رد: ديوان شعراء السعودية في العصر الحديث (متجدد)☘️☘️
 

يا وش بقى

https://poetsgate.com/img/divider_1.png
يا وش بقى باعطيك مني ولا جاك

ماباقي الا روحي أحيا بها لك

أوصف جمالك كل ما انشدت واهواك

وازين أيامي بجلسة خيالك

يا الغايب الحاضر بقلبي ولا القاك

أقرب من عروقي وصعب منالك

شالك زماني عن عيوني ووداك

لا شك وثق في ضلوعي حبالك

يا حاجب شمسي ورا ليل جفواك

ما بالعهد بك قاسي في دلالك

وش غيرك يا منوة القلب واطغاك

على حبيب ما تخير بدالك

دنياي ما تصلح بلا شمس دنياك

والليل يوحش لو تغير هلالك

ما ينقطع ظما الهوى إلا على ماك

ولا يهون حره إلا ظلالك

ولا تشوف العين زين بلياك

ولا يطرب سمعي إلا مجالك

ولا انتفض قلبي من الحب لولاك

ولولاك ما يبدي علي ما بدالك


خالد الفيصل

رد: ديوان شعراء السعودية في العصر الحديث (متجدد)☘️☘️
 

يا صاحبي

https://poetsgate.com/img/divider_1.png
يا صاحبي هانت عليك المحبة


لا واحسايف عقب هاك المواثيق
جمر الغضا في وسط قلبي تشبه


نار حطبها يابسات المعاليق
كاس مليته بالوفا لا تكبه


خله بيلل بالوصل يابس الريق
صبه بقلبي ثم ملّه وصبه


و ان كان ودك غرق القلب تغريق
دام الهوا راسي وراسك يهبه


خذ سجةٍ ترى زمانك توافيق
ترى حلاة العمر مع من تحبه


شخص تريده من جميع المخاليق

خالد الفيصل

رد: ديوان شعراء السعودية في العصر الحديث (متجدد)☘️☘️
 

من عذابي

https://poetsgate.com/img/divider_1.png
من عذابي قلت لعيونك هلا

ياهلا بك يا عذابي يا هلا

ما يكفّي لوعتي بك من غلاك

رحت تبعد عن عيوني يا غلا

تحسب إني ساليٍ مثلك وأنا

في هواك الله حسيبك مبتلي

ما يسليني مكان ولا زمان

لا ولا غيرك حبيبٍ لا ولا

قلبي اللي ما يطيع لمن بغاه

من نظر عينك تعهّد بالولا

صار لك بالقلب مرباع ومصيف

يوم غيرك عن مرابيعه جلا

فيه لك مقيال عن حر الزمان

والدفا عن برد شمله بالخلا


خالد الفيصل

رد: ديوان شعراء السعودية في العصر الحديث (متجدد)☘️☘️
 

استكثرك وقتي

https://poetsgate.com/img/divider_1.png
استكثرك وقتي علي وغدا بك

عادة زماني كلما طاب هون

ليت الذي وداك يازين جابك

تشوف عقبك كيف الايام سون

شرق مشيت وغرب وقتي مشى بك

والقلب ماله لايم فيك لو ون

عقب الهنا بك ذاق لوعة عذابك

تلونت دنياه ولا تلون

طويتني طي الورق في كتابك

حتى معاليق الحشا لك تطون

اشتقت لايام الهوى في جنابك

يوم الشموع بليل الاحباب ضون

واشتقت اقول لهاتفك مرحبا بك

واشتقت لغيوم الصحاري تكون

عود ترى داعي الهوى عند بابك

وارو القلوب اللي بعد ما ترون

غنيت لك عمري ولا جا جوابك

واسمي مع مجنون ليلى تدون


خالد الفيصل

رد: ديوان شعراء السعودية في العصر الحديث (متجدد)☘️☘️
 

يموت الشجر واقف

https://poetsgate.com/img/divider_1.png
يموت الشجر واقف وظل الشجر ما مات


رياح الدهر تصرخ وهي تجرح جنوبه
لك الله شجر للموت ماترخي الهامات


لقت وقفتك يارافع الراس مهيوبه
شجوني لها مع وقفتك يا شجر وقفات


عيون النظرة مع نظرة الفكر مصحوبه
شموخ الشجر عبره لمن يفهم الشارات


والإنسان في غفلة والأيام محسوبه
أرد النظر لا شك يانظرتي هيهات


أبستوعب العبره بالأشجار مكتوبه
وأنا يعتريني ضعف الإنسان والهقوات


أروم العزايم يوم وأيام مسلوبه
أبا ظهر عن الدنيا مع حالم النظرات


و اسافر عن العالم على غايم دروبه

خالد الفيصل

رد: ديوان شعراء السعودية في العصر الحديث (متجدد)☘️☘️
 

يا زمان العجايب

https://poetsgate.com/img/divider_1.png
يا زمان العجايب وش بعد ماظهركل ماقلت هانت جد علمٍ جديدإن حكينا ندمنا وان سكتنا قهربين قلبٍ عطيب وبين خلٍ عنيدلو تفيد المدامع كان اسيل نهرمير كثر التوجّد والدمع مايفيداصبر ايام واشهر واتصبر دهروان حصلّي مناتي جيت لوني بعيدارجي الله واراقب كل طالع شهريجلي الهم عني أو عساه مايزيدياغزالٍ فضوح الزين عنه اشتهرفي عيوني ملاك ووسط قلبي وحيدمخطي اللي يشبه وجنتك بالزهرالزهر ماله رماحٍ تصيب وتصيدلوجحدت المحبه سقم حالي جهرمير ماكل قلبٍ ياصل اللي يريد
خالد الفيصل

رد: ديوان شعراء السعودية في العصر الحديث (متجدد)☘️☘️
 

في سحابه

https://poetsgate.com/img/divider_1.png
.

في سحابه..على متن التمني

شفت عمري .. خيال في سحابه

يا ذهابه ..تعدى ما ارجهنِ

كن عامه .. نهار يا ذهابه

من غدا به .. ربيع العمر منّي

حسبي الله .. على وقت غدا به

إلتوى به .. رجا قلب يونِ

ويل قلب تعلق والتوى به

في شبابه ..حبس نشواه عني

ما تهيا لذيذه في شبابه

ذا صوابه .. عقب ما هو طعني

لو نسيته يذكرني صوابه

من هقابه ..يخيّب كل ظني

واعذاب الخفوق اللي هقابه

رد بابه ..زماني وامتحني

يوم ثوّرعجاجه .. رد بابه

يا ربابه ..على المسحوب غني

من قصيدي .. بكى قوس الربابه


خالد الفيصل

رد: ديوان شعراء السعودية في العصر الحديث (متجدد)☘️☘️
 

غالي الأثمان

https://poetsgate.com/img/divider_1.png
يا غالي الاثمان غلّوك بالحيل

. . . من يوم سمّو بك جميل المحيّا

شخصٍ تمنيته على العدل والميل

. . . والحمد لله يوم خلّي تهيّا

اشبهه بالّلي عسيفٍ من الخيل

. . . تلعب وانا حبل الرّسَن في يديّا

أورق غرامه مثل غرسٍ على سيل

. . . مشهاة قلبي يوم جالي شهيّا

أعن له عنَّة هَل الكيف للهيل

. . . ما ذاق راعي الكيف انا ذقته هنيّا

حبَّه سرَى بي سرية الغيم بالليل

. . . نسيم ليله قال للشوق هيّا


خالد الفيصل

رد: ديوان شعراء السعودية في العصر الحديث (متجدد)☘️☘️
 

الله عليها عودت

https://poetsgate.com/img/divider_1.png
.

الله عليها عودت وانا احسب الغالي نسى

الله عليها لي بغت ما يطفي الشمس المسا

هلت سحابة وصلها على حياتي وازهرت

واهتز قلبي من نبات الحب زهرٍ واكتسى

يا وصلها الغالي هلا حييت ياعز الطلب

لا خير في قلبٍ على مغليه بالدنيا قسا

وش خانة الحب البعيد إن كان عشاقه يموت

يخيل براقه وهو ما ذاق طعمه واحتسى

ياحلم الايام الشداد ياحلم الايام الليان

ابطيت اقول الله كريم أبطيت والكلمه عسى

من عقب وحشة ليلتي هلت تباشير الصباح

عادت وليفة هاجسي عادت مزعلة النسا


خالد الفيصل

رد: ديوان شعراء السعودية في العصر الحديث (متجدد)☘️☘️
 

كلٍ يعوّد لاصل جدّه ومرباه

https://poetsgate.com/img/divider_1.png
كلٍ يعوّد لاصل جدّه ومرباه

راعي الشرف يشرف والانذال يهبون

الفْرع من عوده شرابه ومسقاه

والحنظلة مرّه ولو تشرب مزون

الطّيب كايد والمناعير تقواه

والهون هيّن تدنع النفس وتهون

ناسٍ على كسب المراجل مضرّاه

وناسٍ على كسب الفشيلة يضرّون

هذا على وضح النقا كل ممشاه

وهذا الى شافوه ربعه يصدون

لا تامن الخوّان لو زخرف حكاه

من خان بك مرّه يبي باكر يخون

وافطن ترى زول الرّجاجيل توّاه

كم واحدٍ يعجبك زوله وهو دون

يا طيّب الشارات من يوم منشاه

احذر عدوّك لايغدرك على هون

ترى عدوك غايته فيك ومناه

يزرع بصدرك من قنا رمحه طعون

والّلي رضع لبوة عدوّك توقّاه

الجرو ولد اللبوة الّلي تعرفون

للطّير يالصقّار بالرّيش مغواه

الجاهل الّلي باكثر الريش مفتون

للحُر والشبوط ماكر ومجناه

والفرق بالافعال لو هُم يطيرون


خالد الفيصل

رد: ديوان شعراء السعودية في العصر الحديث (متجدد)☘️☘️
 

الحزن في صوتك

https://poetsgate.com/img/divider_1.png
الحزن في صوتك ازعج ساكنيلين صار الكون من حولي حزينغصب عني حزن صوتك هاجنيلين خلى عاصي المعنى يلينوامتثل حرف القصيد و عادنيوانسكب حزنك على شعري حنينشلت انا صوتك و حزنك شالنيأكتم الصرخة و ينساب الأنينشفت حزنك كيف حزنك شافنيكيف داهم خلوتي في لحظتينطير أنا مثلك زماني ضامنيجرحتني مثلك سيوف السنينصابك اللي من زمان صابنيفي معاليق الحشا جرحه دفينكلما ودعت هم زارنيمن عذاب الوجد بياح الكنينالفرح عقب الصداقة هابنيخافت البسمة على وجهي تبينطير يا اللي صوت حزنك هاضنيالله اللي ينتصر للصابرين
خالد الفيصل

رد: ديوان شعراء السعودية في العصر الحديث (متجدد)☘️☘️
 

الونه

https://poetsgate.com/img/divider_1.png
أون ورياح الليالي توِّني


والبرد في جوفٍ كما الغار خاوي
ما كن لي قلبٍ ولا عقل كني


جذع وقف في وجه الايام ذاوي
وبي عبرةٍ محبوسةٍ تمتحني


في عيني وحلقي وصدري شكاوي
وبي من قديم الوقت جرحٍ مكّني


وبي من جديد أيام وقتي مكاوي
إن قلت زانت خالف الوقت ظني


وإن قلت هانت عاجلتني بلاوي
أجامل أيامي ولا جاملني


هامت بي الدنيا هيام الخلاوي
الوقت جاير والليالي اسهرني


والحزن ما بين الضلوع متلاوي
أون وكلٍ يحسب إني اغني


عليل وكلِ يحسب إني مداوي

خالد الفيصل

رد: ديوان شعراء السعودية في العصر الحديث (متجدد)☘️☘️
 

أسابق الساعة

https://poetsgate.com/img/divider_1.png
أسابق الساعة و تسبقتي الساعةتقضي وانا توني باوَل ثوانيهاابشتري و قت وين اسواق بياعهيااللي تبيع الدقايق حد و اشريهاقلبي يبي وقت لو الوقت ما طاعهوعيني تبي شمس لو الشمس تعميهاونفسي مثل باقي الاجواد طماعهأبي أجدد على الفرحة لياليهالاشك الايام للفرحات مناعةلفو نورت ليلةٍ عشرين تطفيهايظهر ثبات الفتى و النفس مرتاعةخوف على اللي نحبه من بلاويهالو ان كلٍ ينال مناه بذراعهخذيت حقي من اقصاها و دانيهاالمشكلة انك يابو لحظين بتاعهتاخذ سلاحي من الكفين و اعطيهاوانا ادري ان العيون السود خداعةلاشك ودي أصدق منك داعيهاوالمهتوي لا اهتوى ما يطوي شراعهيمشي على النار كنه ما وطى فيها
خالد الفيصل

رد: ديوان شعراء السعودية في العصر الحديث (متجدد)☘️☘️
 

الليالي فرقتنا

https://poetsgate.com/img/divider_1.png
لا تقول إن الليالي فرقتنا


لا تقول ظروفنا عيت علينا
الليالي يوم ودك جمعتنا


يوم ودك كل شئ في يدينا
يا سقى الله ليلة بك عرفتنا


في شعيب شهار عن غيرك سلينا
من مغيب الشمس حتى طالعتنا


عن هل الدنيا نزعنا واعتلينا
ليلة العشاق . . والله وردتنا


ما رد ذقناه لكن .. ما ارتوينا
ليتها .. يا ليتها .. ما ودعتنا


ليت ذاك الليل ما راح وسرينا
يوم هملنا الليالي هملتنا


كيف تعطينا وحنا ما عطينا؟
الليالي عن هوانا ما نهتنا


البلى حنا على البعد انتهينا

خالد الفيصل

رد: ديوان شعراء السعودية في العصر الحديث (متجدد)☘️☘️
 

فدوة عيونك

https://poetsgate.com/img/divider_1.png
فدوة عيونك لوغدت روح مغليك

وش عاد لو راحت لعينك عشاير

أبيع مايغلى على الكون وأشريك

واسوق لا جتي علومك بشاير

وازعِل جميع الناس بالحيل وارضيك

واصبر ولو دارت علي الدواير

وآخذ من أيامي لك أيام وأعطيك

وان راح عمري لك فلا هو خساير

أحب أنا شوفك وصوتك وطاريك

دايم وفكري فيك هايم وحاير

بالصمت أهوجس بك وبالصوت أناديك

والله عليم البينة والسراير

أنا وقلبي والهوى بين أياديك

عندك مفاتيح الهنا للضماير

من روحي أحبك ومن روحي أفديك

يامن غرامه والحسن فيه ثاير


خالد الفيصل

رد: ديوان شعراء السعودية في العصر الحديث (متجدد)☘️☘️
 

سايق الخير

https://poetsgate.com/img/divider_1.png
سايق الخير ساقك يم عاشق جمالك

لو تأخرت بصبر لو هي الفين عام

اسفرت وأنورت من يوم شعشع هلالك

فز قلبي لفزك يا ظبي العدام

انزل القلب وامر ما به الا حلالك

واشهد انه حظيظ اللي غدا لك مقام

ما يسد بمكانك غيرك احد بدالك

باني لك قصور وباني لك خيام

عقب رمضا زماني جيت ادور ظلالك

بل ريقي بقربك عقب طول الصيام

كل شي تبسم يوم لامس دلالك

وكل نار كوتني منك صارت سلام


خالد الفيصل

رد: ديوان شعراء السعودية في العصر الحديث (متجدد)☘️☘️
 

ما هو صحيح

https://poetsgate.com/img/divider_1.png
ما هو صحيح القلب للقلب شاهد


لو هو صحيح أصبحت مفتون فيني
بيني وبينك حب من قلب واحد


ليته يجيك من الهوى مايجيني
وليتك تعرف الشوق لى صار واجد


و ليتك تعرف أوجاع كثر الحنين
ما قد شكيت الحر والجو بارد


ولا سهرت بليل طول السنين
ولا مشيت العمر والحظ قاعد


ولا تحديت الألم والونين
أضحك وانا لجروح الاحباب جاحد


أداري المكنون عن كل عين
ما ودي أفرّح على القلب حاسد


و الا عذابي في عيوني يبين
شيٍ يهون وشي بالحيل كايد


ياكود تجريح الخفوق الحزين
من عانده وقته وقلبه يعاند


مالت به الدنيا يسار ويمين
غرتني امثال العرب بالشواهد


يبيك قلبي واحسب انك تبيني

خالد الفيصل

رد: ديوان شعراء السعودية في العصر الحديث (متجدد)☘️☘️
 

حنا العرب

https://poetsgate.com/img/divider_1.png
حنا العرب يا مدعين العروبة


وحنا هل التوحيد وانتم له أجناب
وحنا شروق المجد وانتم غروبه


وحنا هل التاريخ وأنتم به أغراب
يوم الفقر شلتوا علينا عيوبه


واليوم عقب النفط جيتوا لنا أنساب
ويوم الفقر فينا البداوة سبوبة


واليوم صرتوا مثلنا بدو واعراب
لو الهوى منكم منعتم هبوبه


لا شك رزاق الملا رب الأرباب
ولو المطر منكم منعتم صبوبه


لا شك رزق الخلق من عند وهاب
جيش الحسد سقتوا علينا حروبه


كل يبي يزرع على جسمنا ناب
حرب على المحسن تراها عقوبة


بالله عساكم ما تفيدون حراب
يا ما عطينا ما ندور مثوبه


إلا من اللي من ترجاه ما خاب
ويا ما نصرنا صاحب ضيقوا به


عاداتنا نقدم الى مالردى هاب
وياما نصانا من تعثر دروبه


يدخل حمانا من تعذرة الأصحاب
حنا بنينا دارنا من طيوبه


وانتم سلبتوا داركم كل ما طاب
الله سقانا من بحرنا عذوبه


وانهاركم مثل البحر هدر تنساب
حنا زرعنا الحب بارض خصوبه


وانتم زرعتوا كره الأجيال بتراب
وحنا دعينا السلم نوبه ونوبه


وانتم حمام السلم بعتوه بغراب
يا من دعا للحرب ما درك خطوبه


لا تحسب أن الحرب تهديد وخطاب
من شب نار الحرب يصلى شبوبه


ومن ثور الفتنة تعرض للأسباب
ما يستر الرجال ملبوس ثوبه


الدين وافعال الكرامة له ثياب
ما يقبل الرجال بحماه حوبه


ما دام له حق وللحق طلاب

خالد الفيصل





بواسطة: لبنى
التعديل بواسطة: لبنى

رد: ديوان شعراء السعودية في العصر الحديث (متجدد)☘️☘️
 

يا سحايب سراة ابها

https://poetsgate.com/img/divider_1.png
يا سحايب سراة أبها تعديّ شمال

واستعيري دموعي سيّلي كل واد

غطي أرض الحبيّب بالندى والجمال

مثل ماهو مندّي بالمحبة فؤاد

وارعدي يا سحابه فوق هاك التلال

صوري له حنيني عقب طول البعاد

ولعي يا سحابه بالسما كل جال

مثل ما أشعل فواد فيه كدح الزناد

مير أشوف التسلي عن هواها استحال

وقفي يا سحابة حمل الأشواق زاد

دوك قلبي وعيني دوك بعض الخيال

دوك كلي تبعتك ما بقى لي قعاد


خالد الفيصل

رد: ديوان شعراء السعودية في العصر الحديث (متجدد)☘️☘️
 

لا تملين الشعر

https://poetsgate.com/img/divider_1.png
لا تملّين الشعر وانا القصيده

صاغها من لوعة أيامي زماني

المعاني من غرابيلي جديده

من عذابي لحّنوا حلو الأغاني

كلّما ونّيت ردّوها نشيده

واسمع جروحي تصيح بصوت ثاني

حرفي المجروح سامرهم يعيده

كلّما ودّعت موجوعن لفاني

مع جميع الناس وافكاري وحيده

شالوا ألحاني وانا شلت المعاني

زلّت الأيام واحلامي بعيده

والغريب يعذّبه طول الثواني

الحزن لى ضاق في صدري شديده

أبتسم لين يغبطني من لقاني

ياحبيبة شعري وغالي خريده

يا اشتياق الروح يا داعي حناني

يا عروسن في خيالاتي فريده

زفّها ركب الغرام إلى مكاني

أنتي والأيام في وجهي عنيده

والليالي ساريه والعمر فاني


خالد الفيصل

رد: ديوان شعراء السعودية في العصر الحديث (متجدد)☘️☘️
 

لو يبور الملا

https://poetsgate.com/img/divider_1.png
لو يبور الملا مااحسب حبيبي يبور


و احسب اني اموت ولا يموت الوفى
واحسب انه على هاك المودة غيور


مااحسب ان الشعاع اللي بقلبه طفى
كيف يا نور عيني وانت للعين نور


يختفي نور وصلك في ظلام الجفى
أثر قلبك على فرقا الولايف جسور


واثر طرفك إلى سهرت عيوني غفا
وينه هاك الونين اللي يشق الصدور


و وين هاك الدموع اللي تشق الصفا
كل حي إلى دارت لياله يدور


و كل قلب إلى عفت عروقه عفا
ويل قلب توالت فوق قلبه كسور


كن جرح الهوى ياصاحبي ماكفى
ألتمس لك عذر لو ما انت معذور


و ان جحدت المودة بان لك ما خفى

خالد الفيصل

رد: ديوان شعراء السعودية في العصر الحديث (متجدد)☘️☘️
 

يغار سمعي

https://poetsgate.com/img/divider_1.png
يغار سمعي ويشره كل وجداني


لاغاب صوتك نهارٍ مابلغ سمعي
ياللي لقيت بنواعس عنك أوطاني


هي ديرتي هي ملاذ القلب هي ربعي
أملى النظر من جمالك يوم تلقاني


وأحبس خيالك بعيني حبسي لدمعي
لي شفتك اعيش فعيونك ازماني


وأخذ من انجومها واشعل بها شمعي
من نورها سالت الفرحه في دياري


ومن سحرها يورق بالذهب زرعي
ياواحد الحسن مالك بالعرب ثاني


عطني شرابك وخذ قرطوع من نبعي
غريب الأطوار والغربات ميداني


في غربة العمر وافق طبعكم طبعي
أصبحت تغريبي وأصبحت عنواني


ياواحدي بالهوى واثنيني وجمعي

خالد الفيصل

رد: ديوان شعراء السعودية في العصر الحديث (متجدد)☘️☘️
 

نامت عيوني

https://poetsgate.com/img/divider_1.png
نامت عيوني على حسنك وشفتك حلميازاير الليل ليل البارحة عدني

متى تجيني مثل ما جيت حلم علم
يا زايد القلب خفقة بالهوى زدني

ترى البخل من كريم الاصل مثلك ظلم
يا ظالم اللي يودك ليه تجهدني

سويت في قلبي اللي قد عطيتك ثلم
يا ماخذ القلب تاخذني وتجحدني

ما هوب عند العرب واهل الجماله سلم
انك بما تاخذه مني تهددني

وكاد ما احد تعرض للعيون وسلم
لا شك انا بالوفا قلبك معاهدني


خالد الفيصل

رد: ديوان شعراء السعودية في العصر الحديث (متجدد)☘️☘️
 

يا مسافر

https://poetsgate.com/img/divider_1.png
يا مسافر للجفا والوصل يبكي عليك

وين عهدك بالوفا للخفوق اللي يبيك

لي جناح ولك جناح ولانطير إلاّ سوى

اسقني عذب القراح لي زمان اشرب هوى

ليت لي قلب خلي ماعرف فرقا الوليف

لا عليه ولا علي لا ربيع ولا خريف

الهوى أمره عجيب مرّه يسابق حلاه

إن صفا ود الحبيب الزمان ابعد مداه

ويل قلبي يالغرام كل يومن لي قصيد

اشتكى مني الكلام اجرح حروفه وأعيد


خالد الفيصل

رد: ديوان شعراء السعودية في العصر الحديث (متجدد)☘️☘️
 

أجاذبك الهوى

https://poetsgate.com/img/divider_1.png
اجاذبك الهوى واطرب واغني


وابادلك الغرام بكل فنّي
واشاهد صنعة الله في جمالك


وحكمه الذي فيك امتحنّي
واشوف الودّ في عيونك ولكن


يردّ الودّ خوفٍ فيك منّي
ولا ادري وش يخيفك ياحبيبي


وانا بك مغرمٍ جاك متعنّي
ولو انك تلاحظ شفت عيني


وهي تروي حديث الحب عنّي
تنعّم دام توك في شبابك


ليال العمر ماقط امهلنّي
تعال اسقيك من جدول غرامي


شراب فيه للعاشق تهنّي
واهيم بك بسماوات المحبه


الين انّك بعد مثلي تغنّي

خالد الفيصل

رد: ديوان شعراء السعودية في العصر الحديث (متجدد)☘️☘️
 

يا عل قلب

https://poetsgate.com/img/divider_1.png
يا عل قلب

يا عل قلب ما شكا الحب والتاع

تنهار من فوقه محاني ضلوعه

يا ما نهيت القلب لا شك ما طاع

ما طاع يد له والليالي تلوعه

أثر المولّع دمعته تجرح القاع

وإلى ذكر ما فات هلّت دموعه

يفز قلبي تالي الليل مرتاع

أخاف تبعد عن ربوعي ربوعه

الموت كان العرف عقب البطا ضاع

والمنتحى يا سعود صعبٍ رجوعه

في غير شوف العين ما نيب طمّاع

حقّه علي أمشي بدرب المطوعه

أبو عيونٍ رمشها سود ووساع

في ذبحها العاشق فتون وبتوعه


خالد الفيصل

رد: ديوان شعراء السعودية في العصر الحديث (متجدد)☘️☘️
 

أبي منه الخبر

https://poetsgate.com/img/divider_1.png
أبي منه الخبر ويقول للّه

لفى المرسول ما عيَّن محلَّه

وقلبي تايهٍ من عام الاوّل

ألا يا الله يسّر من يدلّه

خذاه اللّي على خدَّه علامه

سوادة غيم في شمسٍ مطلّه

سرقني ما دريت انّه سرقني

سلبني وأحسب إني فاطنٍ له

انا يوم أرسل عيونه لقلبي

عطيته مهجتي والمعطي الله

نصف زين الخلايق في عيونه

وباقي الزين في باقيه كلّه


خالد الفيصل

رد: ديوان شعراء السعودية في العصر الحديث (متجدد)☘️☘️
 

أيوه

https://poetsgate.com/img/divider_1.png
ايوه قلبى عليك التاع


مايحتمل غيبتك ليله
عساه عساه مايرتاع


عليك يانافل ٍ جيله
غنيت يابو عيون وساع


من غيرك اقصد واغنى له
معذور لو صرت بك طماع


من حبكم مالنا حيله
القلب من يمكم نزاع


لوحاولو صعب تحويله
مانيب من عاذلى سماع


والله ماقطع مواصيله
من لام راعى الهوى خداع


سيور الايام تبدى له
ماضاع عمرى معك لو ضاع


ماضيه والا مقابيله
سلمت لك خافق ٍ جزاع


عساك يازين تاوي له

خالد الفيصل

رد: ديوان شعراء السعودية في العصر الحديث (متجدد)☘️☘️
 

هلّي على خدانها ياسحابه

https://poetsgate.com/img/divider_1.png
هلّي على خدانها ياسحابه


هلّي عليها لين ينبت بها الورد
على محلّه لين يخضر جنابه


وافرح بشوفه فرحة مالها حد
خل سقاني في الهوى من شرابه


ماصد لي جاني والى جيت ماصد
عزاه ياقلب تزايد عذابه


على الذي حبّه بقلبي تجدد
اللي رماني باربع من حرابه


ثنتين من عينه وثنتين بالخد
ياعمري اللي راح لا واسفابه


وين الرفيق اللي عليه ابدي السد

خالد الفيصل

رد: ديوان شعراء السعودية في العصر الحديث (متجدد)☘️☘️
 

من

هلّي على خدانها ياسحابه

https://poetsgate.com/img/divider_1.png
هلّي على خدانها ياسحابه


هلّي عليها لين ينبت بها الورد
على محلّه لين يخضر جنابه


وافرح بشوفه فرحة مالها حد
خل سقاني في الهوى من شرابه


ماصد لي جاني والى جيت ماصد
عزاه ياقلب تزايد عذابه


على الذي حبّه بقلبي تجدد
اللي رماني باربع من حرابه


ثنتين من عينه وثنتين بالخد
ياعمري اللي راح لا واسفابه


وين الرفيق اللي عليه ابدي السد

خالد الفيصل

رد: ديوان شعراء السعودية في العصر الحديث (متجدد)☘️☘️
 

لايطول غيابك

https://poetsgate.com/img/divider_1.png
لايطول غيابك ثم اخذ عليه


لو تخليت عنى عنك قلبي ماتخلى
العذر والتعلل والحكي مانبيه


من تحرك فؤاده بالهوى ماتخلى
طبعي الصبر لكن وش عليه ارتجيه


من طويل الصبر يعقوب وايوب ملا
دامني حي عطني وش بقي نحتريه


مابي دموعك اللي عقب موتي تهلا
مابقي بالعمر مقدر ماراح فيه


كل مازل يومٍ يوم بالعمر ولى
مايعرف الجمر مثل الذي يكتويه


احد يدفا بناره واحد فيه يتصلى
يامن القلب حطيته براحته يديه


مارضى له مكان غير كفك محلا
كم تعذر وعيا عن هوى مهتويه


لين طاح بيمينك بالغرام وتجلى

خالد الفيصل

رد: ديوان شعراء السعودية في العصر الحديث (متجدد)☘️☘️
 

استريحي يا الظنون الثايرة

https://poetsgate.com/img/divider_1.png
استريحي يا الظنون الثايرةلا تشبين الحرايق بالخضردام الافلاك بسماها سايرهكل مطلع شمس له علم و خبريستقيم الخط والا دايرةالله اعلم وش مع غيب القدرالعفو ماهي بعيني حايرةحيرتي بالفكر ماهي بالنظروروحي اللي في فلكها طايرةمالها لو حولت عندي مقريوم زادت بالثرى عثايرهحلقت و الجو محفوف الخطربعض تلات الخوافق جايرةوالذي قد جرب التله عذرالتوى قلبي على سرايرهوالهوى فضاح مكنون البشرلو بغيت اجحد تبين فايرهله حريق و له شعاع و له شرروالغزالة في فلاها ذايرهالله اقوى قد لها فوق الشهرمن يبشرني و له بشايرهالسما و نجومه بشارة قمرقالها اللي فتحت بصايرهشاف و استعبر و عبر و عتبر
خالد الفيصل

رد: ديوان شعراء السعودية في العصر الحديث (متجدد)☘️☘️
 

استطيع امنع لساني

https://poetsgate.com/img/divider_1.png
استطيع امنع لساني لايقول

واستطيع امنع عيوني لاترى

واستطيع امنع يديني لا تنول

وامنع اذني عن سواليف الورى

لكن المشكله أنا وش لون أحول

دون فكري لو خيالي به سرى

شارد افكاري على رغمي تجول

كلما عن الهوى والا طرى

كل نجم للخيال اصبح ذلول

بالفلك طواف لا ضاق الثرى

شاغلي يا راعي الطرف الخجول

باع حبك في خفوقي واشترى

يا ربيع القلب في كل الفصول

ورد حبك فاح عطره وازهرا

مرني طيفك على العادة عجول

عز طيفك مثلما عز الكرى

مانفع تحذيري القلب الجفول

يرقد الخالي وعيني تسهرا

باسألك قل لي ولو فيها فضول

كيف تذبح من يشوفك ما درى


خالد الفيصل

رد: ديوان شعراء السعودية في العصر الحديث (متجدد)☘️☘️
 

كل ما نسنس
كلما نسنس من الغربي هبوب حمل النسمة سلام
وان لمحت سهيل في عرض الجنوب .. عانق رموز الغرام
لك حبيب ما نسا .. كلمته دايم عسى
اطلب الله وارتجيه .. صبح يومي والمسا
كل زين اشهاده وانتم بعيد منوتي ليتك معي
وان سهرت الليل اهوجس بك واعيد هل لاجلك مدمعي
وانت هاجس خاطري .. وانت فرحة ناظري
يا قريب ويا بعيد .. فيك امس وحاضري
نشوتك تلعب مع قطر المطر .. وانتشى قطره معك
والسحاب يطاردك بين الشجر خالق الزين ابدعك
الندى في وجنتك .. صار عطر بلمستك
والهوى غنى طرب .. تستثيره بسمتك
كلما ضمت عيوني منك طيف يا بعد كل الطيوف
قلت ما مثلك على الدنيا وصيف لا حشا مالك وصوف
لا سحاب ولا مطر .. لا نسيم ولا زهر ..
لا طيور ولا زهر .. ولا مع باقي البشر ..
خالد الفيصل

رد: ديوان شعراء السعودية في العصر الحديث (متجدد)☘️☘️
 

لا هنت

https://poetsgate.com/img/divider_1.png
لاهنت يا راس الرجاجيل لاهنت

لاهان راسن في ثرى العود مدفون

والله ما احطّك بالقبر لكن آمنت

باللي جعل دفن المسلمين مسنون

منزلك يا عز الشرف لو تمكنت

فوق النجوم اللي تعلّت على الكون

سكنت دار المجد يا شيخ واسكنت

شعبك معك في منزل العز ممنون

صنت العهد يا وافي العهد ما خنت

علمتهم وشلون الاشراف يوفون

كم ظالمن عاداك واعفيت واحسنت

واخلفت ظن جموع ناسن يظنون

شلت الامانه حافظن ما تهاونت

شفنابك رجالن على النفس يقوون

ياللي طلبها الملك بالحب زيّنت

عرشك بتاج قلوب شعبن يحبون

لوّنت تاج الملك ما قد تلوّنت

ما غرّتك دنياك ما صرت مفتون

بالزهد والمعروف والصبر كونت

منهاج فيصل منهج اللي يعذلون

تلفّتت روس المخاليق وين انت؟

وين العظيم؟ وعوّد الشوف مطعون

كم خافقن وقّف عقب ما تكفّنت

وكم ناظرن ذوّب سواداه معزون

لو شفت حال الناس عقبك تبيّنت

مقدار حب الناس للي يودّون

مما بقلبي قلت: يابوي لاهنت

وإلاّ انت فوق القول مهما يقولون


خالد الفيصل

رد: ديوان شعراء السعودية في العصر الحديث (متجدد)☘️☘️
 

سرى سرى

https://poetsgate.com/img/divider_1.png
سرى سرى مع ساري الليل بالي

الشّوق داعي والمودّه دليله

على جناح الليل ميّل ومالِ

في رحلةن لأهل العيون الكحيله

أنا وهو لو باعدتنا الليالي

بين القلوب عناق خل وخليله

يا غالي الهاجوس هاجوس غالي

شلني معك في جو ضافي الجديله

في ليلةن قمرا هواها صفالي

لى غاب بدر الكون خلّي بديله


خالد الفيصل

رد: ديوان شعراء السعودية في العصر الحديث (متجدد)☘️☘️
 

ارفع ستار الخجل
ارفع ستار الخجل
ارفع ستار الخجل عن لسانك


غنيى ألحان الغزل من حنانك
عينك حكت سرك


دمعك فضح امرك
تحرمني منها ليه؟؟
وتغالط نفسك ليه؟؟
قول بحبك يا حياتي
غلب عليك الحيا


ذا طبع كل جميل
وأنا بأمر الهوى


صابر وليلي طويل
وإن طال علينا الخجل


مافي السعادة امل
عينك حكت سرك


دمعك فضح امرك
تحرمني منها ليه؟؟
وتغالط نفسك ليه؟؟
قول بحبك يا حياتي
نار الهوى جنه


يلذ فيها الألم
دمع الهوى سنه


للي فؤاده انظلم
وإن طال علينا الخجل


مافي السعادة امل
عينك حكت سرك


دمعك فضح امرك
تحرمني منها ليه؟؟
وتغالط نفسك ليه؟؟
قول بحبك يا حياتي
خالد الفيصل

رد: ديوان شعراء السعودية في العصر الحديث (متجدد)☘️☘️
 

الوعد
انتظرت أزمان في ظل الوعد
أحسب الخفقات ياأغلى وعد
انتظرت والظاهر إنك ياوعد..ماجيت
عيا عليك الوقت..وإلا ياوعد عييت
انتظرت..لكن النجمة سرت
والقمر..راحوا أصحاب السمر
ونسمة وفا مرت
ولفت مكان الوعد ضمت
تعتذر..
وانتظر..
انتظرت أزمان في ظل الوعد
ماأحسب يجيني يوم أكذب احساسي
وإلا أقول لليل..طولت ياقاسي
سقى الله أمسي العاشق
ونورك في السما شارق
تعاطينا المحبة شوق
تساقينا هوانا ذوق
نقول لليل لاترحل
ترى الباقي معك أجمل
سرينا والوعد باكر
حضرت ولا حضر باكر
انتظرت أزمان في ظل الوعد
الله..ياهو الوعد ظالم
إذاجيته ولا جاني
وأنا ماأظن ينساني
ويتركني لأشجاني
دعاني بالأمل لكن..
مسح قدامي دروبي
ولاأدري شي أو لاشي
أغني فيه مسحوبي
تأكد ياوعد وإلا..
ترى لاجيت بتغلى
وباتأخر ولو لحظة
وأجيك أسابق اللحظة
ولا أغمض ولاغمضة
تفوت من سناك ومضة
وانتظرت أزمان في ظل الوعد
خالد الفيصل

رد: ديوان شعراء السعودية في العصر الحديث (متجدد)☘️☘️
 

السما وردي

https://poetsgate.com/img/divider_1.png
السما وردي وصحاري ازهرت


والسحابه بالهوى هلت علي
يوم هلت واستهلت وامطرت


روضة عقب الوسم جاها ولي
والجداول بين روضاتي جرت


ذا يسيل وذا غدير يمتلي
والطيور بكل صوت عبرت


من طربها في هواها تعتلي
والنسايم بأجمل اشواقي سرت


من خفوق ما هجع ليل خلي
كل هذا يوم رجلك سيرت


في مرابيعي وصرت اغلى هلي
في جنابك عاصي جروحي برت


كيف ما تبرى وحبك منهلي

خالد الفيصل

رد: ديوان شعراء السعودية في العصر الحديث (متجدد)☘️☘️
 

من بلاه الله

https://poetsgate.com/img/divider_1.png
من بلاه الله تصبر واحتسب

عادة المسلم على الشدة صبور

اتلمس للخوي عذر وسبب

لي لحقني من بعض ربعي قصور

واتحمل زلة كحيل العرب

واتحاشا عضة الكلب العقور

اعشق الغالي ولاهوب الذهب

وانزل العالي ولاهيب القصور

في هجير العمر خاويت التعب

فوق رمل البيد او موج البحور

كل حي في حياته له طلب

ذا تهياله وهذا في دبور

لا تعجب ما على الدنيا عجب

حكمة الرحمن خلاها تدور


خالد الفيصل