رد: اخترنا لكم
 

دوّر على اللي يموت ولا ظهر زيفه
يبقى لك اقرب من اخوك وولد عمك

خلك من اللي مشاريهه على كيفه
لامن رضا يمدحك واليا زعل ذمك

‎حمدان الديحاني

رد: اخترنا لكم
 

نرزك نبيك تطيب لكن عجزنا فيك
يابونيةٍ شينه وابو ناظرٍ عاقد

بذلنا الجمايل فيك لكن مايرضيك
تردى مع الوافين وتفرح الحاقد

توكل على الله لا نشوفك ولا نبغيك
ومصير الليال تعلمك عقلك الفااقد

مواقيفنا لا كلح الناب ماتخفيك
تعل الكبود السود وتصحي الراقد

عبدالله بن سالم

رد: اخترنا لكم
 

زايـد ونـاقـص ياعـرب بـينهـم فرق
والــفـرق واضـح بـيـن هـاذا وهـاذا

سلم على الى ماخذن حاجته طرق
مـــاجـــادل الـــعـــربـــان لاذا ولاذا

يـدرك مـرامه دام ينبض معه عرق
ولاحـط خـيـبات الـرجـا لــه مــلاذا
‎

بن زابن

رد: اخترنا لكم
 

ألآ يالله اني سد وجهك من الخذلآن
ومن غيبة الغايب ومن موتة الفجعه

ومن صحبة الي نعتبرهم مثل لخوان
وهم ماهم بصــافين وقلوبهم وجعه

وانا م اظلم الي شانهم بالمواقف شان
رجالٍ على دنيا من المجد مضطجعه

منتشريات

رد: اخترنا لكم
 

طيبً تعدى والدينك مهو طيب
وفزعه تعدى اخوك ماتـنـتـبدى

ابوك وامك من كبار المواجيب
واخـوك للفـزعه تـراه المبـدى

هذا كلامً يلمس الحق ويصيب
واللي يحب الطيب صعب يتردى

تركي العريدي

رد: اخترنا لكم
 

تموت الرجال وتندفن ما يموت الصيت
عسى الله على درب الهدايه يقدّيني

يقولون تسلى في حياتك ليا غنّيت
واقول السعاده في صفوف المصليني

وانا في رجا الله واطلبه كل ما صليت
عن الناس واللي من ورا الناس يغنيني

‎مشخص الفهري

رد: اخترنا لكم
 

فاقد الي ماترك غير جرح ودمعتين
وذكرياتٍ تاخذ الحاضر وترجع ورا

انقضى نصف العمر بين ضيق وبين بّين
لا سلا خاطر ولا جرحي الموغر برا

ليت لي دعوه مجابه ترد الغايبين
دعوة مصلي وتايب في بيت ام القرى

.....

رد: اخترنا لكم
 

شرهتك مشتالها ماوقعّت فالتراب
من حشمتك جاتني تمشي وجيت اعدي

وشرهة ولد عمي الطيّب ومنصى الركاب
افرش لها ظلع خفاقي وراحة يدي

بعض المشاريه لا جتني عذاب بعذاب
والا بعضها معرضها الهوى وتغدي
‎
مرزوق الثبيتي

رد: اخترنا لكم
 

ما تزعل العاقل هروج المهابيل
اللي تضيق ابهم وساع الدروبي

ياللي وراي تهد وتحط وتشيل
افرح ليا وجهت غارتك صوبي

انا ركابي من ذنوبي محاميل
تكفى تجمل واخذ باقي ذنوبي

‎عايض بن ساقان الأكلبي

رد: اخترنا لكم
 

آخر زمن تزرى علي ياشليويح
وتسب نومي ياحليف الوساده

يابوك انامبطي ونومي شلافيح
يوم ان كلن مهتني في رقاده

آجاهد الايام وأقوم وأطيح
عندي على الصكات صبر وجلاده

نفسي معودها على هبت الريح
ومختشرتن في الشقى والسعاده

‎مرزوق المقاطي

رد: اخترنا لكم
 

ما يفتخر في قروم القوم كود القروم
تطرب لتاريخها وتشوش لافعالها

والا الحسد من قديم الوقت طبع الرخوم
اللي عن الطيب دايم تقصر حبالها

تغتاض من مدحة اللي للمعالي تروم
وان زاد عد المدايح زاد سلالها

عشق المراجل واهلها بالرخوم معدوم
ما تعشق الا الردى الله يقطع اشكالها

خليل بن هدلان

رد: اخترنا لكم
 

اعـتزالي عالمٍ يسمعون وينقلون
عزلة الزاهد عـن العيش بين العالمين

اتركوني خارج الدايره لـو تسمحون
لا بديتوا في مزارق لحوم الغافلين

.....

رد: اخترنا لكم
 

كبار ما حنّا من أهل التلّفات
‏ونفوسنا من بعض الأشياء عيوفه
‏
‏نقدّر اللي يبيّن وقت المهمات
‏واللي ما كنّه يشوفنا ما نشوفه
‏
‏والحاجة اللي ننتظرها ولا جات
‏إن جات ولا ما عليها حسوفه

.....

رد: اخترنا لكم
 

تطفو على سطح الوداع السكينة
وتغرق بقاع دموعنا نظرة الخوف

ما بَينَ دمعة وابتسامة حزينة
ضاع بحناجرنا حكي ماله حروف

.....

رد: اخترنا لكم
 

يالله ياللي تكشف الهم والضيق
يالواحد المعبود رب البريّة

أنت الرجا يالله لا ينشف الريق
دون المشيب ودون خط الوصيّة

يالله طلبتك ما طلبت المخاليق
وكيف بارجو خلق مثلي شقيّة

ياعالم ٍ بالسر وسط المعاليق
أستغفرك من كل ذنب وخطيّة

الهم فيني طوّق الفكر تطويق
والقلب ضايق والمشاعر خفيّة

والعمر رايح وما بقى فيه توثيق
واللي مضى لاشك صعبٍ مجيّه

يالله تجعل كل عمري توافيق
من لحظتي يالله حتى المنيّه

.....

رد: اخترنا لكم
 

‏يا عبرة يلعب بها الصمت والنوح
وتخفي شفايف صمتها ضيقة البال

الى متى صمتك يردك عن البوح
والى متى حزنك مع الصمت رحال

.....

رد: اخترنا لكم
 

لا تأسفي يا نفس والناس أطباع
فيهم صفا النية وفيهم جحود

الخير يبقى رغم جور الأوضاع
والحق يظهر لو تطول العقود

.....

رد: اخترنا لكم
 

‏أنت وحدك تستفزّ الصمّت وتردّ الطواري
‏ما قدرت ألدّ لك تقدير وإلا أصدّ شيمه

‏ما عليّ من الجفاف إن طالت يدينه دياري
‏وين ما لدّيت أشوفك نوض بَرق ووبل غيمه

.....

رد: اخترنا لكم
 

‏الليل و القمراء ونسناس الهبوب
‏تخلّي الشاعر يغنّي من طرب

‏وانامقفل هاتفي قبل الغروب
‏ومبعد عن الديره ولا حولي عرب

‏معي خوي ٍ لا صدوق ولا كذوب
‏تضارب افكاره ومخّه ماضرب

‏سوالفه يجيبها من كل صوب
‏اقبل على حد الخراب ولا خرب

‏ولا قلت سولف لي عن الظبي اللعوب
‏سولف عن نياقه عساها للجرب

.....

رد: اخترنا لكم
 

‏كل شي يربطني معك عاش فالبال
‏لو ما آتكلّم صوت قلبي مصدّق

‏يقرا قصيدي من بعد عمري أجيال
‏ويبكي على جرحه بعد مايصفّق

‏حقّقت كل أحلام عمري ولازال
‏حلمي بقربك للأسف ماتحقّق

.....

رد: اخترنا لكم
 

‏فلوسك اللي ما رقت بك على الطيب
‏بشر بها في سكرة الموت وارث

‏ولا صرت مقفي عن وجيه المواجيب
‏غيرك ترى ينطح وجيه الكوارث

.....

رد: اخترنا لكم
 

‏تغانموا فعل الجمايل مع الناس
‏النــاس صعبات الظروف اجرحتها

‏فعل الوفاء والخير فالناس نوماس
‏الطيب فـــوق الأرض ماهو تحتها

.....

رد: اخترنا لكم
 

‏نطرد ورى الدنـــيا وحـــنا معاطيش
‏وارزاقـــنا تكتـــب ونبـــذل سببـــها

‏ونتعب ونشقى والطلب لقمة العيش
‏هـــذي مقـــادير الحـــياة وطلـــبها

.....

رد: اخترنا لكم
 

من يحسبون العمـر توه ولازال
‏ما بين يوم وليل وشابت لحاها

‏واحلامها صارت مثل راحة البال
‏كـــلٍ يدورهـــا ولاحـــدٍ لقاها

.....

رد: اخترنا لكم
 

كان المسا محتاجلك والحاجه ام الاختراع
‏كن الليالي تحتري شمسٍ تسابق ظلّها

‏شوفي مشاويري معك لا دمع عين ولا وداع
‏ابتسمي انتي والقلوب الميّته تفطنلها

‏وعيونك اكبر مشكلة بين انتمائي والضياع
‏ان جيت كيف احلّها وان رحت كيف احلّها

‏ما يلوي ذراع الشجاع الّاك يا قلب الشجاع
‏لا بح صوت وسال دمع ومال خصر وملّها

‏انا فدا ذاك الجمر والعنق والحور الوساع
‏والورد وانغام الفجر لولاك مدري من لها

‏انتي من اللي ينتمي للريح والما والشراع
‏وانا تبعتك خطوتين ان ضيّعتك ادلها

‏لا مالت كفوفك ترف واخفيت حسن وحسن ذاع
‏تتساقط اوراق الشعر مابين ليت وعلّها

‏اختاري الفكره وانا برضيك قدر المستطاع
‏شاعر ولكن صورتك فوق المشاعر كلها

.....

رد: اخترنا لكم
 

‏طوال الدروب اللي على وجهها قدام
‏اتبيّح خفى اللي مابعد بيّح بسدّه
‏
‏لاطال الطريق وطال صبرٍ ماهو بأيام
‏تشوف الخلل فحجاج من ضاق من جدّه
‏
‏طواري ليال العام عادت علي ذا العام
‏وانا قبلها داله ومرتاح لي مدّه
‏
‏بغيت ألتفت واصد واجنّب الاوهام
‏ولقيت الوهم قدم التلفّات والصدّه

.....

رد: اخترنا لكم
 

‏اتنهّت والهقاوي ضياعٍ في ضياع
‏والمقدّر ما عنه والليالي جاريه

‏الزمان يسلّ سيفه على قلب الشجاع
‏ما يحنّه والمخاليق ماهي داريه

‏والله انه ما يحدّك تكبّ الاجتماع
‏غير ضيقٍ ما يخفّى وذكرىً طاريه

.....

رد: اخترنا لكم
 

‏وجيه العابرين تمرّني ما تلفت الانظار
‏مدامك لافت انظار القصيد ولافت انظاري

‏انا كل اللي اعرفه احبك حُب باستمرار
‏واشوفك راحة ايامي واشوفك اجمل اقداري

.....

رد: اخترنا لكم
 

‏لو معي من غيب الأيام والدنيا دليل
‏كان أجنّب بعض الأشياء قبل ما ابدا بها

.....

رد: اخترنا لكم
 

‏فاقدك والكون بغيابك كئيب
‏لا أحدٍ قبلك ولا بعد أحد

‏عفت خلق الله من بْعيد وقريب
‏وأعتزلت الناس من بعدك للأبد

‏كل واحد صار بعيوني غريب
‏مافقدك كنّ فاقد لي بلد

‏كان همّي في حياتي لا تغيب
‏الحياة بدون ضحكاتك نكد

‏ماني أول شخص فاقد له حبيب
‏بسّ بغيبتك أنا اكثر من فقد
ِ
.....

رد: اخترنا لكم
 

من قال لك بنقسم الحب نصين
قله قد اهل الحب باعوه كله

باقي معانا في الميه واحد اثنين
ما قط بـانت منهم أي خله

أما البقيه يعلم الله لا وين
بيجلبوا زهر الحسيني وفله

الحب يهل الحب نظره بثنتين
ما حد بنص العين ينظر لخله

الحضرميه ما تقع في جهازين
في حدها الشافي دوا كل عله

نظره من الدنيا ونظره من الزين
كحلتهن في راس واحد وسله

احباب قلبي فيهم الـزين والشين
احبهـم في كل مذهب ومله

توجت ذكراهم على الـراس والعين
بين الكواكب والنجوم المطله

لهل الهوى رديت بالصاع صاعين
واحرجت بيـاع الهوى في محله

خاتم عقيق وجوهره بين قوسين
واللغز واضح بس ما اقدر يحله

زهرة شبابي غارقه بين روحين
والجاذبيه زادت الطين بله

اهوين يادنيا المحبه واقلين
حتى عزيز الدمع عيني تهله

الله يفرق من فرق بين قلبين
في يوم له ريحه وشمسه وظله

حسبي عليك الله ياحادي البين
قلبي ضناه الشوق لا تستغله

وكيف يانبض المشاعر وبعدين
زاد العواذل والمحبين قله

واحد يقلك تقضي الدين بالدين
قله يحط الحمل والا يشله

ما حد يداوي جرح نازف بجرحين
ولا يبدل بالمعزه مذله

ذي ما يـذوق المر ذاق الأمرين
ما عاد تغفر له في الحب زله

واللي يقلك نقسم الهم نصين
هذا الذي يستاهل الحب كله

.....

رد: اخترنا لكم
 

يا مـل عيـن فـي محاجيرهـا شوك
والقلب به عـن لذة النوم دكاك

لا دك فـي قلـبـي مــن الـهـم داكـوك
جاوبت طربان الحمايم عـلى الـراك

عزي لحـالك يا عـزيـز وأنا أبـوك
كان الزمان اللي وطـاني تـوطـاك


سليمان بن شريم

رد: اخترنا لكم
 

‏غلاك مطر رشرش على القلب واحياه
اسقى جفــاف الــروح وأنبت زهــرها

حبــــك قمر نــور على الكون وأضواه
اهدى عيــوني الشوف واصبح نظرها

.....

رد: اخترنا لكم
 

‏أنا وروحي وعذب الشعر جينالك
‏والقلب نبضه معك ويقول كلي لك

‏والشعرمرسالي المخلص ومرسالك
‏والقلب مهما قست الأيام وافي لك

.....

رد: اخترنا لكم
 

كان أحسب إن لحبنا عشرة أرواح
‏إلين شفت الحبل بيديه مقطوع

‏يوم العهد به حدّه إسبوع لاراح
‏إسبوع ويعوّد عليّ شوق ودموع

‏واليوم خمس سنين والهم مازاح
‏هم الفراق اللّي بلا عذر مشروع


محمّد بن فطيس

رد: اخترنا لكم
 

وحيداً تُلاقيني اللّيالي بثقلها
غريبٌ فلا أنس يواسي غربتي

عليل أحاطتني الجُرُوح بِعُنفِها
سقيمُ فلا طِبُ يُداوِي علَّتِيَ

.....

رد: اخترنا لكم
 

‏ما قلتلك عمر سيف العشق ما يقتلك
‏ماتشوفني حي قدامك وانا اموت فيك

‏اشتقتلك قبل اجيك وجيت واشتقتلك
‏البارحه طول ليلي بين هذي وذيك

‏مليت جمر انتظارك واستحيت اسألك
‏واحسبتني ما بعد جيتك وفكرت اجيك

‏اثرك بقلبي من البارح وانا استعجلك
‏واثري نسيتك من الفرحة وقمت احتريك

مساعد الرشيدي

رد: اخترنا لكم
 

شد حيلك فالصلاه وفالعباده
للحياه المقبله ويش انت ذاخر

دام راسك حي وتعيش بسعاده
استغل الخير في العشر الاواخر

.....

رد: اخترنا لكم
 

الوقت يمضى والليالي سريعه
راح الشهر واللي بقى عدة ايام

حطو لكم من اجر ربي وديعه
واللي يقدم شي يلقاه قدام

.....

رد: اخترنا لكم
 

‏نَادَيْتُ فِي جُبِّ اللَّيَالِي
يَا إِلَهِي مَنْ سِوَاكْ

أَنَا لَسْتُ يُوْسُفَ إِنَّمَا
عَبْدٌ تَرَاهُ وَلَا يَرَاكْ

الذَّنْبُ يُثْقِلُهُ وَلَكِنْ
كَمْ يَخِفُّ إِذَا دَعَاكْ!

يَرْجُو رِضَاكَ وَلَيْسَ أَعْظَمُ
يَا إِلَهِي مِنْ رِضَاكْ

....