|
رد: ديوان قصائد لشعراء المملكة العربية السعودية (متجدد)☘️☘️
أســوار و أقــدار
بسم الله الرحمن الرحيم ( أسوار وأقدار ) هذه القصيدة من الأرشيف وجدتها بين أوراقي المتناثرة ، بعد إن كدت أنساها ، وأحببت أن أطرحها بين أيديكم ، قبل أن تتطاير في عالم النسيان ، علها تنال شيئا من إعجابكم ، متعبة تنوء بالحمل الشديد ، حالمة بإرضاء أذواقكم الرفيعه . الـكـيـف مـن صـبـابـة الـكـيـف والـنـار مــن شـــبـابـة الــنــار هـذي حـقـيـقـه دون تــزيــيــف دارت بــراسـي والـــزمــن دار يــوم أذكــر دروب الــمـواليف الـشـايـكـه فـي كــل الأقـــطــار الـي شـكـى جـور الـتـكــالـيـف والـي عـلى بـــلـــواه صـــبـــار وأنـا مـن أول قـلـبـي الــريــف مـــربـع وكــلــه ورد وأزهـــار والـيـوم يـاشـيـن الـتـواصـيـف إن كـان الأخـضـر عـوّد قــفـار ذكــرت خــلي بـأول الـصــيــف وإسـتـرسـلت في ناري أمـطـار ذكـراه مثل الـجـمـر والـسـيـف جـمـر ٍ حـمَـر والـسـيـف بــتــار أقـــبــل وقـفـى كـنـه الـطــيــف كــنَ الــحـكـايـه لـــيــل ونـهـار كنت أحسبه حاتم وأنا الضـيف إلـيـن شـــحَ وبالـوصِــــل بـــار يـمكن سـبـق شعـري سواليف عــــذالـــنـا وأســـوار وأقـــدار والـيـوم قـلـبـي يـنـزف نـزيــف والي بــقـى ما غــيـــر تــذكــار جـرحـي ومـا لـلـجـرح تعـريـف نـبـض الحــروف ودمَ الأشـعـار حـتى قـصـيـدي قـال يـا حــــيـف وتـزاحـمـت فـي راسـي أفــكــار تـعـزف عـلـى كـسـر المجاديـف وتـقــول لي مــن بـيـن الأســرار الـكـيـف مـن صـبـابـة الـــكـيــف والــنـار مـن شـبـــابــة الــنــار ! أخوكم عبدالله علي الشمراني |
رد: ديوان قصائد لشعراء المملكة العربية السعودية (متجدد)☘️☘️
مـحـمـد بـن ظـافـر ( جــديــد )
بسم الله الرحمن الرحيم أرسلت قبل أيام أربعة أبيات للشاعر الكبير / محمد بن ظافر ، بعد أن حاولت الإتصال به ، ولم أستطع لإنشغاله آنذاك كما إتضح لي فيما بعد ، والأبيات هي : أنا اقدرك إنسان قبل أعشقك شاعر ونفسي على ما يحكم القلب منصاعه ولا آزايد بقدر المعزه يبن ظافر ولا نيب من خلاّ محبتك شماعه فنا بلتمس عذرك وأنا خابرك عاذر على الشعر والإزعاج والسمع والطاعه لمحت البروق وقلت يالله في الماطر بعد ما تجافى الزرع فينا وزراعه ــــــــــــــــــــــــــــــــــــــــــــــــــ ــــــــــــــــــ رد محمد بن ظافر : أحب الوفا والطيب والمنطق الآسر وأحيي الطموح إن شد صاريه وشراعه وأثني على نفح الشذا العابق العاطر وأقدر شموخ يسند الشمس بذراعه ومن لا يماري بالمطاليق ويفاخر ويستقبل المبدع ويشهد على ابداعه عليه الهبا لا عاش ماضي ولا حاضر وعميت عيون ما ترى أبعد من الساعه نعم قلّت الرغبه ولا عاد لي خاطر بكيفي هجرت القصر وأغلقت مصراعه ولو ماسحرت القلب باسلوبك الساحر ما جتني فلول الشعر عجله وفزاعه ياعبدالله اسلم للغد الباسم الزاهر وقدامك الميدان والشعر بانواعه تهل المزون ويفرح المجدب الغابر وكل يفكر في مصيفه ومرباعه ــــــــــــــــــــــــــــــــــــــــــــــــــ ــــــــــــــــــــــــــــــــ |
رد: ديوان قصائد لشعراء المملكة العربية السعودية (متجدد)☘️☘️
رســالــة عـــطـــر
بسم الله الرحمن الرحيم ذكـرتـني رسالة عـطـرك الي مـضى لي لـيـتـنـي ما ذكـرت ولا فـهـمت الرساله أثـر حـبـك بـقـلـبي ما مـحـتـه الـلـيالـي وأثـر حـبي بـقـلـبـك تـاجه وراس مـاله وأثـر مفعـول صوتـك والـحـلا لا يـزالي الحـلا الي بحـرف إسمي وحرفـك قـباله الـلـه أكـبـر تصيب سـهـومك أول وتالي لـو بـغيت النجوم تصـيـبهـا لا مــحـالـه غصت في بحر هجرك لين عز الوصالي والهجر يا حسين الطرف صعب إحتماله كنت أسامح ذنوب العـذر يوم أنت غالي ينسي العـشـق ذنب الخـل ساعة وصاله قـلـت خيره لو إن الـقـلب ماهوب سالي مـــن خـذا لـه بدالي لازم آخـــذ بــدالــه لـيـن جـتـني رسالة عـطرك وحال حالي لـيـتـني ما ذكـرت ولا فـهـمـت الـرسـاله عبدالله علي الشمراني |
رد: ديوان قصائد لشعراء المملكة العربية السعودية (متجدد)☘️☘️
كـلـمـة ( أحـبـك )
بسم الله الرحمن الرحيم ( كـلـمـة أحـبـك ) أحيان أقول اش سر كلمة ( أحبك ) ماهي مجرد كلمه من أربع حروف ! ان قـلـتـهـا لك فـزّ بالـحـب قـلـبـك وانا بعد شفق(ن) عليها ومـلهوف واحسّها من قبل اظـمـك تـظـمـك ويغدي لها قلبك مثل ناعم الصوف مـا مـثـلـهـا تـعـبـيـر عـنـي وعـنّـك رشفه تسلينا عن الوصل والشوف تـفـرق عن انواع الكلام الـمـحـبّـك وتفرّغ اشواق ومشاعر من الجوف تفرق عن الـغـيـره وحب الـتـمـلّـك وتعيش دايم بين الاشواق والخوف ياليت باعلى صوت أصرخ ( أحبك ) ماهـي مـجـرد كلمه من اربـع حـروف عبدالله علي الشمراني |
رد: ديوان قصائد لشعراء المملكة العربية السعودية (متجدد)☘️☘️
ذكرى من الياس
بسم الله الرحمن الرحيم ( ذكرى من الياس ) صـحـيـح مـنـتـي في حياتي وحــيــده لــكــن وجـودك غير عن باقي الـنـاس ما غــيـرك أكتب له بدمـعـي قـصـيـده وأضمى لشوفه كـل ما هـب نـسناس الــوقــت يـتـبـنـى هـــــواك ويـــزيــده ويـبـدد آمـالـي بــذكــرى مـن الـيـاس مـثـل الـذي يـجـري شـقـاه بــوريــده وإن زاد همه يـلـحـق الكاس بالـكـاس حـبـك فـريـد وفي جـمـالـك فـــريــده والصدق يرسم صورتك بأجمل لـبـاس وأما الـخـجل يوشي بساعي بــريـده لأحمر وجهك وإرتمى فيه الإحـساس وعـيـونـك الي حـقـقـت مـا تـــريــده رغم إنها تقضي العمر نـوم ونــعــاس حـاولـت أصـحـيـهـا بــحـلـه جــديـده وأقـلـدك عقد(ن) من اللول والـمـاس حـتـى لـو إنك في حـيـاتك سعـيـده إن دق وإن ما دق في قـلـبـي أجـراس مـا غـيـرك أكـتـب له بدمعي قـصـيده وأضمى لشوفه كل ما هب نسناس صـحـيـح مـنـتـي في حـياتي وحيده لـكن وجودك غير عن بـاقـي الـنـاس عبدالله علي الشمراني |
رد: ديوان قصائد لشعراء المملكة العربية السعودية (متجدد)☘️☘️
أرواك وأضمى
بسم الله الرحمن الرحيم ( أرواك وأضمى ) أوقات الحس الحزن شي ما يسمى واحسّه اسم ٍ لي ويعنيني أوقات يمه ياروح انسان في صورة الما يا نبض قلبي والفرح والمسرات يالي تشع النور في كل ظلما وتصوغ من خلف الجروح ابتسامات ما كن قلبك موطن لكل هما وما كن حزن الكون يعنيك بالذات خوفي عليك اكبر من اجا وسلمى وخوفك علي كنه جبال السراوات أدعي لك الله كل ما أرواك وأضمى وأسلي أوجاعك بكلمة سلامات عبدالله علي الشمراني |
رد: ديوان قصائد لشعراء المملكة العربية السعودية (متجدد)☘️☘️
Photobucket
عبدالله علي الشمراني is on a distinguished road لـيـلـتـي بسم الله الرحمن الرحيم ( نادرا ما أكتب بالفصيح ، لذلك أستبيحكم العذر مسبقا عن القصور ) ( ليلتي ) ليلتي عذرا وعفوا عن ضياعي أفنت الريح شراعي لم أرد وأدك ظلما بين آلاف الليالي خلتها تقوى على الريح ذراعي ليلتي كنتي ولا زلتي جميلة ليلة عن ألف ليلة ليلة بالحب حبلى ليلة بالشوق ثكلى حلوها عجل وبالمر طويلة ليلة بالدمع والآهات تبلى رغم هذا ليلتي كنتي ولا زلتي جميلة ليلة عن ألف ليلة ليلتي عذرا وعفوا لم أرد عطفا وإحسانا وجبرا للخواطر رمت حبا زاهي العمر فتيا رمت حبا يملؤ الدنيا دويا ساميا يسمو به صدق المشاعر أو أسافر ليلتي عذرا وعفوا إن عذرتيني وإلا فأسأليها إسألي معسولة الحرف إسأليها ما تبقى من حياتي ؟ ولتجب : حلما أضحى فتات وحطام ورفات وحياة كل ما فيها شتات حينها عذرا وعفوا عن ضياعي أفنت الريح شراعي لم أرد وأدك ظلما بين آلاف الليالي خلتها تقوى على الريح ذراعي عبدالله علي الشمراني |
رد: ديوان قصائد لشعراء المملكة العربية السعودية (متجدد)☘️☘️
قصيدة ( مسيرة ) قيلت عند غامد
بسم الله الرحمن الرحيم هذه القصيدة ألقيتها في حفل زواج أحد الأصدقاء ، وذلك في يوم الجمعة الموافق 28 / 6 / 1431هـ في مدينة جدة . ( البدع ) : أول القول ذكر الله وسبحانه عظيم الجلال أحمده وأشكره وآساله التوفيق في كل علما ثم أصلي على طـه النبي المصطفى الهاشمي يا سلامي على آل مسلم الي يكسبون الجمايل * واعلى داعية غامد عموم يعم تسليمنا واعلى من حضر في موقف الآجواد من كل ديرة من قريب الديار وفيتها والبدو والحاضرين وألف مبروك يا عبدالمجيد ودمت في ستر دايم باسم خوياك أقوله والزمالة كلفتني بها والشيم والقيم والمرجلة والطيب حاضر وماضي غامد رجالها في وقتنا الحاضر وماضي سنين ماهو بس البشر تشهد لهم حتى رموز الطبيعة توفي المدح لأهل المكرمات وتعتبر شاهدة شمسها والقمر تشهد وتتفاخر بشيمات غامد والجبال النوايف تعترف بالمجد للغامدي والـكـواكـب تـقـول الـمـرجـلـة صـبـيـان غـامـد لـهـا ( الرد ) : يالله إنك توفقنا على آلامر العظيم الجلال وإن توفق على علم الشريعة كل طلاب علما فإن طلاب علم الخير مثل البارع الهاشمي لا وردنا بسوق المعرفة ما ياجي الهرج مايل وإن شرينا وبعنا وافي ٍ في السوق تسليمنا أبدع الجزل لا نادت هواجيسه ولا آكلّ أديره لا دعنا كريم الوجه قلنا يبشر وحاضرين البوازل تزوع الهدر لو كان الحمِـل ست ردايم والسباع العوادي في الفرايس كلفت نيبها والشعر في يد الشاعر مثيل السيف حاضر وماضي والعرب تعتزي بالسيف لأن السيف ماضي سنين صيرمـيٍّ تثنى له جزال المعرفة بالطبيعة شاهد السيف الأملح يا وسيع المعرفة شاهده والسيوف البريعة بعضها غامد وشي ما تغامد ما جهلنا السيوف البادية والسيف ذا غامدي والــكــفــو مـثـل نـوٍّ كـل مـا بـيّـن وغــام إدلــهــا * ملاحضة : ال مسلم المعنيين في القصيدة ؛ أحد قبائل العبيدات من غامد . عبدالله علي الشمراني |
رد: ديوان قصائد لشعراء المملكة العربية السعودية (متجدد)☘️☘️
معك بالأمانه بيت الأشواق لا ينهد
بسم الله الرحمن الرحيم عندما كنت أقرأ في منتدى الخواطر في شبكة ومنتديات البشائر نت ، إستوقفني ردّ أحد الأعضاء الكرام ، حيث ذكر فيه بيت شعري من أجمل وأبلغ ما قرأت وسمعت من الشعر ، فبدأت بمجاراته بأبيات متواضعة ، ظنا مني أن هذا البيت للعضو ، وبعد أن إنتهيت من القصيدة ، علمت من مدير الشبكة الأخ العزيز / سعد عبدالرحمن الشمراني ، أن هذا البيت للشاعر الكبير / محمد بن ظافر الشمراني وإنه ظمن قصيدة متكاملة ، ولو علمت بذلك من البداية ، لما أضفت حرفا ً واحدا ً ، إحتراما لأبو سامي وكيانه الشعري الشامخ . أترككم مع الأبيات : بيت أبو سامي : - (( معك بالأمانه بيت الأشواق لا ينهد $$ يعود خراب وتالي الوقت ينهالي )) سـلامـي سـلام(ن) يـحـمـل أشواقنا والـود $$ سـلام(ن) يـغـار النحل من شهـده الحالي عـلى الـي لـيـا مـنّـه ورد وإرتـكـى لـلـعــد $$ صـدر بـالـقــراح الـّي من الـقـلب ينقالي وإلا صـار مـا بـيـن الـمـطـالـيـق بــدع ورد $$ تـجـمـل ومـن طـبع الــرجال الــتـجـمالي وأنـا واثـــق إنـه مـن نـشـاما وطـيـب جــد $$ ولــو مــا عــرفــتــه طـيـب الـجـد يبدالي ترى البيت عالمجروح سيف(ن) سنين الحد $$ ومـن قـوّتـه قـامـت هـجـوسـي تـهـيالي تـذكــرت باسـبابـه مــواري نـحـيـل القـد $$ بـعَـد ما غدى محسوب من ظمن الأطلالي جـمـيـل الـوصايـف في الغـنادير ما له ند $$ شريف(ن) ودونه روس الأعيان تـنـشالي غـريـر(ن) مـدلـل صادق(ن) ما يبيح السد $$ وجـودي عـلى مــثـلـه ولا يا بـري حـالي صفات الحسن وأجمل سجاياه ما تـنـعـدّ $$ وتعـجز عـن الـتـوصيف جـزلات الأمـثالي تـوجّــدت مـن كود الـمـفـارق وسال الخد $$ ومـلـّي يـلـوم الـخــدّ لــو صـار ســيـالــي مـدام القـدر دونــه وقــف مـثـل حايط صد $$ فنا راضي بالـّـلي إنتكتب لي من الـوالي وتـمّـت وصلى الـلـه وسـلّـم عـلى مـحـمـد $$ عـدد ما تـهـل الـمـعـصـره وبـل هـــمالي أخوكم / عبدالله الشمراني عبدالله علي الشمراني |
رد: ديوان قصائد لشعراء المملكة العربية السعودية (متجدد)☘️☘️
غـربـة الـعـمـر
( غربة العمر ) أبيات متواضعة من الارشيف ؛ أتمنى أن تنال إعجابكم : ياغربة العمر فيني يانظر عيني ياقصة أحزاني أولها وتاليها يالموعد الي تماري به عناوني وإما لقيته تهل العين مافيها أنصفتي الناس لاكنك ظلمتيني والظلم ظلمك لنفسك يوم بعتيها بعتي حياتك على الشاري وبعتيني بعتي حياتي بحاضرها وماضيها قصايدي فيك من بعدك تعزيني والي خطر في هوى نفسي يعزيها بالي خذت بالوفا ماتملك إيديني وأعطتني من الجفا ماتملك إيديها جارت علي من بعد ماجارت سنيني والله لأمحي سنين الجور وأمحيها أما على الموت والغربه تواسيني وألا على الغدر والحرمان أواسيها عبدالله علي الشمراني |
رد: ديوان قصائد لشعراء المملكة العربية السعودية (متجدد)☘️☘️
الـغـادة
( الغاده ) حبيبتي وانتي مواعيد الفرح واعياده وافراح عمري والهنا في دنيتي واعيادي يعود عيدك كل عام ويكتمل ميعاده وانا بقربك ياحياتي يكتمل ميعادي الزين لو في سيداته وآنساته ساده انتي بزينك يالغلا متسيده الاسيادي انتي الحلا والزين كله والغلا والغاده من المحيط الأطلسي لين المحيط الهادي يعني لآخر يوم شوقي والجنون زياده يعني مشاعر ثايره واحساس ماهو عادي يانبض قلب وروح عشق وحب فوق العاده ياطيبي ويامسكي وياعنبري والكادي عبدالله علي الشمراني |
رد: ديوان قصائد لشعراء المملكة العربية السعودية (متجدد)☘️☘️
أوهـام
بسم الله الرحمن الرحيم ( أوهـام ) أوهام وأشباه حب وبعض اساطير وأحلام ماتنتهي بيني وبينك يوم ان شجرة سنيني والاعاصير قصة صراع ولسان الحال وينك وانتي وباقة ورودك والعصافير ألحان تصدح بها شجرة سنينك وش لون نمت وصحيت وكل شي غير وانا يديني تعانقها يدينك ابرجع لطول حزني والمشاوير واقبل ايديك وآقبل جبينك الله على شرك ايجازيك بالخير والله على قلبك القاسي يعينك عبدالله علي الشمراني |
رد: ديوان قصائد لشعراء المملكة العربية السعودية (متجدد)☘️☘️
الضمير الحي
بسم الله الرحمن الرحيم ( الضمير الحي ) السحاب الي ذخرته من سنين حــن رعـاده وبـراقـه بــرق يالضمير الحي بين الميتين ويالمصير الي تجمع وافترق في سنا نورك ونيران الحنين إحترق قلبي وحبري والورق واليدين الي تعانقها اليدين كل ما بيدينها قلب إحترق شفت بعيونك مظاليم وأنين وأشعلت فيني مواعيد الأرق شفت فيها كلمتين ودمعتين وشفت فيها ألف معنى للغرق شفت فيها موعدين ودبلتين وشفت فيها عمر كامل ينسرق لا يعيش الحزن في الطرف الحسين ولا يضيع العمر من كل الطرق والضما لا تقطعه من قطرتين دامك أعذب من سما حلمي وأرق ودام تدري إن الحقيقة وجنتين مـسـتـحـيـل إنه يـغـطـيـهـا ورق ! عبدالله علي الشمراني |
رد: ديوان قصائد لشعراء المملكة العربية السعودية (متجدد)☘️☘️
( هبوط اضطراري )
وين انت ياروح المفارق وانا وين وين انت ماتطري عليك الطواري سريت في ليل الهوى والمحبين وسرى عليّ من الهواجيس ساري قلت الهمام ومرحبا بالمقفين هذا المفارق جرّته والمواري الجود والموجود فرقا وبيتين وانا كريم ودار الاجواد داري حسافه ان كان اكثر الناس دارين وانت بشعوري والشعر منت داري عندي على حبك شهود وبراهين من يوم حبيتك وكنت اختياري شوقي جنوني لهفتي دمعة البين موتي قبل موتي وطول انتظاري مشاعري طول السهر والدواوين ياجنتي بين الخلايق وناري الي كتمت ايام وشهور وسنين والي نشرته في خزامى الصحاري واليوم صرت بعينك الزين والشين ودك ولا ودك وبايع وشاري اشلون كنت انسان طيب ومسكين واليوم صرت من الوحوش الضواري ما اقدر اكون اثنين وآعيش دورين واخلي المشروع خيري تجاري حتى لو الفرقا تعل المداوين لجل الكرامه لازم آخذ بثاري يعني غرامك صار ماضي من الحين يعني هبوطك من سماي اضطراري مع السلامه وارحلي لا تردّين انتي مسارك يختلف عن مساري عبدالله علي الشمراني |
رد: ديوان قصائد لشعراء المملكة العربية السعودية (متجدد)☘️☘️
( فنجال دله )
فتنتك طايفيه وانا قلبي عراقي الحذر في عيونه والخطر ما يزله الخيار الوحيد الصعب كان انسياقي كني اعيش هم وثورة الشعب كله كيف ؟ مدري ! شهرت لك الولا واعتناقي وانت يا للاسف من غير مذهب ومله ما تصحي برودك ما تشوف احتراقي آتغلى على وصلك وانا ميت له آتعنى لشوفك لو على كسر ساقي وأنت يا دوبها فله وفنجال دله كيف أبنساك وأخفي لوعتي وإشتياقي والهوى يفضح الرجال كثره وقله رح وعود وتلقاني على العهد باقي كل شي على حطة يدينك محله بين علم الفراق وبين حلم التلاقي ادرس الراي في وضعي وحله ومله فضها سيره أما وصل ولا فراقي لأن ياصاحبي وصلك وفرقاك عله انه موضوعنا بفراق رايق وراقي ولا عطني حقوق الوصل دقه وجله عبدالله علي الشمراني |
رد: ديوان قصائد لشعراء المملكة العربية السعودية (متجدد)☘️☘️
أنا والشعر
إسـقينـي الإبـداع وأسـقيـك الإبـداع كـفّ الـظّـمـا طال الـحياه الـقـصـيـره ما غـيـر رب البيت مـعـطـي ومـنّـاع وقـسـمـنـا مـكـتـوب شـره وخـيــــره بين الحروف أعيش لحظات الإمتاع ونـشْـوتـي بـالـشّـعْـر والله كـبـيـــــره مـا آقـول بأسبابه تخطّيت الأوجـاع ولّا كـشـف عـن واقـعـي كـل حـيـــره لكن عديل الـروح فـي كـل الأوضـاع والـخـلّ الأوفـى والأهَـل والـعـشـيـره يـشيلنـي وهـمـومـي أشكال وأنـواع وأدوّر أصـحـابـي ولا شـفـت غـيـــره لا شانت ظْروفي فهو زين الأطـبـاع وهـو خـويّ الـجـنـب فـي كـل ديــره هـو النفَس لا صـرت بالحيل ملـتـاع ونـافـذة هـمّ الـلّـيـالـي الـخـطـيــــره الكل ضـاع الّا الأمـل فـيـه ماضــاع واخـتارني من قبل أحـدّد مـصـيــره والكل بـاع الا ابيض الوجه مـابــاع فـكـره وقـافـه واللّـحـون الـمـثـيــره مـاعـاش بالحيله ولا كـان خــداع يــســيــره الأيـــام ولاّ عــســيـــــره يـفـداه خـلّان المصالح والأطــمــاع ويفداه خـلان الـرّخــا والـسـتـيــــره عبدالله علي الشمراني |
رد: ديوان قصائد لشعراء المملكة العربية السعودية (متجدد)☘️☘️
بسم الله الرحمن الرحيم
( الصراحة ) اطلق سراحك لحظه وفجر الصمت واما قويت لحبي اطلق سراحه صارحني وترتاح لامن تكلمت نصف السعاده يختبي في الصراحه لو انك لفوادك فطنت وتفهمت ما كنت تجهل ضيقته وانشراحه ولو انك لجروحي فطنت وتعلمت ما كنت تجهل في دواه وجراحه هواك طير وهام بك كثر ما همت وأكبر مزايا الحر الأشقر كفاحه أنساك ! لا والله تجنيت وأجرمت لو مابقى لي من شقا الوقت راحه هو خانك التعبير ولا توهمت ولا تحسب ان المشاعر سياحه ! لا هنت كانك بعتنا يوم ساومت تبغي تساوم طيرنا في جناحه ! موجود وأشعر فيك من وين يممت وأشوفك أقرب للمسا من صباحه صارحني وترتاح لامن تكلمت نصف السعاده يختبي في الصراحه اطلق سراحك لحظه وفجر الصمت واما قويت لحبي اطلق سراحه عبدالله علي الشمراني |
رد: ديوان قصائد لشعراء المملكة العربية السعودية (متجدد)☘️☘️
يـا يـتـيـمـه
( يا يتيمه ) يا يتيمه حتى أنا مثلك يتيم وغربتي مثلي يتيمه ليه جددتي جراحاتي القديمه جدا حروفك أليمه يا يتيمه إتفقنا في الحزن والهم ودموع الضحايا وإختلفنا في ظنونك والنوايا خاب ظنك يا يتيمه ليه جددتي جراحاتي القديمه باقي في الدنيا بقايا كنت أظن الحزن لي وحدي ولا يعرف سواي في السفر والحل والغربه معاي ولا يعرف انسان ثاني رجعي حزني ودمعي ياتيمه والدقايق والثواني ليه جددتي جراحاتي القديمه أنتي وحروفك ثلاثه والحزن وأنتي وأنا صرنا ثلاثه القدر ما هو بيدينا والحزن صعب إجتثاثه والدموع أكبر خساره يا يتيمه ليه جدتتي جراحاتي القديمه حتى أنا مثلك يتيم وغربتي مثلي يتيمه يا يتيمه عبدالله علي الشمراني |
رد: ديوان قصائد لشعراء المملكة العربية السعودية (متجدد)☘️☘️
بسم الله الرحمن الرحيم ( وحــيــد الــدرب ) على درب العنا والشوك أدوّر من شقاي ورود وأدوّر للربيع الي رحل طاري يذكّرني وأدوّر للظما موعد ويلقاني بدون وعود ويسقيني عناوين السراب الي تجرّعني وحيد الدرب لولا بعض همي والليالي السود وباقة ذكريات من السنين الي تنكّرني أسابق خطوتي وأزريت أسابق دربي المسدود تلفـّت وعجزت ألقى الطريق الي يرجّعني بعيد ومظلم وموحش وفيه من العذاب شهود بقايا من فراق وغدر يجتاح الصبر مني وفيه إحساس بالغربه يصورها بدون حدود يترجمها شعِر ودموع من كبري تخلّصني وفيه من الندم جلاد وسياط وسجن وقيود وتأنيب الظمير الي قبل لأخطي يعذبني وفيه من التناقض موج متلاطم بنقص وزود ونفس(ن) عزمها لأبعد مراماتي يبلغني ولو كانت علاقة بعضي وبعضي عرب ويهود صمود العزم في وجه التردد يعتذر عني وفيه الخوف ما يصدق معي ما يلتزم بعهود من أول خابره خاين على موتي يشجعني وفيه أكتب عن أول وآخرآلامي وأبيح سدود عن الي قرر فراقي ولا قرر يودعني عن أحزاني عن أشباه الفرح عن حلمي المنشود عن أنصاف الوجيه الي تبعثرني وتجمعني تعبتك حيل يادربي مشيت لبابك الموصود بديتك وانتهيت من الطريق الي يضيعني وأنا بين العنا والشوك أدوّر من شقاي ورود وأدوّر للربيع الي رحل طاري يذكّرني عبدالله علي الشمراني |
رد: ديوان قصائد لشعراء المملكة العربية السعودية (متجدد)☘️☘️
بسم الله الرحمن الرحيم
( عذرك والخطا ) أحبك وإحتمال الشوق يستعصي على التصوير وتعجز مفردات الشعر لاتوصف لك إحساسي يمر البال غيرك وأنت تستحوذ على التفكير ولا يشرب فناجيل الهوى غيرك من الناسي خطاك أفرش لها روحي خطاك أفرش له التبرير على كف الأمل قدمت عذري عنك يالناسي شهور من العتب تحتار في كلمة صباح الخير وتتلاشي مثل حلم الفقير ودمعة القاسي أصوغ إلك الرضى لو كان في صدري حروب الزير وأصور هيبتك حتى على صفحات كراسي قيود الهم ظلامه وظلامه خطا التزوير وضحك العاذل الشامت مصيبه بين جلاسي لذلك عزتي تقبل بهجرك عن حلول الغير وعذرك والخطا سنه تشابه سنة أنفاسي لعل الصبر يشفع لي وحبي يفرض التغيير ويبقى قصرك العاجي ويبقى الشامخ الراسي عبدالله علي الشمراني |
رد: ديوان قصائد لشعراء المملكة العربية السعودية (متجدد)☘️☘️
بسم الله الرحمن الرحيم
( مرافئ الحنين ) لو إن شعري مهو تحت الطلب كل حين وأحيان يصعب على فكري وثورة دمي صيدٍ عن أهل القنص يجفل يسار ويمين وشجرة عظيمة لكنّ إنتاجها موسمي إلا إني آسخـّره لجلك بسيفٍ سنين من شان يوقف معي في الموقف العالمي كلمه ويوصل لك المعنى ولا كلمتين ورميه تصيب الهدف عن سيفي ومحزمي مادام شفك تشوفين الكلام الثمين تسلـّمي من جزال المعرفة وإسلمي أنا الذي صنفه وقته من العاشقين وندم عسى من صروف الوقت ما تندمي قدمت يالغالية قلبي وما في اليدين ورميت لكنّ عيا لا يصيب اسهمي ياللأسف لاهي بمره ولا مرتين عمر ٍ تعدى وعدى معْه حبر اقلمي ولا بقى لي عذر عن مامضى من سنين ولا جوابٍ يفك القيد عن معصمي كرامتي لجلها قطعت عرق الوتين لعلي آموت ما يشمت عليّ آدمي يدعي لي الناس بالرحمه مع الميتين ولا تزل اللسان ولا تزل اقدمي وختامها عدّ من صلى من المسلمين صلى الله وسلم على المصطفى الهاشمي عبدالله علي الشمراني |
رد: ديوان قصائد لشعراء المملكة العربية السعودية (متجدد)☘️☘️
بسم الله الرحمن الرحيم لابتي شمران لو يكثرون اللايمين كلمة(ن) نحمى حماها ونرقى سنودها سيفي البتار والدرع والحصن الحصين وبيرق اﻵمداح ورجالها وجنودها لي في ارض التهم قوة وملبوس (ن) ثمين محتمين حدودها مكرمين وفودها وفي مخاسر والفزع بارع(ن) حده سنين والسيوف البارعه شابيات حدودها وال ساهر وال عامر جبال (ن) ماتلين والجيوش الغايره يوم قدح زنودها وعزوتي صبيان حارث كعام المعتدين هيبة الوادي وعزه وأمان حدودها مثل ما قال ابن مزهود في ماضي السنين لو تقادم عصرها لو تطول عهودها مانخلي حقنا من يسار ومن يمين وما تروح بنا ذياب الخلي ويسودها مانقصر في النشاما ولا متكبرين وندري ان نفوسنا نقصها في زودها القبايل هل مكانه وفيهم عارفين والرجال يسد في جودها موجودها كلن وقسمه وقوله وفعله شاهدين مثل ماتقسم بروق السما ورعودها يدري اï»·ول بعلم الثلاثة والثنين قبل ماحضر براهينها وشهودها اليمين الي تصافح يصافحها يمين سعيها مشكور ومثمن(ن) مجهودها واليدين الطايله مالها غير اليدين لو تقر اï»·رض ولا تهيج نودها والجميع اخوان مهما حصل دنيا ودين يوم تمت واكملت وابلغت مقصودها دام عزك ياوطنا وعز المسلمين والرخاء والامن وسهودها ومهودها عبدالله علي الشمراني |
رد: ديوان قصائد لشعراء المملكة العربية السعودية (متجدد)☘️☘️
بسم الله الرحمن الرحيم
( القلب الكبير ) ماقدرت تحبني ليه يالقلب الكبير وانت وحدك تسكن القلب ياغاية مناه النوايا البيض ما تجبر العظم الكسير كان ما سهّرك حبي وعناك بعناه ما كفاني يوم اعني لك الشي الكثير وانت فيني روح والروح ما عنها غناه انت بيدك يا اريش العين تحديد المصير وانا بيديني ثمار الغلا واطيب جناه ان بقيت اسير للحزن لليوم الاخير وان لقيت الفرح في يوم واسعفني هناه طال صبري والزمن طال بالحبل القصير وما بقى فيني ولا في الزمن حلم واناه ان بكيت من المقادير والوقت المرير ما بقى للشعر طير يسليني غناه وان بقيت اقول ياوقتي حسابك عسير ما بقى للحلم نجم يقديني سناه وانت تعرف صاحبك مختلف وانسان غير في الزمان الصعب يقدر يهد اللي بناه ما قدرت تحبني ليه يالقلب الكبير وانت وحدك تسكن القلب ياغاية مناه عبدالله علي الشمراني |
رد: ديوان قصائد لشعراء المملكة العربية السعودية (متجدد)☘️☘️
قصائد الشاعر خالد بن محمد الشمراني البدع من سفير شمران الشاعر خالد الشمراني سلام مني ياكرام الوجيه ياللي سكنتوا القلب بأقصى الجنوب شمران ياماضن عشقته قديم شف كل واحد في لقبنا تمنى كن الدول ماتعرف إلا اسمنا الرد من الشاعر رمضان المنتشري قل الذي وده يجيني وجيه من الشمال إلى حدود الجنوب إذا لبسنا النافعي والقديم وجت لنا الدنيا على ما نتمنى ماوسم يتغلب على وسمنا |
رد: ديوان قصائد لشعراء المملكة العربية السعودية (متجدد)☘️☘️
هذه القصيده كانت من أورع القصايد التي قيلت في حفل الملازم أول-عبدالله بن علي الشمراني
البدع من الشاعر خالد الشمراني ياسلامي يارجال مالهم ندن ولا تشبيه نعم ياشمران كملتوا مواقفكم ولا شي هاني إنتم إلباسي وتاجي والوسام اللي مع ملك ياهل البلجيك لانادء نذير الموت ويقول الحق شد من هيبت رجال ردوا الكيله بحبها يرسمون المجد في صدر الكتاب اللي تعلمنا به ويقطعون اليد لاعادت تعاهد فيدخايني إن شرحت الفرق بين إبليس والخاين سوا دنيه (يقصد الإثنين دانين أو واطين) وأن وصفت الراسم الفنان ماتوصفنيته (يقصد الفنيه للرسام) كان الرد في غايه الروعه من الشاعر رمضان المنتشري وهنا يكون فن الشقر ياخالد ماقبلك إلا سيف لا تتعب ولا تشبيه داهم أوكار الصقور ولا تعمم نظره الشيهاني والفت النظره ولاتنسى العميل اللي معاملك واحد في الناس قال أرتاح والثاني يقول هيا ألحق والإشاعه ماتبين كره خلق الله وحبها لاسحبت السم كب الداب يمشي لاتعلمنا به وإشعل الدنيا إلين النار تقدح بالدخايني الشفافيه دوا وأعوذ بالله من سواد النيه أنا قلبي صافين لكن قلبك صف نيته |
رد: ديوان قصائد لشعراء المملكة العربية السعودية (متجدد)☘️☘️
من الشاعر خالد الشمراني وردها من الشاعر رمضان المنتشري وإن شاء الله سوف يتم وضع كميه من حفلات ابو محمد في
هذا الديوان... البدع ضاق صدري وسامرت القمر شي جمال وشي كمال والسحب من حسدها أحيان تخفي القمر ويصير فيه ياقمر عد من فوق السحابه وفوق الماي عد علم العالم اللي يضمرون النوايا بالريا ( لي) قلهم يضحكون أعلى غشيم (ن) بنا جدر (ن) ومال البشر واحد (ن) يشبه لسمحان ولا ورد ودرهم والبعض عايدي ماعنده إلا ضحوك وبهلله الرد ياخالد فدوتك رجل (ن) يبيع الصديق بشيك مال صدقتك عندي أغلى من بنوك العرب والصيرفيه جعلها فدوتك بالكاش وتعد ولا ماتعد اللي ماقدورك إلا على شان تومي بالريالي صد عنهم فلا رفقتهم إلا على ثروه ومال اللي يسوى مية رجال تفداه بأموال المدرهم واللي ماقدرك لا تلتفت له وبيعه بهلله وسلامتكم |
رد: ديوان قصائد لشعراء المملكة العربية السعودية (متجدد)☘️☘️
البدع الشاعر خالد الشمراني
سلام ياغامد لفينا ضيوف يوم المناني جاتني عالشفوف شمران ياقومن لصدري وسام تقضي اللوازم لبدا الشان شاني واذا أنعقد عقده يحلونها الرد من الشاعر رمضان المنتشري أضيف أمداح النشاما ضيوف واللي بقلبي تاجده بالشفوف أن سار في الدنيا لهيبن وسام لوكان في ربعي محبن وشاني ماطورو ديره يحلونها البدع سلام يالبس الشرف والصفوف عداد هول الموقف اللي نشوف انوب عن رعي بقولت سلام وأكمل الترحيب دون العواني غامد مع شمران يقلونها الرد من الشاعر رمضان إذا حضر صفه وغابت صفوف شمران بحرن مايجيله نشوف وروح من لا يمتثل لسلام تلقى بني عمي جبالن عواني يشوونها قدام يقلونها وسلامتكم |
رد: ديوان قصائد لشعراء المملكة العربية السعودية (متجدد)☘️☘️
البدع من الشاعر رمضان المنتشري
الأذان لوكانت تميز وحت وحت لسيفن يفند في الجماجم وحت وحت ما للجلجلان إلا صرامن وحت وحت صحيح ان ما للعله إلا مداويها مسكي يا قلب ابو فيصل على من تلوم أحترت مابين صافينا وهوماجنا وراعي البندق اللي كثر الجبخان لوكان عنده بصيره شب كبدي بها الرد مني تعدا الذي يمشي بجنبك وفت وفت الاقدار حانت والمنايا وفت وفت وبدع وجدع في الملاعب وفت وفت صحيح ان ماللعله إلا مداويها لاتحسبون القصايد مسرحي من تلوم من مزرعن يعجب الطرقي وهوماجنا المشكله لو صديق العمر والجنب خان أبدي مع البوب والا الشبك أبدي بها البدع من الشاعر رمضان تخير من أنواع المشارب وصف وصف يقلون من قال القصايد وصف وصف الأستاذ واحد والتلاميذ صف وصف صحيح ان ماللعله الا مداويها لو ضقت ماعاد جسمي يحتمل للهدوم بعض العرب زادنا كبتن على كبتنا لاتزرعون الطريق أحجار وأمشيوكان خلو الجمل لانقل حمله يودي بها الرد مني الشاعر خالد الشمراني حدوني العرب وأنا فوادي ولف ولف وعلمت بعض العالم أبجد ولف ولف وأجنب عن مايجمل اللي ولف ولف صحيح إن ماللعله إلا مداويها والله اني احترت مابين البناء والهدوم وإشاره المنتخب توضع على كبتنا يدي على القلب وأتلي الون وأمشي وكان لايخطف الطير حاجه كان ودي بها وسلامتكم |
رد: ديوان قصائد لشعراء المملكة العربية السعودية (متجدد)☘️☘️
هذا البدع من الشاعر علي الحميم
ياعروس البحر كفي دمعتك وتناسي الأحزان رب ضاره نافعه والقادم أحلا يامدينه جده أنكشف وجه الأمانه وأنكشف راشي ومرتشي وولي الأمر كلف خالد الفيصل يريس اللجنه الأمير الشاعر المقدام ريسها وأميرها يالله تنصر لجنه التحقيق وأكشف كل مجرم خاين وأنصرنا عاللي ظلمنا وأحفظ الدوله وشعبها الرد مني المدايح من مزينها وميدان المدايح زان إنت وشبك قمت تحسدنس على لبس الثياب الجده وأنا مصدرت مرسومن يزعلكم وأمرت شي الكلام الباطل اللي تزرعه أما اتركه ولا أجنه كم صداقه من كلام الزور طاحت في دميرها الإشاعت أصبحت تقدح بنارن حارقه ودخاين وإنت يالجوال خذها من مشيعها وشع بها وسلامتكم الشاعر خالد الشمراني |
رد: ديوان قصائد لشعراء المملكة العربية السعودية (متجدد)☘️☘️
قصيده اتمنى تنال إعجابكم
يازماني عشقت القنص والصيد في بدوى العمور كنت أحب الخلا والقنص في أول شبابي والعوامر ياغبوني على صيد الخلا ماقدرت ألحق عليه وإنت تدري أنا مانويت أفني كنوز القناعه والقصايد نويت أغلف البيت وأكفول لها والبطل لوتغيب يشدون العرب والناس فينه حتى لوغاب عن ميدان ماله حدود ولا محيط كن لي مزرعن ماغير أداري على ولام حبه وأرجم الطير لا يعدي علينا وياكل حبنا وسلامتكم الشاعر خالد الشمراني |
رد: ديوان قصائد لشعراء المملكة العربية السعودية (متجدد)☘️☘️
قصيده في شمران في حفله علوان الشمراني 27-1-1431
البدع والرد مني ياسلامي عدد نوٍ عقبه السيل والماء جرى ياشمارين ياقوه كما صخور الجبل وشح صلبه ياصقورن على الهامات يعجبني تلافيتها عند علوان شفنا المقدريه والصفوف العواني قادها الشيخ بن حوفان شيخن ينصب أعلامنا لابتي جارها الله مابدا منهم خلافن وقصرا والعلوم التي تنشب على العاقل يحلونها الرد انت ياقلب لاتحزن ولاتندم على ما جرى غلطتك توفي الصاحب وشف بعد الوفا وش حصل به ليت غلطت زماني قبل ماتحصل تلافيتها لكن الناس ماتعشق يكون أصحابها والعواني حتى وإن كان تخطي كثر سيلن جا من أعلا منى وأهل المكر لو يبنون لي في كل ميدان قصرا بالحرام أهدمه وأشد من ديره يحلونها البدع سلام ياجمع القبايل وياجمع الربوع عداد سيلن جر في كل وادي وجه له يابوحسن ماجبنا إلا محبه وأقتدار إن صحت فينا ما تعذر رفيقن صاح بي وإن جيتنا مره نجي عشر يامن حبنا الرد الموعد اللي من شهر ينتظر يوم الربوع والله والله ماتناسيت وعدي وأجهله لو دارت الأعوام وأيامنا والوقت دار أجي بني عمي وبأحمي مواقف صاحبي مدام يحمي مزرعتنا ويامن حبنا وسلامتكم الشاعر خالد الشمراني |
رد: ديوان قصائد لشعراء المملكة العربية السعودية (متجدد)☘️☘️
وعدك متى
وعدك متى ياغيمة العشاق العام رعد وذا السنه براق وأظن خلي لو سكن جده يصبح مطرها دوم هتاني الشاعر خالد الشمراني |
رد: ديوان قصائد لشعراء المملكة العربية السعودية (متجدد)☘️☘️
قصيده على طرق المجالسي
البدع من الشاعر رجب الماكي على طرق المجالسي في أرض اليمن ماتزين الجلسه إلا على قات واللي يطول عن الأصحاب لاطال بشر ياكم صقورن لها فزه وماطا وعشين والحمل لاجار ماودي يجي منكتع به الرد مني ياصاحبي كان من هذا الهوى والعلاقات ياكم لي أطلب رضاك الصعب ياطالب الشر وفوقها أطاوعك يالزين ماطاوع الشين وكل ماطاب جرح القلب جا منك تعبه وسلامتكم الشاعر خالد الشمراني |
رد: ديوان قصائد لشعراء المملكة العربية السعودية (متجدد)☘️☘️
أحببت هذه القصيده
أحببت هذه القصيده على الرغم إنها من أوائل قصائدي إلا أن لها ذكرياتها الجميله عندي فأحببت ان أطلعكم عليها وأتمنى أن تنال إعجابكم :sa: (أطالع أبها) شقى الدنيا وشقى لياليها وقسى ظيمها والحزات الصعاب بعد ماجربت مرها وحاليها تاخذ مني الرضا وتسقيني العتاب تعذبني وعيوني الدمع ماليها ماترحم القلب بعد ماتجرح وشاب أطالع أبها وأناظر من أعاليها وأتخيل حبيبي لوين غادر وغاب حبيبي الروح تشتكي لواليها بعد رميتها بسهم قد تغرز وصاب بحب ماحي للهموم وجاليها بحب كنت أظنه وأثار الظن ماخاب أطلب الله راحم الروح وباليها يجيبك ياحبيبي كفاني عذاب وسلامتكم الشاعر خالد الشمراني |
رد: ديوان قصائد لشعراء المملكة العربية السعودية (متجدد)☘️☘️
ظبي معذبني بجماله
(ظبي معذبني بجماله) أسلت لك من نبض قلبي رساله من يوم حسيت في قلبي الخطر عنوانها ظبين معذبني بجاله غلفه بالورد وألوان الزهر ياحبي اللي مايبين هلاله متى أتسامر معك في ليله عمر يابدري اللي مايبين هلاله ياليلي الساحر ويانور الفجر أحبك حب تعزف من خلاله أنامل العاشق على كف الوتر ريم الفلا ماني مدور بداله ذوب خفوقي وأنا قلبي حجر من رمش عينن يظللني بظلاله سهمن رماني به مثل سهم القدر فديت عين الريم وقليبي حلاله فديت خده والشفايف والشعر وفديت حكين نابعن من دلاله وفديت عوده الفتان لاهز الخصر وفديت أبوه وامه وجده وخاله وفديت من شاف خلي من بشر وفديت أرضن سرى فيه خياله وفديت كل من حل في دوله قطر وسلامتكم الشاعر خالد الشمراني |
رد: ديوان قصائد لشعراء المملكة العربية السعودية (متجدد)☘️☘️
قصيده مضمونها مؤثر
البدع من الشاعر رجب المالكي ياكم عيونن نفجرها وياما جرى وروسنا كم نفييها بظل العقول خلك مع الناس في فرحه وخلك بعيد مالك ومال الحناشه اللي بلي نابها الرد مني ياصاحب لاتعاتبني على ماجرى لكنك أسمع نصيحه من لباب العقول حافظ على ذكريات الود وخلك بعيد ترقى المقادير والفرقى بلينا بها وسلامتكم الشاعر خالد الشمراني |
رد: ديوان قصائد لشعراء المملكة العربية السعودية (متجدد)☘️☘️
قصيده سجلت بقناه السيوف
هذه القصيده تم تسجيلها في قناه السيوف وستعرض قريبا ان شاء الله البدع ياوقت ماعاد لي مزرع ولا شي نحالي الظاهر انك نسيت العام الأول وش أنا أهل المروات يشرون الشيم مايبيعون والموتر اللي يحاسبني على رهوت البر ليت المورد لغى مصنعه وألغى مديله الرد من الشاعر يوسف الدويحي ياقل حظي في الدنيا وياشين حالي وياوجودي على وقتن تغير وشانا كنا نعين البشر واليوم ماحد يبي عون وقايد الترك لما مر من رهوت البر ماوقف إلا ولد زهران والغامدي له وسلامتكم الشاعر خالد الشمراني |
رد: ديوان قصائد لشعراء المملكة العربية السعودية (متجدد)☘️☘️
افتراضي عرش القلب
(عرش القلب) يكفي إنك على عرش القلب سلطان ومن شان عينك ينسكب دمع عيني مثل القمر وجهك على كل الأوطان وسمرت العشاق بينك وبيني أرسلت لك قلبي على هيئة إنسان وأقسم عن الرجعه وصد ونسيني الله حسيبك ياقمر يرسل ألوان أحب نورك لو يزود حنيني ياعمري الماضي وياعمري الأن إنتي سبايب فرحتي صدقيني نفسي اضمك وأحتويكي بوجدان وإنتي بدافي ضمتك تحتويني وأبوس خدك وأنتعانق بالأحضان وأقول هيا بالدواء عالجيني أنا بدونك قصه بدون عنوان ياكيف في لحظه كذا ماتجيني إن كان حبي قد رحل في خبر كان يرحل بعمري لوتسدك سنيني وسلامتكم الشاعر خالد الشمراني |
رد: ديوان قصائد لشعراء المملكة العربية السعودية (متجدد)☘️☘️
مسيره غزليه بدع ورد
البدع أه ياقلبي اللي لأجلكم من عذاب الحب رجف كل ماهاج بحر اهل الهوى خافقي عود رسى له وأنا ماظنتي برتاح ياقلبي أنا منك أبد والمقادير وسط القلب جت من سمانا حلقتله لو حصينا عددها مثل حب الذره باكيلها الرد ياوليفي كتبت أسمك على القلب لين الحبر جف عود أهل دمعي قلت ياربعنا ودو رساله وصلوها لقطعه من فوادي وقطعه من كبد الفراق الذي خيم على القلب ليته حل قتله حتى روحي اذا راحت تعزيك يالباكيلها وسلامتكم |
رد: ديوان قصائد لشعراء المملكة العربية السعودية (متجدد)☘️☘️
ضاقت بي الدنيا
(( ضاقت بي الدنيا)) ضاقت بي الدنيا ومالت على الكــيف لا واعذابي من سبايب عناها انهت ربيــع الــعمر بمعانق الصـيف واسقتني المره وزادت شقاها تسحب خفوقي من على شابي السيف والحظ وافق بالتحالف معاها وا حر قلبـي يازمـــاني ويــــاحـــــيف يومك تطاوعها وتمشي وراها إن كنت تحسدني على شاعر القيف أعطاني الله موهبه ما سواهـا ولاإنت ويش اعطيتني زولن وطيف عذبتني باللي ذبحني جفاهـــا تسعه وعشرين مضت دون توقيف من عمري اللي فرحته مالقاها حــاول تجيني مرتـن دون تكليـــف وأرسم البسمه بحالي شفاهـا ولا إنهي عمري والقدر له تصاريف مادمت روحي عاجزن عن دواها وأســــــير قصــه للقــلوب المـواليف قصه حياتن ضايعه في هواهــا الشاعر خالد الشمراني |
| الساعة الآن 04:43 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية