رد: اخترنا لكم
 

مشتاقلك والعشق فنك و مبداك
بس اهتمامي فيك زود غرورك

انا احتظنتك يوم حظك تحداك
واوفيت لك يوم انكر الكل دورك

داويت جرحي بك وداويت لك داك
والطيف في عيني مليته بنورك

كان الطريق الي يجيبك ووداك
صدري وكأسي فاك والفرش زورك

واليوم تحرم قلب بشوق ناداك
ولعتني والان معلن نفورك

ياذوق وانت الذوق حاشا يعداك
وفن حرفي من روايع زهورك

ان غبت حاشا من حضر سد فقداك
وان جيت تلفت من مهابة حضورك

انا اشهد انك دايمن قاهر اعداك
واكبر مصيبة يوم تعصب لشورك

والكذب لاعشاك ماظن غداك
الا متى تكتم وتخفي شعورك

وانت الذي لوتطلب الروح يفداك
يامن جبرتك رغم كثرة كسورك

.....

رد: اخترنا لكم
 

الحـب ذي يبداء ويكبر علا الصـح
يـخـلـي ألانـسـان عـايـش بـراحـه

سامح علا ألزّلات مـن بعـد تنصح
وأتـرك لـخلـك في حياته مـساحة

وإن عـاد نادم بعـدما زّلّ فأصفـح
تموت ألاخطا حين تأتي الصراحه

.....

رد: اخترنا لكم
 

يهبّ فيني حنين بكل هبّة نسيم
‏والذكريات القديمه طارفٍ بابها

‏غشاني الشّوق يا وجهٍ فبالي مقيم
‏اشتقت لك والمشاعر حثّت ركابها

.....

رد: اخترنا لكم
 

لا تستغرب اللهفه على ضحكتك ورضاك
‏رضاك السحاب وضحكتك صوت رعاده

‏تمادى علي أكثر ما دام الغـلا ولّاك
‏لك القلب منقاد ولك النفس منقاده

.....

رد: اخترنا لكم
 

خلك فطين وعاشر الناس باحسان
والطيب سوّه كان تقدر على الطيب

واختار لك ربعن نشاما على شان
مايخدعك حصني ولا يجرحك ذيب

.....

رد: اخترنا لكم
 

الهيل والدله وجلست هل الطيب
في مجلسن مافيه هرجن تمله

واليا لفيت الدار تلقى التراحيب
ناسٍ تشوف وجيهها مسفهله

.....

رد: اخترنا لكم
 

اشد من طعن السيوف المحاديب
شوف الكريم مبهذلته الليالي

.....

رد: اخترنا لكم
 

تلاشى ما دام إن التلاشي هو آخر حلّ
‏وجودك ما عاد يفيد وغيابك إلزامي

‏فقدتك بما فيه الكفاية حبيب وخلّ
‏وأخذت أغلب امالي معك وآغلب احلامي

.....

رد: اخترنا لكم
 

العسل والسمن لو انه يسيلي
‏سيلوه من النماص إلى تنومه

‏الشيوخ اللي لهم وزنن ثقيلي
‏كل شيخٍ عامر داره وقومه

‏ان نصيت العسبلي ولا الشبيلي
‏واحدن منهم يكفي عن حكومه

.....

رد: اخترنا لكم
 

الأخ ذا ما يدري ايش المُخُـوّه
ولا يقــدّر سعرها كم تساوي

لا تنتظر منّه يسـوّي مُــرُوّه
ما هو مسوّي فيك غير المَسَاوي

ومـَن درى ان الأخ للاخ قــوّه
مُحال في ظهره يحط المكاوي

او يعــرضه للبـــيع في كل زُوّه
بِـقْـرش لَـصْحَـب ثامنه ما يخاوي

.....