رد: اخترنا لكم
 

تبي تزين الامور وينشرح صدرك
العسر بعده يسر لو طالت المدّه

اظن بالله ظن الواثق المدرك
مهما تضيق الصدور وتكبر الشِدّه

.....

رد: اخترنا لكم
 

لاضاق صدري قلت يارب رحمـاك
‏ياللي بذكرك ينجلي ضيق صدري
‏
‏استغفرك واتوب لك واطلب رضاك
‏ماغيرك احدٍ عن خفأ النفس يدري

.....

رد: اخترنا لكم
 

مادام انـا ويـاك دايـم ملاهيـف
ومتقاسميـن حبـنـا بالنصيـفـه

انا خوي للسهر والسهـر ضيـف
ومن عادتي لا حل ضيف استضيفه

حبك نزل بين الضلوع المهاديـف
الصـدق بيـن والنوايـا شريفـه

مع غيرك انت ماتطيب السواليـف
ياللي على قلبي مزوحك خفيفـه

.....

رد: اخترنا لكم
 

انتي غناة اللي دعا عقب ماتاب
يوم استجابت دعـوته قبل يبكي

وانتي جبر خاطر عقب لحظة اعتاب
للي حصل جبر الرضا قبل يحكي

وانتي امل للي سجد وسط محراب
وجته السكينة قبل للرب يشكي


رذاذ الحبر

رد: اخترنا لكم
 

لاتاخذ الدنيا على محمل الجد
إضحك لها لو تبكي الناس منها

.....

رد: اخترنا لكم
 

ابتسم للوقت لو تقسى الظروف
من سحاب الكون ماضاقت سما

كم كفيف قلبہ المُبصر يشوف
وكم بصير قلبہ الميت عمى

.....

رد: اخترنا لكم
 

فاقدلي غالي يسوى عيوني
لعنبو فرقى الحبايب فيه حرّه

وأن طلب قلبي فقلبي له يهوني
جعل يفداه العمر خيره وشره

وأن نشدكم عن مكانه علموني
ذا مكانه في الضلوع وذا مقره

.....

رد: اخترنا لكم
 

مانسيتك وانت غالي ولك عندي طرف
لو دياري عن ديارك مسافه وانهوه

والله اني يوم أمرّك ترا لي الشرف
لو على مقداع تمرة وفنجال قهـوه

.....

رد: اخترنا لكم
 

أتثيقل والثقل ماهوب درعٍ واقــي
كل ماتطري على بالي تجيني خفّـه

انهزمت من الفراق وحزن قلبي راقـي
والشجاع إن حب توخذ بندقه من كفَّه

.....

رد: اخترنا لكم
 

سجها والعمر رحله على وجه الحياه
لاتحسب حساب بيض الليال وسودها

ولاتلحق نفسك حسوف يمال الغناه
حث نفسك لين تبلغ ورى مقصودها

.....

رد: اخترنا لكم
 

فتنة عيونك النجلاء الوساع الغيوره
سلهمتها عتاب وكبرياها مكيده

مثل مايفرق أحساس القصيد بحضورة
أنتي الفارقة والمترفة والفريدة

.....

رد: اخترنا لكم
 

كل ماسجيت جابت طواريك الهبوب
‏لاسلى قلبي من الحزن وعيوني بعد
‏َ
‏جعل ماجاني من الحزن كفارة ذنوب
‏يوم ما وجه الليالي يبشر بالسعد

.....

رد: اخترنا لكم
 

مجدنا فاخر ويبقى مْع مرور الوقت فاخر
وطبعنا عز النفوس وضربنا ضرب المعلّم

مانوطّي روسنا إلا للصلاه وللمباخر
ومانمد أيمانّا الا للمقهوي والمـسلّم

دام عزك ياوطن

رد: اخترنا لكم
 

مقتنع بالزمان ومستريح الضميّر
القدر في يد الله والصبر في يدي

.....

رد: اخترنا لكم
 

إيه يا أول من بـنى بيتـه عـلى خفـاقي
ما أنت باللي مر في عمري وأخذ له لفه

انت حلم لو كسـرته كني اكسـر سـاقي
مثل حلم القدس في رام الله وفي الضفه

.....

رد: اخترنا لكم
 

ليلة البرد مليانه مْن الذكريات
كل ذكرى جميله هبّ نسناسها

جعل من يحيي الاجساد عقب الممات
ميتين المشاعر يحيي احساسها

.....

رد: اخترنا لكم
 

قهو المشاعر لاجاتك وانت راعي مكان
ورحــب بـها كــــــل ما مرت على فالها

قولة هلا منك تسوى الهيل والزعفران
وصفراً يداوي عماس الراس فنجالها

.....

رد: اخترنا لكم
 

لاتفتّش فالصدور ولا تتبع كل عله
كل قلب وله ميول وكل عقلٍ واتجاهه

ولا تكلّف في قبولك والقبول اللي من الله
ما تجيبه بالفلوس ولا تجيبه بالوجاهه

.....

رد: اخترنا لكم
 

الليّ بدون أسباب صد وتجاهل
ماعندنا إلا غير نفس التصرف

يجوز في بعض الأمور التساهل
إلا التساهل بالمقام المشرّف

.....

رد: اخترنا لكم
 

هذا ولي العهد من ميم إلى حد نون
اسمٍ حروفه مع الامجاد متقاوله

هذا هو اللي ليا دنّق على المكرفون
روس الدول دنّقت قدمه على الطاوله

دام عزك ياوطن

رد: اخترنا لكم
 

حلوه ودلوعه وتمشي على الهون
‏والزين فيها من جميع النواحي
‏
‏والصاحي الي شافها صار مجنون
‏ويشوفها المجنون ويصير صاحي

.....

رد: اخترنا لكم
 

اهـيـب رجـال صـامت وارفـعه بـالمقام
إذا تــكـلـم يــحــدد مـسـتـوىٰ مـوقـعـه

الـعـود يـنفح بـشمه والـحديث إحـترام
احــد مـعـه مــا يـقـوله واحـدا مـا مـعه

قول الرجاجيل عفه والسكوت إحتشام
والـهرج يـنقص مـن المخلوق او يرفعه

والـصمت هـيبه ومـيزان الرجال الكلام
بـعد الـكلام اعـرف الرجال حين اسمعه

براق مارب .. اليمن

رد: اخترنا لكم
 

‏يـامـصـدرالشوق يـانـبـع الـغـلا كـلـه
تـعـال نـاظر رسـومك داخـل جـفوني

لاتـزعـجك ضـحكتي لـلـناس والشّله
اجـامل بـضحكتي لو زادت اطعوني

حـبـك مـلك خـافقي والـعرش محتله
دوك الكلام الصحيح ودوك مضموني

.....

رد: اخترنا لكم
 

أقدار ما ندري على وين تجري
‏لكن عساها بكل الأحوال خيّره

.....

رد: اخترنا لكم
 

أكابر ان قلت ما تطري على بالي
ويكذب القلب كان البعد ما ضره

.....

رد: اخترنا لكم
 

‏زله لسان الأدمي بعض الأحيان
تقطع علاقات الرفيق برفـيقه

كم رفقه دامت زمان وازمان
عقب المعزه أنتهت في دقيقه

.....

رد: اخترنا لكم
 

‏خلك على النيه تجيك التوافيـق
‏لو أغلب قلوب المخاليق ظلماء

‏اللّه يبل الريق في حزة الضيق
‏لاشحت كفوف المخاليق بالماء

.....

رد: اخترنا لكم
 

يا سعود كان الناس يدرون عن شيّ
‏أشياء ترا ما تدري الناس عنها
‏
‏يدري بها اللي يازن الشمس والفيّ
‏مكفن أسرار القلوب بكفنها
‏
‏أنا بشر شتى هموم البشر فيّ
‏وإن شفتني مانيب جزعان منها
‏
‏ترا ماغير أضحك وأجاملكم شويّ
‏وأدمدم جروحٍ نبشها زمنها

.....

رد: اخترنا لكم
 

‏عز نفسك جعلهم مايرجعون
ومن يبيعك لاتراعي خاطره

.....

رد: اخترنا لكم
 

بـس ارفعي راسك بليّا نقاشات
‏تلقين نفسك بالسحاب إنرسمتي

‏وفي مبسمك تلقى الرحيق الفراشات
‏بين الزهر والغيم ليش انقسمتي

‏كن البروق اللي تكاشف فلاشات
‏تبي تصوّر بسمتك لا ابتسمتي

.....

رد: اخترنا لكم
 

لا تنخدع والناس موّاتت ضمير
غير المصالح مايمر في بالها

أحبّك اللي كنت تسمعها كثير
هو واحد اللي حبّك وما قالها

.....

رد: اخترنا لكم
 

عطيتك محبه صادقه مابها تشويه
وجعلتك بقلبي منفرد فيه وحداني

وغيرك بغاني بالمحبه وانا مابيه
دام انت عندي ويش ابي بواحدٍ ثاني

تراني ليا شفتك اسج الفكر وشقيه
واشوف القمر واقول عندي قمر ثاني

غلاتك بقلبي شي يطغى على التشبيه
كيف اوصفك والوصف يعجز به لساني

.....

رد: اخترنا لكم
 

ماني بخير وكل ماجيت ابنساك
ألقاني أرجع من جديد لجنوني

عطرك رسايلنا تفاصيل ذكراك
تبت يديهم لاشتياقك خذوني

كل ماأقول إني قدرت اتخطاك
تذبحني الذكرى ويبقى جنوني

للحين احبك واعشقك واتمناك
وللحين اشوفك في عيوني عيوني

.....

رد: اخترنا لكم
 

مايشبهونك ولا بِه حولهم ديره
لو كلّ واحد عطاني بيده أعيانه

غيرك لو يروح قلت ان روحته خيره
الا انت روحتك عمر يصكّ بيبانه

هو انت الغير واللّي ما ابي غيره
وانت اللي اوقف الدنيا على شانه

.....

رد: اخترنا لكم
 

‏ليتني لا احتجت للراي ما اخذ غير راي
شايبٍ في سوق الايام قد باع وشرا

.....

رد: اخترنا لكم
 

لا تجاملين الناس محدٍ منّـور
النور نوركَ والمَزايا مزايـاك

إذا ضَحكتي كل قلبٍ تعـور
وإذا التفتي كل عينٍ تمنـاك

واللي تباري خطوتك وش تدور
إلا بَقايا من حضورك ومَمشاك

.....

رد: اخترنا لكم
 

انت الشعور الصادق وغيرك سراب
وانت المقرّ الثابت وغيرك ممر

غلاك بضلوعي تربّع لين ذاب
يفوح مثل العود من فوق الجمر

يا أغلى البشر وجهك علاج الإكتئاب
ومْواصلك مثل السحاب المنّهمر

حتى ولو قلبي شَعر بالإغتراب
انت الوطن واجمل ملذّات العمر

.....

رد: اخترنا لكم
 

من طاب طبنا له بكل الـمـنـاويـل
ومن خاب ترجع خيبته فوق راسه

في روسنا حكمه وحـنكـه وتبجيل
وكلا نفصل فـوق حجمه مقـاسه

ولاكـل برق لاح يطمع به السيل
تخيب في بعض البروق العساسه

لو زان برقه في نصوب الـمخاييل
قـــاع يــمــره ماتـغـيـر يـبـاسـه

.....

رد: اخترنا لكم
 

ياليت ربي بس حلل لنا شي
فتح القبور ومعايدة ساكنينه

ودي اعايد ميّت في داخلي حي
اللي عجزت انساه وانسى سنينه

رحمك الله يا سلطان

رد: اخترنا لكم
 

يقولون من لاخاف درب الخطايا زل
وتمام العقل من خاف من وجه خلاّقه

تذكر رقابة خالق الكون عز وجل
وتذكر عطاه وستره وفايض آرزاقه

وتذكر وقوفك يوم تاقف ماعندك حل
في يومٍ يشيب الراس من شدة آرهاقه

.....