رد: فوق هام السحب ( الشعر الشعبي) على متن القوافي
 

ناس ليا من طحت لفاظة انفاس
وناس طواري طيحتك تحتريها

‏خلك حديد إن ثقلوا ضربة الفاس
تراك لا خشبت بتروح فيها

....

رد: فوق هام السحب ( الشعر الشعبي) على متن القوافي
 

‏تـجمّل وجامل واكـرم ولاتـشاور ضـيف
وخـلـك عـلـى صـكات الاقـدار مـتقوي

ومـن لا يـقدر حـاجتك والـزمان مريف
اجل لونصيته في الدهر ويش بيسوي

....

رد: فوق هام السحب ( الشعر الشعبي) على متن القوافي
 

وقت اللوازم ينكشف وجه الصديق
وتبين وقفة صاحبك والمستوا

أما حسبته بالفعل نعم الرفيق
وإلا طلع راعي سوالف بالهوا

....

رد: فوق هام السحب ( الشعر الشعبي) على متن القوافي
 

‏شـكيت بُعـدك واحتواني حضـورك
من غير مدري صرت عايش بذكراك

والعين عاشـت مع طيوفك ونـورك
والبـال عندك والمشـاعـر تـمـنـاك

والروح باحسـاس المحـبـه تـزورك
تمسي على حبـك وتصـبح بـرجواك

....

رد: فوق هام السحب ( الشعر الشعبي) على متن القوافي
 

‏لاعاد تنشدني ورّا خاطرك شين
‏بالله خل اللي بصدري بصدري

‏ انا ادري انك يارفيقي حمر عين
‏ ولاتنشد الا كود من زود قدري

‏ غير الزمن يومي بنا يسار ويمن
‏ وانا تصدد منّك مبغاك تدري

‏ دايم نقول ان تالي الوقت بتزين
‏وان كان تبغى الصدق والله مدري

....

رد: فوق هام السحب ( الشعر الشعبي) على متن القوافي
 

‏ِ
‏عليك السلام ورحمةْ الله والـرضـوان
‏ياقلب ٍتعب وأخفى عن العالم أوجاعه

‏يذوق الألم ومكابد الـضـيـق والأحزان
‏ولا يـشـتـكـي لـو تلـوي الضيقه ذراعه

‏توشح بصبر أيّـوب والصمت له عنوان
‏ولا غـيّـرت ضيقات الأيـام بـ أطبـاعـه

....

رد: فوق هام السحب ( الشعر الشعبي) على متن القوافي
 

‏مثل نور الصبح لامزّع خيوط الظلام
‏الحقيقه في دجى الزور نارٍ تشتعل

‏اجتماعٍ مايجي فيه تقوى واحترام
‏كان جاله رايق البال عوّد منفعل

‏الظروف احيان سمحه وممشاها تمام
‏وفي بعض الاحيان عوجاً مثل قرن الوعل

‏ينخفض سعر المواقيف في سوق الكلام
‏ويرتفع سعر المواقيف في سوق الفعل

....

رد: فوق هام السحب ( الشعر الشعبي) على متن القوافي
 

مرحبَـا وانت المبدّا والمولّا
‏عند من عينه لزلاتك ضريره

‏يوم جيت وحظي المعثور ولّا
‏الله اللي حط في يدينك مصيره

‏انت ربي خالقك من نور ولّا ؟
‏طحت من سابع سما فالمستديره

....

رد: فوق هام السحب ( الشعر الشعبي) على متن القوافي
 

يا مالك ٍقلبي وعيني تراعيِك
‏لبّيت قلبي يوم هاض بغرامك

‏احترت من زوُد الغلا وين اوديك
‏حتى عيوني ما تليق بمقامك

‏والله لو صدري يضمّك ويحويك
‏لجعلك فوق القلب تبني خيامك

....

رد: فوق هام السحب ( الشعر الشعبي) على متن القوافي
 

‏الكرم والطيب مايعرف الا الطيبين
‏والردي ما احدٍ يبي لاغداه ولا عشاه

‏الكفو مفتوح بابه على طول السنين
‏والردي ماينفتح بابه الا في عزاه

....