رد: فوق هام السحب ( الشعر الشعبي) على متن القوافي
 

‏من يقـول انـي تركتـه ؟ ماتركته
عاده بـ قلـبي و شريـاني و عيـني

لاح سيف البعـد لو ماهو بـ وقته
و استقـام وصـار ما بينـه و بيـني

شفت سيف البعد ماعنه ورحمته
قـال فيـني . . قلـت لا بـالله فيـني

.....

رد: فوق هام السحب ( الشعر الشعبي) على متن القوافي
 

بيني وبينك فارق السن موجود
هذا الذي مالي عليه إستطاعه

ياليت عمري مثل عمرك بلا زود
السن واحد وأصلنا من جماعه

أو اني أشري فارق السن بنقود
من شخص مافاده شبابه وباعه

......

رد: فوق هام السحب ( الشعر الشعبي) على متن القوافي
 

وانا اللي لو يولع كلامك بصدري نار
فتحت الضلوع وقلت أحبك وقلت اقبل

تغير مفاهيمك وتبقى الحياه أسرار
وتبقى الوحيد الاجمل الاملح الاقبل

فلا زلت اشوفك زينة أيام واستقرار
وماضي جميل وحاضر أجمل ومستقبل

.....

رد: فوق هام السحب ( الشعر الشعبي) على متن القوافي
 

كل ما قلّ اتصالك .. زاد حبك
كيف صار النقص نوع من الزيادة

ليت لي في قلبك أشياء مثل ما لك
في مساحاتي مساحات وسيادة

والله إني في هواك العفّ راضي
مثل ما يرضى المواطن عن بلاده

ينتهي حبك وطول اليوم أعيده
دايم اللقطات أحلى بالإعـادة

.....

رد: فوق هام السحب ( الشعر الشعبي) على متن القوافي
 

‏اكذب عليك ان قلت لاهي وناسيك
الشاهـــــــد الله مانسيتك دقيقــــه

كل المشاعــر لجل عينك ب اياديك
هذا الصحيــح ان كان تبغا الحقيقة

يانادر بوصفـــك عسـى الله يحميك
ويجـــــود وصلك لو ب أيت طريقة

.....

رد: فوق هام السحب ( الشعر الشعبي) على متن القوافي
 

‏لا حدٍ يقول ان المواجع تخصه
‏وهو الوحيد اللي شكى من عناها

‏كلن وله في بنك الاوجاع حصه
‏متشابهه لو يختلف محتواها

‏وبقلب كل إنسان موجود قصه
‏لو يزعم ابنسيانها مانساها

.....

رد: فوق هام السحب ( الشعر الشعبي) على متن القوافي
 

‏ﺗﺪﺭﻱ ﻭﺵ احلئ ﺷﻲ لا ﺻﺮﺕ ﺗﺸتاق
‏انك تشوف ﺍﻟﻠﻲ ﻳﺤﺒﻚ ﻳﻨﺎﺩﻳﻚ

‏وان ﺟﻴﺖ ﺟﻨﺒﻪ ﺗﺒﺘﺪﻱ ﺣﺮﺏ ﺍﻻﺷﻮﺍﻕ
‏ﻣﻦ ﺍﻟﻮﻟﻪ ﻭﺍﻟﺸﻮﻕ لنه قبالك

‏ﻭﺗﺸﻮﻑ في ﻋﻴﻨﻪ ﻣﻦ ﺍﻟﺤﺐ براق
‏ﻓﻴﻬﺎ ﺗﺤﺲ ﺍﻧﻪ ﻣﻦ ﺍﻟﻨﺎﺱ ﺷﺎﺭﻳﻚ

.....

رد: فوق هام السحب ( الشعر الشعبي) على متن القوافي
 

‏أنا ناتج طفولة قلب وعقلٍ قد غزاه الشيبّ
‏تمر قلبيَ دروس الوقت ولا عمره شكى أرهاقه

‏أنا مابي من أيامي سوى أني اقترن بالطيبّ
‏واذا يذكر بـ يوم أسميَ تجيه النعم منساقه

‏أنا الليّ كل غاياتي حسن سمعه ودعوة غيب
‏وأكون اللي بعد ذكره ثنوا بـأفعاله وأخلاقه


......

رد: فوق هام السحب ( الشعر الشعبي) على متن القوافي
 

حنا نعيش بزمن وجهه يشابه قفاه
‏الله يسـتـر مـن الدنيـا وصكاتها

‏صارت طبـــوع الاوادم تلفت الانتباه
‏والنـاس متـــــوتره حتى بعلاقاتـها


......

رد: فوق هام السحب ( الشعر الشعبي) على متن القوافي
 

‏يا ليـل خــذ مني مراسيـل الاحباب
وارســـل لكـل النـاس مني سلامي

بلـغ بهـا كل الرفاقـــه والاصحاب
واهـدي لهـم ودي وكـل احترامي

للاصدقا من كان حاضر ومن غاب
اللي لهم في القلـب زود اهتمامي

رغـم التباعد حبكـم بين الاهداب
هـذا الحقيقــه قلتهـا فـي كلامي

.....

رد: فوق هام السحب ( الشعر الشعبي) على متن القوافي
 

‏لو طلبتي الصـــدق باقلك صراحه
انتي القلب الذي داخــل ضلوعي

وانتي الراحـه وكامـــل مستراحه
والشعـور اللي يهــدي كل روعي

وانتي النور الذي يشـرق صباحه
وانتي الغيم الذي ينعـش ربوعي

وانتي اسباب التفائل والسماحه
وانتي العشـق الذي فيني يلوعي


.....

رد: فوق هام السحب ( الشعر الشعبي) على متن القوافي
 

‏صوتك مرح ياصاح في لحظة الضيق
ينعـــش فـــــؤادي نبرتـه لاسمعته

احـس في صوتــك سعـاده وترويق
وثوب حزنـــي بعـد صوتـك خلعته

ياليـت صوتك اسمعـــه كل مافيق
مثل العـــلاج اللي بيومـــي جرعته

كان ان انا حلقــــت بالجــو تحليق
وجو السعاده بزيـن صوتك صنعته


.....

رد: فوق هام السحب ( الشعر الشعبي) على متن القوافي
 

‏لاتكابــر شـــوف لك نظـــــره وعدي
ماعلى النظـــره على اشعاري حساب

ادخــل اقـــراء ماكتـــب قلبي بيدي
من قصايد شـــوق واشعــار العتاب

كلها لك وانت مقصـــودي وقصدي
وانت تدري بــس ما تعطــي جواب

طبعك القاسـي حــرق قلبي وكبدي
وذقُت منك الويل واصناف العذاب


.....

رد: فوق هام السحب ( الشعر الشعبي) على متن القوافي
 

‏ياطيــــر ياساجــــع على كل مرقاب
ياليـــت جنحانــك بكفـــــي مطيه

لازاد بـي شـوق الغوالــي والاحباب
اســـرح على اجناحــي بلهفه قويه

ياطير زاد الشــوق والشــوق لهاب
بركان ثايــر فــي الضلـــوع الحَنيه

من شدته أنهك عروقي والاعصاب
وهَد الخفـوق اللي بالاعمـاق حيه


.....

رد: فوق هام السحب ( الشعر الشعبي) على متن القوافي
 

‏عنـد العناد بـ هامتي ألف عفريت
ما اعمل حساب لأي واحد بكوني

إن جيتني بالشـر ماعنـك أبطيت
وإن جيتني بالطيـب تاخذ عيوني

هذا انا بالعـــــز دايــــم تربيت
ماحط نفسي لو فنا الراس دوني

عايش وشامخ بالشهامه تحليت
وشايل طبوع العز فوق المتوني
‎

......

رد: فوق هام السحب ( الشعر الشعبي) على متن القوافي
 

‏كفي بكفك خلنـا نطــــرد الياس
العمــر فرصــه مالنا عُمــر ثاني

خل السعاده بيننا مالهــا اقياس
وخل الفرح يمــلا ربوع المكاني

مادام فينا الحــب ياحب لاباس
انسى معي فالحب جور الزماني

روق ونسي خاطري كل الاتعاس
وافـــرح معايا يا حبيبي عشاني


.....

رد: فوق هام السحب ( الشعر الشعبي) على متن القوافي
 

‏صباحك انا واطيـاب عـــوده وفله
تطــري عليـــك وتنتثر ورد وازهار

يلــي غلاك استوطــن القلب كله
وخذ شعوري والمشاعر والاشعار

ياطيـر خــذ مرسـول قلبي وشله
واعبـر بشعـري للذي قلبي اختار

واهديه من قلبي سلامــــي وقله
باقـي على حُبـــه ولو صار ماصار


.....

رد: فوق هام السحب ( الشعر الشعبي) على متن القوافي
 

‏بيـن الجمــال اليوسفي وبيـن زينك
مقـــدرت اقارن بالنظـر بينك البين

حسنــك فريـــد الله يخلي عيونك
والله يحمي كل حسنك مـن العين

ماشفــت مثلك في عيوني قرينك
لا من بنــات اسبانيا او من الصين

يا الفاتنـــه في الزين قلبي رهينك
ومحبتك في خافقـــي والشرايين


.....

رد: فوق هام السحب ( الشعر الشعبي) على متن القوافي
 

‏قصايدي ماهــــي هواجـيس وافكار
مغــــزاء حروفــــي نابعه من كياني

احساس له معنـى يترجمه الأشعار
قلبـــي ورق والحبــر منطق لساني

صيغه وراهــا من كواليس الأسرار
اسرارهـــا موجـود بـــين المحاني

اسرار تحكــي بالذي داخـــل صار
واللي جرالـي مـن حظوظ الزماني


.....

رد: فوق هام السحب ( الشعر الشعبي) على متن القوافي
 

قالت مساء الورد والصوت مبحوح
قلت المساء مـــع طلتك شـي ثاني

قالت تعشــق الروح يا منيـة الروح
قلت اندماج ارواح وسـط المحاني

قالت سلام الله وانا عنــك باروح
قلت السلامه فــي عيــونك اماني


......

رد: فوق هام السحب ( الشعر الشعبي) على متن القوافي
 

‏عسى خيــــر بعـــد اتعابنا يــوم نرتاح
وعسى الامــل يأتي بطيــب الاماني

وعسى ورا الاحــــــزان تأتينــا الافراح
وعسى السعــاده ماتفـــارق كياني

وعسى حظوظ الوقت تنسينا الاجراح
وعسى القدر يمحي جروح المحاني

وعسى الزمن يضحك لناعقب ماطاح
وعسى المـرح يبقى طوال الزماني


.....

رد: فوق هام السحب ( الشعر الشعبي) على متن القوافي
 

ﻟـﻣﺘﺎﺑﻌﻴﻨﻲ ﻗﺪﺭ ﻟﻮ ﻣﺎ ﺗﻜﻠﻤﺖ
ﻭﺑﺎﻟﻘﻠﺐ ﺷﻲ ﻣﺎ ﻧﻄﻖ ﺑﻪ ﻟﺴﺎﻧﻲ

ﻟﻠﻲ ﻳﺘﻔﺎﻋﻞ ﺍﻭ ﻳﺘﺎﺑﻌﻨﻲ ﺑﺼﻤﺖ
ﺷﻜﺮﻱ ﻭﺗﻘﺪﻳﺮﻱ ﻭﺟﻞ ﺍﻣﺘﻨﺎﻧﻲ

الحمدان....

رد: فوق هام السحب ( الشعر الشعبي) على متن القوافي
 

أصعب من الجرح طول الانتظار
وأكبر من الحزن تلويح الكفوف

طال هجرك وأنت حددت المسار
رحت مع غيري وأنا عيني تشوف

مابقى في نجد للفرحه ديار
ضاقت الدنيا على قلب العطوف

كيف صرت اليوم أنا آخر خيار؟
وفي بدايتنا أنا كل الصفوف

لا تعذر وش يفيد الاعتذار ؟
دام قلبك معي ماسوا معروف


......

رد: فوق هام السحب ( الشعر الشعبي) على متن القوافي
 

إختلاف الوقت من زينه ل شينه
لايـضعك بـدايرة شـك وضـلاله

انت من تجعل لذاكرتك خزينه
تحفظ بها اسم وتقاليد وسلاله

والرفيق من أول الاشيا الثمينه
إن لـقـيته لا تـدور لـك بـدالـه

اترك اللي زلفه اطول من يمينه
وانحر اللي عقله اكبر من عقاله

لايغيرك الصخب في ذالمدينه
وانت ابن صحرا ماياثق في ظلاله


......

رد: فوق هام السحب ( الشعر الشعبي) على متن القوافي
 

‏راحو رياجيل الوفاء والمواقيف
اللي لهم بالوقت صوله وجوله

اهل الكرم والطيب واهل المعاريف
وليا بداء الماقف لهم وقفوله

راحوا وجوك مكثرين السواليف
ماتعرف الواجب ولاهم بحوله

مداحت انفسهااضعاف المحاريف
رصيدها في بنك ماله عموله

ماجد القريني

رد: فوق هام السحب ( الشعر الشعبي) على متن القوافي
 

‏مايعلم الحال غير الله ...سبحانه
اللي له الناس تركع له وتسجد له

والمسلم اللي ذكر ربه على لسانه
يعفو عنه ربه الباري ويغفر له


راكان بن محمد

رد: فوق هام السحب ( الشعر الشعبي) على متن القوافي
 

يـا ريـف بـالي بـك تعـدل مزاجي
وارتـاح قلـبي وانـورت بك عيوني

طيفك يسـامرني وانـا لـه انـاجي
بالحب واحساسه يداعب ظنوني

انـا بـحـبـك لـي امـان ومــلاجي
والقى بقـربـك يا غنـاتي سـكوني


.....

رد: فوق هام السحب ( الشعر الشعبي) على متن القوافي
 

‏جمعت الشوق وأهديته عيونك
وكل الحب في دربك نثرته

وعطرت المشاعر من جنونك
وزفيت العمر لك لو خسرته

زماني ما تخيلته بدونك
وليلي بدون همسك ماسهرته


.....

رد: فوق هام السحب ( الشعر الشعبي) على متن القوافي
 

تعال بشبك صابع ايدي فيديك
حتى تشوف معانق الروح لروح

وعينك تراعيني وعيني تراعيك
وعن كل ماداخل فؤادي لك أبوح

وقول سولفياعسى الروح تفديك
قلبي لحبك وال سوالفك مفتوح

......

رد: فوق هام السحب ( الشعر الشعبي) على متن القوافي
 

رص المشاعر بالحبر ياقلم رص
وبعد المشاعر باقي الحب رصه

قلبي يعاني وانت بالحب مختص
انت الذي عقلي بالافكار خصه

قصة غرام كانت اكبر من النص
فيها حبيب ساكن القلب نصه

اخر كلامي اطلبك ياقلم وص
خلّي على حبي بالاشواق وصه


......

رد: فوق هام السحب ( الشعر الشعبي) على متن القوافي
 

بعض البشـــر تغليه لو ما تشوفه
يجذبك له شيٍ غريب بالإحساس

‏تسمع كلامـــه ثم تقــرأ حــــروفه
تبحر معه تنسى مشاكلك والناس


.....

رد: فوق هام السحب ( الشعر الشعبي) على متن القوافي
 

‏تبي الكـلام الصدق بيني وبينك
‏اسمـع معي هالبيت مادمت وياك

‏من باع كل الناس من شان عينك
‏حطه بـعينك واجعله نور دنياك


......

رد: فوق هام السحب ( الشعر الشعبي) على متن القوافي
 

ياوجودي كل ماحال دون الراي راي
‏والظروف القاسيه ساري مفعولها

‏كم نويت اقول كلمه تبيّن وش بلاي
‏وامنعتني شيمتي واستحيت اقولها

......

رد: فوق هام السحب ( الشعر الشعبي) على متن القوافي
 

عسى الله علي يديم فضله ولا أحتاج
‏من أفضال غيره شي لو مني و فيني

‏و يبني ما بيني وبين عسر الظروف سياج
‏ولا أطيح من طولي ولا أطيح من عيني


......

رد: فوق هام السحب ( الشعر الشعبي) على متن القوافي
 

قالوا لي إنسى قلت ماهي على الكيف
لو أقـدر أنسى كان مـبطي نسـيته

له في منامي طيف وبصحوتي طيف
مـن وين ما وديت .. وجـهي لـقيته


......

رد: فوق هام السحب ( الشعر الشعبي) على متن القوافي
 

انتي حلا كل المشاعر وابتهاجات الحياة
وانتي ملامح فيض غيمٍ هلّ وبْله بالمطر

وانتي غلا جود السحاب اللي نزف خيره مياه
وانتي النسيم اللي تعانق نسمته غصن الزهر

وانتي السمو اللي منالك بالسمو يرقى سماه
وانتي منال الورد غصنه ريحته اجمل عطر



......

رد: فوق هام السحب ( الشعر الشعبي) على متن القوافي
 

‏مـاعـاد يـاسعنـي مسـاحـه ولا أفـاق
‏من ضيقتـي مـاأشـوف شـي وسعنـي

‏كتبنـي التـاريـخ فـي صفحـة فراق
‏وبصفحـة الأحـزان جـار وطبعنـي

‏دخلـت أنـا والحـزن غيبـوبـة عنـاق
‏بعثـرتنـي والحـزن عقبـك جمعنـي

......

رد: فوق هام السحب ( الشعر الشعبي) على متن القوافي
 

‏ربييت فِي حضنك على عز ودلال
‏ولا حاجة فِي خاطري خليتها

‏ي أبوي لا قبلك ولا بعدك أبدال
‏أنت الحَياه ودنيتي أحييتها


......

رد: فوق هام السحب ( الشعر الشعبي) على متن القوافي
 

‏الصمت مثل الذهب و الثرثره فضّه
‏و الحكي لا زاد عن حدّه حكي فاضي

‏و العقل لا جاد في راعيه من حظّه
‏الناس ترضى عليه و خالقه راضي


......

رد: فوق هام السحب ( الشعر الشعبي) على متن القوافي
 

‏خط الغلا من حبر الأشواق مرسال
‏أغلا التهاني تحمل الود مني

‏يااللي غلاكم داخل العين ينشال
‏جعلت علوم الخير عنكم تصلني

‏مهمايكون الظرف والوضع والحال
‏أسأل عن الغالين من فات عني

‏الله يعين اللي عليه الصبر طال
‏بين الجروح وبين همس التمني

......