رد: اخترنا لكم
 

يا مالك الملك يا رحمن سبحانك
لي خمس دعوات يا ربي تحققها

جودك وسترك وعافيتك وغفرانك
والخامسه روحي من النار تعتقها

.....

رد: اخترنا لكم
 

‏ياسامرين الليل في بحر الاشواق
ياليتني معكم يلـوح شراعـي

بين القمر والموج لمعه وبراق
والنسمه العذبـه للاحبـاب داعِـي

القرب يالغالين للروح ترياق
والبعد ذباح القلوب الوجاعـي

.....

رد: اخترنا لكم
 

‏ما طاح في قلب الغلا غير الأوجاع
وما شالت كفوف الندم غير ضيقه

أثر الغلا لا زاد عن حده أنباع
مثل الدفا لا زاد يصبح حريقة

.....

رد: اخترنا لكم
 

‏شـهر رمضان اللي به الروح ترتاح
وفيه الشـياطين بسلاسل تسلسـل

وقـته ثمين وفيـه للخــير مفــتاح
لاتـهـدره مابــين نــوم و مسلسـل

أشفق على اللي وقته بـهاتفه راح
مــرات يســتقبـل ومــرات يرسـل

هذي تراها فرصـه لـجني الأربـاح
احذر عن الطاعة تقاعس وتكسل

.....

رد: اخترنا لكم
 

‏حيا الحنين اللي بصدري يوم مات
‏مع السحاب اللي تساوى وانهمر

‏كن المطر يطق باب الذكريات
‏اللي ما تفتح بابها الا للمطر

.....

رد: اخترنا لكم
 

رزقك ترى مهو على هذا وذاك
رزقك على اللي يميتك ويحييك

لا تحسب أن الله خالقك وينساك
رب عليم ن بك ويعلم مماشيك

.....

رد: اخترنا لكم
 

‏عزاي في اللي بنيته يوم راح ثعوي
‏قصايد ما تشابه غير وبل الحيا

‏يا اللي عليك اطيب ابيات القصيد امحوي
‏مع كل نظره كم استأسرتي من ابريا

‏يابنت حتى لو انك بنت قوم وذوي
‏ليه التكبر وزود الغطرسة والغيا

‏تخطين واجد وانا عاقل ورجل سوي
‏مانيب احب الخطا يامال قلع النيا

‏عز الله انك خسرتي في الغرام بدوي
‏والبدو هم والله اللي في الغرام اوفيا

‏مع كامل الاحترام لزينك الفوضوي
‏انتي كثيرة حلا لكن قليلة حيا

.....

رد: اخترنا لكم
 

ما هو حرام اقول احبك برمضان
اي والله احبك مثل باقي الشهور

ان كان حبك ذنب يانور الزمان
اقول انا احبك واقول اللّه غفور

.....

رد: اخترنا لكم
 

تعودنا نقول بخير لا قيل كيف الحال
وحنا ظروف الوقت ما قصرت فينا

.....

رد: اخترنا لكم
 

يتعب الأنســان في طرد أُمنياته
‏ما درى ان تحقيقهــا قدام عينه

‏من يبى درب السعادة في حياته
‏يرضي الله ثــم يرضي والـــدينه

.....

رد: اخترنا لكم
 

يا باغـــي الدنـــيا على ما تمنــيت
‏قبلي وقبلك ما صفت للصحابه

‏تحمّد الله كل مصبحت وامسيت
‏واذكر زوال العمـر واحسب حسابه

.....

رد: اخترنا لكم
 

ما فيه شـــي الا بجهـــد وكلافه
‏هذا الكلام اللي مجرّب ومعروف

‏الراحـــه إن زادت تولّــد ضعافه
‏ولا التعب لو زاد منسي ومخلوف

.....

رد: اخترنا لكم
 

‏تاقف قدم رجلي على بعض الاطلال
‏وأذكر ملامح كل نفس ٍ مشت به

‏وأقول للواقع وأنا ضايق البال
‏ماجابته سود الليالي غدت به

.....

رد: اخترنا لكم
 

إن هرج لي عيد وإن مد ليّ يمناه عيد
يوخذ الفنجال مِنها على غير شهوه

.....

رد: اخترنا لكم
 

يارب زدنا خشوع وحسن ظن وتقى
ياللي ما تاخذك لحظه نوم ولا سنه

اغفر لنا اللي مضى واحسن لنا اللي بقى
واختر لنا من العمل ومن الكلام أحسنه

بقلمي

رد: اخترنا لكم
 

يالله ونا طالبك في ليلة الجمعة
المغفرة والعفو ولاجر والتوبة

والخير والرزق والتوفيق والسمعة
والرحمه اللي بوسط اللوح مكتوبه

مطلق العتيبي

رد: اخترنا لكم
 

احبه كثر مامريت بيته والعباد رقود
‏وكثر مالاح براق الغرام اللي مسريني

‏احبه مير ماجابه غلاي وحظي المقرود
‏ولا جابه حنين الشوق واللي منه مذيني

.....

رد: اخترنا لكم
 

أبكتب قصيدي فيك وأعلن غلاك إعلان
‏وأسميك ليل الشعر والشعر مجنونك

‏‌تجاوز غرامك واقع الصمت والنسيان
‏أحبك وأحب أرضك وناس يحبونك

.....

رد: اخترنا لكم
 

‏حبيبي والسوالف بيننا لوم وزعل وعتاب
‏أنا ساکت غلا ما ودّي أندم في تواليها

‏أنا مدري بعينك هو أنا الصادق أو الكذّاب
‏لكنّي جيت لك والناس مالي غايةٍ فيها

‏معي عمر وبقايا أمنيات وضحكتين وباب
‏معك مفتاحه لحلو الحياة اللي أنا أرجيها

.....

رد: اخترنا لكم
 

‏عساني ماخلا من حبّك الطاهر ليوم الدّين
‏اخايلني معك من وين ماوجّهت وجهاتك

‏أشوفك ظلّي الوارف وأشوفك بين قلب وعين
‏وأحبك حب مايطري على بال انتظاراتك

.....

رد: اخترنا لكم
 

‏تعال سولف علي بأسلوبك الساخر
‏خلّ الحزن ذاك تِضحكني تفاصيله

‏الليلة أن كان عندك للمطاف آخر
‏وصّلني آخر مطاف أحزانك الليلة

.....

رد: اخترنا لكم
 

العافية والديّن ساس الغنايـم
‏وأغلى كنوز الأرض كنز القناعة

.....

رد: اخترنا لكم
 

في ضميري لك بيوت ولك عماير
والحشا لاغبت صلف الشوق هزه

ما يرد العيـن من هـل العبـايـر
كون شوفـة صورتك في كل حزه

.....

رد: اخترنا لكم
 

‏ماهوبشرط آحب لاقلت مشتاق
ولاهو بشرط اكون فاقد حبايب

يمكن عشان ارضي جماهير واذواق
آحن من لاشيء واكتب لغايب

رد: اخترنا لكم
 

ليا منه سرى الليّل جاء للشوق تأثير
تـوارد لهفة الوصَل من كـل النواحي

.....

رد: اخترنا لكم
 

‏مرحبا بالي حضوره سر بالي
له معزه وسط قلبي يمتلكها

الغلا له وسط قلبي دوم غالي
له محبه وسط شرياني شبكها

.....

رد: اخترنا لكم
 

يامساء الخير والنور وانسام الزهـور
بالمحبـه والغلا من ضميري للجميـع

لو يبـور الوقت معنــا ترانا ما نبـور
نشتري قـرب القلوب النقيــه ما نبيع

.....

رد: اخترنا لكم
 

إذا وقف خاطرك بين الغلا والزعل
‏سلم سلام الزعول إللي بصدره غلا

.....

رد: اخترنا لكم
 

‏طواري غروب الشمس مالي عليها أخلاق
‏وعلى كثر ماهي تتعب القلب مألوفه .

‏نسايم هبوب عصير هبّي على المشتاق
‏أمانه قبل وقت الغروب أطرقي جوفه

.....

رد: اخترنا لكم
 

خلك مع اللي شوفته مثل الأمطار
واطيب من التمر الحساوي مع الكيف

وإبعد عن اللي للقريبين والجار
ما يشبه إلا العج عصرية الصيف

.....

رد: اخترنا لكم
 

تعبنا من الايام والعالم الفاضين
نجامل واثر ساس البلا يوم جاملنا

.....

رد: اخترنا لكم
 

‏تجاهل المخطين وتشوف الأفراح
مـا دام تـاريخك بالأمـجاد حـافـل

وتـغـافل الـزلات وتعيـش مرتاح
ثـلاثـة أربـاع العــقل بالـتغافـل

.....

رد: اخترنا لكم
 

هذا السهر ضريبة أشواق وهموم
‏يعني على ما قيل سهران سهران
‏
‏وحده من الثنتين ما تجلب النوم
‏يا من همومك أو مشتاق لإنسان

.....

رد: اخترنا لكم
 

‏عوّدت نفسي ما آتعوّد على إنسان
اللي وصل من مُرّ الأيام كافي

خيبات وجروح ومواجع وخذلان
مافيه أحد يبقى على طول وافي

.....

رد: اخترنا لكم
 

من جرب الخذلان مايامن النآس
‏معذور لو شفت الحذر في عيونه

.....

رد: اخترنا لكم
 

‏سقى غيثك صحاري قلبي و قلبي بدوي أطباع
‏يرحّب بالمطر حتى ولو بلّ المطر ثوبه

.....

رد: اخترنا لكم
 

‏ماعاد عندي صبر يستحمل رفاقه وزملاء
‏قلبي على جنحان قمريّه وضحكي مستعار

.....

رد: اخترنا لكم
 

‏تغانمني ترى قِد كبدي من الصبر عشر أقسام
‏على أدنى شي يمكنّي أغني لك وداعيَّة

.....

رد: اخترنا لكم
 

‏اشتقت اسولف للسماء لا مر غيم
‏عن بهجة الخاطر ولحظات الهنا

‏ما زارني قيظ الحياة ولا النسيم
‏مدري وش العتمه ولا اعرف السنا

‏ملّيت افتّش في ممرّات الهشيم
‏بعضي يدوّر بعضي الواقف هنا

‏أزريت بعد الطيحه ارجع واستقيم
‏الظاهر اني مختلف ما عدت انا

.....

رد: اخترنا لكم
 

‏ياصاحبي الله يمسيك بالخير
‏عقب البطا بنشدك وشلون حالك

‏من بيننا رفقه ومعزه وتقدير
‏وقل اتصالي يوم قل اتصالك

‏اقفت بك الايام من دون تبرير
‏وجعل الفرح والطيب فالي وفالك

.....