|
رد: ديوان قصائد لشعراء المملكة العربية السعودية (متجدد)☘️☘️
موبايلي لو هي تعاون مع زين &&& ما كان شفنا في البلد ضعف الارسال اسعد الله اوقات الجميع بالخير والمسرات
الجديد يتشرف بمصافحة قلوبكم الدهر علمنا دروس ومضامين &&&&&&&&&& والوقت نوب ٍ يصدق ونوب يحتال والصمله اللي تنبري في الميادين &&&&&&&&&& بالعز محفوفه على صدور الأبطال بعض البشر هيبته هيبة سلاطين &&&&&&&&&& وليا قدح بارود يمرح على الجال وبعض البشر مثقل خطاوي ومسكين &&&&&&&&&& وبعض البشر طيب سجايا ورحال وبعض البشر اقرب من رماشة العين &&&&&&&&&& لكن ضنونه تلحقه كل منزال يا الخاطر اللي كدره فعل الأدنين &&&&&&&&&& الصاحب اللي كنت احسبه لي ظلال كنت احسبه مثلي واثر طبعه الشين &&&&&&&&&& نزله من عيني ومن عالي جبال من لا يوازن كلمته في الموازين &&&&&&&&&& ما للرفاقه في معاريفه إجلال ما قلت لا تمشي .. لكن امش بـ هوين &&&&&&&&&& وما قلت لا تفخر.. لكن فخرك خبال مثلك مثل غيرك ومحسن كما حسين &&&&&&&&&& لكن مريض النفس والكبر قتال وش عاد لو ما كنت مخلوق من طين &&&&&&&&&& وما فيك عن باقي العرب حايل ٍ حال مره كما الطاووس تمشي على البين &&&&&&&&&& ومره تداحمنا وتمشي مع جمال نصفح ونسمح لكن المخطيه دين &&&&&&&&&& تدور في الخاطر وتكبر وتنهال تعبت من قولة أهل العرف صلفين &&&&&&&&&& وتعبت أدرج بسمتي عند الأنذال وانا وحيد ٍ يا فتى ما ني اثنين &&&&&&&&&& والظاهر إني صرت مضرب للأمثال ( يا عاقل ٍ عايش وحولي مجانين &&&&&&&&&& ولا أنا مجنون والناس عقال ) وانشهد إن الوقت من حين لا حين &&&&&&&&&& يطرب ويصفق ويتقلب ويختال وجهة نظر يمكن تمثل ملايين &&&&&&&&&& ومليون يمكن ما يكيلون مكيال (موبايلي) لو هي تعاون مع (زين) &&&&&&&&&& ما كان شفنا في البلد ضعف الإرسال وان كان عند (الاتصالات) تحسين &&&&&&&&&& يحري بها الشايب وهو سابق أجيال إعلان مجاني بصدر الدواوين &&&&&&&&&& للي لهم سطوه على كل جوال متنافسين وكنهم في مزايين &&&&&&&&&& كل ٍ يسوَق سلعته بين الأشبال الله يقويهم وحن مستفيدين &&&&&&&&&& ونصير نهرج سبع ساعات بـ ريال قبل أمس كنا بين مؤتة وحطين &&&&&&&&&& واليوم حنا بين بايع ودلال والله واعلم درب باكر على وين &&&&&&&&&& لا صاروا عيال الترف ما هم عيال الله يكافينا شرور الشياطين &&&&&&&&&& وأستغفرك يارب طــه والأنفال وسلامتكم |
رد: ديوان قصائد لشعراء المملكة العربية السعودية (متجدد)☘️☘️
حـــوار التــعــســاء اسعد الله مساء الجميع بالخير
من آواخر ماكتبت يتشرف بمصافحتكم يا خاطر ٍ ما ضاق غير إلا من وجيه الحثال ^^^ والسارق اللي متعب ٍ عمره ومضنيه الجشع والمشكله زاد العرب عنده ويأكل بالشمال ^^^ أكل أكل أكل أكل لكن حسافه ما شبع وش عاد نبغى فـ الثقافة دامها الدعوه ارتجال ^^^ والشعر روضه بين ديم الفكر وانهار ونبع نوابغ الفيزياء تثبت إن للطاقة مجال ^^^ وان الكثافة تنخفض لما الحرارة ترتفع واحنا مكانك سر ..لانؤمن بإطلاق الخيال ^^^ ومن التعاسه لا تحاورنا تقاذفنا القمع بين التشدد وانفتاح العلمنه.. شد القتال ^^^ جهابذة فكر تعارك.. والفضا ياما وسع والمشكله أن الحوار احيان يغشاه انحلال ^^^ والمشكله تكبر إذا بأسبابهم تكثر بدع يا ناس خلونا نعيش بلا توتر وانفعال ^^^ اكبر مصيبه فتنة ٍ في الدين والشارع شرع كتاب ربي جامع الأطياف وخيار الخصال ^^^ والرب له حكمه وسبحانه من الحكمه جمع آيات ٍ أعذب في معانيه من المي الزلال ^^^ وأحكام وأعراف وقصص والنور في جله سطع نبغى التآخي والتألف والمرونه في الجدال ^^^ والشمس ما يشبه سناها شبة أضواء الشمع يا حي هرج العاقل ليا جاك يضرب لك مثال ^^^ كنه يسلسل صف لولو وكن أحاديثه سجع لا جاك يهرج ما يثرثر بالسواليف الهزال ^^^ معنى جزاله والأدب والحلم في حكيه طبع لكن تجي لـ الصوب الآخر شي يدعو للخبال ^^^ أصوات تتضارب وسب ولعن وصداع ووجع توصل لحد القذف تكرم توصل لحد النعال ^^^ نقاش معدم لا يدر لسامعه فود ونفع سباع في كبر السوالف والشتايم والضلال ^^^ والله واعلم لو تجي للصدق ما تلقى سبع وما يفتل هروج الدمان الا مراجيج ٍ هبال ^^^ والرجل لا جا فيه زوده يجعل الواحد ربع وشلون ما يحشم مضامين ومواقيف الرجال ^^^ وشلون ما قد مر في باله كلام ولا سمع ان الإمام الشافعي قد قال واسمع ويش قال ^^^ (ما طار طير وارتفع.. الا كما طار وقع) يعني على هونك وإذا حظك تنكر لك ومال ^^^ اذكر نسانيس الرخاء ساعة وشأ فيك الطمع وان كان يغريك الرضاء والطيب والكسب الحلال^^^ مالك سوى التقوى وحث النفس وإجلال الورع والكبر جنّب مرقبه وأرقى على روس الطوال ^^^ واللي زرع دربه زهر ما يحصد إلا ما زرع وسلامتكم |
رد: ديوان قصائد لشعراء المملكة العربية السعودية (متجدد)☘️☘️
https://vb.shmran.net/images/icons/icon1.gif قصيدة سيف العشق للشاعر ابراهيم بن طهيفان (قديمة )
ضاعت علومي وأنا اللي حاسب(ن) نفسي شديد ....................................لعن أبوه العشق هذا سيف قطاع القلوب ما هقيتك يا حديد تفل تكفى يا حديد ...................................و ماهقيت إن الجليد بوسط وجداني يذوب الأكيد اني هويته ؟؟؟لا ابد هذا أكيد ...................................شوفني امشي شمال و غايتي عند الجنوب شوفني حال(ن) تبعثر بين فك وبين قيد ...................................شوفني ذاك المسافر تاه من كثر الدروب شوفني تلميذ شاطر واشهد إن عقله فريد ...................................بس حظه في النهاية ....النتيجة هي رسوب يا غيوم(ن) مدلهمه واحجبت شمس القصيد ...................................بدديها يا ( جواهر) وأرسلي ذيك الهبوب نظرة(ن) من عين ولا همس ولا لمس ايد ...................................اسجنيني في فؤادك وامنعي عني الهروب النخل ما هوب نخل من غير سعف ولا جريد ...................................والسما ما هيب سما من غير مشراق وغروب والهوى ما هوب هوى لا صار محبوبي بعيد ...................................والزمن من غير (جوهرتي) غدا وجه(ن) شحوب استبيحك عذر يا قلبي وأنا ادري بك زهيد ...................................اترك الحزن وذنوبه ....اذبحتني هالذنوب صافح النور بيمينك لا تعقدها عقيد ...................................شوف خلي وش حليله كامل(ن) مابه عيوب شوف كيف انه ثناني ....بن طهيفان الشديد ..................................ما ثناني غير سيف العشق قطاع القلوب ======== تقبلوا مني تقديري وشكري |
رد: ديوان قصائد لشعراء المملكة العربية السعودية (متجدد)☘️☘️
قهــــر .... قصيدة لشاعرنا المبدع إبراهيم بن طهيفان الشمراني
السلام عليكم مساكم الله بالخير جميع هذه قصيدة ورائعه من روائع ابوخليل حبيت تستمتعون بها ما ذبحني يا مبارك غير كتمان القهر .....................................اكتم بصدري وأحاول أتظاهر بالسرور الضماير مجدبه لا ورد فيها ولا زهر .....................................والقفار الموحشة ما ينزرع فيها زهور الحنين بداخلي من جمرة البعد انصهر .................................والهموم تهد غيري ومن على راسي تدور السهر وش قيمته لا صار كل وقتي سهر .................................والفرح في خاطري قطره تحيط بها البحور يا حبيبي غيبتك اليوم في سلمي شهر .....................................قلتها لك وبصراحة ما بقى عندي غرور لو كتمت الحب في قلبي على عيني ظهر .................................ولو حبست الشوق صدقني يجي يوم ويثور يا بحر يا موج يا شاطي ويا سيف النهر .....................................يا قمر يا ليل يا نجمه ويا صوت الطيور لا تخلوني لحالي أقف بوجه الدهر .................................ضاع عمري تايه(ن) بين التخفي والظهور يا مبارك لو بكيت اليوم من زود القهر ............................ولو ضحكت بذمتي هالضحك ما هو من سرور وتقبلوا تقديري. https://vb.shmran.net/shmran_2018_co...er_offline.gif https://vb.shmran.net/shmran_2018_co...reputation.gif https://vb.shmran.net/shmran_2018_co...infraction.gif https://vb.shmran.net/shmran_2018_co...ons/report.gif https://vb.shmran.net/shmran_2018_co...ttons/edit.gif |
رد: ديوان قصائد لشعراء المملكة العربية السعودية (متجدد)☘️☘️
مـلك الـقـلـوبـ السلام للأحبه
قصيدة بمناسبة زيارة خادم الحرمين الشريفين للمنطقة الشرقيه الاسبوع الماضي اعبر فيها عن فرحة اهالي المنطقة بالزيارة الميمونه جزل القوافي تنتشي والشعر طوّقه الوشاح = والكايدات من القصايد تنحني لك بالمديح واختار لك من دانة الأشعار زينات الملاح = و أوجه الترحيب صوبك ثم ارددها وأصيح يا مرحبا يا مرحبا يا نور وضّاح الصباح = يا القائد المغوار يا الميمون يا الوجه الصبيح شعبك يرحب بك وتجمح لك من أشواقه جماح = ترحيبة ٍ من قلب صادق حر ولسان ٍ فصيح المنطقة غنت لك الليلة وبرق الفرح لاح = سعادة أهل المنطقة ما وسعها الكون الفسيح والبحر يلعب لك طرب مع نغم هبات الرياح = والورد يضحك للزهر ويفوح بين الناس شيح ملك على الدولة ولكن ملكك اللي ما يزاح = انك ملكت قلوب شعبك يوم لك قلبا سميح زيارتك يا سيدي للمنطقة خير وفلاح = وشعبك وناسك جددوا لك بالولاء قول ٍ صحيح زيارتك يا سيدي تضفي على القلب انشراح = وتبدد ألآم الضعيف اللي من الدنيا جريح الطيب لو هو بحر عندك صفق موجاته شحاح = والجود لو هو آدمي مع جود أبو متعب شحيح يا سيدي حنا نهلنا من نجاحاتك نجاح = علمتنا وشلون ننهض بالهمم وقت المطيح وعلمتنا إن القيادة والمواطن والكفاح = ثلاثة أضلاع ٍ يذود بها الوطن لو هب ريح |
رد: ديوان قصائد لشعراء المملكة العربية السعودية (متجدد)☘️☘️
قصيدة بعنوان " معركــة" للشاعر إبراهيم بن طهيفان الشمراني
السلام عليكم مساكم الله بالخير جميع هذه قصيدة ورائعه من روائع ابوخليل حبيت تستمتعون بها معركة والقلب فيها.. ماخذ الدور القيادي ..................................بين تأنيب الضمير.. وبين ثورات الشجون معركة والسيل فاض.. وخالط الوادي بـوادي ..................................فجّر كبار العقوم.. وارتوت منه بطون معركة والرمح لو يخطيك ما اخطتك الهنادي ..................................وبصراحة يا أكون اليوم.. ولا ما أكون حلها يا قلب لكن.. خلك بحلك حيادي ......................................حلها يا قلب دامك... يا معذبني تمون خايف احبه ولاقي.. من محبته العنادي .............................وخايف اهده ويصيب العقل.. من بعده جنون يا مرام النفس ويا حلمي.. ويا غاية مرادي ..............................يا سبب فرحي ويا عشقي.. ويا حبي المصون يا عقود الفل يا ريحان.. يا نرجس وكادي ..................................يا نجومي يا سحابي.. يا سماي ويا مزون يا اصولي يا فروعي.. يا دياري يا بلادي ..................................أنت يا شف الخواطر.. أنت يا ضي العيون لا تخليني أنادى........ لا تخليني أنادى ....................................بح صوتي يا حبيبي.. رد بصوت الحنون اكسر الصمت وتكلم..أطلق الطير الهدادي ..................................والله إن الصمت بلوه.. زادت الموقف رعون شوف (كعب) شلون نوّخ.. يوم بانت له (سعادي) ..............................وكيف (قيس) بدون (ليلى).. جالس لحاله alone يفرد همومه ولون الحزن.. في عينه رمادي ..................................الفرح له لون واحد.....والحزن له ألف لون آه من حظ(ن) معاند .. آه من طول البعادي ....................................آه من جور الليالي.....آه من كثر الظنون معركة والكل فيها.. سالم إلا ذا الفوادي ..................................والشجر لو مات ما تحيا على جذعه غصون معركة يا قلب تكفى خلك بدورك قيادي .........................................وأنت حدد يا أكون اليوم ولا ما أكون شعر ابراهيم بن طهيفان الشمراني وتقبلوا تقديري. |
رد: ديوان قصائد لشعراء المملكة العربية السعودية (متجدد)☘️☘️
شـيـخـة الـغـيـد اسعد الله اوقاتكم جميعا
قصيده كتبتها وانا خارج المملكة وبالتحديد في مدينة (براغ) عاصمة التشيك وهي تتحدث عن نفسها الحزن قايد والشوارد طوابير والقاف غرس وهاجس الشاعر البيد والناس لو تؤمن بجلب المقادير ما كان شفت الجازع يعيد ويزيد وأنا بموت من الضما وينه البير والعد فايت عن عيون المشاهيد الليل موحش والقصايد مسافير والبرد شايب والهبايب مواليد وأنا تعاقبني صدوف المشاوير بعيد عن داري ودمعي مواريد في الديره اللي كل أبوها نواوير جنوب عن برلين .. في شرق مدريد راعي الحلال هناك ما يشري شعير و(ابو سعيد) إن زارها همّل (سعيد) يا ( براغ ) لوّك تجذبني المشاهير أشوف واسمع وكنّي مقيّد بـ قيد حزين وأنشدني وأجي كلي مغير وأجاوبك وحروف شعري شواهيد وأعطيك عن حالة أهل العشق تقرير لا هو بـ مستنسخ ولا هو بـ تقليد ليا ذكرت اللي لها في الحشا سير أعدها مثل الجبال الجلاميد فراقها ما ينحسب بالتقادير إلا ضنا .. وجهاد.. هم.. وتناهيد فراقها بكَى الشجر والعصافير والورد ذبل وطاح في طارف الحيد يا طير يا طير الهوى هيه يا طير عوّد وعود اللي تعايدني العيد بلّغ سلامي ثم سوق التباشير للي غلاها والهوى صادني صيد هذيك وجه الخير تجلب لي الخير يا جعلها تبطي وهي (شيخة الغيد) وسلامتكم |
رد: ديوان قصائد لشعراء المملكة العربية السعودية (متجدد)☘️☘️
رثاء جدي الشيخ الشاعر سعد بن طهيفان (فقد غالي) السلام عليكم
اسعد الله مساء الجميع بالخير هذي قصيده رثاء في وفاة جدي سعد بن طهيفان احد اعيان قبيلة شمران السبت واحد شعراءها العظماء هذا رابط للقصيده نشرت في جريدة اليوم قبل شهر http://www.alyaum.com/issue/page.php?IN=12502&P=23&G=2 يا قصيدي وأنت ماغيرك شربت إحساسي = ضايق وجفني جفاه النوم .. ويش الحيله فاقد ٍ غالي ومن فقده توارد يأسي = وين هو جدي سعد من بعد ذيك الليله وسط قبر ٍ جعل قبره روضة الجلاسي = اندفن والذكر باقي والحياة محيله من وعيت أشوف جدي عزي ونبراسي = أستظل بظل فعله.. وان حكا أوحي له حي والله وقفته مثل المنيف الراسي = لا بدا في الريع .. نمر ٍ مايصبّح غيله لقبوه بـ ( شاعر السبت ) وعريب الساسي= داهية في الشعر .. غيث ٍ ما يشح بـ سيله معقد ٍ للشور لا جاء في العقول إفلاسي = شامخ الطالة .. وسيع بطان .. مقدم جيله حازما في الحق وان جات الطوارف قاسي = فعل يتلا قول والشارب على تفتيله لو غدا للموت فدوه كان فدوك راسي = لكن ان الموت حق وكلنا نوفي له يا كبار العرف ماني في القصيد مواسي = غير هم ٍ جيت أحطه قال شعري شيله وكان فقد الشيخ زايد شق في بني ياسي = والله إن فقدك يا جدي مثقلا في الكيله ادعي الله صاحب الملك وشديد الباسي = تغفر لجدي سعد وبرحمتك تضوي له بـ عفوك اللهم يا رب ٍ خلقت الناسي = تنزله منزل نبيك وألطف بتنزيله وتآنسه من وحشة القبر ومن الوسواسي = و تسعده في الروض مابين الزهر وإكليله وألهم الحزنان صير وسلوة ٍٍ وإيناسي = وأصلح أحوال العباد ليا غشاهم ميله ودمتم سالمين اخوكم ابراهيم الشمراني |
رد: ديوان قصائد لشعراء المملكة العربية السعودية (متجدد)☘️☘️
مرثيه في الأخ عبدالقادر بن احمد ال شنيف (ابو ريان)
أسعد الله أوقات الجميع بالخير والمسرات أقدم بين يديكم قصيدة رئاء في الاخ العزيز والغالي رحمة الله عليه عبدالقادر بن احمد ال شنيف والذي افتقدناه في رمضان الماضي اسأل الله العلي القدير ان يرحمه ويغفر له ويوسع مدخله ويلهم اهله وذويه الصبر والسلوان. أبو ريان شخصيه متفردة ورجل كان يحمل الود للجميع وهو من الاشخاص الذين قل ما تجده بوجه عابس او زعلان فهو دائم الابتسام كريم الخصال و طيب السريرة . مهما تكلما وابتدعنا قصائد ومرثيات في هذا الرجل فلن نوفيه حقه ولكن جميل ان نذكر احبائنا الغائبين عنا ونستذكر مواقفهم وصفاتهم الطيبه اعيد واكرر دعائي وابتهالي الى العزيز القدير ان يرحم ابو ريان ويحسن عزاء اخوانه وعمانه وابناء عمومته وجميع من عرف هذا الرجل الطيب الشاعر ان ضاق صدره والحزن حده يركي على القاف.. ينشد عذب الألحاني بعض المقادير تنحا الرجل وتهده حتى لو انك ومنت ان العمر فاني أيامنا تنطوي والنفس محتده مابين لهو الحياه وكذب الاماني فراق بعض البشر سيل طما سده حزن ٍ عميق وتعدا كل الأحزاني الحزن غيم تعلا في سماء جده وأنشأ من الغيم وبل وبلل أوجاني فرقا كريم الخصال موفي المده الغالي اللي حسبته حسبة اخواني فرقا ابو ريان يا مثقل علي شده مثل الجبال المنيفة فوق الأبداني الغالي اللي ابتسامة وجهه تسده ومن طيب فعله ينومس كل شمراني الغالي اللي ملك كل البشر وده يا واحد ماله خصوما وعدواني الطيب تلقاه في مزحه وفي جده والخير في مقبّله للضيف والعاني يا رب تغفر له وتثبت على يده وارحمه واسكنه في جنات الأفنان وافسح عليه القبر.. ومد البصر مده وأطعمه وأسقيه من حوض النبي الهاني والهم حزانا القلوب الصبر والشده وأغفر لنا يا عظيم ورب الاكواني وسلامتكم |
رد: ديوان قصائد لشعراء المملكة العربية السعودية (متجدد)☘️☘️
قصيدة تهنئة من ابراهيم بن سعد بن طهيفان لأخوه عبدالعزيز بن عبدالله آل معيض ها هو الشبل من ذاك الأسد / عبدالعزيز بن عبدالله بن معيض آل معيض الشمراني
وبمناسبة حصوله على دورة الضفادع البشرية بكل جدارة من القوات البحرية بالجبيل قال فيه إبراهيم بن سعد بن طهيفان الشمراني هذه القصيدة: عشت ياشبل ياللي ترفع الراس من ذاك الاسد اشهد انك كسبت المدح والمدح من عادات جدك لاغرابة لمثلك نيل مجد البطولة والشرف اسم عبدالعزيز أخذ صدارة كبيرة بالتهاني الصحافة وكل قال مبروك ياهذا البطل وافرحي يااسرة آل معيض وابتهجي بابن البطولة ابنكم خاضها واجتازها بالشجاعة والهمم وان ماقام به يعد رفعه لشمران العناصي والله يزيد بالأبطال مثلك حماة للوطن هذا ماجاد به لك بوسعد من هجوسه والسلام. |
رد: ديوان قصائد لشعراء المملكة العربية السعودية (متجدد)☘️☘️
يا رب عفوك وانت غفرانك رحاب الجديد يصافح الاحبه على امل ان يجد القبول
يا رب عفوك وأنت غفرانك رحاب رحماك يا رب البشر وأنت العظيم يا جامع أهل الأرض في يوم الحساب يا عفو يا ذو العز والجاه الكريم تجعل لي من الخير مكيال ونصاب وتوهبني الحكمة مع الفكر السليم وأدخلني الجنة وجنَبني العذاب وأهد الخطأ فوق الصراط المستقيم يا رب ما بيني ولا بينك حجاب أدعيك يا ربي ولا غيرك رحيم ليا عجبت بنفسي ألهمني الصواب وذكرني إن الخلق طين ومن عديم وليا زعلت وصار يحداني السباب أحفظ لساني من ملاغة الغريم (الحلم) رأس المال في وقت النشاب وإبليس ظنه خاب من قعل الحليم والكلمة اللي وجهها في كل باب وش لك تطرقها على اللحن القديم يا قلبي اللي من طروق الشك تاب خلك على فالك ولا تمسي يتيم سج الفكر لوَك تشق به السحاب تقيم في دار ٍ تعز المستقيم أسأل وتلقى من سماء فكري جواب أسأل مجرب خير من تسأل حكيم العمر مثل السيل يمشي في الشعاب راحت سنين العمر في وجه الصريم ابو (مية عام) انحنى ظهره وشاب ويجر صوته لا سمع طاري الحريم وشلون يفطن للزمن ابو الشباب لا صار قلبه خفق وعيونه سديم القلب بـ يدك وأنت تقراني كتاب يا سعد عيني فيك يا هب النسيم وسلامتكم |
رد: ديوان قصائد لشعراء المملكة العربية السعودية (متجدد)☘️☘️
هــبــي يــا هــبــايــب
السلام عليكم ورحمة الله وبركاته من طي الذكريات وقديم الابيات يتشرف بمصافحتكم ذعذع النسناس هبي يا هبايب = والشعر ينساق لاهبت هبوبه قدح راس ٍ ما تحيـّره العجايب = يفتل الجزلات ما يلقى صعوبه لا التقى الجمعين والتركيز غايب =كلمة الشاعر على الكل محسوبه احتزم يا قاف في وقت الحرايب = شاعرك ضايق وضاقت به دروبه رفقة الداني توردك السبايب = إن جفا طيبك.. تعيبت بـ عيوبه شايل ٍ قلبي وأشوف من الغرايب = نوبة ٍ أسلى وأصر الهم نووبه وعادة الأبطال في وقت النشايب = ترتكي للي يساق العرف صوبه وأنت يا قلبي نسوق لك الطلايب = بس ترضى وأتهادى في عذوبه وكلمة ٍ لا جات لك من فم عايب = عدّها لو كانت النفس مغلوبه لا يهمك هرج ملـعون الصلايب = جمّل الله حالك إن قلت (انفروا به ) وسلامتكم |
رد: ديوان قصائد لشعراء المملكة العربية السعودية (متجدد)☘️☘️
الــفــرايـــد
اسعد الله مساء الجميع بالخير والمسرات فصيدة جديدة اتمنى ان تنال رضاكم الرفيق ليا طلبك وطلبته مقدوره أنفعه ولا تبحـًث في خفاه وسده أخدم المعتاز في عوزه و سد قصوره سطوة الحاجة تذل الأنفس المحتده نفعة الطيب سحابه مثقله ممطوره كان ما هلت مطر... فـ ظلالها ممتده والقناعة كنز والدنيا تدور بـ دوره مرة ٍ تصفي معك وأمرار هم وشده أسمعوني وأقطنوا لي يا أهل المعموره شاعر ٍ ورث الفرايد والحكم عن جده رافق المطلق تعزك وقفته وشبوره واترك اللي ما يخضب بالجمايل يده وأبن عمك وأن تمادى في خطاه وجوره صافحه في مجلس الاجناب لو ما وده لا تدخل فيك عين .. ولا تشوّه صوره محزمك وان طاح في جنبك .عليك ترده والنسيب الكفو لو ثقلت عليه أموره أرفعه ..في منزل أخوانك لزوم تعده والحكيم ان شار لك في شور فأسمع شوره حكمة ٍ تغنيك عن هرج ٍ يورّث هدّه ولا لقيت الشايب أحذر تجرحه بـ شعوره أحترمه وقدره وفي كل لازم بدّه والكرم تاج الفتى وأهل الكرم ماجوره كاسبين المدح والطاله جزال المده والجهل لا جاك في الرجال يلغي دوره مضيع الرايه يحسب ان كل ونعم ضده والوفاء راس ٍ رفيع ووجه ٍ أبلج نوره منوة الابطال لا جاء كل ند و نده والضعيف أن هم للصعبه بـ ينشف زوره دام هونت العزوم .. فـ كبّر المخده النصيب يصيب وحقوق البشر مسبوره أجتهد في الطيبه وتعزز الموده الحياة دروس وصروف القدر مصروره يالله في حسن القبول وسترك من الصده وسلامتكم |
رد: ديوان قصائد لشعراء المملكة العربية السعودية (متجدد)☘️☘️
شــمــاريــن الــعــنــاصــي
اسعد الله مساء الجميع بالخير والبركة قصيده قديمة من الارشيف كتبتها قبل مايقارب 9 سنوات وطلبها ابن عمي واخي بن طهيفان وحقيقة القصيده كتبتها في وقت كنت عند ابو محمد في البيت وحدث امر معين اثارني على الكتابة فخرجت هذه الابيات [center"] يا آالهي يا عظيم الشـان يـا رب الوجـود يا عليمٍ بالسراير يـا غفـور ويـا رحـوم دلّنـي درب الهدايـه درب جنـات الخلـود وأعصم لساني عن هروج الزلايب والرخوم ان بغى الشيطان يغوي أرمي عيونـه بعـود وان بغت نفسي تمادى زمتها حتـى تـروم المعارف قدحها عندي مثـل قـدح الفـرود والعزوم اليا رقت فيني تحس انهـا عـزوم يا سلام الله على شيخ ٍ يسمونه سعود وافي القاله وشيخ وقرم من نسل القروم صلب لابه مزبن الضيفان جود ٍ فوق جود السيوف اللي تنثر ما حداها من سهوم صاحبي والنقص نقص وتدري ان الزود زود والجبل يبقى جبل لو هبّـت ريـاح السمـوم صاحبي والبحر جاله مـا يحـدده الحـدود مد عينك وان قدرت تعـوم بالله قـوّم عـوم المحاقر لـو تبعناهـا وحضّرنـا الشهـود كان زم السيل موجه وارتقى فـوق العقـوم زلة المطلق على المطلق مثل كسـر الحيـود وزلة الهين على الهيـن تراهـا كـل يـوم ولا غدى عز الفتى في عصرنا فعل الجـدود والله ان عزي بربعي قوم عن مليـون قـوم حن شمارين العناصي حن نماره حن فهـود حن مروضة الصعاب وحن عريبين السلـوم حن بروقٍ في السما واليا رعدت حنا رعـود حن مداهيل الشكاله حـن مكسـرة الخشـوم بدّنـا يـوم الملاقـا فاقتـه عشـرة بـدود وانشدو عنا حصونٍ روسهـا باقـي تحـوم من خصمنا يمسي بـ غبنه تحت قبر ولحود ومن نصانا يبشر بعزه وعز الله يدوم قلتها وانا اتعجـب مـن زمانـك يالجحـود يوم صار البوم صقر ويوم صار الصقر بوم قلتها يوم الخواطر شابهـا بعـض البـرود واختلط في جوّنا هـاك السحايـب والغيـوم يا سعود وجعل حظـك دايـمٍ يبقـى سعـود عيشةٍ تحـت السعـه لا لا تلـوم ولا ألـوم وسلامتكم |
رد: ديوان قصائد لشعراء المملكة العربية السعودية (متجدد)☘️☘️
قصائد الشاعر إبراهيم بن حسن الشمراني حلم وقصيد ( غزليه) لقد زارتني ملكة جمال الطيوف في حلمي واستفزتني ان اكتب لها قصيده في جمالها حـــــــــلـــــــــم وقــــــصــــــيــــــد اتشح لون البياض بريح عطر الزيزفـون وانثنى غصن القصيد بوصف ذيك الثايـره واستهلت كل غيمه فوقها صـب المـزون لجل ينبت في ثراهـا كـل نغمـه فايـره كلمتني وسألتني من انا؟ أو مـن اكـون؟ جننتني فـي منامـي وأهبلتنـي الزايـره قالت اسمع يا المتيم للشعر جيتـك امـون ودي اسمع من قصيدك كل همسه صايـره واستفزتني وقالت اعزف لوصفـي لحـون واستدارت لين مالـت كالشمـوع النايـره اغلبتني واستمرت تفتـن القلـب الحنـون واملكتني لين ثارت في حروفـي الثايـره وابتدى صوتي يتمتم بالقصايـد والشجـون يوصف اروع شي شفته في سنيني الجايره العيون الله واكبـر كـل ماشفـت العيـون ماذكرت الى الحور ورموش حول الدايـره والشفاه الحمر جمره للغظى شبـت بـدون ماحـلا قبلـة شفـاه الجمرتيـن الغايـره والخدود اللي سكنها لـون ورد الزيزفـون يجذب النحلات تنزل فـوق خـد الحايـره والجدايل لونتها كل خصلـه بغيـر لـون وافردتهـا فـوق نحـرٍ ينحنـي للطايـره عودها الناحل يلوح بالغنج لـو مـال دون الطريق اللـي يوصـل للقلـوب السايـره والبياض اللي غشاها يشبه الثلـج ويكـون مثل لون للبياض اللـي تغشـى الصايـره يوم مرتني بحلمي واشعلت نـار الظنـون ايقظتني من وهجهـا واتركتنـي سايـره ليتني ظليت نايـم يافهـد اروي الجنـون واتلـذذ بالجمـال وحسـن انثـى جايـره ذكرتني في حبيبه فارقتنـي مـن سنـون من بعدهـا كـل حلـمٍ زاذ فينـي ثايـره ااااه من بعض الحلوم اللي تشابك كالغصون تجبر اقلام القصايـد ترتحـل كالطايـره بـــــــــــــقـــــــــــــلــــــــــــــم ابـــــرهــــــيــــــم الــــشــــمــــرانـــــي |
رد: ديوان قصائد لشعراء المملكة العربية السعودية (متجدد)☘️☘️
انكسار الضو
سيفك نفذ واستوطن الصدر واجتاح كسر ضلوعٍ عوج تصرخ حسافه كنت أحسِبِك درعي إذا سيف لي طاح وكنت أحسِبِك خيلٍ أحب اكتنافه كنت أطلبِك تضوي إذا البدر مالاح واعبر بضوِك نهر واسكن ضفافه ياللي حياتي عشتها معك جــــــراح اشفي جروحك صبر حب ولطافه هذا الطعن منك ردفتيه برماح ياللي الالم في الصدر رمحك أضافه طعنك عميق وللأسف كان بسلاح هجر وفراق وصد بان انتصافه حبك مثل زرعٍ وسط أرض فـــــلاح لازم يجيــــله وقت يبـــدأ قطافه ياللي سلكتي سكة الصد بجنـــــاح مكسور طرفه وانجبر في انعطافه هجرِك نزع قلبي ولوعه بســـــلاح يفضح عذاب القلب منك ارتجافه ياللي القصايد صغتها معك بالواح فيــــها انكسار الضو مال انحرافه ياللي وصفتك كِنك الخيل جمـــــاح ياللي وصفتِك وصف فوق الخرافه التوت بشفاتِك وفي الخد تفـــــاح والطعم في وصلِك شبيه الكنـــافه عطرِك مثل وردٍ على الخد فــــواح شفت النحل ضمه وينوي اختطافه معك ِ انطوى ماضي من الحب وانزاح وأنتي بوسط القلب نلتي الخـــلافه معك اغتنى ديوان شاعر بالأرواح جاب القمر والشمس لجلك غلافه واليوم غبتي وأصبح الليل سفاح وبعدك حلول الليل نفسي تخافه كنت أحسبك بحرٍ وأنا فيه سباح حتى لمحت المـــــــــد بان انصرافه يابنت كافي ضاقت الروح بارتاح دامي شعاع الشمس وأنتي انكسافه الشاعر ناظم الهمسات ابراهيم الشمراني |
رد: ديوان قصائد لشعراء المملكة العربية السعودية (متجدد)☘️☘️
هذا المكان
لاتبرحي هذا المكان وتتركيني عالقا إني على جرفِ الصخورِ مهددٌ بالانزلاق رجلايا قد ثقلت وفيها كالجليد برودة لاتستطيع السير في عكس الطريق بلا رفاق السحر من أحداق عينا كِ أصاب بداخلي نبض الوصال وفز قلبي من غياهبه أفاق من ارض بيشة تكتسين من النخيل أصالةً وتعانقين بياض صايرةِ الجبالِ بلا عناق من أنت ؟ عيناكِ عناكب حسنها قد بادرت نسجت خيوطاً أحكمت حولي بفتنتها الوثاق من أنت ؟ والحسن البهي أماتني بضلاله حتى ظننت بأن حسنك طعمه شهدٌ يراق من أنت ؟ كالفجر الجديد بوهجه متسيداً منه ظننت الشمس بالخدين تختتم السباق حناء كفكِ كالغصون تشابكت اطرافها فرسمتِ دجلة خلفها في ماءها تبكي العراق فكأن كفيكِ رهنتي من الجمال بريقها في مسح دمعات العروبة في التمزق والشقاق من أنت ؟ قد فاض التسأول في حروبكِ داخلي يامن سمعتُ بهمسكِ جُملٌ تعبر عن وفاق إني شربتُ من المحاسنِ جرعةً وبلهفةٍ فرائيتُ في عيني دقائق تنجلي مثل السباق أصواتُ حذوكِ بالطريق تكونت وتفردت في عزفٌ اغنيةٍ يصوغ لحونها الم الفراق أفتر حلين وتتركين مع الرحيل تسأئلي ؟ صمت الإجابة في كواكبه يعبر عن فتاق اوتبرحين من المكان فتتركيني عالقا إني على جرف الصخور مهدد بالانزلاق الشاعر ابراهيم الشمراني ناظم الهمسات |
رد: ديوان قصائد لشعراء المملكة العربية السعودية (متجدد)☘️☘️
هذه القصيده كتبتها قبل ثلاث اعوام عندما فجعت بخبر مرض الوالده
صوت الحطام التطم موج الدموع وجرح اطراف السفينة وابتدى وسط الظلوع الراكزه صوت الحطـام انكوى قلبي وعانـق دمعـة العيـن الحزينـه وابتدى رمشي يـودع لـذة النور وينام للاسف نار وكوتني واحرقـت روح المدينـه واتركتني اتخبـط فـي وسـط ذاك الظـلام من سبب ذاك الخبر ياللي على قلبـي طنينـه أخترق كل الامانـي عانـق الـروح بزحـام ماعرفت اصبر وأداري دمعة العيـن السجينـه وافضحت خدي وسالت وابتدى ضرب السهام أمي اللي من وهجها نـور ت كونـي وعينـه للأسف طاحت وتطلب شوفتي قبـل العـدام ماعرفت امشي ورجلي ارتخت بارض السكينه وانتحب صوتي ورفرف في سما ضـي المـلام المرض طاح وتفشى في جسد اهـوى حنينـه الجسد ياللي حظني مـن صغـر سنـي بهيـام ليتني طب وأداوي روحك وجرحـك ادينـه وأتبسم مـن ولوعـي للشفـا بعـد القيـام ليتني عشب الطعوس اللي علـى نجـد دفينـه وانصهر برض الشراب اللي مع الكنسل يسـام علميني كيف يمـه احمـل همومـي السمينـه واتصبـر دام قلبـي ماقـوى لحظـه يـنـام علميني يوم صحتي دمعـي الراكـد وطينـه في وسط عيني ازحح اكثـره شـوق وغـرام علميني عـن زمانـي والصبـا واروع سنينـه في وسط فكرك تشوفي صرختـي واول كـلام علميني يوم ابكي في وسط حظنـك واعينـه لو نوى يحظن صغيرك شاعرك شـوق ووئـام علمينـي اااه يمـه يابعـد روحـي الامينـه علميني كيف اهبط مـن علـى دار السـلام ياعسى ربـي يبـدد الألـم مثـل السفينـه لو نوت تغرق في بحرٍ ينطوي خلـف الحـرام ياعسى ربـي يشافـي أمـي بكامـل حنينـه وأتضرع فـي صلاتـي واطلبـه رب الأنـام الشاعر ابراهيم الشمراني ناظم الهمسات |
رد: ديوان قصائد لشعراء المملكة العربية السعودية (متجدد)☘️☘️
اذا شمران نادتني ثمان سنين متغرب وهاجوسي يهد الحيل ادور كل مركب عز بين الناس وارقاها بنيت النفس بالعزه وطعنات الزمن والويل ولا ارضى لاية شخص بين الناس يبلاها ركبنا في بدايتنا على سرج الحيا والخيل ولاتهنا مع التايه بدرب دوم يهواها كرامة نفس شلناها على كتف الصدر بالحيل توشحنا ثياب العز بين رجال زرناها تعلمناوعلمنا وصوف الكون والتشكيل وحددنا ولونا دروب الارض وسماها انا ياما طلبت الرب يعطي مهرة وتشيل هموم عشتها بأوقات شفت الحظ عاداها ولااعشق سوى عذرى تهاب اللعب والتمثيل ولاتعشق سوى فارس يسوق المهر لرضاها تبيع الناس لرضاته وتسمع همسته وتميل وتتغشا بلون الليل دام الليل غشاها تداري شاعر حساس حرفه يجرفه كالسيل ولو يجرح تشيل الجرح منه الجرح يهناها انا ياحظ من صغري غريب وانكسر للهيل اشب دلال بالقهوه كريم الساس سواها ولااجرح سوى جارح يمارس كامل التذليل يعذب خافقي بجروح كل الناس تقراها وازيح الهم عن خلي ولو همه بوزن الفيل ولوينوي ينام الليل فوق الساق يفداها أحب الضيف لاجاني اشيله وسط عيني شيل انوخ له رقاب النوق لو هي وسط مرعاها واذا شمران نادتني من اسفوح القمم بالليل البي واتجه للدار دار العز وانصاها انا كلي مشيت دروب عطشا تلتجي لسهيل يوريها دروب الخير وين يكون منحاها فديت امي لها قلب يشابه رعشة الترتيل يخليني كما طفل يحب حروف يقراها واذا كان الزمن ظالم وغير وجهتي بالميل اشق قبور وسط الارض وارمي النفس وانساها قصيدة ابراهيم الشمراني ناظم الهمسات |
رد: ديوان قصائد لشعراء المملكة العربية السعودية (متجدد)☘️☘️
قرع الطبول
زمجرت بأرضي القصائد وابتدت قرع الطبول تعلن الحرب الضروس وكل شاعر تفجعه ماتبارز غير فارس سيفه اللامع يطول الحروف اللي صداها كل قلب تتبعه ياحروفي اليوم يومك جندلي كل الفحول واقطعي رقاب القصيد اللي بوسط الزوبعه واعتقي من بان كسره وانحنى مثل الذلول وارهبي من صاغ صوته من حجار الجعجعه سيفي البتار شعري فيه من عرق المغول ميزته لازاد طيشه كل صوتٍ يقطعه والحروف خيول شعري اتعبت كل الخيول والسيوف ابيات جزلا كل صعبٍ تطلعه والشعر للناس بحرٍ من نوى فيه النزول لازم يجيد السباحه او يلاقي مصرعه والقصائد مثل هدهد مع سليمان الرسول تجلب اخبار الشعوب من الجهات الاربعه والورق ارض خصيبه وسطها تربة سهول تنتظر بذر المعاني لجل غصنه ترفعه وماتهد الارض الى حنظله تبغى تطول شوكها باين كأنه في السما مد اصبعه ياورق مليت اشكي للسما وقت الهطول خلني وحدي اهيجن كل حرفٍ اطبعه شعري الغيمة وتجري تحتها كل السيول تجرف صخور القوافي وبذر حرفي تزرعه نبتها ديوان شعري والثمر فيها الوصول للقلوب اللي وسطها نبض حبي اسمعه ياجلاميد الفكر كوني على اوراقي مثول رجحي ميزان شعري قبل غيري يدفعه والبسي ثوب الطبيعه حلقي باربع فصول وامتطي ظهر الرياح اللي تسوق الاشرعه واذكريني يالقصائد شاعرٍ بأرضك اصول ماتهيبني الخصوم في كل وادٍ اقطعه شاعرك يعرف يصونك فارسٍ قد الحمول ماسحر لب الصبايا لجل يحقق مطمعه عندي الاشعار اسمى من تخاريف العقول ماأصيغ من القلائد غير شعرٍ ابدعه والتغني بالقصائد في قمم صدري يجول يوم غيري بالتغني تنكسر كل اضلعه والتحدي وسط شعري يرفض انصاف الحلول يايطول المجد وحده او يشد الامتعه سمني المغرور واثق قول عني ماتقول دام سيفي في القصائد كل شاعر يفجعه الشاعر ابراهيم الشمراني ناظم الهمسات |
رد: ديوان قصائد لشعراء المملكة العربية السعودية (متجدد)☘️☘️
( يوم الوطن )
رفرف على غصن العنب طير وأغراه فصل الربيع ومنظر الورد منثور غرد بصوته واطرب السمع مغناه ذا موطني ذا مرتع العز والنور وأنا جذبني صوته العذب ماحلاه ياليتني مثله على الغصن عصفور ياطير تكفى كرر اللحن والاااه لجل القلم ينزف من اللحن في سطور صوتك يهيج شاعرٍ دوم مبداه (حب الوطن ساحر وأنا منه مسحور) يوم الوطن يوم الوطن لاعدمناه يوم الوطن نصعد له النجم ونثور ياطير تكفى كرر اللحن والاااه لجل القلم ينزف من اللحن في سطور مثلك شربت من الصغر حب في ماه ومثلك أكلت من الثمر كل مبذور ومثلك أضم ارض الوطن دوم وسماه وابني وسط قلبي له قصور وقصور اكبر فخر فيه الحرم شع بضياه له تتجه كل الملايين في شهور واكبر فخر فيه النبي كان ممشاه وسطه بنا مع مسجده دين مع دور حكامنا من ماضي الوقت ترعاه وتوشحه بين الدول ثوب مستور عبدالعزيز اللي على الدين رساه فعلن ملك من بارزه مات مقهور بدد ظلامٍ دامسٍ أمس عشناه وأسس لنا في عالم العز دستور واشباله اللي واصلوا الدرب وياه من شافهم يلمح ضياغيم وصقور (الطير وافة الإرهاب ) ياطير لحظه داخلك هم أقراه وأشوف ساقك يعرج اليوم مكسور قلي لعلك تنثر الهم تنساه وأنا أبدل همك اليوم بسرور صاح بأسى طير الوطن صاح ويلاه كيف البشر تنكر هوى الارض وتثور ياللعجب يابن الوطن كيف تبلاه تقطف امن وتبدله خوف وقشور كيف اللذي يمشي على الأرض بصباه يهدي لها بعد الكبر لحد وقبور وكيف اللذي بسهامها شد يمناه أرسل لها سهم الغدر حقد وشرور ياطير انا دمعي ترى بان مبداه زودٍ على همك كسر ساق وشعور كيف اللذي يهدر دم الغير ماجاه صوت الطفل يصرخ وسط نار مأسور ماحركه أمٍ بكت قبل تلقاه وبعد اللقى طاحت كما الحظ وتثور ماحركه شيخٍ على الأرض سواه فوقه وطت كل البنايات بالدور هم شرذمه متقوقعه وسط مشكاه في وسطها عالم من الظلم والجور هم سمموا فكره وخلوه في سماه يمشي على دربه مع الموت منحور وحب الوطن حب الوطن كيف ننساه دام الوطن في عالم الأرض بلور الله يصونه عن هل الحقد وعداه ويهد ناسٍ همها الطعن في ظهور الشاعر ابراهيم الشمراني |
رد: ديوان قصائد لشعراء المملكة العربية السعودية (متجدد)☘️☘️
دون عنوان
هليت ان دمعي على الخد والمود سبة جروح الوقت من دون عاده امس اتصبر واسحب الحبل معقود واليوم حبل الصبر فك انعقاده يا حظ تكفى كبل النحس بقيود مليت انا ابكي ابل الوساده حالي نحل والجسم ذابل ومهدود والصوت عود وانكسر في ارتداده سبة فراقك ياالابو صرت مصيود كني صغير الصقر في ارض ساده والله لاشعل كل ماذكرك بارود في منتدى شمران واضغط زناده ربعي اللذي بافعالهم دوم محسود اهل الكرم والجود واهل الرياده في وسطهم اتخيلك دوم موجود واسعى لهم لو كنت ارجي السعاده ابو بلال اللي على الحق معهود يتوسد السجاد والظلم باده وهذاك عايض يشبه الغيم وورود حرفه يبل الروح والذوق زاده حتى السعودي يعشق الخير ويذود يعشق بلاد العز في ظل قاده لبيه يالوافي عريبٍ من جدود شاعر كبر بالشعر منذ الولاده ياشاعرة انتي المشاعرلك حدود دامك جبرتي الحرف يترك عناده رحال تكفى دندن اليوم بالعود واعزف على الاحساس في وصف غاده ماتشوف ناظم اصبح اليوم مقرود يكتب قصيد الحزن والحزن صاده عنواني اني يا شمارين مسنود فيني الوفا والحب زايد حصاده واذا نسيت اللي ذكرنا وموجود اوعده باكر اكتبه في قلاده يالله ترحم حالي اليوم وتجود تمحو ذنوبي محو واعيش ساده العمر يمشي واول العمر معدود والقبر منزل والفعايل عماده جسمي نحل من خوفك اليوم مفرود خوفي العدو ابليس ياصل مراده واكون واحد من ضحاياه ممدود وسط العذاب اذوق لسعة عتاده اطلبك ربي تقبل الصوم ويعود شهر الكرم والقاه عاده وعاده حان السحور وموعد الفجر محدود وهذا قصيدي طير واعلن هداده ابراهيم الشمراني |
رد: ديوان قصائد لشعراء المملكة العربية السعودية (متجدد)☘️☘️
(بنت الجزيره)
تساليني يالغريبه عن وصف بنت الجزيره عن قصايد في حلاها تنكتب طول السنين تساليني عن مزايا حسنها ذيك الاميره ماعرفتي في بلادي نصفنا الثاني ثمين تساليني عن براقع تختفي فيها اسيره ماظهر منها شعاع للردي ياللي يهين تساليني عن بلادي والصبا فيها كثيره كلهم مثل الكواكب تختفي فجأه تبين تساليني عن حلاهم ناظري شمس الظهيره وش لمحتي بلغيني عن شموس الطاهرين تساليني عن عيون بالحلا هي مستديره والرموش اللي تبارز في فضاها كل حين والشفاه اللي شهدها ينسكب في كل ديره من ثنايا من لمحها يطلب المولى يعين والخصر ياللي تثنا بالغنج في سرب طيره كنه حضور القصائد في وسط قاف حزين والدلال اللي نعرفه بالنسا نعرف نديره دامها بنت الثريا لانوت تفتن تعين لامشت ترسم خطاها تحتشم في درب غيره ماتبي تدفن شرفها في وحل من صلب طين تساليني يالغريبه عن سبب حب العشيره ماعرفتي في بلادي نفتخر بالطيبين احترق لو بنت عمي تحترق في نار حيره وانكسر لو بنت خالي تنكسر في نار عين جاوبيني لو سمحتي في بلادك يالكسيره وش عرفتي من كرامه شو تعرفي من حنين جاوبيني عن صبايا همهم لبس القصيره والعيون اللي تناظر في عيون العابثين جاوبيني عن تجمع بالمسا برض خطيره مابها غير الثمالا والصبا برض الانين جاوبيني لو سمحتي جاوبيني يالمديره جاوبيني ليه سكتي ماعرفتي تنطقين جاوبيني عن علاقه تحتمي فيها الوتيره تحترق فيها الاصاله في نفوس الفاسدين للاسف انك سالتي عن وصف بنت الجزيره ماعرفتي في سؤالك في بلادي تطعنين البلاد اللي تربع بالقمم في كل سيره والبنات اللي تلبس بالذهب في كل عين للاسف ان الاجابه عن بلادك هي قصيره ماعرفتي في بلادك من رداهم تفخرين كلمات ناظم الهمسات |
رد: ديوان قصائد لشعراء المملكة العربية السعودية (متجدد)☘️☘️
عيد الفطر
يامروعه عيد الفطر يوم طريــاك ـــــــــــــ رفرف على قلبي قبل يوم عيدي يامنوتي وينك ترى القلب يهواك ــــــــــ من دون وصلك مااذكر اني سعيدي قولي مبارك واضوي الشمع بدفاك ـــــــ خلــــي الدفا ينعش خفايا وريدي غني بسمعي واطربي السمع بغناك ـــــــ خلـــي الغنا يصهر بصوتك جليدي انتي التهاني ترتسم من محيـــاك ــــــ تسكن قصور الحب ياللي تشيــــدي وانتي الاماني تنعزف شعر بلقاك ـــــ تنظم حروفي توصفك في نشيــــدي ياليتني قربك واهنيك وارعــــــاك ــــــــ ولا ابن عمك واحسبك في رصيدي ياحلى عيونٍ تلفتت من زوايـــــاك ــــــــــ يــــاعيون ظبيٍ شاردٍ لاتصـيدي بنظم ورودي واجمع الفل بشفـــاك ــــــ واكســـر صدودك بالامل يالعنيدي عودك بهرني والخصر حيل حــــلاك ـــــ والجسم ناحل والقلب به وقيــــدي مشيك بهرني كالقطا غنج سواك ـــــــ في وسط عيني يالقطا ما تحيدي العيد عندي ياجمل الحور رؤياك ــــــــ يوم المحك واتصافح ايديك ايـــــدي مجنون حبك ذلل الحرف واهدا ك ــــــ ارقى قصيد الشوق في وصف ليــدي انا متيم واعشق النور بضيـــــاك ــــــ لـــن الوهج من طلتك لي يبــــــــيدي وانا ترى موتي اشوفــــه من جفاك ـــــــ مليت حزني مع فراقك يزيـــدي العيد باكر وانتي العيد دنيـــــــاك ـــــــ وانا الاسير وعشت عمري وحيدي قولي مبارك واسمعي الرد لو جاك ـــــــــــ منـــي يردد عاد عيدك سعيدي كلمات ناظم الهمسات |
رد: ديوان قصائد لشعراء المملكة العربية السعودية (متجدد)☘️☘️
الـرحــيــل
كل مامرت دقايـق فـي غيابـك والرحيـل استغيث بصوت عالي من عذابـي ياعـذاب يوم غبتي عن عيوني مع وهج شمس الاصيل مابقالي غير ظلما مـع طيوفـك واغتـراب اتشحتي لون ل يلـي وابتـدى حملـي ثقيـل لين مل الصبح مني واختفى مثـل السـراب للأسف طعتي العواذل همهـم حشـو ا لفتيـل اشعلوا فينا حطبهم واختفوا مثـل الشهـاب كنت اعاند في وصالك كل مجنـون وهبيـل وكنت احطب من ظلوعي للدفا دون احتطـاب وكنت ا ردد للعواذل ارحلـوا خيلـي اصيـل ماتغيرها القلوب اللـي لهـا لـون الغـراب وكنت اشوف بوقفتك جلمود ماحركـه سيـل شامخه بارض المحبه يحرسك ظل السحـاب مقبله لجل المحبه مدبـره عـن كـل ميـل يالمُكِـره للوصـال ويالمـفـره 00 للغـيـاب الليالـي حولتنـا مـن فرحـهـا 00للعـويـل واغرقتنا في المآسي والسهـر زاد المصـاب انفتح باب العواذل وابتدى الـدرب الطويـل وارتحلتي في طريقـك والصبـر ملـك وذاب اعرف انك كل لحظه تسكبـي دمعـك هميـل واعرف انك كل ليلـه تكتبـي فينـي كتـاب واعرف انك لاسمعتي صوت يشبه للصهيـل ماذكرتي غير شعري في وصوفـك والعتـاب واعرف انك لا لمحتي صورتي دمعك يسيـل تغرقين الجفن حسـره وتلبسيـن الاكتئـاب للاسف انتي هدمتي بيت فـي جسـمٍ نحيـل كنت احاول ارتفع به وارتفع بـك للسحـاب للاسف انتي فتحتـي بـاب سمـوه الرحيـل بعد ماكنـا نعيـش وحولنـا مليـون بـاب قـصــيــدة ابراهيم الشمراني ناظم الهمسات |
رد: ديوان قصائد لشعراء المملكة العربية السعودية (متجدد)☘️☘️
هذه القصيده كتبتها لصاحب السمو الملكي امير منطقة عسير / خالد الفيصل
عربون اعجاب مني لما يكتب من قصيد أميـر الشـعـر على عزف القصيد اللي سمعته يرتجف بشفـاك تغشاني جمـال الشعـر ياللـي ذاب بعروقـك امير الشعر ياخالد عسى الله يحفظـك يرعـاك يمهد لـك دروب الخيـر دوم الـدوم بطروقـك فتنت اجمل بنات الفكر يوم الشعر مـن يمنـاك يوصف كل نغمة حسن تنبـع ذوق مـن ذوقـك اذا كل الربيع اللي غـزا ابهـا تـرى ناجـاك وش اللي ترتجي من شمس غير تغيب بشروقك واذا كل الوصوف اللي وسط شعري نوت تنصاك وش اللي ترتجي من نحل غير يطيـر ويذوقـك واذا كل القصيد اللـي كتبتـه بالشعـر غنـاك وش اللي ترتجي من لحن هام بعـذب منطوقـك واذا كل السحاب اللي غشا ابها نـزف بوفـاك وش اللي نرتجي من نجد غير تكون معشوقـك انا كلي فخر واكتب قصيدي وارسلـه لرضـاك واشبه كل وقفة حرف مثـل النخـل وعذوقـك تربع ياأمير الشعـر فـوق النجـم فـي دنيـاك وعلمنا عـلام النحـل ينـزف شهـد ويبوقـك قـصــيــدة ابراهيم الشمراني ناظم الهمسـات |
رد: ديوان قصائد لشعراء المملكة العربية السعودية (متجدد)☘️☘️
لحظة صمت
عندما ارتحلت لدبي هزني الحنين لكي . لحظة صمت ... وأتفجر الجفن ينهال واغرورقت عيناي بالدمع تبكيك كفي ارتعش أو حرك الأرض زلزال أو هزني شوق برق وسط عينيك جاد الحزن واستوطن الصدر واغتال قلب نقش في داخله كل امانيك راحل وانا اشرب من الحزن بدلال راحل وانا شفت القبر في شواطيك يامترفه ياموثقه القلب بحبال كيف ارتحل كيف ارتحل كيف اخليك يامنيتي حزني غزا الكون بظلال مد الاسى حتى سكن في نواحيك راحل وانا في داخلي الف تمثال صممتها باروع جمل صغتها فيك انتي فقط ...ترخص لك دموع ورجال وانتي فقط... اقطع لك العرق واسقيك فوقك سطع لون الذهب ذاب برمال متغرطسه من يشبهك في تغليك وفوقك سرب طير القطا صار يختال يمشي ولع من لهفته في نواحيك فوقك قمم متربعة الصدر بجبال متعاليه فوق السحب تفتخر فيك فوقك مدن متشابكه مثل سلسال مترابطه برجالها لجل تحميك فوقك قصص تروى عن اجيال واجيال بدمائها تروي الارض لجل تبنيك وفوقك ملك يشهد له الكل بافعال صارت عقد في نحرك اليوم تحميك يالمملكة ياشيخة الزين رحال راحل وانا في عيني الدمع يرجيك يالمملكة حنا لك دروع واغلال يالمملكة حنا قبور لاعاديك يالمملكة فيك الحرم مهد لازال يحظن امم من اخر الارض تلفيك صقر العرب امن لهم درب وظلال واشعل لهم في ظلمة الليل اتريك يالمملكة لاتسمعي كل من قال دون النظر في واقعك قبل يطريك حنا معك خلف الملك دوم نغتال صوت العدو اللي من الكره ينويك يالمملكه قل الشعر فيك او طال انتي هنا صعب بقصيدي اوفيك غني معي ياديرتي بكل موال لجل المحك وسط اللحن في اغانيك وخلي العلم في وسطه السيف في العال لجل ارفعه لو هزني الشوق واطويه استأذنك ياساكنه القلب رحال راحل وانا في عيني الدمع يبكيك ناظم الهمسات |
رد: ديوان قصائد لشعراء المملكة العربية السعودية (متجدد)☘️☘️
دمعة الذنب
قصيده من ارشيف الصبا نقلتها كما كانت قبل 8 اعوام 1420هـ دمعة الذنب هــــــذي سحابـة دمــعــة الذنب غطتك سالت علــى جرف الظلوع الهزيلــــــه فاضت علـــى خــــــــــدك وبلت مخدتك حتى حكت للناس انك قتيلــــــــــــــــه يــــــــــامــــــا تفننتي بقتلي ببسمتك وياما ربطتي خافقي بالجذيلــــــــــه كنت اتمنى اصعد لحـــــــــــــد نجمتك والمح نجوم الكون عندك نزيلـــــــــــه وكنت اتمشى فــي حمى ارض ديرتك وارسم على الجدران همي وازيلـــــــه قلبي طعنه السهم والــــــــــدم قسوتك وحرف الاسى والجرح صدرك يعيلـــه سكة عذابي شوك مــــــن ورد طعنتك في وسطها دمعات رمشي هميلـــــه يامجرمة حـــــــــرب العواطف بفتنتك دارت رحاك وحظي اشتد حيلــــــــــه هــــــــذي جروحك والهدايا ورسمتك وهذي قصائد عانقت الف ليلـــــــــه وهــــذا نزف ناظم شكا الجرح سبتك وهذا صدى صوته صرخ منك ويلـــــه امــــواج هجرك تصطفق وسط نظرتك والغدر بحرك وانحسر معك ذيلـــــــه ارجــــــوك ملت نفسي اليوم همستك ماعاد صوتك يجذب القلب ميلـــــــــه مـــــــادام جرحي صاير اليوم نغمتك اذا طلبت ارضاك قولي حليلــــــــــــه انتي تبي قتلــــــــي بهمسك وفتنتك وانا عزيز النفس قدري اشيلــــــــــه روحي مــــــع غيري وعيشي بدنيتك امــــا انا شرواك لازم ازيلـــــــــــــه ياللـــــــي سحابة دمعة الذنب غطتك سالت علــــى اظلاع غدر الدخيلـــــه قبرك نصبته داخل احـــــــلام كذبتك موتي عساه القبر كذبك يطيلــــــــه والليل يــــرفض تشعلي فيه شمعتك عيشي ظلام الليل وابكي رحيلـــــــه [/size] قصيدة ناظم الهمسات |
رد: ديوان قصائد لشعراء المملكة العربية السعودية (متجدد)☘️☘️
من ارشيفي
قصيده كتبتها بعد ان قرأت قصة فتاه كانت يتيمه وتعيش في كنف جدها وعمها وغرر بها شاب مدعي الزواج حتى نال من شرفها وتركها تواجه مصيرها بنفسها كتبت القصيده على لسانها هذا الزمن يحكم على قطع يـدي وأنت الذي تسرق وأنا أطيح بشباك الله يصبـر دمعتـي فـوق خـدي مادام مثلك يزرع الدرب بشـواك كنت أحسبك وافي تبي درب جدي تطلب رضاي وتطلب النفس تهواك كنت أحسبك جزري إذا فاض مدي كنت أحسبك عالم به النور غطـاك ياما كتبتك بيـن الأوراق عنـدي انت الحبيب ولازم الروح تغشـاك حتى البشر شافت على حد صـدي اسمك ورسمك مع وصوفك وممشاك ياما عزفتك والصدى جـاب ردي هذا حبيبك ينتظـر يـوم طريـاك شفتك تواعدني وانـا قلـت ودي ودي ولكـن ودي العـم يلقـاك أنا أبدويـه سمعتـي مثـل قـدي لازم يبين بمعدنك طيـب هقـواك ياليتني من نظرتك شفـت حـدي لكن هقيت بنظرتك شوق غشـاك أغريتني حتى ابتدى معك عدي ياليت موتي عانق وعـود بشفـاك ابسألك ليه ألوفـا معك ضـدي وابسألك ليه الغدر كـان مبـداك وابسألك لو كان موتـك يهـدي ليه تحسب الدنيا تبـي دوم تهـواك ماكنت احسب بسمتك سم يندي حتى أنجرح من طعنتك قلب نـاداك ياقاتلي لو تفتهـم يـوم قصـدي دنيا تدور ومثلك يـدور بسمـاك واليوم بصرخ للنسا حيـل شـدي شدي الوثاق وعضة الذيب تبـلاك هذا الزمن شوفوا حكم قص يـدي واللي قتلني سافر دروب وأفـلاك ناظم الهمسات |
رد: ديوان قصائد لشعراء المملكة العربية السعودية (متجدد)☘️☘️
(انتفي ريش الهموم)
انتفي ريش الهموم اللي لها في الجو حوم واكسري منها الجناح اللي في خدك تلطمة واضحكي خلي شفاتك تطرد أزلام الهموم بسمتك تضوي الليال المعتمات المظلمة امسحي دمعة عذابك من طرف ذيك الكموم وأشعلي شمعة تفاؤل في الليال المعتمة وان تذكرتي غيابي في وسط طيف الرسوم ارسميني وسط كفك يالكفوف المجرمة ناشدي شمران ارضي تعتق اطرافي واقوم وارتحل لأرض النفوذ اللي خفوقي تحكمة وسطها حبٍ دفنته وانبعث فيني يعوم اااه ياصوت الحنين وصوت همس الملهمة يابعد تمر الخلاص اللي حلا طعمه يدوم يانبض حرف القصيد اللي تمنى مبسمة كل مامرت دقايق المحك بين الغيوم تنثرين الدمع بأرضي والشفاه متمتمة يازهور الكون عطرك باقيٍ وسط الهدوم من ثمان سنين عطرك في هدومي احكمة من بعد فرقاك شعري يشرب بكاسه سموم يسكر بلمحات طيفك في القصيد وينظمة لك وعد مني احبك لين ماترخى العزوم لو الم بعدك خفوقي هد حيله وسمسمه لك وعد ابقى اشوفك كل مااغفى واقوم ولك وعد احفظ هدايا لملمتني لملمة وكل ماتهت بغيابك انشق أطراف الكموم واتذكر ريح عطرك يوم كنتي مغرمة والنهايه اوعديني تنتفي ريش الهموم تضحكي ياللي سكنتي خلف عظم الجمجمة مرني طيفك لمحته سابح ٍ وسط الغموم واستباح الشعر فكري لجل حبك وارغمة ناظم الهمسات 1426هـ |
رد: ديوان قصائد لشعراء المملكة العربية السعودية (متجدد)☘️☘️
قصيدة (فديت وصوفك)
فديت اللمعة اللي في وسط عينك تجي وتروح ونظرات الغلا والبـوح تاخـذ كـل مافيـه فديت المشيه ووزنك خفيف ياعليـل الـروح كأنك طفلـه تطمـر وتسبـق مثلهـا ميـه فديت البسمه الخجلا ونحر كاشف مفضـوح وخـد بالوهـج نـور ظلامـي يالشقاويـه فديت الشفة الحمرا وصوت ناعـم مبحـوح ورمش بالكحـل سـود عيونـك يالحياويـه فديت من الحسن ثوب يضيق من الكعب مفتوح يبين ساقك وخصرك وجسمك يالغـلا كيـه فديت من العطر ذوقك لانك كالعطر ويفـوح كانك نرجس غـازل خفوقـي يالرومنسيـه فديت الوقفه وخصرك وبطنك يالمها ممسـوح وصـدر عالـي عالـي فتنـي وانفتـن فيـه فديت من الشعر حرف نصفنا بالوصف ياروح وجمعنا على النجمـه وشفتـك ذايبـه حيـه فديت وصوفك وكلك لانك تعشقي المملـوح اسيرك ناظم الهمسات يابنـت صفـت ليـه |
رد: ديوان قصائد لشعراء المملكة العربية السعودية (متجدد)☘️☘️
( ذبول الورد)
ذبول الورد وغيابك الـم كـل الحسايـف وانقطاع النور والظلمـا بدايـات الرحيـل في زوال الشمس والعتما وهمسات الشفايـف في قصيد الليل والنجمـة وخصلاتـك قتيـل في تناهيد الالم والصبح ووجـودك وصايـف في غيابك عن عيوني لو تغيبـي شـي ثقيـل اسمعي والعشق شاعر عانق حروفـه وخايـف من بعد فرقـاك يانتـي ينتثـر دمعـة هميـل تردفين الزين بارضك والكحل يشطف شطايف والربيع الغـر خـدك ينبهـر منـه سهيـل والخصر ناحل كأنه وصلـه فـوق الردايـف تاخذ اول من يشوفك للوصل يصبـح هبيـل والمشي مشية غزاله تمتطي مـوج الكسايـف ناحله تسبق خطاهـا كـل مالـوح عديـل والشفا حمرا غنيه بالعسل واحلـى القطايـف طعمها انقى واصفى من عسـل نحـل يسيـل جننتني تبتسـم لـي يافهـد بيـن الخلايـف كل ماجيت اتناسـى طيفهـا لجلـي يميـل والصدر عالي كأنـه مرتـع شـد الكتايـف راكز واقف يـذوب بالحـلا قلـب عليـل يافهد شابت حروفي من وهج كل الوصايـف ياعذابي مـن حلاهـا مابهـا شـي قليـل شعرها مثل العبايه اسـود وسطـه مصايـف ريحها النرجس وكادي والخصل همـي تزيـل علموه اني مولع بالوصـل واسهـر وشايـف كل معنـى بالمحبـه بالـورق يصـرخ قتيـل |
رد: ديوان قصائد لشعراء المملكة العربية السعودية (متجدد)☘️☘️
( اموت بوصفها )
أموت بكف مخضب وفيه من النقش أغصان تلامس بالعشق كفي وأضيع بعالـم مجنـون أموت برسمة النجمة وطير للحسـن فتـان وعشٍ في مهد كف أسرني بالظفر واللـون أموت بذوقها الرايق وثوب تلبسـه يـزدان يبين خصرها الناحل ونهدٍ بـارز مسجـون أموت بعطرها الدافي واشمه وانسحر عشقان أطير من الوله واهبط بصدر للدرر مكنـون أموت بهمسة جنانه وثغرٍ يرتجـف طربـان يردد بالوله شعري واصارخ أعشقك بجنـون أموت بساقها المبري وأناظر وافتكر غـزلان سبتني في سما الباحة وأضيع بمشيهـا بالهـون أموت بحسها المرهف وشعر تكتبه بشجـان وتنصف كلي وتكتب احبك واعزفك بلحون أموت برسمها كلي وأناظر للرسـم ولهـان اقبل كفٍ مخضب رسمني للحسـن مزيـون وأموت بلبسها الوردي وشالٍ اسودٍ مـزدان بوسطه ناقشه حرفي وقلب بالطرف مطعون أموت بوصفها كلي وقبري يابشر وجـدان أميره للحلا تسكن خفوقي وانتفض لعيـون |
رد: ديوان قصائد لشعراء المملكة العربية السعودية (متجدد)☘️☘️
( من انت ؟)
قصيدة حولتها الى خاطره من أنت ؟ .................................... من أنت؟ يا للي كل لحظه لك شعور مره تحب مره تبي موت ذاتي من أنت؟ قلي ما بقى منك دكتور إلا لمح في طعنتك قلب ماتي من أنت؟ وضح خاطري منك مكسور شفت الوهم في دنيتك شي أتي من أنت ؟ دخلك اترك الجور للجور ارحم أسير للحسن فيك ماتي من أنت؟ يا للي عالي فوق كالسور أنت الملك ولا درر بحر كاتي أرجوك ناظر عاشقك كيف مبهور خايف يجي وتبادله ريح عاتي يا أنت اسمك احفظه وسط بلور مثل القمر في مخدتي يوم باتي |
رد: ديوان قصائد لشعراء المملكة العربية السعودية (متجدد)☘️☘️
( تعالي )
تعالي ياهبوب الليل يا روع شخص حبيتـه تعالي وانظمي الهمسات فاض الشعر بحروفـه تعالي يامنار الكون شوفـي الشعـر خطيتـه كتبته من عظيم الشوق بارض النسخ والكوفه تعالي عاشقك مامات يـوم المـوت راويتـه تركته مع لهيب الشوق تاكل فـوق بكتوفـه تعالي مابقـى بالليـل نجـم غيـر وصيتـه يناظر طلتك يحميك يـاروع بنـت يانوفـه تعالي مابقـى للعمـر يـوم غيـر ناجيتـه اوصف له جمالك كيف غطى الكون بطيوفه تعالي ياعرو ق القلب عرق القلب وادميتـه نبشته من حنين الوصل مات اليـوم بحسوفـه تعالي ناظم الهمسات مات اليـوم فـي بيتـه قطع كل الدروب اللي معاها الناس بتشوفـه لزم درب الحداد اللي خذا المحبوب من ميتـه وفا لجله رفض ناسه يعيش بعتمـة سقوفـه تعبت من العنا يمه حبيبـي وانتشـر صيتـه برز بارض القصيد اللي تبين في العشق خوفه تعلم للأسف يكتـب ومنـي ماخـذٍ بيتـه وزن كل الحروف اللي رمتني من وسط جوفه وصفته بالسما نجمٍ وصفنـي طفـل أذيتـه نهاية حبي بقلبـه صغيـرٍ بانـت رجوفـه وصفته بالحسن آيه وخصـره ناحـلٍ جيتـه رسمته للغـلا نهـر غـزال واقـف شوفـه رفعته للعـلا عالـي رفعنـي للعنـا ليتـه رفع مني الهموم اللي نوت تكذيـب محلوفـه تعالي يمه وشوفـي صغيـرك طافـح زيتـه وصل حد الجنان اردى وجاه من العشق طوفه تعالي واحضني كلي تعبت وحبـك ارجيتـه أنا احلف مااحب غيرك ولو تهت برمش نوفه |
رد: ديوان قصائد لشعراء المملكة العربية السعودية (متجدد)☘️☘️
( الصد والقسوه )
تحملنا بمـا فيـه الكفايـة وانتهـى المشـوار ولا ادري وش أسباب الألم والصد والقسـوة تجافتني وأنـا عاشـق أهيـم بحبهـا واحتـار أغازل كل نظره شوق من رمشه كما الغفـوة تجافتني وأنـا كلـي رسمـت لكلهـا أزهـار حسبت إن الزهر كفٍ ويعكس للبشر ضـوة تجافتنـي وأنـا أول قتيـل واشتعـل بالنـار اردد للحطب خلي صغير يـا حطـب تـوة تجافتني وأنـا ساهـر أدون برضهـا أشعـار أغازل قدها الميال فـي لحظـه عشـق قـوة تجافتني وأنا راحل غصب عـن حبهـا وانهـار أحس أني فقدت الكون من بعـده ولا خـوة صحيح انه طعن بالقلب اسمه وانتهى بأعـذار ولاكن وش يفيد العذر مـادام الغـلا شـوة صحيح اللي يقول الذيب لو يرضخ ترى غدار حسبت إن الثنايا البيض من ثغـره ثمـر نـوة حسا فه كيف درب الصد والقسوة لها أسرار تعانق طيفه المرسوم فـي أروع عـزف غنـوة ولكن بجبر المكسـور وأتنـازل عـن الأدوار وأمثل طيره المجـروح فـي أرضٍ بهـا رغـوة ومادامي عطيت الحب كلـه بـأول المشـوار أبرحل واتركه وأنساه وأتبادل معـه القسـوة ابراهيم الشمراني |
رد: ديوان قصائد لشعراء المملكة العربية السعودية (متجدد)☘️☘️
( قص يدي )
كتبت هذه القصيده على لسان فتاه روت قصتها في احد الجلات المحليه وحولت قصتها الى قصيده هذا الزمن يحكم على قـص يـدي وأنت الذي تسرق وأنا أطيح بشباك الله يصبـر دمعتـي فـوق خـدي مادام مثلك يزرع الدرب بشـواك كنت أحسبك وافي تبي درب جدي تطلب رضاي وتطلب النفس تهواك كنت أحسبك جزري إذا فاض مدي كنت أحسبك عالم به النور غطـاك ياما كتبتك بيـن الأوراق عنـدي انك خفوق ولازم الروح تغشـاك حتى البشر شافت على حد صـدي اسمك ورسمك مع وصوفك وممشاك ياما عزفتك والصدى جـاب ردي هذا حبيبك ينتظـر يـوم طريـاك شفتك تواعدني وانـا قلـت ودي ودي ولاكـن ودي العـم يلقـاك أنا أبدويـه سمعتـي مثـل قـدي لازم ابلغ أهلـي بطيـب هقـواك ياليتني من كلمتك شفـت حـدي لكن هقيت بكلمتك شوق غشـاك غريتني يوم ارتحـل كـل صـدي ياليت موتي عانق وعـود بشفـاك ابسألك ليه ألوفـا فيـك ضـدي وابسألك ليه الغدر كـان مبـداك وابسألك لو كان موتـك يهـدي ليه تحسب الدنيا تبـي دوم تهـواك ابسألك لو تفتهـم يـوم قصـدي دنيا تدور وغيرك يـدور بسمـاك ماكنت احسب بسمتك سم يندي حتى أنجرح من طعنتك قلب نـاداك واليوم بصرخ للنسا حيـل شـدي شدي الوثاق وعضة الذيب تبـلاك هذا الزمن شوفوا حكم قص يـدي واللي قتلني سافر دروب وأفـلاك |
رد: ديوان قصائد لشعراء المملكة العربية السعودية (متجدد)☘️☘️
( خيانه )
هذه القصيده تعرضت للسرقه كثيرا من لصوص الشعر في المنتديات دخيـل الله يابحـرٍ لـه الموجـات مرتـده دخيل الله خبرني عن اللي صـار باطلالـه دخيل الله خبرني جروحي حيـل مشتـده فقدت أروع حبيبٍ مات وسط البحر بافعاله دخيل الله من يدخل على المعبـود مـارده سوى شخص نقص بالقدر عند الناس فنجاله دخيل الله ذكرنـي بهمساتـه وأنـا حـده يغازلني وانا أهواه وهـو بالقلـب منزالـه أنا المطعون وجروحي بوسط الصدر من مده أداريها واشوف الصدر يشهق مثل رجالـه أنا المدفون في عالم يزود الجرح فـي ضـده ويصفى مع ظلام الليل هم البعـد واهوالـه حسافه كل ذاك الحب مات اليوم في جـده حسافه ليت ذاك الموت شق الصدر واحتاله قتلتي ناظم الهمسات سال الدمع في خـده وسيّل مع دروب الدمع كل حروف محتالـه وعدتيني أكون القلب وسط القلب واشـده وعدتيني أكون الشمس يوم الشمس رحاله وعدتيني أعيش العمر بارضك دوم واعـده وعدتيني أصف أرموش بارض أرموش خيّاله خيانه يوم قلتيهـا ونـارك فـوق معتـده حرقتيني بنار الغدر بارض وعـود منهالـه خيانه ياسيوف الطعن وين الترس واصـده وابارز مع طعون الغدر قلب الزين واغتالـه أنا الجساس يوم الجور زايد منـك وامـده حرام أني أهين القلـب دام الجـرح يهنالـه أبرحل في بحور الغير واكتـب شعـر واوده واضمه في جفون العين دام الصدق مرسالـه ولكن لو نويتي العذرعذرك بـرج واهـده واردد أرحلي بسكات يم أعيـون جوالـه |
رد: ديوان قصائد لشعراء المملكة العربية السعودية (متجدد)☘️☘️
( دمعة عذابك )
أعذريني لانويت الصد عن حضرة جنابك شاعرك يا بنت عانا من كثير الهم طاح وأعذريني لو لمحتي بالمسا طيفي وصابك بالكلام اللي يجدد لهفتك برض الملاح وأعذريني لو تركتك تنزفي دمعه عذابك في غيابي ياعذابي وأطلبك كل السماح أنتي مني وأنا منك ناظري فيني غيابك زود جـــروحي قصايد كلهـــا نغمه نواح الزمان اللي جبرني أهجرك بأول شبابك للأســف انه طعني زود بقلبي الجراح كل ما قلت ابتدينا انتهى دربي وجابك للنهاية والبداية مالفت مثل الصباح للأسف رحله غريبة قفلت بابي وبابك حطمت كل المرايا واكسرت فينا الجناح اسمعي كل القصايد سقتها تسكن كتابك والعطر فاح بشذاها وأنفتن منك وفاح واسمعي كلمة احبك رفرفت تسكن سحابك صغتها بارض ألمحبه في وهج همس المزاح واسمعي قلبي وهبتك بالعشق يرفع نصابك وارتمت روحي تحبك في زمن صاغ النجاح واسمعي دامك ذكرتي بالعشق اتبع سرابك وما جــــبرني للمــــفارق يا لغلا غير الكفاح |
رد: ديوان قصائد لشعراء المملكة العربية السعودية (متجدد)☘️☘️
قصائد بالفصحى
كتبت هذه القصيده لابنة زميلي الصغيره(روينا) ذات السنتين عندما كانوا بزيارتنا كانت على شعرها الذي يشابه جمال الليل وانسداله ماسكة شعر على شكل ورده جميله وعندما ذهبوا وجدت تلك الورده قد سقطت عن راسها وهي تلعب وعندما رايت الورده راودتني قصيده فكتبتها وارسلتها مع الورده الى ابيها. يــــاوردةً ذبــلـــت وخــانـــت وردةً ذبـلـت ومـالـت خـانـت الأغصـانـا سـقـطـت عـلــى طـــرف الـطـريـق وفارقت غصنا تمايل بالمسا طربانا غـصـن الرويـنـة بالـبـراءة قـــد نـمــا شـرب الجـمـال ولــم يــزل عطشـانـا نبـتـت عـلـى تـلــك الـجـدائـل وردة فـــواحــــةُ بــالــعــطــر والــريــحــانــا وتـولـعـت فـــي طـفـلـة قـــد ذلـلــت عــبــق الــزهــور لـثـغـرهـا الـفـتـانــا قـد امسكـت نجـم الجمـال بكفـهـا وتـوشــحــت ورد الـربــيــع فــلانـــا كــل البـحـور بعينـهـا قـــد ابـحــرت تـرجــو الــركــود بـرمـشـهـا الـفـتـانـا قـد عطـرت لـيـل القصـيـد بعبقـهـا وتـــرددت مـــن صـوتـهــا الالـحـانــا هـي دانـة فــي البـحـر تسـمـو كلـمـا مـــال الخـلـيـج وعــانــق الـشـطــآن هـي رسمـةُُ فـي اللـوح دومــاً تـرتـوي وتــــبــــارز الــــرســــام بـــالالـــوانـــا هــي قـصــةُُ لـلــورد لالـــن تـنـطـوي سيـقـولـهـا الاحــبــاب فــــي لـبـنـانـا هــي شعـلـة للـنـور تـضـوي حولـهـا وتـــنــــور الاكــــــــوان والازمــــانــــا هــي طفـلـةُُ للـطـهـر كـانــت دولـــةُُ مــنــصــورة وتــعــانــق الـسـلـطــانــا غصن الروينـة فـي المسـا قـد حفـه طـهـر الـــورود فـمـالـت الاغـصـانـا عـامـان عـاشـت بالـربـا مـســرورةً ولأنـــهـــا قــــــد اثـــمـــرت رمـــانـــا فـأخـي حبيـبـي لاتـنــم فـــي عـتـمـةٍ مـادمـت شيـخـاً انـجـب الاوطـانـا اطـلــب الاهـــك ان يـتــم بـفـضـلـه فـتــرى رويـنــة تـذهــب الاحــزانــا |
| الساعة الآن 12:41 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية