|
رد: فوق هام السحب ( الشعر الشعبي) على متن القوافي
مشينا على درب المعزه ونهج العود
وفي مدرسـة شيخ المراجل تعلمنا عسى الله يبعدنا عن العيب والمنقود وعسى الله فعيون النشاما يجملنا أحمدالبلادي |
رد: فوق هام السحب ( الشعر الشعبي) على متن القوافي
لو نطلب الناس لا سرت ولا ضرت
الخالق الله و احنا من مخاليقه يامل قلب(ن) يغرد كل ماغرد كنه يعبر عن اللي في معاليقه ومنين ماكبر قرص الشمس واحمرت كبرت على الضايق اللي مثلي الضيقه يالله بنفحات جودٍ كل مامرت يمر معها فرج ربي وتوفيقه علي الدعيه |
رد: فوق هام السحب ( الشعر الشعبي) على متن القوافي
يالله برزقٍ يطاول ناطحات السحاب
ان زاد فيه بركه وان قل فيه بركه رزقٍ بيوم التغابن فيه ظل وزهاب يومٍ ب هوله ماتسمع للعباد حركه إلا قريع الظما قرقاع شنة ركاب طاح الرديف وجثا الركبي على مبركه الناس تزحف من الاجداث يوم الحساب لو تبلع الريق حتى الريق ماتدركه محمد بن مريبد العازمي |
رد: فوق هام السحب ( الشعر الشعبي) على متن القوافي
احيان اجيب لمخطي الراي تصحيح
واحيان .. مدري عن خطاي وصحيحي يالله بحظٍ مايخليني اطيح وان طحت مايدري حدٍ عن مطيحي فواز العزيزي |
رد: فوق هام السحب ( الشعر الشعبي) على متن القوافي
الطيب يرقى بك علـــو المـشاريف
مثل التواضع من صمــــيم المروه الرد بالقســوة مثل ضــربة السيف تزيل من بعــض القلــوب الاخــوه والجاهل اللي في كلامه تخــــاريف تجاهله واعطه على حســــب جوه اكرم خصومك مثل ما تكرم الضيف الغيـــث سامــي في بروقه ونــــوه ....... |
رد: فوق هام السحب ( الشعر الشعبي) على متن القوافي
تدري وش اللي غير الناس... يافلان
شـرع المصالح وانعدام الصراحه صرنا نجامل بالخطاء كـل... غلطان لين اكـثر الغلطات صارت مبـاحه نمدح كـلام فلان من دون... بـرهان وفلان نجــرح بالتجاهل نجاحه ....... |
رد: فوق هام السحب ( الشعر الشعبي) على متن القوافي
لا تتلف الروح لجل الناس ترضيها
وهمّ ولا يوم سوّوها على . . شانك والله ماتندم على الدنيا . . ومافيها لو تعرف الوقت من موتك لنسيانك ....... |
رد: فوق هام السحب ( الشعر الشعبي) على متن القوافي
بالشعر اسلي خاطري بعض الاوقات
عـن الـزمان بـزحمـتـه وانـفـتـاحــه اصرف هواجس خاطري بين الابيات والقى عـلى صـدر الـقوافي مساحـه لله در الـشــعـر مــالـه جـــوازات كـل الـمواني في بـحـوره مـتـاحــه ....... |
رد: فوق هام السحب ( الشعر الشعبي) على متن القوافي
منطق لسانك يگشف السر للناس
عن تربيتك وساس جدك ومعدنك لو گان للطيّب علامہ على الراس ماقيل من لا يعرفك ..مايثمنك ...... |
رد: فوق هام السحب ( الشعر الشعبي) على متن القوافي
في كل خمسه ايام خمسه بيانات
وكل خمسه ايام خمسين ضربه تتكلم الدانات قبل الادانات ياللي تقولوا مســرحيه وكذبه ولا سوانا من تحـدى الكيانات ولاسوانا روس صمــا وصلبه ما نأمن الا يـوم فك الامانات ويوم تلصى النار في كل تبه ...... |
رد: فوق هام السحب ( الشعر الشعبي) على متن القوافي
لو كانت الدنيا تْخَلّدْ لمخلوق
وجدت فيها سيد الخلق باقي لا كنها دنيا بها الهم والعوق ومن طبعها عقب التّلاقي فراقي ولاكل مطرودن بها صار ملحوق كم كدرت للناس حلوا المذاقي والله جعل فيها مشاريه وحقوق وكلٍ يبي ماقدمه له،،،،. إيلاقي ...... |
رد: فوق هام السحب ( الشعر الشعبي) على متن القوافي
يا بيت يوم آقف وبالعين أراعيك
ما هُو طرب وإلاّ عََجَب في بناكا بيتٍ قديم وْظاهِرك مثل خافِيْك وْلا عاد باقي فالمباني سواكا شدّوا هَلِك وْخلّوك وخلّوا ضواحيك وذِي حالتك في صيفك وْفي شتاكا حتى الفريق اللّي من أوّل حوالِيك اليوم ما منهم حَدٍ في ثراكا يا بيت يوم آقف وبالعين أراعيك ما والله أدري إلا عيوني تباكا أحمد بن عايش الميموني |
رد: فوق هام السحب ( الشعر الشعبي) على متن القوافي
يا بير طيّك طي وأعماقك أعماق
يعيش بك داب وْحمامه وعصفور وْياكم وردك صدّرك ضين ونْياق وياكم بَهج جمّك بعارين وصْدور ويا مارطب نخلك تعسّل في الأرياق وياما طحين أرضك تقسّم على الدور وياما وِهْبتي جل وأفنيتي أدقاق وياما هماجك حل في الخصب والبور نايف صقر |
رد: فوق هام السحب ( الشعر الشعبي) على متن القوافي
الكيف يا بدر عفِت اليوم مَشْروبه
ما عاد به كيف لاِ مرٍّ ولا حالي راحوا رجالٍ زمانٍ فات فازوا به يومٍ رَمز المعاني نِجروِ دْلالي يومٍ ناره بعون السّمر مَشبوُبه والْبُن يقْلاه في المحماس رجّالي ودَقّه بنجرٍ إالْيامنّه نِقر نوبه سَيّر عليه القِصير بدون مرسالي وْزَلّه بصفراء من الرّسْلان مربوبه فنجالها كايفٍ ياوَي فنجالي شبّاب بن فايح السيحاني |
رد: فوق هام السحب ( الشعر الشعبي) على متن القوافي
دستور يالساحل الغربي
فليت في بحرك شراعي ياموج هون على قلبي داعيه من شطكم داعي اللي لها مبسمٍ عذبي رعبوب وعيونها وساعي مملحوه زادها ربي لفتة ظبي يوم يراعي لوماتهيت على دربي لقنني بدربها ساعي حنيتها من حمل ذنبي لي مت وعيونها تراعي الأمير خالد الفيصل |
رد: فوق هام السحب ( الشعر الشعبي) على متن القوافي
لاضاق صدرك وابتدى داخلك هم
وشح الزمان وصرت بالحيل مرتاب وصار الملل في داخلك كنه اليمً حتى عيونك للنظر صارت أغراب ارفع يديك لكاشف الضر والغمً ماخاب من وجًه له ايديه طلاب الواحد اللي بالمخاليق يعلمً هو الذي لاضقت يفتح لك ابواب لامن عطا من غير كيف ٍ ولاكمً ماشحًت ايدينه على مذنب ٍ تاب يغفر ذنوب العبد لوهي تردمً ويستر خفا ذنب ٍ على صاحبه عاب والنفس للانسان تسقيه علقمً ومن لانهى نفسه عن الشر ماصاب كم واحد ٍ بأسباب نفسه تندمً ماينفعه دمع ٍ على العين سكاب ياقارئ الابيات تكفى . وقل تمً خالف هوى نفسك ترى قدمك حساب من قبل لا ترحل لقبر ٍ مظلّمً تبقى وحيد ٍ ملتوي فوقك الداب داب ٍ اذا ضمك ضلوعك تحطمً ضمة ماهي ضمة قريبين واصحاب في ساعة ٍ فيها القبر كله اعتمً شي ٍ مخيف وكل من حولك اغراب يالآدمي بادر على الخير واغنمً اغنم حياتك قبل تفريق الاحباب ترى الحياة اللي بها موت ٍ وغمً واجل ٍ بها لو طال محدود بكتاب واللي خلق ياناس بعروقنا دمً هذي حياة ٍ مابها غير الاتعاب محمد القحطاني |
رد: فوق هام السحب ( الشعر الشعبي) على متن القوافي
انا الذي لاضاق صدري من الناس
اشكي همومي لخالق الناس كله أتعوذه من كل شيطان خناس وارجيه يبري كل همٍ وعله وانا الذي لا من غدى الحال منحاس رجيت ربي يصبح الحال فله ياشاكيٍ همك الى الناس من باس ماكل همٍ هالخلايق تحله بعض البشر يزود اتعاسك اتعاس شخصٍ يزُود الهم ياصاح خله نفسي عزيزه ولا نحنى دوم هالراس الا لربه يوم كبّر وصله اسطر حروفي على أوراق قرطاس من ضيقةٍ في وسط قلبي محله ولا شكي لغير اللي خلق كل هالناس الواحد اللي فوق خلقه تعَلّه محمد الدخيل |
رد: فوق هام السحب ( الشعر الشعبي) على متن القوافي
لا ضاق صدري نحرت بلاد جداني
يا زين ديرة هلي واللي سكن فيها لا جيتها زال همي وكل الاحزاني خص ليا شفتها وطبيت أراضيها يا عكل احبك ولاجلك دوم ولهاني ياديرة وسط قلبي دوم هاويها يا مسقط الرأس قلبي فيك حيراني يا ما حلا ديرتي لا حل طاريها لا أقبلت وشفت النخيل يهز وجداني ذكرت عصر الجدود وعصر ماضيها وذكرت أبوي وخوالي وكل عماني بوسط النقيب وسوابيط حواليها يا ما لقوا من متاعب ذيك الازماني اللي بها الجوع وفيها صبر أهاليها واليوم راحت ولا به غير جدراني وأفعالهم باقية ولا أحد بناسيها يالله عساهم بجنات وريضاني والكل يشرب من أنهار بواديها محمد بن عبد العزيز الخنيفر |
رد: فوق هام السحب ( الشعر الشعبي) على متن القوافي
من عادة الوقت لامن خاب يوجعنا
ومن عادة الصمت يحكي كل مافينا واصدق دروس الحياه اللي تعلمنا دنيا قصيره .... تضحكنا وتبكينا ....... |
رد: فوق هام السحب ( الشعر الشعبي) على متن القوافي
وين الغلا بسئل سعــادة معاليگ
ليـش الهـوى يحتال ونته رضالك قرب امانه لجـل ودّي اخالــٰيــگ ليش الجمال اليوم وحده جمالك ليش الحلا دايم سهومه تباريــگ شكل الحلا شكل الحلا من عيالك ....... |
رد: فوق هام السحب ( الشعر الشعبي) على متن القوافي
إياك تثقل على اللي حافظاً عهدك
وياك تعمي عيوني وانت راعيها من كثر ماكتب من الأشعار من قدك ماحلى القصائد بعينك يوم اغنيها .... |
رد: فوق هام السحب ( الشعر الشعبي) على متن القوافي
ارضيك لو ارضاك صعب المنالي
لو مستحيل ارضاك لابد نرضيك لك عندنا قدرنٍ رفيعٍ وعالي نبيع ما تملك يدانا و نشريك غالي وتبقى دايم الدوم غالي في قلب من قلبه يحبك ويغليك ..... |
رد: فوق هام السحب ( الشعر الشعبي) على متن القوافي
في وسط عيني لك غلا لو تشوفه
ادركت انك داخلي نبض وانفاس يامن سكن كلي وقلبي وجوفه انت الذهب يانور عيني مع الماس قربك امان القلب والشوق كيفه واغلى البشر واللي عرفنا من الناس ...... |
رد: فوق هام السحب ( الشعر الشعبي) على متن القوافي
أحدن على كثر الصبر مآلقى شي
واحدن وهو مرتآح زانت أموره أحدن يموت وموتته توجع الحي واحدن غيآبه مثل حزة حضوره ..... |
رد: فوق هام السحب ( الشعر الشعبي) على متن القوافي
فلت شعرها واقبل الحسن يختال
عنقا جدايلها الهبوب انثرتها إليا جلست غطى جسدها تقل شال وإليا وقفت قام يتثنى تحتها ..... |
رد: فوق هام السحب ( الشعر الشعبي) على متن القوافي
العمر مع كل اختلاف الاسامي
يخطف من الانسان حتى اهتمامه كنت احسبنه وقت واثره حرامي ما كنت اظنه يسرق الابتسامه عبدالله حنيف |
رد: فوق هام السحب ( الشعر الشعبي) على متن القوافي
يا نفسي ترا الدنيا عقايب وهجمة خيل
من المغريات ولذة المعصيه توبي انا والهموم الجايحه بين حط وشيل الد النظر عنها وهي تلفت صوبي افكار البنادم عند نفسه ضعيفة حيل يا ساتر عيوب المسلمين استر عيوبي ...... |
رد: فوق هام السحب ( الشعر الشعبي) على متن القوافي
ياملاك الحسن ياذات القوام الناهي
تفتحين آفاق للشاعر وهو ما فكّر بالشفايا والعيون وكل . . شيٍ راهي وخدك اللي من شعاعه كل طيرٍ وكّر ومن تحت عنق الغزال ولبّك المتباهي النهد كنه يوايق .. والزرار مسكّر الاطباء مانعينك تشربين الشااهي اشربي قهوتك مره دام ريقك سكّر ....... |
رد: فوق هام السحب ( الشعر الشعبي) على متن القوافي
فاقد الشي لايعطيه ماهي صحيحه
هذا أنا فاقده واعطي ولا أحد عطاني بندر الدويش كذب من يقول إن فاقد الشي ما يعطيه وأنا اعطيك ضحك ٍ لي سنه يوم فارقته علي ال صبيح |
رد: فوق هام السحب ( الشعر الشعبي) على متن القوافي
رغم الشقاء رغم التعب والمعانات
وطول السنين وغيبتك ما نسيتك حتى ولو سجيّت في بعض الاوقات ما فيه يوم من ( الدعاء ) الا نويتك جيتك ودمعي حار وافكاري شتات واقفيت عنك وصاح قلبي وجيتك وشلون اقفّي وابتعد عنك بالذات وانا ليا من ضاق صدري نصيتك ....... |
رد: فوق هام السحب ( الشعر الشعبي) على متن القوافي
مشكلة عقلي نبيه ومشكلة قلبي سروح
وبين هذا وبين ذاك آتوه وآجن واعتمي آه من طيش الهيام ونزوة القلب اللحوح اكسروني كسرة الابيات بلسان اعجمي السؤال اللي سلب لُب الإجابة: وين اروح؟ وغربتي غربة مشاعر بس لقلبك تنتمي ...... |
رد: فوق هام السحب ( الشعر الشعبي) على متن القوافي
يابو ضحكةٍ ماتعترف في وطن وحدود
تمر القلوب الصادقه .. دون تأشيره وانا واحدٍ قلبه نظيفٍ وعِرفه زود مهو ب لاحقك شرّه إذا ما الحقك خيره يشوف السنين اللي معك هي عمر و وجود وباقي السنين اللي بليّاك تقزيرره جعل وجهك أبيض من كثر ما يديك تْجود يا ويش الشعور اللي معي منك تأثيره ....... |
رد: فوق هام السحب ( الشعر الشعبي) على متن القوافي
ليت الليالي علمتني بالاقدار
كان ابتعدت وزال عني خطرها واثر الليالي ماتبين بالاسرار تضحك لنا ساعه وتبدي كدرها ...... |
رد: فوق هام السحب ( الشعر الشعبي) على متن القوافي
يمكن أبشع صفة فيني الزعل والعناد
وأملك أسلوب قاسي بس ما اجرح أحد منطقية حياتي ماتعرف الحياد غصب عني أكابد بالعمر وأجتهد والمفارق مايعني بأن قلبي جماد العلاقات رزق إن ماصلحت ابتعد الحشيمه بتبقى لو يروح الوداد بحفظ العشره بقلبي وأصون العهد ....... |
رد: فوق هام السحب ( الشعر الشعبي) على متن القوافي
لا تفتح أبوابْ ما تقدر تسكّرها
دامك على قدّ حالك خلك بحالك ولا تكسر قلوبْ منْت بكفو تجبرها في ما بها خلّها… وخلك على فالك المرجلة ما تبي من لا يقدرها مقصودها وقفتك ماهو كثر مالك ....... |
رد: فوق هام السحب ( الشعر الشعبي) على متن القوافي
حمدتك على خير وحمدتك على مكروه
وسبحانك اللي لا ألتجى عبدك، أنصفته أجي لك بوجهٍ ساير الناس ما شافوه على شان وجهٍ ساير الناس عارفته ....... |
رد: فوق هام السحب ( الشعر الشعبي) على متن القوافي
مخافة الخالق معزه ونوماس
ومكارم اخلاق ونقاوه و مله ومخافة العالم نقيصه ووسواس و دناءة اخلاق و جهاله و ذله النار والجنه هي ادق مقياس على مراحل عمر الانسان كله احزن على فئة كثيره من الناس خافت من الناس وماخافت من الله ....... |
رد: فوق هام السحب ( الشعر الشعبي) على متن القوافي
ياصاحبي وش بك علينا تغيرت
حتى الرسايل من طرفكم قليله مدري الزمن غيرك ولا تكبرت ولا الزمن نساك ذكرى جميله ....... |
رد: فوق هام السحب ( الشعر الشعبي) على متن القوافي
صرنا نراقب بعضنا من بعيد لـ بعيد
هو يحتري جيتي و أنا أحتري جيته هذي حياة العنيد إليا عشق له عنيد كلن جلس ينتظر حسب مزاجيته ....... |
رد: فوق هام السحب ( الشعر الشعبي) على متن القوافي
قال المثل من يجهل الصقر يشويه
ومن عرف قد ر الأسد ما يصيده من داس في رجله على النار تكويه يتحمل اوجاع الجروح الصديده وإنسان ما يقطع به العيش ما ابيه لو كان أقرب شخص لي ما أريده و الصاحب الي ما يغير مباديه باعطيه من فيض احترامي وازيده و الي مرض بالذل ما حد يداويه لان الهلع والخوف داخل وريده من كان يعرف قيمتك لا تعاديه اوقف معه وقت الظروف الشديده وانسان صاحب مصلحه لا تخاويه حتى ولو يحلف بسوره مجيده الصاحب الوافي يجي وقت تدعيه ما تحجبه عنك مسافه بعيده و الورد يتقطف على يد ساقيه لا اغراه محبوبه بجمله مفيده كثر الثقه بالشخص أحيانتعميه لو شاف نفسه مفتخر في رصيده احذرعدوك وان طلب عفو فاعفيه هذه من اخلاق العقول الرشيده وانسان ابو وجهين لما تلاقيه قله تعرفنا وفرصه سعيده ....... |
| الساعة الآن 06:10 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية