رد: اخترنا لكم
 

‏أشوف بعيونك مماتي ومحياي
‏الله عليّ وعيونك الله عليها

‏كنها مابين الانتباهه والاغضاي
‏تموت والله ينفخ الروح فيها

.....

رد: اخترنا لكم
 

‏اعذريني بعد ثقلي ليا جيت كلي
‏الثقل فالغلا مثل الريا فالعقيده

‏اسمي اكبر من آسلوب اللهو والتسلي
‏وحبك اسما من اهداف السهم والطريده

‏انتي اسباب صقل الموهبه والتجلي
‏صوتك الهام وغضايتك فكره جديده

‏كل ما ادخل معى باب الغلا والتغلي
‏اطلع بذنب ولا اطلع بمطلع قصيده

.....

رد: اخترنا لكم
 

‏افتح شبابيك الامل وافرد ايديك
‏واستقبل آرزاقك ورح في وعدها

‏لا صــار ربك عنك راضي بيهديك
‏خيرٍ من الدنيــا لا غنــى سعدها

.....

رد: اخترنا لكم
 

‏أستبيحي رهبة العوج النحايف
‏قبل آغني للمساءْ يا نار شبّي

‏عاشقٍ دون المعنّق والشفايف
‏أتنصّى الموت وأهلّي وألّبي

‏ ليتني لا شفت جرحي والحتايف
‏ماتورّيني صدوف الوقت طبّي

‏ضاعت سنيني وأنا لازلت خايف
‏بين أخاف أضيّعك وأخاف ربي

.....

رد: اخترنا لكم
 

‏من حسنها غنّى لها الأبكم على وصف الكفيف
‏ما بالكم في مبصرن يدرك جمال اوصافها

.....

رد: اخترنا لكم
 

‏دروب النقى تغني عن الظن والتخمين
‏واشوف انّها من ذات مبدا واهميّه

‏صدوف الحياة تجابه الشخص لين يلين
‏مع انّه ماشاف اصلاً ثلاثين بالميّه

‏على انّي ماحّث خطاي واعاتب المقفين
‏لو ان الصدور وساع تستغرب الجيّه

‏ماحّس الوفى يحتاج دافع وظرفٍ زين
‏احسّه بكل انسان حاجه بديهيّه

‏اجامل وانا مابين بعض الظنون وبين
‏اخالف جدا المخطين والّا احسن النيّه

‏اذا ان الظروف بصغرها تزعِل السالين
‏انا اشوفها ماهي بسهله وعاديّه

‏اظّن الوقوف بصّف الاحباب والغالين
‏يسمّى الوقوف اللي بحّق وحياديّه

.....

رد: اخترنا لكم
 

‏قلبي هواك وعايفٍ باقي الناس
‏انت الوحيد اللي ملكته واحبك

‏فيك النقاء فيك الوفاء كلك احساس
‏حلفت مابعد عن طريقك ودربك

.....

رد: اخترنا لكم
 

‏دورولي شـاعرن لايشـك ولايضـيق
‏يعرف المعنى ويبدع ليا حان اللقا

‏بين دورات الليالي وشرهات الرفيق
‏عشت ياراسن هجوسك على وضح النقا

.....

رد: اخترنا لكم
 

‏التناقض في قرارت الهوى ماهوب فيني
‏يفهم العاشق وش اول لذته واخر محزة

‏مثل قولة حدد انت تحبني والا تبيني
‏ان بغا فحوا الجواب يهز قلبك ما يهزه

‏لا تركتك لا تروح ولا ندبتك لا تجيني
‏ودي اشعر بالعذاب وودي اشعر بالمعزه

.....

رد: اخترنا لكم
 

‏أعفوني من النشده وكثر الإزعاج
‏انا ابخص بدرب السنع والمتاهه

‏يا كثر ما صديت منعاً للإحراج
‏وضيعتكم بين الغباء والنباهه

‏أنا بشر وأمر بظروف وأحتاج
‏عن عالم الإزعاج فترة نقاهه

.....