رد: اخترنا لكم
 

مادريت ان نظرة العشق فتّاقه
لين صرت اشفق للقياه واتوقي

مايشوق الفكر ويبعثر اوراقه
غير خدٍ من ضيا البدر مسروقي

....

رد: اخترنا لكم
 

ياكريم الوجه عفوك وعونك يا معيــن
غير عفوك ما لعبدك طموح ومطمعه

ويالله سخر لي من المؤمنين الصالحين
مؤمنٍ يدعي لنفسه ويدعي لي معه

....

رد: اخترنا لكم
 

المجلس اللي بالنمايم ملوّث
ومال العلوم الغانمه فيه طاري

ابعد عنه مافيه غير المغلّث
اللي ورى الغايب تحد الشباري

....

رد: اخترنا لكم
 

يا ناشدن عـن حـال ديـني ودنياي
أنـا بـخــيـر ونـعــمـة الله وفــيــره

مع خالق الكون أرتباطي ورجـواي
سبحان من يـعـلم بخـافِ السريره

وانـا مـع زحـول الرياجيل مـبداي
روس الرجال آهل الفعول الشهيره

اللي لهم ينقـاد مدحي ومـعناي
يــزف ريحـانـه ويـرســل عَـبــيـره

....

رد: اخترنا لكم
 

سايرت خلان الرخا لين مليت
وجاني على قطع العلاقة جروه

لوعشت وحداني من الزام للبيت
إخير من خوت قليل المروه

محمد المرواني

رد: اخترنا لكم
 

إلهي فارج الكربة وقابل توبة التواب
تحت عرشك نسبح مالنا فضلٍ ولا منّه

أمانينا رضاك ودعوةٍ تفتح لها الأبواب
خضعنا لك عبيدٍ نطلب الغفران والجنّه

آمين

رد: اخترنا لكم
 

يجاريكم وسيع الصدر من باب الذرابه لين
على حِدة عباراته وقسوتها تحدونه

فرجاءاً لا شرهتوا كلمونا بالكلام الزين
تعرفون الكلام الزين والا ما تعرفونه

....

رد: اخترنا لكم
 

للقلوب اسرار والدنيـا عـبر
‏والعمر لو طال تاليه الرحيل

‏والخواطر كسرها ماله جبر
‏ لو يعيد الوقت ماضيه الجميل

....

رد: اخترنا لكم
 

كل ماهبّت هبوب الشوق ليلك فاح طيـبه
أنتشى الشِّعر وبدا الشاعر طقوسه بالكتابه

هذا أنا في كل يوم أبدا بطيفك وأنتهـي به
وكل ليل أموت في مبريٍ عودك وأحيـآبه

....

رد: اخترنا لكم
 

عليك السلام ورحمة الله والرضوان
‏ ياقلبٌ تعب واخفى عن العالم اوجاعه
‏
‏يذوق الالم ومكابد الضيق والّاحزان
‏ ولا يشتكي لو تلوي الضيقه ذراعه
‏
‏توشح بصبر ايوب والصمت له عنوان
‏ ولا غيرت ضيقات الايام باطباعه

....