|
رد: فوق هام السحب ( الشعر الشعبي) على متن القوافي
لك الحمد ياربي على كل علم ٍزين
ولك الشكر ياربي على كل ما نكره عسانا ياخالقنا فما تكتبه راضين وعسانا من اللي يلهمه خالقه ذكره وعساها ليا حانت موضين ومصلين ونقول الشهادة لحظة النزع والسكرة رفعنا يدينا ياعظيم العطا راجين وشكرناك يامن قدّر الزود في شكره شافي البيضاني |
رد: فوق هام السحب ( الشعر الشعبي) على متن القوافي
ما أحب الرفيق اللي يحب يتجمل فّي
أحب الرفيق اللي ماقد شفت معروفه هذا ما أشعر بحريتي معه دامه حي وذاك أشعر بحريتي كل ما أشوفه حزمي بن سعد |
رد: فوق هام السحب ( الشعر الشعبي) على متن القوافي
الوقت قاسي وحظي مثل ريش الغراب
وبيض الصحايف (تبي منا) و (حنا نبي) ثلثين بالي يصارع .. في جحيم العذاب وما بين (دقني) اواعد هاجسي(وشنبي) يارازق الطير في جحره ومنشئ السحاب تزيح عني هموم(ن) .. انهكت .. منكبي ....... |
رد: فوق هام السحب ( الشعر الشعبي) على متن القوافي
التجربه تعطيك نبذه عن الناس
وتحط في غفل المذاهب وسيمه طبنا وبادلنا الوفاء طيب الراس من طيب خاطر والنوايا سليمه وطبنا مع اللي لا مبادي ولاساس وجتنا العواقب بالنهايه وخيمه من يرهن الذمه على بنك الافلاس حطاب ليل ولايحوش الغنيمه ضيف الله ابا العون |
رد: فوق هام السحب ( الشعر الشعبي) على متن القوافي
من لاتخيّر ف البشر زال هو حي
لامات ماله في مكانه تخير اختر خوي الجنب وابعد عن العي تراه في. لحضه علاك ايتغير واهم منها. قبل لاتنزل. الحي دور على جارً قبولً و. خيّر يمناه تشبه. بالكرم. حاتم الطي وإن ضاق صدرك رحت يمه مسيّر حمود الجداعي |
رد: فوق هام السحب ( الشعر الشعبي) على متن القوافي
يـالله تـعفو عـن جميـع الـخطايــا
أنت العفو وأنت الكريم الحليمي تـدمـح ليــا جيـنــا لبـابـك عرايــا هبـنــا مـن الجنــة مـقـرٍّ كـريـمي في يـوم تشخص به عيـون البرايــا يـا ربّ جرنـا من عذاب الجحيمي سعود نامي المقاطي |
رد: فوق هام السحب ( الشعر الشعبي) على متن القوافي
اللّي رصيد المراجل في حسابه صفر
يلحق على المرجله قدام تصعب عليه المرجله راس مال اللي يبون الظّفر واللّي يبيها بدون اتعاب تبّت يديه بوجيه اهلها بشاشة طيب نور وسفر كنّك ليا جيت احدهم من حدا والديه محسن المداريه |
رد: فوق هام السحب ( الشعر الشعبي) على متن القوافي
تفجر الصمت عقب الحاله القشرا
قنبة احاسيس توجع قانب الضاري اجهز على الصبر قلبه واوقد الغمرا غنا مع الليل وجزل الشعر سماري كن فوح الاانفاس دلال وشفته تمرا والراشف اللي قدع له العمس باري انعش عروق ٍ دمرها الوله دمرا من لمست الجيد حتى طرز زراري عبدالعزيز بن قالط |
رد: فوق هام السحب ( الشعر الشعبي) على متن القوافي
كثير البشر تطلع علاقاتهم .تمويه
الارواح غشّاشه والاعراق دسّاسه فـ شخصٍ اذا طبت وحشمته يبيّن فيه وشخصٍ اذا طبت وحشمته كبر راسه ناصرالهاجري |
رد: فوق هام السحب ( الشعر الشعبي) على متن القوافي
الناس خيّم عليها البغض واعماها
اعيونها في غطا وقلوبها مرضــى ياربي اقسـم لنفسـي منك تقـواها وأقسملي من العمل والقول ماترضى غالب ابو كتيفه |
رد: فوق هام السحب ( الشعر الشعبي) على متن القوافي
قاوم ظروفك وشيّد بالأماني صروح
ولا تخبِر الناس بهمومك يزيدونها سطوات الأيام لو جارت تمر وتروح واللي له أهداف يصمل لايجي دونها الرزق مكفول دام إن الجسدفيه روح والعالم أقدار ربك ما يردونها ....... |
رد: فوق هام السحب ( الشعر الشعبي) على متن القوافي
ضحكت ما فيه الكفايه وجاملت
وقابلة طعنات القفى بالتغاضي واشوف غدر وظلم واقول ما شفت صعبه تقاضي الناس ما دمت قاضي و انا ليا مني هرجت و تكلمت يسمعني اللي في الحساء والرياضي لكني ادرا العاقبه والزم الصمت لجل الموده و الوفاء و التراضي محمد بن وقيت |
رد: فوق هام السحب ( الشعر الشعبي) على متن القوافي
إذا عارضك وانته تسولف قليل العرف
وقطع سالفتك بهرجةٍ ضايعه مثله طلبتك تلد بلدت اللي يغض الطرف هروج الخبول اتطيح تشبه غصون أثله يجي في المجالس من صفاته هبيل وكرف ودايم يشيل الشين والغبن في حثله المهدي تركي |
رد: فوق هام السحب ( الشعر الشعبي) على متن القوافي
نضحك ونمزح لا تعاتبنا على بعض المزوح
نحتاج ساعة للفرح لن كان ماتحتاجها قفل مجالات الزعل والضيقه اللي ماتروح والعين عوّدها على الفله وفل حجاجها ان كان ف صدرك جروح صدورنا فيها جروح خلك على الهقوه ونلقى للجروح علاجها خالد العصيمي |
رد: فوق هام السحب ( الشعر الشعبي) على متن القوافي
الناس .. مقسوم ربي .. مايكفيهم
كلن يقول انه اولى الناس بالحاجه ! لو ترضي إمن الثلاثه .. واحد ٍ فيهم منهو يفكك .. لو الاثنين .. هراجه ! يالله من الحسد والاحقاد تشفيهم الكل ماهمّـه إلا .. وين مخراجه ! لو تبذل الجهد كلّه لجل ترضيهم والله .. ماكنّـك تسوي لهم حاجه ! اسعد البلوي |
رد: فوق هام السحب ( الشعر الشعبي) على متن القوافي
اصيب واخطي واتعذر إذا اخطيت
وإن جيت تقدير وغلاا جيت كلي لكن متى ماشفت ماعفت صديت صدت جفااء ماهيب صدت تغلي ....... |
رد: فوق هام السحب ( الشعر الشعبي) على متن القوافي
ياخاطري لايزعجك جور الأيام
كم مره تكبر وترجع سهايل صحيح توجعنا صواديف الايام لكن كثر الصبر جاب الجمايل ....... |
رد: فوق هام السحب ( الشعر الشعبي) على متن القوافي
لا تضايق لو يصير اللي يصير
كل قلبٍ من هــمومه مــرتوي دام لك ربٍ علــى همك كبير خل قلبك في مواقيفه قوي ....... |
رد: فوق هام السحب ( الشعر الشعبي) على متن القوافي
يا عھم تمرّ اظروف وتعدّي اظروف
مـا نزعَــل مـــن أقــدارنا لا ابتلينـا تعــدّي الأحــلام وعيوننا تشـوف وبمــا كتب ربّـي عـلينا رضينـا نطيب ما نرجي من الطيب معروف ونتجاهـــل أخـطاء الخـلايق عـلينا واذا تجاهـلنا تـرى ماهـو ابـخوف اللــي منعنـا ... تربية والــدينا ....... |
رد: فوق هام السحب ( الشعر الشعبي) على متن القوافي
السبعه اللـــي مالهم عندي ارقام
كــــلٍ يــــدور مايناســب لــــذاته منان ومنافــــق وحاســــد ونمام وخايـــب وشيـخٍ شيخنه خــــواته والسابع اللي تخدعك فيه الأوهام ذاك الـــرفيق الليا تقوبــع عـــباته ....... |
رد: فوق هام السحب ( الشعر الشعبي) على متن القوافي
يدور الزمان ويثـبتون الكـبار كبار
على مرجلة وفعول وسلوم ومروه ماكل من ناداك يستاهل المشوار ولاكل من خاواك يستاهل الخوه ....... |
رد: فوق هام السحب ( الشعر الشعبي) على متن القوافي
الـعـز عـز الـروح مـا هـو بالامـوال
والطيب طيب الذات رفعه وهامه والفقر فقـر الفـكر مـع مَر الاجيال يامن تحسَب الفقـر عيـب وملامه ....... |
رد: فوق هام السحب ( الشعر الشعبي) على متن القوافي
ولعتني يا نور عيني وصديت
وخليتني من طول هجرك أعاني مدري جفا مدري علينا تغليت وإلا دخل في جوكم شخص ثاني وانت الذي في وسط عيني تعليت وليا ذكرتك داعي الشعر جاني ما طاب لي زاد ولا مقعد البيت حتى لذيذ النوم راح وجفاني ....... |
رد: فوق هام السحب ( الشعر الشعبي) على متن القوافي
وهزتني الذكراااى وانا بين الاجواد
ساعة عرفت اللي لفاني ولدها طمنت احبه والغلا فيني يزدااااد شميت ريحه حبها في سندها ضميته بصدري على جروح جداد من غير ما اشعر احسب اني بيدها رديت للماضي وهو بين الاياد نفسي من الموقف اكابد جهدها سألته ودمع الوله فاض وقاد أسمك وشنهو رد لي من بعدها مسمى على اسمي ما نست حب الامجاد الله حسيب اللي حسدني وحسدها مرت سنين كلها شوق تنعاد بعيوني اللي عارفه وش عددها صدفه وفيها الخير من الف ميعاد لي ضاق صدري رحت اطالع ولدها ⠀⠀⠀⠀⠀⠀⠀ .......⠀ |
رد: فوق هام السحب ( الشعر الشعبي) على متن القوافي
خلك عزيز النفس وأرقى بهافوق
وارفع مواطنها علا كل مشراف لوالمراجل حلوملبس ومنطوق كان المراجل ملك زينات الأوصاف المرجلة فعل ومواجيب وحقوق وعزمٍ على طيب المبادي والأعراف لانعرف الحيله ولانعرف البوق ياماضفينا خملتن قبل تنشاف ....... |
رد: فوق هام السحب ( الشعر الشعبي) على متن القوافي
لا تسب الطيبين اهل المقام البيّن
ما يسب الطيبين الاّ الذراع القاصر ارتفع عن الكلام اللي مغير ايشيّن يقتل الصحبة ويقطع موثق الاواصر ما يرام الهيّن الاّ اللي جداره هيّن فالمجالس كنه من اربع جهات محاصر ولا تخلي عقلك الليّن يحطّك ليّن قالوا اهل المعرفة لكل لينّ عاصر ماجد بن مطر |
رد: فوق هام السحب ( الشعر الشعبي) على متن القوافي
لا صار للرفقه حقوق ومواجيب
عن كل عيب اصونها واحماها مانيب ادور في رفيقي عذاريب ولانيب اثور بندقي في خباها اعامله في كل الاحوال بالطيب وارفع قدر نفسه وابين غلاها اجعل مكانه فوق روس المراقيب وافخر بطيبه بالملا واتباها عزالله ان ذم الخوي يا عرب عيب عند الرجال اللي حميدٍ نباها لا عاش من يرخص مقام الاصاحيب ويحس خطرها ويبحث خفاها خليل بن هدلان |
رد: فوق هام السحب ( الشعر الشعبي) على متن القوافي
من بغى فزعة رفيقه في نهار الشده
لا يقصر في لزومه لا بداله حاجه من حفظ قدر الرجال الرجال تعده لاوطاه الوقت يبشرمايضيق حجاجه الوفاء عند العرب عودٍ يذعذع نده باقيٍ دام الجمايل نارها وهاجه مع هل المعروف كفك بالجمايل مده بالوفاءوطيب العلوم الغانمه ومواجه ضيف الله أباالعون |
رد: فوق هام السحب ( الشعر الشعبي) على متن القوافي
أحرص على الكلمة ، والمنطق الزين
أكسب رضا نفسك ولاتجرح النـاس بعض الكلام أثقل ، من الهم والدين يقطع غصون الود والغصن حساس ........ |
رد: فوق هام السحب ( الشعر الشعبي) على متن القوافي
نصبر على المكتوب لوجار ماجار
ونجبر خواطرنا ولو هي كسيره وحكم القدر واقع ولاتنفع اعذار لكن ترى بعض المقادير خيره ....... |
رد: فوق هام السحب ( الشعر الشعبي) على متن القوافي
يالله برزقٍ يطاول ناطحات السحاب
ان زاد فيه بركه وان قل فيه بركه رزقٍ بيوم التغابن فيه ظل وزهاب يومٍ ب هوله ماتسمع للعباد حركه إلا قريع الظما قرقاع شنة ركاب طاح الرديف وجثا الركبي على مبركه الناس تزحف من الاجداث يوم الحساب لو تبلع الريق حتى الريق ماتدركه محمد مريبد العازمي |
رد: فوق هام السحب ( الشعر الشعبي) على متن القوافي
يامنتهي الشرهه تجيك المشاريه
النفس لاجرحت يبين زعلها الشعر زعلته وجت لك معانيه وان طافتك هذي تحرى بدلها لوجيت ادور لك عذر وين الاقيه تجاهلك حتى اعذاري قتلها انا اعرفك لو ينشري الطيب تشريه لكن حسافه ليت غيرك فعلها ان كان في نفسك كلام مخفيه الكلمه اللي تجرح النفس قلها مهوب انا اللي خمس كلمات ترضيه الناس يافلان تقاس بعملها بعض الاوادم ضحكة الزيف تغريه لين يتجرع سمها في عسلها واللي عن الواجب طواريه تعميه تمر ميلات الخطا ماعدلها واللي عيونه تنخدع في مباريه لو كلمته عوجا عشانه قبلها واللي نسى يعرف عدوه ومغليه نفسه تساوت علمها مع جهلها هذاك ياكود القصايد توعيه حتى يعرف ان المشاعر خذلها من صد عني عمد ولله مارجيه لو حاجتي عنده حشا لااعتزلها انا من اللي عزة النفس تغنيه ماذل نفسي للحياة وغزلها وانا من اللي حاضره مثل ماضيه لااكبرت القاله تعود لاهلها كلن تحثه للمعالي هقاويه بس الثقيله مالها الا جملها الصاحب الطيب على الروح ابديه والا الثعاله تنكشف من حيلها من ترده الشرهه تجيه المشاريه النفس لاجرحت يبين زعلها ........ |
رد: فوق هام السحب ( الشعر الشعبي) على متن القوافي
الشيب ماهو عيب يا معذرب الشيب
الشيب فـي راس الـولـد له سبايب إما كريمٍ شاب يبحث عن الطيب وإلا شـجـاعنٍ عذبته المصــَايب ....... |
رد: فوق هام السحب ( الشعر الشعبي) على متن القوافي
يقول منهو على صوت الغناء غنا
على الذي درات الافكار من شانه ياشوق طبع الوفاء منكم وهو منا تبقى الاساليب مقبولة وفنـــــــانه حنا على العهد لا خنتم ولا خنـــا ولا نطيع الذي فالحب خـــــــــوانه مادام حنا بصحبتكم تماكنـّــــــا فالقلب يازين لا تكثربه اشجــانه يازين عنا على درب الهوى عنأ لا تحرم النفس دام النفس شفقانه ترنا على عهدكم باقي كما كنـــا مازال شوق الهوى فينا وتحنــــانه ....... |
رد: فوق هام السحب ( الشعر الشعبي) على متن القوافي
الزين في وجه الفتى مايعزه
ان كان ماهو في الطبايع والافعال بيت لـ أبو الطيّب عظيمٍ منزه سقته بتعبيري ولا هان من قال ترى الفتى لاصار مافيه فزه والله مايبلغ من العز مثقال ودك اذا شفت الهلامه تكزه لين يغدي مثل الرجاجيل رجال ....... |
رد: فوق هام السحب ( الشعر الشعبي) على متن القوافي
ماكل صـديـقٍ تـذخـره للمـهـمات
بعـض الصداقه تنجلي حـزّة الضيـق اخـتـر صـديـقٍ يـرتكـي لثـقـيــلات هذا الـصديق اللي يصون المواثيـق واحد ويكفي عن كثير الصـداقات خوت شرف ما هيه خـوت تلافـيق ....... |
رد: فوق هام السحب ( الشعر الشعبي) على متن القوافي
الله يمسي كل الأحباب بالخير
ويسعد لياليهم ويسعد مساهم وياالله يامعبود يا رازق الطير ريح خواطرهم وزود هناهم ....... |
رد: فوق هام السحب ( الشعر الشعبي) على متن القوافي
المشاعر والمعاني يولدها الحنين
ودمعة مفارق حبيبة بخدة تجرحة ياوجودي وجد من عاش فالدنيا حزين من بعد فرقاء حبيبة وش الي يفرحة يامنال الروح ماتت امانــي الحالمين انقطع حبل الامل في رجاءالي نطمحة صار وصل احبابنا مثل وصل الميتين مابقي غير القبر لجل نقــراء الفاتحة ....... |
رد: فوق هام السحب ( الشعر الشعبي) على متن القوافي
شعر باللهجة اليبية
نسكت ونا عارف اني مظلوم ونحكي ونا عارف ثقيل كلامي ونزعل ولكن مانريد نلوم ايش فايدة يابورفيق ملامي ونقول ساهلة واللي جرا مقسوم وايش الحياة اصلا امغير قسامي حتى لو مع جرحي حزين نزوم نحط فالرفق والطيبة قدامي ونمشّي وصيور العلل مردوم سريب الزعل واللوم جوا كامي واللي في بحر موج الاوهام يعوم صيوره ايجي عطشان شوري ضامي ما يهمني خاطي رفيع السوم اللي فخاطره ديما مقامي سامي الصاحب اللي صاحب رفيقه دوم مايتركه ديما عليه يحامي والدنيا قديمه قوم تخلف قوم وماينذكر فيها الا المسامي اصحاب الشهامه فزعة المظيوم امان وهنا للي ايجيهم رامي تقول في سما ليل الزمان نجوم هذوم الونس في وقت قاسي دامي سالم درياق الله على أهل ليبيا |
رد: فوق هام السحب ( الشعر الشعبي) على متن القوافي
انشهد أن الحيا يسرق قلوب الرجال
مثل الزهر طلعه الاول خفيف وندي اجحد ليا شفت منسوب الحيا لايزال واقول ماشفت ويشوف الغشيم بعدي الطف من الحلم واحلا من نسيج الخيال واطهر من المدلهمْ اللي يصب بردي عذراً تقول انها يوم اعتراها الجفال ورعٍ يبا يهج لكن مايعرف يعدي ....... |
| الساعة الآن 10:36 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية