رد: اخترنا لكم
 

صباح الخير والرحمه وحلو التغاريد
ويارب تسعد لي صباحي وصباحهم

عسانا على حوض السعاده مواريد
وعسانا من اللي خير ربي عطاهم

بقلمي

رد: اخترنا لكم
 

لي مُنيـةٌ تعدل الدنيـا وما حَمَـلتْ
أرجو الكريمَ وأخشى سـوءَ أوزاري

منـايَ أسمعه صـوتٌ يُبشـّرني
يا عبـدُ أعتقكَ المولى من النَّـارِِ

بقلمي

رد: اخترنا لكم
 

‏مرحوم ياوجهٍ ابكيه إلى اليوم
‏مرحوم يا كبد كبدي وفلذاتها

‏بعد فقدك غدا بخاطري علوم
‏عليك العيون تهمل دمعاتها

‏من بعدك ما هنا لعيني النوم
‏ترجعني لايامك وضحكاتها

‏من بعد فقدك معاد علي لوم
‏إليا تاهت النفس بحد ذاتها

بقلمي

رد: اخترنا لكم
 

‏تضيق الصدور ورحمة الله تفك الضيق
‏وانا في رجاء رب المخاليق سبحانه

بقلمي

رد: اخترنا لكم
 

علــى النهــج بانمضــي بهامــات شاهقــه
علــى النهــج غيــرنا صـداهــــا ولونهــــا

علــى النهــج بانمضــي بخطوات واثقـــه
وبانسجـــن الايــام داخـــــل سجــــونهـا

مضينــا مــع العالــــم بنيــات صـــادقـــه
وحمــل الامــانــه قــط مابــانخـــونهـــــا

يمانــي لمع فـــي الكــون صيته وبارقــه
يمانـــي يجـــن الجــن ساعــة جنـونهـــا

علــى المــوت نتسابــق جميعــاً مسابقــه
والفتنــه الــي جــــات نقلــــع عيــــونهــا

وباندفــن الغـــدار فــي وســـط خندقــه
والــي بــرأســــه جــا يـــروح بــدونهــــا

وعيشــة الــــذل مــن ايــامنــا طــالقـــه
مــانــرتــــضيها ولانقبــــل بمخــــزونهــا

وعــزة النفــس فينــا دايمــــه مــطُلقـــه
امــا ونحيــــا بهــــا او ننفنــــي دونهــــا

ابوضاح النفيش .. اليمن

رد: اخترنا لكم
 

‏تدري ان حبك عمل فيني عمايل
‏وادري ان ودك تغامر واتّجرا

‏حايل ٍ من دونك سلوم القبايل
‏الوصل محذور والعالم تزرّا

‏يا حبيبي ليت لوصالك وسايل
‏برني بالوصل ساعه ونتبرا

.....

رد: اخترنا لكم
 

‏ياللي على دفتر ايامي كتبت ورسمت
‏ابشرك راحت ايام السهر والشموع

‏البارحه مرّ طيفك بالغلط وابتسمت
‏ما عادت الذكريات تجيب راس الدموع

.....

رد: اخترنا لكم
 

‏تـغيب وتغيب الـسعادة والأفــراح
وترجـع وترجـع فرحتـي فـي ثواني

انشهد إن الشـــــوق قتال الأرواح
وبُعـدك عليا شـــي يدمــر كياني

يامـا بك اتونــس ويامـا بك ارتاح
وياما بك انسى معضلات الزماني

وياما احبك موت واهواك ياصاح
وقربك حياتـــــي غايتي وامتناني

.....

رد: اخترنا لكم
 

لك عليّ إني ما أحطك على لسان الشموت
‏ولي عليك إن كان صدرك تضايق مرني

‏وسبة ضعاف الروابع وظلّام البخوت
‏كان ما هي نافعتني ماهيب تضرني

‏مستعد أموت لجلك ولكن قبل أموت
‏كان عندك شي يثبت غلاتي ورّني

.....

رد: اخترنا لكم
 

السماء مشهد وداع وريبة شعورك غداري
‏ورغم هذا خـازن لعيونك الثنتين قيمة

‏كيف أحبّك وانت مستسهل غيابي وإنتظاري
‏وكيف أعافك والهوى غلّاب وعيونك غنيمة

‏طَل صبحك نوق بدوٍ خيّطت ثوب الصحاري
‏وجيت أدف الخوف وأذب لمساعيك الخريمة

.....

رد: اخترنا لكم
 

لا تضيق من التشاؤم واحتمالات الأناني
‏خايفٍ اشرب بعد كاس النصر من كاس المذله
‏
‏قال وش تبغي بحكي الحزن والدنيا تماني
‏لا تعيشنا زمان الحزن قبل يحل حله
‏
‏قلت ماتدري وانا الداري بعاقبة التماني
‏غير عاهدني وريحني واشل الحزن كله

.....

رد: اخترنا لكم
 

‏مرحبا وأهلاً هلا فيك يا عين الهنوف
اصبري نفرش لك الارض لا تمشينها

الكواكب والمجرّة تصفق لك وقوف
كل منهم قال رد السلام لعينها

.....

رد: اخترنا لكم
 

‏يافاتنه كل شي في وصوفك بديع
‏كل ما تمرين الاستغراب لازم يمر

‏أستغرب ان الضواحك ثلجةٍ ماتميع
‏مع إنها في الشفايف والشفايف جمر

‏العقل لو عاند وما طاع قلبي يطيع
‏الامر لله تعالى ثم إليك الامر

‏تداركي عمري الفاني قبل لا يضيع
‏احساسي يقول شي قادم ادهى وامر

.....

رد: اخترنا لكم
 

اضحك ترا عوج الليالي مدابير
‏وما للخلايق في قضا الرب حيله

‏أضحك لو هموم قلبك طوابير
‏وما يقسمه ربك تروح وتجي له

‏لو ضاقت الدنيا تراها مقادير
‏وخلك جبل ما هزته كل ميله

.....

رد: اخترنا لكم
 

إرضى بيومك ولاتبكي على الماضي
وخذ النصيحة من ابو زيد وطبقها

ان كان ودك تعيش وخاطـرك راضي
لا تحلم احـلام ماتقـدر تحققها

.....

رد: اخترنا لكم
 

يضيق فيني الوقت واجر الآهات
واصبر على كسر الزمن واتجبر

ادرج ايام العمر كيف ماجات
يالله عسى أيامي تزين وتدبر

.....

رد: اخترنا لكم
 

‏ما زلت لاهي وانا من غيبتك ما ألها
‏كنّي عن علوم غيرك فالعمر منهي

‏ما زلت أناقش خفايا الروح وأسألها
‏الحاجه اللي تعوض غيبتك وش هي

.....

رد: اخترنا لكم
 

على ولد عمي مـاتقدر تـعدى
‏دام الحميا تجري بوسط دمي
‏
‏يوم إن كلن في إبن عـمـه تردى
‏مال الردا مدخل على عيال عمي

بقلمي

رد: اخترنا لكم
 

‏لا تلومني يوم اني اقرا ولا ارد
‏ما للعتب نبره ولا للندم صوت

‏رسالتين بهالعمر مالهن ردّ
‏رسالة التوديع ورسالة الموت

.....

رد: اخترنا لكم
 

‏والتلاعب بالمشاعر لا تسميها شطاره
‏كم نديمٍ زاد همه والسبايب من نديمه

‏ما يجوز إنك تصلي قبل تبدى فالطهاره
‏ولايجوز انك تحب ونيّتك ماهي سليمه

.....

رد: اخترنا لكم
 

ما عاد في خاطري لومٌ على أحد
ما قيمة اللوم والإحساس قد فقدا

أعاتب من أهوى على قدر وده
ولا ود عندي للذي لا أعاتبه

إن لم يكن الود من القلب منبعه
فسلاماً على الود ومتصنعه

.....

رد: اخترنا لكم
 

اعشق ثرا اخواني واحتمي في ذراهم
هم عزوتي لا من غدت ســود الأيــــام

ادعي عسانـــي ماختبر في غلاهــــم
يبقون هـم ذخري على مر الاعـــــوام

.....

رد: اخترنا لكم
 

ماني ضعيف النفس حتى ترجاك
مغنيني الله عنك ماني في حاجتكك

حتى تعرف اليوم قدرك ومبداك
المال ماسرك ولازاد قيمتكك


متعب الحربي

رد: اخترنا لكم
 

‏عزاز نفس وبالمقادير راضين
ونفوسنا من فضل ربي رضيّه

وظروفنا إللي في يديها سكاكين
نشكي مواجعها لرب البريّه

.....

رد: اخترنا لكم
 

نعطي ولا نتبع عطانا بالأقوال
ونبذل ونسكت كننا ما عطينا

وان باعوا الشيمة بدينار وريال
حنا دخلنا سوقها واشترينا

‎محمد الاحمد السديري

رد: اخترنا لكم
 

ياوجـودي ليت مالي على الدنيا وجـود
او وجودي ليتني عشت بالكون اوّحدي

وياعذابي لادنى الليل وابـذلت الجهـود
ابغي ارقـد واثـر نـومي محارب مرقدي

اتقلب في فراشي وخلق الله رقـّود
وينه اللي يقسم النوم واقول بعدي

مرحباً ياقشر الاقدار لا جيتي وفود
فطرة الله في ضلوعي تحيّي موقدي

.....

رد: اخترنا لكم
 

المساجد في عيون اللي هجر شهواته
اوكسجين الراحه العظمى وباب الجنّه

ماحسدت الا كبير السن في - خطواته
يوم يسبقني على المسجد وانا اسبق منه

‎عناد الشيباني

رد: اخترنا لكم
 

خاب الأمل في رجعتك يا اخر العنقود
وانا كنت احسب ان كلها ايام معدوده

من رحت من عندي وانا في رجاك تعود
وانا خايف ان روحتك مني بلا عوده

انا حالتي من بعدكم مثل حالة عود
وصى على ابله بعد ماضعف مجهوده

يقول احذروني لاتطرون بيع الذود
وجاه الخبر قد هو يحرج على ذوده

‎مهنا السعدي

رد: اخترنا لكم
 

سامح وقلبك لاتلوّثه الأحقاد
عش زهرة الدنيا وجنّب غثاها

وان مر بك هرّاج بظهور الأجواد
قل له ترى الدنيا قصيرٍ مداها

بالك تجامل كل ناقل ونقّاد
المخطية لابد تعرف خطاها

‎
محمد الرشيد

رد: اخترنا لكم
 

الا ياوجودي وجد من هام يبغى النوم
جفاه المنام وصار في خلوة همومه

و قامت هواجيسه تنّبش عليه علوم
ويصفق ايدينه ويلعن الحظ و يلومه

وجود اليتيم اللي من امه ربا محروم
يجر الونين ولا حدن قال وش قومه

.....

رد: اخترنا لكم
 

عسانا لانصانا اللي ماريحه الزمن يرتاح
وعسانا مانسوي طيب وانا ننتضر رده

وعسانا لاتجملنا في احد مانذكر الي راح
وعسانا مانقابل راعي المعروف بالصده

وعسانا لاحصل منا قصور بساعة الافراح
مايلقون العرب منا قصور بساعة الشدة

حزمي سعد السبيعي

رد: اخترنا لكم
 

جفى الغايبين الي ليا عاهدو ماجاو
هـو الـي يخلي سيرة الحب مكروهه

لهم فالحشا مضراب شلفن تقص الماو
أشـد التهـابٍ مـن ذوايب ثـم الفوهـه

ياشيب الخفوق وهشم كبدي وياه وياو
صـواب عذابـه يخلف الـرأي والبوهـه

.....

رد: اخترنا لكم
 

اثقل ديون الطيب دين الجماله
وألذ طعم الطيب طيب المواقيف

وازكى دروب الطيب درب العداله
وابرز صفات الطيب رد المعاريف

واللي تجمل فيك بأغلا حلاله
لا تتركه لا عارضنه صواديف

ترا الجزاله مالها الا الجزاله
والمرجله قد قيل تبغا تكاليف

‎محمد سالم الطريسي

رد: اخترنا لكم
 

رزقي على اللي لا عطى شي مامنّه
وإلا يديـن العرب تعـطي ومنانـه

لو شحوا الناس ربي يعطي الجنّه
مايـغني إلا كـريم الـوجه سبحانه

والعز للنفس واجب والحيا سنّة
وأنا إيديني من الثنتين مليــانه

‎رشيد الزلامي

رد: اخترنا لكم
 

فــزعة رفـيقٍ ماحسبت حــسابه
في ساعـةٍ عـذر الــردي بغـيابه

تبقىٰ على طـول الدهـر محفوظه
في صفحة أهـل الطيب وسط كتابه

يخذلك بعض أحيان أقرب مالك
وينفعك مطنوخٍ من أقصىٰ أجنابه

‎غزاي الحربي

رد: اخترنا لكم
 

من كان ذا مالٍ ولم يكسب الثنا
فلا المال موفور ٍولا الحال كاسبه

والاجواد دون الحال بالمال تتقي
والانذال دون المال بالحال حالبه

ولا خير في حالٍ غلا المال دونه
ولاخير في مال حوى ذم صاحبه

راشد الخلاوي

رد: اخترنا لكم
 

ألآ يالله اني سد وجهك من الخذلآن
ومن غيبة الغايب ومن موتة الفجعه

ومن صحبة الي نعتبرهم مثل لخوان
وهم ماهم بصــافين وقلوبهم وجعه

وانا م اظلم الي شانهم بالمواقف شان
رجالٍ على دنيا من المجد مضطجعه

منتشريات

رد: اخترنا لكم
 

اليتم يتم الأدب والموت موت الضمير
والحب حب المعالي باختلافاتها

والجرح جرح المشاعر من لسان الحقير
والصوم صوم الجوارح عن شهواتها

والبخل بخل الغني والجود جود الفقير
والبعد بعد النظر ماهي مسافاتها

والعز عز التقى والصبر صبر الضرير
والذل ذل المعاصي واقترافاتها

.....

رد: اخترنا لكم
 

راسي تركز فـيـه شـيــبـه وشـبــه
غير جماله عقب ماكان زاهـــي

والشيب ياراسـي نــذيــر مـنـبه
عساه يوقض غفلتي بانتباهــــي

نصف العمر قفا وكــنـي بـغـبــه
مشغول في الدنيا وسالي ولاهي

فرقا الاهل والمال واللـي نـحـبــه
لابد منها غير مدري متاهـــــي

بدر الحويفي

رد: اخترنا لكم
 

جعل حظي مايطيح ولا يصير قريب
فى نحى اللي تالي الايام جاهم خفه

وجعل طاريه وذكري مايقال امغيب
من هل الامجاد معروفين واهل الوقفه

ولويشيب الراس هقواتي ماهيب تشيب
فالرفيق اللي على ماقيل ماسك صفه

وخل عنك اللي يقول انا تراني طيب
الظروف تطلعه بكره يالين اتعرفه

زايد نوار