|
رد: فوق هام السحب ( الشعر الشعبي) على متن القوافي
رجلي على الارض تمشي مالها يمه
والناس بأفعالها ماهيب بأسمايها وأهل الردي والكبر واللاش والخمه أدقها في نحرها وأتعداها . |
رد: فوق هام السحب ( الشعر الشعبي) على متن القوافي
السعه هي غاية النفس مامعها خشير
ماخذٍه جوّي لحالي وعايش في فضاي حالفٍ ما اطب مجلس هل الهرج الكثير مجلسٍ لاقمت منه تحاكوا في قفاي |
رد: فوق هام السحب ( الشعر الشعبي) على متن القوافي
ما غبت عن قلبي ولا هان طاريك
وما فيه أحد يقدر يكون بمكانك لا جاتك الضيقه و شانت لياليك تذكّر اللي باع عمـره عشانك ماجد لفى |
رد: فوق هام السحب ( الشعر الشعبي) على متن القوافي
غديت انا وياك والوقت عدوان
لا احد نشد عنا ولا احد رحمنا مشتاق لك بالحيل وبالحيل ولهان وجدي على وقت مضى كيف كنّا حتى ولو جوني حبايب وخلان حتى ولو شفته يدور بدلنا والله فلاني بعاشق غيره انسان حتى ولو يقسى علينا زمنا لو خانت الايام وضحى بنا وخان قدام طعنا زمانه طعنا غديت انا وياك والوقت عدوان لا احد نشد عنا ولا احد رحمنا مشتاق لك بالحيل وبالحيل ولهان وجدي على وقت مضى كيف كنّا ازعل ليا شفته مكتم وزعلان وكم مرة لجلة رضينا وزعلنا ياللي علينا صرت باخل ومنان ان جيتنا ولا شرينا كفنا حتى ولو جوني حبايب وخلان حتى ولو شفته يدور بدلنا والله فلاني بعاشق غيره انسان حتى ولو يقسى علينا زمنا عبد الله الطواري |
رد: فوق هام السحب ( الشعر الشعبي) على متن القوافي
العيون اللي تمناك .. يا حلم اليتيم
تحتريك بـفارغ الصبر كل أوقاتها |
رد: فوق هام السحب ( الشعر الشعبي) على متن القوافي
ونتي منـا الـى مالـه نهايـه
من جروحٍ في ضميري مستكنـه بس ياعيني من الدمعـه كفايـه المفـارق واقـعٍ لابـد مـنـه ماحسبت حساب روحي في البدايه عادني طربٍ وروحي مرجهنـه مبطيٍ والحزن والينـي ولايـه صادرٍ حكمه علي من غير سنـه كيف يعدم واحـدٍ مالـه جنايـه ياهل المعروف شيلوا الظلم عنـه |
رد: فوق هام السحب ( الشعر الشعبي) على متن القوافي
حكي البخيل اليا عزم عنه يعطيك
فرقه عن الطيب بعيد المعشا هذا يقول ان كان ودك بعشيك وهذا يطلق بالثلاث ان اتعشا |
رد: فوق هام السحب ( الشعر الشعبي) على متن القوافي
يالله انا طالبك من خير هالساعه
عطفك ولطفك وعن تقصيرنا ترضى واشرح لناصدورنا بالذكروالطاعه وان ترحم الميتين وتشفي المرضى |
رد: فوق هام السحب ( الشعر الشعبي) على متن القوافي
أيَا وردُ طال انتظاري انتظرُ على رصيف الشوق يسألني الوردُ بين راحتي يَمضي نهاري في انتظار وحين أبصرُ طيفها في المدى وأنسى غناء شوقٍ وترقُّب فيا شمسي لا تطيلي المغيب لحبيب توارى عن الأنظار وصول حبّ فأحظى باعتذار أما آن الرحيلُ أما آن انتحاري ويسمي قلبي في انكسار تنتفض روحي وأعلن انتصاري ففرحتي بها تنسيني وقاري أضيئي ليلي فأنت نهاري. سمير عبدالحافظ |
رد: فوق هام السحب ( الشعر الشعبي) على متن القوافي
الرجل لامنه تكبر على الناس
تراه من ورك المطيه .. تدلّا لوهو من شيوخٍ بعيدين الأرماس من يستهين بحق الأجواد .. ولاّ محمد الخس |
رد: فوق هام السحب ( الشعر الشعبي) على متن القوافي
نفسيتي يومين من دون في دون
وأشقيتها بكثر التعب والكلافة متعومس وحالي مثل ماتشوفون مافي هم يمر صدري وطافه ابي افضفض بس ماادري شلون طبيعتي لاضقت كل شي اعافه طبنا في ناس وقلنا يمكن يطيبون ونعلق الهقوات بس ياااا.. حسافه الطيبين ألاحظ انهم يقلون يمكن يخليهم زمنا خرافه |
رد: فوق هام السحب ( الشعر الشعبي) على متن القوافي
مساء الخيرات ثمان دموع : إذا فيك قد ضاق المدى فِلْ بعض النور بصدرك وغنّ وسمّر الدمع فأهدابك وإذا صدق شاعر حاول تزّعل الجمهور يكفّيك عن تصفيقهم شعرْ ينتابك وإذا في يدك ضوّ الأماكن دع الديجور يسولف عليك وتسمعه داخل ثيابك وإذا كنت وحدك والكتابه قل لعصفور ضلوعك يطير وخل هالناس تغتابك وإذا الشعروحده غربّك فالبلاد البور قل الشعر جامع دمعة الصبح وأحبابك وأنا من ثمان دموع والقلب ذا مكسور يسولف غيابي عنك لأكثرك فغيابك لفظني القصيد بساحلٍ مقفرٍ مهجور هدوئه جفونك والسما / الرمل أبوابك ؛بدر الصفوق؛ ود @جاهله@ |
رد: فوق هام السحب ( الشعر الشعبي) على متن القوافي
الكرم والطيب مايعرف الا الطيبين
والردي ماحد يبي لا غداه ولا عشاه الكفو مفتوح بابه على طول السنين والردي ماينفتح بابه الا في عزاه |
رد: فوق هام السحب ( الشعر الشعبي) على متن القوافي
خذلك مع العفو والتقدير حبة خشم
واترك نوايا اﻻوادم داخل صدورها اللاش لو انه يظهر في جبينه وشم ما كان الانذال غرتنا بـ ديكورها ! ......... |
رد: فوق هام السحب ( الشعر الشعبي) على متن القوافي
أغيب لكني مـع النــــــاس موجود
وعلاقتي بـــــــــالناس جداً لطيفه غضيت طرف العين عن كل منقود وخاويـــت بيضان القلوب النظيفه .......... |
رد: فوق هام السحب ( الشعر الشعبي) على متن القوافي
تغانموا ياللي تبون الغنيمه
ماعاد باقي فالشهر كثر ماراح حثوا خطاكم بالهمم والعزيمه هاذي هي أيام التجاره والأرباح لايفوتكم خير الليال الكريمه فيها تواصوا بالعباده والإصلاح دنيا الفنا ماهي بدايم مقيمه قافيك مهما عشت نزاع الأرواح |
رد: فوق هام السحب ( الشعر الشعبي) على متن القوافي
اشرب هماج الماء على العز كنه
ماءٍ سلسبيل الخلد من عذب الانهار َ و اكره قراح الماء على الذل لانه سم ٍ على اكبود العزيزين و امرار . من الشعر الجزل. |
رد: فوق هام السحب ( الشعر الشعبي) على متن القوافي
مساء الخيرات رميت الورد-طفيت الشمع : مضى عامين مامر بكلامي دمع ولا مريتي بعيوني يا انتي اي حزن اللي تركتي لي واي احساس ياكل الارض في قلبي .. وكل الناس وش اللي فيك ماينحب وش اللي ينكره واكره تغيب الشمس وتشرق شمس وبكره لو يجي بكره يصبح امس مثل ماكان في يوم من ايامنا بكره وترا اللي حب مايكره اقول اسمك وينبت للمعاني قلب وتحضرني اغاني حب وقول الدنيا لسى بخير اساميهم تجي وتروح واسمك مايفارقني يجي مثل البحر ويروح مثل الروح انا ماخترتك احاسيسي والا خترتي تحبيني يقلون المشاعر في سماها طيور وانا اقول القلوب اشجار ومن متي كان الشجر يختار رميت الورد طفيت الشمع مضي عامين مامر بكلامي دمع- سعد الحريص- ود @جاهله@ |
رد: فوق هام السحب ( الشعر الشعبي) على متن القوافي
لا مشينا مع هل الطيب ماجانا ملام
الرجال اللي تقدر طحاطيح الرجال رفقةً فيها تبادل محبه واحترام والله انها مكسبً بالحياه وراس مال ........... |
رد: فوق هام السحب ( الشعر الشعبي) على متن القوافي
فنجال قهوة وإبتسامه ووسع بال
نلقى المساء يروق لو كنت ضايق ﻻ تقول مالي خلق و تكدر الحال حاول تعيش من التفاؤل دقايق |
رد: فوق هام السحب ( الشعر الشعبي) على متن القوافي
الضرس لامنه دخل وسطه السوس
كل الضروس تلج ويصدع الراس مآني مفتش في خفآ كل مدسوس و لانيب راعي صحبة مالها سآس |
رد: فوق هام السحب ( الشعر الشعبي) على متن القوافي
صباحكم خزامى مد الفضاء : ياهاجسى كيف اتوب وعبرتك ماتهاب تطغا بعين الحزين وترتمى في يده وان غابت الشمس وعيونى ملاذ السحاب يزهمنى الفجر وآخذ منه واسترفده للبحر يمة وللرمضا مواطي سراب والليل قفّا وفز الحلم من مرقده والبعد ذبح القلوب ونزف جرح الغياب ادمى من الشوق نبضى ماقويت انشده اثر الهوى باب مادونه عن الموت باب والله يسامح فؤادي كان ضاع اجهده ياحادي البيد غنالك قتيل الصواب صوته تناثر (وليل الصّب متى غده ) عين تضمه غلا والعين الاخرى عتاب ياقرب طيفه على روحي ويامبعده وان جابو اسمه تلعثمت الحكى والجواب احسد عذولى على طاريه قبل اجحده امشى له الخطوة اللى ماتضم التراب كنه على مد جنحان الفضا موعده اضما لصوته واحبه وابتسم له عجاب وان خلّص الهرج قلت ارجوك تكفا عده - ؛أبعاد التركي؛ ود @جاهله@ |
رد: فوق هام السحب ( الشعر الشعبي) على متن القوافي
صباحكم فل وورد
يا زين شوف المطر والمزن همالي والبرق نوضه يشع ابمقدم اخياله غيثٍ من المزن هل بقدرة الوالي سبحان ربٍ عظيم الشان نلجا له امطار رحمه وسقيا مزنهم عالي سحايب الخير بالخيرات هماله يحن قلبك علي المكشات طوالي والبر شوفه جميع الناس تسعى له في روضةٍ عشبها جايله اظلالي عشبٍ جديدٍ وتوّه ماحدٍ جاله فيه النواوير زهى بحلو الاشكالي يفوح فيها النفل يوم الحيا طاله والطير صوته شجي لا طار بالعالي من فرحته بالمطر بالصوت غنى له تبعد عن اهل القشر والقيل والقالي وترافق اللي تنومس طيبت افعاله خوّة رفيقٍ تعزّه باول وتالي لا زاد حمل الزمن عن ساعدك شاله سجّه وفلّة حجاج وضحك متوالي والنار تحت الدلال الصفر شعّاله جوٍ بديعٍ وشوفه يشرح البالي يشفي عليل الصدر لا زاد غرباله هذي حلات العمر مهما الزمن طالي تنسى هموم الزمان وجور مد هاله محمد مرزوق السميري |
رد: فوق هام السحب ( الشعر الشعبي) على متن القوافي
مافيه ثاني ولا ثالث ولا رابع
أنت أحبب أحبابنا ، وأقرب قرايبنا عز الله أن الهوى والحب له طابع والشوق لو نسفهه جايبنا جايبنا قام يحدانا لـقربك شوقنا النابع الين ناخت على بابك ركايبنا ترى فراغاتنا اللي بين الاصابع ما خلقت الا عشان أيدي حبايبنا |
رد: فوق هام السحب ( الشعر الشعبي) على متن القوافي
بعض العرب مثل الحمام الزاجل
مـهـمـتـه ودّ الـعــلـوم وجـبـهـا . اسرع شوي من البريد العاجـل واخبث من الشيطان لا راح ابها |
رد: فوق هام السحب ( الشعر الشعبي) على متن القوافي
ابـن عـمـك لـو يقصـر لا تـذمـه
المذمه تعطي الحـاقد مساحـه من يسولف للعـرب بعيال عمـه مثل من يهدي معادينه سلاحه |
رد: فوق هام السحب ( الشعر الشعبي) على متن القوافي
عمر الغلا ماصار له سن محدود
وعمر الوفاء ماصار دون المبره واكبر دليل اللي على ذمة العود كبرت وهي للحين ثوبه تزره |
رد: فوق هام السحب ( الشعر الشعبي) على متن القوافي
.
كسب البشر يا ناس بحسن التعامل وزرع المودة في بساتين الاخــلاق صحيح محدن بالبشر شخص كـامل لكن طموح الشخص للطيب ينساق |
رد: فوق هام السحب ( الشعر الشعبي) على متن القوافي
مساء الخيرات تدري وش ناتج غيابك : تدري وش ناتج غيابك ؟ زادت بـ قلبي الهموم [ الفَرَح ] عنِّي مسافر وحزني ضيفي كل يوم صرت أسأل صرت ضايع حلم هذا أو حقيقه ؟ كنت شاري وإنت / بايع به مثل ه الضيق ضيقه ؟ عطني من وقتك / دقايق شوف وش فيني و روح يا حبيبي حيل ضايق حس مرَّه ب الجروح يعني جرحي ما يهمِّك ؟ وعادي عندك لو [ أضيق ] إنسى إنَّ إسمك حبيبي صير لي عون وصديق ليه قلبك ما يبالي ؟ وقلبي محتاجك يبيك إنتَ عندي شخص غالي تكفى لا تصدمني فيك ما بقى لي شخص / غيرك وإعتيازي لك تعب إيه محتاجك وشوقي نار وغيابك حطب- ؛الشاعر-أحمد الصانع ود @جاهله@ |
رد: فوق هام السحب ( الشعر الشعبي) على متن القوافي
تدري وش ينهي غيابك ؟ تدري وش ينهي غيابك ؟ ينهي أحلامي و [ طموحي ] ويبتدي مشوار حزني وتنتشر فيني جروحي ما بقى للشوق حاجز من كثر ما عاش فيني كيف أقول : إشتقت لك ؟ وصورتك دايم ب عيني كيف أضحك كيف أنسى ؟ وإنت غايب عن مكانك لو يخون الكل ويقسى قلبي لك عمره ما خانك ما قدر يترس عيوني من بعد عينك عيون ليه مستغرب جنوني ؟ يا موصلني الجنون شفت كل الدنيا هذي ؟ ما تساوي أي شي قمت أسأل نفسي [ وييينك ] من معاي ؟ ومن علي وبالنهايه لا تحاتي تبقى في دفتر حياتي : أغلى كلمه وأحلى كلمه إنطقت فيها شفاتي- ود @جاهله@ |
رد: فوق هام السحب ( الشعر الشعبي) على متن القوافي
المسافة : آه يا قربك ويا بعد المسافة اقرب من القرب لكنك بعيد أنت عمر صـب في عمري جفافه نصف نار ونصفه الثاني جليد أنت نهر عندي استودع ضفافه واعذابي لا افتكرت إني وحيد ! حزني ابسقف المسا يأخذ كثافه ويتصاعد صبح دخان وحديد وارتمي بين الحقيقة والخرافة جوف صدري عذق وضلوعي جريد افتح الدفتر ويصفعني غلافه ويتساقط كل ما به من قصيد وتختنق دمعه ويسقط حلم تافه وارجع ارسم اكتب احلم من جديد ! آه يا قربك ويا بعـد المسافة اقرب من القرب لكنك بعيد ! ؛الحميدي الثقفي ود @جاهله@ |
رد: فوق هام السحب ( الشعر الشعبي) على متن القوافي
اللي يعزك مايشوف الردى فيك
من يكرهك حتى بخيرك يذمك ترضيه ما ترضيه ما هو براضيك لو هو من اقرا بك و لحمك ودمك |
رد: فوق هام السحب ( الشعر الشعبي) على متن القوافي
ياالطبيب المداوي مانفعني دواك
والدواء عند غيرك خابره ياطبيب شفت فضلك ومعروفك على الله جزاك طالب رخصتك لو كان جرحي عطيب أه ياقلبي اللي ذاب في حب ذاك فرقتنا الليالي من ردات النصيب ياالله اني دخيلك ثم طالب رجاك ياعظيم الرجا منهو يطلبك ما يخيب تجمع الشمل يااللي مطلبنا سواك حيث روحي وفكري عند ذاك الحبيب ول ياقلب وين الله بحبك رماك واحد من سبب فرقاه شيبت شيب |
رد: فوق هام السحب ( الشعر الشعبي) على متن القوافي
السنين معجزه والعرب متغيرين
والديار من الاجاويد قدهي خاليه عزتي للي يدور سلوم الاولين العرب جاها بلا في السنين التاليه |
رد: فوق هام السحب ( الشعر الشعبي) على متن القوافي
ماعاد لي خاطر معاتب ولا لوم
لقيت في صمتي عن الناس راحة قررت اغير مابنفسي من اليوم ماعدت ادقق مثل اول صراحة |
رد: فوق هام السحب ( الشعر الشعبي) على متن القوافي
يقبل على فعل المعاريف شغموم
ويقفي عدو الفزعة اقفاي ضبعة يامن تحسب الطيب في ألناس معدوم كل يشوف الناس بعيون طبعه ابراهيم السليمي |
رد: فوق هام السحب ( الشعر الشعبي) على متن القوافي
مساكم الله بالخيرات الحمدان شكراً لهذا التواجد النيّر - —————— كنت أظن الحظ جابك و إبتسَم : كنت أظن الحظ جابك و إبتسَم أثر أنا و الحظ مانواطن بعض الأمل في دنيتي ياما إنهدَم و " الفَرَح " ما يوم في عمري – ومَض جرح غيري ب إختياره : إلتئَم و آنا جرحي ؟ ليه ع القلب إنفرَض ؟ ليت قلبي من جروحه إفتهَم غيري عاش الجرح مرّه و إتّعَض مايحس القلب من كثر الألَم راحت الراحه وعلى الله العَوَض جيت من أقصاي وماكان العشَم تصدِم إللي صوبك إحساسه - رِكَض ، من يعلّم { طيبتي } :: درب الندَم :: دام صارت " نيتي البيضه " مرَض ما ألوم القلب عايش في وهَم يكفي يثبت لي حياتي لا نُبَض قلبي من دنياي " عمره " ما : سلَم كل ما زانت لي الحظ - إعتَرَض كنت أظن الحظ جابك و إبتسَم قبل مايقفي بك و نخسِر بعض "أحمد الصانع ود @جاهله@ |
رد: فوق هام السحب ( الشعر الشعبي) على متن القوافي
ونتي ونة قطيعٍ على جال القليب : ونتي ونة قطيعٍ على جال القليب دوّجت ثم برّكت في مراغة عدّها المحبه لا سطت ما يعالجها الطبيب روحتك يا صاحبي ليت ربي لدّها عادة الدنيا تفرّق حبيبٍ عن حبيب وقطعش* يا رفقةٍ والمفارق ضدّها ؛بخوت المريّة؛ ود @جاهله@ |
رد: فوق هام السحب ( الشعر الشعبي) على متن القوافي
تداعيات: انت من .. ومن اين ؟ .. ولمن تنتمي لاية شريحة اه ياهذا السؤال السهل كم يصعب عليّه وش بي الليلة وحيد الا من اسمي والقريحة وارتباك اصوات تخرج من مواقيتي عصيّه كيف اكون ابن الكلام وطفلة احلامي ذبيحه من يفتش عني الليلة يزيد التيه فيّه كل ماحولي من الاشيا . تناديني جريحة مالي الا اكون وافي مثل ما كانت وفيّه للنوافذ .. واختلاس الباب للدرب الشحيحة جلسة الميسور باحزانه وهو يذكر خويّه قلت في نفسي على ارتب أخطاي الصحيحة واغسل يديه بطين الملح .. تستاهل يديّه ياخوي البال .. طفل البال تغويه النصيحة ضاق بي والساق بي والذاكرة ماهي بهيّة قلت ابحلم .. واثري أحلم .. أية احلامٍ قبيحة واهنيه كثر مايكره في صدره واهنيّه من تكون .. وكيف هذا الخزي عن صمتك تزيحه وش تقول وكفك الميسور في صحن الخطيّه ياتخيط الجرح بالسكين ياتحفر ضريحه كون مع ذاتك ولو مرة وعيش بحسن نيّه ينشدك غيم البياض اللي سوادك يستبيحه تسمعه ينشدك ليه أسبلت كفك للرزيّة للرضا صدر اجودي يستدرج خطاك الفسيحة لين يبني خاتمة غيظ الرضا نار اجوديّه والصباح اللي بضيه يسندك ودك تطيحه ليه تعطيه الظلام السرمدي وتخون ضيّه "ردة السفياني" ود @جاهله@ |
رد: فوق هام السحب ( الشعر الشعبي) على متن القوافي
من لايدوس الراي من قبل ماديس
عليه داسوه العيال القرومي ومن لايقلط شذرة السيف والكيس تبدي عليه من الليالي ثلومي ومن لاخذ الدنيا بميز وتقييس مثل الذي يسبح ببحر يعومي البني مايصلح على غير تاسيس ومن لاتعلم ماتسر العلومي تركي بن حميد رحمه الله |
| الساعة الآن 04:41 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية