رد: فوق هام السحب ( الشعر الشعبي) على متن القوافي
 

ودي على شوفتك لو انها من بعيد
الشوفه اللي تسابقني عليها خطاي

احب نظراتك اللي رحت منها فقيد
اللي تخفف من احزاني وتقطع ضماي

سرقتني مثل ما تسرق بيوت القصيد
تجيبها من زعل واجيبها من رضاي

وانا على غيبتك ماعاد عندي جديد
واليا ذكرتك تضيق ارضي وتصغر سماي

....

رد: فوق هام السحب ( الشعر الشعبي) على متن القوافي
 

مال الشجاعه عمر وانتي كبيره
نظراتك بوجه العدا سيف ذبـاح

لو كان ما عندك جيوش وذخيره
من قو باسك شوكتك صارت سلاح

....

رد: فوق هام السحب ( الشعر الشعبي) على متن القوافي
 

ياللي من الناس تعجبني اساليبك
لا صار هرجك رحيق وضحكتك حلوى

سبحان من جمل بعيني عذاريبك
ياللي وصالك غرام وغيبتك بلوى

....

رد: فوق هام السحب ( الشعر الشعبي) على متن القوافي
 

يـا ليت ربي خـالـق الصدر شـفـاف
وأقـول طالع خـافقي و أنت تدري

والله لـو إن اللي بالأعماق ينشــاف
مـا تلمح إلا صورتك وسـط صدري

....

رد: فوق هام السحب ( الشعر الشعبي) على متن القوافي
 

‏لا تعاتب نظرة عيوني وتستغرب حضوري
والله ان فيها كلام اكثر من اللي في المحاني

فيك ما يخجل احاسيسي وما يرضي غروري
انت حلمٍ ماتمنيته وجابته الأماني

كل ما شفتك وجيت اصارحك صادق شعوري
قالت عيوني احبك واستحى منها لساني

....

رد: فوق هام السحب ( الشعر الشعبي) على متن القوافي
 

ألا ياغزالٍ في عيونك سهوم الموت
وفي مبسمك جنة وفي شوفتك راحه

ياحلو المعنّق والسوالف وحلو الصوت
لو إن السوالف .. بالتغناج* ذبّاحه

تغار البني من طلّتك والقمر و التوت
يا ميّاسة الحسن الطبيعي ومصباحه

....

رد: فوق هام السحب ( الشعر الشعبي) على متن القوافي
 

انت الصباح اللي خيوطه تبوج الظلام
والبسمه الدايمه والوجهه الراحبه

صبحٍ يجيبك نعانق به رحاب الغمام
وصبحٍ بدونك شحيب وطلته شاحبه

....

رد: فوق هام السحب ( الشعر الشعبي) على متن القوافي
 

‏لا مات الكلام و ما بقى فالعيون عتاب
مابين المواصل والمفارق وش اخترتي
ㅤㅤ
سكوتك وتقصيرك و صدّك بدون اسباب
أنا ما تغيّرت أنتي اللي تغيّرتي

....

رد: فوق هام السحب ( الشعر الشعبي) على متن القوافي
 

وقتنا صعب والأصعب علينا انفرض
‏بين واقعْك وأحلامك شكوك ويقين
‏
‏لا تعاتب ولا تحزن ولا تعترض
‏اجتهد لـ الفرح والا بـ تبقى حزين
‏
‏لاحضورك علاج ولاغيابك مرض
‏عيش عمرك لــ نفسك وأترك الآخرين
‏
‏لا تحبّ الحياه أكثر من المفترض
‏ولا تخاف الفراق وكلّنا راحلين

....

رد: فوق هام السحب ( الشعر الشعبي) على متن القوافي
 

كتبت لك يانور عيني مقالة
‏على ورق إيفور فاخر ولمّــاع

‏انت الحبيب ولارضينا بداله
‏اقولها والكل ينظر وسمّاع

‏بيتين شعر وبوستين و رســالة
‏مضمونها بالحب راقي وطمّاع

....