|
رد: ديوان قصائد لشعراء المملكة العربية السعودية (متجدد)☘️☘️
ياكل من يستمع خد علمنا ..والنصوح للشاعر هزاع عبد الله الشمراني https://upload.3dlat.com/uploads/3dl...1f4c1cedd8.png https://pbs.twimg.com/media/FmGWARAW...g&name=900x900 https://upload.3dlat.com/uploads/3dl...1f4c1cedd8.png |
رد: ديوان قصائد لشعراء المملكة العربية السعودية (متجدد)☘️☘️
عسى الناوي اللي يبهج الخاطر الملتاع للشاعر هزاع الشمراني https://upload.3dlat.com/uploads/3dl...a34dd3eb14.png https://pbs.twimg.com/media/FmIUgeIX...jpg&name=large https://upload.3dlat.com/uploads/3dl...a34dd3eb14.png |
رد: ديوان قصائد لشعراء المملكة العربية السعودية (متجدد)☘️☘️
https://upload.3dlat.com/uploads/3dl...b80e826711.png احب فصل الشتاء لاحل وارتاح له بدع هزاع الشمراني واالرد للشاعرين ابو يوسف الشمراني وعبد الله الحوالي https://upload.3dlat.com/uploads/3dl...b80e826711.png https://pbs.twimg.com/media/FmQXgTlX...jpg&name=small |
رد: ديوان قصائد لشعراء المملكة العربية السعودية (متجدد)☘️☘️
واقع ملموس / الشاعر هزاع بن عبد الله الشمراني
|
رد: ديوان قصائد لشعراء المملكة العربية السعودية (متجدد)☘️☘️
قصائد الشاعر محمد بن أحمد الحوالي الشمراني
يهل الشعر وين القصايد موازين - مسحوب يهل الشعر وين القصايد موازين تعبت في تدويرها وين اهلها يامكثر اللي يبني الوزن بيتين محدن فهم وش علته ما شملها كم واحدن سموه شاعر دواوين وكلمته لاقالها منه تلهى يفرح بتقدير الرجال المجانين يكذب ويصدق كذبته وانت شلها لاجيت تقرا من قواله عناوين كنك من اللي يشرب الما سملها يدخل ويخرج في المحافل بتدشين و معتلي منبر وهو ما وصلها الناس تمدح كلمته واسوتى زين ورايته بيضا وهو ما حملها شاعر وله مغنى ويعطي قوانين كلمته فخرية وليته خملها يجيب له طاري بمدحة وتليين وهو كبار الشعر ما جا سألها خذها وانا ناوي بطرد اكثر القين واللي يرتب كلمته ماشملها وانا تراني في الشعر ماني الشين لكن لي كلمة و جات بمحلها ماني بشاعر مثل ما يملي العين لكن قصيدي بالسنام وجملها نكتب وزن بالقاف معنى وتعيين خل الذي قد قالها ما فعلها صقر(ن) تروالي يطوي شعابين يا زين وحي اللي جناحه سدلها شامخ قصيده والشعر له بساتين محظوظ منهو جاب حبه شتلها تثمر بساتين الادب يا مشرّين لكن يا شراي غيرك قتلها |
رد: ديوان قصائد لشعراء المملكة العربية السعودية (متجدد)☘️☘️
مجاراة لقصيدة الشاعر علي بن سعد الشمراني
قال الشاعر علي سعد الشمراني : قلت فيني حزن واصل منتهاه قالت ادري بس شف قلبك حجر..! قلت مادام الأمل طوق النجاه باتشبث فيه وارضى بالقدر قالت احسك غريب وقلت هاه؟ قالت: تمثل وقلت الوقت امر وكانها عالبسمه اللي في الشفاه لازم اساير ملايين البشر ولا انا مطعون من كل اتجاه الليالي هم وايامي قهر خافقي بستان وهمومي طغاه احرقوه وما بقى وسطه ثمر كل ماهب الشقا خذني معاه قلت له صبرا ولكن ماصبر لعن ابو هالحظ مدري وش وراه؟ في حماه الهم وبغفله كبر اسمعي يابنت عيريني انتباه باعترف لك واعترافي لك خطر صدقيني مانخلقت لهالحياه انخلقت احيا على سطح القمر و قمت بمجاراته وقلت : القمر والكون ما تسوى جفاه طول عمري ما افارق له حدر ما أبي غيره من أموالن وجاه كل ما سجيت فكري به ظهر طول عمري والدهر احدا حداه ان كتبت في غيرها قل السطر يارقيق الحس فيك الحسن تاه يا رفبق القلب وين احلى بشر الخلق والزين في اول صباه قد طعني حبك البالي غدر إن لمحت اقبالهم ضوح سناه يا مراحيبن تراحيب المطر ودي أكمل مابقى كله معاه أو مماتي ياعرب صدره قبر والكفن من شعرها ولا عباه من طرفها أقطعولي لو شبر ياحلاه و يا جماله يا بهاه كل ما شفته تلاشى لي كدر يفتخر شعري بها يومه طراه والشطر فيها يجيبه لي شطر والقلم في ابتهالن من سباه والقلم لو جف ما جف الحبر وسلا متكم ... |
رد: ديوان قصائد لشعراء المملكة العربية السعودية (متجدد)☘️☘️
الطراز القديم عشنا وعرفنا حكينا وتهذيبه
ان اكرمت الكريم ملكت يده ** و ان اكرمت اللئيم غدوت نده عشنا وعرفنا حكينا وتوظيبه ** ونحشم اللي قد تظاهر شيبه ونوزن الكلمات من يسمعها ** تختص به واعرابها تعريبه وابوي رباني وشيد بيتي ** باجزل صفات الناس في تهذيبه ابوي علمني معاني جزلة ** ماجابها الطيب ولا تطييبه واسقاني الترياق لين اشفاني ** بقدرة الله ذا كتب تطبيبه وشب نارن للمسافة تبقى ** من تجربة تكفي عن التجريبة لكن جربنا شربنا ماها ** وايقنت بانه حق بي تدريبه يالله ياالحي الولي النافع ** ترزق ابي مما يريد تثيبه والله يالحي الولي النافع** فامي تربيني على تدريبه لو شذ طرفي عنهم يذبحني ** وامي تحد السيف له و تجيبه فارحمهما واحفظهما ذخراً لي ** يباب جناتي ويا تبويبه جاني كلامن مايسر الخاطر ** واصطادني البهتان قبل الغيبة واني عصيت امر الكبير الفاهم ** واني بذيء القول في ترتيبه واني قليل المعرفة ما افهم ** هرجن وربي كاتبن تكذيبه واني ضعيف العزم لانني طايش ** وارد عالعزّل وادور هيبه لكن ربي عالمن بالخافي ** ما دسدسة جيبي ودسة جيبه والله باني قادرن عالردة ** وان شاء ربي عارفن تاديبه ان التزمنا بالرجال اوفينا ** بالشور والاحسان ولا الطيبه والطيبه اللي ما تجي للطيب ** تقلب على الطيب اذى وتخيبه والطيبة اللي للرجال الونعم ** مثل التجارة صايبه ومصيبه جريت ياصوت التهم موالي ** واجر صوتي مابرى تعطيبه كم من رجاجيل ن تجي للواجب ** مافادت الوقفات في توجيبه يالله يا رافع وباني سبعة ** سبعة شداد مالها تعقيبه بانك تجازي الظالم اللي يكذب ** بئس المنيب النار فيه منيبه نارن تلظى توصل لعرقوبه ** فانت الذي قادر على ترهيبه نشرب من الجال الهني الصافي ** كم حاولت اجناس في تشويبه وناكل من اللحم المباح ونشبع ** يوم ان لحمي ياكله بالغيبه والكلمة اللي جاهلن منبعها ** لديت عنها والوصوف مريبه من خوف يتحقق هدفها مني ** بكرة تشوف المجتمع يهذي به والقوم لوم ان صوّبك لايمهم ** لا تستمع له صد عن تثريبه ماصاب ولد العم فيني صايب ** من كلمةن تحدا على تعذيبة والسيف الاملح عذربوه العذل ** يا عاذله تبطي على تخريبه لا تحسب اذني صاغية لاقوالك ** كذاب سهمك مانجح تصويبه فالخيرة اللي من الاله الخالق ** اقوى من العذروب في ترغيبه والكلمة اللي عايبه في سيفي ** اتعيبني وانا ابيت العيبه لا شكك بسيفي فلاني خايف** ولاهمني تشكيكة وترييبه ولاهمني عشرة عمر تجمعنا ** ولاهمني تبعيده وتقريبه فالسيف ابو حدين مابه عيّة ** يشرب من الدم الحمر ويذيبه لا ترخي لسانك على حدانه ** يقطع لسانك وانت ماتدريبه فالهرج يمحيه الزمن مايبقى ** اما الشبى يزداد في تذريبه والكلمة اللي جاهلن منسبها ** نجزع عن اللي قالها ونسيبه |
رد: ديوان قصائد لشعراء المملكة العربية السعودية (متجدد)☘️☘️
قصيدة الشاعر جابر بن زهير في الشاعر محمد بن احمد - مع الرد
يقول جابر بن زهير : شامخن راسه وميال العقالِ كالصقر شيهان والعزوة تهامة كالجمل سمحان حمال الثقالِ والبعير يشيل ماهزوا مقامه ملتقن للضيف بقدوع ودلالِ والكريم اللي تعدته الملامه شاعرن وكلمته مثل الزلالِ حظ منهو حافظن وارد كلامه أمدح ابن العم والاخ المثالي فالشهامة ماتجي الا للشهامة من طحاطيح القبايل والرجالِ من شمارين التهم عز وكرامه لا نوا للجد حتم ولا محالِ خصمهم مقتول والا به علامه أفتخر بك يبن عمي يالحوالي وانبسط لاشفتك بخير وسلامه وانا من قومن توزّن بالجبالِ ال عامر ذروة المجد وسنامه محتمين الطارفة بانفس ومالِ واسود البارود غطى عالغمامه عزوتي باول طوابير القتالِ حاظرة ياللي وجوده بانعدامه وافية في الحرب والا في نزالِ والصفوف تهيب كلن مع حسامه والسلام ختام في تالي مقالي واقعدوا في الخير واتم السلامه والرد من محمد احمد : الله اكبر كيف تحرجنا الجزالي من جزال اللي طرى فيني حزامه جعلني مااخيبه باول وتالي واجعله فرحان ما شاف الندامه لو عصاني الوقت واشتدت رحالي لال عامر وجهتي واترك تهامة اطيب ال الناس واقربهم لآلي ساكنين اعلى نوايفها العدامه من عداهم في الوغى يومه خوالي مثل موج البحر يا قو التطامه لو بشيّد من جزال الفكر عالي دونكم ما يعتلي يفقد نظامه الكلام الحق ماهي من خبالي والكلام اللي من الجَد استلامه وانت ياجابر من الناس المعالي نعرف المعدن ليا حان التحامه النفيس نفيس و والغالي بغالي والرخيص نشوف فالقاع انحطامه وانتم الغالين في قلب الحوالي وانتم البيت الذي يأبى انهدامه والله ان البيت هذا بارتجالي يوم شوشني قصيدك في اهتمامه قمت ألد الصدر عالصوب الشمالي واركب الاشعار واشد اللجامه |
رد: ديوان قصائد لشعراء المملكة العربية السعودية (متجدد)☘️☘️
نصايح العود - جديد
الا ي العود ي المقفي تعال وداوي الالام طعون الوقت في صدري بمخلابه بمخلابه وحين الجرح يبرحني اشوف الناس كالاصنام تشوف الهم يغرس في فوادي شابي اطنابه وكني اجنبي ي دار وكني للبشر اوهام اصيح وماحدن يسمع ولاحد فك لي بابه اجر الصوت بالالام ودمي حبر للاقلام وكني تايه يدور مواطن رحلة اعرابه واطلال الفرح في داخلي باقي جمر وخيام اقص اثارها غير الاثر ما فادت اصوابه الا ي العود تكفى دلني وانا على الاسلام تراني كلما عينت خيرن طارت اسرابه ورد العود في نظراته العثرات والالهام ويرسم في التراب اشكال يرسمها بمشعابه يقول ان البشر هذي طبيعتها مع اللوام ولكن خذ بيوت الدوح ضو(ن) فاز شبابه تحكم بالوقايع لا ترجح عاطفة مقدام ترى سود النوايا تحتري زلتك طلابه توقع من خفى الايام واسال زلتك في العام وحاورها وخذ شفك ترى الايام جلابة يجوز تكون عزة نفس يقلل قدرها سوام وبكسر شوكة العزة وسط عذال غلابه يجوز تروح ليلة أمس ولكن دمعها همّام يجوز الجرح ما يبرى ولكن الدهر شابه فلا تابه لمن قالوا وكشر نابها بالسام فلو طالت سموم الناب فانت السم شرابه كثير من البشر ينسى بانه قد فطر من صام كثير من البشر قفل عن الغفران بوابه ولكن الاله الواحد الحي الصمد دوّام برحمته الوسيعه يغفر لعصيان توابه تخاف من القوادم وانت يومك ماهو بقدام فعش يومك ولا تبني أمل للغد ماجابه ولا تيأس طموحاتك فتقلب واقعك احلام ترى الاعراض موجوده ولكن منهو يجابه ولابد انه يصيبك هموم تسهر النيام و شي عادي يصيبك من ضروف الدهر وانيابه من تهيب صعود الشم ماعمره صعد أو قام ومن يبكي على ميت بينسى حزة غيابه |
رد: ديوان قصائد لشعراء المملكة العربية السعودية (متجدد)☘️☘️
الروية - #غزل - محمد بن احمد
غزتني طواريك التي تسرق الهوجاس وانا سارحن فكري ورده علي ابليس وقمت اتخيل عنقك اللي عليه الماس والد النظر للعين و الخد و التقويس نور الحسن في وجهها يطفي المقباس جميلة بلا مكياج و حلوة مع التعبيس تحر العذارى نظرة(ن) من عيون نعاس بعين)ن( وسيعة كحلها من كحل رمسيس و شعري على وصافها يعلن الافلاس احاول اوصفها وتزعل علي بلقيس ومن زينها مامثلها في البشر مقياس وتعجز تلاقي وصفها في قصايد قيس اذا مررت من الناس تكسر رقاب الناس ولا كنها الا من خيار النياق العيس واذا كلمت جلاس تطرب لها الجلاس واذا شافها العالم ترجعه للتدريس |
رد: ديوان قصائد لشعراء المملكة العربية السعودية (متجدد)☘️☘️
نقد القصايد - البسيط الهجيني
الشعر يا ناقده لا تسبح بحوره حتى تجيده وتفهم شف كاتبها ترى قصيدي من اللي داخلي نوره واللي يرد التي في البال حاسبها سفينتي لا ابحرت في البحر مشهورة حتى ولو قادها للبحر ناهبها ابياتها من صميم الذات مسطورة هي بنت ابوها وتعرف زول كاتبها ان كان في متنها بابين مكسورة تعال واشّر عليها لا تخربها يالايمي ليش ماتبحث عن الصورة تنقد على نظمها ومنت عاربها ترى صحيح الشعر يحكي عن شعوره والجرة اللي بها ماها شوايبها ابياتنا من حلاها مالها عورة يتوه من يرجي السيّة يعايبها والكسر لو صابها تطيح معمورة ويختلف عن طريق الخير صاحبها متذوقه يدري ان الشعر سبورة سبورة احساسنا واللي نجاذبها ان غاب شاعر فشعره سجل حضورة يمثل الحال في شتى قوالبها سلام للي على الجزلات مفطورة تجيب مدفونها واللي بغايبها تشطير الابيات بالمعنى وبالصورة هي لعبةٍ في يديها لا تلاعبها عند اليمامة مع العبدين مشطورة تجيب ثار المهلهل من مصايبها فكيف ياناقد ابياتي ؟ومن شوره ؟ يشور في بعضها ولّا يناسبها للشعر شاعر وميقافه يجي دوره ماهو بمثلك على كيفه يضاربها وانا على كلمتي والحال مخبوره نسبح بحور الشعر نعرف مضاربها ماني ضعيف الشعر ولاني اسطورة لكن قصيدي سنام الشعر كاسبها لو انزل الوادي القى الارض ممطورة وانام ما صابني لدغة عقاربها هذي تشافي كمدنا حزة ظهوره للنقد سيسانها واحذر ضرايبها بعض البشر مبتدي ماقد بنى سوره يرمي على من بنى سوره تجاربها هذي معاني تسوّي داخلي ثوره وانا هنا قلتها شفي اجاوبها |
رد: ديوان قصائد لشعراء المملكة العربية السعودية (متجدد)☘️☘️
العدو الخفي - اهداء لشيهان شمران - ( انا كنت اتغزل )
انا كنت اتغزل واكسر الالحان بالابيات وتلهيني مع الدنيا البلاد اللي نذرريها وصوت الصقر والشيهان ردولي طموح الذات وقالوا خل عنك اللي تقوله في جواريها إهداء (( لشيهان شمران )) **** العدو الخفي عرفنا حاضر الايام من ماضي ومن ما فات تحت حكمة ليالي العيد تعرفها عصاريها ودين الله علمنا خوافي واقع اللذات عرفنا نتقي الشبهات والبدعة و طاريها وعلمنا اواخر رحلة الحيين و الاموات وآيات القيامة والضروف اللي نباريها سمعنا صوت تكبير الجهادي باسود الرايات وتفجيرات في بغداد تدوي في حواريها و يستغرب ضعيف الدين والايمان بالشبهات بتحريف التفاسير التي تعكس مجاريها مثيل الحوثي الخاين ومثل ايران والشيعات شعارات العداوة ضد صهيون و تداريها وتمشي بامر اوباما ولاترفض له الرغبات ولو يبغى يفجرها ولو يبغى يعرريها و ( ماسون الهرم ) يبنيه هدم الدين والعادات و تشتيت القطيع اللي ترصّد له ضواريها وحلّ الدين و ايقاظ الفتن في مبتدا الهجمات وتشكيل الغلو في رايةن تغري مقاريها غزونا من ورى شبوه ويغزون الحرم بالذات ولكن ابرهة بالفيل يعجز عن براريها عقديتهم على سفك الدمى و المعصية تقتات وباسم الدين لجل يشوهونه لا تبرريها وهم داعش وهم حوثه وهم صهيون في جبهات واسم الشر جامع في مباديها و يبْريها يحد السيف في غمده ولو بتنا فهو ما بات عدو واحد له اسامي كثيره في صواريها ولكن قم يا مسلم فهم لو قاوموك اشتات و تفرق في البرية من ذيابتها جعاريها وقوي ايمانك اللي قد صنع من اضخم الساسات ولوغرتك دنيا للفنى بادت مشاريها |
رد: ديوان قصائد لشعراء المملكة العربية السعودية (متجدد)☘️☘️
رداً على محاولة ( تشويه سمعة ) الشاعر علي بن مسفر
هذا الرد على من اراد ايقاظ العنصرية بالكلام البذيء واتهام بعض الاشخاص بقول الزور اهداء للشاعر / علي بن مسفر ياضعيف النفس يا معنى لكلمة امعه ياقوي في خلف شاشة ينحني اصباعها الكلمة اللي قلتها عنا تراهي منفعه يكفي بأنك مختبي من ما جنت اوجاعها خايف ولا تقدر تقول الحق لكن تسمعه فاسمع كلامي كلمتك ماهي على مرباعها الكلمة اللي تدخل الرجال وسط المعمعة ماقد حسبها وقالها ولا يحيط ارجاعها هي قولة الزور التي فيها العواقب موجعه يا ويل من ادلى بها ياويلكم يا اتباعها خذها ترى من تتقي به قادرينن نخضعه لو هم قبيلة يالدني ترى نجيد اخضاعها وان كان قصدك في علي ترى كلامك يرفعه الشاعر اللي في الجمايل واقفن مطلاعها الشاعر اللي لا حضر في حفل جمل من معه حتى الجماهير التي تسمع يحب امتاعها هذاك بن مسفر علي ياللي تحاول تردعه ماجيت في سمح الدروب و حلوها ووساعها وتقول عن شمران يوم الما يوصّف منبعه كلمة تثير العنصرية والحُقود ذراعها كلمة تقول اننا عليكم يالدنى متربعه ماتهرج الا في الخفا من ضاريات سباعها انحن بني شمران واللي قد عدانا نشبعه بالحب الاحمر و السيوف اللي تعسْف شراعها ولا انت خلك مختبي عنا بلبس الاقنعه بين العرب ماكنك الا حرمةن بقناعها وسلامتكم الشاعر محمد بن أحمد الحوالي الشمراني |
رد: ديوان قصائد لشعراء المملكة العربية السعودية (متجدد)☘️☘️
إهداء للرمز عبدالله بن احمد ( بن عميرة ) الحوالي الشمراني -
نقره لعرض الصورة في صفحة مستقلة عبدالله بن احمد (بن عميرة) الشمراني ياخالي اللي يعتلي قمة الطيب ** ياخالي اللي للطويلات مرقاب الخال والد لو طغوني الاجانيب ** والخال لا سالت طواريف الاهداب ابوي رباني على رفقة الذيب ** وان الحمية درع وتشبّي الناب والفزعة اللي ما تسوق العذاريب ** والعلم الابلج لا حكى كل كذاب انت العريفة لو تجيك التثاريب ** ما غيرت في سمعتك هرج الاشناب من عز شبوة لين شاطي تناجيب ** ماشفت مثلك من محاشيم الاحساب لنّك على العليا حفظت المواجيب ** وتشب نارك لا انطفى كل شباب والطيبة اللي للوجيه المقاليب ** تميزك يالحر من بين الاسراب وانحن ربوعك لا بدينا مناصيب ** ولباسك اللي به تعديت الانشاب والدرع قدْم الحايمات المخاليب ** وسلاحك اللي يحسبه كل حراب اسم الحوالي شامخن في المعاريب ** اخوان جوجيّة مهدين الاعقاب من جالهم يطربه صوت التراحيب ** في مجلسن ماغلقوا دونه الباب و الغمر فينا عالدروب المكاسيب ** يلفي ثقيل الوجه في وجه الاغراب علم الولد فينا تلاقيه في الشيب ** واللي قصدنا واعتزى ما بعد خاب من ضمن شمران العصاة المحاريب ** صفّ(ن) على الحدان و للموت الاسباب حن قوم بن حوفان لا شك(ن) و ريب ** مانختلف رغم اختلافات الانساب يا بنت فكري كثّري بالمطاليب ** اليوم انا متحزمن عذب الاشراب ان ما نفعتي ربعنا جعلك العيب ** ماعاد لك عندي مقادير و إعراب وسلامتكم |
رد: ديوان قصائد لشعراء المملكة العربية السعودية (متجدد)☘️☘️
نقاط الضعف عندما نكشف طرقها وننتقم من الضعف
يا نقطة الضعف اسمعي منتي تهزّين الجبال و مْحاولاتك فاشلة و مناضلاتك فاشلة ياللي تحديتي القمم وشلك على صعب المنال هذا مقامك وان تعديتيه منتي واصله وانا طويلن في مقامي يوم كل اهلي طوال وانتي تسلقتي على ساقي بكبوة كاحله انتي بفاس الفتنة اللي دافعه غل و ظلال يكسر من اشجار الثقة للنار شيّن تاكله وانتي تشوفين اننا من خوف نصنع لك مجال لا ما دريتي ,, ضعف حالك كلنا نتجاهله وانتي تسوقين الفتن و الضعف في روس البغال وانحم حرار و لا تحسْبين البشر متماثله ترْبِين ولدك في شباكك با مجودْة الغلال لين اصبحت اجيالكم عند القدا متكاسلة انتي عرفتي تقنعين ان الحقيقه و الخيال متداخله , في كل صعبة قلتي انْها ساهله وانتي عرفتي كيف ولدك تكسبينه بالدلال لين ارتخى عند الشدايد يحْسِب انْها هاملة قلتي له ان الخوف نص المرجلة عند الرجال و الحكمة اللي من لسانك ما برت مشاكلة غيرتي الاحكام والامثال في صنع المثال اللي تغنينه على ولدك وساوس باطله وان طاح ولدك وان تعثر من يمين و من شمال لمتيه يوم اللوم به حقّن على فعايله لكن انا باعلمك الله ملك كل الكمال وعباد ربي كلها ما فيه منها كاملة يا نقطة الضعف افهمي انا سلكت الاعتدال مها تقولين ارفعي صوتك ولا بحتاج له وزنت حكمك لين حكمك ما جنى لي راس مال ما قد جنى غير التعب واللايمة متراسلة وزنت حكمك داخل الاطراف واصلاح الحوال والا بحكمك ما يجيب الا اطرفن متقابله .. عبدالله بن احمد (بن عميرة) الشمراني |
رد: ديوان قصائد لشعراء المملكة العربية السعودية (متجدد)☘️☘️
قصائد الشاعر يوسف بن محمد بن حسن الشمراني
لسان شمران البارحه قلبي من الهم ما نام يبكي ويشكي لدهر شين حاله امسيت في ليل ن ودمعي على اكمام ثوب ن طويل الوقت قصر سباله ومالوم صدري يوم ضاقن الانسام مرت ليالي العمر ياكم بقاله الموت رحمه من صودايف الايام واللي لقاه الموت ياطيب فاله والموت يشفي من عسيرات الاسقام كم واحد ن بالموت يرتاح باله كم ماتت بعيني كبيرات الاحلام وكم جرح وسط الجوف مامن دواله في ذا الزمن ماتنفع اخوال واعمام ماينفع الرجال ياكود ماله ليا ذكرت اقوام تطري لي اقوام وليا ذكرت الزين مال الهواله كاني السجين اللي لقى حكم الاعدام واللي ذبحني شوف ذيك الغزاله خيل ن سبوق ن مالها سرج ولجام يجيبها وجه القمر لو تساله ليا حكت تحكي مووايل وانغام ولياسكتت ماني عن الحي داله وليا ضحكت يازين عضات الابسام ثغر ن بيروي كل منه ظماله وليا اقبلت في نحرها اقسام واقسام وجه ن كمال البدر ياخذ كماله في وصفها جفت محابير الاقلام والعز يبني كل منه بناله والمدح لو يمشي مع الناس بزمام قدناه صوب اللي بفعله يناله ربعي بني شمران في روس الاعلام من تهم لباشوت لاعلى تباله نعدي كما يعدي للصيد ضرغام ونقتل جنود القوم عقل وجهاله كم ليلة ن نغزي وكم غازي يضام والذيب لو يعوي نجر العواله وان عشت عيشت عز وان مت مقدام والكذب بين دوم تقصر حباله |
رد: ديوان قصائد لشعراء المملكة العربية السعودية (متجدد)☘️☘️
يقول لسان شمران في مدح الشيخ حوفان
هذه القصيده مدح في الشيخ حوفان بن عبدالله يا سهيل دام المدح في شيخ الشمارين حوفان ولد العز نسل النشامى اللي طفح بالجود كيل الموازين شيخ جبله الله بطيب وكرامه ابوه حامي العرب من حين لاحين من روس بيشه لين ساحل تهامه رحيم يرفق بالضعوف المساكين في نظرته من الشجاعه علامه مقدام تعرف تعقد الشور من بين خوان صدق القول واهل الملامه وسلامتكم يوسف الشمراني |
رد: ديوان قصائد لشعراء المملكة العربية السعودية (متجدد)☘️☘️
قصيده في الشاعر محمد بن ظافر الشمراني
في الحقيقه يستحق الشاعر محمد بن ظافر دواوين شعريه لكي توفيه نصف من حقه في المديح والاطراء ولكن فل يتقبل جمهوره هذه القصيده المتواضعه التي تتظمن مدح لابوسامي وتوضيح لحال الشعر من بعده: الشاعر اللي عقبه الشعر موجوع لو بان طبه ماليقنا علاجه يوم اكثر الشعار تابع ومتبوع بنا قصور الشعر واحكم سياجه على القصيد الوافي الجزل مطبوع القاف منه قد عرفنا نتاجه بو سامي اللي كل خصم ن له يطوع كم شاعرن لقاه ضيع خراجه ليا رقى منبر هل الشعر مسموع في منبر الشعار منه يواجه كم حبل شاعر من خناجره مقطوع في محفل الضيفان يكسر حجاجه يا ذيبنا اللي كل ماضامك الجوع تاكل ذياب ولاعرفت النعاجه يا معدل المعوج لو كان به عوج والصقر يفرق عن علوم الدجاجه والشعر تايه في ظلامه ومفجوع فرقاك ظلمه ونور وجهك سراجه ماعاد يعرف وين كوه من البوع ولا عادله مع الشعاعير حاجه صار الشعر سعله تشرى وبه بوع وكل ن يروج سلعته في حراجه نوع ن من الهزلات والهون وبه نوع لو حن حكينا عنه والله سماجه يا كم رفعنا الصوت والصوت مرجوع يوم اكثر الساحات عوق وهماجه عزاي انك في محاجره مزوع غصب ن يناجي وانت بالطيب ناجه يوسف الشمراني |
رد: ديوان قصائد لشعراء المملكة العربية السعودية (متجدد)☘️☘️
بدع ورد لسان شمران البدع
لوقسا وقتك وشين لاتقول الوقت ني شفت شي ن شاب راسي والدمع في العين شاب الرمض من تحت قدمي ياعلي والشوكبه الشعر قامت بيوته تهادم وتهايل كل سيف ن لو نسله ياعلي يلمع معه الرد وسط سوق ن زان سومه اشتريبه واقتني يوم دوار المشاكل غايته كبر النشاب ياصحيبي ربعك اللي بالوغا غشوكبه يوم قالوا عنك هايل وشبغوا لو كنت هايل ضعت وسط حربنا في زحمها والمعمعه البدع الجريمه وثوقها واقبضوا ع المجتني حاسبوه اليوم من قبل القيامه والحساب مايفيده صيعته بالدهر ولا الدشر به وقنا الي عاش فيه الضبع وصار الليث مايل هلت قروم الحمايل العبر والمدمعه الرد اترك النخل المعذق في يدين المجتني ياكل التمر المحلا يو طعم الملح ساب والعسل لو بان شهده يا علي ودشربه من بنا قصر المعزه ماهو مثلك يا الثمايل والبحر في حين موجه هايجن والمدمعه البدع انت يا رجل ن غشيم ن بالشعر شيبتني ماتميز بين صوتك يا الغراب ويا العقاب من نضر في الشام يلمح واليمن يلمح سبا انحن قد خلقنا للحروب وللجمايل ماندور رعاي الونسان ولانونس معه الرد ابتني من كل حيد وصالب الشي ابتني ما حسيت حساب قوم ولا حساب ولا عقاب يوم انا من صلب قوم المنسبا والمحسبا القوافل ماتسير الاظهر الجمايل كل لاش ن لاتزحر ماندور نسمعه البدع لا اظلم الليل الحليك من سنا الضي امتني ارضي الليل قد تصالت وفي العوالي لي شهاب الخسي مايوم نكرم لحيته ولا شنباه جيشنا الي قد غزاكم بالف جايل والف صايل يبرق النو الظليم وسيفنا بيرق معه الرد يوم ضمتك يا جهيل والله ماظيمتني صاحبك من جور بطشي بالموقف ليش هاب قد نوينا نعلم العربان اصله وشنباه اسمع الموجز وتعرف وش بقي من الفصايل من ورد بير الحمايل داخل البير اقمعه يوسف الشمراني |
رد: ديوان قصائد لشعراء المملكة العربية السعودية (متجدد)☘️☘️
راس باشوت
يابرق تضوي من على راس باشوت حدر على وادن تشاكت ضواميه الطير اله سنين في العش مكبوت والفرش ضمر يوم جفت نواميه يا الله يا اللي ترزق الطير والحوت في وسط جوف البحر والغيب تدريه تهطل مزون الغيم ويزول ساحوت وتحي هشيم الزرع والنخل تسقيه البارحه في عالي الفرش بالصوت ومن حول وادن مرد الجن تويه في زمهرير البرد لاجبه وكوت بيت ن نظمته وقمت اعيده واغنيه جتني بنات الجن والشيخ ياقوت نذكر وليف ونرجع العمر ماضيه يا شوقي اللي تطوي ديار وخبوت بلغ سلامي للغضي ثم وصيه قله صحيبك من سبايبك للموت ومن ماظفر بلقاك وش عاد يحيه ومن الحزن كانه في اظلام تابوت وظلم السنين العوج والبعد والتيه يمشي في درب الحب ولامعه قوت وانا جاع لك قلبه بذكرك يسليه اسمك بيطبي داخل القلب منحوت مرت سنين العمر من بناسيه ولون دمع العين يقرب لنا الفوت هليت دمع ن قاحل البيد يرويه يوسف الشمراني |
رد: ديوان قصائد لشعراء المملكة العربية السعودية (متجدد)☘️☘️
الشعر ع الاصول الا يا الذي في حكمه الخلق خضاعه ويعلم كنين القلب ويقضي مشاغيله اله ن خلقنا بامره السمع والطاعه ورحماه من دهرن تكاثر تهاويله وانا خوك يا عالي وللقول سماعه كلام ن من الاعماق يا ليت توحيله تحذر صحابن في هوى النفس منصاعه على مجلس النمام شيشه وتعسيله رجال ن تضاحكلك وهي فيك خداعه رجال ن مرابيها على الغدر والغيله رجال ن لراع المال والكسب تباعه ولو انه في سوق المراجل بخس كيله لطبل الفتن بين المخاليق قراعه ولاحان يوم الهول تنحاش في ليله وانا اللاش ما اخاويه واعيش قطاعه يعيش الجرو ويموت مايستوي ذيله وانا ماكنزت المال ولاني بجماعه عسى من يحب المال يلقاه ويجيله ولاني من اللي يشرح لغيره اوضاعه ولو ثقل همي ما بتبرك محاميله ولامن نسناس التهم هب ذعذاعه ابا ارقاك ياضلع ن وساعن مداهيله ابنظم بيوتن في حشا الصدر جزاعه على صاحبن يزداد حبه وتبجيله تذكرت عمرن ماقدرنا على ارجاعه قضينا مع الاصحاب حله وترحيله الا من طرى لي سيل الموق بادماعه وخدي سوات الشعب لمن ظرب سيله سلامي على اللي من ورى نجد مرباعه ديارن عليها النو سالت هماليله ديار الذي في بعدها النفس ملتاعه الاويل قلبي من من مفارقه ياويله اله نور وجهن قو سطعه وشعشاعه ليا دب وسط النو يفرق مخايله وثغرن ضحوكه كانها بروق لماعه وريق ن كما شهدن تندي معاسيله عيوني لشوفته من ضحى العام طماعه ابا شم طيبن حل في داخل اجديله انا شفي قلبي سوفتك يا الغضي ساعه اسمعك صدق الشعر وازعج مواويله ترى حلمي اللي يوقض النفس مرتاعه عرفنا مع الايام سره وتاويله لو ان الحزن يمن تراني على قاعه وصاحبك تال الوقت ما قام به حيله يوسف الشمراني |
رد: ديوان قصائد لشعراء المملكة العربية السعودية (متجدد)☘️☘️
بدع ورد الشاعر ضيف الله العامري والشاعر يوسف الشمراني السلام عليكم ورحمة الله هذي قصيده وجهها الشاعر ضيف الله العامري في احد مواقع التعارف الاجتماعيه وكان لي الشرف بان ارد على هذي القصيده ورديت عليها ومقابلة شاعر بمنزلة ضيف الله العامري اليكم القصيده وردها
الشاعر ضيف الله العامري يـامـشــايــخ ويــاشــعــار شـــمــــران يـــاهــــل الـطــايــلــه0 يــارمــوز الـجـنــوب وياقـبـيـلـة وفــــاء بــيــن الـقـبـايـل0 اسم شمران واضح كنه الشمـس فـي كبـد السمـاء0 انــــا قـابـلــت لـــــي رجـــــال ونــعـــم لــكـــن عـنــصــري0 جمعتنا ضروف الوقـت مـن غيرموعـد والمحافـل0 والـشـاعـر عـادتــه يـمــدح رمـــوز القبـيـلـه مـايـسـب0 واثر اخونا مريض وناقص العقل وافكاره عقيمه0 اتصـل بـي بعـد يوميـن قـال انـت قلـي مـن تكـون0 قـلــت والله غـريـبـه تتـصـلـبـي وتـنـشـدنـي مــــن انــــا يابـن الاجـواد قلـي ياعسـى ماحصـل منـا خـلاف قــال لــي لـيـش تنسبـنـا لشـمـران وحـنـا لـيـس منـهـا قـلـت شـمـران ونـعـم هــد روعـــك وكـــب العـنـصـره0 قال ونعم ولكن انت في مدحهـم رجـل(ن) مبالـغ ولا انــك رجــل جـاهـل ماتـعـرف الـعـرب وانسابـهـا0 الا ونـــه مـــزوده عــلــى غــيــرعــلــم وحــــق بــايــن0 واخر العلم قلت امسك حدودك وبه علـم اسمعـه0 كـان ودك تظلـي مثـل شـمـران شـمـران العنـاصـي0 حــب كـوعـك ويـمـكـن بـعـدهـا انـــك تـظـلـي مثـلـهـا يوسف الشمراني القصيره قصيره ماتنول السما والطايله وانت يا ابن العوامر وافي ن في صدور وفي القبايل مثلكم لو تطيح الروس راسه على العليا سما امدح الكفو والا اللاش لو هو بدى العن صري يوم نرزع رياض العز فل الوفاء يا كم محافل نعبلو مايومن في لزومه رديين النسب مايصون المبادي غير كفو العرب مرفوع قيمه مثلكم يا العوامر في يوم شحن الفشوق حمات كون ما توانون في الميدان لو ذابح السمن انا تردعون الخصيم وتقطوعون الطرايف من خلاف وكان قال الجبان اليوم هاك النحيفه ولي سمنها قولوله يا صحييبي كل عنصر يقابل عنصره انتم اهل الكرامه ماتعشيون في جمع المبالغ ضيفكم من كثير الزاد كل السماين سابها وانا لو هو غمض نور الحقيقه في نور الحق اباين ووالذي يعدل الميزان بالطيب حن نونس معه وانحن داعية شمران لمن لفى الموجوع ناصي نزفع ونقطم ارقاب الخصايم كم قطم اثلها |
رد: ديوان قصائد لشعراء المملكة العربية السعودية (متجدد)☘️☘️
لحظة حزن يا مقبل الايام ماعادبه خوف. 00000000000اولك جاب البين دقه وجله
والدمع في خد المواليف مذروف0000000كنه خليلن يرتمي حضن خله ولاذاقت عيوني سوا حنظل الشوف. 0000000والحزن كافر مابرى الحال غله ودمع الرجى من حلم الامال مكفوف.0000000 والصبر غيمن عشت عمري بضله وريح القهر هبت على الصدر عاصوف.00000 والضيم سيفيه وسط قلبي يسله ليت الخلايق تدرك اللي بلا الجوف.0000000 حبن منيف الضلع ماطاق شله يوسف الشمراني |
رد: ديوان قصائد لشعراء المملكة العربية السعودية (متجدد)☘️☘️
محاورة الشاعر يوسف الشمراني والشاعر حمدان العتيبي
السلام عليكم ورحمة الله وبركاته احببت ان انقل لكم محاورة على طرق العرضه الشاعر يوسف الشمراني و الشاعر حمدان العتيبي بمنتديات مجالس البجادية البدع من الشاعر يوسف : ياسلام الله عليكم بحر ساق الجز مده روقه وبرقا رجال الحرب من قدم السنيني انت ياحمدان روقي تنطح الضلع وتهده ودنا ذا الليل تنطح ضلع باشوت المتيني والرد من الشاعر حمدان العتيبي : مرحبا ترحيبتن تضفي على سكان جــــده ماتحركها العواصف لايــــــــــــسارولايميني كيف ناقضت الصحيح اللي على الواقع تعده ليت اهل باشوت دلوك السنع يانور عيني الشاعر يوسف الشمراني : البقى ياصاحبي والثوب قدك وانت قده عين لك صوب الجدي والثانيه للفرقديني في عفيف اشوف فارس ينصب ويحده لو يموت اليوم من يبعث رفات الميتني الشاعر حمدان العتيبي : العدواه تنقلب في يوم وتصــــــيرالموده والموده تعتدل مره وتقلب مرتيني كان شفت الفارس اللي يعتزي بفعول جده ارفع يدينك وقل (ياسيدي لاتبتليني) الشاعر يوسف الشمراني : من يسند ضلعنا يحدر على الساحل مرده وانت لك في خافقي يوم اللقى كنزن دفيني جيت تحسب خدرها لك فيه مجلاس ومخده وانبتت لك في ثراها يالعتيبي شوك تيني الشاعر حمدان العتيبي : تفرق اوصاف الرفاهيه عن اوصاف المكده الرفاهيه يجيك انتاجها تجميع صـــــيني يوم عبله قبلت عنتره وعلمها بــــسده انت وش دخلك ياوجه القشربين الثنيني الشاعر يوسف الشمراني : جيت تحرب وانت ماعندك لجيش الحرب عده تذبح سخيف البهم وتعود من دون السميني لو تشيل طويق يدك يا العتيبي قوم مده مير ترجع لك يمينك دون مدات الثميني الشاعر حمدان العتيبي : الصخيف اللي سواتك يجرح المنديل خده والله انه مايصـــــــــــــــــــيرالشرمن بينه وبيني ودعجاب الخبر ياللي تود العـــــــــــلم وده ويش رايه شفت لي خكري يشيل المارتـــيني الشاعر يوسف الشمراني : انتهى مزح الدهر واقبل على حمدان جده لين راح العصروالفنجال بين الدلتيني يا ولد روقه ينوح الصبر والمستور بده الذهيب االلي مع الوادي وراعيها غبنيي الشاعر حمدان العتيبي : لانفتح باب المزوح الطيبه لاحدن يلــــــده ون بغيت الجد سرالقاف والخافي يبيني الذهيب اللى ورى باشوت جعل الله يرده ماقدرت اجيه في داره ولايـــقدر يجيني |
| الساعة الآن 09:32 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية