رد: اخترنا لكم
 

لو عرفنا وش تخبي مغاليق الصدور
‏ماضحكنا عند ناس ماهيب تحبنا

.....

رد: اخترنا لكم
 

تبخّرت كل الأماني وأنتهت كل الحلول
‏يا روضة أحلامي تعدّاك السحاب المنهمر

.....

رد: اخترنا لكم
 

‏يا ذا المساء عطني العلم من بدري
ويش انت ناوي ترجع لي من الذكرى

إن كانها حزن فـانا ممتلي صدري
وإن كانها خير يمكن ضيقتي تبرى

.....

رد: اخترنا لكم
 

‏الكبد مجروحه والأحساس ملّهود
‏والصدر ضايق والعذاب متواصل

‏والقلب يبغى شي ماهوب موجود
‏والعين تبغي شي ماهوب حاصل

.....

رد: اخترنا لكم
 

ياصاحبي لو تسـمع هـروج عني
من ناس قالوا كلمة ما لها ساس

حاول تعــاملني بما شفت مني
ما هو تعـاملني بما قالـوا الناس

.....

رد: اخترنا لكم
 

يتعّبني اللي كل ما جيت اجاريه
بالطيب يسبقني ثمانين خطوة

ابوي

رد: اخترنا لكم
 

يا الله وفقنـا لحـــل المشـاكـل
وإنصاف كل إنسان حاير ومظلوم

ماهمنــا ونعم ولا أطلب مقابـل
رضاك يا الله رزق والـرزق مقسوم

هـــذا زمن فيه الفتـن والـزلازل
ما يثبت إلا كـل قرم وزيـزوم

ماميز العاقل عن إنسان جاهل
إلا المواقـف ذا بهـا الحــــل معـدوم

والناس ماحـد منهم عاش كامل
كل البشــر تخطي ولا شخص معصوم

خلك بوقت الجــد ثابت وصامل
تعيش شـــامخ وأن أتى الموت مرحوم

ولاتجـالـس كـل نمـام هــامل
أبعـد عـن الأنـــــذال ما يلحقـك لـوم

وإن جاتك الزله من إنسان خامل
طعـن القفا ماتـوجـع إنسـان محشوم

أهـم شي تعـرف مع من تعــامل
الصقـر ما يلحـق قفـا خـربشـة بـــوم

أصدق مع نفسك بدرب المراجل
تعيـش رآيـق بــــــال والحـال منعـوم

والشاعــــر اللي راس ماله زوامل
نفسه غنيه لوقضـى العمـر محــــروم

لاخــير في شاعـر مطبل مجامل
الشعـر ديـــوان العـرب دآيــم الــدوم

.....

رد: اخترنا لكم
 

رد: اخترنا لكم
 

لمّا التقيتُك أحيَا الحُبُّ أورِدتي
وأيقظَ النَّبضَ في رُوحي وأحياها

كأنّ دُنيايَ أهدتْني سعادتَها
فما أرقّ وما أحلى هداياها

فيا لِبهجةِ عَينٍ أنتَ ساكِنُها
ويا لِفرحةِ رُوحٍ أنتَ دُنياها

فأنتَ ألطفُ إحساسٍ جرى بِدَمي
وأنتَ أجملُ أقداري وأحلاها

.....

رد: اخترنا لكم
 

‏خلابة العيد يا دهشة عيون الحضور
‏تشابه الحسن وأنتِ حسنك اللي فرق

‏يصيب رمشك قلوب مشاهدينك سرور
‏ويمطر على جباه حسادك سحايب عرق

‏يا فتنة العيد شمسي والضحى والبكور
‏غابو عن الصبح لاكن وجهك اللي شرق

‏عيدك مبارك وأنا عيدي غرام وشعور
‏مايوصفه شعري اللي لباب قلبك طرق

.....