البدع الشاعر / عبدالله بن عمير

حي كف البطل في حرب وألا سلام

خيرهـا ما يرد و فعلهـا ينشرى

إن بدا للكرم و الحرب شمران كفه

ما بعد شي غربلهـا وشي خانهـا


الرد الشاعر / علي آل ثاعي


اول القول ذكر الله ونبدا السلام

فوق روس النشامى ينشرى ينشرى

والتحيه نثنيها لشمران كفه

للقبيله عوارفها وشيخانها


البدع الشاعر / عبدالله بن عمير


القياده مع خادم بيوت الحرام

و الملك طال عمره موقفه يعمرى

وإن حصل فالبلد ميله و رعشه و لفه

نحمي المملكه و نشيد بنيانهـا


الرد الشاعر / علي آل ثاعي


اتجه للمشاعر واللتبسلك حرام

هذا موقع يشاد ومسجد(ن)يعمرى

ثم خذ لك على بيت الله جوله ولفه

مايبر الشيابه غير بنيانها


البدع الشاعر / عبدالله بن عمير

سوريا في حروب و شورهـا ما يلام

صفهـا كان واحد صار يتبعثرى

والدول ما لهـا شيمه و قيمه و عفه

كيف تنسى قضيتهـا و جيرانهـا

الرد الشاعر / علي آل ثاعي


انت ونعم ومثلك ضنتي مايلام

لا بنتبع بخيل ولا بنتبع ثرى

يصبح العفو عند المقدره بعد عفه

صاحب الفتنه الي وج نيرانها


البدع الشاعر / عبدالله بن عمير

أحمد الله ميقافي على ما يرام

أقدر أمّن حدود السوق و البندرى

و الذي ما بعد كمل عتاده و صفه

كيف يقدم على الهيه و ميدانهـا


الرد الشاعر / علي آل ثاعي

من نشى بالمعارف والحكم مايرام

ولا استوينا على القمه فلا بندرى

اذكر الواحد المعبود والبر صفه

قرت ابيوتنا من قر ميد انها



البدع الشاعر / عبدالله بن عمير

ما يفيد المهـام ألا رجال المهـام

وأنت في ديرة الساحل وأنا في قرى

والذي يحسب الدنيا على باب صدفه

كيف يحسب نهـايتهـا و بدوانهـا



الرد الشاعر / علي آل ثاعي


يازميل القوافي اسمع العلم هام

بعضنا في نعيم وبعضنا فيقرى

البحر خذت مرجانه ولولوله وصدفه

يشهدون العرب حضر(ن) وبدوانها

البدع الشاعر / عبدالله بن عمير

الشياخه لمن وقف و مسك الختام

و القدر عند رب الكون و مقدرى

الجمل يدعس اجبال القهر تحت خفه

و أنت ما تحسب الخطوه و عنوانهـا

الرد الشاعر / علي آل ثاعي

الصلاه ع النبي يالربع مسك الختام

كل رجال له تقدير ومقدرى

شور الاجواد والله ماحقره واستخفه

والرسايل عرفناها بعنوانها