رد: فوق هام السحب ( الشعر الشعبي) على متن القوافي
 

كتبت لك أعــذب الكلمات والحبر جف
واكملتــها ياهــوغŒ قلبــي بـ دم الوريـد

كلمات من نبـع وجـدانــي لإجـلك تزف
وكل كلمــة لها بـ القلـــب معنـغŒ اكيـــد

كأنهــا عـــقـــد من لؤلؤ ودر الصــدف
هديتي لك عـسغŒ يبقىظ° فــؤادك سـظ“عيد

أنتـي مرادي وانتي مقصــدي والهدف
وانتي حياتي ولا غـيرك لها القلب سيد

شرع المحـــبه على منهاج من قد سلف
حبيب لـ الروح ماقصدي فريسة وصيد

....

رد: فوق هام السحب ( الشعر الشعبي) على متن القوافي
 

نطيح من عـين الردي ما بها عيب
ولا همنا لو قال ما قال فينا

مادام نسكن في محاجر هل الطيب
ومنزالنا فـ عيونهم وش علينا

....

رد: فوق هام السحب ( الشعر الشعبي) على متن القوافي
 

من دون لا تفكير ولا سابق وعد
صارت علاقتهم مع دروب الجنون

صار الغزل مابينهم برق ورعد
وطير الوهم غـرّد على جـرد الغصون

قالت احبك قال انا احبك بعد
بس الحقيقة كل ابوهـم يكذبون

....

رد: فوق هام السحب ( الشعر الشعبي) على متن القوافي
 

من شـد على يدك حـذاري تخليه
ولو فلتـوه النـاس حـطـه بقلبـك

ولو طال وقتك إحذر إنك تعاديه
ولا تجحد المعروف ان خفت ربك

الشخص يسقط حين تسقط مباديه
وأنته تـأكد من طـريقك ودربـك

مش لجل تعند وأنت غلطان تمشيه
إحسب حسابك بين شرقك وغـربك

واختار لك بين البشر من تخاويه
تلقاه في ضيقك وسلمك وحربك

....

رد: فوق هام السحب ( الشعر الشعبي) على متن القوافي
 

قولوا لـ محبوب قلبي لعن ابو جـده
يـترك غـروره ويتـنازل يكلمـنـي

لي خمس ساعات وانا منتظر رده
لي خمس ساعات مترقب ومستنـي

قولوا له اني أهيم واهواه واوده
وانـي بـ حُـبه أجــــر الصوت واغني

ما همت في شخص لاقبله ولابعده
قولوا لـه الكبر لله لا يعذبـنـي

....

رد: فوق هام السحب ( الشعر الشعبي) على متن القوافي
 

من البارحة بيني وبين الفراش هموم
إذا جيت ابرقد مرقدي مايدانينـي

كأن الشقا لي والعنا والتعب مقسوم
تبين علامات القهر والسهر فينـي

فلا ليلتي ليلة ولا اليوم نفس اليوم
أهوجس ولاأدري وين شعري موديني

شعوراً غريب وداخلي متعب ومحموم
تولعني النيران مرة وتطفيني

اشوف الوفاء بين البشر طابعه معدوم
وهذا علي يكذب وهذا يمـنينـي

ومن لايداري سمعته والحيا واللوم
كلامه ودمعه والبكا مايسليني

ذائقة

رد: فوق هام السحب ( الشعر الشعبي) على متن القوافي
 

احساس يفرح وفيه احساس يوجعني
احترت اصدق احاسيسي واكذبها

مره شعورالغلا للشوق يدفعني
واحيان حس الجفا للنفس يمنعها

مع صوت لب الهوى اصوات تمنعني
كثرالاحاسيس وسط الروح متعبها

بالله من هوخبيراحساس يقنعني
أي الأحاسيس قلب الخوف يتبعها

....

رد: فوق هام السحب ( الشعر الشعبي) على متن القوافي
 

‏يطول ليل المساء والشوق ياخذنا
‏في عالم الشوق وجدانه ووجداني

‏صحيح باسم الهوى ماقد تصارحنا
‏لكن كل واحدن ميت على الثاني

....

رد: فوق هام السحب ( الشعر الشعبي) على متن القوافي
 

‏لا تخفي الشوق كانك في الهوى صادق
‏خل المشاعر تسولف عن هــوى قلــبك

‏صارح حبيبك ترا كتم الهــوى حــارق
‏ماهيب صـــعبة تـــراها كلـــمة احبك

....

رد: فوق هام السحب ( الشعر الشعبي) على متن القوافي
 

أحيان أحسّك طيف من روح غالي
‏واحيان أحسّك روح والطيف فيني

‏مره اقول الدرب موحش وخالي
‏ومره احس ايديك تمسك ايديني

....