رد: فوق هام السحب ( الشعر الشعبي) على متن القوافي
 

وش ذا الخفوق العطيب اللي على ناره
‏وش ذا الجفى اللي ماهو منك ولا مني

‏مشتاق لك يأقرب من الثوب لزراره
‏شوق ابونوره لكني ماعرف أغني

‏ادري مانيب إختيارٍ سهل تختاره
‏ظني لو افتش غلاي بيختلف ظني

‏وادري لو اموت لك واعيش لك تاره
‏بعيش واموت منت بداريٍ عني

....

رد: فوق هام السحب ( الشعر الشعبي) على متن القوافي
 

ماكن منها شبيه يعوض الاربعين
مدري انتهى شكلها ولاانعدم حسها

جلسه فتره وانا اشبه عليها سنين
ماتشبه الناس كانت تشبه النفسها

رد: فوق هام السحب ( الشعر الشعبي) على متن القوافي
 

‏رح مراح اللي من كبار الخطايا معفي
‏لا تقول اخاف نظرات العرب وألسنها

‏انت حبك والله انه مثل نقطة ضعفي
‏حاجةٍ مهما حصل ماني مسولف عنها

....

رد: فوق هام السحب ( الشعر الشعبي) على متن القوافي
 

‏تملكني الطيبه ويملكني الذوق
‏ويملكني اللي صادق في كلامه

‏ياحظ منهو يحترم كل مخلوق
‏بشوش متواضع رفيع مقامه

....

رد: فوق هام السحب ( الشعر الشعبي) على متن القوافي
 

لعَل البخِيل الراهِي اللي ببشت وتاج
‏أتكَشر له الدنيا ولا يضحَك حجاجه
‏
‏ولعَل الفقير اللي يدينه مثل هدّاج
‏تحوّل له أموال الردي وأطول أبراجه

‏وعسى المعْسراللّي حاجته ردها الأحراج
‏ما يصبح عليه الصبح ويديه محتاجه

....

رد: فوق هام السحب ( الشعر الشعبي) على متن القوافي
 

ماهوب شرط يكون لبسك فخامة
‏دام الفخامة واضحة في تعاملك

‏يكفيك ثوب الستر من اي خامة
‏إسمع نصيحة واحدٍ ما يجاملك

‏ثوب الفخامة ما يحَجب الرخامة
‏بصمة لسانك مثل بصمات اناملك

....

رد: فوق هام السحب ( الشعر الشعبي) على متن القوافي
 

بعض الكلام اللي ماتحسب له حساب
‏في قلب غيرك ما يمر بــ سهوله

‏خلك مع العالم تعاملك من باب
‏اللي ما ترضى تسمعه لا تقوله

....

رد: فوق هام السحب ( الشعر الشعبي) على متن القوافي
 

دام قلبي لك سما ضم السحاب
في ضلوعي تشرق و غيرك غرب

لو آبحسب فيك بيضيع الحساب
اَنت واحد لكن بـ قلبي عرب

....

رد: فوق هام السحب ( الشعر الشعبي) على متن القوافي
 

قدمت حبي لك بهيئة اكاليل
واحساس قلبي والمشاعر هدايا

اشتاق لك واذكر جمال التفاصيل
يامن غرامك فيه كل المزايا

حلاك واسلوبك وذوق المراسيل
وضحكتك راحه وصوتك دوايا

اسهر مع الحيره وكثر التحاليل
لا طال بعدك من جميع الزوايا

لا تبتعد عني كما الشوق ياليل
يمر ما بين الكبد والحنايا

ولا تصدق بيننا كلما ما قيل
لا يوهموك اهل الحيل والروايا

يا كنزي الغالي وخير المحاصيل
يا حلمي الباقي وغاية منايا

....

رد: فوق هام السحب ( الشعر الشعبي) على متن القوافي
 

ما عاد أميز بين صادق وكذاب
مادام صار الكذب فن وشطاره

أدقق النظرات بوجيه الأصحاب
خايف تكون وجوههم مستعاره

....