رد: اخترنا لكم
 

كل البشر ب انواعها تملك احساس
لايغرك اللي ما بعد جاك يشكي

ترا اللي يضحك دايم ويسعد الناس
لو سولف وقال الحقيقه بتبكي

.....

رد: اخترنا لكم
 

‏جل جلالك تعالى واعتلى شانك
وحدك ولاغيرك أحدٍنلتفت صوبة

مافوق عظمة جباروتك وسلطانك
بيديك الأعمار والآقدار مكتوبة

يستغفرك لاإله إلاأنت سبحانك
عبدٍيحس بـخطاه ووحشة ذنوبة

أن ماغفل قال مغفرتك ورضوانك
وليا غفل هو والدنيا بغيبوبة

العفو والستر والغفران غفرانك
يامن تغفرالذنوب وتقبل التوبة

.....

رد: اخترنا لكم
 

‏أختـرت من بين النصايح نصيحه
وحبيـت أوجهها الى كل مسلم

عليك بالخمس الفـروض المريحه
وعلى النبي ياخوك صلي وسلم
ﷺ

رد: اخترنا لكم
 

‏أطلبك يارافع جميع السماوات
يا باسطٍ سبعٍ تحتها تقاوت

تغفر ذنوب اللي من الخلق قد مات
وتدمح ذنوبٍ من عبادك تهاوت

بقلمي

رد: اخترنا لكم
 

فيما مضى كنتَ بالأحبابِ في رغدٍ
والدهرُ يُسعِدُكَ والأيامُ كالأعيادِ

واليومَ أصبحتَ لا خلٌ ولا وطنٌ
ولا صديقٌ ولا دارٌ ولا زادِ

.....

رد: اخترنا لكم
 

استر عيوب الناس تستر عيوبك
يا اللـي لسانك للمخاليق فضّاح

واترك ذنوب الخلق وانظر ذنوبك
ترى الزمن دوّار والسّر ينباح

.....

رد: اخترنا لكم
 

الصاحب الزين مثل الغرسه المثمره
كريمة الجود ذي ماتخلف اثمارها

والصاحب الشين مثل الشوكه المزهره
تجرح يدك لانويت تقطف ازهارها

وصحبة الجيد مثل النسمه العاطره
وصحبة النذل مثل الريح واعصارها

والظلم يخزيك في الدنيا وفى الأخره
والعدل يرفع ثمن نفسك ومقدارها

وكلمة الحق مثل الغيمه الممطره
ذا تحيي الارض بعد الموت بمطارها


.....

رد: اخترنا لكم
 

خلك علا مبداك في كل عمرك
واحياء عزيز النفس والعمر مره

وصاحبك لاجاك في ضيق سرك
واجب عليك انته تجمل وسره

ومن نوى للعيب في يوم ضرك
اطلب من الله في حياته يضره

واعمل لنفسك خير ينفع بقبرك
لن الاجل وصال والناس عبره

.....

رد: اخترنا لكم
 

ماني صديق اللي يشيل بقلبه
انا صديق الطيّبين الندّر

أشباهي اللي طيبته من قلبه
يسامح المخطي قبل يتعذّر

.....

رد: اخترنا لكم
 

‏ياعظيم الملك يارب العباد
ماسجد وجهي لغيرك ياكريم

أسألك عفوك وسترك والرشاد
وأسألك حظٍ عظيمٍ ياعظيم

وأسألك من غيث جودك ياجواد
وأسألك من نور علمك يا حكيم

وأسألك يارافع السبع الشداد
الصبر والحلم والقلب السليم

وأسألك تكفي عبادك والبلاد
الحسد والسحر وابليس الرجيم

.....

رد: اخترنا لكم
 

حاولــــت انام ولا تهيالــــي النوم
النوم والهاجــــوس ماهــــم ولايف

ماتستريح العين والبال مهمــــوم
ولا يستقر الحال والقلــــب خايف

غديت مثل الي بالإعدام محكوم
ما مات لاكنه مــــن العمر عايف

.....

رد: اخترنا لكم
 

‏احشم لساني يوم عقلي حشمني
وكلن حسب عقله يسولف لسانه

.....

رد: اخترنا لكم
 

‏بين الكثير من التساؤل والقليل من اليقين
‏المشكله ماني بأعرف المشكله وأحلها

‏أنا تعبت من الوصل والبعد والناس أجمعين
‏وقلوب تبغيني وانا ما عاد أبيها كلها

.....

رد: اخترنا لكم
 

‏وين انت يأللي كتبت الشعر لعيونك
‏عطني تفاصيل حرفك وأترك الخآفي

‏إن كآن جمر القصيد يحرك شجونك
‏وشفيك ماتبدي إعجابـك عـلى قآفي

.....

رد: اخترنا لكم
 

‏قالوا علامك شارد الفكر مسلـوب
‏قلت اعذروني ماعـرفتو بالاسباب

‏قالوا تريث فالـهوى دوبك ودوب
‏قلت السموحه راعي الحب منصاب


قالوا تغلى واثقل اتكون مـحبـوب
‏قلت الثقل بالحب كم فرق احـباب

‏قالواتحمل مايجي واكسب ذنـوب
‏قلت ابغـلاته لا حـسابن ولا عقـاب

.....

رد: اخترنا لكم
 

نثرت لك عمري عطر فـي سنينك
وأرويت روحي منك ياأعذب الري

لو تنزل أعماقي تشوف أنت وينك
باقصى الحشا لك شان ماياصله حي

.....

رد: اخترنا لكم
 

زادني في حب خلي ضحكةٍ مرموقه
لا تلوم القلب في حب الهنوف الطرقا

كنّ في صدري صهيل ودبّك خيل الروقه
يوم عنّت والعزاوي بين روق وبرقا

.....

رد: اخترنا لكم
 

نكابر ونصبر مانريد العزوم أتلين
ونضحك ولو النفس متسكر اجواها

نشد الهمم ونكابد الوقت لا جأ شين
ونصبر على جور الليالي وبلواها

.....

رد: اخترنا لكم
 

عليه الخفوق يحنّ لامرني طاريه
وادور مع الاجواد عن طاري أخباره

يقولون ياصبّر الهواوي على مافيه
وانا اقول جار البيت ياحظّه بجاره

.....

رد: اخترنا لكم
 

يامساء دارً تأسس بالفخر والعهود
يامساء فرحه وطن غالي عن الاوطان

دام عزك ياوطن في ذرى آل سعود
دمت شامخ بالفخر والامن والآمان

دام عزك ياوطن

رد: اخترنا لكم
 

من بدينا والبلد هذه بلدنا
ثابتٍ في قلوبنا دايم غلاها

السنين موثقة على عهدنـا
ما جحدنا خيرها ولا عطاها💚

دام عزك ياوطن

رد: اخترنا لكم
 

اطلب من الله عسى انك دوم متهني
في دارك اللي إلهي بك مهنيها

وعساك دايم بقلبي تحسن الظني
ياشمس داري وبدر في لياليهـا

.....

رد: اخترنا لكم
 

عليك بالتقوى ترى العز بالدين
ولا فيه شيٍ ينْفعكًْ غير دينك

ََالموت ماخلى ملوك وسلاطين
ولابد من يومٍ تشوفه بعينك
َ
لو كان تملك في رصيدك ملايين
غير العمل مافيه شيٍ يعينك

وان كان تبغى لك معزه وتمكين
لا تّتْبعْ الشيطان دربه يهينك

.....

رد: اخترنا لكم
 

لا تشتري ميزان وتوزن به الناس
الـناس ما يوزنها إلا الشـدايـد

عند الشدايد كل مخلوق ينقاس
وتـرجـح الكفـات لاهل العوايد

.....

رد: اخترنا لكم
 

سامح ويا ما أحلى الرضى والتسامح
درب التسامح يجمع الناس بالناس

إن جيت لأصحابك بزين الملامح
لقيت من يلقاك في نفس الإحساس

.....

رد: اخترنا لكم
 

‏نفوسنا سمحه ونياتنا بيض
واللي يجي بقلوبنا بـألسنتنا

نقول قول الحق لو انه يغيض
هذي معادنا وهذي سمتنا

.....

رد: اخترنا لكم
 

العيدُ أجملُ ما يكون إذا رأت
‏عينايَ من أهوى بأحسَنِ حالِ

‏من أجلهِم فرَحي وأعيادي لهُم
‏الحاضِرون على الدَّوام بِبالي

الحمدان

رد: اخترنا لكم
 

ترا جمال الشخص في حسن الاخلاق
وشخصٍ بدون اخلاق ماله محبه

لو تختلف عند العرب بعض الاذواق
تلقى خفيف النفس كلن يحبه

.....

رد: اخترنا لكم
 

دروس الأيام خذنا قسمنا منها
وأسرار الأيام ما نعرف خوافيها

اللّي حفر حفرتن لأخيه يدفنها
يمكن يدور الزمان و يندفن فيها

.....

رد: اخترنا لكم
 

لولا صواديف الزمان الثقيلات
ماينعرف طيب العرب من رداها

مشكور ياوقتٍ غدا فيه ميلات
عرّفتني بالناس وش هو مداها

.....

رد: اخترنا لكم
 

تخيب هقواتك معا الناس وتصيب
الا معا الله ماتخيب الهقاوي

يا الله نطلبك العفو قبل مانغيب
وقبل العمر يلحاه موتً لحاوي

.....

رد: اخترنا لكم
 

يارب ما ضاق الفضـاء وانت موجود
عنــدك حلول المشكلات الفضيعه

جيتك وقلبي من بلا الحــال مكبود
والروح من كثــر المتاعـب وجيعه

يارب مالـــي فـي رجــاء اي معبود
ولالي احد في الكــون هذا جميعه

ماغيرك انت اللي بدعواي مقصود
يامـن حياتـي فـي كفوفـك وديعه

.....

رد: اخترنا لكم
 

‏مامشيت الا وانا عايف وعندي يقين
‏القلوب ان ذاقت الغبن ماهيب لاينه

‏رحت لا مكسور خاطر ولاشكلي حزين
‏وحافظً قلبي من العابثين وصاينه

.....

رد: اخترنا لكم
 

‏حطني في وجه حضنك من صدوف الليال
‏تايهٍ لا أخطيت من ضمتك وين أغدي

‏عن ضجيج الناس والمجتمع جاني جفال
‏كن ما ذولا بناسي ولا ذي ببلدي

.....

رد: اخترنا لكم
 

‏حدد مسارك واترك الناس للناس
‏ورفع طموحك فوق ظهر المجره

‏دور على اللي خوته ترفع الراس
‏اللي على المجد المسمى مقره

‏ابغاك مثل الذيب قطاع الارماس
‏يسري ولا يمشي على كل جره

.....

رد: اخترنا لكم
 

‏توقف لك أرصفة الشوارع وهي جلّاس
‏واوقف أنا وانا صديق الشعر والليل

‏عسى الله يكثر خير وجهك على هالناس
‏هو اللي بعد وجهي حبيبي سقاه السيل

‏تجي مثل زخّات المطر يتبعك نسناس
‏ووطنك القديم اللي تحبه يحبّك حيل

.....

رد: اخترنا لكم
 

اقطع وصل بايع الرفقه على أول زبون
‏مثل ماتقطع يمين السارق اللـي سرق

‏واليا استغلو وفاك اللي ماهم يستحون
‏فلا تشيّــم من وجـــيهٍ مهيب تعـــرق

.....

رد: اخترنا لكم
 

‏يارب ما ضاق الفضـاء وانت موجود
عنــدك حلول المشكلات الفضيعه

جيتك وقلبي من بلا الحــال مكبود
والروح من كثــر المتاعـب وجيعه

يارب مالـــي فـي رجــاء اي معبود
ولالي احد في الكــون هذا جميعه

ماغيرك انت اللي بدعواي مقصود
يامـن حياتـي فـي كفوفـك وديعه

.....

رد: اخترنا لكم
 

الشاعر الراحل صالح بوعياد

مِن حقِّي إنِّي ننسى اللي نسيوني
حتَّى والمزابه ع الخراب خراب

مع غيرهم بالك نسايم عوني
يهبَّن و يبقالي مقام و قاب

الله لاتسامحهم إنهم ذمُّوني
براي جايبه مِني إلهم كذَّاب

ولا إغيابهم عنِّي يظلِّم كوني
ولا إلقطع رزقي يملكوا لسباب

يغنيني الله عنهم اللي ازمقوني
وقولولهم ماني وطاة أجداب

وقولولهم إن كان هم اللي إخلقوني
تعاتم يردوني إنكون تراب

شعر ليبي

رد: اخترنا لكم
 

‏ﻟﻴﺖ ﺍﻟﻮﻓﺎ ﺳﻠﻌﻪ ﻟﻬﺎ ﺍﻟﻨﺎﺱ تشري
ﻛﺎﻥ ﺍﺷﺘﺮﻱ ﺑﻌﺾ ﺍﻟﻮﻓﺎ ﻭاﻣﻨﺢ ﺍﻟﻨﺎﺱ

ﺑﺲ ﺍﻟﻮﻓﺎ ﻓﻄﺮﻩ ﻣﻊ ﺍﻟﺪﻡ ﺗﺠﺮﻱ
ﻣﺎﻫﻲ ﺻﻨﺎﻋﻪ ﺑﺎﻟﺨﻮﺍﻃﺮ ﻭالاﺣﺴﺎﺱ

....