رد: فوق هام السحب ( الشعر الشعبي) على متن القوافي
 

‏اصد بكرامه لكن انساك لا بالله
‏وخذتني الحياه اللي كثيره معابرها

‏لكن بنصحك مني نصيحة لوجه الله
‏لا تنكر مواثيق الغلا وأنت خابرها

......

رد: فوق هام السحب ( الشعر الشعبي) على متن القوافي
 

عيش يومك لا بدى صبحه و غنا طيره
و جدد أحلامك و غلفها بصبر و دعوه

و ظن في حاضرك دايم كل خير و خيره
للتفاؤل طعم حتى لو تخيب الهقوه

......

رد: فوق هام السحب ( الشعر الشعبي) على متن القوافي
 

يا الله بصبحٍ فيه رحمة وتوفيق
‏من عند ربٍ مَـا انقفل يوم بابه

‏صبح السعة مافيه همٍ ولا ضيق
‏فيه البشاير ودعوةٍ مُستجابه


بقلمي

رد: فوق هام السحب ( الشعر الشعبي) على متن القوافي
 

سوْ ما ودّك حبيبي لا يهمّك
من يشوفك حلم ما ودّه يفيقك

ما حسدت إلاّ عيون أبيك وأمّك
والتراب اللي وطيته في طريقك

ألثمك من واهج اللهفة وأشمّك
أنت ما أحلى من شهدْكْ إلاّ رحيقك

الدفى ما يجهله صدر يضمّك
و الظماء ما يعرفه من ذاق ريقك

......

رد: فوق هام السحب ( الشعر الشعبي) على متن القوافي
 

كل ما سجيت جابت طاريك الهبوب
لاسلى قلبي من الحزن وعيوني بعد

جعل ماجاني من الحزن كفارة ذنوب
وياجعل ربي يبشرني يوم بالسعد

......

رد: فوق هام السحب ( الشعر الشعبي) على متن القوافي
 

ماهو ضروري كل حاجه لها اسباب
مرات تكره شيء من دون سبه

والصمت ماعمره فتح للغلا باب
اللي تحبه قله انك تـحـبـه

......

رد: فوق هام السحب ( الشعر الشعبي) على متن القوافي
 

عيونك ليا هام البصر في حورها تاه
نواعس تقول إنها من الخمر مسقيّة

لك الحق تِدْلّل وقلبك عليّ رْضاه
عليك الدلال وللجمال الأحقيّة

......

رد: فوق هام السحب ( الشعر الشعبي) على متن القوافي
 

انا ادري لو يطاول يقيني مكانة لوّ
ابموت ما عاون رشا الذاكرة دلوَه

يقول الزمان اضحك و انا اقول هذا هوّ
ايساوم احلامي على الكيل و الملوَه

تركته يخآيل دمع عيني مخآيل نوّ
و تخلويت و علاج المعيفين فـ الخلوَه

بعد قال عقلي عش حياتك و عمرك توّ
الايام مهما درهمت للفقر حلوَه

......

رد: فوق هام السحب ( الشعر الشعبي) على متن القوافي
 

‏جعلني ما أندم على شي تركته
‏والله يجعلها مع الأيام خيره

‏وجعلني لا تبت عن شي وخسرته
‏يرزق الله خاطري في شي غيره

......

رد: فوق هام السحب ( الشعر الشعبي) على متن القوافي
 

‏كتبت لي جملة على شاطيئ الشوق
وعبرت فيها عن مضامين شوقي

يوم احتضنها موج الانظار عن ذوق
واستلهمت احساس فكري وذوقي

اخذت لي مع سجة البال طاروق
وغنيت لحن استاحشت به عروقي

......