رد: اخترنا لكم
 

يالله برزقٍ ما حسبنا له حساب
ولا وقفو قطاعة الرزق دونه

تفتح لي البيبان لا قفل الباب
وتبسط لي الراحه بكفٍ حنونه

آمين

رد: اخترنا لكم
 

تزرعين الورد من وين اتجهتي
من تبسامك خذا الورد اتجاه

للمسا والصبح في خدك جمعتي
ماخذه للشمس والقمرا اشتباه

اعجز اني اوصفك لكن ترى انتي
من عرف وجهك عرف طعم الحياه

....

رد: اخترنا لكم
 

لا تحاول تختبر قدرة الصدر الحليم
الصدور الواسعه دارها وافطن لها

....

رد: اخترنا لكم
 

‏يا سعود لا تنشد ترى ماني مجيب
خل الذي خافي له شهور خافي

إن شفتني مغتاظ لي حق ومصيب
يا سعود مزعلني جديد اكتشافي

الغالي اللي كان من قلبي قريب
بيني وبينه صار مثل التجافي

إن قلت زله مثلنا زلته عيب
من قال لك شمس الضحى ما تشافي

إن قلت هقوه يمكن تصيب وتخيب
كم لي سنه ما شفت فيه اختلافي

وإن صار في نفسه بعض شكة وريب
حتى البحر ما هو على طول صافي

صرنا من الصده سوات المصاويب
كلن نقل جرحه وقال امتعافي

أصعب فراق فراق عكف الأشانيب
ما هو مفارق لابسات الغدافي

والذيب لا منه عوى جاوبه ذيب
والعلم حامض بس وين الأشافي

دامه لقى له غير قلبي معازيب
الله يسمح درب هاك السنافي

يروح لا يرجي رسول ومكاتيب
هو خابر إني ما اتلفت خلافي

واللي تعلى فوق روس المراقيب
أكيد ما تسقى عليه السوافي

رح بشر اللي شال شلفا تريحيب
قله تراها كلبوها عوافي

اليوم نفسي طابت وباكر يطيب
جرحي لو انه من يدين المشافي

خلصت والدنيا دروس وتجاريب
سجل يا بو عبدالعزيز اعترافي

....

رد: اخترنا لكم
 

لاتعوّد ذكرياتك على شخص ومكان
وكــل حاجة تــرتبط بالمــحبة كبها

لاتبالغ في التعلق ترى طبع الــزمان
يسرق الحاجة على قدر منت تحبها

....

رد: اخترنا لكم
 

مياسة القد ليه خطاك مرتبكة
تمشين والارض مذهوله ومرتاعة

جيتي وللعطر فوح وللكعب دبكة
يزفك الغيث ويداعبك ذعذاعة

....

رد: اخترنا لكم
 

يوم إنها قامت تخطّى على الطين
والريح يعزل ثوبها عن جسدها

قلت ابعد النظرات ليسار ويمين
من خوف روحي لا يجيها جهدها

وما ابطت بي الدعوى وانا الدّ بالعين
إلين عيني وقعت في نهدها

....

رد: اخترنا لكم
 

البل شعاها نفيضه وسرحت يمّه
وهل الجهازات والشاصات خمّوها

تخبّطت في غديره واشرعت جمّه
وداجت وطابت خواطرها وردّوها

سعد بن جدلان

رد: اخترنا لكم
 

هذاك كل الخطاوي تِتجه صوبه
لو غاب عني أحسه في شراييني

هذاك حتى كلامه غير وأسلوبه
مدري على وين لا سولف يودّيني

....

رد: اخترنا لكم
 

إن لقيت الخير عادي وأن لقيت الشر خيره
لين صار أكثر كلام أردّده خيره وعادي

....