رد: فوق هام السحب ( الشعر الشعبي) على متن القوافي
 

‏لو المراجل بـ الذهب نشتريها
يدفع ثمنها كارهين الرخامه

والناس مرباها على والديها
أما تربى صقر ولا حمامه

....

رد: فوق هام السحب ( الشعر الشعبي) على متن القوافي
 

‏امــد النظـر واسـاير الشـوف في دنيــاه
واشوف الجمال اقوى من الحرب وسنينه

واشوف الحيــاة اخـلاق ما تشترى بالجاه
واشوف الوفــا من شيمة الرجل من دينه

صديق الشدايد حي شوفه طوال خطاه
وصديق الفهـاني كل مخلـوق له زينــه

على الـراس قــدر من يحطك على يمنـاه
وعلى القـاع حــط الغير بالطـيب واللينـه

تـســير الحيــاة وكل واحــد على ليـــلاه
يغـــرد وكل انســـان بـــيده مــوازيـنــة

مـــع الله يـاللـي مـا حسبـهــا وهـــي لله
مــقنـف على دنيــاه ما قـد ملـت عينــه

....

رد: فوق هام السحب ( الشعر الشعبي) على متن القوافي
 

يسعد صباحك عاد وش له النوم
النوم ماهو للحبايب يخلي

الشوق جاك يصافحك ي آلغلا قوم
صحصح فديتك ي بعد كل من لي

....

رد: فوق هام السحب ( الشعر الشعبي) على متن القوافي
 

أحيان أحسّك طيف من روح غالي
‏واحيان أحسّك روح والطيف فيني

‏مره اقول الدرب موحش وخالي
‏ومره احس ايديك تمسك ايديني

....

رد: فوق هام السحب ( الشعر الشعبي) على متن القوافي
 

أنشدوني عنك وماحبيت أعلم
‏قالو ابطى قلت مهما صار غالي ‏

وقلت دايم يتصل فيني ويسلم
ما دروا بـ انك مخليني لحالي

....

رد: فوق هام السحب ( الشعر الشعبي) على متن القوافي
 

الورد ياخذ له من اوصافك وصوف
والعطر ياخذ لهه من انفاسك عطر

واللي قدر يجمع وصايفك بحروف
مثل الذي يقدر على جمع المطر

....

رد: فوق هام السحب ( الشعر الشعبي) على متن القوافي
 

‏ياحي طبع اللي يصون الصداقه*
حتى لو انّه ما تعنّى و سيَّر

يحفظ أصول المعرفه و العلاقه
ويبقى على طول الدّهر ماتغيّر

....

رد: فوق هام السحب ( الشعر الشعبي) على متن القوافي
 

من جهلنا شافنا عند القتالي
مثلنا ماعاش مجهول الهويه

نحن اهل الحرب واصحاب القتالي
نحن من حل الجبال المعتليه

....

رد: فوق هام السحب ( الشعر الشعبي) على متن القوافي
 

كم واحدا جده بالافعال عالي
واخلف مساره في الفعول وتوطا

وكم واحدا جده من الطيب خالي
لكنن على درب المراجل تخطا

من لا يفرق بين مرا وحالي
عز الله انه بالخمار يتغطا

....

رد: فوق هام السحب ( الشعر الشعبي) على متن القوافي
 

‏الصاحب اللي بدل الوقت ممشاه
اللي تردى بي وأنا ما ترديت

لا يحسبني بالردى باتحداه
له تربيه وانا على ما تربيت

بقلمي