رد: فوق هام السحب ( الشعر الشعبي) على متن القوافي
 

‏انشهد اول الحب نظرة إعجاب
و تسجيل موقف بين بوحك و بوحه

و أن شفت نفسك مرتبك كل ماغاب
اعرف تراك اشتقت و أدمنت روحه

......

رد: فوق هام السحب ( الشعر الشعبي) على متن القوافي
 

‏الله على وقت ٍ نحبه ونغليه
لاجيت أسولف ذكرياته كثيره

أحن له من صادق القلب وأبكيه
وشلون ما أبكي والخساره كبيره

......

رد: فوق هام السحب ( الشعر الشعبي) على متن القوافي
 

حزن المشاعر والقصيد أن كتبته
بالضيق مال الصبر قيمه وبرهان

مايحتمل قلبي من البوح صمته
ولا هو يخفف من عنا هم الأحزان

واللي من الدنيا بكيت وفقدته
معاد يرجع لي على كثر الاشجان

......

رد: فوق هام السحب ( الشعر الشعبي) على متن القوافي
 

بنت الشيوخ اللي يفكون الأنشاب
خل الغلا والحب تبقى على جنب

تكتب شعر تلفت نظر تحرق أعصاب
والذنب ذنب الشعر هي مالها ذنب

......

رد: فوق هام السحب ( الشعر الشعبي) على متن القوافي
 

يا طير ياللي بالفضا عيشتك غير
وش حيلة اللي ضايق البال قلي

ياليت لي مثلك جناحين و اطير
واشوف من هو بالغلا فاطنن لي

......

رد: فوق هام السحب ( الشعر الشعبي) على متن القوافي
 

لو نجـازي كـل غلطـه بالزعل
ما بقى معنا من الرفقه رفيق

مير نتجاهل عن المخطي لعل
يـدرك الغالـي ويرجع للطريق

......

رد: فوق هام السحب ( الشعر الشعبي) على متن القوافي
 

راسي عنيد ولا كل شي يرضيني
طبعي مكابر وكايد واعترف قاسي

من صد ماني بقايل لا تخليني
حتى لو إنه يساوي نسمة أنفاسي

......

رد: فوق هام السحب ( الشعر الشعبي) على متن القوافي
 

قالت ...
هـاك الحـروف وامسك الجوال طوالي
واعـزف جـزال الكلام بصوت مـوالـك

واستـقبل البـوح من شـاشات جـوالي
واكـتب من الـشـعر ما يخطر علي بـالـك

قلت ...
كتبت ف الشعر مايطرى على بالي
وعزفت اجمل حروفي لك ولمثالك

والبوح بوح المشاعر والذهب غالي
وانا قصيدي ذهب يابنت يهنالك

رد: فوق هام السحب ( الشعر الشعبي) على متن القوافي
 

رفّ الهدب وإنحنى راس القصيد وطمن ْ
وجتني حَوَرها مدار ووجنتيها سنا

بنتٍ تزيد القلايد في نحرها ثمن ْ
وشلون ترخص ملامح وجهها للعنا؟

كانت بعيد أمنياتي لين قالت تمن ْ
وتقرّب الحلم من كفّ السنين ودنا

قلت أصبري لين أخلّد طلّتك بالزمن ْ
وجهك خِلق للقصايد ماخِلق للفنا

.....

رد: فوق هام السحب ( الشعر الشعبي) على متن القوافي
 

‏ماقلت لك عمر سيف العشق مايقتلك
‏ماتشوفني حي قدامك وانا اموت فيك

‏اشتقت لك قبل اجيك وجيت واشتقتلك
‏البارحه طول ليلي بين هذي وذيك

‏مليت جمر انتظارك واستحيت اسالك
‏وحسبتني مابعد جيتك وفكرت اجيك

‏اثرك بقلبي من البارح وانا استعجلك
‏واثري نسيتك من الفرحه وقمت احتريك

......