رد: اخترنا لكم
 

‏على وجهك الراضي بدت لي الحياه تزين
‏لك الشكر من قلبي على وجهك الراضي

‏تفكر في وجهي وأسمع اللي أقوله زين
‏حيـاةٍ بدونك والله انها على الفاضي

.....

رد: اخترنا لكم
 

‏خذتني الذكريات وجيت لك سيراً على الاحلام
‏لو اني ما اذكر اني قلت لك بمشي وقلتي وين

‏يا فرصة عمر كيف افرح بها واعيشها مادام
‏بغمضة عين جات وسافرت عني بغمضة عين

‏ذكرتك وابتسمت وبانت الدمعه ولا تنلام
‏ذكرت احلى الليالي من شهر سته لشهر اثنين

.....

رد: اخترنا لكم
 

‏تباهى بي على ركب الحياة وجرّة المنقود
‏ تباهى والصباح يبّث نوره من تلفّاتك

‏حبيبي لا تقول إن الرضا والجود فالماجود
‏وأنا ثلثين عمري ضيّعته من بسمة شفاتك

‏ أنا ظلّك وأنا كلّك وأنا مشوارك المعهود
‏من أضغاث الحياة القاسية لأحضان ضحكاتك

رد: اخترنا لكم
 

‏طاحت من عيون الليالي طموحات
‏واشتد برد ولاح للشوق بارق

‏كن الشتاء مخلوق للحب بالذات
‏وكن الفصول الباقيه للمفارق

.....

رد: اخترنا لكم
 

‏اكثر قلوب الاوادم رهينة مغريات
‏الحظيظ اللي لا قفى ترك فيها وسم

‏يابعد من راحت سنين لكن يوم جات
‏جات ما معها غنيمه ولا معها قسم

.....

رد: اخترنا لكم
 

‏مانيب مجبور أخاطب على قد العقول
‏والله إن بعض القناعات عندي مهمله

‏الكلام تشوفه الناس حل من الحلول
‏مثل ما أشوف التجاهل يحل المشكله

.....

رد: اخترنا لكم
 

‏مانـي بشاكـي لك عقب يوم فرقـاك
‏ياللي معك ماتت جميـع امنيـاتي

‏وايامـي اللي عشتـها قبل ويـاك
‏ايـام تبقى خالـده في حياتـي

.....

رد: اخترنا لكم
 

‏لا تاخذك لهفة العالم على الإنفتاح
‏مرت على غيرك اللي توها مرتك

‏ماكل حبٍ يجي منه سلام وصلاح
‏أحيانًا الناس لا من حبتك ضرتك

.....

رد: اخترنا لكم
 

ثنتين والثالثه من نظرة أعيانه
‏والرابعه من كلامه حين يبدي به

‏حلو بشكله وحلو بمنطق لسانه
‏مثل العسل عند دكتور يداوي به

كن العسل منطقه واللّول بأسنانه
‏ومجدلاتٍ تدق ليا عراقيبه

.....

رد: اخترنا لكم
 

‏ما طمعنا غير في طاعة الله والصلاه
وخوّة اللي خوّته مايجي فيها ردى

الكفو نقدّر جنابه ولا ينقص غلاه
والجمايل بين الاجواد ماتذهب سدى

.....

رد: اخترنا لكم
 

‏ارفع مقامك عن علوم المذله
وربك على طيبة نواياك يعطيك

واللي يثير الشك والكره خله
ارسم على بيض النوايا مباديك

.....

رد: اخترنا لكم
 

قفلت بيبان العتب والمشاريه
وفتحت بيبان الرضى والكرامه

اللي يجينا جعل ربي يحييه
ومن صد مانكثر عليه الملامه

اكثر كلام الناس ما كني اوحيه
بعض التغافل طيب ماهو رخامه

المال ماقلنا تصدق لنا فيه
ليتك تصدق بس بالابتسامه

ما ارافق الجاهل ولاني معاديه
يكفي سلام ومرحبا والسلامه

صالح الناصر

رد: اخترنا لكم
 

راحت أيام الهنا كنها حلممٍ قصير
ولابقى غير التوجد وحلو الذكريات

.....

رد: اخترنا لكم
 

كل عام وأنت بخير وعيدك مبارك
وكل عام وأنت عيدي في كل الأعوام

وكل عام وأنت الفرح على محياك
وكل عام وأنت أجمل حب وغرام

وكل عام وقلبي بيتك أنت ودارك
وكل عام وأنت حب وشعور وهيام

تأمر تدلل تبشر جعلني كلي فداك
ياللي سكنت القلب عيدك مبارك

.....

رد: اخترنا لكم
 

اعشق سموك واعشق طقوس جوك
‏واعشق سواليفك وزود اهتمامك

‏يا مِلهم شعري عشقنا سموك
‏غصبن من افعالك يزيد احترامك

.....

رد: اخترنا لكم
 

‏أتعبني الليل والذكرى على ماهي
تستنزف الدمع من عيني وتسهرها

والدمعه اللي على خدي وانا ساهي
كرامة طيوفك اللي في محآجرها

.....

رد: اخترنا لكم
 

يامرحبا باللي يصـون الصداقه
حتى ولو فيها عوايق كثيره

يحفـظ أصول المعرفه والعلاقه
ويكون في بحرالصحب كالجزيره

الصدق ينفع صاحبه كالبطاقه
والكذب دايم هي حباله قصيره

فالوعد قاطع مثل موس الحلاقه
وخيانة الصاحب جريمه كبيره

.....

رد: اخترنا لكم
 

إنْ كان ونّ الصوت والقلب ناداك
ارخ المسامع وشوف وشهو يريده

يمكن احاسيسه والاشـواق تبغـاك
ويمكن على طيفك يسوّي قصيده

.....

رد: اخترنا لكم
 

الله يجعل ختام الشهر في جـبرك
يجبر فـؤادك وتتغـير إلي الأفضل

ويزين حالك بعد ما قد نفذ صبرك
تستاهل الخير كملك حر ومناضل

.....

رد: اخترنا لكم
 

‏يامساء الخير ياعـــــذب القصيد
‏يالبيوت اللي لسامعها دوى

‏انت لك طاري يجيني من بعيد
‏كل ماصلحت فنجـــــال قهـوى

.....

رد: اخترنا لكم
 

‏ترا الصـداقه والمحبـه والإعجاب
‏ماهي بتوخذ غصب للي يبيها

‏إن كنت مقبول ومعك طيب وأداب
‏تاخذ قلوب أهل الوفا من يديها

.....

رد: اخترنا لكم
 

طبعك هو اللّي على الفرقى مقدّرني
‏واحس نفسك على التجريح مجبولة

‏تعرف تقول الكلام اللّي يكدّرني
‏بسّ الكلام الحلو ما تعرف تقوله

.....

رد: اخترنا لكم
 

‏ما طمعنا غير في طاعة الله والصلاه
‏وخوّة اللي خوّته مايجي فيها ردى

‏الكفو نقدّر جنابه ولا ينقص غلاه
‏والجمايل بين الاجواد ماتذهب سدى

.....

رد: اخترنا لكم
 

‏اضبط لسانك بالحكي واحسن الظن
‏حتى مع العالم يزيد احترامك

‏ترا اللطافه والادب تعتبر فن
‏ألزم حدودك ترتفع في مقامك

.....

رد: اخترنا لكم
 

‏لو ان عند الناس بعض القناعه
‏ويمان بالمكتوب ماصارو ثنين

‏احدٍ من همومه يبي اليوم ساعه
‏واحدٍ من الفرحه يبي اليوم يومين

.....

رد: اخترنا لكم
 

يا اللي أخذت القلب ما قلت لك خذ
منك مساء الخير هي زبدة الخير

فيك يتباهى الشعر والشاعر الفذ
يا اللي حضورك غير وإطلالتك غير

.....

رد: اخترنا لكم
 

شفي مع لابتي شيبان ومعوّل
ربع نهار الوغى للروس قصاصه

حنا هل الطايله ذلحين ومنوّل
من طاح في نحورنا يا صعب مخلاصه

صغيرنا يحتمي الميقاف لاحوّل
لو الفخر وسط جوف البحر لاغاصه

.....

رد: اخترنا لكم
 

‏دربي طويل وخاطري واصل اقصاه
‏واخاف لا اهوّن واكف اجتهادي

‏يارب لامن صارو العالم اشباه
‏ميزّني انا ما اقدر اعيش عادي

.....

رد: اخترنا لكم
 

‏الشاعر خلف الأسلمي بعد أن وقع أسير سنة ١٩٩٠ في العراق أصابه الحزن على فراق بنته الصغيرة نوف وخشي أن يموت وتفقده بنته فقال أبياته المشهورة :

الكل يفرح في نهار الزيارة
وأنا الوحيد بعبرة الشوق مخنوق

وأن مت في سجن الرمادي بـغارة
قولو لنوف الحين يرجّع من السوق

رد: اخترنا لكم
 

‏ھذا غرامي سمّه اللي تسمّيه
جنون عشق أو سمّه اللي بدالك

ياصاحبي ماعاد تفرق معانيه
القصد حبك والأماني وصالك

.....

رد: اخترنا لكم
 

‏خذت ليالي غيابك من عناويني
‏ماياخذ الطير من ديره إلى ديره
‏
‏وقصايدي فيك والشوق وسهر عيني
‏والبعد والإنتظار وغيره . وغيره

.....

رد: اخترنا لكم
 

‏يا مناة الروح يا فرحة القلب الحزين
جعلني من شوف زولك وحبك ماخلآ

لايغرك بعد دارك وصكات السنين
والله ان لك يا هوى البال في قلبي ولآ

.....

رد: اخترنا لكم
 

قلت اعذريني كان في الحب معــذور
والا اغرقيني عاشق في بحــــــــورك

يا اجمل بنات الخلق ياشيخه الحور
الراي رايك وادري الشور شـــــورك

ان قلت احبك والله ان عندي شعور
ان ابتسام الفجر يشبه شعـــورك

.....

رد: اخترنا لكم
 

ليه الأيام خرساء ماترد السلام
وليه حتي السنين الماضية ماترد

لي سنة رافع كفي بليا كلام
وإنكسر خاطر الغيمة ورد الرعد

.....

رد: اخترنا لكم
 

من غلاتك مابـــقى فيني غـــــلا
يشهــد الله مالكٍ قلبي غـــــــلاك

الحبيب ان حب عمره ماســــــلا
وانت قلبي ماخبر يومٍ ســـــلاك

ان حكيت وقـلت لـــبيه وهـــــلا
كم يطـرب مسمعي عذب محكاك

انت عندي غير عـــن كــل المـــلا
ياحبيبي صورتــك عندي مـــلاك

ماحـدن بالكــون عمـــره مابــــلا
وانت قاسي يالغــلا هــذا بـــلاك

حدني وقتي وانـــا جيتـــك ولا
ثابتن عهدي وانــــا كـلي فـــداك

لايهمك مـــن يـروح ومــن خــلا
لـــو يروح الكون انا باقي معـاك

.....

رد: اخترنا لكم
 

وش حيلة المشتاق لا ناموا الناس
لا مرّت الذكرى بساعة مبـاتـه

ووش حيلة اللي كل ماصابه نعاس
صفّت طيوفك فوق رمشه وجـاته

الفقد جمره مثل ماقربك احساس
لـو عاشها مابـين ذاتـه وذاتـه

اعظم شعور يزوّد الهم والباس
من يـرثـي بعينه جميع امنياته

.....

رد: اخترنا لكم
 

‏سرى الليل وعيون المولع على الجوال
‏يراقب ظهوّر الصاحب اللي على باله
‏
‏يخاطب نجوم الليل لامن ليله طال
‏لعل النجوم تطمن القلب عن حاله

.....

رد: اخترنا لكم
 

نتعب علي الطيب والايام ملحوقہ
‏واللي يقدر غيابك يحفظ اسبابك

‏الصاحب اللي رزين وعذب منطوقہ
‏احفظ حضوره مثل مايحفظ اغيابك

.....

رد: اخترنا لكم
 

تِتمتم نظرة عيونك وتفهق عتمة الديجور
‏تناوش فرحة أعيادي وتسحرني رياحينك

‏تمد الشوق في غمرة شعور وتستميل النور
‏وتسرقني من العالم وأعيش بلطفك ولينك

.....

رد: اخترنا لكم
 

‏جاملت بعض الناس قدر المستطاع
‏و ازريت في حالي بصبري واجهدي

‏الايام تكشف كل من يلبس قناع
‏وتظهر لك الجيد وتكشف لك ردي

‏ومن عافنا عفناه لو نمسي جياع
‏م حنا على طرد المقفين انعدي

.....