رد: اخترنا لكم
 

تدرون ويش أطيب من الجاه والمال
وأطيب من الشهَّـرة ومن محتـواهـا

لا صرت متعافـي وعنـدك سـَتر حال
والنـاس مـالـك حـاجـةٍ مـن وراهـا

مطلق العتيبي

رد: اخترنا لكم
 

هذا الزمن لا تنتظر رجعة انسان
‏لا تنتظر غير انتظار الفريضه

.....

رد: اخترنا لكم
 

‏يا ليت الوجيه اللي هقينا بأهلها خير
‏بقى لونها هو لونها في بدايتهم
‏
‏عطيناهم الإكرام والحب والتقدير
‏وعطونا جروحٍ ما تعالج بخيبتهم

.....

رد: اخترنا لكم
 

العنود اللي جفيت الناس والدنيا بعدها
والقمر لاطل خابرها تجي بيني وبينه

.....

رد: اخترنا لكم
 

ليا جابني له قصيد وقام يقراني
ياخذ من الصبر مايكحل به جفونه

وانا ليا جابه الطاري وانا سالي
ودي لا نادوا سميه ما ينادونه

.....

رد: اخترنا لكم
 

‏الرزق ضيفٍ لا بغى الله يجيبه
‏يجيك لو سكرت من دونه الباب

.....

رد: اخترنا لكم
 

الصدور اللي وفاها ملاجي للرفيق
ضيقوها اللي على كل عوجا يقلطون

عزتي للقلب الابيض وللوجه الطليق
لا حداه الله على عالمٍ ما يستحون

.....

رد: اخترنا لكم
 

قلي وش يرضيك ياملح الدلال وعنفوانه
أنت لو تطلب محل البدر جلستك محله

.....

رد: اخترنا لكم
 

وأنا مغامر واعرف أن العمر فاني
وابيع بنت الكحيلة في عشاء ليلة

سفر الدغيلبي

رد: اخترنا لكم
 

صبو من اللي بنّها تو مافاح
ماعاد باقي غير جملة وحيدة

تطيح روس وبيرق العز ماطاح
شامخ يورثّه الحفيد لحفيده
🇸🇦

دام عزك ياوطن