رد: اخترنا لكم
 

‏من لا يودك وش تـبيبه تـوده
عله مـراح مقيط واللي تقـفاه

لا بد عقلك فـي المواقف تـرده
حتى يعرف الصح ويميز اخطاه

مـايتبع الـرغـبات ويضيع حده
ويقل مـقداره وتـنقص مزاياه

.....

رد: اخترنا لكم
 

ليت الزمان الي مضى يرجع اليوم
وترجع لنا ايام القلوب النظيفه

ايامنا هالحين ظالم ومظلوم
ونيات بعض الناس ماهي عفيفه

.....

رد: اخترنا لكم
 

مواقف الطيب محسوبه ومشهوده
ورجلٍ بلا طيب لا يذكر ولا يحسب

واللي كسبها بعرفه قبل مجهوده
فعايله طيّبه ومجالسه مكسب

.....

رد: اخترنا لكم
 

يا فرحة العيد مالك فالحنايا شريك
دوّر وتلقى ورى الأضلاع عيديّتك

انسف جديلك قبل تنسف مذارع يديك
الغيم تاجك وسطح الأرض زوليّتك

حتى الفساتين وعقود الذهب تحتريك
الكل منها يبي يلمس خصوصيّتك

.....

رد: اخترنا لكم
 

تعال صارحني علمني شجاك
خل الغياب اللي بليّا سبايب

طال الفراق وعذب القلب فرقاك
راح العمر وانت عن العين غايب

احرمتني يازين شوفك و لاماك
وشبّيت من صدك بصدري شبايب

.....

رد: اخترنا لكم
 

انا مسالم ما احب العداوات
العمر فاني والليالي قصيره

ترى السكوت أحيان مثل الإجابات
الصمت نعمه له معاني مثيره

ماهو ضروري تعيش عندك علاقات
العزله احياناً علاقه كبيره

.....

رد: اخترنا لكم
 

الصمت ابلغَ من جميع العبارات
حكمه ولا تدخل في اشياء كثيره

ومـن تكـلّم قـل حبيبي سلامات
السِلم أفضـل للـرجال الجـديره

يامـا تحمـلّنا ومـا بي نــدامـات
حتى ونفـسي مـن قبلهم ضريره

.....

رد: اخترنا لكم
 

أنا مامعي وجهين ولا ألعب على الحبلين
واذا جيت أعاتب شخص أعاتبه بفراقي

أغيب بهداوه لين حتى الامور تزين
مع كامل الحب ومع خالص أشواقي

اذا الله كتب نرجع سوا زين على زين
واذا عادك بتبقى كذا كمل الباقي

.....

رد: اخترنا لكم
 

‏لاتبدي أسـرارك على سـاير الناس
احذر ترى بعض الاوادم مغرّه

خـذ الكلام اللي من الراس للراس
واعرف ترى الايام حلوه ومرّه

لاتخدعك هرجت عديمين الاحساس
ان كان تـبي العافيـه والمسرّه

خل الذي بالصدر يبقى على ساس
مايفرح اللي ناوي(ن) بالمضرّه

.....

رد: اخترنا لكم
 

‏رح مايخاف من الدروب إلا الضرير
فك أيدك اللي في يدي متجوّده

لا عاندت نفسي بتقنع بالمصير
وإن ماقدر قلبي جفاك أعوّده

أنا كذا ولا كذا ماني بخير
بتنقّص من الجرح ولا تزوّده

ماهي بواقفةٍ على الجرح الاخير
مبطي وروحي عن غلاك مهوّده

.....

رد: اخترنا لكم
 

يكفي أني مالحقتك بنقصان
وحتى الخطا منك قبلته وعذرته

وعلى كثر ماصابني منك خذلان
الا ان قلبك بالجفا ماكسرته

حاولت اداري خاطرك قدر الامكان
ويا للاسف طيبي جحدته ونكرته

روح والدروب وساع والطيب معان
ولاتلتفت في قلبي اللي دمرته

.....

رد: اخترنا لكم
 

صدّو ولا قالو لنا ليش صدّو
وحنا بعد جاز الفراق ونسينا

شالو على سود النوايا وشدّو
وحنا على بيض النوايا بقينا

.....

رد: اخترنا لكم
 

يا ساكنــــين القلـب يسعد مساكم
بالعووود والعنبــر ونفحــة عطوره

والله ورب البيـــت ماقـــد نساكم
واشلون ينسى من سكن في قصوره

في داخلـي ماحد وصـل مستواكم
زايــد غلاكم صعب نوصف شعوره

لو تعرفــــوا مقــدار زايـــد غلاكم
مايوصفه شاعـــر بكامــل سطوره

.....

رد: اخترنا لكم
 

‏دلل حبيبك وافهمه واعتني فيه
وفي كل موقف حط نفسك مكانه

تبسم بوجهه ورحب بطاريه
واحفظه في قلبك سوات الامانه

بيع الخلايق كلها لجل تشريه
المستحيل الصعب سوه عشانه

حبه ولا تسال عن أيام ماضيه
ولا تفكر بالغدر والخيانه

خل السهر يسرق دقايق لياليه
اجمل زمن بيمر عمرك زمانه

.....

رد: اخترنا لكم
 

ضحيت بالواقع على شان الاحلام
وضحيت بالغالي على شان غالي

حتى الغرام اللي كسر قلبي العام
ماني بحاله كان ماهو بحالي

ماينحسب عمر البنادم بالاعوام
بعض السنين نعيش فيها ليالي

وجه التشابه بين قلبك والايام
القلب خالي والليالي خوالي

.....

رد: اخترنا لكم
 

ياناس أحبه والمحبه مقادير
هذا هوى نفسى وهذا قدرها

فز الخفوق وقلت يالله عسى خير
وأثر الليالى عاد غايب قمرها

ياصبح عمرى يا صباح التباشير
نوره ملا قلبلى وروحى غمرها

عقب الفراق اللى تعدى المحاذير
يبس غصون القلب جافى دهرها

ياناس أحبه والمحبه مقادير
هذا هوى نفسى وهذا قدرها

والحب ماله يا هل الحب تفسير
قلبين والله بالمحبه غمرها

لاجيت أصور حالة الحب تصوير
وأرد عن حالى لخلى خبرها

لقيت وجدى فوق كل التعابير
كل الشعر قطرة وروحى بحرها

مع شوفته نشوه وفزة وتخدير
وعيون خلانن تعانق نظرها

يفز له قلبى كما نزعة الطير
والرجل كن اللى تحتها غدرها

ربع بروحى عقب ماهى معاسير
سحابةٍ هلت بقلبى مطرها

وأسقى بها زرعة هوانا بتقدير
غرسة غرامٍ بالمحبة بذرها

ياعاذلين القلب والله مخاسير
واللى درى عن حال عينى عذرها

.....

رد: اخترنا لكم
 

يا مساء الخير والدنيا بخير
يا مساء مسكنہ بيض القلوبّ

يا مساء الورد بأحساسً مثير
انتشىّ ريحة وعطر كلّ صوبّ

.....

رد: اخترنا لكم
 

طبعك هو اللّي على الفرقى مقدّرني
‏واحس نفسك على التجريح مجبولة

‏تعرف تقول الكلام اللّي يكدّرني
‏بسّ الكلام الحلو ما تعرف تقوله

.....

رد: اخترنا لكم
 

‏اضبط لسانك بالحكي واحسن الظن
‏حتى مع العالم يزيد احترامك

‏ترا اللطافه والادب تعتبر فن
‏ألزم حدودك ترتفع في مقامك

.....

رد: اخترنا لكم
 

‏لو ان عند الناس بعض القناعه
‏ويمان بالمكتوب ماصارو ثنين

‏احدٍ من همومه يبي اليوم ساعه
‏واحدٍ من الفرحه يبي اليوم يومين

.....

رد: اخترنا لكم
 

خفـــــي عليا يا العيون الانيقه
ماجيت لك الا لك القلب مشتاق

ماشـــفت مثلك اي انثاء رقيقه
لاتضلمي قلبي بصدك والاحراق

وانا الذي حاسب لك احلا رفيقه
والقلب حقك مالكي كل الاذواق

راعي الاصاله والصفات العريقه
وساكنه في داخلي كــــل خفاق

لاتكثيرن الصد هاذ الحـــقيقه
ماطاق كلماتك لها القلب ماطاق

قلبي معاك العمر سالك طريقه
اترفقي فيني وزيدي تــــــرفاق.


.....

رد: اخترنا لكم
 

كيف طاوعك قلبك تــــفارق محبيك
واحنا الذي نشكي بقسوه غيابك

وانا الذي صارف ببحر الهوا شيك
والقلب يترقب بــــقوه جـــوابك

وان كنت زاعل قلنا وايش يرضيك
وان كنت غاثي جي وكثر عتابك

انت الذي تستاهل القلب يــفديك
با الله عاجل لا تزيــــــد غيابك

.....

رد: اخترنا لكم
 

‏إن غبت يبقى الشوق جالـس محلك
وإن جيت حل الحب في موقع الشوق

غـلاك عنـدي فــوق ولا أحـدٍ وصــلك
ولك منـزلٍ في القلب ماجـاه مخلـوق

.....

رد: اخترنا لكم
 

‏يابسمة الشوق يارمز الغلا السامي
ياأروع إحساس صادفني وحسيتـه

جاني خيالك يسوق الحب قـدامــي
واقبل بطيفك وعانـقني وضميته

.....

رد: اخترنا لكم
 

لو هو صحيح الاوادم تفهم الخافي
ما كان قال المثل والخافيات أعظم

أهم شي كلمتي والموقف الوافي
والناس تفهم مثل ما ودها تفهم

.....

رد: اخترنا لكم
 

‏كيف باكره قلبك اللي ملا روحي ضما
وانت اول شخص احبه وانا ما اقابله

ليتنا فالوصل نشبه للأرض وللسما
من خلقها الله تعالى وهي متّقابله

.....

رد: اخترنا لكم
 

مسائك ورد يا قلباً بعيد هناك
ومسائك شوق ولهفة وصالك

فداك الـخافق الي دوم يتمناك
عسى تمسي وانا يازين في بالك

.....

رد: اخترنا لكم
 

تلك العيون النَّاعِسات عذوبة
ومن المحاسن زِيـد في رمشيها

لكنها رُغم المــآسي لم تَـــدع
تلك المشــاعر أنّ تفوز عليها

.....

رد: اخترنا لكم
 

الصدر صندوق القلوب المغاليق
والقلب صندوق السدود الغميقة

لايدري بسدك يكــود المطـــاليق
اللي معك في كــل شدة وضيقة

.....

رد: اخترنا لكم
 

‏إياك لاتحزن ترى الرزق مضمون
ابذل سبب والله عليه التوافيق

اللي خلقك من العدم خالق الكون
هو الذي يرزقك في ساعة الضيق

ولا تكون أنسان بالوقت محزون
وانته تحت رحمة ولي المخاليق

أرفع مقامك فوق لاتتبع الهون
وخلك عشيرٍ للوجيه المطاليق

.....

رد: اخترنا لكم
 

‏عن ود غيرك شايمٍ شومة حرار
‏ولعاذلي حدب السيوف اسلّها

‏ما غير اقزرها بالاسم المستعار
‏وانت المبدا بالاسامي كلها

.....

رد: اخترنا لكم
 

‏ منــي مسـآء الخيـر والفل والــورد
‏ والحب والبسمه ونبـض التفــاؤل

‏ أدري بأن الـجـو مايـل إلى الـبــرد
‏ بــس المشـاعر دافـيـه بالتواصـل

.....

رد: اخترنا لكم
 

‏أشوف صورتك ودموعي تسابقني
‏و ياكثر ما جيت أبمسحها وأخليها

‏ فارقتني وضحكتك عيت تفارقني
‏ والله يقلع أبوالفرقا وطاريها

.....

رد: اخترنا لكم
 

‏ســلم على الوافي اللـــي نيته زرجه
‏اللي على الطيب و فعول الوفا دارب

‏ان غاب عـن صف ربعه بان له فرجه
‏له وقفــةٍ دون ربــعه كنـــه محارب

‏واليا حضر فالمجالس ما كثر هرجـه
‏واليا هرج هرجته تجمد على الشارب

.....

رد: اخترنا لكم
 

ترى يمرّ بصـــدر الانسان ضيقة
‏تأخذ بصدره يـوم يومين وتـروح

‏والمزح له وقت ومكان وطريـقة
‏بابه ماهو في كل الاوقات مفتوح

.....

رد: اخترنا لكم
 

‏لوهي حقيقة كل مطرود ملحوق
‏ما فاتـــنا شيٍ من اللـــي طردناه

‏نطرد وتبعـــدنا مسافات وفروق
‏وللـــي نريــده فاتنـــا ما لحقناه

.....

رد: اخترنا لكم
 

يوم شفت له خاطر مع غيري تركته
‏ماهي من عادتي أخلي بخاطره شي
‏
خالد الفيصل

رد: اخترنا لكم
 

عليك السلام ورحمة الله على الباقين
‏وعلي الرضا لا ميّل الشوق خفاقي

‏ياوجهٍ ماندري وش ترك للبشر من زين
‏خذا نصف زين الناس وأعطاهم الباقي

.....

رد: اخترنا لكم
 

‏يموت العذر ويموت العتب دام الغلط مرجوع
‏ويبقى الحُبّ مرسول السلام اللي يواسيني

‏تطمّن يا حبيبي لا تقول وصالنا ممنوع
‏وأنا في كل يوم ألقاك بين دعاي وآميني

‏تمادى فالطعون الخضر ما دام العتب مرفوع
‏ترا قلبي ملاذك لا نويّت تطيح من عيني

.....

رد: اخترنا لكم
 

‏ما ودي اشعر بتقصيري مع احبابي
‏مع انهم كلهم ما قصروا فيني

‏عاتبتهم لين ما ملوا من عتابي
‏وخلوني لحالي الله لا يخليني

.....