رد: اخترنا لكم
 

‏تفنن في طروق الحب شرقني وغربني
معك يا زين دوخات الهوى ويا حلو مشواره

وغرد في سما سمعي ابي تحكي وتطربني
سواليفك مطر عمري ربيعي ضحكة ازهاره

.....

رد: اخترنا لكم
 

وشلون ابنساك وأنسى اجمل أيامي
دام إني ذقت المحبه من عناقيدك

ياخذني الشوق معك لأجمل احلامي
ويرميني الصبر في شارع مواعيدك

.....

رد: اخترنا لكم
 

‏ارقا مراقي العز من دون الادنين
‏العمر واحد والمعزه مناوي

‏لاصرت من قوم ً كرام ً مسمين
‏خلك لدرب الطيب دايم شفاوي

.....

رد: اخترنا لكم
 

‏حنيت لك واشتقت لـك واحتريتـك
‏واهديت لك قلبٍ على الدوم مشتـاق

‏علـيّ يشهـد خالقـي مانسيــــتـك
‏حبك سكن في خافقي وسط الأعماق

.....

رد: اخترنا لكم
 

تعال واحضن كل ضلعن لك يحن
يامنيتي لك شـوق اعيشه امانـي

جيتك وفا ملهوف كلي لك احـن
انبضك عشق وبوح قلبي معاني

.....

رد: اخترنا لكم
 

‏ياسالِبَ القَلبِ مِنّي عِندَما رَمَقا
‏لَم يُبقِ حُبُّكَ لي صَبراً وَلا رَمَقا

‏لا تَسأَلِ اليَومَ عَمّا كابَدَت كَبِدي
‏لَيتَ الفِراقَ وَلَيتَ الحُبَّ ما خُلِقا

.....

رد: اخترنا لكم
 

ياساتر الحال لاتكشف لنا خافي
لعيون الأصحاب والا عيون شماته

يضحك على ونة المجروح متعافي
ويشعــر بهـا واحـد عـانا معـاناتـه

.....

رد: اخترنا لكم
 

‏ياطير ياللي بالهوى تتبع السرب
‏قلبي بعد ماطرت ينقل رفاته
‏
‏لولاك مايلقى الشعر داخلي درب
‏ولاشفت لي به وقفةٍ والتفاتــه

.....

رد: اخترنا لكم
 

من عادتك كنت لامريت من عندي
تلقي عليَّ السلام وتبتسم يازين

والآن بتمُر يا المزيون وتعدي
لامرحبا لاصباح الورد لا أهلين

ما تدري ان التجاهل حـَزّ في كبدي
كنك طعنـته بخنجر سـام ذو حدين

.....

رد: اخترنا لكم
 

‏والله ان هالات عينك تزود الزين زين
‏ما تقلل من حسن هالعيون الطاغية
‏
‏القمر مازيّنه غير هاك الندبتين
‏ولا هو من دونها لمبةٍ متصاغية

.....

رد: اخترنا لكم
 

يارب يسّرها على كل ضايق
‏وارفع ستار الهم عن كل محزون

‏ولو كان في درب السعاده عوايق
‏تهون مع رحمتك يا خالق الكون

.....

رد: اخترنا لكم
 

السخافه مشكله ياهل السخافه
والتّفسخ مايجيب إلّا انحطاط

والترندات المخلّه والتفاهه
ماتجيب إلّا تدهور وانحباط

محمد جريد

رد: اخترنا لكم
 

الليالي ما تعوض كل نادم
‏والقصايد ما تفسر كل خيبه
‏
‏التشبث بالحياة وبالاوادم
‏قل دين وقل عقل وقل هيبه

.....

رد: اخترنا لكم
 

وجه الحياه البائسه يفتن الموت
والحرب يكسيها وشاح المنايا

والصمت يقتل كل حاجه بلا صوت
حيث الفراغ المزدحم بالنوايا

.....

رد: اخترنا لكم
 

مرحبا بك والصدر مفتوح بابه
‏والله انه مرحبا بك واقلطي به

‏هاك فنجال الغلا عقب الرحابه
‏واقدعي من حلو شوقي واهتني به

‏يوم جيتي زالت غيوم الكآبه
‏اشهد انه مرحبا بك يا حبيبه

‏بينك وبين المطر وصلة تشابه
‏لا حضرتوا صارت الدنيا عجيبه

.....

رد: اخترنا لكم
 

ياصـاحبي لا تـوقف تحـت رجـوى الامـل
‏واستقبل المقبلات بكل وجـهٍ ضحوك

‏عش واقعي في حياتك واترك المحتمل
‏ولا تحقر الضـعيف ولا تغـبط المـلوك

‏تراك تشـكي علي وانا استـمع لك خمـل
‏وش عـاد لا غـابو احبـابك ولا ودعوك

.....

رد: اخترنا لكم
 

‏الا يا وجودي وجد عودٍ كفيف وتاه
‏سرت به مقادير الزمن لين قفت به

‏يسوق القدم لكن عيت تطيع خطاه
‏ولا عاد يدري وين رجله تخطت به

.....

رد: اخترنا لكم
 

‏لا تشوف الناس ضعفك وانكسارك
‏لو عظامك تنكسر ما جبروها

‏انتصب كنّك طلعت من المعارك
‏ماخذٍ ثار القبيلة كلّ ابوها

.....

رد: اخترنا لكم
 

‏اخذيني من ايدي وطيري بي على هام السحب
‏ماعاد ابي عيني تشوف العالم المتكبّرين

‏انتي المصير المُقترب وانتي الطموح المُرتقب
‏وانا اخر انواع الرجال العاشقين الصادقين

‏اقري قصيدي والله ان اغلب قصيدي له سبب
‏شوفي بنفسك كيف كان وكيف صار وتعرفين

.....

رد: اخترنا لكم
 

مرت سنين من الحياة بسهولة
‏وبمرورها ودعت نصف امنياتي

‏طوبى لروعة ذكريــات الطفوله
‏بالفعل أجمل مرحله في حياتي

.....

رد: اخترنا لكم
 

‏بين هقوات المشاعر ونظرات العيون
‏كل شفرات المحبه مثيره للجدل

‏لاتضيعك الهقاوي وتخلفك الظنون
‏تحسب ان الوضع عادي وللفاقد بدل

‏وين ابلقى لي مع اللي يروحون ويجون
‏قلبً ليا راح يرجع واذا مال اعتدل

‏المحب اليا تعدا محطات الجنون
‏لو يدلونه على الدرب لايمكن يدل

.....

رد: اخترنا لكم
 

‏لا أحـد يقول الشعر ماهو مرجلة
‏لا والله الا الشعر عندي راس مال

‏الشــعر له بــين العــوارف منزلة
‏له قدر عــالي في مفاهيم الرجال

‏من قــدره بالفعل يخـــتار أجزله
‏والشعر ديوان العرب في كل حال

.....

رد: اخترنا لكم
 

‏يناديك همس الغيم والماطر الهمّال
‏وجمر الشموس وبارق الليل والقمرى

‏وقف لك حنين الامس وقفة رضا وإجلال
‏وطاحت قِدمك اخر حصوني من الذّكرى

‏عرفتِك مثل اجمل قصيده تمر البال
‏وذِكرتك مثل جرح لو اموت ما يبرى

.....

رد: اخترنا لكم
 

‏أنتِ أم السِّنين المقبلة والمقافي
‏كيف اشيِّد مشاريهك وأثبِّت وتدها

‏يا فداك الصَّحاري والمدن والمرافي
‏ونجمةٍ كلّ ما طلّت يبشّر سعدها

‏في هقاوي كلامٍ كلّ ما قلت وافي
‏ضيّفتني عيونك ما هو أشرّ وأدهى

‏اتركيني ورى ضحكتك أعنّ القوافي
‏ضحكةٍ وش علي إن ضاع عمري بعدها

.....

رد: اخترنا لكم
 

‏فالوساع الحور ما يجمع شتاتي
‏ودي أزبنها وأنا زبن المجنّا

‏ما أنثنى عزمي لو إن الريح عاتي
‏لين فرّع ليّن العود وتثنّى

‏غير لا يشغلك فقري من غناتي
‏أنا مخلوقٍ على شان أتعنّا

‏أنا وافكار القصيد ومفرداتي
‏كان بتروحين وين نروح حنّا

.....

رد: اخترنا لكم
 

‏حتى الحزن يبي من الواقع نجاه
‏ما يزبن إلا في صدور الطيبين

‏إللي عيونه ما تشوف إلا عناه
‏ماعاد يثّر في محانيه الحنين
‏
‏إللي عطيناه الثقه ربي عطاه
‏فرصه وحيده ما تكرّرها السنين

‏حنّا ثقتنا غاليه مثل الحياه
‏ماهيب تعطى للأوادم مرتين

.....

رد: اخترنا لكم
 

أستغفر الله كل ماصبحت وامسيت
على قصوري في مواجيب ديني

يالله تعتقني إذا مني اخطيت
وتجعل ثـرى الجنه جزى والديني

.....

رد: اخترنا لكم
 

ياللي على غيبتك هلّت مدامعنا
لا واخسارة وفاي وسابق ايامي

اشبعتني بالكلام اللي بلا معنى
لكن بالافعال شفني جايع وضامي

.....

رد: اخترنا لكم
 

‏يارب عنا على التقوى وزدنا ثبوت
‏في مغريات الحياه اللي علينا تمر

‏ نلهى والايام تجري والليالي تفوت
‏والعمر محدود والدنيا الدنيه ممر

.....

رد: اخترنا لكم
 

هـودت لفـراشي علـى بالـي انـام
وجردت فكري من صواديف مابه

كنت احسب اني غارق بين الاحلام
الله واكـبر يـاشـعـور الــكـئآبـه

اثـر الرقـاد اكبـر عـدوٍ للايتـام
اسقتهم ايام الطفوله شــرابه

.....

رد: اخترنا لكم
 

بكره يزين الدرب ويتغير الحال
‏وننسى غثى الماضي ونحمد الله

.....

رد: اخترنا لكم
 

‏ملفته مثل ضحكه في هدوء المكان
‏نادره مثل طبعٍ في الاوادم قليل

‏واضحه مثل قوس تحت غيمه مطر
‏مرهفه مثل لحن في الزمان الجميل

‏راكده مثل حاجه ماطلبها العزيز
‏مدهشه مثل صدفه بعد صبرٍ طويل

.....

رد: اخترنا لكم
 

الصمت صوت الصبور الي كواه الكلام
والصـد عين الحليم الي يقود العماء

.....

رد: اخترنا لكم
 

سعودي وافاخر يوم حكامنا آل سعود
ويوقف لنا التاريخ هـجري وميلادي
🇸🇦

رد: اخترنا لكم
 

كن حبك حكم سلمان وامير الشباب
صار قلبي مملكه وانت امير المملكه

.....

رد: اخترنا لكم
 

‏حنا هل العاداتَ وحنا اللي نفك المنيّع
‏كم دولةٍ صالت علينا وارتكينا لهَا
🇸🇦

رد: اخترنا لكم
 

رفرف علمنا فوق بحر وتضاريس
فوق القمر لنا على السطح قسما

المملكه ما دنسوها الجواسيس
فيها بيوت الله وكبار الاسما

وعبدالعزيز مؤسس العلم تأسيس
وسلمان عز ودولة العز تسما

ومحمد محمد بعيد المراميس
يرسم بداية دولة العز رسما

العز بوجود الحرار القرانيس
لين اصبحت دوله كبيره وعضما

عصما تدرس كافة العلم تدريس
وتبقى لنا مع طول الايام عصما

دام عزك ياوطن

رد: اخترنا لكم
 

خذ العفو وترفع عن الناس لو يخطون
‏ومن ظن فيك بسوء خله على ظنه

مطلق العتيبي

رد: اخترنا لكم
 

حــــب الوطـن...

عشنا على حب الوطن عشق والهام
فطرة عشق لملوكنا الصيرميه

وبعروقنا يسري وطنا من اعوام
وبقلوبنا نبـض الـمشاعر عذيه

واجسادنا دون الوطن درع وحزام
وافكـارنا بحكم الشـريعه رضيه

حماك ربي يا وطن ذخـر الاسلام
وحكامنا اللي يحكموها سويه

رذاذ الحبر

رد: اخترنا لكم
 

ابتسم وافخر عسى عمرك طويل
ياسليل المجد يا أمير الشباب

رايتك بيضاء على النهـج الاصيل
وهامتك ترقى على متن السحاب
🇸🇦