رد: اخترنا لكم
 

‏ياللي خذيـت القلب مني ومافـيـه
‏إرفـق بقلبي يا بعـد كل مــن لـــه
‏
‏جيتك وأنا شوقي يسابق خطاويه
‏شوق الخليل اللي فقد شوف خله

.....

رد: اخترنا لكم
 

‏وان علمتني الفاتنه وشلون اسير بلا بصر
‏علمتها الفنجال وشلون اتحدى واشربه

‏وعلمتها إني كذا طال الزمن ولا قصر
‏وان اعذب الحبّ اصدقه وان اعذب الشعر اكذبه

.....

رد: اخترنا لكم
 

سمحت من الفراق وسطوة الذكرى على النسيان
‏واشوف الكبريا بعد التواضع موقف انساني
‏
‏حياتي فوضويه كيف اجمعها واصير انسان
‏انا هالحين نصف انسان وانتي نصفي الثاني

.....

رد: اخترنا لكم
 

‏تسولف لي وانا منك أتسقى سلوتي لاهنت
‏عليك الله تطوّل فالحكي لا تقولٍ ما أمداني

‏تمهلٍ بالسوالف شوفني عقب صوتك زنْت
‏تجمل وأردف الموضوع الأول واحدٍ ثاني

‏وش أزين من حديثك ما به أزين منه إلا أنت
‏تجمعتوا على قلبٍ خلِي وصار ملياني

.....

رد: اخترنا لكم
 

‏مشتاق لك واحسـاس قلبي يناديك
وعينـي على شوفك تخايل بصـرها

الروح ذابــت يابعـــد روح مغليك
والنفس تعبت مـن غيابك كسرها

يا كم سهر قلبـي وشوقــه يناديك
يحاكي السما منك ويسال قمرها

وينك قسم نفسي ترى ذايبه فيك
والروح مشتاقه وبُعـــدك أسرها

.....

رد: اخترنا لكم
 

لا تشتكي هـمّ الصــدر للمخاليق
السـرّ يفسـد لا خـرج عـن نطاقـه

لاضاق صدرك أطلب الرب توفيق
وأصبــر على مـا قــدّر الله وساقـه

.....

رد: اخترنا لكم
 

‏أمنتك الله لا يطول غيابك
وش تنفع الدنيا بليا وجودك

يمكن غيابي ما يسبب عذابك
لكن عذابي يا عذابي صدودك

غالي وتبقى غالي في غيابك
لكن يزيدك من غلاتك وجودك

.....

رد: اخترنا لكم
 

‏يارب ما ضاق الفضـاء وانت موجود
عنــدك حلول المشكلات الفضيعه

جيتك وقلبي من بلا الحــال مكبود
والروح من كثــر المتاعـب وجيعه

يارب مالـــي فـي رجــاء اي معبود
ولالي احد في الكــون هذا جميعه

ماغيرك انت اللي بدعواي مقصود
يامـن حياتـي فـي كفوفـك وديعه

آمين

رد: اخترنا لكم
 

‏من ناحيـة قلبي قسمتـه لك أنصاف
النصـف لك والنصـف الآخر لاهلك

اللي عطوني بنت ماشي لها اصناف
ولا شاهـدت عيني بها الكون مثلك

تحفه خلقها الله محمـود اللطاف
سبحان مـن صّـور حلاتك وشكلك

اعطاك ربي زيــــن نادر بالاوصاف
ومن اجمـل الاوصاف ربي وهبلك

.....

رد: اخترنا لكم
 

ماني بناقص عتاب احباب ومحاسب
‏حاسبت نفسي بنفسي لا تحاسبني

‏أحيان اشوف الخطا صحيح ومناسب
‏وأحيان اشوف الصحيح وما يناسبني

.....