عليه اتكلت وبأسمه الخير والأحسان وبأسمه نعيش وكلبونا على بابه ومن لا يعيش بذكر من نزل القران حياته بلا معنى والأهداف كذابه عساني دوام الدوم بالذكر رطب لسان وكل الحضور وكل مسلم تغنابه واصلي على الهادي الى خيرة الأديان رسول الله اعظم من مشت رجله اترابه صلاتي عليه اعداد ماغاب نجم وبان وعدد من يحج لبيت ربي وصلابه محمد فداه العمر والأهل والخلان وتفداه من دايم للأسلام سبابه محمد غلاه بداخل القلب والشريان مزجنا غلاه بدمنا وانتغذابه بعدها سلام الله سلامي على العجمان سلام يجمل لابتي واتباهابه سلامي على من طيبها يرجح الميزان لكل الحضور وكل رجال بغيابه سلامي على يام الوفاء والوفاء عنوان على من علت بالطيب والطيب لأصحابه رجال الشهامه والوفاء بين قاص ودان ولدهم على فعل يعليه ما هابه سلالة شيوخ الطيب من ماضي الأزمان وبيت بني ساسه على الطيب يزهابه بيوت الكرم والطيب مفتوحة البيبان وبيت البخاله والردى منقفل بابه الى ذكرو العجمان يذكر فعل راكان وتاريخ بن حثلين كل تعزوابه قبيلة وفاء والطيب لأهل الوفاء ينصان الأفعال تفرق لو به اشكال تتشابه الى من ذكرنا بالوفاء افلان والا افلان خذى بو فهد طيبه من ابوه واقرابه صداقة غلا صالح ومسفر علي الشان وكل بفعل الطيب يشعب له اركابه سلامي لكم من دون ربعي دول شمران على اللابه الوافين يا حي ذاللابه شمارين والتاريخ لأفعالنا برهان ولدنا من اول ما انولد للوفاء نابه حضرنا الى الوافين في ثار بن حمدان وراعي الوفاء والطيب كل تقدابه على ثار شيخ عادته للوفاء كسبان ومثل ابن عوضه عاش والطيب جلبابه علي بو محمد شيخ ورثه من الجدان عسى الله يرحم شايب للوفاء جابه وكل ال عوضه طيبها مابه النقصان وكل بفعل الطيب سجله بكتابه نهاية كلامي ياسلامي على العجمان سلام يجمل لابتي واتباهابه سلام الوفاء والطيب من داعية شمران على اللابه الوافين ياحي ذاللابه |
رد: ديوان قصائد لشعراء المملكة العربية السعودية (متجدد)☘️☘️
الهمـــوم // زهير بن حمدان
يا الله يا اللـــــي الى ضـــاقت وكبـــرت علي همــومي اللي تحاصــرني من اربع جهـــات همـــوم تقــلي فـــــــؤادي والحنـــــايا قلــــي خلتـني اعيــــش تـايه من شتـــات بشتـــات مما بصـدري زبنـتــك وانت وجهــــك جـلي لولا الرجــاء والأمل ضـاعت دروب النجـاة والـــوذبك يا مفـــرج كـــــــربة المبتــــــلي مـالي ســوى رحمتك يا ارحم من الأمهـات وادعيــك ودمــــوع عيـني بالمحـاجر ملــي الخـوف في صـدر بو ماجد مســوي سـوات انت الــذي كل ما ظــــــلم الليـــــالي علـــي فـــرجتـــها يا مفــــرج كـــــربة النــايبــــات وانت الــذي تجــــــعل صــدور الأوادم غلـي ما كنـــها الا علــى المــــرجل وناره تبـــات بيـدك وبأمــــرك ملكت الكـون وانت الـولي يا خـــالق الأدمــي يا محقـــــق الأمنيـــــات ما خـــــــاب من يلتـجي بحمــاك لا من بلــي يا اعـــز واجل واعظــم من جميع الصفــات خلقـــتنا للعبـــــــــاده والمحـــــازم خلـــــــي والعمـــر والـرزق مكتــــوبه لنا في الحيـــاة ما نأخــــذ الا النصـــــيب المنكتــب منك لي لو اقضـــي أيـام عمــري كـــله محـــــاولات قنــاعـــــة العبــــد كنــــــز وخيــرها مايـلـي قنــــاعـة العبـد بالمقســــوم شكـــر وثبـــات والحســد هــم القلــــوب ونار تصــلى صــلي والــذكـر بلســـم يــــداوي كل جرح ولهــات الأدمـي بالعبــــــــــــاده يجتـــــــهد يا علـــي ويجـــاهد النـفس لأن النـفس فيـــها انفــلات ولو يحـــــــاول ورب البيـــــت ما يكمــلـــي الكـــــامل الله وبأســـــم الله علـــــى كل ذات وانا مقصـــــــــر ولالـــي عــــذر يجمـــلـــي لكـــن رحمتـك عمـت ســـــاير الكــاينـــــات الطيـــش بأول شبـــابي غـــــرني واجهــلي حتـــى تمـــاديت بالتقصيــــــر فالــواجبـــات قصــرت فيــــــما مضــى والحــمد فيما تلـي والــرابح اللي زبــن لحمــاك قبــل الممــــات بالــذكــر هم السنـــين وجـــــــورها ينجـلـي الشـمس تجــلي الغيــوم وتجـلي المظلمــات يا رب انا في رجـاك ورحمــتك ياالعـــــــلي يا اللـي بهيبــتك تخضعلك جميـــع الطغــاة اغفــــــــرلي الــذنب يا رحمــن وارحـم هـلي وكل مســــلم له الجـــــنه مقــــــر ومبـــــات شعر زهير بن حمدان الشمراني |
رد: ديوان قصائد لشعراء المملكة العربية السعودية (متجدد)☘️☘️
قصيدة المطاليق
قصيدة المطاليق الحمد للي للمخاليق علام يعلم خوافيها ويعلم حيلها الواحد المعبود خلاق الأنام والرزق بيده والنعم مكتفلها من بعدها بأكتب لي ابيات واعلام بأرض غلاها بالحشاء واحتللها ارض البشاير ديرة اخوان واعمام والعزوه اللي مالنا في بدلها جينا لها عجلين والطيب قدام انا وبن بركي لزوم نصلها عشنا مع صحاب لنا عشرة ايام ما كأنها الاّ يوم من طيب اهلها ناس مواقفها مطاليق واحشام طبيعة الوافين ما حدٍ جهلها بوجيههم تلقى الفرح والتبسام وقلوبهم لشوف الأصحاب ولها ماتسمع الاّ سم وابشر لها انغام وبشاشةٍ تشفي القلوب وعللها تحسب حساب اللوم واحساب الأثام اثام ظلم الناس من يحتملها خوة وفاء ماصابها غش واخصام الطيب غايه والتحاشى زللها في ديرة فيها المطر يرزم ارزام اسيولها من سهلها لا جبلها الأرض تشرح صدر من كان منظام استبشرت بالماطر اللي نزلها العشب كاسيها مثل خضر الأعلام تشفي الصدور اللي ضناها وجلها بالمختصر عشنابها عدة ايام ما كنها الاّ يوم من طيب اهلها شعر زهير بن حمدان الشمراني |
رد: ديوان قصائد لشعراء المملكة العربية السعودية (متجدد)☘️☘️
قصائد الشاعر حمد بن مسفر الشمراني الجاذبيه والتسارع ؟؟؟؟؟؟؟؟؟؟؟؟؟؟؟ السلام عليكم ورحمة الله قصيده أطرحها بين أيديكم آآآآآمل أن تحوز بعض الرضى بين فعل الأمر والماضي وتعذيب المضـــــــارع مالقيت من الهوى غير العنا ياطرّ جيبي كم زعلت ؟ وكم رضيت ؟ وكم تمتّرت الشوارع أزعل ؟ أزعل ؟ ثمّ ترضيني بكلمة ( ياحبيبي) مرّت أيام(ن) عليّ من المحبّه قمت أتـــــــــارع ومرّت أيام (ن) عليّ من الغرام ألعن نصيبي من مهاةً تسكن البرّان ماتسكن مـــــــــــــزارع من بنات البدو جابت لي مشيبي قبل شيبي رمشها (يشفي عليل ) ونونها ( يطرح مصارع ) وطبعها طبع الوعل في فزته لاشاف ذيبي عدّلوا قانون معنى الجاذبيه والتســـــــــــــارع في قرار من الملك ويحرره غازي القصيبي إن سرّ الجاذبيه ماهو بشربة كــــــــــــــوارع ولاهو بقول الخواجه للخواجه my baby ماقدرت أوصف شعوري ليتني فالوصف بارع أعتبر هذي أشاره وافهم افهم يالبيبي صرت مثل المنضرب وحده ولا حصّل مفـــارع ومثل من نام العشا وأصبح على الغزو الصليبي المحبّه يابشر لو هي بقوّات المــــــــــــــذارع كان حتى زينب العسكر تناديني حبيبي حمد بن مسفر الشمراني ( الطرقي ) |
رد: ديوان قصائد لشعراء المملكة العربية السعودية (متجدد)☘️☘️
قصيدة (( تقدير ممتاز )) للشاعر// حمد بن مسفر الشمراني الحب يبقى له تجاريب والغاز فيه المآسي والعلوم الطريفه وانا حداني الوقت امشي بعكّاز ربيع عمري راح واقبل خريفه واللي بيمشي الليل من دون مشراز يطب في صحرا الوحوش المخيفه واللي يغوص البحر يبشر بللماز الدرب واحد غير كلّـــن ابكيفه وكان القصايد صيد فنا لها باز انا اهتوي الصعبه واحب المنيفه اعشق صحاري نجد وسهول الاهواز والبحر الاحمر مركباته وسِيفه ولي برض تونس ذكرياتن ومركاز ومياه دجله والجزاير وريفه متولّعن برضي كما النار بلقاز والحب قتال القلوب الوليفه ولو حكّموني قلت للحب منحاز مثل انحياز اللي مضيّف لضيفه ياديرتي للحب راجي ومعتاز انا اعشقك لكن بروحن عفيفه اعجاز حبك والهوى كلّه اعجاز لا شك ابمدح والمعاني ضعيفه انا اشهد انّك ارض فخرن وانجاز فيك المعاني كلّ ابوها رهيفه نجحت في حبك بتقدير ممتاز عساني القى وسط قلبك وظيفه |
رد: ديوان قصائد لشعراء المملكة العربية السعودية (متجدد)☘️☘️
قصيدة (( المشاهير )) للشاعر// حمد بن مسفر الشمراني المشاهير سمعت لي كم كلمتن مالها اعراب اشفق على من صار هرجه مخاسير رجعت اقول بخاطري ويش الاسباب حتّى البدائي صار عنده جماهير ؟؟ وقتن مضى ماحصّل الشهره أشناب رغم انّهم حازوا على اعلى التقادير عاشو مع الشهره كما عيشة أغراب وقتن تعذّرهم وزاد المعاذير واليوم كلّن صار له شلّة اصحاب اعلام وانترنت تطوي المشاوير البعض منهم قام يكتب بالارهاب والبعض يعجب بالعلوج الطراطير ارشيفهم يبقى ببوليس الآداب محفوظ ومترجم بكلّ التفاسير أقلّ مايوصف به الهيض ( كذّاب ) من شاعرن اسمه بلون الطباشير كشفه وقته خمس مرّات ماتاب ياحيلة الله مالقينا تعابير النّاس تنظر للمشاهير باعجاب وانا لقيت انّ العجايب مشاهير |
رد: ديوان قصائد لشعراء المملكة العربية السعودية (متجدد)☘️☘️
الى الشخص الابيض المتوسط؟؟؟؟ حمد بن مسفر
https://vb.shmran.net/mwaextraedit4/frames/tr4.gif https://vb.shmran.net/mwaextraedit4/frames/tl4.gif الى الشخص الابيض المتوسط؟؟؟؟ للهوى واهل الهوى بافتح دريشه بعد خمس اسنين والحاله شقاوي مثل صقرن فالخلا يكفخ بريشه ويتمنّى شوفة الصيده مناوي عذّب الصقّار سبب له بليشه يعشق اللونين الاخضر والسماوي الخضر من لون برّان أهل بيشه والسماوي من السما وسط الخلاوي كلّ ما شاف الحباري زاد طيشه ويتمخطر بينهم ويبات طاوي يرتفع بالنّفس كالقايد بجيشه فوق هام السحب ودّته الهقاوي يدري انّ اقلوبهم حوله عطيشه ويدري انّ الحب هو شيخ البلاوي لين صادفته حمامه مستطيشه صوتها يشبه تقاسيم الحساوي قام يتبعها على كذب وغشيشه جازته بالغدر وين اللي يداوي مايسلّي الخاطر الاّ راس شيشه وتمشيه افي البرّ والموتر عراوي |
رد: ديوان قصائد لشعراء المملكة العربية السعودية (متجدد)☘️☘️
قصيدة جميلة للطرقي
قصيدة للشاعر / حمد بن مسفر لشمراني الحب يبقى له تجاريب والغاز فيه المآسي والعلوم الطريفه وانا حداني الوقت امشي بعكّاز ربيع عمري راح واقبل خريفه واللي بيمشي الليل من دون مشراز يطب في صحرا الوحوش المخيفه واللي يغوص البحر يبشر بللماز الدرب واحد غير كلّـــن ابكيفه وكان القصايد صيد فنا لها باز انا اهتوي الصعبه واحب المنيفه اعشق صحاري نجد وسهول الاهواز والبحر الاحمر مركباته وسِيفه ولي برض تونس ذكرياتن ومركاز ومياه دجله والجزاير وريفه متولّعن برضي كما النار بلقاز والحب قتال القلوب الوليفه ولو حكّموني قلت للحب منحاز مثل انحياز اللي مضيّف لضيفه ياديرتي للحب راجي ومعتاز انا اعشقك لكن بروحن عفيفه اعجاز حبك والهوى كلّه اعجاز لا شك ابمدح والمعاني ضعيفه انا اشهد انّك ارض فخرن وانجاز فيك المعاني كلّ ابوها رهيفه نجحت في حبك بتقدير ممتاز عساني القى وسط قلبك وظيفه |
رد: ديوان قصائد لشعراء المملكة العربية السعودية (متجدد)☘️☘️
السلام عليكم ورحمة الله
والمقصود ليس هنا بل في مكان بعييييييييييييد وأرجو أن ينسقها أحد الأخوان لأني غشيييييييييييم في التنسيق علاج الثواره يامحترم لاتجلس تلفّ وتدور قال المثل يكفي مع الحرّ أشاره اركد ومن راعي الغنم حصّل الشور وأبعد عن الوادي ودابه وغاره منته بمجبورَ ولاني بمجبور كلنّ على كيفه يحددّ مساره أبنصحك نصحً قليلً ومقدور عساك تفهمني ياعضو الإداره خيّط فمك واسمع يلا صرت مكبور وارسل على مقفا الدويني بشاره وأبعد عن الظلما وخلّك في النور فالذّيب لو يعوي تزافر نماره وادخل مع البيبان لاتطمر الصور ولا تنازل عن مكان الصداره دنياك لاغرّتك بتصير مغرور قبلك 100 مغرور ضيّع وقاره فلا تطاوع يافتى كلّ مطيور واحفظ من اصحاب الحكم لو عباره فهمتني ؟؟ ممتاااااااز ؟؟؟ون تو ثري فور هذي ترى وصفة (علاج الثواره) حمــــــــــــــــــد بن مسفــــــــــــــــــــر |
رد: ديوان قصائد لشعراء المملكة العربية السعودية (متجدد)☘️☘️
قصيدة صحيح لاطاح الجمل للشاعر حمد بن مسفر
صحيح لا طاح الجمل تكثر سكاكين الجمل هذا مثل محفوظ تتكلمبه ألسنت الرواه أصدقه أكذبه ما بين يأس وبين أمل أخاف من صوفيه المذهب وتصويف الطغاه حبيبتي ما فات مات وما توقعته حصل والي يكدر خاطرك في شي يا جعله فداه لبيه يا ريح الخزامى يا هبايب من نفل يا بلسم الطرقي من أوجاعه يا ماءه ياغذاه يا وجهه من تاريخ بابل يا تضاريس الخجل يا قاسيون الشام يدمع السواني في حماه من عينك اليمنى يدرس نصف مفهوم الغزل ومن عينك اليسرى يطيح الطير من عالي سماه وأنا مجرد شخص عادي في غرامه معتدل وأنتي لهذا الشخص بالتأكيد تكسير الحياه تدرين ليش أزعلك وأحاول أبدى بالجدل عشان أشوف أسمى معاني العفو وأعرف مستواه وأنتي لمحتي زلتي والرد من جنس العمل أحلفلك لمن كون الحيه لموسى من عصاه لعيشك عيشة أميره حاكمه كل الدول وأسلطنك في مهجتي وألبسك بشت وعباه وأكتب قصايد عشق ما تنسى من الشعر الجزل أدلعه وأدوزنه وأعدله وألعن ثواه يعجبني الحل النهائي بعد تشخيص العلل لا لبس الناطق حلوله فوق الأسأله العراه فالحرف يصنع كلمه والكلمه تصنع جمل والدبلماسيه نتيجه خبث ما يعرف مداه والفاهم الي يعرف أن الثرثره طبع الخبل والخبل مايقدر يفرق بين ذيب وبين شاه يرضابها الراضي ويزعل في المحبه من زعل الله من بعد المسافه بين إيه وبين آآه أمشي كذا وأمشي كذا خذني معى كل السبل أحيانآ الغرقان يتعلق بقشه للنجاه مع تحيات / أبو راشد |
رد: ديوان قصائد لشعراء المملكة العربية السعودية (متجدد)☘️☘️
بسم الله الرحمن الرحيم
السلام عليكم ورحمة الله وبركاته كان هذا اللقاء مع الشاعر حمد بن مسفر الشمراني اهداء حصري لمنتديات قبائل شمران |
رد: ديوان قصائد لشعراء المملكة العربية السعودية (متجدد)☘️☘️
مازلنا مع الشاعر المبدع حمد بن مسفر الشمراني في هذا المقطع وهذا الابداع المتجدد
|
رد: ديوان قصائد لشعراء المملكة العربية السعودية (متجدد)☘️☘️
قصيدة من قصايد الشاعر المبدع حمد بن مسفر بالصوت والصورة اهداء لمنتديات قبائل شمران |
رد: ديوان قصائد لشعراء المملكة العربية السعودية (متجدد)☘️☘️
كــاااااااااااااااان .......... يـامـا كـــاااااااااان للشاعر : حمد مسفر الشمراني .................................................. ....... ملّـت العيـن السهـر والقلـب يشكـي مـن نصيبـه والـقـدر ما يمـهـل العـاشـق يـسـوّي ما بـدالـه راحت أيامي وانا أطلـع مـن مصيبـه فـي مصيبـه حتّى حظّـي صـار ما يعـرف يمينـه مـن شمالـه مكتئـب مـن داخلـي بالحـيـل والدنـيـا كئيـبـه والسـؤال اللّـي معذّبنـي عـلـيّ يلـقـي ظـلالـه كيـف ينسـى مـن عشقتـه لحظـة مـوادع حبيبـه كيـف ينسانـي وانـا ناقشـت فـي حبّـه رسـالـه لحظةً مـرّت علـي اقـلّ ما توصـف ( رهيبـه ) همّشتنـي (؟؟) فـرق بـيـن الأستقـالـه والأقـالـه غصب عنّي .. عقبها عرفـت وش تعنـي الغصيبـه بعدهـا فهمـت وش تعـنـي مفاااهـيـم البطـالـه والله اللّـي يعـلـم ابــن آدم بجهـرانـه وغيـبـه انّ حتّى الحين .. مدري وش حصل له وش طرى له اذكـر انّـه .... كانـت افكـاره تودّيـه وتجيـبـه لكـن الماضـي يقـول إنّــه شربـنـي للثمـالـه اذكر إنّه .. كـان بحـر أشـواق وافكـاره رحيبـه عينـه اليمنـى سكـون وعينـه اليـسـرى هبـالـه أذكــر إنّــه .. ما تعـدّيـه البعـيـده والقريـبـه مايحـبّ الفلسـفـه والمختـصـر عـنـده إطـالـه اذكـر إنّـه لا تباطانـي .. وجيـت .. يشـقّ جيبـه وأحتـرم رأيـه وامشّيهـا جمـالـه فــي جمـالـه أذكـر انّـه لازعـل فـي نظرتـه طيبـه وهيـبـه لـو نظـر فـي شيـخ قـومً يمكـن إيطيّـح عقالـه أذكر إنّـه متـزّن .. خـوّاف .. واطباعـه غريبـه اذكر انّه لابغى ( الجمعـه ) .. مشـى يقعـد لحالـه اذكـره واثـق بنفسـه .. والثقـه شــكً وريـبـه اذكر انّـه لانـوى يصبـر .. صبـر فـوق إحتمالـه اذكـر انّـه شيّـب إبراسـي قبـل يدنـي مشيـبـه ماطلـب .. بـس ان تمنّـى ينعطـى والطيـب فالـه كان يعشـق تحـت رأيـة ( توخـذ الدنيـا غليبـه ) كنت أحبّـه ضمـن مبـدأ اهـل الطهـاره والنبالـه اذكـر انّـه ( كوكبـه ) والشهـد مـن فمّـه يذيبـه أنذبـح بعيونـه العطشـا .. ظمـأ .. واروى زلالـه كـان ياخذنـي بصمـت اهـل القلـوب المستنيـبـه كنـت احبّـه ( غطرسـه ) وآحـط للإعـلام هالـه كـان ينخانـي بدمعاتـه وانـا كنـت أنتخـي بــه كـان عنـدي رأس مـال وكنـت عنـده رأس مالـه كـان يضحـك وابتسـم واستأنس بدفـع الضريبـه ميزتـي أزعـل قـوام وميزتـه فـي طـول بـالـه كنـت مثـل الجنـدي اللّـي غايتـه يهـزم كتيـبـه البحـر خلفـه بــلا مـركـب وعـدوانـه قبـالـه كنت اشوفـه فـي خضـمّ أفكـار ساعـاتٍ عصيبـه كااااان يتربّع على عرش الهوى وقـت إشتعالـه كاااان ياما كاااان ... ياقهري مـن الدنيـا العجيبـه يمكـن إيلاقـي بديـل ... ومستحيـل ألقـى بــــدالـه |
| الساعة الآن 04:42 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية