|
رد: ديوان قصائد لشعراء المملكة العربية السعودية (متجدد)☘️☘️
كلمة حب مشروعه كلمة حب مشروعه
تحيّاتي وأشواقي تصلّك يارشيقة قد مادام ان الزّياره من ولاة الأمر ممنوعه انا حاولت اجي لك وآتسلّل من قصور الود وحاولت اتصل لكن خطوط الحب مقطوعه ابا ارفع لك رساله من هنا والشّوق ماله حد ابا اكتبها على الصّفحه وفيها الوان مزروعه لعلّك لا قريتيها تواسيني واشوف الرّد وتحيي قلبي الميّت بكلمة حب مشروعه أنا تايه بلا صوتك وعايش بين جزر ومد جمعت حروف حب وجات بعد الجهد مجموعه تقول انتي وحشتيني وحشتيني بجد بجد ! تقول اسمك حروفه في سويدا القلب مطبوعه انا احبّك برغم البعد رغم الهجر رغم الصّد تعالي طمّني قلبي تعالي هدئي روعه طفح كيل الغرام اخرس.. نطق فجأه وباح السّد وجاع الحب ياعيني ويكسر خاطري جوعه يا أجمل من سكن فيني ياعود ازرق ياريحة ند ياباقة ورد فوّاحه ياست الحسن ياروعه يا أطيب قلب في الدّنيا ياأحلى عين وانعم خد يا أعذب من قراح الما يا ترنيمه يامقطوعه يا أحلامي يا آمالي ياعمر وكنز ما ينعد ياكلمة عشق رنّانه ونغمة حب مسموعه ياتيّارات تدفعني لأقصى حب واقوى شد يا تغريبه وتأسرني وسجن امشي على طوعه ياجذّابه ياكذّابه يالعّابه أحبك جد رساله حامله عنوان ( كلمة حب مشروعه ) علي سعد ظافر الشمراني |
رد: ديوان قصائد لشعراء المملكة العربية السعودية (متجدد)☘️☘️
يخرب بيتك يخرب بيتك
قصدك تعذّبني وهذا الظّاهر ياليتني في يوم ماحبّيتك دنّست ياشيخ المقام الطّاهر كرّهتني في الحب يخرب بيتك ومادمت متجنّي وسيفك شاهر اغسل يدك.. لوصحت مالبّيتك وان كان حبّك في خفوقي قاهر انا رياح القهر لوهبّيتك ساهر من اخر ماالتقينا ساهر لي حق يامغرور لو شبّيتك سحبتني عنوه جمال وباهر ماعشتك الا بعد ما طبّيتك ياحلو لوحبّيت كنت تجاهر تبّت يداك وحقي ان تبّيتك ماشفت ورد الحب فيني زاهر ماشفتني في داخلي خبّيتك ناوي تعذّبني وهذا الظّاهر ماني "علي" لو كان ماربّيتك وشفيك دنّست المقام الطّاهر وخربت بيت الحب يخرب بيتك علي سعد ظافر الشمراني |
رد: ديوان قصائد لشعراء المملكة العربية السعودية (متجدد)☘️☘️
شهري بيتين بدع ورد وارجو المشاركه من الجميع
البدع كل ما جيت باصل بابهم للباب وصّد ..... الله اكبر عليه ان كان ما يلطف لحالي الرد ليش يانور عيني تبتدي بالهجر والصد .... صرت عايش مع كل البشر كنّي لحالي |
رد: ديوان قصائد لشعراء المملكة العربية السعودية (متجدد)☘️☘️
رائعة من روائع الشاعر علي
مساءكم ورد جوري ودهن عود كمبودي دلوعة بلقرن ضيفة علي بلاد شمران من بلاد بلقرن رائعة من روائع الشاعر علي وأتركها تتحدث عن نفسها الغائب اللي مشتهي تكليمه مضى عليّ الوقت ما كلّمني سلّمت .. وأرقب ردّه وتسليمه وابطأ.. واظنّه للجفا سلّمني ياديم يامخزون بأحلى غيمه ليت اللقاء أمر وحضر وأرغمني من عام والأشواق في تحريمه لاكن عسى للوصل ما يحرمني هو طيب عمر الشوق مع تنعيمه ليت الصدود المفتعل يرحمني هند أرغمت كسرى على تحجيمه تحجيم تُرجم.. بس ما ترجمني والحيره اللي كانت إسم وقيمه زالت وأنا لازلت كلّ .. وضمني فقير لله .. وأغتنيت بخيمه مع ناقةٍ مجهم ولم تجهمني والقاسي اللي سمّ روحي ضيمه صبري عليه أخاف لا يهضمني أحبّه .. وروحي لروحه شيمه والشام لو هُشّم فلا هشّمني هو حبّي اللي مشتهي تكليمه حتّى لو أقفا الوقت ما كلمني |
رد: ديوان قصائد لشعراء المملكة العربية السعودية (متجدد)☘️☘️
شبيه الطفل
كل عام وانتم بخير ... وعساكم من عوّاده مشاركتي واتمنى من الله ان تنال الرضا.. اذا منّا تقابلنا عشيّه.. انا وانتي وحول ابها البهيّه اسلم من بعيد اخشى وليّك.. واشوفك ماتردين التحيّه تجاهل او تعالي او تغلّي.. او تخافين لانصبح قضيّه انا وانتي قضيه منذ مبطي.. وقاضيها يبي يقضي عليّه ومادام الحب خصمي فالله اقوى.. انا في الحب ماعندي حميّه اذا حبيت شخص انهد حيلي.. وعانقت الحروف الأبجديّه وعانقت القصايد كل ابوها.. وجددت العصور الجاهليّه قريت في الكتب لين اتعبتني.. سوالف قيس ليلى العامريّه وانا ذلحين قيس ابن الملوّح.. ويمكني تعديته شويّه رسايل شوق واطروق وقصايد.. ولاينقصني الا الهاشميّه من الافراط ملتني حروفي.. وتاهت مفرداتي في يديّه شبيه الطفل ف اول ابتدائي.. وانا عندي شهاده جامعيّه ارتب كل فكره واتّبعثر.. على التعبير مالي مقدريّه حروفي ورد والدم ترتوي به.. وكسر صدك اغلى مزهريّه ثلاث اشهور وانا اكتب قصيده.. قويه بين خلق الله قويّه حرام الي تسوين ارحميني.. انا لي قلب ماتلقين زيّه ابن شداد لو عاصر زماني.. حلف بالله مايعشف بنيّه واقر اني على العرش امتربع.. وعرش الحب للحاكم بليّه ابااشرح كل كلمه وافهميها.. من جروحي هنا منتي بريّه لوتجيبين سجاده ومصحف.. واشوفك طهر والأديان حيّه تبعتي قاعدة كل العذارى .. دخيلك حاسبي ماهي بهيّه حراميه تظنيني حرامي.. وانا مظلوم وامشي بالسجيّه تعالي واقري اخر ماكتبته.. عليها اسمي ومجهولة هويّه لعلك تنصفيني ياغناتي.. اذا شفتي معاناتي جليّه وتدرين اني احبك حقيقي.. اذا كنتي على خبري وفيّه واذا منك قريتيها ارسلي لي .. وردي ان كانت الخطر نقيّه تراني باتحرى هالرساله.. وامانه منك راعي الله فيّه علي سعد ظافر الشمراني |
رد: ديوان قصائد لشعراء المملكة العربية السعودية (متجدد)☘️☘️
الشوق والتوديع....مصافحتي الأولى
الشوق والتوديع على ذكر السفر واهل السفر والشوق والتّوديع حزمت اغراضي وودعت غاليني وخلاني مدام ان الليالي تشتري في هالبشر وتبيع عسى الله لايرد اللي شرا غيري وخلاني تخاف اضيع قول انك علي خايف تخاف اضيع اجل والله ماغير الضياع اشفق وسلاني انا سافرت عنك وما خرقت الدين والتّشريع وجاي تقولي مخطي وشيطاني تبلاني نعم مخطي لان اصلي ذهب مايقبل التّطبيع نعم مخطي لان الجوهر المكنون حلاني نعم مخطي لاني مارضيت اصادق التّوقيع نعم مخطي لاني مارضيت اغالط انساني تقول اطيع شورك لا ورب البيت صعب اطيع انا مخلوق في الدنيا عشان اذوق واعاني مادامي صح ماتفرق معاي اسطورة التّلويع مادامي صح والله مابتامرني وتنهاني انا حر وطموحي فوق مايحلم به التّبّيع نعم باموت لكن مابجي للقبر وحداني واذا منت بمصدقني تعال احضر في التّشييع قسم بالله ماتقدر تعد جموع خلاني علي سعد ظافر الشمراني |
رد: ديوان قصائد لشعراء المملكة العربية السعودية (متجدد)☘️☘️
صيف وسحابه
ياصاحبي دام الخطا ماله اعذار روّح ولا تسدل عليّ الكآبه يرضيك اشوف الهم وآعيش في نار وانت آخر المشوار صيف وسحابه تيّار واسبح دايما ضد تيّار واعمار ضاعت في الورق والكتابه ملّيت انا من سطوة السّارق المار تعبت وانت تجيد دور العصابه الله ولا حبّن يوردني العار والله ولا عشقن توالت حرابه والله ولا زفّ الغرابيل بالطّار غابه وانا ماعيش في وسط غابه الى متى تخطي على قلبي البار؟ والى متى تذعن وتسمع عتابه؟ قم نفترق ونقول للعالم اقدار ويوم القضا كلّن يوفّى حسابه والحب خل الحب مال الغلا كار لا تظلمه وتهين حضرة جنابه بينك وبينه ياهوى الرّوح مشوار تشبه علاقة عكرمه بالصّحابه النّار في قربك وفي بعدك استار والنّاي منك ارحم وصوت الربابه خلّ الشّقا يغسل ذنوبي ولو جار خلّ الأمل يسمع هواي انتحابه يمكن اذا ابعدنا لقينا الف تذكار أخير من قصر(ن) يعوّد خرابه مادام جرحك في الهوى ماله اعذار ارحل ولا تسدل عليّ الكآبه |
رد: ديوان قصائد لشعراء المملكة العربية السعودية (متجدد)☘️☘️
أحسن ولا تبكيني القمريّه
وحدي انا ومخدّتي واحزاني واحلامي المغروره المنسيّه ارتّب افكار القصيد الفاني واكتب على مستقبلي مرثيّه واشكي غرابيلي على ديّاني واقول وحدك عالم(ن) بالنيّه اعطيت واجد والزمن ما اعطاني وقدّمت ماتقدر عليه ايديّه يارب عيّا يعتدل ميزاني يارب فرّح نفسي المبليّه واصبحت الحّن هم بعد الثّاني الين بان النّور في الصّبحيّه سمعتني امّي يوم اجر الحاني جتني تقول اسمع .. وتصرخ فيّه لا تشتكي ما يشتكي شمراني لو تنطبق جدّه على الشّرقيّه قلت ابشري بي يالغلا الربّاني بس انّي اشكي همّي لموليّه تدرين حظّي طاح بين اخواني والملهمه راحت فـ شربة ميّه يمّه لعنت البارحه شيطاني وقريت لي كل آية(ن) قدسيّه بس التّعب والله ماخلاّني والين ماجيتي وناره حيّه من وين ايمّم وجهتي يلقاني ومن كل ركن يقول ياللّه حيّه الغربله ماودّها تنساني والسالفه من عام هيّه هيّه يمّه انا ما ابغى تهيض اشجاني واصبح حديث السّاحه الشّعبيّه اموت ما احد يدري بعنواني احسن .. ولا تبكيني القمريّه علي سعد ظافر الشمراني |
رد: ديوان قصائد لشعراء المملكة العربية السعودية (متجدد)☘️☘️
افكار مسودّه
اعزائي اصافحكم بعد طول غياب وأتمنى ان تكونوا بأسعد حال...واقدم هذه القصيده بين أيديكم.. ياليتني طفل وافعالي بلا حسبه وابكي ليا من جرحني شخص وآودّه واقدر ليا من زعلت آكسّر الّلعبه وانام واصحى بدون افكار مسودّه الكارثه يابشر والصّعبه الصّعبه لوعشت طيّب ولااحدن مد لك يدّه والجرح والموت والتّلويع والرّهبه تحب لك شخص ويجازيك بالصّدّه افكار متجمّعه وهموم منصبّه ياعمّنا الحزن لاتبطي بنا المدّه قلبي ملك بس خانه للأسف شعبه والحب مافيه جيش وحرب للرّدّه يعني خسرت الرهان ورب هالكعبه لازم يساير خفوقي عيشة الشّدّه شعبة قساوه وانا ملزم بهالشّعبه مجبور هالقلب حصّل كل شي ضدّّه اذا تمرّدت يوم وزادت النّسبه عذري معي كل شي متجاوزن حدّه الطيب في وقتنا وش فايدة كسبه كرت احترق والتّجنّي بايحن سدّه ان صار قلبي حجر مااظنّها صعبه اشوف كل القلوب احجار من مدّه علي سعد ظافر الشمراني |
رد: ديوان قصائد لشعراء المملكة العربية السعودية (متجدد)☘️☘️
عيشي حياتك .. !
شكلك جرحتيني ومن جرحك نويت ابعد واروح عيشي حياتك مثل ماكنتي بدوني عايشه والحب لا صار آخر المشوار مصدر للجروح ما ني بمتحمّل جراحاته ولا بلايشه تعبت اشيّد لك مداين عشق وابني لك صروح ملّيت من صب المشاعر في مشاعر طايشه طمحت اكون العاشق الصّب وتعدّيت الطّموح الين صارت معظم افكاري غرام وشايشه ياقلبي الطيب تعال انعيك واسكت لا تبوح في مأتمك كل المشاعر لو تبيها جايشه أمّا كذا ولا كذا ولا كذا كيف النزوح لازم نجامل وضعنا ونسايره ونعايشه يابنت يا سكر يا كل الحب يالوجه الصّبوح انا دخلت الحب مااعرف غدره وخشايشه ماجيت مثلك دارس الدنيا ولا افهم بالشروح ابيض ولا ادري وين بيبانه ولا درايشه جيت بجموح ورحت من عندك وانا خالي جموح متكبد آلآم الغرام وظلمه وغشايشه وين الوضوح بذمتك وبذمتك وين الوضوح؟ الصدق في قلب السما وابعد ولاني نايشه عشان انا ما ابغى اكرهك با لملم اشيائي واروح عيشي حياتك مثل ماكنتي بدوني عايشه علي سعد ظافر الشمراني |
رد: ديوان قصائد لشعراء المملكة العربية السعودية (متجدد)☘️☘️
قصيدتي قبل الرّحيل
مع السلامه ياهناي وحبنا في عمر جيل مثلي وطن ماله هنا فوق الخريطه عاصمه انتي بنيتي في محيط الحب مرفأ للعويل الله ياسوء المنقلب والله ياشين الخاتمه وش لون ابرر موقفك في غفلة الليل الطويل؟ اذا سهرت بمفردي وافكارك انتي نايمه اقول كان الحب فيما بيننا عابر سبيل؟ ولا تبين اقسى على عمر ومضى وآهاجمه؟ اخاف وابكي واندب الماضي ومن هذا القبيل ولا تبين افطّر آلاف الجروح الصايمه؟ كم كنت اخاف اضيّعك وآخاف يحتار الدليل واليوم ضيعتيني انتي والقضيه قايمه! ان كنت انا المخطي وقلبي جرجره سوء السبيل عساني اهلك في مكاني حرق وانتي سالمه وان كنت مظلوم الجناب وقلبك ارداني قتيل عساك ماتهنين في دنياك وانتي ظالمه لحظة الم في داخلي والحظ من يومه بخيل ماهي جديده لو تغادر كل لحظه حالمه لكن من حقي اوقّف وابكي العمر الجميل قصيدة التأبين هذي من صميمي قادمه الله يرحم حبنا ياربة الطرف الكحيل والله يرحم كل شي,بالفعل ضربه قاصمه هو الزمان الي حكم والوقت ناكر للجميل ياما الزمن شتّت بشر كلن غدا في عالمه من دون ماتستأذني روحي وخليني عليل قلتي يداويك الزمن واقول منتي واهمه لكن والله مايداويني لو انه سلسبيل ولا ينسيني جروحك في الخفوق الدايمه احنا افترقنا صح بس ابغى اعترف قبل الرحيل والله ماني فاهم اش صاير اذا انّك فاهمه! علي سعد ظافر الشمراني |
رد: ديوان قصائد لشعراء المملكة العربية السعودية (متجدد)☘️☘️
( بنات الحاره ) حنين الى الماضي
انتهينا وابتعد ظنّك وخالف ظنّي بعد ماكان الغرام يضمّنا باصراره وانسحبتي وانسحبت وماضحك لك سنّي والجفا شب الفتيل وشدّنا تيّاره كنّي الي حط تابوته بكونه كنّي وكنّك الي شب قصره من بقايا ناره اختفيتي من حياتي من عروقي منّي واختفيت من الحنان الي خفوقك داره وانطمس ماضي جميل بواقعي يسجنّي واندفن طعم الحياه ومافضحت اسراره اذكر اليا جيتك ادندن طرب واغنّي قلتي الله يسعد اهلك موهبه جبّاره واذكر اليا قلت بيت ابغى اسحرك في فنّي صار قصة نوف واشغلتي بحبي ساره الله اكبر غبت غبتي رايح ولكنّي التفت واسأل وعقلي يختلي بافكاره يسألك باقي مراييلك تسولف عنّي؟ يسألك عن باب قلبك يستشف اخباره تذكرين ايام قلتي لو بتقدر خنّي والله لاودي صوَرٌك لحمده السّحّاره َ ياترى باقي تقولين لخواتك انّي ياترى باقي يعرفوني بنات الحاره عيد ميلادي ومسباحي هذاك البنّي فاكرتها او نسيتي حبنا وازهاره اعترف حنّيت واللي يرحم اهلك حنّي اذكريني بس ..نعمة حبنا تذكاره ولا انا وانتي ظنون وخان ظنّك ظنّي صعب يرجع حب غطّاه الزمن باستاره علي سعد ظافر |
رد: ديوان قصائد لشعراء المملكة العربية السعودية (متجدد)☘️☘️
قصيده صوتيه للشاعر علي سعد ظافر الشمراني "كل حاجه"حصريه
نقره لعرض الصورة في صفحة مستقلة ماتهـــنّيت بأحبـــائي ولا حتى أصـــدقائي ​كل يوم يزيد جرح وكل يـــوم تغيب حاجـــه ألف درس وماتعلّمــت اتخلص من غبــائي وألف خيبة ظن فوق إخفاق قلبي وانحراجه مالقيت أبطال غيري جسّدوا قصـــة وفــائي ومالقيت أسرى معي للعيش في عنق الزجاجه اكتشفت اني شبيه لطالب بصف ابتدائي وان بغى يحتج رغم الظلم مرفوض احتجاجه يعني أيامي تلاشت بين ايهي بين لائي وعمري اللي راح مني ما يناسبني نتاجه راس مالي كبرياء وخايف اجرح كبريائي وراس مال الهم كسره كل ماجت في مزاجه المصيبه عشت للي كان من حولي فدائي طبع غالب وادري ان الطبع لا يمكن علاجه من يناديني والبي ​​لا يلبي لي ندائي سامح الله ضلعي الأعوج وشكري لاعوجاجه من شراني ياهلا من ألفبائي لين يائي ومن رحل عني عذرته عاقل ويعرف خراجه ياصباحي لاتسلني ​وش مخبي لي مسائي ويامسائي لامتى تحشد جيوشك وانتواجه طالما حربك لأني للفرح معلن ولائي ماتروعني جيوش الحزن والوالي وتاجه الشقا دفة سنيني والأمل يطرد ورائي والأماني بيت هدّوه البشر واطفوا سراجه مدري اش باقي تبيه وما خذيته يا شقائي خذت مني كل حب وكل حي وكل حاجه علي سعد ظافر الشمراني |
رد: ديوان قصائد لشعراء المملكة العربية السعودية (متجدد)☘️☘️
قصيدة مدح للشاعر علي بن سعد
بسم الله الرحمن الرحيم السلام عليكم ورحمة الله وبركاته هذه القصيد للشاعر بوسعد شارك بها في منتدى النخبه نقلتها الي ديوانه يابوعلي ياعظّم الله قدرك مكانك اللي تملكه تستحقّه ما ينبدي في ساعة الحق عُذرك تجود جود وتعطي الخير حقّه ويمكن من المَدّات لو ضاق صدرك تزعل على صدرك وترجع تشقّه وان غاب بدر البَذل ماغاب بدرك ماتحسب احساب العنا والمشقّه ماكل شي في عمر الانسان يُدرك! وادركت كل الطيب جلّه ودقّه لله درّك كل ما اسمع بذكرك ايقن ببرّك واعرفك ما تعقّه رحّبت بل هلّيت بل شام قصرك وشرّعت باب القصر من قبل ادقّه ياسيّدي ضاعت حروفي ببحرك لكن خذ شعري بوضعه ونقهّ ياسيدي قدرك وقدرك وقدرك تبطي الحروف تقول ما يستحقّه |
رد: ديوان قصائد لشعراء المملكة العربية السعودية (متجدد)☘️☘️
شيلة ياجرحي استاذنك كلمات الشاعر علي سعد ظافر الشمراني اداء الشاعر والمنشد مسفر بن شنيف الشمراني
السلام عليكم ورحمة الله وبركاته اقدم لكم شيلة ياجرحي استاذنك كلمات الشاعر/ علي سعد ظافر الشمراني اداء الشاعر والمنشد /مسفر بن شنيف الشمراني تنفيذ / سعد الشمراني |
رد: ديوان قصائد لشعراء المملكة العربية السعودية (متجدد)☘️☘️
قصائد الشاعر (بن منجيّة الشمراني) رسـالة من الشاعر دماوي حيل الى الكاتب حسن الشمراني والشيخ ابوحوفان بسم الله الرحمن الرحيم والصلاة والسلام على اشرف الانبياء والمرسلين سيدنا ونبينا محمد علية وعلى اله وصحبة افضل الصلاة والتسليم الاخوة اعضاء منتدى شمران كمـا تعلمون الأختلاف بين الاخوة وارد وليس بمذموم بل المذوم هنا الاستمرار فالزعل ةالفرقة والحمدلله انها انجلت اخوتي الكرام الشاعر دماوي حيل احب هاهنا ان يسطر قليل من ابداعاته الشعرية الغير مستغربة وهي قصيدة اعتذارية للاخ الكاتب المميز حسن الشمراني والشيخ الوالد ابوحوفان اترككم مع القصيدة (الخطاب) ===================================== يا وجودي فوق بازل ليا هاج ارتبع = ما يحدَّه حزم بيدا ولا ليل وسبع ينطويلي وانطويله سوى كنَّا ربع = يطلق حجاجي واعِدَّه على روحي خليل ============================================ اشعلٍ بين المجاهيم والوضح انعرف = ماخذ اوصاف البوازل ولا ياكل علف ياكل كبود الصماديع وشفوف الشعَف = جرهديٍ في ذرى الكرّ والغارة صميل =========================================== واجتهادي فوق قُبَّه يعزِّزْه الركود = والنظر والسجّ واللجّ والبال الشرود ما يونِّي شرح بالي وعزم القلب كود = نيمصيّ الرمش ابو مبسمٍ حدَّه سليل ============================================ يخشع الكافر من الوجد والموت الحَمر = تنثني ثم نتجثي في محاريبه ذعر تندي الصمّ المصمصم من الصفصف نهر = ليت ما يدهم على قلعة اضلاعي بحيل =========================================== ومن بليَّا دهم انا اضحيت مثل اطلال عاد = وفوقي احقاف الشَحَر كنَّها اهرام ورماد من صلاها نار الاخدود كنَّه فالفواد = والهوى ما ينطحن والمشاعر ما تسيل ========================================== وفي خضَّم وزخم هذا صدر منِّي كلام = في دجى يومٍ غَبَر عيَّت عيوني تنام يوم انا سطَّرت في لابتي بيض العلام = واستثار ابجعبتي نمر واغداني قطيل ========================================== وارتبعت اسرع من الجنِّي اعطيته لماخ = واستدار وقام يبرم على جِرمه وداخ والحقيقة ان ابليس ملعونٍ وصاخ = واشتركنا فالزلل والزلل ما له عميل =========================================== لابتي ركنٍ عليَّه من اركان الحياه = لابتي شمران مارضى بدلها بأي جاه من غلاها اشوش ماعرف هذيَّا من هذاه = تجتمع فيني الشياطين لين آصل سهيل ============================================ حتَّى ابوي اللِّي ابوي يمكن إني فيه اجور = والقلم مرفوع عن منهو إبليَّا شعور والا فإن إتراب اُبويه على راسي بخور = وآتبرَّك به وامرَّغ بخشمي فالسليل =========================================== وانت ياصلب العصاة ابن عمي ياحسن = دامحك وإدمح خطيَّه وبالله استعن وآنا منكم وانت منَّا كما سرج ورسن = وفالك البكره من الوضح مافيها هزيل ========================================== وفال من يشناك خضر النوافع والكند = واحمد الساهر له الشكر هو وجه السعد السفير اللِّي وفى باللوازم والوعد = والشواذل ابشرو بإن ابهرها بهيل ========================================== والعذر ماصول للشيخ بوحوفان كار = زايع البيرق سليل المشايخ والكبار لابة ال عبدالله قومٍ يضدُّون النهار = في حمى يومٍ خسر فيه من كان القبيل =========================================== اقبلو من صلب حارث تراشيم الخطاب = زيعت اقلامي وجف الورق وسط الكتاب والتوالي فيد والي وللصادر جواب = انتهت واقول يكفي هل العرف الدليل ========================================== بن منجيَّة الشمراني |
رد: ديوان قصائد لشعراء المملكة العربية السعودية (متجدد)☘️☘️
بيض السوالف
(بيض السوالف) غزاني الشيب واوفدني رفادة وقار = وانا شبابي واحب المزح واهل الخبال واحب لعب المقالب والسَعَة والشجار = واطَعِّم الهرج من فنجان بنّ وهِيَال والكلمة اللِّي نبدِّيها علاها بهار = ما يسبق العذل سيفي والمداهِل طوال طبعي جنوبي على ما قيل طبع الكبار = ما يرضي الورع منَّا كود كِذب وخيال واكثر من اللِِّي حكيت اشيا علاها غبار = بنجوز عنها مجاز اهل الصحف والمقال بيض السوالف تحاصرني بسور وجدار = كنَّه جدار اليهود العنصري في الشمال عيَّت عليّ اهتني بوحي وزوع الستار = واقعد بليَّا كحي واقعد بليَّا جدال كِنِّي صغير إيْحَدِيني ما يِحِدّ الصغار = صغير وكبير مير اجمع بالاثنين حال عزَّالله احرجتني يا شيب في الاختيار = واحرجت حتَّى الغواني بين فَلّ الشيال واخلفت سَعْوِي وانا ما حب طول القصار = وحيرْتِنِي في ظنوني هي حرام او حلال ودبّيت بيتي معايد قبل سنّ الشفار = وودعت من قبل مآ اسلم وادير الدلال طميت ما بسْمَلوا بالله أهل الجوار = وهجَّت على حرو زولي الفارعة والغزال ساعة توكدّت قبل انَّه يطوف القطار = دريت وادرجْت وجهي وقلت هذا محال ما أمرّ من صدَّة الجادل ووِجْدي بخار = تُجُود فوقة نوايا القلب حتَّى الطحال لا عِدْت يا مِذْهب النجلا عساك البوار = باخضّبك واطْلِي جلودك سواد ومهَال هذه متواضعتي اتمنى ان تحوز رضى كبريائكم |
رد: ديوان قصائد لشعراء المملكة العربية السعودية (متجدد)☘️☘️
سيِّدي قوم
سيِّدي قوم أعتني بالهوى مثل الفرس والخيول اللِّي أصيلة واعقد الليل في غرَّة جبينه واغطِّيه الثريَّا ينكسب في محيَّاه البخَت او بلاها من حصيلة الصدر لعن بو من هو دعتْه الصدارة ثم عيَّا ساعة الصفر عقربها يميني ومدَّتها طويلة ماني مجبور اصفِّق باليدين ان كذا والا كذيَّا طال عمري وانا احب الجميلة وانا حُب الجميلة وطال عمري وانا سمح المحيَّا وهي وضح المحيَّا ما عرفت المشاكل لإن حبّ المشاكل مانكيلة والصبر يرفع كفوف الحرج قبل الاعذار إتّهيَّا وان شرد ربع من فكري تلاقيه يحتاد الجفيلة من وحوش المشاعر في حبيبي ويسرجها مطيَّا لمسة كفوف خلِّي فوق كفِّي غطا من برد ليلة والا من شمس قيله (سيِّدي قوم) تخدمها يديَّا وانا سيِّد ليا منِّي خدمت العشيرة والقبيلة المهمّ إنّ ظريف الطول لاشافني سلَّم وحيَّا ويعلم الله لو إنه مال عنَّي وجرهدني النثيلة تستبيح النجوم الشعق ظُهري وجفني للحديَّا |
رد: ديوان قصائد لشعراء المملكة العربية السعودية (متجدد)☘️☘️
الوجد كافر
الوجد كافر الوجد كافر والروابع تسونامي = ياصل بنات الفكر في عالي ابراجي يخلف ارامل من عواقِبْه وايتامي = وتخِرّ في جاله صناديد الامواجي والشوق له فالقلب قرطاس واقلامي = يكتب وينشر بالمعاليق مهراجي واحيان يطرب فوق توزيع الانغامي = واحيان يجمع بين دوره والاخراجي نوته تسطِّرني بها اعلوم واحلامي = رغم انفي اسير ابهواها والاحجاجي وتدوربي وادور وتبيح الانسامي = واوقف واواصل دربي ابلحظة افراجي ياخازله روحي على راس الابهامي = تومي بها فيما بغيتي وتهتاجي وخلفين مادري وين ربعي من اخصامي = ويهدّ زوري حيل من يبني اسياجي قلبي ومصراعيه مفتوح لإلهامي = ياخذبني يم الغضي سيد الادعاجي وابقى زعيم البر واهراش الاسنامي = املح فحل ويهيم في كل الافجاجي مهادله سعبل زبدها للاقدامي = يربع على قبّ البكاير والافواجي مرفوع ماينَّاش راسه وهو طامي = واليا ارتبع محذور في ربعه ارجاجي بابور كيفي للملاويح واعصامي = يفتق ويثعل بطن من يرغب ازعاجي واقوم اهيجن فوق ذروة بسلهامي = واخير بين الحمر والسود والعاجي بنات من تنكيح فكري والانظامي = ازفَّها للحر الاشقر الى داجي واذكرك ياعبدالله اللي من العامي = ماعاد به في بركم طرش وانعاجي العام الاول كنت قايد ومتزامي = والجمر في ميفاك والقرص والصاجي واليوم قرصك لايماني ولاشامي = ضيَّعت بين اهل البشاير وقرطاجي وضيَّعت مشيك بين حِديان واقطامي = وانته معايد قريتين اهل الاهداجي عجزت في ريشك ووصفك والاوسامي = واخذت مع شرواك لفَّه ومدراجي ما لك وسم يعني مع الخيل يارامي = والخيل يبغاله مسارج وكرباجي والريش ماطارت به البط وانعامي = وش وقعكم ما لك علامه ومنهاجي والا عبط واكبار مع زيدٍ وسامي = يا زيد يا بو زيد للشعر ديباجي ماهوب سلعة بيع يشرى وينسامي = وماهوب سبحة شيخ سبحبها راجي وماهوب زوعة خشم ومناخف انخامي = وماهوب حجة جند تتقلد التاجي الشعر هجرة روح مطلوبها سامي = الشعر ظرف ابداخلة شمعة اسراجي الشعر ملجى الحس من ظلم واظلامي = الشعر من نار الغضي صرتبه ناجي لاتقحم القاله وهو حرَّها حامي = اما لها والا انت فيما انت محتاجي انا لها فالبر والبحر واغمامي = بازل وحرّ وجيلبوتٍ وميراجي ملِّيت من كثر الدعاية والاسهامي = وافلس نديبي واعلن البيع باحراجي والعلم تالي العلم صلى الله اختامي = على النبي ذا سار للعرش معراجي وتقبلوا تحياتي |
رد: ديوان قصائد لشعراء المملكة العربية السعودية (متجدد)☘️☘️
سود العيون
سود العيون سود العيون أسْفَرَتْ عن قتل ما في خفاي شابي سَهَمْهَا طَعَنْ قلبي وجَرّْ الطُعُون مِنْ مِبْرَدْ العين سنَّةْ حُبَّهَا في جِدَاي واشْهَرْ جسدها يبارزني بكِلّْ الفنون واضحيت اطالب بنجدتنا واجاوب صداي خَسَرْنِي الكِلّْ واوصلني لِحدّْ الجنون واغطْرِف ابخيبتي واعرض مَخَفَّه وناي ويِهِفِّنِي بعض مُصَّة عقل واصبح ذهون جَرَّدّْتِّنِي يا كحيل العين جُمْلَة قُواي عقلي وصبري نفذ حتَّى الهويَّه بدون وين انت ناوي تودِّيبي وتِبْحَثْ مَداي وتغُرِّني ابطرف عينك بالمنايا واهون يا مال علَّة سوِيْد القلب يشكي بلاي يطني عليّْ الوجع وهو في حاله طنون طَبَرْنِي المذهب السنِّي وشلَّع رِداي وازريت احوِّل واحب ام القرى والحجون يا خَطْبِي اليوم جرحي قام يعلن هذاي واصبحت ادودي عسى بحثي وطَمْرِي يهون جبت الدول والمداين وارتجي في شفاي لكنّْ بان المراح ابدار غرش القطون مرَدِّي ال مرهف القِدَّه شحيح العطاي مكرم همومي ووجدي في كبار الصحون وارهيت فيها الشِيَّم وتلِبِّنِي في نداي يِحْرَم يجار ابهواها من يجيها زبون في عرفها شقلبت عرف العرب بانطواي غنَّت لها من ورى عين الشموس القنون معذور قلبي عطاها كلّْ فكرة وراي واستوحت الاحتياطي من بنات الظنون ولا بقى الا دعاي اللي يعزِّز رجاي احْفِلْ لو ابنزهةٍ في اطناب خِدْره بهون تقبلوا تحياتي وتواضعي |
رد: ديوان قصائد لشعراء المملكة العربية السعودية (متجدد)☘️☘️
بنت الأفكار
تالي الليل اولّي والبشر في سبات وهاجعـــــــــــة وين ما اولّي الهوجاس قبلي يكلبش فاقتـــــــــــي لعنت(ن) تلعنك يابنت الافكار ياللي ضايعـــــــــــة واستضعتي قراري لين بطّلت ادوّر حاجتــــــــــي استثرتي بشخصي دون خلق الله وانت متابعــــة مذنب ابحقك او مجرم وهربان من قصاصتــــــي وش يخصّك علي او هو امر من دواير شاسعــة ما تسدّك يديك اللّي تمزّع بوكيهة باقتــــــــــــــي تطعني ثم تجري طعنتك بالقضايا الشايعــــــــــة وتورِّمي في جبيني هلال يعني انّي امقت حالتي وان بتلتي بتبطي عظم بابتل وقلبي بايعــــــــة للطليعة تربينا وبالعون ما ارخي هامتــــــــــــي ارحبي لارحبتي واركبي مابخيلك فارعــــــــــــة واسرجيها جيوش مدججة بالقصيد اقبالتـــــــي وابتدع قتل ناموسك واذيع الصلاة الجامعـــــــة ويصبح قتل الهوى سنّه وكل الاوزار وزارتــي المهمّ انّي بحلّل ذنوب الهوى وابايعـــــــــــــــة وآترقّق لعين الزين يامر ويلقى اجابتـــــــــــــي حتّى لو يامر وينهي بنفسه بقلبي سامعــــــــــة ايه ذا احساس سادس خصه الله برختر مهجتي صح يكفر بي الهاجوس لكن حظوظه رايعــــــة يدني ابطول حبله كافرة لين افرّغ طاقتــــــــــــي هاتِك ابهون يابنت القصايد وروحي لايعـــــــــة اقعدي واصطلي في حر شوقي وقولك قالتــــــي سعيد بن منجية |
رد: ديوان قصائد لشعراء المملكة العربية السعودية (متجدد)☘️☘️
الفوارييس
الفواريس مَنْهُ اللّي يخوض الحرب بِليا حصــــــان = ينكس أعقابه ويحثي علاه الصعيــــد الا مقرود حظ وفي دماغة صنــــــــــان = بس ماكل من صنّن شديد وسديــــــــد القنا والنوافع في يِدي من زمــــــــــان = حن مروضّة خيل البيد واهل الجر يـــد وان دعا الداعي اتحزّم واسل السنــــان = واغزي العيس والراعي بليّا بريـــــــد وليت في حزة الملقى غَريمي يبـــــــان = مِن ورى الدرع يتوايق وهو في رعيد في ربيعي حلال وطرش وضح وسمان = يسرح ويمرح إليا قلت وآنا وليـــــــد بحّري ياعيوني واشّرِي يابنـــــــــــان = تو من ينصع ويحجي بروحه طريــــــد والله لولا البِنِيخا والعرب والفطــــــــان = لاشخل الما من امصار الحشا والوريـد والفواريس واشراف العرب ماتهـــــان = ياعريف انتبه لاصرت قبل العقيـــــــــد اوعز لنفسك استعداد واصـــــرف أوان = التحية على اعيانك وسيّد وسيـــــــــــد تحياتي للجميع سعيد بن منجية |
رد: ديوان قصائد لشعراء المملكة العربية السعودية (متجدد)☘️☘️
(الفرح)
عزّ الله إن الفَرَح ما عادْ لَه بَهْجه ياتي ويفلح ولا كٌنَّه بِدا وافلَح وحِنَّا نزهِّب له المشلح مع اللجَّه وإليَا إنتهى يصفط الضحكه مع المشلح وما كٌن كان الفرح لجَّه معا صجَّه وما تدري إلا ليَا اصبحنا وهو ماصبح وش ذالشعور اللِّي لامِنّ إكتمل بُرجه إلا وقع مثل ذا يجمع وهو يطرح صدق المشاعر غريبه والعُمُر دَجَّه صبره على السهوة الحدْبا وهو يسرح مِبعِد عن اللحظَّه اللِّي ثوبها خِرجه والناس تاتي ماهي حفله ولا مسرح واكبر حقيقة نفسِّرها على السجَّه ما تنبلع لإنَّها من كبرها تجرح قد قالها عايض القرني على موجة لا تحزن وردَّها ناصر بِلا تفرح احذر من اللِّي يبيع الراي فالعجَّه تطلع بعَدْها بليَّا مربَح ومطرح وياللِّي تريد المحاكم تقبل الحجَّه شانك على البيِّنه حتَّى لما تشرح انا هنيَّا على ما شفت من ضجَّه جمع المصيبة ماشفت مثيلها ملمح تُقعد ثلاثة ليال وما بها رجَّه لا شكّ رجَّة ثواها داخلي تذبح وإمَّا الفرح كٌنّ مِن يجمع له الهجَّه من داخلي والمشاعر كُلَّها تبرح يامَن يعيد الفرح بالحال في درجه أدخل على الله فلا تكذب ولا تمزح وانا من اقصى بلاد الغرب وإفرنجه العب على سادس احساسي عسى نمرح مير إن طول إنتظاري الوله فجَّه والناس تدمح وبعض الناس ماتدمح المرّ كاسه على ثِمِّي كِرَه مجَّه والحلو خشر الحصاة اشوا لنا واصلح يا قلب لو مايطيب الزين لك فإهجه خلّ العنا عنك لا تتعب ولا تمدح يكفي إنّ طعم الفرح ما تتقنه لهجه والحزن كُلِنّ على ليلاه ياما افصح كلمة فرح في قواميس العرب هرجه من غاص يبحث على جدواه ما يربح سعيد بن منجية |
رد: ديوان قصائد لشعراء المملكة العربية السعودية (متجدد)☘️☘️
دواي وداي
بيدي دواي وداي قلبي وروحي حايرة ودِّي ولا ودِّي واشاور واخاير ايـــــه لا اجود والا اجوز عن حب ذي واخايــــرة شختك وبختك قمت الاعب بحالي للملا كنِّي غرير وكل من جا وراح يسايــرة وان قلت بالعبها واخلِّيه قلبي ماســـلا لله درَّك ياهوى البال روحي طايـــــرة وتحوم مع موجة هواكم ومع قولة هلا كبْتَنْت طاقم حسنك بداخلي وتعايرة على إتجاهاتك بليَّا هواده ومْهَلا قُمرة احاسيسي كسرت إعتايدي قايرة واصبح تماتيكي بريموت منك يبَدَّلا واشغلت فيني كل شاغر وحتَّى زايرة حتَّى تعبَّى متني اثقال وإرهاق وكلى شيلة مثيلك في عيوني حموله جايرة لو إنّها اطرى من مذاق العسل طعم وحلا بأصبر واقول الله يصلنْي لحدّ عبايرة واحطّ رُكَّابي من الشوق وانواع الغلا على مخالب نظرته والمنار ونايرة واخفيه ويل الحب واظهر علامات الجلى كأنه مجرَّد عادي وانا دلالي فايرة ودِّي اردّ شويّ حتى لو اكذب واجهلا عشان ماتعلن صعود القمر كبايرة وعشان يبقى في استوائي على رجم وفلا ما تاخذه عفرة جمالة وطول ظفايرة يصبح بدال إنه ملاكي شبح والاَّ سْعَلا هذي المشاعر حين ببراق ترقى الصايرة واحيان تقلع من وحَدْها بلا قهر وجلا واحيان تمشي بك على الجمر الاحمر سايرة واحيان تتعدَّى التواصيف واحيانٍ بلا الله حسيب الزين فيما فتن ويبايرة عن فتنة الاثنين قلبي وعقلي ويخَلا من دلهة المزيون وميولها وغرايرة ويطيب ثالوثي قليبي وعقلي والكلى سعيد بن منجية |
رد: ديوان قصائد لشعراء المملكة العربية السعودية (متجدد)☘️☘️
السلام عليكم ورحمة الله وبركاته
هذه بدع ورد منِّي لعجلةٍ من أمري حيث مسافر دائما ولعل المعني يعي البدع قبل ما تِعْرِف ولوف الناس بالشرْق الكبير وقبل سبتمبر وانا في موقعة حرب الفرَنْج اسْمَها اليرموك قبل الشيخ مسكين الجَبَل اللِّي قبل العاصمه جُلّق علَمْها قاسيون كم لِبِثْت إسنين وآنا لين ذالحينه هِنَاك وقايد الصرح المسَمَّى قِد عَطَاني جايزه وايضاً ألبَسْني وشاح ومرتبه مع الشرف ثمْ طِمِعْت وقلت باكرر وانال اعلى الرِتَب وفعلاً اقديت الطمَع والحين ماباقي إلا شيء إنِّي آخذ فلسفة فكر المعارف والخَبَر ما بِقى إلا قاب قوسين او اقل او مابِقى وفي خِضمَّه كم ضربنا للمداين من كِبِد الا كم ضربت لأصقاع الدول وأعصامها ما هِكَب حيلي ولا قِد قُلت بأشكي لاي احد وفوق ذا كُلّه وانا باقي بطاقه كامنه يعني اساسي الإضافي ما بَعَد طبّ ولِعِب هذا انا وإسمي مميَّز وإعْلِمِي فوقه قبَس ولي دِعايه بين تجَّار القوافي والشِعِر ولي مكانه بين اصاحيبي ولي هيبه وجاه ولي جذورٍ حارثيه ماهي انزاع ولحاق ولي ولي لو اقعد إلبكره يطول إعدادها آنا بن منجيَّة الِّي فالمواقف ما جهل انبخص من بين عدَّات الأسامي والفخوذ ما تخَبِّيت إلا من بويه ليَا زبَّد لهاه وإمَّا من غيره فزوري بارزٍ كُنَّه صفاه اصبح المعنى إن واحد ما عرفنا وش نَبَاه قال به ناسٍ على شِرفه بياتيهم شريف وإن من كبره وقوَّة قلبه إعظامه حصاه ربنا وربه وانا عظمي قباله ما يشيل ما دريت إني هطيهط فالمواقف والصدف وانا تقعدلي صفوف ورهْط واجناس وبشر وانا عِدِّي من شخاتيل السُحُب وخيولها انْهَلَه قبلٍ يطبّ القاع وإن طبَّه عِفيت وعِدّ غيري من هماج القاع ومْعاه إشركاه آخر المعنى التحدي للصناديد الزحول الِّي أسماهم علايم والعلايم في قُبوس الَّي ما تِنْهاب من مِيط اللثايم والحِجَاج الَّي لاشيفت من إنحور البَلَد ما تِنكرى الِّي لو نقعد لبكره ما نعدّ إخصالها قالة الهايف عويقه ما تعبِّرها النشامى والفهَد لا قال كلِّن يعتبر له ويهبى الرد أنشد الي حيلته تمر ولبَن هو إلك بير وألاَّ بس يقول عنده معرضٍ فيه ألف رنج مثل ذا صلىَّ مشارق غاوي وخلىَّ الجِبِل وحن ليا ارشدناه حاكى ياخي انتوا قاسيون قلت كنّ اهل المجوس ومذوَد الهيشه هَنَاك الطقوس الِّي علاها سِرت ماهي جايزه لإن صيوان الشريعه مثل صيوان الشرَف العمل لَمَا اتْقَنَهْ راعيه يغشاه الرَتَب وإليا زان الطبْع كلّ الِّي وراه يصير شي مثل جدَّه يوم هي عروس وابها والخُبَر ومثل كلّ اصيل لا جات النهايه يسبقى ياغشيم العِرْف لا تسهى ترى ما مِنك بُدّ وإعرف إصميل المواقف لا ظَهَر وإعصامها ثار لامنَّه تربَّع لا يِهاس ولايِحَدّ لابِدا ماهوب يعطيكم بطاقه كامنه ألاَّ تعرف نَابَه إليا قام يغشاه اللَّعب قصدي القى ثلب مثلي ماتوقعت القى بِس مير لاطت فأسفل الوزره واسافيل الشَعَر ولا يفيد الموش والقاعِس مَن الِّي في رجاه ولا يفيد السعي خلف الهيس لو جاه اللحاق ولا يهيب الدِّبْع قلبي لو كثير أعدادها تالِيَتْهْ الهون مثل ابو الحكم وابو جهل الشجاع إشجاع ماهاب الف جندي والف خوذ والغرير اجود من الطائي ليا حيٍ لهاه لأصطفاه أية فلاني كان من كان إيْصَفَاه والمزاد يزيد في فتل الفلاني بإشنباه والولَد ضيَّع أمانة الشريف إبن الشريف البهيم الِّي بلا حِكمه خصيمه ما حَصاه ما درى إن السيل لو هو ماء يجي للماي شيل يقشَع اليابس والاخضر والبَحَر جاله صَدَف من بدا بالشر يبشر ما نجيه الا بشرّ لو يشوف المعركه ولو يشوف خيولها ترجف إرجوله ويبغى العفو وآنا ما عَفيت حتى يحسب ماي عِدّ القرح قبله وش ركاه إنَّه آنا من كثر ما خاب وإنّ الفوز حول بينه وبينه لو إنَّه في عُمَان إبن إل قبوس وألاَّ لو هو من هَلْ السُقيا ليا فاض الحِجاج لين ما يرقد أرَقْ وعيونهم ماتً كرى الحَبَل يفْرُش وثِمِّن ينهزع بإخصالها الِّي ما طاله يقول إنَّه حِفِط ولو نشا ما والكريم يقول قول الحق ياخذ ويهبا الله اكبر لا اله الا الله سعيد بن منجية |
رد: ديوان قصائد لشعراء المملكة العربية السعودية (متجدد)☘️☘️
عربون المحبه
هاك عربون المحبَّة وإلى أبطيت أنت حُرّ إمَّا تقعد تنتظر وألاَّ عدَّاك العتـــــــــــب أنا ما وعدَّتك إلاَّ مزهِّب لي عـــــــــــــذر عذري أحبك وش إلِّي تبيه أكثر وأهــب جيتك إمن أقصاي ما بعد ذالتأمير أمـــــر جيت مدفوع إبهواك ألاَّ جيتك منسحـــب رغمٍ إنَّك في علوّ الجبل وأنا حــــــــــــــدر مير جرِّيتن وكنَّك حدر وأنا سُحُــــــــــب وأنت تمطرني وأنا الغيم ما فيني مطـــــر إختلف ميزان جذب القوى وأنت السبـب بإختصار إلِّي أبيه أنت وينك ما تمـــــــــرّ يعني يوم إنِّي تأخَّرت يعني ما أحــــــب قلت لك ترى أنت حُرّ أنت حُرّ وأنت حُـرّ إمَّا تقعد تنتظر وألاَّ ما فيني عتــــــــــب لا تحَسْب الوصل همِّي وغمِّي من شهَـــر إيه همِّي بس صمت المشاعر من ذهــب ما يخالف لو بأعلِمْكْ لكن هذا ســــــــــــرّ لا تحاكي به لنفسك ولا لأية شنَــــــــــب أنت مثلي تحِب ويجيك في صدرك زفـــر وُلا تنام الليل والقلب ما عمره هكَـــــــب وسرعته عدَّت جهاز الرقابة والخطـــــــر وخالف إحساسك جميع الهقاوي والعرب وأنوَخز عمرك تقول إنّ به شوك واُبـــــر وأنفرا فري العجل بالسواني والقِــــــرِب ساعة ابصرتك ولدِّيت يمِّي بالنضــــــــــر ساعة ارسى قلبي إبشطّ عينك والهـــدَب وألاَّ ما حولي من الحب خالف ما ذُكِــــــر وساهي ولاهي بغيري على زلّ وكنَــب ليتني ما قلت أحبك وهو ما من خبـــــــــر حتَّى تاتيني وتطلبني آحبك طلَـــــــــــب مير حزَّتها لو اقعد فوادي ينفطــــــــــــــر ما حدٍ يقدر يهدِّي شعوره ويهَكِــــــــــب أنا ما قلت أنت حُرّ إلاَّ واثق فالأمــــــــــر إنَّك إبتاتي وتآخذ بقيَّة ما إنكتـــــــــــــب باقي العربون خذني وهاتك يا قمـــــــــــر للأبد من غير تفكير من فينا كســـــــــب وإبشر إن الوصل لأقطعْه في وجيه البشر وإبشر إن حبِّيت مثلي لأزيد الحب حـب وإبشر وهاتك وخذني وهاتك للفجـــــــــــر وإبشر إن حبِّيتني أكثر لكم فالقلب قلـب تحياتي القلبية والقبَليَّة سعيد بن منجية |
رد: ديوان قصائد لشعراء المملكة العربية السعودية (متجدد)☘️☘️
القمَّه
قُمت ابغي القمَّه على خاطري وارهيـــت = إنِّي على قاع السهَل والبلاد إجبــــــــــــــال وضربت كَبْد الارض حتَّى وصلْت وجيـت = وادليت غربي والروابع معي فالحــــــــــال متزهّبه توحي لحسِّي ليا دعيــــــــــــــــت = صقله يجاهر لمْعَها السيف لا من قــــــــال وتطيّحه ويقول راعيه كيف اوميــــــــــت = وانا ولَد شيخٍ وفارس وريث إرجـــــــــــال صقله سريعة سبْق ما حَضَّرَت في بيـــت = جَتْ فوق روض وتحت غيمة وبين إصقال تاتي على شفِّي وإلى شفتها مابطيــــــــت = آتي واضمِّر عُرفها وامشطه لا مـــــــــــال كَنْها هديل الله معاها ليا ناديـــــــــــــــــت = تسعى وتضحك لي واصفّق واقول إتعـــالـ ـي هاتك الله يحفظك يا يَبَه واقفيـــــــــــت = عنها وتلحقني وانا ماقصد الاجفــــــــــــال من حبِّي اتلاعبْ لها وإن بكَتْ هدِّيـــــــت = وارجع لها اسرع قبل ماتذرف الهمَّـــــــال لا من دعيت إتلبّني وإن دعَت لبّيــــــــــت = علاقةٍ ماهي بتشرى ولا تنكــــــــــــــــــال العلم انا فوق الكنَب واقتفيت الليــــــــــــت = حولي بشر واجناب واهل المكان إقبــــــال قُلت الخلا فالقلب يا ليه ما ولِّيـــــــــــــــت = قبلك عيون إتقول من كُبرها فنجـــــــــــال وحلوق والسنةٍ طويلة وما دريـــــــــــــــت = إمَّا نذب الريع والجال لين الجــــــــــــــال والاَّ استدر للخلف وتهدّ ما بنيــــــــــــــــت = واقعد بليَّا حال واقعد بليَِّا فـــــــــــــــــــال ماخذت من بوك الدها والربوع الصيـــــت = والاَّ خَذيت وتنتظر غيرك إليا طــــــــــال الناس طالت وانت ملِّيت ما بديــــــــــــــت = يالله على العليا تقُوم الحظوظ ادبــــــــــال اصبحت لين امسيت وامسيت لين اضحيت = واقطبت منطوق العرب فالخفى والبـــــال وكزِّيت روحي لين فوق العَجَب طبّيــــــت = ما حولي الاَّ نفسي ولا هناك ابطــــــــــال وين الجيوش وقادة الجيش ذا هقيـــــــــــت = وين المبارَز والمرَه لا إحذفَت بالشــــــال إتسطِّي الهايف وياتي بشي ما ريـــــــــــت = مير البلا ما به معارك ولا به شــــــــــال ادوار قِدها مفبركة منَّها ونّيـــــــــــــــــــت = وحَشْرَجْت شيٍ في خفوقي تقول إخيــــال من بعدها عاينت كذب البشر واوعيـــــــت = بعض الاوادم تشتري بعضها بالمــــــــال وذي خرَّبت شكل الحقيقة وانا غنِّيــــــــــت = ضاع الولد والرجْل والعم ويَّا الخــــــــال حسَبْت لو ماني بالآخير ما بقِيــــــــــــــــت = لين اقتنعت إنِّي على ما مشيت اميـــــــال كُلّْ البلاد الِّي على قاعها مرِّيـــــــــــــــــت = اثري على راس الجبل والبلاد إرمــــــال تحياتي سعيد بن منجية |
رد: ديوان قصائد لشعراء المملكة العربية السعودية (متجدد)☘️☘️
أصغر جروحي
عمري اصبح وين واصغر جروحي كنّ توَّه والله إن ما كِنَّة الغى وجودي بإرتباعة أكبر ويكبر ونضعف ويقوى في غلوَّه والهوى يعرض ويفرض ويجبرني إتِّباعة والصبا يحكم عليّ المنيَّة قبل الأوَّه وحاجتك ما تنقضي وانت ما فيك الشجاعة إضرب الكايد على قولة آمير المروَّه الرشيد الشمَّري ما تجيك إلا الإطاعة آه تصغرني وتكبر على قلبي عدوَّه وإن كتمت تحوس وتدوس في عمري صراعة عمري القاصي طمع فيه هدَّام الفتوَّه لين ماتت كل سودا خذت معها الوداعة واشبعت منِّي فضول الزمن واعلَن عتوَّه واعتنز فوقي بكوعة ومدّ ارجل متاعة والعتب على بنات المحاجر والأخوَّه اللِّي ما عيَّت ولا شيَّعت يمِّي شفاعة والعتب على صديقٍ ترك خيري لسوَّه ما درَجْني يوم قامت تكالبني السباعة يسلم الكافر من إحساسي الجاهل وهوَّه ما عرَف غيدان غير المجلَّة والإذاعة واجتهد قلبي يا علّ البراءة ما تشوَّه واحكم لعفويتي وإرتجالي والقناعة فيسلوجيَّة تقول إن روحي في عبوَّه كل اشعَّة تحت حمرا تفجِّرها بقاعة الهوى تيجان تجذب خراطيم السنوَّه عقبها تكمش على جرم من عذره دماعة الهوى مفعول يسري على الطارف بقوَّه ما خبرت اخطى مجرِّب ولو قاده خداعة الهوى ما عاد ينفع تلاويلة بلوَّه يسبقك يظهر كسور الحشى قبل الإشاعة ياشموخي خاف يهمز عليَّه من علوَّه لين احاتي سطح بحر الإهانه والمجاعة يا سواد الليل وش فايدة بدرك وضوَّه دام بدري ماكتمل وارقبه في كل ساعة الله يكفيني من اكبر جروحي لو ينوَّه من سدى نحر الليالي ومن قلّ المناعة وحيِّزي ما ياخذ الا على ما دار جوَّه وما بقى منِّي مسامة هوى تقبل شراعة وان حصل شدَّت خلايا دماغي لين اتوَّه واقعد آهيجن مع إصغار وكبار الجماعة سعيد بن منجية |
رد: ديوان قصائد لشعراء المملكة العربية السعودية (متجدد)☘️☘️
تستاهل الحب شمران
تستاهل الحب شمران رمزها الشيخ مسفر بن عوضه الشمراني عيَّا هجوسي غير ينطق وينظم في عجَــــل = تو الرياجيل النشاما طويلين اليمـــــــــــان إموجّرَة سبعة قبايل على رجم وسهَـــــــــل = شمران لا جا للمفاليح مصياح ودحـــــــان تارد على الذيدان والخيل واشواهم بطـــــل = تقول جيشٍ مقتدم خشم طابوره حصـــــان إليا إكتمل فعل وإلى ماكتمل ايضاً فعــــــــل = فينا رموز ابروقهم وين ما ساروا تبـــــان بن عوضه النشمي من إرجالٍ عدول وفحَـل = يضرب على الكايد ولا يحتري زيد وفـلان من لابةٍ مركازها في دمه منذ الجهَـــــــــــل = هم لا زهمنا اولاد حارث وتعزى لإقحطان وتعزى لشمران العناصي عريبين الأصــــل = فرسان يعرب من ذرا مذحج الجذم اليمان من قبل ما تاتي نزار وبني معد السهَــــــــل = قومٍ بعيدٍ جدَّها من زبنها ما يشـــــــــــــان من اسفل إتهامه لوادي الفضا ربعٍ واهــــل = ابنا عمومة كلّنا مجتمع وإلنا كيــــــــــــان بن عوضه إليا قال يفعل وغيره ما فعـــــــل = مكسبْه فعل الطيب والخير من غير إمتنان في حزَّة الميقاف يفصل من الطين الزلـــــل = رايتْه بيضا فالمواقيف كم عاون وعــــــان مسفر له البيضا تعلَّق على راس الجبــــــل = رمزٍ لشمران العناصي خذاها من زمــــان ماهوب من ذالحين والاَّ من امس ومن قبل = شيخٍ وريث إشيوخ وافعاله البيضا ضمان مرحوم جنبه كل شيخٍ يبا ياصل زحـــــــــل = مسفر زعيم الجود ما قال للعشره ثمـــــان الاَّ يزيد العشر عشره ويدبلها دبــــــــــــــل = مغراف جودٍ معْه يبطي الكرم يلقى مكــان يحب ربعه حب ما فيه تشكيك ودجَــــــــــل = ساهم لرفعة لابته والمواقف ما تهــــــــان تظهر بليَّا قصد مثل القمر ليا إكتمـــــــــــل = يحب ربعه يوم ربعه له اصحاب وخـــوان يحب شمران وتحبَّه تفاني ما حصَـــــــــــل = يحبَّها تستاهل الحب شمران الطعـــــــــان هو رمزنا من فوق كل المنابر مرتجــــــــل = تقول فارس فوق مهره ويلجمها العنــــان ناموس فخر وعزوةٍ وين ما حل ونـــــــزَل = الروس يرفعها وترخي لها الناس العيــان الله يديمه ذخر واحنا فدا لآخر رجُـــــــــــل = شيخٍ عطانا الحب والمال نعطيه الجنــــان واخر كلامي يا صلاتي على سيد الرســـل = عداد من صلَّى وصام النوافل وارمضــــان ************************************************** ***************** تستاهلين الحب شمران رموزها الشيخ سعد بن مسفر الشمراني الدكتور صالح بن مدعش الشمراني العقيد علي بن مصلح الشمراني الشيخ سعد بن عبد الغني الشمراني الشاعر والاستاذ ابو نايف الشمراني (بن جروان) الاستاذ عبدالله بن بركي الشمراني الاستاذ عايض الشمراني ابو محمد وكل ادارة منتديات شمران على رأسهم الاخ ابو حامد وكل معاونيه ومشرفين واعضاء والاسماء كثر اكثر من حصرها ها هنا ولكن نطلب العذر والسموحة ممن يستحق الثناء ولم نوفيه حقه حقٍ علانا نشكر اهل الوفا والجــــــــود = في منتدى شمران من فاد واستفــــــــــاد الشيخ بن مسفر سعَد ما علاه الـــــزود = رجلٍ كريم ورمز فالجود لامن جــــــــــاد مقدام ربعه فالَّلقا والليال الســــــــــــود = ما نمدح الاَّ ذرب يمنى نباه اُوكــــــــــــاد وسعَد وبن مصلح وصالح هل الماجود = ومؤسسين المنتدى سطَّروا الامجـــــــــاد بإسم العناصي كلّهم من صغير وعـــود = شادوا مضاف ومنتدى حي ذا من شـــاد بو نايف اسمه فالسما له سفر ورعــود = عزيمته مثل إبن طالب وابن زيـــــــــــاد فزّاع للطَّارف ولا يلحقه منقــــــــــــــود = فوده بياض الوجه لاقاربه وابعـــــــــــاد حاجتْك كنْها له يوصِّي علاهـــــــــا زود = يحرص على حاجات غيره على الميعاد يبغى بها وجه الله إبلا ريـــــــــا وردود = جعله على العليا يطاول عمايد عـــــــــاد وبن بركي الله يحفظه نار فوق العـــود = يعني علَم في راسه النار وابن اجـــــواد فزَّاع لا جت فزعته كنَّها بـــــــــــــارود = ومهندٍ فيديك وإليا بغيت إزنـــــــــــــــــاد وابو محمد عايض إبه الوفا ماكـــــــود = معهم على العليا وحنَّا دعم وإسنـــــــــاد ذولا سعوا لأجل إسم شمران حتَّى هود = نسب وتاريخ وتراث وشعر وإنشـــــــــاد واقسام فيها اخبار ومشاركـــــه وردود = تستاهلين الحب شمران عزّ إبــــــــــــلاد ومن شارك وساهم له الطيب والكنبـود = تمسح على اشنابه وعمره عساه يــــزاد سعيد بن منجية |
رد: ديوان قصائد لشعراء المملكة العربية السعودية (متجدد)☘️☘️
السوالف والكِبْر
السوالف والكِبْر السوالف تخاطف قام كلٍّ يورِّد سالفـــــــــــــه = والاوادم نفخها الكِبْر لين اختفن منها الضعاف كل واحد خرَق قاع الثرى والبسيطة بخْفِفــــه = مثل سمحان لا حاف الحوايل وسنَّدها الهِيـــــاف عادن إجمال وانت إتعال نابش حداها وإحذفـه = حتى راعي العصابه يالله إنْه إيتخارج لا يــــلاف والبنايق نبلها الزور كنْها محدَّش وهْطِفــــــه = والخشوم إنبصر شكمانها لين فجَّرها اللّخـــــاف ارنبة كل خشم إتنوش محجر عيونه لِحْفِفــــه = حتَّى ما عاد يبصر قبله إلاَّ السما كِبْر وانــــــاف يوم كلٍّ فقعْه الامن والخير واكله وتْرفــــــــــه = كل كلبة بحلق انسان تنبح ويلحقها النخـــــــاف تلثغ الهرج بالوان وتشاكيل من دون إكْلِفـــــه = حيتةٍ في جحُرْها لا إغدرت محتماها باللفــــــاف تضحك وخلف نابيها البلا والمنايا واقفــــــــه = سهل تمريرها مثل الكوَر فالملاعب بإحتــــــراف المشجَّع يصيح إلْها ولو ما تحقَّق بإهدفــــــــه = يا ادمي خف من الله ما يخوِّف ترى من لا يخاف إعرف إن الخبر ديوان كل الخلايق تعرفــــــــه = لا تزوِّر على الناس الحقايق وتاليتك تشـــــــاف العرب ما تلاس إعْقولها بالعسل لو تغْرفـــــــه = العرب ناس واقوام وقبايل وحلفان وقيـــــــــاف رزَّن اعلامها زمان يوم السيوف المرهفــــــــه = يوم لكْد الأصايل والنشاما على إحْماها وقــــاف يوم صدق النوى فالقول والفعل والشيمة صفه = تسبق السيف قبل إيسَلّ وتقوده إليا جا زحـــاف كل شي ترَّخوه الناس محدٍ يطيق إيحرّفـــــــــه = إلاَّ من يقلب الماسه ويسحب برجليه اللّحــــاف فإن تاتي معاه إعداه قبل اصدقاه إتحالفــــــــــه = لأن وضح النقا مقبول ومحيّ بَه فأيَّة مقــــــاف بعض الاشخاص فيهم كيد مثل الحريم إيلقّفـــه = باللّسان إيحَكي ويلوط اذانه ويا شين اللقــــاف ما درى إنَّه لسانه هبرةٍ ما لها إلا خشرفــــــــه = والنضَر ماء فمن بحَّر يهوِّن لا ياتيه الخــــلاف خاف تقلب عيونه ثم لسانه تطول وتكْتفـــــــه = وألاَّ تقطع وتشوا لين من كل زاد إيده تعـــــــاف البعير الغَبَر نبغى نشدِّد علاه ونكْرفـــــــــــــــه = لا يخلاَّ شرود إيهابد ويخْرِب ابيار وقِفـــــــــاف إيهَجَر أو يرَبَّط أو يجَنَّب ويلعن إجْدفـــــــــــــه = وينذبح فالخلا مع شكْلته من ملاعين الجــــداف 28/6/1431هـ سعيد بن منجية |
رد: ديوان قصائد لشعراء المملكة العربية السعودية (متجدد)☘️☘️
قلبي الملتاع
قلبي الملتاع قلبي الملتاع يضرم على روحي جحيــم = ويِزمهرّ احيان ما بين نيران وصقيـــــــــع دونما أيًّا سابق إنذار يدهمني دهيــــــم = والمناعة عندي ارهف من الحدّ البريــــع أسهم الغيدان تمرق وتآصل للصميـــــم = ما توقِّيها الحواجب وعيني ما تطيــــــــع واشخل العلًّة واداول جروحي للنديــــم = وانثمل لشحيمة اذني ليا حدّ الكريـــــــع ما تواسا متني الا وانا ورعٍ فطيــــــــم = إما ذالحينه فأنا اطب في جرفٍ وريــــــع والركادة سيمتي مير في عهدي القديم = والصبر ماهوب كيفي واخاف اني لاضيع وحَّلتبي خفتِّي في ثرى حظي اللئيـــم = واللي ما يحمد عقاب الزمن يقعد مطيـع ما توخّيت الحذر والهوى فيني يهيـــــــم = والجوارح رجَّها لين خلاَّها تميــــــــــــــع حتَّى سيَّلها على كل وادي من رميـــــم = فيه يلعبن الظبى والمهى لعب الرضيع كل ظبي يقول انا والحمل فوقي ركيــم = والزَلَف والزَّار يهرف بنا هرف الهليــــــع والثّقة ما عادة الا عصا شايب عديــــــم = ما تنوزه كود للي تنوزه للمنيــــــــــــــع يعلم الله كم وجودي وكم قلبي كليــــم = لو تهيجنته على هيف رجمْ اصبح رعيـع يا ربيع الجسم والدمّ ذعذاع النسيـــــم = يا صباح الوجه والفمّ به طلعٍ ينيـــــــــع يا مبسمل فيك بسم الله الرب الرحيــم = واصدق الله فيك آية جمالٍ للجميــــــــع حرزك الله حرز من كل شيطانٍ رجيــــم = وامِّنك ما نمِّن النفس في مشرى وبيـــع من ارشيف الغربة تحياتي المتواضعة 1/2/1431هـ 16/1/2010م |
رد: ديوان قصائد لشعراء المملكة العربية السعودية (متجدد)☘️☘️
فزَّاع
فزَّاع انا ما فكَّرت في كثر الشخوص وقلَّهـــــــا = دامني من كثرتي فزَّاع ما قلَّلت احَــــــــــــد الخطر حيَّاه ربِّي فالمواقف كلَّهـــــــــــــــا = طرقي والطرقي نضيفه لو على حسابي قعَد ما تعلَّمت ارتم البيبان وآزرفلَّهـــــــــــــــا = اصلاً إمراحي بياد الارض والقمره عمَـــــد فإن حصل خاطر فلا آضن الدلال يزلَّهـــــا = حتَّى تاتيه الثلاث البيض والماء والقنَــــــد وإن بدا زابن فِيا دِق القلوت وجلَّهـــــــــا = تاتي جِرد وشابيه وإبلا حيا وإبلا وعَــــــــد حزَّة الملقى ليا حمْي الوطيس وسلَّهـــــا = ويردف ويسند لها قدْح الشميزر والكنَـــــــد ترتبع بيضا وترجع بالحَمار يطلَّهـــــــــا = كنَّها عروس ما خافت من إعيون الحسَــــــد لو تبي تغزي بلاد وقافلة تحتلَّهـــــــــــــا = ذي مراويسي على شدَّة يديني للأبَـــــــــــــد ماني باوايق وعيني فالغياد اهملَّهــــــــا = إلاَّ كاني بأظهر إظهور العوايد والعهَــــــــــد ماني من ياتي ولا يدرابه إيه اعلَّهـــــــا = شطر قاله بن فطيس ومن حكا بعده هجَــــــد من عقد روس الحبال إنهي حبال يحلَّهـا = لأن من صابه قراص الداب خاف إمن العقُـد الوجيه الجافله والِّي تصدَّد خلَّهــــــــــــا = كان معميها الحسَد فلا يفيد إبها الجهَـــــــــد ساقي في سهله وراسي فالرجوم يتلَّهــا = وإن جهلني زيد ما غرَّه عن إعلومي سعَــــد يدري إني ابشِر الحزَّات لين اظلَّهــــــــا = وْلا تصاليها الشموس وْلا يحاذفها البـــــــرَد احتويها مثل طوي البير ومعينٍلَّهـــــــــا = قرح وزلال وثجاج وغيل وخيول وعِــــــــــدَد خلّ من لا يرفق الفرِّيس لا تامنلَّهــــــــا = ادنا ما يغويه لا جا الجد فالماقف رقَــــــــــــد ثمّ نفسك في تياك المعضله دوِّرلهـــــــا = ما بتلقاها الاَّ مغبونه وذابحها اللَّهَـــــــــــــــد من بغى برْي القصايد ذا هجوسي هلَّها = هت خلافك واُخْذ من زين الوسايم والقلَـــــــد وشلَّها والاَّ ندوِّر من يجي ويْشِلَّهـــــــــا = وإدري يالِّي ما درى عنَّا ويالِّي ما رعَـــــــــد الدِلي باقي مِلِي فلكن إبلي منلَّهــــــــــــا = لازمٍ تارد ليا ما جات مهمى تبتعــــــــــــــــــد تحياتي ودمتم سالمين سعيد بن منجية |
رد: ديوان قصائد لشعراء المملكة العربية السعودية (متجدد)☘️☘️
عِزّ نفسك تِجدها
عِزّ نفسك تِجدها وإرق روس الخلايــــــق تبصر السهل والعاصي وسِمْبِسْ دحَلْهــــا ومن فِجَر بينك وبينة بحور ومِضايـــــــق إسدل شراع بابورك لمينا سهَلْهـــــــــــــا وإزبره بالجبال الراسيات البنايـــــــــــــق وإجزره بإحمرار البدر وإنثر هَلَلْهـــــــــا خلّ ذروة سنامك للحِمِل دوم طايـــــــــــق وإنقل الطيب لأكناف البسيطة وأهَلْهــــــا وإحذر إنك تقول النفس عادت حرايـــــق تنقشع كومة الصحرا بواحة زلَلْهــــــــــا حاجتك لا توقّفها سدود وطوايــــــــــــــق إبلغ مرادك المنشود وإقطف خِصَلْهـــــــا الرجا في الطجام من الرجال الذرايــــــق مثل رجوى الشياطين الرجيمة وامَلْهـــــا كلّ بيس ورعاع يدوج مثل السلايـــــــــق يحْسِبَه من حَسَبْهْ إنه يهرول لأجِلْهــــــــا ما درى انه من اللهثه خفيف الوسايـــــق وعند وقت اللكايد ما يوثَّق حِملْهــــــــــــا يا جديرٍ بمنح النصح شارف ووايـــــــــق دوك عين الصَقَر ميزان تدني حَجَلْهـــــــا جاش صدري حجال الغرب وسمة حقايق يعصر المر من قرحي ويمطر جِدَلْهـــــــا وما وعت عيني إلا عقب غرف الوهايـق وانكسر مطنب جفوني وخيَّم كسَلْهــــــــا ويثني الساق في دربي قليل الفوايــــــق ثم تظهر على روحي خوافي زعَلْهـــــــا وبرضي اهدا واحاول اثْقِفِك يالفهايـــــق وأعطي لكلّ حقٍ حق وأجزي عَمَلْهــــــا وأنشر حبال تفكيري بكلّ الطرايـــــــــق وآخذ لجعبتي من كلّ وادي عَسَلْهــــــــا من عِشم في الزمان يروح عمره بوايق وما ربح درهم ودينار يشفي غَلَلْهــــا إنتصف من متاع الوقت قبل العوايـق وإترك مِساوَل الدنيا ومتعة فَلَلْهــــــا الطمع خيَّب الهقوه وباح التهايــــــق وإنكسر فارس الغفلة وغادر بَطَلْهـــا هذه متواضعتي اتمنى ان تلامس خناصر قبولكم تحياتي سعيد بن منجية |
رد: ديوان قصائد لشعراء المملكة العربية السعودية (متجدد)☘️☘️
آخر زمن
آخر زمن يوم كان السدْو قايم وفيه الشيخ يآمــــــــر = يوم كان الشيخ شيخٍ وخدَّام القبيلــــــــه فيه طيب ودين والبيت للضيفان عامـــــــر = مقطعٍ للحَقّ والناس في بيته نزيلــــــــه والقلوب أصفى من الغيم لا جا منْه ماطــر = كلّ شي حيٍّ من الما وما من حيّ يجيلـه من تحَت ربِّي ومن تحْتها قوم وعشايـــــر = ترفع آكف الضراعه لربٍّ ترتجيلــــــــــه عُرْفَنا واحد ودولاب شيخ القوم سايـــــــر = خلفه الفرسان مطرق عصا ما فيه ميلـه صغيرنا ما ينطق ابداً ولا ياتي مطامـــــــر = يلزم إثمه لين يعْرِف وش الِّي هو يقيلـه وعودنا لا من نطق مثل حدّ السيف شاهر = يفصل المخطي ويجبر كسيرٍ عزِّتيلـــــــه وجا علانا حفنةٍ من ملا هَلْ المظاهــــــــر = يتبعون الموضه الِّي نتايجها قتيلـــــــــــه تقتل اخلاق الملا والعوايد والمشاعــــــــر = وتقتل أعراف البشر والكرامه والفضيلـه لين ما يبقى على الساحه آذان ومنابــــــر = ولا إحترام إلراعي الدين وإمام وفضيلــه صدق هذا آخر زمن, فيه تنشاف الكبايــر = كُنَّها إصغار, وسلوم العرب عادت فشيله صار مكيال الحياه ازداوجي, والمقامـــــر = فوق طاولْتْه يقايض على غدرٍ وحيلـــــه زمَّروا للغرب والغرب حطُّوهم مزامـــــــر = وقصدهم ياتو لعقر العوايد بالرذيلــــــــه ادنى ما يكشف عطيب النوايا والمجاهـــر = وما اسهل إنَّا ننكله ويعَرِف طعم النكيلـه واحدٍ منَّا عن الف إن دعت فينا الضمايـر = نشرق الغاوي بحلقه ونرديه النثيلــــــــه الادب ماهوب لعبة حواديت ومسامــــــــر = الادب دين وعوايد صناديقه قفيلـــــــــــه للّعِب وقتٍ وللجد وقت, ومن يكابـــــــــــر = فوق قول الحق, فالحق له ناسٍ كفيلــــه اصلح الله حال من زاغ قلبه والبصايـــــر = وعاد رشده لين ينهج معا نهج الجميلـه القضايا واجد وكم هنا مذنب وقاصـــــــر = جعلها تصفح من الله ولو كانت قليلـــــه الحيا شعبه وقلَّه يخلِّي الرَجْل بايــــــــــر = والكلام إن قلّ خِيره وما ودِّي نطيلــــــــه تحياتي القلبيه والقبليه سعيد بن منجية |
رد: ديوان قصائد لشعراء المملكة العربية السعودية (متجدد)☘️☘️
اسمنا شمران
(اسمنا شمران) قد عرفنا الخير والشر والمسلم مخيَّر = والثقة ما بين الاجواد ما يخطي عشَمْها والصله والمرجله والرفاقة ما تهيَّر = كنَّها ربع البوازل وماها في سنَمْها الشرف ميقاف ما يصرفه بنك ومسيَّر = تظهره سواعد الخيل واسبقها ودَمْها اسمنا شمران والدمّ فينا ما تغيَّر = جدّ من سابع جدود العرب ماهي عجَمْها ستة بدود العرب من مهابتنا تحيَّر = والسيوف الجرد والشلف والفزعة علَمْها حِنْ هل الشلفا هل الحرب والزير المزيَّر = من مخالبنا شبعنا وفالشارب دسَمْها يبطي الزالوب والذيخ والثور المديَّر = ينطح عصاة القبايل وفرحتها وألَمْها طيبنا من طيبة اجدادنا والعلم خيِّر = والرجال نِعزها والرخوم نسِدّ فَمْها لابتي من سبت شمران لا بيشة عميِّر = في حمانا الطير والغير يعني إنَّا حرَمْها الجنيب يجار قبل الكبار من الصغيِّر = والكبير يفيض من كفَّة العفو وكرَمْها مع خالص التحيات سعيد بن منجية |
رد: ديوان قصائد لشعراء المملكة العربية السعودية (متجدد)☘️☘️
ذيل الكلب
(ذيل الكلب) 1 يا عرب شريت كلب العام من سوق الكلاب = بوه ضبع, الخبت ما يسوى بدونه والسهَل 2 وهو واخوه وصرمته قربٍ يباريه الذباب = منفقع وتضيع من سرَّه قراهيد الزلل 3 وما يفيد النفخ فيه ولا يجَمِّل فالصعاب = كلب ما ينبح لضيف ولا لضان ولا لإبل 4 وما يصيد ولا يصاد ومخلبه مخلب غراب = وعين بوم وفرو عنز وقوّته قوَّة بغل 5 حتى من طوله وخشمه قلت ذيب إمن الذياب = قلت بشري خوَّة السرحان ما مثله شكل 6 ربه إيجمِّل مقامي قبل عدوان وصحاب = وافتخربه واعتزي به لا بدا خصم وزعل 7 يهيب فالميقاف كل ابلج يسمى بالحراب = ويطقّ خصمي فأول إمقابل ويلحقْه الفشل 8 واعتنز علاه مثل الضلع في كتف الهضاب = متكي وتقول شيخ اقوام كم صاح وفعل 9 يحتمي داره وربعه ما يفرِّط فالتراب = الي من عظمان جدانه من إعصور الجهَل 10 شيخ شيخ, العلم عنده لا بدا فصل الخطاب = ما يعَرْف الكيد لإنَّه حرّ من اصل وفصل 11 والجبل خلفه طوابير الجبال الي تهاب = من عددها إمة الثقلين في حل ورحل 12 وانا مع كثر التقدم والحضاره والكذاب = انسذج عقلي وصرت إتقول مثل الي خبل 13 صرت اصدق من يضحّكني وياتي بالعجاب = الي يعطي من حلاوة منطقه حلو وعسل 14 لين شفت الكلب ذيب الحكم لله والحساب = وبوي قد قال انتبه يابوك من روغ الثعَل 15 من بعيد اتشوفه انَّه ذيب وإليا جا زلاب = يموت فيدينك والى رحت اعتثا فيك الحيَل 16 فقلت ذيله ذيل ذيب وهدّته هدَّة عقاب = فقال ذيل الكلب مطوي هو هو ماينعدل 17 وهدّته يبغى عظيم, الكلب عراش الهباب = فيا ولِدِي هذا كلام الي غدا عود وكهل 18 فقمت اونّ الونَّه الي تتعب القلب المصاب = من وهن حيلي يا كيف الكلب يضحك بالجمل 19 يقول لك مخلابي وعطني سنامك والزهاب = فإنكسر مخلابه إمن أول مهمَّه لي وإنسحل 20 وهو روى وإبخير دام إيهلّ من فوقه سحاب = والجمل لا طاح طاح, إهتز من تحته جبل 21 تاتي إعلومه مع الي ويش خلَّف من خراب = إما مع عذرا هي اخت القاف ذيه الي بـ إل 22 فبعدها انشد يا ولد هل التجارب والجواب = عن دروب العرف والقاله وما طال ونزل 23 فإنّهم يعطوك رد السالفه حق وصواب = والشلي يدرا جنابه قبل ما يبدا قبل 24 فلا تهب رجلك على دربٍ بلا جره وباب = ولا تحطّ ايدك على ثم الدويب وفي دحل 25 واخر المعنى صويب القلب بالقيفان طاب = عقب ماشبلان ذاك اعطبت ذيله وانخذل سعيد بن منجية |
رد: ديوان قصائد لشعراء المملكة العربية السعودية (متجدد)☘️☘️
حوالة والعوامر والمنتشر
حوالة والعوامر والمنتشر حنَّا لِيا جينا لذِكر المطاليق الزحول نذكر حوالة والعوامر مصابيح الظلام قومٍ على الشدَّة تربَّت وكلمتها فعول ما خيّبت هقوا القبايل على مَرّ العوام أسبق من الخيل الأصايل لِيا دِقَّت طبول وأمنع من حصون الحرايب لطلاَّب السلام قيف العصاة إليا بِدا فاللّوازم حن نقول هم قالةٍ مع قيف شمران لا زاد الكلام ربع ورفاقة وأبنا عمّ وروابط ما تزول دوامرٍ تلهد كبود الحقايد بالحسام تارد حياض الموت وورودها وِرد الفحول ويغصّ بحلوقة قبيل الحوالي فالخصام كم شرّقت هيلا الحناجر وطقّتهم فلول في يوم عيَّا ساهر ألاَّ يمسِّيها صرام هازت سنام العزّ وإليا بغت غيره تطول يا بخت من كانت قبايلْه من هاز السنام قومٍ عمى عين العدو في مواقفها تهول وحِنَّا ذرى الزابن لِيا جا قَعَدْ وإحْنا قيام قيف العوامر قيفنا والحوالي ما يحول ماضي وحاضر من درَج عن حقايقها يضام والمنتشر قومٍ ونعم المنابت والأصول ما غرّبت عنَّا ولا جا على ماهم زحام مدقالهم معْنَا وحنَّا معاهم فالدقول ما نختلف لو تختلف باقي الناس النظام ومن رام في زرع الفتن جعل عمره مايطول قُلته عن اولاد العناصي وانا آخرهم مقام هذا هجوسي طاب من عقب ما طال الوصول والحمدلله يوم جا جيت فكِّيت الصيام قلت الصلاة أبْدا واشدّ الجِمَل قبل الخيول ثم أعمِد الحكمة واسوِّي فرايدها لجام أبديت حب ربوعنا والحلايف والحمول واشوف عزّ الرجل في غير هذي ما يرام واخيرها صلاة ربي على الهادي الرسول عداد من صلاَّ ومن طاف بالبيت الحرام سعيد بن منجية |
رد: ديوان قصائد لشعراء المملكة العربية السعودية (متجدد)☘️☘️
الطلاقة
الطلاقة يرحم الله بطنٍ اضنا مطلقٍ قد اللوازم = حُرّ ما يسمح تبيح السالفه واطْلَبَك جابه يعرف المغزى بعينك قبل تلغيه البلاعم = والشلي يرفع مقامه ما يقلِّل في جنابه ينجز المطلب كذا من بعد ما جتْه العلايم = ما طلبته كيف لا مني طلبته في طلابه المواقف تظهر الحر الندواي فالمواسم = ما يهد الا على كايد عِجِز عنها عقابه ثم يغيب ويظهر إليا جابِتَه صيد الحوايم = يحتصيها في مخاليبه وتمْكنْها قضابه والحديَّا من وانا ناشي على الجيفه تلايم = كل يوم اشوفها تنْعق على قشع وخرابه مشيها تنقز تقول إضبيع وكراعه معاسم = ولا بغت تنفر تدهشر بين ربحان وكلابه وريحها يفقع نخاعك كأنها كومة قمايم = والله إنه فرق بين الحر ذا شكله مهابه وبين حديا وبوم وغرابٍ فصايلها رخايم = قوتها الفضله وجيف البر يكفيها هبابه المواقف ما يفوز إبها الا صملين العزايم = تاتي قدر إعزومهم كنْها ضلاعين وهضابه تكَبِّر المنكف وسبَّح لا تسندها المسالم = الطلاقه في وجيه اهل الطلاقه والرحابه وجيههم تبشر بخير ولا لِحِقْ فيهم قسايم = ما تخاف وما تخوِّف روسها كنْها حرابه في يديك إمهابةٍ وإليا دعا الداعي تقادم = تحتمي من خلف وتفجّ الهويِّن في كرابه الحياه امزوح وضحوكٍ ويخلطها هلايم = وفي بعَض الاوقات تبغا جِدّ ما فيها دعابه يعني لا صحنا نبي فزعه نبي فزعة الاوادم = فاللزوم إتسد لو ما حن بصدقان وقرابه الشيم فالطيبين اقوى من إعروق المحارم = الصديق إحرص علاه اكثرمن اخوان العصابه خص ذرب الحال فزاع المحيا والمهاجم = راس حربه فأول الفيلق عقيدٍ يعتزابه التجارب خير من دكتور في علاجه مياسم = تكفلك قبل الخطا ما ياتي وتونس عذابه سعيد بن منجية |
رد: ديوان قصائد لشعراء المملكة العربية السعودية (متجدد)☘️☘️
النشاما
لا بدَت حزَّة هل الفزعة نجايب = لو ماهي بيدي صرَفت إلْها يدانا مثل بو نايف ليا جات الصعايب = العصا اللِّي فاللّوازم ماتْعَصانا سيف شمران العناصي فالحرايب = مثل بن طالب علي فوق الحصانا يقصب الغاوي كما قصب الجلايب = حي بو نايف من إخشوم العيانا ماهوب التالي مجار إمن العقايب = ما نِعَمْد الاَّ على روس المجانا ما حَدٍ يجهل جنابه فالعرايب = يكفي إن صيته جذب حتَّى عِدانا يفزع إليا من دعَت فيه الطلايب = كنَّها حاجَتْه يسرع ما توانا وما حَدِ ينسا الرشيدي فالوجايب = نار من فوق العلَم زبن الزبانا ينجز الغايه ولا يحسب حسايب = ينطل الغتره وكنْه اللِّي مدانا خاسرٍ روحه على دفع النشايب = في وجيه الناس ما يرضى الهوانا وابو سلمان إن حكينا فالعجايب = نقعد إنحاكي ولا غلَّق حكانا وقفته فينا عن اصحاب وقرايب = حن توالمنا ولا خيَّب دعانا طيِّب المعدن وحظَّه ما يخايب = يوم بعض الناس ما ساعد وعانا يعشقه من ربعنا غمرٍ وشايب= حِن نِعَرْف الحُر من شكل الهدانا حي ربعي حي ربعي فالنوايب = تاج روس الناس من ماضي الزمانا صِح بِهِم ياتون فالحال وزهايب = علمهم غانم وفي الماقف يبانا دام فيهم ذول يذهب كل عايب = غطُو فوق اهل العذارب والضغانا وإن بدا زلَّه من إصديق وحبايب = فالرياجيل النشاما هي عزانا بادري الجانب كما لو كان غايب = والعرب ما تشْره إليا من هجانا مثل ذود البل ليا كانت نجايب = دايمٍ تلقى غواربها سمانا ما يضُر إليا توالتها الهبايب = راسيه مثل الجبال اللِّي رسانا وإبن منجيَّه ومعروف الصلايب = يعشق الذربين وعفاهم عفانا سعيد بن منجية |
رد: ديوان قصائد لشعراء المملكة العربية السعودية (متجدد)☘️☘️
إبن عوَّاض
اتشرف ان اقدم هذي القصيدة المتواضعه والقصيرة في المستشار في ادارة تعليم بيشة الاستاذ الشهم ابراهيم بن عواض العامري الشمراني ومن لا يشكر الناس لا يشكر الله اترككم مع القصيدة والمعذرة على قصورها ان تطال قامة الكبار علّقوا الراية البيضا على رجم عالي = لإبن عوَّاض مدهال العرب والنشاما سيف شابي يقص العظم لا جا مجالي = في يِدَك حوم به لا جا لزوم ولزاما يقصر الطايل ويطْوِل قصار الحبالي = فاللّزوم إيخَدِمْك إليا سِمَع بالعلاما يرتبع مثل فحْل الذود بين الجمالي = يتبع الحيل من غادي مابين الزحاما يطرح الكايده فوق الصفا والرمالي = ما به إركود كنْه الموج صفْق ولطاما ولا ركَد فُلْك راسي له على جنب جالي = له قبال الخلايق هيبةٍ وإحتراما مستشار وأمين اللِّي يجيله يسالي = يضرب إيده على صدره بليَّا كلاما يفعل اللِّي عجَز عنها كبار الرجالي = شيمته كبرها تتعب كبار الزلاما هي تحرِّك عظامه حتى لو هو محالي = شيمته تعزمه خلَّت وعوده لزاما تجْرَة الطيب يتقنها وهي راس مالي = يكسب الناس ما فكَّر بكسب الهداما ذول هم تاج فوق الراس مثل العقالي = أفتخر به واطاري به في حرب وسلاما إبن عوَّاض من عامر عِرَاب السلالي = الدواخا حما وادي النضَر بالقداما محرقين الضعافا في بيوت العوالي = فالتهم والسراة إعصابةٍ ما تراما لبسهم جوخ والرِّبْعه علاها الدلالي = قوم شمران شمران العصاه العصاما نحرص إليا كسبنا واحدٍ ما يزالي = يتبع الاولين إبطيبهم والجهاما نكسبه ما نخلِّي خوّته فالخوالي = نطربه مثل ماطربنا وحنَّا حزاما فاللّقا لا بغاني أنطح اللّي بدالي = قبله وخلفه اتحدَّى قبيل وقواما أنا فرِّيس لا جا للمبارَز قبالي = عزوتي تكسره قبل اقصبه بالحساما وآتعنجه فخَر ربعي زبان الدخالي = حِنَّا شمران فالماضي وذالحين ياما قد كسبنا نواميس الشرف والسجالي = والعوارف مقاطع حق طول العواما توصِل العلم للشيبان حتى العيالي = وغمرنا ينطرب ويشوش لا من تناما لين يجبر ويكبر فيه حب القتالي = في سبيل الشرف ما قد عرف لإنهزاما سعيد بن منجية |
| الساعة الآن 03:50 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية