رد: فوق هام السحب ( الشعر الشعبي) على متن القوافي
 

ياالله يلِّي من ترجـاك يعتاض
ياواحـدٍ ملـزوم نَتْبَعْ فروضه

يالله يارزاق ياخير عواض
لامِن بغيت العبد تاقف حظوظه

يامن شفيت أيوب من عقب الأمراض
تكتب لعبدك مارجاه ويعوضه

......

رد: فوق هام السحب ( الشعر الشعبي) على متن القوافي
 

وش فيك ياصدر الشمالي تضايقت
والناس تضرب في سعتك المثايل

أفا ياصدري ضقت من جاير الوقت
خابرك ياصدري تشيل الثقايل

وش فيك علمني لك أيام مارقت
ضايق وفيك الهم صايل وجايل

......

رد: فوق هام السحب ( الشعر الشعبي) على متن القوافي
 

‏التجاهل ما يعلّي لك مقام
والتغلّي ما يثبت لك وجـود

لذة الدنيا مواصل والسلام
والغرام يمـوت من كثر الصـدود

......

رد: فوق هام السحب ( الشعر الشعبي) على متن القوافي
 

والله ما مثل التوكل على الله
يملا لك الدنيا سعاده وتوفيق

واللي يردد دايم استغفر الله
تلقاه مايدري عن الهم والضيق

ذائقة

رد: فوق هام السحب ( الشعر الشعبي) على متن القوافي
 

‏يا الله توفقنا لـ طاعتك ورضاك
‏وتجعل لنا عفوك عن النار حاجب

‏يارب واجعلنا مدى العمر بـ حماك
‏عن الذنوب ولا نقصّر بـ واجب

؟؟

رد: فوق هام السحب ( الشعر الشعبي) على متن القوافي
 

يارب وان ضاقت عليّ الوسيعه
‏انت الذي لا ضاق صدري اناجيه

‏وعبدك لو ان الوقت عيّا يطيعه
‏ما ينحني راسه لغيرك ويرجيه

؟؟

رد: فوق هام السحب ( الشعر الشعبي) على متن القوافي
 

سجدت لـ اللي له الثنتين والمنّه
‏وبداخلي من مطاليب العمر واجد

‏ولا طلبته سوا الفردوس والجنه
‏طاحت من عيوني الدنيا وانا ساجد

بقلمي

رد: فوق هام السحب ( الشعر الشعبي) على متن القوافي
 

صَفْ النوايا واترك الهرج للناس
الناس محد ٍ سالم ٍ من احـكاها

بعض الهروج اللّي تجي مالها ساس
تتعـبك لافـتّشت فـي محـتواهـا

لَـ تصير في بعض المواقيف حسّاس
الناس يبلـش مـن يـدَوّر رضـاها

......

رد: فوق هام السحب ( الشعر الشعبي) على متن القوافي
 

‏لا صرت ماتمشي مع الناس محتاج
‏ولا جاك في بيتك من الناس ديان

‏ولا شلت في جيبك مواعيد وعلاج
‏هذي غناةٍ ما تقدر بالأثمان

...

رد: فوق هام السحب ( الشعر الشعبي) على متن القوافي
 

حيل الله أقوى وش حنا مسوين
غير العلوم الطيبه فالقرابه

عزالله إنا للجماله حريصين
وإن هب ريح الطيب حنا هبابه

....