رد: اخترنا لكم
 

أذكر إنّي قبل أكون إنسان في عالمها
‏كنت آماطل لالقيت الواحد يماطل بي

‏بس هذي رفرفت روحي على معصمها
‏وانشغل بالي عليها واستباحت سَلبي

‏كل حرف يثيرني لا من طلع من فمها
‏حتى بسم الله على قلبك تعوّر قلبي

.....

رد: اخترنا لكم
 

‏في زحمة الإعجاب وهتاف الحضور
‏وش مطمعي بغيرك وأنا كلي معك

‏أحيان تأكلك المظنة بلا شعور
‏‌وأنت الذي تحكم فؤادي بأصبعك

‏ما اخترتك من الناس يا وجه السرور
‏لأجل أزعزع من ثباتك وأفزعك

‏لوّك تشوف آثار حبك بالصدور
‏كان اقتنعت إني محال استشبعك

.....

رد: اخترنا لكم
 

بين رحلة غياب و بين رحلة حضور
‏وبين مبروك ماجاك وأحسن الله عزاك

‏من هنا تصبح الدنيا محطة عبور
‏وأنها لا تساوي وزن عود الأراك

.....

رد: اخترنا لكم
 

‏خذ ماتبي من غلاك وعطني عتابك
وإجرح وماجاز لك في عاشقك سوّه

وراك قلبي مجوّد طارف ثيابك
طفلٍ ربى في حجاك وفاطمٍ توّه

لي بال لا غبت ماينساك فـ غيابك
يرعاك هتّانه وهمّاله ونوّه

وإن جابك الشوق ماني قايل شجابك
بضمّك بكل ما أوتيت من قوّه

.....

رد: اخترنا لكم
 

‏في الناس ناس عندها عادي العيب
وفي الناس ناس كنها الجالسه بي

ياخوك بعض الناس يزرع بك الشيب
وياخوك بعض الناس لك شمس وفي

في الناس واحد فزته كنه الذيب
وفي الناس واحد لا طلب ذنب لك عي

ياخوك انا حافظ سواليفهم غيب
ما كل خي قال انا خي لك خي

.....

رد: اخترنا لكم
 

‏مساء الغلا والشوق كلـه ودهـن العـود
مادام اسمك يفوق الخلايـق واساميها

مساء اشتياقي واشتياقي عليك يزود
عيوني تمنـى شــوفتك وانت غاليه

.....

رد: اخترنا لكم
 

‏نوفي مع الوافي بكل المطاليب
‏ونشـدّ ظهر الكفوو لاضاق حالة

‏وكلـن على عرقه يدق المواجيب
‏وكلـن على مربـاه ينطـق لسانه

.....

رد: اخترنا لكم
 

‏لا تحاول تبهر الناس وتدور قبول*
‏القبول ان جاك ربك هو اللي نزّله

.....

رد: اخترنا لكم
 

فيك فن وفيك بوح وفيك ذوق
وفيك كل اللي من الدنيا بغيت

كل ما فيني عليك يموت شوق
والمشاعر والخفوق الي خذيت

.....

رد: اخترنا لكم
 

‏يا بايع ورد المحبه والاشـــواق
عطني من الجوري وكادي وفله

حتى مسائي يليق بكــل الاذواق
لا قلت مساء الورد ما حد يمله

.....