رد: اخترنا لكم
 

‏الوقت ساومني على راحتي لين
‏قررت اثمن راحتي واشتريها

‏ اثر الدقايق بعضها تاخذ سنين
‏لين نتجاوز كل ما صار فيها

‏ اقسى شعور يراود القلب والعين
‏يوم انتذكر حاجة ما نبيها

‏المستريح اللي جمع بين ثنتين
‏صدر وسيع وذاكره لك عليها

....

رد: اخترنا لكم
 

‏مابين لدغات القرايب والاجناب
‏ما قمت افرق بين عقرب وحيه

‏ناس تقلب ماعرفنا لها اسباب
‏تصبح بنيه وثم تمسي بنيه

‏صار التشتت عاده بين الاقراب
‏والكل يرمي صاحبه بالخطيه

‏اكثر سوالفنا مشاريه وعتاب
‏حتى بعدنا عن حلول القضيه

‏قل التراحم واغلقوا دونه الباب
‏وقل التواصل والغلا والحميه

‏وين القلوب الصافيه وين الاحباب
‏وين القلوب الطاهره والبريه

....

رد: اخترنا لكم
 

ما عادت الأيام هي نفس الأيام
ولا عادت الناس الحبيبه حبيبه

احتار فكري قبل تحتار الأقدام
الدرب موحش والمشاعر غريبه

....

رد: اخترنا لكم
 

‏يوم أبعد عن الناس مانيب ضايق
‏شخصيتي هاديه وأحب السكينه

‏العزلة أفضل من ضجيج الخلايق
‏نتايج الإزعاج ماهيب زينه

....

رد: اخترنا لكم
 

دام الحكايه واصله للنهايه
عندي سؤالٍ بين الأضلاع محشور

ما دامك أنت كاتبٍ هالروايه
ليه البطل بيموت ما كمّل الدور

....

رد: اخترنا لكم
 

‏لاتقبل الا هرجة الرأس للرأس
‏صف الظنون وكل واحد وظرفه

‏من كثر هرج الناس في غيبة الناس
‏أحيان تكره واحدٍ ما تعرفه

....

رد: اخترنا لكم
 

‏على الهون يازهرة شبابي وتو الناس
‏علام العمر يمضي والافراح منسرقه

‏تلّج الطواري كل ماذعذع النسناس
‏على واحدٍ بين العرب واضحٍ فرقه

‏شعور المسافة بين حبل الرجا والياس
‏شعور المسافر كل ما طالت الطرقه

....

رد: اخترنا لكم
 

ماﻛل شخص قال وش فيك رديت
لأني ٱشوف ٲحيان ﺻمتي إجابه

الصمت في عوج الحنايا بنى بيت
يصعب على بعض العرب فك بابه

....

رد: اخترنا لكم
 

الليله البال رايق يا حروف الغزل
صبي لمحبوب قلبي حب لين يرتوي

صبي له أبيات شعريه مثل العسل
عسى حبيبي يعدل طبعه الفوضوي

وحين يهدأ مزاجه حطي له أربع قبل
ووزعيها حسب توجيهي المعنوي

في الخد الأيمن ثم الأيسر ثم المقل
والرابعه في ظ±ذنه ظ±بغاها تدوي دوي

وبعدها لا بدأ يظهر عليه الخجل
قولي له إحساس شاعر مفتقد لك قوي

....

رد: اخترنا لكم
 

كل الدروب اللي تودّي لودِّي
من دونها سبعة بحور الكرامة

....