رد: اخترنا لكم
 

‏خسران ياللي بالخفا تراقب الناس
‏اتعبت حالك والعرب مادروبك

.....

رد: اخترنا لكم
 

أنا والله المجنون والناس ما يدرون
‏وحي المجننّ تنتداوا ولا جني

‏تجننت من خمرة لسانٍ وسحر عيون
‏ولا لي جدا غير أرفع الصوت وأغني

‏ولا صدتْ منها الا اربعٍ تبحث المكنون
‏يا وجدي وياليته ويمكن ولو أني

‏سعد بن جدلان رحمه الله

رد: اخترنا لكم
 

عليه الخفوق يحِن لا مرني طاريه
وأدور مع الاجواد عن طاري أخباره

.....

رد: اخترنا لكم
 

انا عرفت الناس ما اجهل الناس
حتى غدت نفسي من الناس حذره

ماهو لزوم اللي زرع يحصد احساس
احيان تزرع لكن الارض قذره

.....

رد: اخترنا لكم
 

الطيب فطره والشجاعه من الله
والمرجله ماهي بمنصب ولا مال

والعاقل اللي كاف خيره وشره
ماهو مثل طبع الردي القيل والقال

.....

رد: اخترنا لكم
 

حدد مسارك واترك الناس للناس
‏ورفع طموحك فوق ظهر المجره

‏دور على اللي خوته ترفع الراس
‏اللي على المجد المسمى مقره

.....

رد: اخترنا لكم
 

على السعه ياللي معك خاطري رحب
ووسام حبي لك على صدري وشاح

غيرك معرف أعشق ولآ أعرف أحب
قلبي جمع فيك الأحاسيس وإرتاح

.....

رد: اخترنا لكم
 

‏أنا لك أصدق من الضحكه على وجهّك
‏وأحن من خاطرك وأقرب من ضلالك

.....

رد: اخترنا لكم
 

‏اشفق على شوفـه وضحكة حجاجه
‏واشتاق له شوق المغاليق للبـوح

تركـي الميزاني

رد: اخترنا لكم
 

ذنبي هويتك وانته الصد ذنبك
وفي دنيتك يا زين انا صرت مغلوب

في من هويك ليش ما خفت ربك
غيبت عني وصرت ضايق ومكروب

من بعد ما ادمنتك وهايم بقربك
غيرت ارقامك وصكيتها البوب

ولا قدرت انساك وانساه حبك
من ذنب حبك عاصي القلب ما يتوب

ولا قبل غيرك فمولاك حسبك
تعبت روحي ومنك القلب متعوب

.....