|
رد: ديوان الأمير بدر بن عبدالمحسن
شعرك كساه النور ما باج ظلماه
وخدّك غشاه الليل ما غاب نوره فـ .. عيونك جنود .. وبواريد ورماه غزو .. ورمشك صار مقدم سبوره صبّح به اللي داله القلب بحماه قبل النذير .. وقبل يملك شعوره أنا الصويب اللي غشت صدره دماه شلفا عيونك هشمت مش زوره يامن يبي ذبحي .. وأبي منع لاماه روحٍ شكت ظلمك تراها معذوره البدر |
رد: ديوان الأمير بدر بن عبدالمحسن
ياضاوي الليل .. نورك أخلف سراجي
خلاّ السفر .. وانطفي في عتمة عيونك أقبلت .. صبحٍٍ نثر في متنه الداجي جدايلٍٍ مشّطت بضلوع مضنونك تسابقتك العيون وجرحي اللاجي في القلب طفلٍٍ لمحته يقضب ردونك يا مرحبا .. من ضميرٍٍ ظاميٍٍ راجي كم ليلة قد طواني الياس من دونك ليت الليال وعدك .. وكل من داجي انت .. وجميع الثرى تذكر به ضعونك البدر |
رد: ديوان الأمير بدر بن عبدالمحسن
ليلة شديد الرمل جتنا ركايب
من الشمال وبركت بين الأيام طوي التراب وشل فوق النجايب والجو ثارت به معاصير وعسام علمي بوجهك فـ اسود العج غايب والريح تدفعني وانا ما لي اقدام لولا الشجر شدت غصونه نهايب جلدي وثوبك قلت انا وانت الاوهام لا خيمة لا طنب لا صوت شايب لا صرخة لا طفل لا كحل وزمام طاح الرواق وطاح حلم الحبايب لا ناي في روحي غدت روحي حطام ما غيرها ضلوعي في صدري حطايب وشم الجروح اللي بكبدي من العام إن كان ذا قبري فـ ابي له نصايب قبر الورق خلوا شواهده الاقلام يامعمر الدنيا عمارك خرايب ما حدٍ ورث جدرانها غير الأيام العمر شدة والليالي ركايب والرمل يمحي الرمل والموت قدام البدر |
رد: ديوان الأمير بدر بن عبدالمحسن
يا بنت أنا للشمس في جلدي حروق
وعلى سموم القيظ تزهر حياتي أطرد سراب اللال في مرتع النوق ومن الظما يجرح لساني لهاتي عاري جسد والليل هتّان وبروق دفاي أنا والبرد سمل العباتي إن عذربوني بعض خلانك صدوق يا بنت أنا عشق الخلا من صفاتي وشمٍ على رمال( المتاييه) مدقوق لاشك من منهم يسوي سواتي أنا بدوي ثوبي علىالمتن مشقوق ومثل الجبال السمر صبري ثباتي ومثل النخيل خلقت أنا و هامتي فوق ما عتدت أنا احني قامتي إلا فصلاتي وإلى إفتخر بأفعال يمناه مخلوق يا بنت انا فعلي شهوده اعداتي الله خلقني وكلمة الحق بوفوق وملكت الأرض وراس مالي عاصاتي البدر |
رد: ديوان الأمير بدر بن عبدالمحسن
تفارقوا من بعد ماهم محبين
كلن تصنع فرحته وقال مرحى جايز يكون البعد مطلب الاثنين لكن تأكد ان الاثنين جرحى البدر |
رد: ديوان الأمير بدر بن عبدالمحسن
أنا بدوي.. ثوبي على المتن مشقوق
ومثل الجبال السمر صبري ثباتي ومثل النخيل خلقت أنا وهامتي فوق ما اعتدت أنا احني قامتي إلا فـ صلاتي البدر |
رد: ديوان الأمير بدر بن عبدالمحسن
لابدها ياسعود بتغيب شمسي
ذي سنةٍ رب الخلايق فرضها و لعلها حريتي بعد حبسي و لعلي ألقى عند ربي عوضها البدر |
رد: ديوان الأمير بدر بن عبدالمحسن
علمتني.. أعقد صداقه بالنظر
مع ساعتي.. قبل اللقا.. وكيف الثواني ما تمر.. والشمس.. ما تنوي المغيب علمتني إن الحبيب دايم حبيب مهما هجر.. البدر |
رد: ديوان الأمير بدر بن عبدالمحسن
أحسب انك معي ليتك معاي
يوم ضمّيت بيديني الهوى يا بعيدٍ عليه انزف دماي لا قضى الصبر ولا الشوق ارتوى نبتة الدم.. تورق في حشاي من سببها ترى حالي ذوى وين أنادي ومن يسمع نداي صرختي فيك.. وسكوتي سوى البدر |
رد: ديوان الأمير بدر بن عبدالمحسن
شفت انا الظلم من بعض الدلال
يجرح القلب لو كانه جميل أشهد ان الهوى ما به عدال هـو خليٍّ... وانا قلبي عليل البدر |
رد: ديوان الأمير بدر بن عبدالمحسن
إن هويت لا تهوى إلا الصعب الثمين
ولا يروي ضماك بير كل عابر ارتوى منه البدر |
رد: ديوان الأمير بدر بن عبدالمحسن
عطيني عيونك الليلة وباكر يا عساه صدود
أمانة لا مسحتي الكحل خلي طيف أحلامي البدر |
رد: ديوان الأمير بدر بن عبدالمحسن
تحبني يا علني بعض ضعفك
يفداك مافي الحب من صادق الحب أنا قديم الهم وأنفع لعطفك أما الهوى ياسيدي مركبه صعب تحبني وقول من زود لطفك شكراً صدقت وألف شكر على الكذب البدر |
رد: ديوان الأمير بدر بن عبدالمحسن
جابك ﺎلله يوم قالوا معوض خخير
آشھد ان الخير وجهك و ٺرحابك البدر |
رد: ديوان الأمير بدر بن عبدالمحسن
ترا الليالي لاخلت منك تنعاف
مثل الليالي لاخلت من قمرها البدر |
رد: ديوان الأمير بدر بن عبدالمحسن
عجايب ناسٍ ودنياً عجايبها بدون قياس
سحاب فالسما يعسف على البيداء عواصيفه من المرتاح والانسان من يخلق وهو عساس الى زانت مرابيعه نهبها من يده صيفه نموت من التعب لكن في طرد السبب لا باس ثقيل الحمل اعده مع ثقيل الهم تخفيفه البدر |
رد: ديوان الأمير بدر بن عبدالمحسن
العطر واحد بس الاذواق شتان
ما كل شي لاعجبكم عجبني انا اتعطر بالوله بعض الاحيان واحيان عطري شوق قلب غلبني |
رد: ديوان الأمير بدر بن عبدالمحسن
اعرف طريق السنع وامشيه وادلّه
مايملي عيوني من الاطباع حيّالله |
رد: ديوان الأمير بدر بن عبدالمحسن
ماعبس وجه الزمان الا لقيتك من وراه
ضحكةٍ تطرد سراب الخوف وتغيث الطريق |
رد: ديوان الأمير بدر بن عبدالمحسن
من عزتي لو يكسر الشووق ساقي
اعرج بها وامشي ولا اقول تكفى |
رد: ديوان الأمير بدر بن عبدالمحسن
نروح ونجي وتمر الايام والأبيات هذي لها طابع وشعور مُختلف :
عمر مع جنابك والعمر معك ما امله الايام ساعتها تسابق دقايقها ولي قلب واحد! وانت من جيت محّتله معك ذقت لذات الغلا وانت ذايقها تعدت مراحل خلٍ يموت في خلّه انا ادمنت بك حتى العذاريب عاشقها |
رد: ديوان الأمير بدر بن عبدالمحسن
لو نسا وجه الفجر صبحٍ يصبّر ساهرينه
ما نسيتك يا أوَّل أحبّك نطق فيها لساني كيف ينسى من غفى وجهك على راحة يمينه كيف ينسى من تفاصيله بقربك عمر ثاني . |
رد: ديوان الأمير بدر بن عبدالمحسن
ما بين الصعب وبين الخوف والتجريب
أحاول ما أميل بيوم ولا تتشرد أفكاري أمر بمرحلة صح أو خطأ أو صدق أو تكذيب كأني تايه في شيء ولاني عارف أقداري أنا يا رب ما أدري وش اللي ينكتب بالغيب ولكن رحمتك أكبر من اللي فيه أنا داري |
رد: ديوان الأمير بدر بن عبدالمحسن
مهما ومهما صار تبقئ انت حُبي
أغليك لو عني تباعد خطاويك لاطحت من عيني تلقّاك قلبي ولا طحت من قلبي علئ الكف اداريك |
رد: ديوان الأمير بدر بن عبدالمحسن
مشتاق لك تعال انا وانت والليل
ناخذ علوم الهمس باحلا كلامه اقول احبك حب مايقبل الميل وتقول احبك حب مابه ملامه |
رد: ديوان الأمير بدر بن عبدالمحسن
ياسعود لاتنشد ترى ماني مجيب
خل الذي خافي له شهور خافي إن شفتني زعلان لي حق ومصيب ياسعود مزعلني جديد اكتشافي الصاحب اللي كان من قلبي قريب بيني وبينه صار مثل التجافي صرنا من الصدّة سواة المصاويب كلٍ نقل جرحه وقال متعافي البدر |
رد: ديوان الأمير بدر بن عبدالمحسن
قـالهـا البدر :
دايما الحاجه اللي تحبها تكون بعيده عنك يـا بالمـسافه يـابـالشـعُـور |
رد: ديوان الأمير بدر بن عبدالمحسن
يقول البدر :
استخرت الله وبرجع استخير كان فيك الخير ماتبعد أبد وكان فيك الشّر يمحيه ويصير فيك خير وما تفارقني بعد |
رد: ديوان الأمير بدر بن عبدالمحسن
ماقارنك بالعين والعين ثنين
اقارنك بالقلب والقلب واحد البدر |
رد: ديوان الأمير بدر بن عبدالمحسن
من تعنا لوصلك لا ترده كسير
ومن تباها بهجرك أتركه للعنا البدر |
رد: ديوان الأمير بدر بن عبدالمحسن
حاولت في كل الطرق ما اخليك
لاكن شفتك صامل في رحيلك البدر |
رد: ديوان الأمير بدر بن عبدالمحسن
مدري اواسي حلمي الي اتمناك
والا اواسي قلبي الي خيبت ظنه البدر |
رد: ديوان الأمير بدر بن عبدالمحسن
خل الليالي تعلمك وش كثر حبيتك
وانا الليالي تعلمني كثر غلطاتي البدر |
رد: ديوان الأمير بدر بن عبدالمحسن
جابك الله يوم قالو معوّض خير
اشهد ان الخير وجّهك وترحابك البدر |
رد: ديوان الأمير بدر بن عبدالمحسن
الي يحبَك بالكلام حبَه على قد الكلام
والي يحبك بالفعل حقق لعينه مافعل البدر |
رد: ديوان الأمير بدر بن عبدالمحسن
يقول البدر :
الشوق اللي يزور قلبي ياترى يزورك |
رد: ديوان الأمير بدر بن عبدالمحسن
يهزني برد الشتاء
واحتاج انا لفروه ودفاء واحتاج لي أرض وسكن أنا أحبك يا وطن وضيعت انا باقي الكلام البدر |
رد: ديوان الأمير بدر بن عبدالمحسن
تاقف على طرف الهدب
ما تلمحك عيني عاتبت أكيد إن العتب ما كان يعنيني سلم أبرّد السلام وهذا ترى كلّ الكلام اللي بقى بينك وبيني البدر |
رد: ديوان الأمير بدر بن عبدالمحسن
تهزني ريح الشمال
محتاج أنا لبسمة وشال تركتني لبرد الطريق وأنا على بابك أتذكر إنّك قلت لي بالله وش جابك ودعتني قبل السلام وهذا ترى كلّ الكلام اللي حصل بينك وبيني البدر |
رد: ديوان الأمير بدر بن عبدالمحسن
النعم لاجيت اعددها أعدك
انت نعمه ماتكررها الليالي البدر |
| الساعة الآن 10:39 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية